កំពុងស្វែងរកទិន្នន័យ
រកឃើញ: 13.171
-
ពលរដ្ឋខេត្តកោះកុងជិត១ពាន់គ្រួសារស្នើសុំអាជ្ញាធរពន្លឿនដំណោះស្រាយក្នុងជម្លោះដីធ្លីជាមួយឧកញ៉ា លី យ៉ុងផាត់
ក្រុមប្រជាពលរដ្ឋជាង ៨០០គ្រួសារ ដែលមានជម្លោះដីធ្លីរ៉ាំរ៉ៃជាមួយក្រុមហ៊ុនស្ករអំពៅរបស់លោកឧកញ៉ា លី យ៉ុងផាត់ ស្នើសុំអភិបាលស្រុកបុទុមសាគរថ្មី ជួយពន្លឿនដំណោះស្រាយបញ្ចប់វិវាទដីធ្លីជូនពួកគាត់។ ប៉ុន្តែអាជ្ញាធរបដិសេធដោះស្រាយរឿងនេះដោយអះអាងថា ខាងថ្នាក់ខេត្តនិងក្រសួងដែនដី បានដោះស្រាយបញ្ហានេះរួចរាល់អស់ហើយ។
អានបន្ត -
តើទំនាស់ពាក្យសម្តីរវាងលោក ហ៊ុន សែន និងលោក សម រង្ស៊ី អាចបង្កផលប៉ះពាល់ ដល់ស្មារតីពលរដ្ឋ ជាម្ចាស់ឆ្នោតដែរឬទេ?
ជម្លោះពាក្យសម្តីរវាងលោកនាយករដ្ឋមន្ត្រីហ៊ុន សែន និងលោក សម រង្ស៊ីបានលេចឡើងជាបន្តបន្ទាប់ក្នុងឆាកនយោបាយកម្ពុជា។ ទំនាស់ពាក្យសម្តីរវាងអ្នកនយោបាយជើងចាស់ទាំងពីររូបនេះបានកើតឡើងរហូតបង្កអោយមានការធ្វើវិសោធនកម្មច្បាប់រដ្ឋធម្មនុញ្ញកម្ពុជាទៀតផង។ អ្នកពាក់ព័ន្ធក្នុងរឿងនយោបាយមួយចំនួន បានលើកឡើងស្រដៀងគ្នាថា វាមិនមែនជារឿងថ្មីសម្រាប់កម្ពុជានោះទេ ព្រោះជាទូទៅគេតែងឃើញកើតមានបញ្ហារកាំរកូសក្នុងឆាកនយោបាយខ្មែរ នៅមុនរាល់ពេលការបោះឆ្នោតជិតមកដល់។ និងខ្លះថា ការប៉ះទង្គិចពាក្យសម្តីរបស់អ្នកនយោបាយនេះ អាចជាការដាស់ស្មារតីពលរដ្ឋឱ្យមានភាពសកម្មជាងមុនក្នុងរឿងនយោបាយ។
អានបន្ត -
មន្ត្រី និងតំណាងអង្គការសុខភាពពិភពលោក សម្ដែងក្ដីបារម្ភរឿងសុខភាពផ្លូវចិត្តអំឡុងកូវីដ
ភ្នំពេញៈ នាឱកាស “ទិវា សុខភាពផ្លូវចិត្តអន្តរជាតិ ១០ តុលា” មន្ត្រីជាន់ខ្ពស់ក្រសួងសុខាភិបាល និងតំណាងអង្គការសុខភាពពិភពលោកប្រចាំកម្ពុជាបានសម្តែងការព្រួយបារម្ភ និងកំពុងជួយជនរងគ្រោះដែលរងសម្ពាធផ្លូវចិត្តក្នុងអំឡុងពេលរីករាតត្បាតនៃជំងឺកូវីដ- ១៩។ អ្នកនាំពាក្យក្រសួងសុខាភិបាលលោកស្រី ឱ វណ្ណឌីន បានថ្លែងថា ការថែទាំសុខភាពផ្លូវចិត្តជារឿយៗត្រូវបានគេមិនអើពើដែលជះឥទ្ធិពលដល់ស្ថានភាពសុខភាពទូទៅរបស់បុគ្គល និងបង្កើតបញ្ហាទាក់ទងនឹងផ្លូវចិត្តដែលមិនត្រូវបានដឹងជាមុននៅក្នុងជីវិតប្រចាំថ្ងៃ។
