តំណាងរាស្ត្រ​បក្ស​សង្គ្រោះជាតិ​ស្នើ​ក្រសួង​មហាផ្ទៃ​ចាត់​វិធានការ​លើ​ជន​អន្តោ​ប្រវេសន៍​វៀតណាម​ខុសច្បាប់

អ្នកតំណាងរាស្ត្រ​​​១រូប​ប្រចាំ​មណ្ឌល​សៀមរាប បាន​​ផ្ញើ​លិខិត​ ទៅ​រដ្ឋ​មន្ត្រី​ក្រ​សួង​​មហាផ្ទៃ ដោយ​ស្នើសុំ​ឱ្យ​ចាត់​វិធានការ​ផ្លូវច្បាប់ ប្រឆាំង​និង​ជន​អន្តោប្រវេសន៍​វៀតណាម​ទាំងឡាយ​ណា​ដែល​ចូល​មក​រស់នៅ​ក្នុង​ប្រទេស​កម្ពុជា​ដោយ​ខុសច្បាប់។ អ្នក​តំណាងរាស្ត្រ​​គណបក្ស​សង្គ្រោះជាតិ ប្រចាំ​មណ្ឌល​សៀមរាប គឺ លោក អ៊ុំ សំអាន មាន​ប្រសាសន៍​កា​លពីថ្ងៃទី១២​ខែ​កុម្ភៈ​ថា កន្លងទៅ រូប​លោក​​និង​ក្រុម​ការងារ បាន​ចុះ​ទៅ​ពិនិត្យ​មើ​ល​​បឹងទន្លេសាប នៅ​តំបន់​ចុងឃ្នៀស ក្រុង​សៀមរាប។ លោក​មាន​ការ​ភ្ញាក់ផ្អើល​​​ដោយ​ឃើញ​ជនជាតិ​វៀតណាម ចូល​មក​រស់នៅ​ខុស​ច្បាប់​លើ​ផ្ទៃ​ទឹក​សន្ធឹកសន្ធាប់។ តំណាងរាស្ត្រ​រូប​នោះ អះអាង​ថា​វត្តមាន​​ជន​អន្តោប្រវេសន៍​វៀតណាម​ខុសច្បាប់ គឺ​កំពុង​ដណ្ដើម​ការងារ​ពី​ប្រជាពលរដ្ឋ​ខ្មែរ និង​ខ្លះ​ទៀត​​ប្រកប​របរ​ពេស្យាចារ ដែល​ធ្វើ​ប៉ះ​ពាល់​ដល់​ភាព​ថ្លៃថ្នូរ​នៃ​សង្គម​ខ្មែរ ព្រមទាំង​បញ្ហា​ជា​ច្រើន​ទៀត៖ «ទី៣​អំពើ​ចោរកម្ម​ភាគច្រើន​ជនជាតិ​យួន។ ជន​អន្តោប្រវេសន៍​ខុស​ច្បាប់​គាត់​ហាក់​មាន​អំណាច​មក​លើ អាជ្ញាធរ​ខ្មែរ​ប្រហែល​ជា​មាន​អ្នក​ការពារ​ពី​ក្រោយខ្នង ព្រោះ​មាន​សមាគម​យួន​នៅ​គ្រប់​២៥​ខេត្ត​ក្រុង»។

ក្រសួង​យុត្តិធម៌​ការពារ​ការចាប់​ឃុំខ្លួន​សកម្មជន​ដីធ្លី​និង​បក្សប្រឆាំង​ថា​ធ្វើ​តាម​ច្បាប់​​

ក្រសួង​យុត្តិធម៌​អះអាងថា ការចាប់ខ្លួន​សកម្មជន​ដីធ្លី និង​បក្សប្រឆាំង​ធ្វើឡើង​តាម​នីតិវិធី​ច្បាប់ ខណៈ​រង​ការរិះគន់​ថា ប្រព័ន្ធ​យុត្តិធម៌​ស្ថិត​ក្នុង​កណ្តាប់ដៃ​គណបក្សកាន់អំណាច ។​ ​ការអះអាង​នេះ​ធ្វើឡើង​នៅ​ចំពោះមុខ​គណៈកម្មាការ​ទី​៦ ផ្នែក​នីតិកម្ម និង​យុត្តិធម៌​នៃ រដ្ឋសភា​ដែល​ដឹកនាំ​ដោយ​លោក​ប៉ែន បញ្ញា បាន​ដឹកនាំ​ក្រុមការងារ​ចុះ​សួរដេញដោល​ផ្ទាល់មាត់ ជាមួយ​រដ្ឋមន្ត្រី​ក្រសួង​យុត្តិធម៌​លោក អង្គ វង្ស​វឌ្ឍនា នៅ​ថ្ងៃ​ព្រហស្បតិ៍​នេះ ។​ ​ក្រោយ​បញ្ចប់​ជំនួប​បិទទ្វារ​នេះ អ្នកនាំពាក្យ​ក្រសួង​យុត្តិធម៌ លោក ជិន ម៉ា​លីន ប្រាប់​អ្នកសារព័ត៌មាន​ថា រដ្ឋមន្ត្រីក្រសួង​យុត្តិធម៌​បញ្ជាក់​ប្រាប់​ក្រុម​អ្នកតំណាងរាស្ត្រ​ថា វិធានការ​ចាប់ខ្លួន​និង​ឃុំខ្លួន​សកម្មជន​ដីធ្លី និង​មន្ត្រី​បក្សប្រឆាំង​នា​ពេល​កន្លង​ទៅ​ធ្វើ​ឡើង​ស្របតាម​ច្បាប់​ព្រហ្មទណ្ឌ

