កំពុងស្វែងរកទិន្នន័យ
រកឃើញ: 13.090
-
អ្នកវិភាគ៖ ច្បាប់ទូរគមនាគមន៍ថ្មីបង្កការភ័យខ្លាចនិងព្រួយបារម្ភ
វ៉ាស៊ីនតោន—សេចក្តីព្រាងច្បាប់ទូរគមនាគមន៍ថ្មីកំពុងតែបង្កការព្រួយបារម្ភនៅក្នុងមជ្ឈដ្ឋានសង្គមស៊ីវិលនិងអ្នកប្រើប្រាស់ថានឹងកាន់តែធ្វើឱ្យលំហរសេរីភាពដែលតូចចង្អៀតស្រាប់និងមានតែបន្តិចបន្តួចនៅពេលបច្ចុប្បន្នកាន់តែរួមតូចទៀត។
-
សង្គមស៊ីវិលចង់ឲ្យមានសមភាពយេនឌ័រសម្រាប់បេក្ខជនឈរឈ្មោះបោះឆ្នោតតំណាងរាស្ត្រ
សង្គមស៊ីវិលធ្វើការផ្តោតលើស្ត្រី ស្នើគណបក្សឈ្នះឆ្នោតទាំងពីរ ដាក់ប្រព័ន្ធឆ្លាស់ឈ្មោះបេក្ខជនឈរឈ្មោះតំណាងរាស្ត្របុរស និងស្ត្រីក្នុងច្បាប់បោះឆ្នោត ដើម្បីឲ្យមានសមភាពយេនឌ័រ និងលើកកម្ពស់ស្ត្រីក្នុងវិស័យនយោបាយ ។ ការស្នើនេះធ្វើឡើងក្នុង សិក្ខាសាលាស្តីពី ការលើកកម្ពស់ការចូលរួមរបស់ស្ត្រីក្នុងវិស័យនយោបាយ នៅថ្ងៃទី ២៨ ខែ មករា ឆ្នាំ ២០១៥ ដែលរៀបចំដោយអង្គការសីលិការ។ នាយិកាអង្គការសីលិការលោកស្រី ធីដា ឃឹះ ថ្លែងក្នុងសិក្ខានេះថា បច្ចុប្បន្នស្រី្តជាតំណាងរាស្ត្រក្នុងវិស័យនយោបាននៅមានកម្រិតនៅឡើយ ហើយគណបក្សឈ្នះឆ្នោតមិនទាន់មានគោលនយោបាយច្បាស់លាស់ សម្រាប់លើកកម្ពស់ស្រី្តឡើយ។ លោកស្រី បន្តថា ក្នុងនាមសង្គមស៊ីវិល ស្នើបក្សទាំងពីរ ដាក់ប្រព័ន្ធឆ្លាស់ឈ្មោះបេក្ខជនឈរឈ្មោះបោះឆ្នោតតំណាងរាស្ត្រនៅក្នុងច្បាប់បោះឆ្នោត ដើម្បីបង្កើនឱកាសដល់ស្រី្ត ក្នុងវិស័យនយោបាយ និងវិស័យមុខងារសារធារណៈជាដើម។ លោកស្រីលើកឡើងថា «មានន័យថាយើងជាប្រព័ន្ធសមាមាត្រពេលគណបក្សនយោបាយដាក់បញ្ជីឈ្មោះបេក្ខជនទៅហ្នឹង គឺថាសុំឲឆ្លាស់បើថា ស្រីប្រុសៗ ឬមួយក៏ប្រុសស្រីៗ មិនមែនដាក់ឈ្មោះប្រុសនៅខាងលើហើយស្រីនៅជួរខាងក្រោមទេ ដល់ពេលហើយទៅវាអត់ជាប់» ។
-
អ្នកការទូតស.រ.អា.បារម្ភចំពោះស្ថានការណ៍កែទម្រង់ប្រជាធិបតេយ្យនៅកម្ពុជា
ឧបការីរដ្ឋមន្ត្រីការបរទេសស.រ.អា.ដែលបានបំពេញទស្សនកិច្ចក្នុងប្រទេសកម្ពុជាថ្លែងថា ការចាប់ឃុំ ខ្លួនសកម្មជនដីធ្លីនិងសកម្មជននយោបាយជារឿងប៉ះទង្គិចដល់មុខមាត់កម្ពុជា ដោយជំរុញឲ្យមន្ត្រី កម្ពុជាគិតគូរពីការកែទម្រង់សម្រាប់ផលប្រយោជន៍រយៈពេលវែងដែលស.រ.អា.និងកម្ពុជាបានបញ្ជាក់ពីផលប្រយោជន៍នេះដល់ទំនាក់ទំនងនៃប្រទេសទាំងពីរ។ លោក Daniel Russel ឧបការីរដ្ឋមន្ត្រីការបរទេសស.រ.អា.