កំពុងស្វែងរកទិន្នន័យ
រកឃើញ: 13.090
-
ពលរដ្ឋខេត្តព្រះសីហនុបន្តស្នើអាជ្ញាធរចាត់វិធានការចំពោះសកម្មភាពចាក់ដីឆ្នេរធ្វើកម្មសិទ្ធិ
ប្រជាពលរដ្ឋ និងសង្គមស៊ីវិលខេត្តព្រះសីហនុ បានបន្តជំរុញដល់ថ្នាក់ដឹកនាំខេត្តជាប់មាត់សមុទ្រមួយនេះ បន្តឃ្លាំមើល និងមានវិធានការទប់ស្កាត់សកម្មភាពរបស់ឈ្មួញ និងមន្ត្រីមានអំណាច រំលោភយកដីតំបន់ឆ្នេរធ្វើកម្មសិទ្ធិ ប៉ុន្តែបានសំណូមពរថាមិនត្រូវហាមឃាត់ពលរដ្ឋមានលំនៅឋានជាប់មាត់សមុទ្រ មិនឲ្យជួសជុលលំនៅឋានធ្លាប់រស់នៅយូរឆ្នាំនោះទេ។
-
សម្តេចក្រុមព្រះថាតុលាការមិនឯករាជ្យធ្លាប់ឲ្យព្រះអង្គទទួលទោសទាំងគ្មានកំហុស
ព្រះអង្គម្ចាស់នរោត្តម រណឫទ្ធិ ដែលទើបប្រកាសវិលត្រឡប់ទៅធ្វើប្រធានគណបក្សហ្វ៊ុនស៊ិនប៉ិចឡើងវិញ បានបង្ហើបរឿងអតីកាលថាព្រះអង្គក៏ធ្លាប់រងគ្រោះពីប្រព័ន្ធតុលាការមិនឯករាជ្យនៅកម្ពុជាដែរ ហើយទ្រង់ប្រាថ្នាចង់ឃើញការដឹកនាំមួយដោយគោរពទៅតាមស្មារតីរដ្ឋធម្មនុញ្ញ ដែលចែកអំណាចទាំង៣នោះដាច់ពីគ្នា ។
-
ឆ្មាំពន្ធនាគារព្រៃសរារាំងតំណាងរាស្ត្រចូលសួរសុខទុក្ខសកម្មជនបក្សប្រឆាំង
តំណាងរាស្ត្រគណបក្សសង្គ្រោះជាតិនៅព្រឹកថ្ងៃពុធនេះ ចោទមន្ត្រីពន្ធនាគារព្រៃស(ម១) ថា រំលោភលើសេចក្តីសម្រេចរបស់តុលាការ ដោយសារមន្ត្រីទំាងនោះមិនអនុញ្ញាតឲ្យចូលសួរសុខទុកសកម្មជនបក្ស៥នាក់ និងអតីតព្រះសង្ឃ៣អង្គ ។
-
ពលករខ្មែរធ្វើការនៅឥណ្ឌូនេស៊ីអំពាវនាវឲ្យជួយរំដោះមកស្រុកកំណើតវិញ
ពលករចំណាកស្រុកខុសច្បាប់ម្នាក់ ដែលកំពុងធ្វើជាកម្មករទូកនេសាទនៅប្រទេសឥណ្ឌូនេស៊ី អំពាវនាវរកអ្នកជួយនាំគាត់ត្រឡប់មកប្រទេសកំណើតវិញ។ ការអំពាវនាវនេះ បន្ទាប់ពីគាត់បានចេញពីស្រុកកំណើតប្រហែល ៧ឆ្នាំ ដោយត្រូវឈ្មួញលក់កម្លាំងពលកម្មបន្តពីទូកមួយទៅទូកនេសាទមួយទៀត។
-
តំណាងជនជាតិព្នងខេត្តមណ្ឌលគិរីគ្រោងបកអាក្រាតក្រុមហ៊ុនវៀតណាមពីការរំលោភដីធ្លី
សហគមន៍ជនជាតិដើមភាគតិចព្នង ខេត្តមណ្ឌលគិរី ចាត់តំណាង ៩នាក់ ធ្វើដំណើរទៅទីក្រុងភ្នំពេញ នៅថ្ងៃទី៧ ខែមករា ដើម្បីធ្វើសន្និសីទកាសែតស្ដីពីផលប៉ះពាល់ និងអំពើរំលោភសិទ្ធិជនជាតិដើមភាគតិច។ ចំណែកមន្ត្រីអាជ្ញាធរខេត្តអះអាងថា នឹងស្វែងរកដំណោះស្រាយបញ្ហាជូនប្រជាពលរដ្ឋ ក៏ប៉ុន្តែសំណូមពរឲ្យអ្នកភូមិគោរពច្បាប់។