ពលរដ្ឋ​មាន​ជម្លោះ​ដីធ្លី​ស្វែង​​រ​ក​អន្តរាគមន៍​ពី​ស្ថាប័ន​រដ្ឋ​ធំ​ពីរ

ជម្លោះ​ដីធ្លី និង​ភាព​អយុត្តិធម៌​ក្នុង​សង្គម​ធ្វើ​ឲ្យ​ពលរដ្ឋ​ជិត ៣០០​នាក់ មក​ពី ១៧​ខេត្ត និង​រាជធានី ដើរ​ហែ​ក្បួន​ដាក់​ញត្តិ​នៅ​ស្ថាប័ន​រដ្ឋាភិបាល​ធំ​ពីរ​ដើម្បី​ជួយ​អន្តរាគមន៍​នៅ​ថ្ងៃ​ទី​១១ ខែ​កុម្ភៈ នេះ។ ក្រោយ​ការ​ដាក់​ញត្តិ​នៅ​ក្រសួង​មហាផ្ទៃ និង​ក្រសួង​យុត្តិធម៌ ក្រុម​ពលរដ្ឋ​ដែល​មាន​ទាំង​ព្រះសង្ឃ​ផង​នោះ បាន​បំបែក​គ្នា​ដោយ​សន្តិវិធី និង​លើក​ឡើង​ថា នឹង​ស្វែង​រក​ការ​អន្តរាគមន៍​ពី​ស្ថាប័ន​ផ្សេងៗ​ទៀត ប្រសិន​ស្ថាប័ន​ទាំង​ពីរ​នេះ​ដោះស្រាយ​បញ្ហា​ពួកគេ​មិន​បាន។

ពលរដ្ឋ​មាន​ជម្លោះ​ដី​ធ្លី​មក​ពី​១៧​រាជធានី​ខេត្ត​ឡើង​មក​តវ៉ា​នៅ​មុខ​ក្រសួង​មហាផ្ទៃ

នៅ​ព្រឹក​ថ្ងៃ​ទី​១១ កុម្ភៈ តំណាង​ប្រជាពលរដ្ឋ​ប្រមាណ ៣០០​នាក់ មក​ពី ​១៧ រាជធានី​ខេត្ត​ទូទាំង​ប្រទេស នាំ​គ្នា​ជួបជុំ​នៅ​មុខ​ក្រសួង​មហាផ្ទៃ​ ដើម្បី​ដាក់​ញត្តិ​រួមគ្នា ទាមទារ​ឲ្យ​រដ្ឋាភិបាល​ជួយ​ដោះស្រាយ​បញ្ចប់​បញ្ហា​ដីធ្លី ការ​រំលោភ​បំពាន​សិទ្ធិ​លំនៅឋាន និង​ដោះលែង​សកម្មជន​ដីធ្លី​ពី​ពន្ធនាគារ។ ក្នុង​ពេល​ដាក់​ញត្តិ​នេះ ពុំ​មាន​ការ​រារាំង​ពី​សមត្ថកិច្ច​ទេ ដោយ​អនុញ្ញាត​ឲ្យ​តំណាង ​៥នាក់ ចូល​ក្នុង​ក្រសួង​មហាផ្ទៃ​ ដើម្បី​ដាក់​ញត្តិ។ បន្ទាប់​ពី​ដាក់​ញត្តិ​ដល់​ក្រសួង​មហាផ្ទៃ​រួច តំណាង​ប្រជាពលរដ្ឋ​មាន​បញ្ហា​ដី​ធ្លី​ទាំង​នោះ នឹង​បន្ត​ដំណើរ​ទៅ​ដាក់​ញត្តិ​នៅ​ក្រសួង​យុត្តិធម៌​ទៀត។

កម្ពុជា​នឹង​ពិនិត្យ​អត្តសញ្ញាណ​ជនភៀសខ្លួន​ម៉ុងតាញ៉ា​មក​ពី​វៀតណាម​៤​នាក់

ឧត្ដម​ស្នងការ​នៃ​អង្គការ​សហប្រជាជាតិ​ទទួល​បន្ទុក​ជនភៀសខ្លួន (UNHCR) កំពុង​រៀបចំ​ឯកសារ​តាម​ផ្លូវ​ច្បាប់​ដើម្បី​បញ្ជូន​ខ្លួន​ជនភៀសខ្លួន​ម៉ុងតាញ៉ា ៤​នាក់ ទៅ​ឲ្យ​ក្រសួង​មហាផ្ទៃ បន្ទាប់​ពី​ពួកគេ​បាន​ភៀស​ខ្លួន​ពី​វៀតណាម មក​ដល់​រាជធានី​ភ្នំពេញ។ ទន្ទឹម​គ្នា​នេះ មន្ត្រី​ជាន់​ខ្ពស់​នៃ​រដ្ឋាភិបាល​កម្ពុជា បញ្ជាក់​ថា នឹង​ពិនិត្យ​អត្តសញ្ញាណ​លើ​ជនភៀសខ្លួន​ម៉ុងតាញ៉ា ទាំង​នោះ នឹង​ត្រូវ​អនុវត្ត​ទៅ​តាម​ច្បាប់​ក្រោយ​កំណត់​អត្តសញ្ញាណ​រួច។ ជនភៀសខ្លួន​ម៉ុងតាញ៉ា ៤​នាក់ ដែល​ភៀសខ្លួន​មក​ដល់​កម្ពុជា រយៈពេល​ជិត​មួយ​ខែ​មក​ហើយ​នោះ នៅ​មិន​ទាន់​ដឹង​ថា នឹង​មាន​វាសនា​យ៉ាង​ណា​នោះ​ទេ។

