កំពុងស្វែងរកទិន្នន័យ
រកឃើញ: 13.090
-
សកម្មជនដីធ្លី ព្រះសង្ឃ និងមន្ត្រីសង្គមស៊ីវិលរួមគ្នាទាមទារឲ្យដោះលែងសកម្មជន១៨នាក់
សកម្មជនការពារសិទ្ធិដីធ្លី បណ្តាញព្រះសង្ឃ និង មន្ត្រីអង្គការសង្គមស៊ីវិលរាប់រយនាក់ប្រមូលផ្តុំនៅមុខពន្ធនាគារព្រៃសនៅព្រឹកថ្ងៃអាទិត្យនេះ ដើម្បីទាមទារឲ្យដោះលែងសកម្មជន១៨នាក់ដែលកំពុងជាប់ឃុំ។ ក្នុងពិធីជួបជុំគ្នានៅព្រឹកនេះ មានព្រះសង្ឃសម្ដែងពីធម៌អហិង្សា រួមជាមួយការថ្លែងរបស់មន្ត្រីអង្គការសង្គមស៊ីវិល និងសាច់ញាតិអ្នកជាប់ឃុំ ពិសេសកុមារតូចៗដែលស្រែកយំទាមទារឲ្យដោះលែងម្តាយរបស់ពួកគេវិញ។ អ្នកចូលរួមមានកាន់រូបថតអ្នកជាប់ឃុំ កាន់ទង់សាសនា ទង់ជាតិ និងបដាផ្សេងៗ សរសេរអក្សរក្នុងន័យជំរុញឲ្យមានការដោះលែងអ្នកជាប់ឃុំទាំង១៨នាក់ ។ បន្ទាប់ពីថ្លែងសារ អ្នកចូលរួមក៏បានបង្ហោះប៉ោងប៉ោង ដើម្បីទាមទារឲ្យមានសេរីភាព និងយុត្តិធម៌ដល់សង្គមទាំងមូលពិសេស អ្នកដែលកំពុងជាប់ឃុំទាំង១៨នាក់ ដោយការតវ៉ាទាមទារសិទ្ធិសេរីភាព ។
-
លោក ហ៊ុន ម៉ាណែត ថាការចាប់សកម្មជនគណបក្ស និងអ្នកមានជម្លោះដីធ្លីធ្វើទៅតាមច្បាប់កម្ពុជា
កូនប្រុសច្បងរបស់លោកនាយករដ្ឋមន្រ្តី ហ៊ុន សែន និងជាមេបញ្ជាការរងកងទ័ពជើងគោក លោក ហ៊ុន ម៉ាណែត បកស្រាយថាការចាប់លោក មាជ សុវណ្ណរ៉ា សកម្មជនគណបក្សសង្រ្គោះជាតិ និងប្រជាជនដែលមានជម្លោះដីធ្លីផ្សេងទៀតជាការគោរពតាមច្បាប់កម្ពុជា និងជាការការពារសណ្តាប់ធ្នាប់សន្តិសុខ។ លោកថ្លែងបែបនេះទៅកាន់និស្សិត និងពលករខ្មែរនៅប្រទេសកូរ៉េខាងត្បូង កាលពីពេលថ្មីៗ ខណៈលោកនាយករដ្ឋមន្រ្តី ហ៊ុន សែន រូបលោក និងមន្រ្តីផ្សេងៗទៀតកំពុងតែបំពេញទស្សនកិច្ចនៅប្រទេសកូរ៉េខាងត្បូង ។
-
សកម្មជនដីធ្លីជាប់ឃុំនៅព្រៃសឈឺធ្ងន់តែឆ្មាំយាមមិនឲ្យពេទ្យអង្គការចូលព្យាលបាល