ទទួលបន្ទុកកិច្ចការអាស៊ីបាស៊ីហ្វ៊ិក បានជួបជាមួយក្រុមមន្ត្រីរដ្ឋាភិបាលកម្ពុជាកាលពីថ្ងៃអង្គារ គឺលោកអ៊ុច បូរិទ្ធ រដ្ឋមន្ត្រីស្តីទីនៃក្រសួងការបរទេសកម្ពុជា ដើម្បីពិភាក្សាបញ្ហាមួយចំនួន រួមទាំងបញ្ហាដែលកម្ពុជានិងស.រ.អា. ជួបប្រទះក្នុងតំបន់ បញ្ហាពិភពលោក បញ្ហាទាក់ទងនឹងការរំលោភបំពានដីធ្លី និងបញ្ហាក្រុមបាតុករបឹងកក់ជាដើម។
អានបន្ត -
បទយកការណ៍៖ ការបណ្តេញអ្នកក្រីក្រចេញពីលំនៅដ្ឋាន ស្ថិតក្រោមការឃ្លាំមើលរបស់អង្គការសហប្រជាជាតិ
«…ខ្ញុំចង់ដាស់តឿនអ្នកដឹកនាំឲ្យគាត់បើកភ្នែកមើល ថាតើប្រជាជនលំបាករបៀបម៉េច គាត់ត្រូវដោះស្រាយម៉េចចំពោះអ្នកដែលគេឈូសយកទៅនេះ ដែលប្លន់យកដីគេទាំងរស់នេះ…» សម្រែកឈឺចាប់របស់ពលរដ្ឋ ដែលអាជ្ញាធរបណ្តេញចេញពីទីក្រុងនៅតែរំឭករាជរដ្ឋាភិបាលស្ទើររាល់ថ្ងៃ ឲ្យពិចារណាឡើងវិញ នូវការផ្តល់សំណងសមរម្យ ពីការអភិវឌ្ឍមួយត្រូវធានាថា សហគមន៍ក្រីក្រក៏អាចរស់នៅក្នុងទីក្រុងដូចអ្នកមានអំណាច និងមានទ្រព្យសម្បត្តិស្តុកស្តម្ភដែរ ។ នៅសប្តាហ៍មុននេះ អ្នកមានជម្លោះដីធ្លីប្រមាណ១០០នាក់ បានប្រមូលផ្តុំគ្នាលើចញ្ចើមផ្លូវមុខអតីតសហគមន៍ដីក្រហម ក្នុងខណ្ឌចំការមន រាជធានីភ្នំពេញ ដែលទីនោះកាលពី៦ឆ្នាំមុន អ្នកភូមិប្រមាណ១៧០គ្រួសារ ត្រូវបានបណ្តេញចេញទាំងបង្ខំ ឲ្យទៅរស់នៅភ្នំបាត ស្រុកពញាឮ ខេត្តកណ្តាល ដែលមានចម្ងាយជាង៥០គីឡូម៉ែត្រពីទីក្រុង ដើម្បីយកដីឲ្យក្រុមហ៊ុន7NG ។
-
នគរបាលជាតិបដិសេធថាមិនមានគោលការណ៍បណ្ដេញជនភៀសខ្លួនសុំសិទ្ធិជ្រកកោន
ខណៈជនជាតិដើមភាគតិចរស់នៅភាគកណ្ដាលប្រទេសវៀតណាម ១៤នាក់កំពុងលាក់ខ្លួនក្នុងព្រៃខេត្តរតនគិរី រង់ចាំសុំសិទ្ធិជ្រកកោនជាជនភៀសខ្លួនផ្នែកនយោបាយនៅកម្ពុជា មន្ត្រីជាន់ខ្ពស់នៃអគ្គស្នងការដ្ឋាននគរបាលជាតិ បានថ្លែងថា ប្រទេសកម្ពុជា មិនមានគោលការណ៍បណ្ដេញជនភៀសខ្លួន ឬអ្នកសុំសិទ្ធិជ្រកកោននោះទេ។ មន្ត្រីឃ្លាំមើលសិទ្ធិមនុស្សនៅកម្ពុជា ថ្លែងរិះគន់ការអះអាងនេះ ហើយស្នើឲ្យកម្ពុជា អនុវត្តកតិកាសញ្ញាស្ដីពីជនភៀសខ្លួន ដែលប្រទេសកម្ពុជា ជាម្ចាស់ហត្ថលេខី។ គេហទំព័រអគ្គស្នងការនគរបាលជាតិ បានដកស្រង់ប្រសាសន៍របស់អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធ កាលពីថ្ងៃទី២៧ ខែមករា បានថ្លែងថា កម្ពុជា មិនបានអនុវត្តសកម្មភាពណាមួយបណ្ដេញជនភៀសខ្លួន ឬជនសុំសិទ្ធិជ្រកកោន ចេញពីកម្ពុជា ដូចការលើកឡើងរបស់បណ្ដាញព័ត៌មានមួយចំនួននោះទេ។