​ពលរដ្ឋ​ខ្មែរ​៣​នាក់​ត្រូវ​ទាហាន​ថៃ​បាញ់​ស្លាប់​កាលពី​សប្ដាហ៍​មុន​​

អគ្គ​ស្នងដ្ឋាន​ការ​នគរបាលជាតិ​ឲ្យដឹងថា ប្រជា​ពលរដ្ឋ​ខ្មែរ​៣​នាក់​ត្រូវបាន​ទាហាន​ការពារ​ព្រំដែន​ថៃ​បាញ់​ស្លាប់ និង​ម្នាក់​ទៀត​រងរបួស​ធ្ងន់ កាលពី​សប្ដាហ៍​មុន នៅពេលដែល​ពួកគេ​បាន​ឆ្លង​ដែន​ចូល​ទៅ​កាប់​ឈើ​គ្រញូង​ក្នុង​ទឹកដី​ថៃ តាម​ច្រក​តំណាក់​ទឹក ក្នុង​ភូមិសាស្ត្រ​អានសេះ ស្រុក​ជាំ​ក្សាន្ត ខេត្ត​ព្រះវិហារ ។​ ​យោងតាម​គេហទំព័រ​របស់​អគ្គស្ន​ង​ការដ្ឋាន​នគរបាល​ជាតិ​បាន​ចេញផ្សាយ​នៅ​ថ្ងៃ​ទី​១០ ខែ​កុម្ភៈ ដោយ​ដកស្រង់​សម្តី​ប្រធាន​នាយកដ្ឋាន​កណ្តាល​ព្រំដែន លោក ហ៊ូ សា​គុណ ដែល​មាន​ប្រសាសន៍​យោងតាម​សម្ដី​ជនរងគ្រោះ​ឲ្យដឹង​ថា កាលពី​ថ្ងៃ​ទី​២ ខែ​កុម្ភៈ ប្រជា​ពលរដ្ឋ​ខ្មែរ​មួយ​ក្រុម​បាន​ឆ្លងដែន​ទៅ​ប្រទេស​ថៃ ដើម្បី​កាប់​ឈើ​គ្រញូង​ក្នុងស្រុក​ណាំ​យឺន ខេត្តឧ​ប៊ុន ។ នៅ​ថ្ងៃ​ទី​០៥ ខែ​កុម្ភៈ ទាហាន​ថៃ​បាន​ប្រទះឃើញ និង​បាន​បាញ់​ទៅលើ​ប្រជាពលរដ្ឋ​កម្ពុជា​ទាំងនោះ ដែល​បណ្ដាល​ឲ្យ​បី​នាក់​ស្លាប់ និង​ម្នាក់​ទៀត​រងរបួស​ធ្ងន់ ។​

ពលរដ្ឋ​មាន​ជម្លោះ​ដីធ្លី​មកពី​១៧​រាជធានី​ខេត្ត​ស្វែងរក​អន្តរាគមន៍​ពី​ក្រសួង​ពាក់ព័ន្ធ​​

ប្រជាពលរដ្ឋ​មាន​ជម្លោះ​ដីធ្លី​មកពី​១៧​រាជធានី​ខេត្ត​មាន​គ្នា​ប្រមាណ​៣០០​នាក់​នៅ​ព្រឹក​ថ្ងៃ​ពុធ​ជំរុញ​ឲ្យ​ក្រសួង និង​ស្ថាប័ន​ពាក់ព័ន្ធ​អន្តរា​គមន៍​ទៅ​អាជ្ញាធរ​មូលដ្ឋាន​បញ្ឈប់​សកម្មភាព​រំលោភ​បំពាន​ដីធ្លី និង​បញ្ឈប់​ការចាប់​ប្រជាពលរដ្ឋ​ដាក់ពន្ធនាគារ ។​ ​ការជំរុញ​នេះ​ធ្វើឡើង​តាមរយៈ​ការដាក់​ញត្តិ​ទៅ​កាន់​ក្រសួង​មហាផ្ទៃ និង​ក្រសួង​យុត្តិធម៌ ដើម្បី​ស្នើ​ឲ្យ​ក្រសួង​ទាំង​ពីរ​នេះ​ជួយ​អន្តរាគមន៍​ទៅ​លើ​ករណី​ជម្លោះដីធ្លី​នានា​នៅ​ទូទាំង​ប្រទេស ។​ ​ប្រជាពលរដ្ឋ​មក​ពី​សហគម​ន៏​បឹងកក់ បុរី​កីឡា ថ្មគោល ទួល​សង្កែ ផ្លូវ​រថភ្លើង និង​សហគម​ន៏​ជាច្រើន​ទៀត​ក្នុង​រាជធានី​ភ្នំពេញ រួម​នឹង​សហគមន៍​មកពី​បណ្តា​ខេត្ត​ចំនួន​១៦ សរុប​ប្រមាណ​៣០០​នាក់​បាន​នាំគ្នា​ជួបជុំគ្នា​មុខ​ក្រសួង​មហាផ្ទៃ​នៅ​ព្រឹក​ថ្ងៃ​ពុធ​នេះ ដើម្បី​ដាក់​ញត្តិ ស្នើឲ្យ​ជួយ​អន្តរាគមន៍បញ្ឈ​ប់កា​ររំលោភបំពាន​ដីធ្លី​នៅ​ទូទាំង​ប្រទេស បញ្ឈប់​ការចាប់​ប្រជាពលរដ្ឋ និង​សកម្មជន​ដីធ្លី​ដាក់ពន្ធនាគារ ។​

​អ្នក​មាន​ជម្លោះ​ដីធ្លី​រិះគន់​ពី​ការអនុវត្ត​ច្បាប់​ខុស​គ្នា​រវាង​ពួកគេ​និង​ករណី​ថោង​សារ៉ាត់​​