អានបន្ត -
បេឡាជាតិសន្តិសុខសង្គមតម្រូវប្រជាពលរដ្ឋបង្ហាញបណ្ណចាក់វ៉ាសាំង មុនធ្វើបណ្ណប.ស.ស. ជូនពួកគាត់
បេឡាជាតិសន្តិសុខសង្គម(ប.ស.ស.) ប្រកាសកាលពីថ្ងៃអាទិត្យថា ខ្លួននឹងមិនធ្វើបណ្ណឲ្យបុគ្គលណាដែលមិនបង្ហាញភស្តុតាងថា បានចាក់វ៉ាក់សាំងបង្ការកូវីដ-១៩ នោះទេ។ ការប្រកាសនេះធ្វើឡើងបន្ទាប់ពីសាលារាជធានីភ្នំពេញបានដាក់វិធានការតម្រូវឲ្យប្រជាពលរដ្ឋត្រូវបង្ហាញបណ្ណចាក់វ៉ាក់សាំងពេលចេញចូលស្ថាប័នរដ្ឋ ឬឯកជនក្នុងរាជធានីភ្នំពេញ។
អានបន្ត -
អង្គការសង្គមស៊ីវិលយល់ស្របនឹងរបាយការណ៍របស់អ្នករាយការណ៍ UN រឿងសិទ្ធិជនជាតិដើមភាគតិច
ក្រុមអង្គការសង្គមស៊ីវិលក្នុងស្រុកលើកឡើងថា របាយការណ៍របស់អ្នករាយការណ៍ពិសេសអង្គការសហប្រជាជាតិដែលបង្ហាញពីបញ្ហាប្រឈមមួយចំនួនទាក់ទងនឹងសិទ្ធិជនជាតិដើមភាគតិចនោះ គឺជាករណីពិតជាក់ស្ដែងដែលកំពុងកើតមាន។ ក្រុមអង្គការសង្គមស៊ីវិលទទួលស្គាល់ថា បញ្ហាប្រឈមខ្លាំងបំផុតរបស់សហគមន៍ជនជាតិដើមភាគតិចនាពេលបច្ចុប្បន្ននេះ គឺការមិនទទួលបានភាពជាកម្មសិទ្ធិលើដីសមូហភាព ការបង្ខំឱ្យបន្លាស់ទីទៅកន្លែងថ្មី និងការមិនទទួលបានសេវាសង្គមពេញលេញ។
អានបន្ត -
អង្គការសង្គមស៊ីវិលយល់ស្របនឹងរបាយការណ៍របស់អ្នករាយការណ៍ UN រឿងសិទ្ធិជនជាតិដើមភាគតិច
ក្រុមអង្គការសង្គមស៊ីវិលក្នុងស្រុកលើកឡើងថា របាយការណ៍របស់អ្នករាយការណ៍ពិសេសអង្គការសហប្រជាជាតិដែលបង្ហាញពីបញ្ហាប្រឈមមួយចំនួនទាក់ទងនឹងសិទ្ធិជនជាតិដើមភាគតិចនោះ គឺជាករណីពិតជាក់ស្ដែងដែលកំពុងកើតមាន។ ក្រុមអង្គការសង្គមស៊ីវិលទទួលស្គាល់ថា បញ្ហាប្រឈមខ្លាំងបំផុតរបស់សហគមន៍ជនជាតិដើមភាគតិចនាពេលបច្ចុប្បន្ននេះ គឺការមិនទទួលបានភាពជាកម្មសិទ្ធិលើដីសមូហភាព ការបង្ខំឱ្យបន្លាស់ទីទៅកន្លែងថ្មី និងការមិនទទួលបានសេវាសង្គមពេញលេញ។
អានបន្ត -
បុគ្គលិកកាស៊ីណូសេនជូរីថាក្រុមហ៊ុនបង្ខំឲ្យពួកគាត់លាឈប់ទាំងមិនទាន់ជាដាច់ពីជំងឺកូវីដ១៩