-
សហភាពអឺរ៉ុបប្រចាំកម្ពុជាខកចិត្តនឹងសាលដីកាសាលាឧទ្ធរណ៍ប្រឆាំងនឹងអ្នកបឹងកក់
សហភាពអឺរ៉ុបប្រចាំកម្ពុជា នៅថ្ងៃពុធនេះបានចេញសេចក្តីថ្លែងការណ៍មួយ ដោយបង្ហាញការខកចិត្តនឹងសាលដីការបស់សាលាឧទ្ធរណ៍ក្នុងការសម្រេចបន្តឃុំខ្លួនសកម្មជនដីធ្លី ដែលសាលាដំបូងរាជធានីភ្នំពេញបានកាត់ឲ្យជាប់ពន្ធនាគារ១ឆ្នាំ ពាក់ព័ន្ធនឹងបទចោទធ្វើឲ្យរាំងស្ទះដល់ចរាចរណ៍។ កាលពីថ្ងៃទី២៦ ខែមករា សាលាឧទ្ធរណ៍បានប្រកាសសាលដីកាឲ្យសកម្មជនដីធ្លីតំបន់បឹងកក់ រួមមានទាំងអ្នកស្រី ទេព វន្នី និងព្រះសង្ឃខ្មែរកម្ពុជាក្រោមមួយអង្គ បន្តជាប់ឃុំតាមអំណាចសាលក្រមសាលាដំបូងរាជធានីភ្នំពេញ គឺដាក់ទោស១ឆ្នាំ និងពិន័យជាប្រាក់២០០០០០០រៀល។ ប៉ុន្តែសម្រាប់អ្នកស្រី ង៉ែត ឃុន អាយុជាង៧០ឆ្នាំ ត្រូវបន្ថយទោសមកនៅត្រឹម៦ខែ និងពិន័យជាប្រាក់ពី២លានមកនៅត្រឹម១លានរៀលវិញ។ ចំណែកអ្នកស្រីផាន់ ឈុនរ៉េត ដែលមានជំងឺខ្សោយបេះដូង និងស្ត្រីចំនួន៧នាក់ត្រូវបន្ថយទោសពី១២ខែមកនៅ១០ខែវិញ ហើយបន្ថយការពិន័យប្រាក់ពី២០០០ ០០០រៀល មកនៅ១ ៥០០ ០០០រៀលវិញ។
-
អង្គការមិនមែនរដ្ឋាភិបាលបារម្ភថាអនុស្សរណៈយោគយល់គ្នាមិនអាចការពារពលករ
សមាគមការពារសិទ្ធិមនុស្សអាដហុក (ADHOC) រកឃើញថា មានបញ្ហាសេសសល់មួយចំនួនបន្តកើតឡើងចាប់តាំងពីពេលដែលរដ្ឋាភិបាលកម្ពុជា ប្រកាសផ្អាកការជ្រើសរើស បណ្ដុះបណ្ដាល និងបញ្ជូនពលករជាជំនួយការមេផ្ទះទៅធ្វើការនៅប្រទេសម៉ាឡេស៊ី កាលពីឆ្នាំ២០១១។ បញ្ហាទាំងនោះរួមមានករណីពលករបាត់ខ្លួន ទារុណកម្ម ថៅកែមិនផ្ដល់ប្រាក់បៀវត្សរ៍ ការបង្ខំអោយបន្តអាណត្តិ និងបាត់ដំណឹងជាដើម។ ការបង្ហាញរបស់សមាគមអាដហុក គឺស្របពេលនឹងរដ្ឋាភិបាលកម្ពុជា និងម៉ាឡេស៊ី ត្រៀមបញ្ចប់សេចក្ដីព្រាងអនុស្សរណៈយោគយល់គ្នារវាងប្រទេសទាំង២ ស្ដីពីការជួលពលករដើម្បីបើកផ្លូវអោយនាំពលករពីកម្ពុជា ទៅធ្វើការតាមផ្ទះឡើងវិញ។ អង្គការមិនមែនរដ្ឋាភិបាលស្នើអោយរដ្ឋាភិបាលពិចារណាអោយបានគ្រប់ជ្រុងជ្រោយមុនពេលព្រមព្រៀងចុះហត្ថលេខា លើអនុស្សរណៈយោគយល់គ្នា បញ្ជូនពលករធ្វើការងារតាមផ្ទះទៅប្រទេសម៉ាឡេស៊ី។
អានបន្ត -
បទយកការណ៍៖ ការបណ្តេញអ្នកក្រីក្រចេញពីលំនៅដ្ឋាន ស្ថិតក្រោមការឃ្លាំមើលរបស់អង្គការសហប្រជាជាតិ