ឆ្មាំពន្ធនាគារព្រៃសនៅព្រឹកថ្ងៃអាទិត្យនេះ មិនអនុញ្ញាតឲ្យគ្រូពេទ្យអង្គការលីកាដូ និងមេធាវី បានចូលជួបសកម្មជនដីធ្លីនៅតំបន់បឹងកក់ជាប់ឃុំក្នុងពន្ធនាគារ ខណៈសកម្មជនទាំងនោះកំពុងធ្លាក់ខ្លួនឈឺខ្លាំង ។ ការមិនអនុញ្ញាតនេះធ្វើឡើងស្របពេលដែល សហគមន៍ដីធ្លីនៅរាជធានីភ្នំពេញ ព្រះសង្ឃ ក្រុមអង្គកាសង្គមស៊ីវិល បានប្រមូលផ្តុំគ្នានៅខាងមុខពន្ធនាគារព្រៃស ទាមទារឲ្យដោះលែងមនុស្សទាំង១៨នាក់ មានសកម្មជនដីធ្លី និងព្រះសង្ឃផងនោះ។
-
អាជីវករប្រមាណ២០០នាក់នៅសៀមរាប តវ៉ាប្រឆាំងការរុះរើកន្លែងលក់ដូររបស់ពួកគេ
ក្រុមអាជីវករលក់ដូរនៅតំបន់អង្គរឃ្យុងយូ ក្រុងសៀមរាប ខេត្ដសៀមរាប ប្រហែល២០០នាក់ នៅព្រឹកថ្ងៃសៅរនេះប្រផ្ដុំគ្នាតវ៉ាប្រឆាំង នឹងការរុះរើកន្លែងលក់ដូររបស់ពួកគេ ។ ការតវ៉ានេះធ្វើឡើងបន្ទាប់ពីសាលាក្រុងសៀមរាប ចេញសេចក្ដីជូនដំណឹងឲ្យក្រុមអាជីវករលក់ដូរនៅផ្សាររាត្រីអង្គរឃ្យុងយូ រុះរើកន្លែងលក់ដូររបស់ពួកគាត់ឲ្យអស់មុនថ្ងៃទី១៧ខែធ្នូខាងមុខនេះ ក្រោមហេតុផលរក្សាសណ្ដាប់ធ្នាប់សាធារណៈ សោភណ្ឌភាពទីក្រុងទេសចរណ៍អង្គរ ។
-
សកម្មជនដីធ្លីឃុំនៅព្រៃសកំពុងធ្លាក់ខ្លួនឈឺជាបន្តបន្ទាប់ក្រោយពីកូដកម្មអត់អាហារ
សកម្មជនដីធ្លីនៅក្នុងតំបន់បឹងកក់ចំនួន៨នាក់ ដែលជាប់ឃុំក្នុងពន្ធនាគារព្រៃស កំពុងធ្លាក់ខ្លួនឈឺជាបន្តបន្ទាប់នៅថ្ងៃសៅរ៍នេះ ក្រោយពីពួកគេធ្វើកូដកម្មអត់អាហាររយៈពេល៣ថ្ងៃមក ដើម្បីទាមទារឲ្យផ្តល់យុត្តិធម៌ និងដោះលែងពួកគេឲ្យមានសេរីភាពវិញ ។ សកម្មជនដីធ្លីនៅក្នុងតំបន់បឹងកក់ អ្នកនាង ប៉ូវ សោភា បានឲ្យដឹងថារហូតមកដល់រសៀលថ្ងៃនេះ តំណាងសហគមន៍បឹងកក់ដែលកំពុងជាប់ពន្ធនាគាបានធ្លាក់ខ្លួនឈឺជាបន្តបន្ទាប់ ដោយមានអាការៈ ហ៊ឹងត្រចៀក ស្រវាំងភ្នែក អស់កម្លាំងជាដើម ។ អ្នកនាងបន្តថាក្នុងចំណោម៨នាក់នោះ អ្នកនាង បូ ឆវី ធ្ងន់ធ្ងរជាងគេ ដោយសារគាត់ធ្លាប់វះកាត់ប្រម៉ាត់ និងមានជំងឺលើសឈាម ។
-
ក្រសួងការងារអំពាវនាវឲ្យក្រុមហ៊ុនបរទេស ឬក្រុមហ៊ុនប្រើពលកម្មបរទេសបំពេញបែបបទថ្មី
