កំពុងស្វែងរកទិន្នន័យ
រកឃើញ: 13.090
-
សង្គមស៊ីវិលមួយក្រុមធ្វើយុទ្ធនាការបូពណ៌សរយៈពេល២ថ្ងៃ ដើម្បីបង្ហាញតម្លៃស្ត្រីក្នុងការអភិវឌ្ឍសង្គម
សង្គមស៊ីវិលមួយក្រុម ដែលធ្វើការផ្តោតលើសិទ្ធិស្ត្រី នឹងបើកយុទ្ធនាការបូពណ៌សរយៈពេល២ថ្ងៃ នៅកន្លែងពីរផ្សេងគ្នាក្នុងរាជធានីភ្នំពេញ ប្រឆាំងនឹងការប្រើហិង្សាគ្រប់រូបភាពលើស្ត្រី ដើម្បីធានាថាស្ត្រីជាដៃគូសំខាន់ក្នុងការអភិវឌ្ឍសង្គម ។ តាមសេចក្តីជូនដំណឹងមិនបញ្ជាក់ប្រភពច្បាស់លាស់ឲ្យដឹងថា នៅថ្ងៃសៅរ៍ ទី៦ ខែធ្នូ នេះពួកគនឹងធ្វើកម្មវិធីយុទ្ធនាការបូពណ៌ស នៅមុខវត្តបុទមវតី ហើយនៅថ្ងៃអាទិត្យ ទី៧ ស្អែកនេះពួកគេនឹងធ្វើយុទ្ធនាការនៅពហុកីឡាដ្ឋានជាតិអូឡាំពិក ប្រឆាំងនឹងអំពើហិង្សាគ្រប់រូបភាពលើស្ត្រី និងជំរុញឲ្យលើកកម្ពស់សិទ្ធិនារី ដើម្បីបង្ហាញថាស្ត្រីជាធនធានដែលមិនអាចខ្វះបាន ។ សេចក្តីជូនដំណឹងឲ្យដឹងទៀតថា ក្នុងវិធីនោះនឹងមានអ្នករាំចង្វាក់កន្ទ្រាក់អារម្មណ៍ ចាប់ផ្តើម៤:៣០រសៀល ដល់ម៉ោង៧:០០យប់ ព្រមទាំងចែកខិតប័ណ្ណនិយាយពីតួនាទីសំខាន់របស់ស្ត្រីស្ត្រីផងដែរ ។ លិខិតបញ្ជាក់ថា កម្មវិធីនោះមានការឧបត្ថម្ភពីអង្គការ GADC មូលនិធិហាប់ស្វ៊ែល ហើយពួកគេរំពឹងថានឹងមានអ្នកចូលរួមជាង១០០នាក់សម្រាប់កម្មវិធីនីមួយៗ ៕
-
លោក មាជ សុវណ្ណារ៉ា ព្រមានធ្វើកូដកម្មបង្អត់អាហារក្នុងពន្ធនាគារព្រៃសដើម្បីបញ្ចប់និទណ្ឌភាព
មន្ត្រីជាន់ខ្ពស់គណបក្សសង្គ្រោះជាតិម្នាក់ដែលមានសញ្ជាតិអាមេរិក ព្រមានធ្វើកូដកម្មបង្អត់អាហារ ក្នុងបន្ទប់ឃុំឃាំងនៅពន្ធនាគារព្រៃសរយៈពេល៥ថ្ងៃ ជំរុញឲ្យបញ្ចប់និទណ្ឌភាពនៅកម្ពុជា ។ មន្ត្រីជាន់ខ្ពស់គណបក្សសង្គ្រោះជាតិលោក មាជ សុវណ្ណារ៉ា ដែលមានសញ្ជាតិអាមេរិកាំង ត្រូវតុលាការចាប់ឃុំខ្លួននៅថ្ងៃទី១១ ខែវិច្ឆិកា ឆ្នាំ២០១៤ ដោយចោទថា ជាប់ពាក់ព័ន្ធនឹងបាតុកម្មហិង្សាមួយនៅជិតទីលានប្រជាធិបតេយ្យ កាលពីថ្ងៃថ្ងៃទី១៥ ខែកក្កដា ឆ្នាំ២០១៤ ។
-