អ្នក​មាន​ជម្លោះ​ដីធ្លី​មកពី​១៧​ខេត្ត និង​រាជធានី​ជំរុញ​ក្រសួងយុត្តិធម៌ ពិនិត្យ​មើល​ពី​ការអនុវត្ត​ច្បាប់ បែប​ស្តង់ដា​ពី​រ ដោយសារ​តុលាការ​នៅតែ​ឃុំខ្លួន​សកម្មជន​ដីធ្លី ដែល​ពួកគេ​អះអាងថា​គ្មាន​កំហុស ប៉ុន្តែ​តុលាការ​ដដែល​នេះ​បែរជា​ដោះលែង​ឪពុកម្តាយ​ឧកញ៉ា ថោង សារ៉ាត់ ដែល​មាន​កំណើត​ជា​វៀតណាម ។​ ​ការជំរុញ​នេះ​ធ្វើឡើង​ក្នុង​យុទ្ធនាការ​ដើរ​ហែរ​ក្បួន​មួយ​ក្នុង​រាជធានី​ភ្នំពេញ នា​ថ្ងៃ​ទី​១១ ខែ​កុម្ភៈ ឆ្នាំ​២០១៥​នេះ មាន​អ្នកចូលរួម​ប្រមាណ​ជា​៣០០​នាក់ មកពី​១៧​ខេត្ត​និង​រាជធានី ក្នុង​បំណង​ជំរុញ​ឲ្យ​ក្រសួង​មហាផ្ទៃ ក្រសួង​យុត្តិធម៌ សាលាឧទ្ធរណ៍ និង​តុលាការ​កំពូល អន្តរាគមន៍​បញ្ឈប់​ការរំលោភ​យក​ដី​ពលរដ្ឋ​នៅ​តាម​ខេត្ត​នានា និង​ដោះលែង​សកម្មជន​ដីធ្លី​១០​នាក់ ដែល​ពួកគេ​អះអាង​ថា​មិន​មាន​កំហុស​នោះ ។​

កម្ពុជា​នឹង​ពិនិត្យ​អត្តសញ្ញាណ​ជនភៀសខ្លួន​ម៉ុងតាញ៉ា​មក​ពី​វៀតណាម​៤​នាក់

ឧត្ដម​ស្នងការ​នៃ​អង្គការ​សហប្រជាជាតិ​ទទួល​បន្ទុក​ជនភៀសខ្លួន (UNHCR) កំពុង​រៀបចំ​ឯកសារ​តាម​ផ្លូវ​ច្បាប់​ដើម្បី​បញ្ជូន​ខ្លួន​ជនភៀសខ្លួន​ម៉ុងតាញ៉ា ៤​នាក់ ទៅ​ឲ្យ​ក្រសួង​មហាផ្ទៃ បន្ទាប់​ពី​ពួកគេ​បាន​ភៀស​ខ្លួន​ពី​វៀតណាម មក​ដល់​រាជធានី​ភ្នំពេញ។ ទន្ទឹម​គ្នា​នេះ មន្ត្រី​ជាន់​ខ្ពស់​នៃ​រដ្ឋាភិបាល​កម្ពុជា បញ្ជាក់​ថា នឹង​ពិនិត្យ​អត្តសញ្ញាណ​លើ​ជនភៀសខ្លួន​ម៉ុងតាញ៉ា ទាំង​នោះ នឹង​ត្រូវ​អនុវត្ត​ទៅ​តាម​ច្បាប់​ក្រោយ​កំណត់​អត្តសញ្ញាណ​រួច។ ជនភៀសខ្លួន​ម៉ុងតាញ៉ា ៤​នាក់ ដែល​ភៀសខ្លួន​មក​ដល់​កម្ពុជា រយៈពេល​ជិត​មួយ​ខែ​មក​ហើយ​នោះ នៅ​មិន​ទាន់​ដឹង​ថា នឹង​មាន​វាសនា​យ៉ាង​ណា​នោះ​ទេ។

អង្គការ​សិទ្ធិ​មនុស្ស​ជំរុញ​ឱ្យ​សមត្ថកិច្ច​បន្ត​ស៊ើប​អង្កេត​ករណី​​ប៉ុនប៉ង​សម្លាប់​សកម្មជន​បក្ស​ប្រឆាំង

ប៉ូលិស​នៃ​អធិការដ្ឋាន​ស្រុក​សូទ្រនិគម បាន​បើក​ការ​ស៊ើប​អង្កេត​រយៈពេល ៤​ថ្ងៃ​ហើយ​ទៅ​លើ​ករណី​ដែល​ជន​មិន​ស្គាល់​មុខ​លួច​បង្កៃ​គ្រាប់បែក​លើ​ទូក​សកម្មជន​នៃ​គណបក្ស​សង្គ្រោះ​ជាតិ នៅ​​ភូមិ​យាងទេស ឃុំ​ខ្ចាស់ ក៏ប៉ុន្តែ​កិច្ចការ​នោះ នៅ​មិន​ទាន់​រក​ឃើញ​ពន្លឺ​នៃ​ជនសង្ស័យ​ណា​មួយ​នៅ​ឡើយ។ ប៉ូលិស​មូលដ្ឋាន​ហាក់​បង្ហាញ​ពី​សមត្ថភាព​ជំនាញ​របស់​ខ្លួន​មិន​គ្រប់គ្រាន់​នៅ​ក្នុង​នីតិវិធី​នៃ​ការ​ស៊ើប​អង្កេត​នោះ។ អង្គការ​សិទ្ធិ​មនុស្ស​ក្រៅ​រដ្ឋាភិបាល និង​សកម្មជន​គណបក្ស​សង្គ្រោះ​ជាតិ ខេត្ត​សៀមរាប កំពុង​ជំរុញ​ឱ្យ​សមត្ថកិច្ច​ក្នុង​ខេត្ត​នេះ ត្រូវតែ​ស៊ើប​អង្កេត​លើ​ករណី​ដែល​ជន​មិន​ស្គាល់​មុខ​លួច​ដាក់​បង្កៃ​គ្រាប់​បែក​លើ​ទូក​របស់​សកម្មជន​បក្ស​ប្រឆាំង​ត​ទៅ​ទៀត កុំ​ឱ្យ​បោះបង់​ចោល​ដោយ​ងាយៗ។