«…ខ្ញុំចង់ដាស់តឿនអ្នកដឹកនាំឲ្យគាត់បើកភ្នែកមើល ថាតើប្រជាជនលំបាករបៀបម៉េច គាត់ត្រូវដោះស្រាយម៉េចចំពោះអ្នកដែលគេឈូសយកទៅនេះ ដែលប្លន់យកដីគេទាំងរស់នេះ…» សម្រែកឈឺចាប់របស់ពលរដ្ឋ ដែលអាជ្ញាធរបណ្តេញចេញពីទីក្រុងនៅតែរំឭករាជរដ្ឋាភិបាលស្ទើររាល់ថ្ងៃ ឲ្យពិចារណាឡើងវិញ នូវការផ្តល់សំណងសមរម្យ ពីការអភិវឌ្ឍមួយត្រូវធានាថា សហគមន៍ក្រីក្រក៏អាចរស់នៅក្នុងទីក្រុងដូចអ្នកមានអំណាច និងមានទ្រព្យសម្បត្តិស្តុកស្តម្ភដែរ ។
-
ខុមហ្វ្រែល៖ សភាបរាជ័យលើបញ្ហាដីធ្លី ការសម្លាប់កម្មករនិងរំលោភសិទ្ធិមនុស្ស
រដ្ឋសភាមិនបានជួយដោះស្រាយទំនាស់ដីធ្លីរបស់ប្រជាពលរដ្ឋ ការបាញ់សម្លាប់ប្រជាពលរដ្ឋនៅលើផ្លូវវ៉េងស្រេង និងការរំលោភសិទ្ធិមនុស្សនោះទេ។ នេះគឺជាការកត់សម្គាល់របស់អង្គការឃ្លាំមើលការបោះឆ្នោតមួយដែលហៅថាខុមហ្វ្រែល នៅក្នុងរបាយការណ៍អង្កេតដំណើរការរដ្ឋសភាដែលចេញផ្សាយជាសាធារណៈនៅថ្ងៃអង្គារនេះ។ នេះគឺជារបាយការណ៍លើកដំបូងរបស់អង្គការដដែលនេះក្រោយពីរដ្ឋសភាដែលដឹកនាំដោយគណបក្សប្រជាជនកម្ពុជានិងគណបក្សសង្គ្រោះជាតិបានដំណើររួមគ្នាកាលពីចុងឆ្នាំមុនបន្ទាប់ពីបញ្ចប់វិបត្តិនយោបាយរយៈពេលមួយឆ្នាំក្រោយពីការបោះឆ្នោតខែកក្កដាឆ្នាំ២០១៣។ របាយការណ៍ដដែលសង្កត់ធ្ងន់ថាបញ្ហាខាងលើគឺជាបញ្ហាប្រឈមរបស់ប្រជាពលរដ្ឋកម្ពុជា។
-
ពលរដ្ឋ៣១គ្រួសារនៅក្រចេះអះអាងថាស៊ូស្លាប់មិនចាកចេញពីដីមានជម្លោះ
អាជ្ញាធរខេត្តក្រចេះ ដោះស្រាយជម្លោះដីធ្លីរវាងពលរដ្ឋពីរក្រុម ដោយឲ្យពលរដ្ឋមួយក្រុមចាកចេញពីដីមានជម្លោះ។ ប៉ុន្តែក្រុមពលរដ្ឋដែលអាជ្ញាធរគ្រោងបញ្ជូនចេញ បដិសេធដំណោះស្រាយនេះ និងថាស៊ូស្លាប់លើដីរបស់ខ្លួន។ ប្រតិកម្មភ្លាមៗនឹងដំណោះស្រាយរបស់អាជ្ញាធរខេត្តក្រចេះ ក្រុមពលរដ្ឋ ៣១គ្រួសារ ដែលអាជ្ញាធរគ្រោងបញ្ជូនពួកគេចេញទៅទីតាំងថ្មី មិនព្រមទទួលយកដំណោះស្រាយនេះទេ។ ទោះមានការបដិសេធយ៉ាងនេះក៏ដោយ អាជ្ញាធរខេត្តអះអាងថា ពួកគេគ្មានជម្រើសអ្វីដែលល្អជាងនេះឡើយ។ តំណាងពលរដ្ឋ ៣១គ្រួសារ លោកស្រី យស សាអែម ឲ្យដឹងថា ក្រុមប្រជាពលរដ្ឋទាំងអស់មិនព្រមទទួលយកដំណោះស្រាយរបស់អាជ្ញាធរខេត្តក្រចេះ ទេ។ លោកស្រី យស សាអែម បន្តទៀតថា ក្រុមពលរដ្ឋ ៧២គ្រួសារចូលមករស់នៅក្រោយក្រុមលោកស្រី ប៉ុន្តែក្រុមការងារខេត្តបែរជាសម្រេចឲ្យក្រុមលោកស្រីចាកចេញទៅវិញ៖ «ពួកខ្ញុំមិនមែនជាមនុស្សទេអី បានជាយកក្រុម ៧២គ្រួសារដាក់ពីលើ ហើយពេលនេះបណ្ដេញពួកខ្ញុំចេញទៀត»។