ក្រសួងការងារ និងបណ្តុះបណ្តាលវិជ្ជាជីវៈ អំពាវនាវឲ្យក្រុមហ៊ុនបរទេស ឬក្រុមហ៊ុនទាំងឡាយណាដែលប្រើប្រាស់ពលកម្មបរទេស ត្រូវបំពេញបែបបទសុំធ្វើប័ណ្ណការងារ និងសៀវភៅការងារជនបរទេស ឲ្យបានមុនដំណាច់ខែមីនានៃឆ្នាំនីមួយ ។ សេចក្តីជូនដំណឹងរបស់ក្រសួងការងារ និងបណ្តុះបណ្តាលវិជ្ជាជីវៈចុះថ្ងៃទី ៤ខែធ្នូ ដែល VOD ទទួលបាននៅថ្ងៃនេះតម្រូវឲ្យម្ចាស់ ឬនាយកសហគ្រាស គ្រឹះស្ថានទាំងឡាយដែលមានប្រើប្រាស់ហត្ថពលកម្មបរទេស(ពលកម្មបរទេស) ឬជនបរទេសដែលចូលមកប្រកបរបរណាមួយនៅក្នុងព្រះរាជាណាចក្រកម្ពុជា ត្រូវបំពេញបែបបទស្នើសុំធ្វើប័ណ្ណការងារ និងសៀវភៅការងារជនបរទេសឲ្យបានមុនដំណាច់ខែមីនា នៃឆ្នាំនីមួយៗ នៅការិយាល័យត្រួតពិនិត្យជនបរទេសនៃនាយកដ្ឋានមុខរបរ និងហត្ថពលកម្ម ។
-
សង្គមស៊ីវិលជាង១០នឹងដឹកនាំការប្រមូលផ្តុំទាមទារឲ្យដោះលែងសកម្មជនដីធ្លីនៅពន្ធនាគារព្រៃស
សង្គមស៊ីវិលជាង១០ រួមទាំងសហជីពផងនោះនៅថ្ងៃស្អែកនេះ នឹងដឹកនាំមនុស្សជាង៧០០នាក់ ជួបជុំគ្នានៅពន្ធនាគាព្រៃស ដើម្បីចូលរួមលុបបំបាត់និទណ្ធភាព និងគាំទ្រឲ្យមានការដោះលែងសកម្មជនដីធ្លី រួមទាំងព្រះសង្ឃផងនោះឲ្យមានសេរីភាពឡើងវិញ ។ ការប្រមូលផ្តុំគ្នានេះស្របពេលដែលសកម្មជនដីធ្លី៨នាក់ កំពុងធ្លាក់ខ្លួនឈឺជាបន្តបន្ទាប់ក្រោយពីធ្វើកូដកម្មបង្អត់អាហារ ដើម្បីទាមទារឲ្យដោះលែងពួកគេមានសេរីភាពឡើងវិញ។
-
អង្គការសង្គមស៊ីវិល សហជីព និងគណបក្សប្រឆាំងគោរពវិញ្ញាណក្ខន្ធសព លោក ចាន់ សុវ៉េត
ចាប់តាំងពីព្រឹកព្រលឹមរហូតដល់ពេលល្ងាច ថ្ងៃព្រហស្បតិ៍នេះ ក្រុមអង្គការសង្គមស៊ីវិល មេដឹកនាំសហជីព និង មេដឹកនាំគណបក្សប្រឆាំងក្នុងប្រទេសកម្ពុជាបាននាំគ្នាដាក់កម្រងផ្កាជាបន្តបន្ទាប់ ដើម្បីគោរពវិញ្ញាណក្ខន្ធសព លោក ចាន់ សុវ៉េត សកម្មជនសិទ្ធិមនុស្សដ៏លេចធ្លោមួយដែលបានតម្កល់ទុកនៅវត្តគល់ទទឹង ស្ថិតនៅភូមិ កោះ ក្របី សង្កាត់ព្រែកថ្មី ខ័ណ្ឌ ច្បារអំពៅ។ លោក ចាន់ សុវ៉េត អាយុ៥១ឆ្នាំ មន្ត្រីសិទ្ធិមនុស្សដ៏ល្បីល្បាញរបស់សមាគមសិទ្ធិមនុស្សអាដហុក បានទទួលមរណភាពនៅរសៀលថ្ងៃពុធ។ បើតាមក្រុមគ្រួសារបានសន្និដ្ឋាន ជំហានដំបូងថា ដោយសារជម្ងឺលើសឈាមបណ្តាលឲ្យគាំងបេះដូងស្លាប់។
-
កម្មករជាងពីរពាន់នាក់ នៅតំបន់សេដ្ឋកិច្ចពិសេសមេនហាតធេន បន្តកូដកម្ម ទាមទារលក្ខខណ្ឌការងារ៨ចំណុច