​ពលរដ្ឋ​មាន​ជម្លោះ​ជាមួយ​ក្រុមហ៊ុន​នៅ​កោះកុង​ប្តេជ្ញា​ស្លាប់​នៅនឹងកន្លែង​​

ប្រជាពលរដ្ឋ​មាន​ជម្លោះ​ជាមួយ​ក្រុមហ៊ុន​ចិន​ឈ្មោះ Union Development Group Co.,LTD (UDG)​នៅ​ភូមិ​ព្រែ​ស្មាច់ ឃុំ​កោះ​ស្តេច ស្រុក​គិរីសាគរ​ខេត្ត​កោះកុង ប្តេជ្ញា​តតាំង​រហូត​ស្លាប់​នៅ​និង​កន្លែង​បើ​មាន​ការបណ្តេញ​នៅពេល​ឆាប់ៗ​មែន​នោះ ។​ ការប្រកាស​របស់​ប្រជាពលរដ្ឋ​នេះ​ធ្វើឡើងបន្ទាប់​ពី​តុលាការ​ខេត្ត​កោះកុង ចេញ​ដីកា​សេចក្តីសម្រេច​កាលពី​ថ្ងៃ​ទី​០២ ខែ​កុម្ភៈ ការពារ​ដី​ដែល​ពួកគាត់​កំពុង​រស់នៅ​នោះ​ថា ជា​ដី​កម្មសិទ្ធិ​របស់​ក្រុមហ៊ុន Union Development ហើយ​ប្រជាពលរដ្ឋ​មិន​អាច​ចាត់ចែង ឬ​លក់ដូរ​ដី​នោះ​បាន​ទេ ។ ក្រោយ​ការសម្រេច​ដីកា​នេះ ប្រជាពលរដ្ឋ​បារម្ភ​ថា ពួកគាត់​នឹង​ត្រូវ​បណ្តេញ​ចេញ​នៅ​ពេល​ឆាប់ៗ​ខាងមុខនេះ ។​ ​តំណាង​ប្រជាពលរដ្ឋ​ដែល​កំពុង​មាន​ជម្លោះ​នៅ​ភូមិ​ព្រែក​ស្មាច់​លោក ស៊ឹម គឹម​សាន បានឲ្យដឹងថា ពេលនេះ ពួកគាត់​កំពុង​ស្វែងរក​កិច្ច​អន្តរាគមន៍​អង្គការ​សង្គម​ស៊ីវិល ។ លោក​បន្តថា លោក​ធ្លាប់​ស្វែងរក​កិច្ច​អន្តរាគមន៍​ពី​អភិបាលខេត្ត រដ្ឋសភា និង​ព្រឹទ្ធសភា តែ​មិន​ទទួលបាន​ផល​ទេ ហើយ​ពលរដ្ឋ​ចង់​សុំ​កិច្ច​អន្តរាគមន៍​ពី​លោក​នាយករដ្ឋមន្ត្រី ហ៊ុន សែន ដែរ​តែ​មិនដឹង​ទៅ​តាម​មធ្យោបាយ​ណា ។​

HRW អំពាវនាវឲ្យរដ្ឋាភិបាលកម្ពុជាគោរពកាតព្វកិច្ចអន្តរជាតិក្នុងការជួយជនភៀសខ្លួនវៀតណាម

អង្គការសិទ្ធិមនុស្សអន្តរជាតិមួយដែលមានមូលដ្ឋាននៅសហរដ្ឋអាមេរិក បានអំពាវនាវឲ្យប្រទេសកម្ពុជាគោរពតាមកាតព្វកិច្ចអន្តរជាតិ ក្នុងការផ្ដល់សិទ្ធិជ្រកកោនដល់ជនភៀសខ្លួនវៀតណាម ដែលត្រូវបានគេរាយការណ៍ថា បានស្វែងរកសិទ្ធិជ្រកកោនដោយសារមានការធ្វើទុក្ខបុកម្នេញផ្នែកសាសនា ។ សេចក្ដីថ្លែងការណ៍របស់អង្គការឃ្លាំមើលសិទ្ធិមនុស្ស (Human Rights Watch) ចេញថ្ងៃទី៨ ខែកុម្ភៈ ឆ្នាំ២០១៥ បានលើកឡើងថា កាលពីថ្ងៃទី៤ ខែកុម្ភៈ មន្ត្រីរដ្ឋាភិបាលក្នុងខេត្តរតនគិរីបានប្រកាសថា ក្រុមគ្រួសារជនជាតិវៀតណាមមួយមានគ្នា៥នាក់ដែលត្រូវបានគេរាយការណ៍ថា បានរងការធ្វើទុក្ខបុកម្នេញផ្នែកសាសនា ត្រូវបានបញ្ជូនខ្លួនទៅកាន់ប្រទេសវៀតណាមវិញ ។ សេចក្ដីថ្លែងការណ៍បានស្នើឲ្យរដ្ឋាភិបាលកម្ពុជាគោរពតាមកាតព្វកិច្ចអន្តរជាតិ និងមិនត្រូវបញ្ជូនពួកគេត្រឡប់ទៅប្រទេសដែលពួកគេរងការធ្វើទុក្ខបុកម្នេញនោះទេ ។

​សង្គម​ស៊ីវិល​គាំទ្រ​ទាំង​ប្រយ័ត្នប្រយែង​ពី​វិធានការ​កំណែទម្រង់​មន្ត្រីរាជការ​ស៊ីវិល​​