ភ្នំពេញ — បុគ្គលិកកាស៊ីណូដឹសេនជូរី ខេត្តព្រះសីហនុចោទថាថៅកែបានបង្ខំ និងដាក់គំនាបឲ្យពួកគាត់ដាក់ពាក្យលាឈប់ពីការងារដោយមិនធានាក្នុងការមើលថែពួកគាត់បន្តទៀតប្រសិនបើរកឃើញករណីវិជ្ជមានជំងឺកូវីដ១៩សាជាថ្មីស្របពេលដែលពួកគាត់ត្រូវធ្វើចត្តាឡីស័ក១៤ថ្ងៃបន្ថែមទៀតផងនោះ។ នៅក្នុងលិខិតលាឈប់មួយច្បាប់របស់បុគ្គលិកកាស៊ីណូ ដឹសេនជូរី ចុះថ្ងៃទី០៧ ខែតុលាឆ្នាំ២០២១ ដែលវីអូអេទទួលបានមានការបញ្ជាក់ថាអ្នកដែលលាឈប់ត្រូវ«ទៅផ្ទះធ្វើចត្តាឡីស័ក»។ ក្នុងលិខិតនោះបានដាក់លក្ខខណ្ឌនៃការលាឈប់នេះថាជាការឈប់ដោយស្ម័គ្រចិត្ត។
អានបន្ត -
ប្អូនសកម្មជនសិទ្ធិមនុស្សបារម្ភពីអាយុជីវិតបងស្រីក្នុងពន្ធនាគារ
ប្អូនរបស់កញ្ញា អេង ម៉ាឡៃ ហៅ សូ មេត្តា ជាសកម្មជនសិទ្ធិមនុស្សនៅក្នុងក្រុមយុវជនខ្មែរថាវរៈ បានបង្ហាញការព្រួយបារម្ភពីជីវិតបងស្រីនៅក្នុងពន្ធនាគារក្រោយពេលមើលឃើញស្ថានភាពស្គមខ្លាំង និង ញ័រដៃញ័រជើង។ កញ្ញា អេង វ៉ាន់ឌី ជាប្អូនស្រីរបស់កញ្ញា សូ មេត្តា បានឱ្យដឹងថា កញ្ញាបានទៅសួរសុខទុក្ខបងស្រីនៅមណ្ឌលអប់រំកែប្រែ ម២ នៅថ្ងៃទី៥ ខែតុលា កន្លងទៅនេះ ក្រោយពេលអាជ្ញាធរហាមមិនឱ្យទៅសួរសុខទុក្ខជិត៥ខែក្រោមហេតុផលបង្ការមេរោគកូវីដ-១៩។ កញ្ញា ព្រួយបារម្ភពីអាយុជីវិតក្រោយពេលឃើញបងស្រីប្រែប្រួលខ្លាំង។
អានបន្ត -
គ.ស.ម.ក ថាការអំពាវនាវរបស់ NGO ឱ្យដោះលែងអ្នកទោសនឹងធ្វើឱ្យប៉ះពាល់ដល់សន្តិសុខសង្គម
ការលើកឡើងរបស់គណៈកម្មាធិការសិទ្ធិមនុស្សកម្ពុជា បានធ្វើឡើងក្រោយពីអង្គការសង្គមស៊ីវិលជាតិ-អន្តរជាតិមួយចំនួន ក្នុងនោះរួមមាន អង្គការសម្ព័ន្ធខ្មែរជំរឿននិងការពារសិទ្ធិមនុស្ស ហៅកាត់ថា លីកាដូ បានស្នើនាពេលកន្លងមក ដោយទទូចដល់ក្រសួងស្ថាប័នពាក់ព័ន្ធដោះស្រាយបញ្ហាចង្អៀតណែនក្នុងពន្ធនាគារ តាមរយៈការពន្លឿននីតិវិធីដោះលែងអ្នកជាប់ឃុំដោយមានលក្ខខណ្ឌឱ្យបានឆាប់ ដើម្បីចៀសវាងការឆ្លងជំងឺកូវីដ-១៩ក្នុងពន្ធនាគារ។
អានបន្ត -
ខ្មែរ | ព័ត៌មានថ្មីៗ | សិទ្ធិមនុស្ស គ្រួសារយុវជនខ្មែរថាវរៈកញ្ញា សូ មេត្តា បារម្ភពីសុខភាពកាន់តែទ្រុឌទ្រោមខ្លាំងក្នុងពន្ធនាគារ
ក្រុមគ្រួសារយុវជនខ្មែរថាវរៈ ព្រួយបារម្ភពី ស្ថានភាពសុខភាព កញ្ញា អេង ម៉ាឡៃ ហៅ សូ មេត្តា ដែលកំពុងជាប់ឃុំឃាំង ក្នុងពន្ធនាគារព្រៃស។ មន្ត្រីសង្គមស៊ីវិលបន្តអំពាវនាវឱ្យរដ្ឋាភិបាល និងតុលាការទម្លាក់បទចោទប្រកាន់លើ កញ្ញា អេង ម៉ាឡៃ និងអ្នកទោសមនសិការទាំងអស់ ដោយដោះលែងឱ្យពួកគាត់មានសេរីភាពចួបជុំក្រុមគ្រួសារវិញ។