នៅព្រឹកថ្ងៃ ទី១២ ខែធ្នូនេះ កម្មករ-កម្មការិនី បម្រើការងាររោងចក្រ អ៊ីសធឺន នៅតំបន់សេដ្ឋកិច្ចពិសេស មេនហាតធេន ស្ថិតនៅក្រុងបាវិត ខេត្តស្វាយរៀង ប្រមាណជា ២.០២៧នាក់ បាននាំគ្នាបន្តតវ៉ា ទាមទារលក្ខខណ្ឌការងារចំនួន ៨ចំណុច។ លក្ខខ័ណ្ឌការងារ ៨ចំណុចនោះ រួមមាន៖ ១.សូមឲ្យក្រុមហ៊ុនកំណត់ចំនួនខោអាវឲ្យកម្មករដេរឲ្យបានសមរម្យ ២.ក្រុមហ៊ុនត្រូវផ្តល់ភាពងាយស្រួលជូនកម្មករក្នុងការដាក់ច្បាប់ពេលមានធុរ:ចាំបាច់ ៣.សុំគ្រូពេទ្យ គីម ចេញពីក្រុមហ៊ុនជាបន្ទាន់ ៤.សុំក្រុមហ៊ុនអនុញ្ញាតិចូលធ្វើការ ពេលព្រឹក ម៉ោង ៧.៤០ បើសិនជាកម្មករមកលើសម៉ោង សូមឲ្យកាត់លុយ ៥.ពេលកម្មករឈឺហើយមានសំបុត្រពេទ្យបញ្ជាក់ត្រឹមត្រូវ ក្រុមហ៊ុនត្រូវទទួលយកគ្រប់ស្ថាប័នពេទ្យរដ្ឋ ល្អទាំងអស់ ៦.សុំក្រុមហ៊ុនអនុញ្ញាតិឲ្យកម្មករ មានផ្ទៃពោះទៅពិនិត្យពោះដោយមិនកាត់ប្រាក់ឈ្នួល និង អត្តប្រយោជន៏ផ្សេងៗ ៧.ពេលធ្វើការថែមម៉ោងមិនត្រូវបង្ខំកម្មករទេ ៨.សុំក្រុមហ៊ុនចេញក្រដាស់បើកលុយឲ្យបានធំ និងជាអក្សរខ្មែរ។
-
សាលាឧទ្ធរណ៍សម្រេចបន្តឃុំខ្លួនលោក មាជ សុវណ្ណារ៉ា និង ពេជ្រ សំណាង មន្ត្រីគណបក្សសង្គ្រោះជាតិ
នៅព្រឹកថ្ងៃទី១២ ខែធ្នូ ឆ្នាំ២០១៤នេះ ចៅក្រមសាលាឧទ្ឋរណ៍ បានសម្រេចបន្តឃុំខ្លួនលោក មាជ សុវណ្ណារ៉ា ជាខ្មែរ-អាមេរិកាំង និងជាប្រធាននាយកដ្ឋានប្រព័ន្ឋផ្សព្វ-ផ្សាយព័ត៌មាននៃគណបក្សសង្គ្រោះជាតិ និង លោក ពេជ្រ សំណាង ជាសកម្មជនគណបក្សសង្គ្រោះជាតិ។ ក្នុងសវនាការជំនុំជម្រះនាព្រឹកមិញនេះ គឺមានលោក ឃុន លាងម៉េង ជាប្រធានក្រុមប្រឹក្សាជំនុំជម្រះ។ហើយនៅក្នុងបន្ទប់សវនាការ គឺឃើញមានវត្តមាន ជនជាប់ចោទឈ្មោះ មាជ សុវណ្ណារ៉ា និង អ៊ុក ពេជ្រសំណាង សកម្មជនគណបក្សសង្គ្រោះជាតិ រួមទាំងមេធាវីការពារក្តី។
-
សង្គមស៊ីវិល៖ ការចង់បង្កើតច្បាប់គ្រប់គ្រងសង្គមស៊ីវិល ជាសញ្ញាណភ័យខ្លាចរបស់មេដឹកនាំគ្មានតម្លាភាព