អង្គការ​សង្គម​ស៊ីវិល បង្ហាញ​ការយល់ឃើញ​ប្រហាក់ប្រហែល​គ្នា​ថា ដើម្បីឲ្យ​វិធានការ​ធ្វើ​កំណែទម្រង់​មន្ត្រីរាជកា​រមាន​ប្រសិទ្ធភាព លុះណាតែ​រដ្ឋាភិបាល​ហ៊ាន​វះកាត់​លើ​មន្ត្រីជាន់ខ្ពស់​របស់​ខ្លួន​មួយចំនួន​ដែល​ពួកគេ​យល់ថា ពុករលួយ និង​បក្ខពួក​និយម​។​ ​ការជំរុញ​របស់​សង្គម​ស៊ីវិល​នេះ​ធ្វើឡើង​បន្ទាប់​ពី ក្រសួង​មហាផ្ទៃ​កាលពី​ថ្ងៃ​ទី​០៥​ខែ​កុម្ភៈ​ឆ្នាំ​២០១៥​បាន​ប្រកាស​ថា​តាម​ព្រះរាជកិច្ច​ថ្មី​មន្ត្រីរាជការ​ស៊ីវិល​ម្នាក់ៗ​កាន់​មុខតំណែង​បាន​តែ​មួយ​ប៉ុណ្ណោះ​ក្នុង​ចំណោម​តំណែង របស់​ពួកគេ​បច្ចុប្បន្ន ដើម្បី​ទុក​ឱកាស​ឲ្យ​មន្ត្រី​ផ្សេង​ទៀត​បាន​កាន់​តំណែង​មួយ​ផង​ដែរ​។​ ​ប្រធាន​សមាគម​មន្ត្រីរាជការ​ឯករាជ្យ​កម្ពុជា លោក កៅ ពឿ​ន លើកឡើងថា លោក​ស្វាគមន៍​វិធានការ​នេះ​។​ប៉ុន្តែ​លោក​ថា រដ្ឋាភិបាល​គួរ​ចាត់​វិធានការ​នេះ​យូរណាស់​មកហើយ ដើម្បី​ពង្រឹង​គុណភាព​ការងារ​ក្នុង​ស្ថាប័នរដ្ឋ និង​ទប់ស្កាត់​ការចំណាយ​ថវិកាជាតិ​ខ្ជះខ្ជាយ ប្រយោជន៍​តែ​បក្សពួក​និង​គ្រួសារនិយម​។​

ម៉ុងតាញ៉ា​វៀតណាម​៤​នាក់​គេច​ពី​សមត្ថកិច្ច​ខេត្ត​រតនគិរី​មក​ដល់​ភ្នំពេញ

អ្នក​ស្វែង​រក​សិទ្ធិ​ជនភៀសខ្លួន​ម៉ុងតាញ៉ា មក​ពី​វៀតណាម ៤​នាក់ ដែល​ខំ​លាក់​ខ្លួន​ក្នុង​ព្រៃ​នៅ​ខេត្ត​រតនគិរី ជាង ២០​ថ្ងៃ​មក​ហើយ​នោះ បាន​ព្យាយាម​បន្លំ​ខ្លួន​គេច​ពី​សមត្ថកិច្ច​ខេត្ត​ធ្វើ​ដំណើរ​មក​រាជធានី​ភ្នំពេញ ដើម្បី​ស្វែង​រក​សិទ្ធិ​ជនភៀសខ្លួន​ពី​អង្គការ​សហប្រជាជាតិ (UN)។ ក្រុម​ម៉ុងតាញ៉ា ៤​នាក់ បាន​ធ្វើ​ដំណើរ​មក​ដល់​ភ្នំពេញ​ហើយ កាល​ពី​ថ្ងៃ​អាទិត្យ ទី​៨ កុម្ភៈ ដើម្បី​សុំ​ឲ្យ​មន្ត្រី​អង្គការ​សហប្រជាជាតិ ផ្ដល់​សិទ្ធិ​ជ្រកកោន​ជា​ជនភៀសខ្លួន។ ពួកគេ​រត់​គេច​ចេញ​ពី​ប្រទេស​វៀតណាម ដោយសារ​រង​ការ​ធ្វើ​បាប​លើ​ជំនឿ​សាសនា។ អ្នក​សម្របសម្រួល​អង្គការ​សិទ្ធិមនុស្ស​អាដហុក (Adhoc) ប្រចាំ​ខេត្ត​រតនគិរី លោក ឆាយ ធី មាន​ប្រសាសន៍​ថា ក្រុម​ម៉ុងតាញ៉ា​វៀតណាម ៤​នាក់ ក្នុង​ចំណោម ៩​នាក់ ដែល​បាន​លួច​​ឆ្លង​ដែន​ចូល​មក​ក្នុង​ទឹក​ដី​ខ្មែរ ខេត្ត​រតនគិរី កាល​ពី​ថ្ងៃ​ទី​១៧ មករា កន្លង​ទៅ ធ្វើ​ដំណើរ​មក​ដល់​ភ្នំពេញ ដោយ​សុវត្ថិភាព។ ប្រភព​ពី​ពលរដ្ឋ​ម្នាក់​ដែល​បាន​រាយការណ៍​ឲ្យ​លោក បញ្ជាក់​ថា អ្នក​ទាំង ៤​នោះ មាន​បំណង​ទៅ​បង្ហាញ​ខ្លួន​នៅ​មុខ​អង្គការ​សហប្រជាជាតិ ដើម្បី​ស្នើ​សុំ​សិទ្ធិ​ជ្រកកោន​ជា​ជនភៀសខ្លួន៖ «ទទួល​ព័ត៌មាន​ខ្លី​ថា ពួកគាត់​មក​​ដល់​ភ្នំពេញ​ហើយ កំពុង​តែ​រង់ចាំ​ការ​ទទួល​យក​ពី​អង្គការ យូ.អិន»។

រដ្ឋមន្ត្រី​ក្រសួង​កសិកម្ម​សន្យា​ដោះស្រាយ​ជម្លោះ​ដីធ្លី​ជូន​ជនជាតិដើម​ភាគ​តិចគួយ​នៅ​ឃុំ​ប្រ​មេរ ខេត្ត​ព្រះវិហារ​​