-
បទយកការណ៍៖ គ្រួសារជនរងគ្រោះនៅផ្លូវវ៉េងស្រេងនៅតែជំរុញឲ្យរដ្ឋាភិបាលវែកមុខឃាតករ
«… បងប្អូនទាំងអស់គ្នា មើលរូបថតកូនខ្ញុំចុះ តើរយៈពេលកន្លងមកមួយឆ្នាំដល់ពេលបុណ្យខួបហើយ ខ្ញុំជាម្តាយកាត់ចិត្តបានឬអត់បងប្អូន?...» គ្រួសារដែលមានសាច់ញាត្តិស្លាប់ ក្នុងព្រឹត្តិការណ៍បាញ់បង្រាបដោយអាវុធនៅផ្លូវវ៉េងស្រេង កាលពីជាងមួយឆ្នាំមុន នៅតែទទូចឲ្យរដ្ឋាភិបាលរកយុត្តិធ៌មជូនក្រុមគ្រួសារដែលបានស្លាប់ បើទោះបីមន្ត្រីជំនាញបានបិទការស៊ើបអង្កេតករណីនេះទៅហើយក៏ដោយ «…បាញ់សម្លាប់កូនខ្ញុំយ៉ាងឃោរឃៅ ស្លាប់ក្នុងថ្លុកឈាម គួរឲ្យអាណោចអាធ័មណាស់បងប្អូនទាំងអស់គ្នា ពេលនេះខ្ញុំខំតាំងស្មារតីដើម្បីរកយុត្តិធម៌ដល់កូនខ្ញុំ ខ្ញុំមិនសុខចិត្តទេ…» ។
-
ពលរដ្ឋ៥៣គ្រួសារចោទមេឃុំមួយនៅខេត្តសៀមរាប បង្ខំឲ្យពួកគាត់ផ្ដិតមេដៃលក់ដីរួម
ពលរដ្ឋឃុំកណ្ដែក ស្រុកប្រាសាទបាគង ខេត្តសៀមរាប ចោទមេឃុំរបស់ខ្លួនថា បង្ខំឲ្យពលរដ្ឋ៥៣គ្រួសារ ផ្ដិតមេដៃលក់អាងស្ដុកទឹកធ្វើស្រែប្រាំងមួយកន្លែងឲ្យក្រុមហ៊ុនឯកជន ក្រោមហេតុផលជីកអាចម៍ដី និងអភិវឌ្ឍន៍អាងទឹក ។
-
អ្នកភូមិនៅសៀមរាបចោទក្រុមហ៊ុនវៀតណាមថាដុតបំផ្លាញទីជម្រកពួកគេ
ក្រុមហ៊ុនចម្ការដំឡូងមីរបស់វៀតណាម មួយឈ្មោះថា "សហគមន៍ទឹកខ្មៅ" កំពុងមានទំនាស់ជាមួយប្រជាពលរដ្ឋខ្មែរខ្លះនៅភូមិជប់រំដេង ឃុំកន្ទួត ស្រុកស្វាយលើ។ ទំនាស់នេះនាំឱ្យក្រុមហ៊ុនវៀតណាម ប្ដឹងទៅតុលាការខេត្តសៀមរាប រហូតដល់មានការដឹកនាំកម្លាំងប៉ូលិសប៉េអិមទៅចាប់ខ្លួនអ្នកភូមិ ២នាក់ ហើយអ្នកភូមិប្រុសៗមួយចំនួនទៀតនាំគ្នារត់គេចខ្លួនដោយសារភ័យខ្លាច។
-
សាលាដំបូងខេត្ដក្រចេះឃាត់ខ្លួនសមកម្មជនដីធ្លីដែលពិការជើង និងភ្នែក
ប្រជាពលរដ្ឋប្រមាណ២០គ្រួសារ ប្រមូលផ្ដុំគ្នានៅក្នុងសាលាដំបូងខេត្ដក្រចេះនៅព្រឹកថ្ងៃអង្គារម្សិលមិញ ដើម្បីស្នើសុំឲ្យតុលាការដោះលែងបុរសពិការជើង និងពិការភ្នែកម្នាក់ដែលតុលាការចោទថាទន្ទ្រានយកដីរដ្ឋ ។
-
តុលាការកោះហៅលោក កែវ ភារម្យ ចូលបំភ្លឺថ្ងៃ១៨ ខែមករា