អ្នកស្រាវជ្រាវសង្គម និងអង្គការឃ្លាំមើលសភាលើកឡើងថា ការដែលរដ្ឋាភិបាលពន្លឿនការបង្កើតច្បាប់គ្រប់គ្រងអង្គការសង្គស៊ីវិល ទំនងជាបារម្ភពីការបាត់បង់ការគាំទ្របន្ថែមទៀត ដោយសាតែរចនាសម្ព័ន្ធដឹកនាំរដ្ឋមួយគ្មានតម្លាភាព ។ នាយកប្រតិបត្តិអង្គការឃ្លាំមើលការបោះឆ្នោត និងឃ្លាំមើលដំណើរការរដ្ឋសភាហៅកាត់ថា ខុមហ្វ្រែល លោក គល់ បញ្ញា ឲ្យ VOD ដឹងនៅថ្ងៃទី១២ ខែធ្នូ ឆ្នាំ២០១៤នេះថា រដ្ឋាភិបាលមិនចាំបាច់បង្កើតឲ្យមានច្បាប់ស្តីពីដំណើរការនៃសង្គមស៊ីវិល ឬហៅថាច្បាប់គ្រប់គ្រងសង្គមស៊ីវិលនៅពេលនេះ ដោយសារតែកម្ពុជាមានច្បាប់ច្រើនទៀត សម្រាប់ឃ្លាំមើលពីសកម្មភាពរបស់អង្គការសង្គមស៊ីវិលហើយ ។
-
ប្រទេសកម្ពុជា ប្រារព្ធខួបទី៦៦នៃទិវាសិទ្ធិមនុស្សអន្តរជាតិ
ក្រុមអង្គការសិទ្ធិមនុស្ស គណបក្សប្រឆាំង សហជីពសេរីកម្មករ និងរដ្ឋាភិបាលនៅថ្ងៃពុធនេះ ប្រារព្ធខួបទី៦៦នៃទិវាសិទ្ធិមនុស្សអន្តរជាតិនៅកន្លែងផ្សេងៗគ្នា ក្នុងប្រទេសកម្ពុជា។ ស្របពេលជាមួយគ្នានេះ សកម្មជនដីធ្លីតំបន់បឹងកក់ ដែលកំពុងជាប់ពន្ធនាគារ បានចាប់ផ្តើមធ្វើកូដកម្មអត់អាហារដើម្បីទាមទារឲ្យរដ្ឋាភិបាលដោះលែងពួកគេ។
-
លោក កឹម សុខា ៖ លោក ចាន់ សុវេត ស្លាប់មែនតែបានទុកកេរ្តិ៍ឈ្មោះដើម្បីជាតិ
លោក កឹម សុខា អនុប្រធានទី១នៃរដ្ឋសភា និងជាអនុប្រធានគណបក្សសង្គ្រោះជាតិ ដែលបានបានផ្ញើលិខិតមួយច្បាប់ទៅគ្រួសាររបស់លោក ចាន់ សុវេត ដើម្បីចូលរួមរំលែកទុក្ខនិយាយថាលោក ចាន់ សុវេត ស្លាប់មែន តែបានទុកកេរ្តិ៍ឈ្មោះដើម្បីជាតិ ។ លិខិតមរណទុក្ខ ដែលចុះហត្ថលេខាដោយអនុប្រធានទី១នៃរដ្ឋសភាជាតិ និងជាអនុប្រធានគណបក្សសង្គ្រោះជាតិ លោក កឹម សុខា នៅថ្ងៃទី១១ ខែធ្នូ ឆ្នាំ២០១៤ បានរៀបរាប់ថា មរណភាពរបស់លោក ចាន់ សុវេត គឺជាការបាត់បង់វីរកុលបុត្រខ្មែរដ៏ឆ្នើមម្នាក់ ជាបង្គោលគ្រួសារប្រកបដោយការទទួលខុសត្រូវ និងជាសកម្មជន អ្នកការពារ និងអ្នកស៊ើបអង្កេតសិទ្ធិមនុស្សប្រកបដោយឆន្ទៈមោះមុត ដែលជាធនធានមនុស្សដ៏មានសមត្ថភាព និងជាទីពឹងរបស់ពលរដ្ឋខ្មែរងាយរងគ្រោះ នៃអំពើរំលោភបំពានសិទ្ធិមនុស្សនៅប្រទេសកម្ពុជា ។
-
តើសេចក្ដីព្រាងច្បាប់ស្ដីពីសិទ្ធិទទួលព័ត៌មានដំណើរការបានអ្វីខ្លះហើយ?