-
ពលរដ្ឋ៣៧ គ្រួសារនៅខេត្ដព្រះវិហារសុំឲ្យអាជ្ញាធរដាក់ដីពួកគេដែលមានទំនាស់ជាដីសមូហភាព
ប្រជាពលរដ្ឋ៣៧គ្រួសារ នៅស្រុកជ័យសែន ខេត្ដព្រះវិហារ ស្នើឲ្យអាជ្ញាធរ កាត់ដីធ្លីរបស់ពួកគេ ដែលមានជម្លោះជាមួយក្រុមចិននោះ ទុកធ្វើជាដីសមូហភាពវិញ ដើម្បីបំរើផលប្រយោជន៍រួម បន្ទាប់ពីមន្ដ្រីជំនាញថាដីនេះមិនអាចផ្តល់ជាកម្មសិទ្ធិឯកជនឲ្យពួកគេ។ តំណាងអ្នកភូមិនៅឃុំតស៊ូ អ្នកស្រី ហួត ម៉ាលី ប្រាប់VODនៅថ្ងៃនេះថា ដីស្រែចំការរបស់ពលរដ្ឋ ជាង១៧០ហិកតា ដែលក្រុមនិស្សិតស្ម័គ្រចិត្ដចេញសាលកបត្រជូននោះ ត្រូវក្រុុមហ៊ុនចិនហេងណុង និងហេងរ៉ូយ បានឈូសឆាយយកទៅដាំអំពៅតាំងពីចុងឆ្នាំ២០១៤។ អ្នកស្រីបន្ថែមថា ពួកគាត់ដាក់ពាក្យណ្តឹងតាំងពីដើមខែមករា ដើម្បីទាមទារឲ្យអាជ្ញាធរប្រគល់ដីនោះធ្វើជាកម្មសិទ្ធិពួកគេវិញ ប៉ុន្ដែមិនមានដំណោះស្រាយទើបអ្នកភូមិសម្រេចចិត្ដប្រគល់ដីនោះជាដីសមូហភាពវិញ។ តំណាងពលរដ្ឋមួយរូបទៀត អ្នកស្រី ម៉ន សឿន ឲ្យដឹងថា ដីស្រែចំការពួកគេ បានបង្កបង្កើនផលជារៀងរាល់ឆ្នាំ ប៉ុន្ដែក្រុមហ៊ុនហេងណុង និងហេងរ៉ូយ បានឈូសឆាយចូលជាបន្ដបន្ទាប់ ហើយអាជ្ញាធរបានត្រឹមតែទៅអើតមើលនិងសន្យាដោះស្រាយប៉ុណ្ណោះ ដែលពួកគាត់យល់ថា មន្ដ្រីជំនាញមានចេតនាពន្យាពេលដោះស្រាយ។
-
ឧបការីរដ្ឋមន្ត្រីការបរទេសអាមេរិកថាការឃុំខ្លួនអ្នកទាំង១៩នាក់ ជារូបភាពមិនល្អសម្រាប់កម្ពុជា
ឧបការីរដ្ឋមន្ត្រីការបរទេសអាមេរិក ទទួលបន្ទុកកិច្ចការអាស៊ីបូព៌ានិងប៉ាស៊ីហ្វិក លើកឡើងថា ការបន្តឃុំខ្លួនសកម្មជនគណបក្សសង្គ្រោះជាតិ និងសកម្មដីធ្លីនៅតំបន់បឹងកក់ ជារូបភាពមិនល្អសម្រាប់សិទ្ធិមនុស្សនៅកម្ពុជា។ ការលើកឡើងនេះ បានធ្វើឡើងក្នុងជំនួបរវាង ឧបការីរដ្ឋមន្ត្រីការបរទេសអាមេរិក ទទួលបន្ទុកកិច្ចការអាស៊ីបូព៌ានិងប៉ាស៊ីហ្វិកលោក Daniel Russel ជាមួយរដ្ឋលេខាធិការក្រសួងការបរទេសកម្ពុជា លោក អ៊ុច បូរិទ្ធិ នៅព្រឹកថ្ងៃទី២៧ ខែមករា ឆ្នាំ២០១៥។ លោក អ៊ុច បូរិទ្ធិ ឲ្យដឹងថា លោក Daniel Russel បានចោទសួរលោកថា តើជាការពិតទេ ដែលសកម្មជនគណបក្សប្រឆាំងទាមទារសិទ្ធិសេរីភាព ហើយសកម្មជនដីធ្លីបឹងកក់ទាមទាររកដំណោះស្រាយត្រូវបានតុលាការចាប់ដាក់ពន្ធនាគារនោះ?ហើយថាបើជាការពិតមែន ករណីនេះ គឺជារូបភាពមួយមិនល្អសម្រាប់កម្ពុជា។
-