ក្បួនធម្មយាត្រាទិវាសិទ្ធិមនុស្ស១០ធ្នូ បន្តដំណើរទៅរាជធានីភ្នំពេញ ក្រោយពីមានឧបសគ្គនៅខេត្តតាកែវ
សកម្មជនធម្មយាត្រាទិវា១០ធ្នូ បានអះអាងមកថា គោលដៅមួយក្នុងចំណោមគោលដៅ៦ផ្សេងទៀត ដែលអាជ្ញាធររារាំងការដើរហែក្បួន ត្រូវបានបើកផ្លូវឲ្យធ្វើសកម្មភាពដូចការគ្រោងទុកវិញហើយ នៅព្រឹកថ្ងៃសៅរ៍នេះ បន្ទាប់ពីមានការរារាំង ។ ក្រុមអ្នកហែក្បួនធម្មយាត្រាតាមផ្លូវជាតិលេខ២ ដឹងនៅថ្ងៃសៅរ៍នេះថា អភិបាលខេត្តតាកែវបានបញ្ជាឲ្យសមត្ថកិច្ចតាមផ្លូវជាតិនេះ បើកផ្លូវឲ្យអ្នកដើរក្បួន ធ្វើដំណើរឆ្ពោះទៅកាន់រដ្ឋសភាជាតិនៅរាជធានីភ្នំពេញ ដើម្បីប្រារព្ធទិវាសិទ្ធិមនុស្ស១០ធ្នូ ។
-
លោកស្រី Wan-Hea Lee ៖ ចំណុចសំខាន់ដំបូងដើម្បីការពារសុវត្ថិភាពអ្នកកាសែតគឺ«វិជ្ជាជីវៈ»
ភ្ញៀវប្រចាំថ្ងៃរបស់វិទ្យុយើងនៅថ្ងៃនេះ គឺលោកស្រី វ៉ាន់ ហ៊ីលី (Wan-Hea Lee ) តំណាងការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា។ ការិយាល័យនេះ សហការជាមួយអង្គការយូណេស្កូបានរៀបចំសិក្ខាសាលាមួយនៅថ្ងៃសុក្រនេះក្រោមប្រធានបទ«វិជ្ជាជីវៈសារព័ត៌មាននិងសន្តិសុខអ្នកកាសែត»។ ឆ្លើយតបនឹងសំណួររបស់វិទ្យុបារាំងអន្តរជាតិ លោកស្រី វ៉ាន់ ហ៊ីលី បានចាត់ទុកការគោរពវិជ្ជាជីវៈឲ្យបានត្រឹមត្រូវគឺជាចំណុចសំខាន់ដំបូងគេក្នុងការការពារសុវត្ថិភាពអ្នកកាសែត។ លោកស្រីអះអាងថា ការិយាល័យរបស់លោកស្រីរួមជាមួយអង្គការ យូណេស្កូ ត្រៀមខ្លួនជានិច្ចក្នុងការជួយបង្កើតយន្តការនានាដើម្បីជួយលើកកម្ពស់វិជ្ជាជីវៈសារព័ត៌មាននៅកម្ពុជា។
-
ក្បួនធម្មយាត្រាក្នុងខេត្តតាកែវប្ដេជ្ញាបន្តហែក្បួននៅថ្ងៃស្អែក ទោះមានការរារាំង
ក្រុមអ្នកហែក្បួនធម្មយាត្រាដើម្បីសិទ្ធិមនុស្សក្នុងខេត្តតាកែវ អះអាងថា ពួកគេប្ដេជ្ញាថានឹងបន្តហែក្បួននៅថ្ងៃស្អែក បើទោះជាមានការរារាំងពីអាជ្ញាធរក៏ដោយ ។ ព្រះតេជគុណ កែវ សុម៉ាលី ដែលបានចូលរួមហែក្បួនធម្មយាត្រានេះ មានថេរដីកាប្រាប់VODថា