រដ្ឋាភិបាលបានប្រគល់ការងាររៀបចំតាក់តែងសេចក្តីព្រាងច្បាប់ ស្ដីពីសិទ្ធិទទួលព័ត៌មាន ឲ្យក្រសួងព័ត៌មាន ជាអ្នកទទួលខុសត្រូវ។ ការរៀបចំសេចក្តីព្រាងច្បាប់ស្ដីពីសិទ្ធិទទួលព័ត៌មាននោះ មានការចូលរួមពីអង្គការយូណេស្កូ (UNESCO) អង្គការមិនមែនរដ្ឋាភិបាល សមាគមកាសែត និងបានទទួលជំនួយឧបត្ថម្ភពីប្រទេសស៊ុយអែត ប្រមាណ ១លានដុល្លារ ដើម្បីចំណាយរៀបចំសេចក្តីព្រាងច្បាប់នោះ។ តើមកដល់ពេលនេះ ដំណើរការរៀបចំសេចក្តីព្រាងច្បាប់នោះបានអ្វីខ្លះហើយ?
-
មន្ត្រីរដ្ឋាភិបាលលើកឡើងពីកិច្ចប្រឹងប្រែងការពារសិទ្ធិមនុស្សនៅកម្ពុជា
មន្ត្រីរាជរដ្ឋាភិបាលអះអាងថា រដ្ឋាភិបាលកម្ពុជាបានធ្វើកិច្ចការជាច្រើនដើម្បីលើកស្ទួយ និងការពារសិទ្ធិមនុស្ស ដែលក្នុងនោះរួមមានទាំងការបង្កើតច្បាប់ ការផ្តល់សច្ចាប័នលើពិធីសារអន្តរជាតិ កត្តិកាសញ្ញាអន្តរជាតិ និងគោលនយោបាយជាយុទ្ធសាស្ត្រ ជាដើម។ ប្រធានគណៈកម្មការសិទ្ធិមនុស្សកម្ពុជា លោក ម៉ក់ សម្បត្តិ បានលើកឡើងបែបនេះនៅក្នុងឱកាសជួបជុំគ្នាមួយ នៅនិវេសនដ្ឋានសហភាពអឺរ៉ុប កាលពីល្ងាចថ្ងៃទី១០ ខែធ្នូ ។ លោកថា រាជរដ្ឋាភិបាលកម្ពុជាជាប្រទេសទី១នៅអាស៊ី ដែលបានផ្តល់សច្ចាប័នលើពិធីសារបន្ថែមស្តីពីការប្រឆាំងការធ្វើទារុណកម្ម ។
-
សហភាពអឺរ៉ុបចង់ឃើញរដ្ឋសភាកម្ពុជា ធ្វើច្បាប់តាមស្មារតីរដ្ឋធម្មនុញ្ញដើម្បីធានាពីឯករាជ្យរបស់តុលាការ
សហភាពអឺរ៉ុប បង្ហាញជំហរចង់ឃើញរដ្ឋសភាកម្ពុជា ធ្វើច្បាប់ធានាពីឯករាជ្យរបស់តុលាការ ដើម្បីទប់ស្កាត់ការរំលោភសិទ្ធិមនុស្ស ។ ក្នុងទិវាសិទ្ធិមនុស្សអន្តរជាតិ១០ធ្នូ ដែលប្រារពធ្វើឡើង នៅទីលានប្រជាធិបតេយ្យ កាលពីថ្ងៃពុធម្សិលមិញ អគ្គរដ្ឋទូតនៃប្រតិភូសហភាពអឺរ៉ុប ប្រចាំកម្ពុជា លោក Jean Francois Cautain បង្ហាញការខកចិត្ត ថា ច្បាប់កំណែទម្រង់ប្រព័ន្ធតុលាការ ដែលដាក់ឲ្យប្រើនាពេលថ្មីៗនេះ បានអនុម័តតែសមាជិករដ្ឋសភារបស់គណបក្សមួយ ដោយមិនបានបើកទូលាយឲ្យដៃគូដែលនៅក្រៅសភា បានពិគ្រោះយោបល់ទេ ដែលធ្វើឲ្យច្បាប់នេះ អនុវត្តមានភាពលម្អៀងរវាងអ្នកក្រីក្រ និងអ្នកមានអំណាច ។ លោកថា «ឧទាហរណ៍ថ្មីៗនៅក្នុងការអនុវត្តច្បាប់នេះ បានបង្ហាញឲ្យយើងឃើញនូវសញ្ញាផ្ទុយពីនេះទៅវិញ គឺមានន័យថា នៅក្នុងករណីខ្លះយុត្តិធម៌គឺគេបានធ្វើយ៉ាងលឿន ប្រញ៉ាប់ប្រញាល់មែនទែន ក្នុងការបញ្ជូនបាតុករដោយសន្តិវិធី ទៅពន្ធនាគារ ឃុំខ្លួនគឺថាលឿន ឯក្នុងករណីផ្សេងទៀត យុត្តិធម៌គឺហាក់បីដូចជាងាប់ត្រគាក គឺមិនដំណើរការ ស្ទើរតែមិនដំណើរការ ឧទាហរណ៍ដូចជានៅពេលដែលកម្លាំងសន្តិសុខដែលបានចូលរួមក្នុងហេតុការណ៍ដែលបណ្តាលឲ្យមានប្រជាពលរដ្ឋស្លាប់នោះ គឺថាយុត្តិធម៌ហាក់ដូចជាមានការយឺតយ៉ាវ»
-
អ្នកទោសគុកខ្មែរក្រហមសម្តែងការខកចិត្តចំពោះករណីរបស់លោកចេញពីសំណុំរឿង០០២ វគ្គទី២
ជនរងគ្រោះនៅរស់ជីវិតពីគុកខ្មែរក្រហមម្នាក់គឺលោកស៊ុំ ឫទ្ធី សម្តែងការមិន សប្បាយចិត្តនឹងការដកចេញទីតាំងឧក្រិដ្ឋកម្មនៅខេត្តសៀមរាបចេញពីសំណុំ រឿង០០២ វគ្គទី២ ដោយថ្លែងទាំងខឹងសម្បាថា ការធ្វើដូច្នោះគឺជារឿងបន្ថែមការ ឈឺចាប់ដល់រូបលោក។
-
កម្ពុជាយល់ព្រមឲ្យអ.ស.ប ចុះជួបនិងពិនិត្យក្រុមជនជាតិដើមភាគតិចតំបន់ភ្នំវៀតណាម
រដ្ឋាភិបាលកម្ពុជាយល់ព្រមអនុញ្ញាតិឲ្យអង្គការសហប្រជាជាតិ ចុះជួបនិងពិនិត្យក្រុមជនជាតិដើមភាគតិចតំបន់ភ្នំវៀតណាម។ ប៉ុន្តែ នៅមិនទាន់មានការកំណត់ពេលវេលាជាក់លាក់សម្រាប់ការចុះត្រួតពិនិត្យនេះនៅឡើយ។ លោកស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ បានយល់ព្រមឲ្យអង្គការសហប្រជាជាតិ ចុះពិនិត្យនិងសិក្សាស្ថានភាពជនជាតិដើមតំបន់ភ្នំវៀតណាមចំនួន ១៣នាក់ ដែលបានភៀសខ្លួនមកសុំសិទ្ធិជ្រកកោនក្នុងព្រៃនៃខេត្តរតនគីរី នេះបើយោងតាមមន្រ្តីជាន់ខ្ពស់អង្គការសហប្រជាជាតិនិងមន្ត្រីផ្លូវការកម្ពុជានៅថ្ងៃពុធនេះ។ ការចុះត្រួតពិនិត្យដោយមានកិច្ចសហការពីមន្ត្រីកម្ពុជា។
អានបន្ត
គាំទ្រដោយ