សហជីពស្នើរដ្ឋាភិបាលអន្តរាគមន៍ទៅនិយោជកឲ្យទទួលយកតំណាងកម្មករចូលធ្វើការវិញ
សម្ព័ន្ធសហជីពចលនាកម្មករស្នើឲ្យរាជរដ្ឋាភិបាល និងភាគីពាក់ព័ន្ធអន្ដរាគមន៍ទៅក្រុមហ៊ុននានាដែលសហជីពអះអាងថាបានបញ្ឈប់ថ្នាក់ដឹកនាំ និងមន្ត្រីសហជីពដោយអយុត្ដិធម៌ ឲ្យទទួពួកគេចូលធ្វើការ និងទៅតាមតួនាទីរបស់ពួកគេវិញ ។ ថ្លែងនៅក្នុងសន្និសីទសារព័ត៌មានស្ដីពី សិទ្ធិសេរីភាព និងសិទ្ធិធ្វើកូដកម្ម នៅព្រឹកថ្ងៃចន្ទនេះ ប្រធានសម្ព័ន្ធសហជីពចលនាកម្មករលោក ប៉ាវ ស៊ីណា បានលើកឡើងថា នៅចុងឆ្នាំ២០១៤កន្លងទៅ តំណាងកម្មករចំនួន៦៥នាក់នៅក្នុងខេត្ត៣ ត្រូវបានក្រុមហ៊ុនបញ្ឈប់ពីការងារទាំងអយុត្ដិធម៌ ដែលក្នុងនោះ២២នាក់ទៀតកំពុងជាប់បណ្ដឹងតុលាការពីបទព្រហ្មទណ្ឌ ។ លោកថា ពួកគេត្រូវបានបានបញ្ឈប់ពីការងារ ដោយសារការប្រើប្រាស់សិទ្ធិសេរីភាពក្នុងទាមទារលក្ខណការងារស្របច្បាប់ពីក្រុមហ៊ុន ។
-
សាលាឧទ្ធរណ៍បន្ធូរបន្ថយទោសសកម្មជនជាប់ពន្ធនាគារ១០នាក់ និងព្រះសង្ឃមួយអង្គ
សំឡេងស្រែកតវ៉ាថា មានភាពអយុត្តិធម៌បានឮខ្ទរខ្ទារនៅក្នុងបន្ទប់សវនាការនិងខាងក្នុងបរិវេណរបស់តុលាការ បន្ទាប់ពីសាលាឧទ្ធរណ៍បានសម្រេចតម្កល់សាលក្រមរបស់សាលាដំបូងក្រុងភ្នំពេញ។ សកម្មជនបឹងកក់ស្រែកថា៖ «នេះគឺជាតុលាការមួយដែលអយុត្តិធម៌សម្រាប់ពួកខ្ញុំ ដែលពួកគាត់បានធ្វើឲ្យពួកខ្ញុំរងគ្រោះដោយសាររដ្ឋាភិបាលអសមត្ថភាព។ នេះគឺជាទង្វើមួយដែលសបញ្ជាក់ថា ប្រទេសកម្ពុជាកំពុងតែរំលោភសិទ្ធិប្រជាពលរដ្ឋខ្លួនឯង»។ លោកងួន អ៊ីម ប្រធានចៅក្រមជំនុំជម្រះរបស់សាលាឧទ្ធរណ៍បានសម្រេចតម្កល់សាលក្រមសាលាដំបូងក្រុងភ្នំពេញឲ្យនៅដដែល ក៏ប៉ុន្តែបានបន្ធូរបន្ថយទោសកំហុសខ្លះដល់សកម្មជនបឹងកក់មួយចំនួនគឺបន្ថយពីជាប់ពន្ធនាគាររយៈពេលមួយឆ្នាំមកនៅត្រឹម៦វិញ។
-
អាដហុកអំពាវនាវឲ្យរដ្ឋាភិបាលចាត់វិធានការលើក្រុមហ៊ុននាំពលករទៅបរទេសដោយគ្មានទំនួលខុសត្រូវ
សមាគមការពារសិទ្ធមនុស្សអាដហុក អំពាវដល់រដ្ឋាភិបាលឲ្យចាត់វិធានការទៅលើក្រុមហ៊ុនដែលបានបញ្ជូនពលករទៅធ្វើការនៅប្រទេសម៉ាឡេស៊ី ហើយគ្មានទំនួលខុសត្រូវពេលកររងការរំលោភបំពាន ខណៈអាដហុករកឃើញថា បញ្ហា១៣០ករណីនៅពុំទាន់បានដោះស្រាយ ។ យោងតាមសេចក្តីប្រកាសព័ត៌មានរបស់សមាគមអាដហុកចេញផ្សាយនៅថ្ងៃចន្ទនេះឲ្យដឹងថា ចាប់តាំងពីរដ្ឋាភិបាលកម្ពុជាបានចេញសារាចរកាលពីថ្ងៃទី១៥ ខែតុលា ឆ្នាំ២០១១ ឲ្យផ្អាកការជ្រើសរើស បណ្តុះបណ្តាល និងនាំពលករទៅកាន់ប្រទេសម៉ាឡេស៊ី សមាគមអាដហុកបានរកឃើញថា បញ្ហានៅសេសសល់ចំនួន១៣០ករណី ដែលពលករពលការិនីនៅមិនទាន់ទាន់បានយុត្តិធម៌ និងគ្មានការអន្តរាគមន៍ពីក្រុមហ៊ុន និងភាគីពាក់ព័ន្ធ ។ ករណីរំលោភបំពានទាំងនោះរួមមាន ថៅកែ និងទីភ្នាក់ងារធ្វើទារុណកម្មលើរូបរាងកាយ បាត់ដំណឹង ឬបាត់ខ្លួនយូរឆ្នាំ មិនទទួលបានប្រាក់បៀវត្ស និងការបង្ខំឲ្យបន្តអាណត្តិកាងារ ។
-
សាលាឧទ្ធរណ៍បន្ថយទោសស្ត្រីសកម្មជនដីធ្លីម្នាក់ដែលចាស់ជរា និងខ្លះទៀតមានជំងឺ
សាលាឧទ្ធរណ៍សម្រេចបន្ធូបន្ថយទោស លើស្ត្រីជាសកម្មជនដីធ្លីនៅតំបន់បឹងកក់ចំនួន២នាក់ក្នុងចំណោម១០នាក់ ដោយសារតែម្នាក់មានជម្ងឺប្រចាំកាយ និងម្នាក់ទៀតមានអាយុរហូតជាង៧០ឆ្នាំ ។ កាលពីមុនសាលាដំបូងរាជធានីភ្នំពេញ បានកាត់ទោសភ្លាមៗទៅលើសកម្មជនដីធ្លី១០នាក់ និងព្រះសង្ឃខ្មែរកម្ពុជាក្រោមមួយអង្គទៀត ដែលគ្រាន់តែឃ្លាំមើលការតវ៉ានោះ ឲ្យជាប់ពន្ធនាគារម្នាក់ៗ១ឆ្នាំ និងពិន័យជាប្រាក់២លានរៀល ដោយចោទប្រកាន់ពីបទតវ៉ាធ្វើឲ្យកកស្ទះចរាចរណ៍ និងប្រឆាំងរាជការសាធារណៈ ករណីជម្លោះដីធ្លី ។ ប៉ុន្តែនៅថ្ងៃចន្ទនេះប្រធានក្រុមប្រឹក្សាជំនុំជម្រះនៃសាលាឧទ្ធរណ៍ លោក ងួន អ៊ីម ប្រកាសសាលដីកា ថា អ្នកស្រី ង៉ែត ឃុន អាយុជាង៧០ឆ្នាំត្រូវបន្ថយទោសមកនៅត្រឹម៦ខែ និងការពិន័យជាប្រាក់ពី២លានមកនៅត្រឹម១លានរៀលវិញ ។
-
ឧទ្ធរណ៍បន្តឃុំខ្លួនស្ត្រីសកម្មជនដីធ្លី៧នាក់ ដោយ២នាក់ត្រូវបានបន្ថយទោស
សាលាឧទ្ធរណ៍សម្រេចតម្ដល់សាលដីការបស់សាលាដំបូងរាជធានីភ្នំពេញ ដែលកាត់ឲ្យស្ត្រីសកម្មជនដីធ្លី៥នាក់ឲ្យជាប់ពន្ធនាគារ១ឆ្នាំ ចំណែកស្ត្រីសកម្មជន២នាក់ទៀតត្រូវបានបន្ធូរបន្ថយទោសបន្តិច ។ សាលាឧទ្ធរណ៍នៅព្រឹកថ្ងៃចន្ទនេះបានប្រកាសសាលដីកាប្រឆាំងនឹងស្ត្រីសកម្មជនដីធ្លី៧នាក់ ដែលត្រូវបានសាលាដំបូងរាជធានីភ្នំពេញកាត់ទោសឲ្យជាប់ពន្ធនាគារ១ឆ្នាំ និងពិន័យប្រាក់ម្នាក់២លានរៀល ។ ស្ត្រីសកម្មជន៥នាក់ក្នុងចំណោម៧នាក់ត្រូវបានតុលាការសាលាឧទ្ធរណ៍សម្រេចតម្កល់សាលដីការបស់សាលាដំបូងរាជធានី ដោយឲ្យនៅបន្តជាប់ទោសម្នាក់១ឆ្នាំ តែបន្ថយប្រាក់ពិន័យពីម្នាក់២លានរៀល មកនៅម្នាក់១,៥លានរៀល ។ ចំណែកស្ត្រី២នាក់ទៀតគឺអ្នកស្រី ផាន់ ឈុនរ៉េត ត្រូវបានបន្ថយទោសមកឲ្យជាប់ពន្ធនាគារ១០ខែ និងពិន័យប្រាក់១លានរៀល និងអ្នកស្រី ង៉ែត ឃុន ត្រូវបានបន្ថយទោសមកត្រឹម៦ខែ និងពិន័យជាប្រាក់១លានរៀលដូចគ្នា ។ បន្ទាប់ពីអានសេចក្ដីសម្រេចលើករណីស្ត្រីសកម្មជនទាំង៧នាក់ តុលាការសាលាឧទ្ធរណ៍បន្តអានសេចក្ដីសម្រេចរបស់ខ្លួនលើករណីស្ត្រីសកម្មជនដីធ្លី៣នាក់ និងព្រះសង្ឃមួយអង្គទៀត ។