នៅថ្ងៃស្អែក ក្បួនធម្មយាត្រានឹងបន្ដដំណើរទៅមុខទៀត ដើម្បីទៅចូលរួមទិវាសិទ្ធិមនុស្ស១០ធ្នូនៅក្នុងរាជធានីភ្នំពេញតាមការគ្រោងទុក ។ ទោះយ៉ាងណា ព្រះអង្គមានថេរដីកាថា ប្រសិនបើមានការរារាំងពីអាជ្ញាធរត្រង់ណា ក្បួនធម្មយាត្រានឹងឈប់ត្រង់នោះ ដើម្បីចៀសវាងបាតុភាពអវិជ្ជមានជាយថាហេតុណាមួយ ។
-
ប្រជាសហគមន៍ អេស អូ អេស ស្វែងរកកិច្ចអន្តរាគមន៍ពីសហគមន៍អន្តរជាតិ
ប្រជាសហគមន៍ព្រលានយន្តហោះអន្តរជាតិភ្នំពេញ អេស អូ អេស (SOS) នៅរសៀលថ្ងៃសុក្រ នេះបានដើរដាក់ញត្តិនៅស្ថានទូតនានា ដោយពួកគេអះអាងថា ដើម្បីស្វែងរកកិច្ចអន្តរាគមន៍ និងជួយដល់ប្រជាពលរដ្ឋទាំង៥ភូមិក្នុងសហគន៍នេះ ឲ្យគេចផុតពីការបណ្តេញចេញដោយបង្ខំ ។ ពលរដ្ឋក្នុងសហគមន៍ អេស អូ អេស ម្នាក់ លោក គឹម សួរ មានប្រសាសន៍ថា ពួកគាត់មានគ្នាប្រហែល ជា៤០នាក់ នាំយកញត្តិមកដាក់នៅស្ថានទូតសហរដ្ឋអាមេរិច បារាំង និងសហគមន៍អឺរ៉ុប ដើម្បីជួយអន្តរាគមន៍ និងដាក់សម្ពាធទៅលើរាជរដ្ឋាភិបាល ដើម្បីឲ្យមានដំណោះស្រាយសមរម្យដល់ពួកគាត់ ។
-
ក្លឹបអ្នកកាសែតអំពាវនាវដល់អ្នកកាសែតឲ្យប្រកាន់ក្រមសីលធម៌វិជ្ជាជីវៈឲ្យបានខ្ពស់
ក្លឹបអ្នកកាសែត អំពាវនាវដល់អ្នកសារព័ត៌មានទាំងអស់ប្រកាន់យកនូវក្រមសីលធម៌ វិជ្ជាជីវៈ ដើម្បីជៀសវាង បាននូវការគំរាមកំហែង ប្ដឹងផ្ដល់ និងរក្សាបាននូវព័ត៌មានសុក្រឹត ដែលអាចជឿទុកចិត្តបាន ឬជាអាវក្រោះសម្រាប់អ្នកសារព័ត៌មានផ្ទាល់។ ការអំពាវនាវនេះត្រូវបានធ្វើឡើងក្នុងសិក្ខាសាលាស្ដីពីវិជ្ជាជីវៈសារព័ត៌មាន និងសន្តិសុខអ្នកកាសែត នៅរាជធានីភ្នំពេញ នៅថ្ងៃទី ៥ ធ្នូ ដោយមានតំណាងក្លឹបអ្នកកាសែតកម្ពុជា អ្នកសារព័ត៌មានជាតិ អង្គការសង្គមស៊ីវិល តំណាងការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) និងតំណាងអង្គការយូនីស្កូ (UNESCO) ប្រចាំកម្ពុជា ចូលរួមសរុបប្រមាណ ៥០នាក់។
-
Freedom House៖ កម្ពុជាពុំទាន់មានសេរីភាពពេញលេញផ្នែកប្រព័ន្ធអ៊ីនធើណែត