រាជធានីភ្នំពេញ៖ អគ្គព្រះរាជអាជ្ញា នៃមហាអយ្យាការអកតុលាការកំពូល បានកោះហៅលោក កែវ ភារម្យ មន្ត្រីជាន់ខ្ពស់គណបក្សសង្គ្រោះជាតិ អោយខ្លួនបំភ្លឺ នៅថ្ងៃទី១៨ ខែមករា ឆ្នាំ២០១៥ វេលាម៉ោង០៨ព្រឹក ជាប់ពាក់ព័ន្ឋនិងករណីដឹកនាំកុបកម្ម ញុះញង់កាលពីថ្ងៃទី១៥ ខែកក្កដា ឆ្នាំ២០១៤ នៅទីលានប្រជាធិតេយ្យ។
-
ILO អំពាវនាវឲ្យក្រុមហ៊ុនបញ្ជាទិញចូលរួមក្នុងគម្រោងដំឡើងប្រាក់ឈ្នួលដល់កម្មករ
អង្គការអន្តរជាតិខាងការងារហៅកាត់ថា អាយឡូ (ILO) ដែលជាអង្គការជំនាញផ្នែកការងាររបស់អង្គការសហប្រជាជាតិបានចេញលិខិតចំហមួយទៅក្រុមហ៊ុនអ្នកបញ្ជាទិញ ឬក្រុមហ៊ុនលក់ទំនិញម៉ាកល្បីៗ អោយចូលរួមទទួលខុសត្រូវចំពោះប្រាក់ខែកម្មករនៅកម្ពុជា ដើម្បីធានាថា ពួកគេអាចទទួលបានប្រាក់ខែថ្មីនៅដើមឆ្នាំ២០១៥នេះ។ តាមប្រកាសរបស់រដ្ឋាភិបាលកាលពីខែវិច្ឆិកា ប្រាក់ខែកម្មករក្នុងវិស័យកាត់ដេរ និងផលិតស្បែកជើងនឹងត្រូវដំឡើងដល់ ១២៨ដុល្លារក្នុងមួយខែ ដោយចាប់ផ្ដើមអនុវត្តពីខែមករា នេះតទៅ។
-
អ្នកភូមិបឹងឈូក៤នាក់ត្រូវតុលាការហៅមកសាកសួរជាលើកទី៣
អ្នកភូមិបឹងឈូក ក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ៤នាក់ ត្រូវបានសាលាដំបូងរាជធានីភ្នំពេញ កោះហៅមកសាកសួរជុំវិញបទចោទថា ប្រើអំពើហិង្សាទៅលើអ្នកកាន់កាប់អចលនទ្រព្យដោយសុចរិតជាលើកទី៣។ មន្ត្រីសិទ្ធិមនុស្សថា ករណីនេះចម្លែក។ សវនាការសាកសួរអ្នកភូមិបឹងឈូក ៤នាក់ របស់សាលាដំបូងរាជធានីភ្នំពេញ បានប្រព្រឹត្តទៅពេញមួយព្រឹក ចាប់តាំងពីម៉ោង ៨ រហូតដល់ម៉ោង ១២ថ្ងៃត្រង់ ថ្ងៃទី៥ មករា។
-
អ្នកមានជម្លោះដីធ្លីនៅមេមត់ស្កាត់ជួបនាយករដ្ឋមន្ត្រី ពេលសម្ពោធបើកការដ្ឋានសាលាខេត្តត្បូងឃ្មុំ
កម្លាំងចម្រុះស្រុកពញាក្រែក ខេត្តត្បូងឃ្មុំ នៅព្រឹកថ្ងៃចន្ទនេះរារាំងប្រជាពលរដ្ឋជាង៥២៤គ្រួសារមិនឲ្យជួបនាយករដ្ឋមន្ត្រី ដើម្បីស្វែងរកដំណោះស្រាយរឿងជម្លោះដីធ្លី ដែលបានអូសបន្លាយជាង៦ឆ្នាំ ដោយសមត្ថកិច្ចអះអាងថាដើម្បីត្រួតពិនិត្យចរាចរណ៍ ។ អ្នកតវ៉ាម្នាក់អ្នកស្រី អ៊ុន ស៊ូចេង រស់នៅភូមិខ្នងក្រពើខាងលិច ឃុំត្រមោង ស្រុកមេមត់ ខេត្តត្បូងឃ្មុំ ឲ្យ VOD ដឹងនៅព្រឹកថ្ងៃទី៥ ខែមករា ឆ្នាំ២០១៥នេះថា ពួកគាត់ជាង៥២៤គ្រួសារ រស់នៅទីតាំងនោះតាំងពីឆ្នាំ១៩៧៩មក ដល់ឆ្នាំ២០០៨ ទើបក្រុមហ៊ុនឯកជនមួយមកអះអាងថា ដីនោះជាកម្មសិទ្ធិរបស់ក្រុមហ៊ុនដែលរដ្ឋាភិបាលប្រគល់ឲ្យ ។