-
បន្ទាប់ពីបាតុកម្ម និងបន្ទាប់ពីចេញពីពន្ធនាគារ ពួកសកម្មជនមានជីវភាពកាន់តែលំបាក
មួយឆ្នាំបន្ទាប់ពីការបង្រ្កាបរបស់រដ្ឋាភិបាលទៅបាតុកម្មនោះ ក្រុមកម្មករនិងសកម្មជនដែលត្រូវបានគេចាប់ដាក់ពន្ធនាគារបាននិយាយថា ពួកគេកំពុងប្រឈមនឹងការលំបាកក្នុងជីវភាពរស់នៅប្រចាំថ្ងៃ។ សកម្មជន និងកម្មករបាននិយាយថា មួយផ្នែកពួកគេកំពុងប្រឈមនឹងការប៉ះទង្គិចផ្លូវចិត្ត ដោយសារការរំលោភបំពានពេលពួកគេនៅក្នុងដៃរបស់ប៉ូលិស។ មួយផ្នែកទៀត ពួកគេមានការលំបាកក្នុងការធ្វើការងារ។ អ្នកខ្លះនិយាយថា ឥឡូវនេះពួកគេកំពុងតស៊ូជាមួយនឹងបញ្ហាសុខភាពរ៉ាំរ៉ៃ បន្ទាប់ពីទទួលរងការធ្វើបាបនៅពេលគេជាប់ក្នុងមន្ទីរឃុំឃាំង។ សកម្មជន២៣នាក់ ខ្លះជាមេដឹកនាំសហជីព ហើយខ្លះទៀតជាកម្មករ ត្រូវបានចាប់ខ្លួននៅក្នុងការបង្រ្កាបបាតុកម្មនៅក្នុងខែមករាឆ្នាំ២០១៤ ដែលមានមនុស្សយ៉ាងហោចណាស់៥នាក់ស្លាប់បាត់បង់ជីវិត នៅពេលកម្លាំងសន្តិសុខរបស់រដ្ឋាភិបាល រួមទាំងប៉ូលិស និងកងរាជអាវុធហត្ថ បានវ៉ៃ និងចាប់ខ្លួនពួកគេ បន្ទាប់ពីមានចលាចលជាច្រើនខែ។
-
សាលាឧទ្ធរណ៍សម្រេចបន្តឃុំខ្លួនសកម្មជនដីធ្លី១០នាក់និងអតីតសង្ឃ១អង្គ
ចៅក្រមសាលាឧទ្ធរណ៍សម្រេចបន្តឃុំខ្លួនស្ត្រីសកម្មជនដីធ្លី ១០នាក់ និងអតីតព្រះសង្ឃ ១អង្គ នៅព្រឹកថ្ងៃទី២៦ មករា ក្នុងបទចោទ ២ដាច់ដោយឡែកពីគ្នា។ សំណុំរឿងទី១ ចៅក្រមសម្រេចផ្ដន្ទាទោសស្ត្រីសកម្មជនដីធ្លីបឹងកក់ ៧នាក់ ដាក់ពន្ធនាគារចន្លោះពី ៦ខែ ទៅ ១ឆ្នាំ និងពិន័យជាប្រាក់ពី ១លានរៀល ទៅ ១,៥លានរៀល ពាក់ព័ន្ធនឹងបទចោទ បង្កឲ្យស្ទះចរាចរណ៍សាធារណៈ។ ចំណែកឯសំណុំរឿងទី២ ដែលមានស្ត្រីសកម្មជនដីធ្លី ៣នាក់ផ្សេងទៀត ត្រូវបានចាប់ខ្លួននៅមុខសាលាដំបូងរាជធានីភ្នំពេញ ចៅក្រមសម្រេចផ្ដន្ទាទោសដាក់ពន្ធនាគារ ១០ខែ និងពិន័យជាប្រាក់ ១,៥លានរៀល។ រីឯអតីតព្រះសង្ឃខ្មែរកម្ពុជា សឺន ហាយ ត្រូវបានតុលាការផ្ដន្ទាទោសដាក់ពន្ធនាគារ ១ឆ្នាំ និងពិន័យជាប្រាក់ ២លានរៀល។ អ្នកទាំង ៤ ត្រូវបានចោទពីបទរំខានមន្ត្រីរាជការសាធារណៈ។
គាំទ្រដោយ