អង្គការFreedom House ដែលមានមូលដ្ឋាននៅសហរដ្ឋអាមេរិកបានចេញផ្សាយរបាយការណ៍ថ្មីមួយដោយវាយតម្លៃថាសេរីភាពផ្នែកប្រព័ន្ធអ៊ីនធើណែតនៅកម្ពុជាពុំទាន់មានភាពសេរីភាពពេញលេញនៅឡើយទេ(Partly Free)។ របាយការណ៍ប្រចាំឆ្នាំស្តីពីសេរីភាពអ៊ីនធើណែតក្នុងពិភពលោកសម្រាប់ឆ្នាំ២០១៤ បានដាក់ចំណាត់ថ្នាក់កម្ពុជាក្នុងលំដាប់លេខរៀងទី៤៧ ឬមិនមានសេរីភាពពេញលេញ(Partly Free) ដែលដូចនឹងលំដាប់លេខកាលពីឆ្នាំ២០១៣។ របាយការណ៍សង្ខេបនូវព្រឹត្តិការណ៍ថ្មីៗមួយចំនួនដែលបានកត់ត្រាចាប់ពីខែឧសភា ឆ្នាំ២០១៣ដល់ខែឧសភាឆ្នាំ២០១៤ ដោយដាក់ការព្រួយបារម្ភទៅលើសេចក្តីព្រាងច្បាប់ស្តីពីឧក្រិដ្ឋកម្មអ៊ីនធើណែត ការព្រមានរបស់គណៈកម្មាធិការជាតិរៀបចំការបោះឆ្នោត(គជប)កុំឲ្យអ្នកប្រើប្រាស់ប្រព័ន្ធសង្គមហ្វេសប៊ុកបង្ហោះព័ត៌មានមិនពិតទាក់ទងនឹងការបោះឆ្នោត(មុនថ្ងៃទី២៨ខែកក្កដាឆ្នាំ២០១៣) និងការចោទប្រកាន់ទៅលើអ្នកលេងហ្វេសប៊ុកដែលរិះគន់ពីអំពើពុករលួយរបស់មន្ត្រីនគរបាល។
-
កម្មកររោងចក្រនូវខបតវ៉ាបិទផ្លូវទាមទារការដោះស្រាយពីអាជ្ញាធរពាក់ព័ន្ធ
កម្មកររោងចក្រនូវខប (Now Corp) ជាង១ពាន់នាក់តវ៉ាបិទផ្លូវជាតិលេខ ៤១ នៅព្រឹកថ្ងៃទី៤ ធ្នូ នេះ ដើម្បីទាមទារឲ្យអាជ្ញាធរ ស្វែងរកដំណោះស្រាយជាមួយថៅកែរោងចក្រ ឲ្យបញ្ឈប់អ្នកគ្រប់គ្រងក្នុងរោងចក្រនោះ ស្នើសុំដំឡើងលុយថ្លៃបាយថ្ងៃត្រង់ក្នុងម្នាក់៤ពាន់រៀល និងសាងសង់កន្លែងហូបបាយក្នុងរោងចក្រ។ អ្នកគ្រប់គ្រងបុគ្គលិក៣នាក់នោះ មានលោក ម៉េត វាសនា អ្នកគ្រប់គ្រងផ្នែកច្បាប់ លោក ម៉េត ប្រធានគ្រប់គ្រងទូទៅ (Production Manager) និង លោក រិទ្ធ បុគ្គលិករដ្ឋបា។
-
តំណាងរាស្ត្របក្សប្រឆាំងស្នើឲ្យក្រសួងកិច្ចការនារី អន្តរាគមន៍លើស្រី្តបឹងកក់ដែលជាប់ឃុំ