អភិបាល​ខណ្ឌ​ជ្រោយចង្វារ​សន្យា​រក​ដំណោះស្រាយ​បញ្ហា​ដី​លើ​គម្រោង​ទីក្រុង​រណប

អភិបាល​ខណ្ឌ​ជ្រោយចង្វារ សន្យា​ដោះស្រាយ​ជម្លោះ​ដី​រវាង​ប្រជាពលរដ្ឋ​មក​ពី ៣​សង្កាត់ ក្នុង​ខណ្ឌ​ជ្រោយចង្វារ និង​ក្រុមហ៊ុន អូ.ស៊ី.អាយ.ស៊ី (OCIC) របស់​លោក​ឧកញ៉ា ពុង ខៀវសែ ដែល​ជា​ម្ចាស់​គម្រោង​ក្រុង​រណប​នៅ​តំបន់​នោះ​ឲ្យ​ចប់​នៅ​ក្នុង​ឆ្នាំ​២០១៥​នេះ។ ប៉ុន្តែ​ប្រជាពលរដ្ឋ និង​មន្ត្រី​សង្គម​ស៊ីវិល​ដែល​ឃ្លាំមើល​រឿង​នេះ​ហាក់​មិន​ទាន់​ជឿជាក់​លើ​លទ្ធភាព​នេះ​នៅ​ឡើយ ព្រោះ​បញ្ហា​ការ​កំណត់​តម្លៃ​សំណង​ផល​ប៉ះពាល់​នៅ​ខុស​គ្នា​ឆ្ងាយ​នៅ​ឡើយ។ អាជ្ញាធរ​ខណ្ឌ​ជ្រោយចង្វារ រាជធានី​ភ្នំពេញ បង្ហាញ​ទិសដៅ​គម្រោង​អភិវឌ្ឍន៍​ក្រុង​រណប​នៅ​ក្នុង​ខណ្ឌ​នេះ និង​យុទ្ធសាស្ត្រ​ដោះស្រាយ​ជម្លោះ​ផល​ប៉ះពាល់​រវាង​ប្រជាពលរដ្ឋ និង​ម្ចាស់​គម្រោង។

អភិបាល​ខណ្ឌ​ជ្រោយចង្វារ​សន្យា​រក​ដំណោះស្រាយ​បញ្ហា​ដី​លើ​គម្រោង​ទីក្រុង​រណប

អភិបាល​ខណ្ឌ​ជ្រោយចង្វារ សន្យា​ដោះស្រាយ​ជម្លោះ​ដី រវាង​ប្រជា​ពលរដ្ឋ​មក​ពី​៣សង្កាត់ ក្នុង​ខណ្ឌ​ជ្រោយចង្វារ និង​ក្រុមហ៊ុន​អូស៊ីអាយស៊ី (OCIC) របស់​លោក​ឧកញ៉ា ពុង ខៀវសែ ដែល​ជា​ម្ចាស់​មជ្ឈមណ្ឌល​តាំង​ពិព័រណ៍​កោះពេជ្រ។ នៅ​ព្រឹក​ថ្ងៃ​ទី ៩ កុម្ភៈ ពលរដ្ឋ​ប្រមាណ​១០០​នាក់​មក​ពី​៣​សង្កាត់ គឺ​សង្កាត់​ជ្រោយចង្វារ សង្កាត់​ព្រែកលាភ និង​សង្កាត់​ព្រែក​តាសេក បាន​តវ៉ា​នឹង​ក្រុមហ៊ុន​អូស៊ីអាយស៊ី ដែល​លើក​ផ្លាក​គម្រោង​អភិវឌ្ឍន៍​ទីក្រុង​រណប​ជ្រោយចង្វារ ដោយ​ប៉ះ​ចំ​និង​ដី​របស់​ពលរដ្ឋ​ទាំង​នោះ។ ពលរដ្ឋ​អះអាង​ថា ក្រុមហ៊ុន​នេះ​ពុំ​ទាន់​ដោះស្រាយ និង​ឯកភាព​ពី​ពលរដ្ឋ​រស់​នៅ​ក្នុង​ទីតាំង​នោះ​នៅ​ឡើយ​ទេ។ ទោះជា​យ៉ាងណា​ក៏​ដោយ អភិបាល​ខណ្ឌ​ជ្រោយចង្វារ លោក ឃ្លាំង ហួត ក៏​បាន​ចុះ​សម្របសម្រួល កុំ​ឲ្យ​ពលរដ្ឋ​តវ៉ា ដោយ​លោក​សន្យា​ថា នឹង​ជួយ​ដោះស្រាយ ស្វែង​រក​សំណង​ពី​ក្រុមហ៊ុន។ តែ​សំណង​ប៉ុណ្ណា​នោះ នៅ​មិន​ទាន់​បង្ហាញ​ទេ ល្គឹកណា​អ្នក​ជំនាញ​សិក្សា និង​បង្ហាញ​ពី​ផល​ប៉ះពាល់​កម្រិត​ណា។

ថៃ​មិន​ទាន់​ប្រាប់​កម្ពុជា​ពី​អត្តសញ្ញាណ​សាកសព​ដែល​ទាហាន​ថៃ​បាញ់​សម្លាប់​នឹង​ដុត​សព​ចោល​នោះទេ​​