-
អ្នកមានទំនាស់ដីធ្លីខកចិត្តនឹងតុលាការដែលចាត់ការតែលើជនរងគ្រោះ
អ្នកមានទំនាស់ដីធ្លីនៅសហគមន៍បឹងឈូក នៅថ្ងៃចន្ទនេះ ខកចិត្តនឹងតុលាការដែលមិនបានចាត់ការទៅលើអ្នករំលោភដី បែរជាកោះហៅតំណាងពួកគេឲ្យចូលបំភ្លឺនៅតុលាការ ដោយចោទពីបទប្រើអំពើហិង្សាលើអ្នកកាន់កាប់អចលនវត្ថុដោយសុចរិត ។ តំណាងសហគមន៍បឹងឈូក អ្នកស្រី ខៀវ ចិន្តា ដែលជាប់ចោទដែរនោះ ថ្លែងថាប្រជាពលរដ្ឋដែលរស់នៅបឹងឈូករងនូវភាពអយុត្តិធម៌ពីតុលាការ ក៏ដូចជាអាជ្ញាធរដែលចោទប្រកាន់តំណាងបួននាក់ថាបង្ករហិង្សាខណៈពួកគេគ្មានកំហុសសោះ ។ អ្នកស្រីបន្តថាពួកគេរងគ្រោះពីរជាន់ គឺទាំងការបណ្តេញចេញជាច្រើនដងពីដីដែលពួកគេរស់នៅច្រើនឆ្នាំមកហើយ និងរងគ្រោះដោយសារតែតុលាការមិនឯករាជ្យ ។
-
ពលរដ្ឋរស់នៅលើដីសម្បទានខេត្តកំពតថាពូកគាត់ត្រូវក្រុមហ៊ុនគំរាមឲ្យលក់ដីថោកៗ
ប្រជាពលរដ្ឋមួយចំនួនរស់នៅលើដីអភិវឌ្ឍន៍ដំរីផុង ក្នុងភូមិព្រៃទាយ ឃុំត្រពាំងភ្លាំង ស្រុកឈូក ខេត្តកំពត បានតវ៉ានៅថ្ងៃអាទិត្យទី៤ មករា ថា ពួកគាត់ត្រូវបានមនុស្សមួយក្រុមដែលអះអាងថា ស្គាល់មន្ត្រីថ្នាក់កំពូល ចុះមកបង្ខំពួកគាត់ឲ្យលក់ដីទៅឲ្យពួកគេថោកៗ ហើយថែមទាំងគំរាមរឹបអូសយកដីទទេ បើប្រជាពលរដ្ឋណាហ៊ានតវ៉ា ឬជំទាស់មិនព្រមលក់។ ប្រជាពលរដ្ឋសម្ដែងការព្រួយបារម្ភយ៉ាងខ្លាំងខ្លាចបាត់បង់ដីផ្ទះនិងដីកសិកម្មដែលរដ្ឋាភិបាលបានចែកជូនពួកគាត់ ជាដីសម្បទានសង្គមកិច្ច ដើម្បីរស់នៅសាងជីវភាពថ្មីលើដីនេះ។
-
តុលាការបើកសវនាការសាកសួរសកម្មជនដីធ្លី៤នាក់មកពីសហគមន៍បឹងឈូក
សាលាដំបូងរាជធានីភ្នំពេញនៅព្រឹកថ្ងៃចន្ទនេះ បើកសវនាការសាកសួរសកម្មជនដីធ្លី៤នាក់មកពីសហគមន៍បឹងឈូក ដោយចោទពីបទ ប្រើអំពើហិង្សាលើអ្នកកាន់កាប់អចលនវត្ថុដោយសុចរិត តែអ្នកទាំង៤ថាជារឿងអយុត្តិធម៌ និងជាការចោទដោយគ្មានមូលដ្ឋាន ។ ពលរដ្ឋមកពីសហគមន៍បឹងឈូកទាំង៤នាក់ដែលត្រូវតុលាការកោះហៅរួមមាន អ្នកស្រី ខៀវ ចិន្តា ប្រធានសហគមន៍បឹងឈូក លោក កុល សោភា អ្នកស្រី កាំង ណារ៉េន និងអ្នកស្រី ប៊ូ ម៉េង ។
-
សមត្ថកិច្ចរារាំងពលរដ្ឋខេត្តត្បូងឃ្មុំដែលមានជម្លោះដីមិនឲ្យជួបនាយករដ្ឋមន្ត្រី ហ៊ុន សែន