អានបន្ត -
រដ្ឋាភិបាលជួលទីតាំង៤កន្លែងក្នុងតំបន់ការពារនៅខេត្តកោះកុងឱ្យក្រុមហ៊ុនអភិវឌ្ឍជាតំបន់ទេសចរណ៍ខ្នាតតូច
អភិបាលរងខេត្តកោះកុង លោក អ៊ុក ភ័ក្ត្រា ប្រាប់ វីអូឌី នៅថ្ងៃសុក្រនេះថា ក្រុមហ៊ុនឯកជនមួយ បានសុំជួលដីពីរដ្ឋក្រោម១០ហិកតា ដើម្បីអភិវឌ្ឍធ្វើតំបន់ទេសចរណ៍ធម្មជាតិចំនួន៤គម្រោង។ លោកថា ពាក់ព័ន្ធការស្នើសុំនេះ រដ្ឋបាលខេត្តនិងមន្ត្រីក្រសួងបរិស្ថានបានធ្វើកំណត់ហេតុដាក់ទៅអភិបាលខេត្តនិងមន្ត្រីក្រសួងបរិស្ថានរួចហើយ នៅចាំតែការសម្រេចប៉ុណ្ណោះ។
អានបន្ត -
ជំងឺកូវីដ១៩ រាតត្បាតកាន់តែយូរ និស្សិតប្រឈមនឹងវិបត្តិគ្មានការងារធ្វើកាន់តែច្រើន
ភ្នំពេញ — ខែសីហា ឆ្នាំ២០២១ គឺជាពេលដែលកញ្ញា ឃុន ស្រីនី បានបញ្ចប់ការសិក្សាថ្នាក់បរិញ្ញាបត្រ ដោយរំពឹងថានឹងអាចស្វែងរកការងារធ្វើជាគ្រូបង្រៀនផ្នែកគីមីវិទ្យា ឬអាចធ្វើការងារនៅស្ថាប័នរដ្ឋ ឬឯកជន ក្រោយខ្លួនបញ្ចប់បរិញ្ញាបត្រផ្នែកគីមីវិទ្យា ដែលបានសិក្សាអស់រយៈពេលបួនឆ្នាំកន្លងមក។ ប៉ុន្តែការរាតត្បាតជំងឺកូវីដ១៩ បានធ្វើឲ្យនិស្សិតវ័យ ២៣ឆ្នាំរូបនេះ នៅតែមិនអាចរកការងារបានធ្វើ បន្ទាប់ពីដាក់ពាក្យស្នើសុំការងារពាក់ព័ន្ធនឹងមុខវិជ្ជាគីមីវិទ្យានេះប្រមាណជា ១០កន្លែងរួចមក។
អានបន្ត -
"រដ្ឋាភិបាលបារម្ភពីស្ថានភាពចង្អៀតណែនក្នុងពន្ធនាគារ ដូចអ្នករាយការណ៍ពិសេសUN”
តំណាងស្ថាប័នសិទ្ធិមនុស្សរបស់រដ្ឋាភិបាល លើកឡើងថា រដ្ឋាភិបាល ក៏ព្រួយបារម្ភពីស្ថានភាពចង្អៀតណែនក្នុងពន្ធនាគារដែរ និងកំពុងចាត់វិធានការដោះស្រាយបញ្ហានេះជាបន្តបន្ទាប់។ ការលើកឡើងបែបនេះ គឺបន្ទាប់ពីអ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជា លើកឡើងថា អ្នកជាប់ឃុំនៅក្នុងពន្ធនាគារបន្តកើនឡើងច្រើនគួរឲ្យព្រួយបារម្ភ និងជំរុញឲ្យរដ្ឋាភិបាល ចាត់វិធានការចាំបាច់ជាបន្ទាន់ដើម្បីកាត់បន្ថយភាពចង្អៀតណែននោះ។
អានបន្ត -
ប៉ូលីសភ្នំពេញហាមអ្នកកាសែតផ្សាយបន្តផ្ទាល់សកម្មភាពអនុវត្តច្បាប់