អាជ្ញាធរ​ថៃ​នៅ​មិនទាន់​បំភ្លឺ​ជា​ផ្លូវការ មក​កម្ពុជា​វិញ​ពី​ព័ត៌មាន​ដែល​សង្ស័យ​ថា មាន​ពលរដ្ឋ​ខ្មែរ​យ៉ាង​តិច​ពីរ​នាក់​ត្រូវ​ទាហាន​ឈុតខ្មៅ​ថៃ​បាញ់​សម្លាប់ កាលពី​ជាង​មួយ​ខែ​មុន ខណៈ​ពួកគេ​ចូល​ទៅ​រក​ការងារ​ធ្វើ​នោះ នៅឡើយ​ទេ ។​ ​កាល​ទី​ថ្ងៃទី​៧ ខែ​មករា ឆ្នាំ​២០១៥ ព័ត៌មាន​ក្នុងស្រុក​មួយ​ចំនួន​បាន​ចុះផ្សាយ​ថា យ៉ាងហោច​ណាស់​ពលករ​ខ្មែរ​ចំនួន​២​នាក់ ត្រូវបាន​ទាហាន​ឈុតខ្មៅ​ថៃ​បាញ់សម្លាប់ និង​ដុត​សាកសព​នៅ​ស្រុក​ខ្លង​ហាត ខេត្ត​ស្រះកែវ ប្រទេស​ថៃ ។​ ​ក្រោយ​មក​កម្ពុជា​បាន​ស្នើ​ឲ្យ​មន្ត្រី​ស្ថានទូត​កម្ពុជា​ប្រចាំ​ប្រទេស​ថៃ​បើក​ការស៊ើបអង្កេត​ករណីនេះ ដោយ​សហការ​ជាមួយ​អាជ្ញាធរ​ថៃ ដើម្បី​ស្វែងរក​ការពិត​ជុំវិញ​ព័ត៌មាន​ដែល​បាន​បែកធ្លាយ​នោះ ។​

​ក្រុម​សង្គម​ស៊ីវិល​ថ្កោលទោស​ក្រុមហ៊ុន​ចិន​នៅ​ខេត្ត​កោះកុង​ដែល​ប្រើ​ហិង្សា​លើ​សកម្មជន​ដីធ្លី​​

ក្រុម​អង្គការ​សង្គម​ស៊ីវិល​ថ្កោលទោស​ក្រុមហ៊ុន​ចិន​ឈ្មោះ Union Development Group Co.,LTD (UDG) ដែល​បាន​ប្រើ​ហិង្សា​ម្តង​ហើយ​ម្តង​ទៀត​ទៅលើ​ប្រជាពលរដ្ឋ​រង​ផលប៉ះពាល់​ដោយ​គម្រោង​អភិវឌ្ឍន៍​នៅ​ក្នុង​ស្រុក​បូ​ទុម​សាគរ ខេត្ត​កោះកុង អំឡុង​ឆ្នាំ​២០១៤-២០១៥​នេះ ​។​ សង្គម​ស៊ីវិល​ទាំងនោះ​រួមមាន សមាគម​ការពារ​សិទ្ធិមនុស្ស​អាដហុក​ (ADHOC) គណៈកម្មាធិការ​ប្រព្រឹត្ត​កម្ម នៃ​សមាគមន៍​ការពារ​សិទ្ធិមនុស្ស​នៅ​កម្ពុជា​(CHRC) អង្គការ​លីកាដូ (LIADHO) និង​អង្គការ NGO Forum ​។​ តាម​របាយការណ៍​ដែល​VOD​ទទួលបាន​ពី​ក្រុម​សង្គម​ស៊ីវិល​នៅ​ថ្ងៃ​សៅរ៍​នេះ​ឲ្យដឹងថា នៅ​អំឡុង​ឆ្នាំ​២០១៤ ​ដល់​២០១៥ តំណាង​ក្រុមហ៊ុន UDG បាន​ដឹកនាំ​កង​សន្តិសុខ​ក្រុមហ៊ុន កម្មករ និង​គ្រឿងចក្រ​ទៅ​រុះរើ និង​ដុត​លំនៅឋាន រោងស្នាក់នៅ​ចាំ​ស្រែ ចំការ របស់​ប្រជាពលរដ្ឋ​ដែល​ទាមទារ​ឲ្យ​ធ្វៀ​ល​ដី​កម្មសិទ្ធិ​របស់​ពួក​គាត់​ចេញ​ពី​ក្រុមហ៊ុន​ចំនួន​៤​លើក​ធំៗ​ ។​

CCHR គ្រោង​បញ្ចាំង​វីដេអូ​ឯកសារ​ស្ដីពី​ស្ថានភាព​រំលោភ​សិទ្ធិ​មនុស្ស​និង​បញ្ហា​ដីធ្លី

មជ្ឈមណ្ឌល​សិទ្ធិ​មនុស្ស​កម្ពុជា នឹង​ដាក់​បញ្ចាំង​ វីដេអូ​ឯកសារ​មួយ​បង្ហាញ​ពី​ស្ថានភាព​រំលោភ​សិទ្ធិ​មនុស្ស និង​បញ្ហា​ដីធ្លី​​ដ៏​ចម្រូងចម្រាស​នៅ​កម្ពុជា។ វីដេអូ​ឯកសារ​ថ្មី​នេះ​ត្រូវ​សកម្មជន​ការពារ​សិទ្ធិ​ដីធ្លី​ចាត់​ទុក​ជា​កញ្ចក់​ឆ្លុះ​បញ្ចាំង​ពី​ស្ថានភាព​ពិត។ វីដេអូ​ឯកសារ​ក្រោម​ចំណង​ជើង​ថា "សិទ្ធិ​អ្នក​ដទៃ" ដែល​ផលិត​ដោយ​អង្គការ​ពិភពលោក ប្រឆាំង​នឹង​ការ​ធ្វើ​ទារុណកម្ម នឹង​ត្រូវ​បញ្ចាំង​នៅ​មជ្ឈមណ្ឌល​វប្បធម៌​អាល្លឺម៉ង់​-កម្ពុជា ឬ​ផ្ទះ​មេត្តា (Meta House) នៅ​ថ្ងៃ​ទី​៨ ខែ​កុម្ភៈ ចាប់​ពី​ម៉ោង​៧ ដល់ ៨​កន្លះ​យប់។