ពលរដ្ឋជាង៣០០នាក់ តំណាងឲ្យ៥២៤ គ្រួសារ ដែលមានជម្លោះដីជាមួយក្រុមហ៊ុនចម្ការកៅស៊ូមេមត់ មកពីឃុំត្រមូង ស្រុកមេមត់ ខេត្តត្បូងឃ្មុំ ត្រូវបានសមត្ថកិច្ចដាក់បារាសរារាំង មិនឲ្យជួបនាយករដ្ឋមន្ត្រី ហ៊ុន សែន ដែលសម្ពោធដាក់ឲ្យប្រើប្រាស់ សាលាខេត្តត្បូងឃ្មុំ នៅព្រឹកថ្ងៃទី ០៥ មករា។ នៅចម្ងាយជាង៣គីឡូម៉ែត្រ ពីកន្លែងសម្ពោធសាលាខេត្តត្បូងឃ្មុំ មានសមត្ថកិច្ចដាក់បារាស រហូតដល់៣ចំណុច ម្ដុំផ្លូវជាតិលេខ៧៣ ភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។
-
កម្លាំងចម្រុះជាច្រើននាក់ត្រូវបានដាក់ពង្រាយនៅទីលានប្រជាធិបតេយ្យ
ក្នុងពេលគណបក្សសង្គ្រោះជាតិ រៀបចំធ្វើបុណ្យបង្សុកូលរំលឹកខួបកម្មករ ៥នាក់ស្លាប់ដោយសារកងទាហានបាញ់ស្លាប់នៅផ្លូវវ៉េងស្រង កងកម្លាំងមានសមត្ថកិច្ចចម្រុះរបស់រដ្ឋាភិបាលត្រូវបានគេដាក់ពង្រាយនៅទីលានប្រជាធិបតេយ្យជាច្រើនរយនាក់។ ការបង្ហាញវត្តមាននៃកងកម្លាំងដ៏ស្អេកស្កះនៅពេលនេះ ត្រូវបានអង្គការសង្គមស៊ីវិល និងគណបក្សនយោបាយក្រៅរដ្ឋាភិបាល ចាត់ទុកថា អាជ្ញាធរចង់បង្ហាញសាច់ដុំជាថ្មីទៀតប្រឆាំងក្រុមអ្នកតវ៉ា។
-
សង្គមស៊ីវិលលើកឡើងថា ក្នុងរយៈពេល៥ឆ្នាំអង្គភាពប្រឆាំងអំពើពុករលួយចាប់បានតែត្រីល្អិត
សង្គមស៊ីវិលមើលឃើញថា ការកម្ចាត់អំពើពុករលួយនៅកម្ពុជានៅមានកម្រិត ខណៈអ្នកប្រព្រឹត្តអំពើពុករលួយមានឋានៈធំៗមិនត្រូវបានចាត់ការនៅឡើយ ដោយពួកគេជំរុញឲ្យស្ថាប័នអង្គភាពប្រឆាំងអំពើពុករលួយ បង្កើនការចាត់វិធានការដោយស្មើភាពគ្នា ដើម្បីធានាបានយុត្តិធម៌សង្គម។
-
កម្លាំងចម្រុះជាច្រើននាក់ត្រូវបានដាក់ពង្រាយនៅទីលានប្រជាធិបតេយ្យ
ក្នុងពេលគណបក្សសង្គ្រោះជាតិ រៀបចំធ្វើបុណ្យបង្សុកូលរំលឹកខួបកម្មករ ៥នាក់ស្លាប់ដោយសារកងទាហានបាញ់ស្លាប់នៅផ្លូវវ៉េងស្រង កងកម្លាំងមានសមត្ថកិច្ចចម្រុះរបស់រដ្ឋាភិបាលត្រូវបានគេដាក់ពង្រាយនៅទីលានប្រជាធិបតេយ្យជាច្រើនរយនាក់។ ការបង្ហាញវត្តមាននៃកងកម្លាំងដ៏ស្អេកស្កះនៅពេលនេះ ត្រូវបានអង្គការសង្គមស៊ីវិល និងគណបក្សនយោបាយក្រៅរដ្ឋាភិបាល ចាត់ទុកថា អាជ្ញាធរចង់បង្ហាញសាច់ដុំជាថ្មីទៀតប្រឆាំងក្រុមអ្នកតវ៉ា។
គាំទ្រដោយ