ក្រុមតំណាងរាស្ត្រជាស្រី្តនៃគណបក្សសង្គ្រោះជាតិ ស្នើឲ្យរដ្ឋមន្ត្រីក្រសួងកិច្ចការនារី ធ្វើអន្តរាគមន៍ដោះលែងស្ត្រីសកម្មជនដីធ្លីបឹងកក់ និងថ្មគោលចំនួន១០នាក់ដែលត្រូវតុលាការកាត់ទោសដោយសារចេញតវ៉ានោះ ។ លិខិតរបស់ក្រុមតំណាងរាស្ត្រស្ត្រីបក្សសង្គ្រោះជាតិ ផ្ញើជូនរដ្ឋមន្ត្រីក្រសួងកិច្ចការនារីលោកស្រី អ៊ឹង កន្ថាផាវី តាមរយៈប្រធានរដ្ឋសភាបានលើកឡើងថា ស្ត្រីរងគ្រោះទាំង១០នាក់ គប្បីទទួលបានការគាំពារ និងការគោរពសិទ្ធិមនុស្ស ពិសេសសិទ្ធិក្នុងការរស់នៅប្រកបដោយភាពសមរម្យ និងថ្លៃថ្នូរ ដែលមានចែងក្នុងរដ្ឋធម្មនុញ្ញ។ លិខិតបន្តថា ផ្ទុយទៅវិញ សិទ្ធិនិងសេចក្តីថ្លៃថ្នូរនេះ ត្រូវបានរំលោភយ៉ាងធ្ងន់ធ្ងរ ពីសំណាក់កម្លាំងប្រដាប់អាវុធ និងកងសន្តិសុខ ក្នុងពេលស្រី្តទាំងនោះធ្វើការតវ៉ាដោយសន្តិវិធី ។
-
អង្គការ៣៧ទាមទារឲ្យបក្សទាំងពីរកុំកំណត់សញ្ជាតិតែមួយលើសមាសភាព គ.ជ.ប
សម្ព័ន្ធកំណែទម្រង់ការបោះឆ្នោតដែលមានសមាជិកប្រមាណ២០អង្គការ-សមាគម និងអង្គការសង្គមស៊ីវិលចំនួន១៧ទៀត ជំរុញឲ្យគណបក្សនយោបាយទាំងពីរពិចារណាឡើងវិញលើការកំណត់សញ្ជាតិតែមួយ សម្រាប់សមាសភាព គ.ជ.ប ថ្មីដើម្បីធានាថាស្ថាប័នជាតិមួយនេះ មានឯករាជ្យ និងអព្យាក្រឹត្យ ។ សេចក្ដីថ្លែងការណ៍រួមរបស់ក្រុមអង្គការសង្គមស៊ីវិល នៅថ្ងៃទី០២ ខែធ្នូ ឆ្នាំ២០១៤ បានលើកឡើងថាគណបក្សនយោបាយទាំងពីរ មិនគួរកំណត់សញ្ជាតិតែមួយសម្រាប់សមាសភាព គ.ជ.ប ថ្មីនោះទេ ព្រោះថាត្រូវគោរពស្មារតីបង្រួបបង្រួមជាតិ និងបង្កើនជម្រើសធនធានមនុស្ស ។ ក្រុមអង្គការសង្គមស៊ីវិលទាំង៣៧នោះបន្តថា គណបក្សទាំងពីរគួរតែបង្កើត គ.ជ.ប ថ្មីឲ្យបាននៅក្នុងខែកុម្ភៈ ឆ្នាំ២០១៥ ដោយមិនត្រូវយកលេសដើម្បីប្រើ គ.ជ.ប បច្ចុប្បន្ននេះទេ ។
-
ពលករចោទប៉ូលិសធ្វើប័ណ្ណឆ្លងដែននៅប៉ោយប៉ែតថាប្រព្រឹត្តអំពើពុករលួយ
ប្រជាពលរដ្ឋនៅក្រុងសិរីសោភ័ណ ខេត្តបន្ទាយមានជ័យ ចោទប្រកាន់មន្ត្រីប៉ូលិសប្រចាំការិយាល័យលិខិតឆ្លងដែនក្រុងប៉ោយប៉ែត ថាយកតម្លៃធ្វើប័ណ្ណពលករចំណាកស្រុកខ្ពស់ខុសពីច្បាប់កំណត់ ហើយមិនផ្ដល់ប័ណ្ណឲ្យពលករចេញទៅធ្វើការនោះទេ។ ការចោទប្រកាន់នេះ បន្ទាប់ពីពួកគេទៅធ្វើប័ណ្ណឆ្លងដែន ដើម្បីទៅធ្វើការនៅប្រទេសថៃ ដោយស្របច្បាប់ពីមន្ត្រីប៉ូលិសកាលពីខែសីហា កន្លងទៅ។