លោកឧត្តមសេនីយ៍ទោ ស ថេត ស្នងការនគរបាលរាជធានីភ្នំពេញ បានណែនាំគ្រប់អង្គភាពក្រោមឱវាទនគរបាលរាជធានីភ្នំពេញ ឲ្យហាមប្រាមយ៉ាងតឹងរឹងចំពោះប្រព័ន្ធផ្សព្វផ្សាយមិនឲ្យថតផ្សាយបន្តផ្ទាល់នៃអាជ្ញាធរកំពុងអនុវត្តច្បាប់។
អានបន្ត -
លោក ស ខេង ទទូចឲ្យសមាជិកគណបក្សដោះស្រាយបញ្ហាដែលកំពុងកើតមាន នាពេលបច្ចុប្បន្ន នៅមុនការបោះឆ្នោតឃុំសង្កាត់ឆ្នាំ២០២២
លោកឧបនាយករដ្ឋមន្រ្តី ស ខេង បានមានប្រសាសន៍កាលពីថ្ងៃចន្ទថា ការពឹងផ្អែកលើសារនយោបាយជាទម្លាប់ដែលនិយាយអំពីសម័យខ្មែរក្រហមនឹងមិនគ្រប់គ្រាន់ ដើម្បីទាក់ទាញមតិសាធារណៈជននៅក្នុងការបោះឆ្នោតក្រុមប្រឹក្សាឃុំ-សង្កាត់ឆ្នាំ២០២២នោះទេ។ លោក ស ខេង ដែលដឹកនាំក្រសួងមហាផ្ទៃបានផ្តល់ដំបូន្មានឃោសនាដល់សមាជិកគណបក្សប្រជាជនកម្ពុជា ខណៈពេលលោកថ្លែងនៅក្នុងពិធីប្រកាសតែងតាំងអភិបាលខេត្តស្ទឹងត្រែងថ្មី។
អានបន្ត -
លោក ស ខេង ថាជម្លោះដីធ្លីនឹងប៉ះពាល់សន្លឹកឆ្នោត បើមិនប្រមូលមកដោះស្រាយ
ក្នុងពិធីនោះ លោក ស ខេង ថ្លែងថា មន្ត្រី៤រូបសំខាន់ជាងគេនៅមូលដ្ឋាន ដែលជះឥទ្ធិពលដល់សន្លឹកឆ្នោតនៅពេលខាងមុខនោះ រួមមាន មេឃុំឬចៅសង្កាត់ ស្មៀនឃុំ មេប៉ុស្តិ៍ និងមេភូមិ ដែលអ្នកទាំងនោះគឺជាមនុស្សជួរមុខក្នុងការទាក់ទាញសន្លឹកឆ្នោតពីពលរដ្ឋ។ លោកបន្តថា បើពួកគេមិនអាចបំពេញតួនាទីដោះស្រាយបញ្ហាជូនពលរដ្ឋបានទេ សន្លឹកឆ្នោតនឹងត្រូវបាត់បង់។
អានបន្ត -
សហគមន៍ក្រីក្រក្នុងទីក្រុងជំរុញឲ្យមានដំណោះស្រាយឲ្យបានលឿនដើម្បីចៀសវាងការបណ្ដេញចេញ
សមាជិកសហគមន៍ក្រីក្រជាច្រើនដែលរងផលប៉ះពាល់ពីការអភិវឌ្ឍក្នុងរាជធានីភ្នំពេញបានស្នើដល់រដ្ឋាភិបាលឲ្យផ្ដល់ដំណោះស្រាយដល់ពួកគេ ដើម្បីបានរស់នៅក្នុងទីក្រុង ខណៈអ្នកទាំងនេះកំពុងប្រឈមនឹងការបណ្ដេញចេញដោយបង្ខំ។ តំណាងសហគមន៍យ៉ាងតិចចំនួនប្រាំ ដែលមានទីតាំងស្ថិតនៅតាមបណ្ដោយផ្លូវរថភ្លើង ប្រឡាយទឹក និងមាត់បឹងក្នុងរាជធានីភ្នំពេញ បានចេញសេចក្ដីថ្លែងការណ៍រួមមួយកាលពីថ្ងៃអាទិត្យ ទី៣ ខែតុលា ចំថ្ងៃប្រារព្ធទិវាសិទ្ធិលំនៅដ្ឋានពិភពលោក ជំរុញឲ្យមានការអភិវឌ្ឍនៅនឹងកន្លែង។ ប្រជាសហគមន៍ក្នុងទីក្រុងទាំងនេះបានឲ្យដឹងថាពួកគេបានរង់ចាំអស់ពេលជាច្រើនឆ្នាំមកហើយ សម្រាប់ដំណោះស្រាយពីអាជ្ញាធរ ដើម្បីទទួលបានជំនួយបន្ទាប់ពីមានការជូនដំណឹងថាពួកគេត្រូវរើចេញពីលំនៅដ្ឋានដើម្បីយកទីតាំងសម្រាប់គម្រោងអភិវឌ្ឍន៍ឯកជន ឬគម្រោងហេដ្ឋរចនាសម្ព័ន្ធរបស់រដ្ឋ។
អានបន្ត -
បុណ្យភ្ជុំបិណ្ឌសម្រាប់គ្រួសារសកម្មជនកំពុងជាប់ឃុំ មានតែទឹកភ្នែក
ក្រុមគ្រួសារសកម្មជនដែលកំពុងជាប់ឃុំក្នុងពន្ធនាគារ សោកសង្រេងនៅក្នុងឱកាសបុណ្យកាន់បិណ្ឌ និងភ្ជុំបិណ្ឌ ដោយសារពួកគាត់មិនបានជួបជុំគ្នាដូចគ្រួសារពលរដ្ឋទូទៅ។ ពួកគាត់ថា របបដឹកនាំបច្ចុប្បន្នជាអ្នកពង្រាត់គ្រួសាររបស់គាត់ តាមរយៈការចាប់ខ្លួនដាក់ពន្ធនាគារដោយអយុត្តិធម៌។ ប៉ុន្តែតំណាងបក្សកាន់អំណាចឆ្លើយតបថា នេះគ្រាន់តែជាមនោសញ្ចេតនា ដែលមិនស្របតាមទិដ្ឋភាពច្បាប់។
អានបន្ត -
CPJ ទាមទារឲ្យដោះលែងអ្នកសារព័ត៌មានលោក យួន ឈីវ ដោយគ្មានលក្ខខណ្ឌ
ការទាមទារឲ្យដោះលែងនេះ ធ្វើឡើងក្នុងសេចក្តីថ្លែងការណ៍ របស់គណៈកម្មាធិការការពារអ្នកកាសែត (CPJ) កាលពីថ្ងៃទី១ ខែតុលា បន្ទាប់ពីតុលាការខេត្តកោះកុង បានបើកសវនាការយ៉ាងប្រញាប់ប្រញ៉ាល់ ដើម្បីកាត់ទោសឲ្យលោក យួន ឈីវ ជាប់ពន្ធនាគារមួយឆ្នាំ និងផាកពិន័យជាប្រាក់១លានរៀន ឬស្មើ៥០០ដុល្លារ ពីបទញុះញង់ ក្រោយដែលរដ្ឋមន្ត្រីការពារជាតិ លោក ទៀ បាញ់ បានប្តឹងអ្នកសារព័ត៌មានអនឡាញរូបនេះ។
អានបន្ត -
សកម្មជនគណបក្សសង្គ្រោះជាតិម្នាក់គឺលោក ម៉ី សោភ័ណ ត្រូវបានតុលាការដោះលែងឲ្យមានសេរីភាពឡើងវិញ
សកម្មជនគណបក្សសង្គ្រោះជាតិម្នាក់ គឺលោក ម៉ី សោភ័ណ ត្រូវបានតុលាការដោះលែងឲ្យមានសេរីភាពឡើងវិញហើយ បន្ទាប់ពីលោកជាប់ពន្ធនាគារខេត្តកណ្តាលរយៈពេល ៦ខែ ពាក់ព័ន្ធនឹងការបញ្ចេញមតិរិះគន់រឿងវ៉ាក់សាំងនៅលើបណ្តាញសង្គមហ្វេសប៊ុក(Facebook)។ លោក ម៉ី សោភ័ណ ប្រាប់អាស៊ីសេរីនៅថ្ងៃទី៣ ខែតុលាថា លោកសប្បាយចិត្តដែលត្រូវបានដោះលែងឲ្យលោកបានជួបជុំក្រុមគ្រួសារ កាលពីល្ងាចថ្ងៃទី១ ខែតុលា។ ប៉ុន្តែនៅទន្ទឹមនេះ លោកក៏សោកស្តាយដែលតុលាកាដាក់ឲ្យស្ថិតក្រោមការត្រួតពិនិត្យ និងហាមលោក មិនឲ្យចេញក្រៅប្រទេស។
អានបន្ត
គាំទ្រដោយ