-
អង្គការជាង២០០ស្ថាប័ននឹងដើរក្បួនក្នុងទិវាសិទ្ធិមនុស្សអន្តជាតិ ជំរុញឲ្យលុបបំបាត់និទណ្ឌភាព
អង្គការសង្គមស៊ីវិលប្រមាណជាង២០០ស្ថាប័ន នឹងដើរហែក្បួនក្នុងរាជធានីភ្នំពេញ និងទីរួមខេត្តនានាក្នុងប្រទេសកម្ពុជា ដើម្បីអបអរទិវាសិទ្ធិមនុស្សអន្តរជាតិ១០ ធ្នូ ២០១៤ ជំរុញឲ្យលុបបំបាត់បញ្ហានិទណ្ឌភាពនៅកម្ពុជា ។ ប្រធានលេខាធិការដ្ឋានគណៈកម្មាធិការប្រព្រឹត្តិកម្ម នៃអង្គការសមាគមការពារសិទ្ធិមនុស្សកម្ពុជា(CHRAC) លោក សួន ប៊ុនស័ក្តិ ឲ្យ VOD ដឹង នៅថ្ងៃទី៣ ខែធ្នូ ឆ្នាំ២០១៤នេះថា ក្នុងទិវាសិទ្ធិមនុស្សអន្តរជាតិ១០ធ្នូ នៅសប្តាហ៍ក្រោយនេះមានអង្គការជាតិ និងអន្តរជាតិ ប្រមាណជា២០០ស្ថាប័នចូលរួម ។
-
អង្គការ៣៧ទាមទារឲ្យបក្សទាំងពីរកុំកំណត់សញ្ជាតិតែមួយលើសមាសភាព គ.ជ.ប
សម្ព័ន្ធកំណែទម្រង់ការបោះឆ្នោតដែលមានសមាជិកប្រមាណ២០អង្គការ-សមាគម និងអង្គការសង្គមស៊ីវិលចំនួន១៧ទៀត ជំរុញឲ្យគណបក្សនយោបាយទាំងពីរពិចារណាឡើងវិញលើការកំណត់សញ្ជាតិតែមួយ សម្រាប់សមាសភាព គ.ជ.ប ថ្មីដើម្បីធានាថាស្ថាប័នជាតិមួយនេះ មានឯករាជ្យ និងអព្យាក្រឹត្យ ។ សេចក្ដីថ្លែងការណ៍រួមរបស់ក្រុមអង្គការសង្គមស៊ីវិល នៅថ្ងៃទី០២ ខែធ្នូ ឆ្នាំ២០១៤ បានលើកឡើងថាគណបក្សនយោបាយទាំងពីរ មិនគួរកំណត់សញ្ជាតិតែមួយសម្រាប់សមាសភាព គ.ជ.ប ថ្មីនោះទេ ហើយគណបក្សទាំងពីរគួរតែបង្កើត គ.ជ.ប ថ្មីឲ្យបាននៅក្នុងខែកុម្ភៈ ឆ្នាំ២០១៥ ដោយមិនត្រូវយកលេសដើម្បីប្រើ គ.ជ.ប បច្ចុប្បន្ននេះទេ ។
-
UNHCR បារម្ភពីការបញ្ជូនម៉ុងតាញ៉ា១៣នាក់ទៅវៀតណាមវិញ
អង្គការសហប្រជាជាតិទទួលបន្ទុកជនភៀសខ្លួនប្រចាំនៅកម្ពុជា UNHCR បានបង្ហាញការបារម្ភយ៉ាងខ្លាំងជុំវិញព័ត៌មានដែលបានបង្ហាញថា អាជ្ញាធរកម្ពុជាបានរកឃើញជនភៀសខ្លួនជនជាតិភាគតិចម៉ុងតាញ៉ា ១៣នាក់ និងមាន គម្រោងបញ្ជូនខ្លួនពួកគេទៅកាន់ប្រទេសវៀតណាមវិញ។ ពួកគេត្រូវបានឃាត់ខ្លួននៅក្នុងខេត្តរតនគិរី បន្ទាប់ពីបានភៀសខ្លួនមករស់នៅក្នុងខេត្តនេះ កាលពីពេលថ្មីៗនេះ។ ដែលពួកគេមានបំណងមកសុំសិទ្ធិជ្រកកោនក្នុងប្រទេសកម្ពុជា។
-
មន្ត្រីជាន់ខ្ពស់រដ្ឋាភិបាលអំពាវនាវកុំឲ្យមានការរើសអើងលើជនពិការ
មន្ត្រីជាន់ខ្ពស់រដ្ឋាភិបាលអំពាវនាវឲ្យសាធារណៈជន កុំមានការរើសអើងលើជនពិការ បើពួកគេទៅសុំការងារធ្វើពីស្ថាប័នផ្សេងៗ ដើម្បីរកប្រាក់ចំណូលសម្រាប់ទ្រទ្រង់ជីវភាព ។ ការអំពាវនាវនេះ ធ្វើឡើងក្នុងពិធីប្រារព្ធទិវាជនពិការកម្ពុជាលើកទី១៦ និងទិវាជនពិការអន្តរជាតិលើកទី៣២ នាថ្ងៃពុធនេះក្រោមប្រធានបទ “ផ្តល់លទ្ធភាពអាចប្រើប្រាស់បានរួមបញ្ចូលមុខរបរការងារ និងបច្ចេកវិទ្យា ដើម្បីការអភិវឌ្ឍប្រកបដោយនិរន្តរភាព” ដោយមានជនពិការចូលរួមប្រមាណជា៧០០ទៅ៨០០នាក់ នៅវិទ្យាស្ថានជាតិអប់រំ ។
-
ពលរដ្ឋដែលរងការបណ្តេញចេញជំរុញម្តងទៀត ឲ្យអាជ្ញាធរពន្លឿនការដោះស្រាយ
អ្នកមានជម្លោះដីធ្លីជិត១០០គ្រួសារនៅសហគមន៍បុរីកីឡា នៅថ្ងៃអង្គារនេះបានជំរុញម្តងទៀត ឲ្យសាលារាជធានីភ្នំពេញពន្លឿនរកដំណោះស្រាយជាសំណង ខណៈពួកគេប្រឈមនឹងបញ្ហាជីវភាពបន្ទាប់ពីការឈូសបំផ្លាញផ្ទះកាលពី៣ឆ្នាំមុន ។ កាលពីថ្ងៃទី៣ ខែមករា ឆ្នាំ២០១២ ប្រជាសហគមន៍បុរីកីឡាជាង៣៨០គ្រួសារ ត្រូវបានក្រុមហ៊ុនផានអ៊ីម៉ិច របស់លោកស្រី ស៊ុយ សូផាន បណ្តេញចេញទាំងបង្ខំ ឲ្យទៅរស់នៅជាយក្រុង និងខ្លះទៀតទ្រាំរស់នៅលើគំនរសំរាម ដោយអះអាងថាសំណងមិនសមរម្យ ។
-
បុរសម្នាក់ទៀតត្រូវបានចោទប្រកាន់ពីបទវាយប្រហារដោយទឹកអាស៊ីតក្នុងករណីទី២
បុរសម្នាក់ដែលត្រូវបានចោទប្រកាន់ពីបទស្រោចទឹកអាស៊ីតលើប្រពន្ធរបស់ខ្លួន នៅក្នុងខេត្តកំពង់ធំ បន្ទាប់ចាប់នាងចង ហើយវាយដំនាងអស់រយៈពេលជាច្រើនម៉ោងត្រូវបានសាលាដំបូងខេត្តចោទប្រកាន់កាលពីថ្ងៃសុក្រ។ នៅក្នុងហេតុការណ៍វាយប្រហារដោយទឹកអាស៊ីតជាលើកទី២ ដែលត្រូវបានរាយការណ៍ក្នុងរយៈពេលប៉ុន្មានសប្ដាហ៍មកនេះ បុរសឈ្មោះ ប៉ាវ កុល អាយុ៣៥ឆ្នាំម្នាក់ត្រូវបានចោទប្រកាន់ពីបទវាយដំប្រពន្ធរបស់ខ្លួន ហើយបន្ទាប់មកបានស្រោចទឹកអាស៊ីតលើប្រដាប់ភេទរបស់នាងនៅក្នុងផ្ទះរបស់ពួកគេក្នុងស្រុកសណ្ដាន់ កាលពីថ្ងៃព្រហស្បតិ៍។
-
CCHR យកញត្តិរូបថតស្តីពីការប្រឆាំងនិទណ្ឌភាព ទៅក្រសួងយុត្តិធ៌ម
មជ្ឈមណ្ឌលសិទ្ធិមនុស្សកម្ពុជា(CCHR) នឹងនាំយកផ្ទាំងបដាជាញត្តិរូបថតចំនួន២៦៥សន្លឹកទៅកាន់ក្រសួងយុត្តិធ៌ម នៅថ្ងៃទី០២ខែធ្នូឆ្នាំ២០១៤នេះ ដើម្បីអំពាវនាវឲ្យមានការបញ្ចប់និទណ្ឌភាពនៅកម្ពុជា។ ជារូបថតដែល CCHR ទទួលបានពីសាធារណៈជនដែលបានថតរូបខ្លួនឯង ភ្ជាប់ជាមួយសារប្រឆាំងនិទណ្ឌភាព នារយៈពេលមួយខែកន្លងមកនេះ។ នេះបើយោងតាមសេចក្តីប្រកាសព័ត៌មានរបស់ CCHR នៅថ្ងៃទី០១ខែធ្នូ ឆ្នាំ២០១៤ ។
-
បុគ្គលិកនៅព្រលានយន្តហោះសៀមរាបព្រមានសម្រុកចូលក្នុងព្រមាន
បុគ្គលិកធ្វើការនៅព្រលានយន្តហោះខេត្តសៀមរាប គំរាមថាបើថ្នាក់គ្រប់គ្រងមិនព្រមដោះស្រាយលក្ខខណ្ឌការងារឲ្យពួកគេតាមការទាមទារនោះ ពួកគាត់នឹងនាំគ្នាសម្រុកចូលក្នុងបរិវេណព្រលានយន្តហោះតែម្តងនៅពេលខាងមុខនេះ ។ អតីតអគ្គលេខាសហជីព នៅព្រលានយន្តហោះភ្នំពេញលោក និន កុសល ឲ្យ VOD ដឹងនៅថ្ងៃចន្ទម្សិលមិញថា ក្រុមហ៊ុនមានចេតនាមិនចង់ដោះស្រាយបញ្ចប់ទំនាស់នេះទេ បន្ទាប់ពីការធ្វើកូដកម្មជាច្រើនថ្ងៃមក ។ លោកបន្តថា ចំពោះការធ្វើកូដកម្មទាមទារលក្ខខណ្ឌការងារ ៧ ចំណុចនេះ ហើយចំណុចដែលសំខាន់របស់ពួកគាត់ចង់ឲ្យក្រុមហ៊ុនលុបចោទលក្ខខណ្ឌពីចំណុចគឺ ទី១. ក្រុមហ៊ុនត្រូវអនុវត្តន៍លក្ខខណ្ឌការងារចាស់ដដែលវិញ ដោយគ្មានពហុជំនាញ ឬកម្មវិធីកសាងសមត្ថភាព ដែលក្រុមហ៊ុនទើបបង្កើតថ្មី និងទី២. ត្រូវផ្លាស់ប្តូរអ្នកគ្រប់គ្រងចំនួនពីរនាក់ គឺលោក សន សារ៉ុម និងលោក ភួង សុជាតិ ចេញពីអាកាសយានដ្ឋានអន្តរជាតិសៀមរាប ដោយសារអ្នកទាំងពីរនេះបង្កបញ្ហាច្រើនដល់បុគ្គលិក ។
គាំទ្រដោយ
