កំពុងស្វែងរកទិន្នន័យ
រកឃើញ: 12.457
-
ភរិយាសកម្មជនបក្សប្រឆាំងនៅខេត្តកំពង់ធំទទូចឱ្យតុលាការដោះលែងស្វាមីឱ្យមានសេរីភាពវិញ
ភរិយាសកម្មជនគណបក្សប្រឆាំងនៅស្រុកបារាយណ៍ខេត្តកំពង់ធំ ទទូចឱ្យមន្ត្រីតុលាការទម្លាក់ចោលការចោទប្រកាន់មកលើស្វាមី និងស្នើឱ្យដោះលែងស្វាមីឱ្យមានសេរីភាពឡើងវិញឱ្យបានឆាប់។ ការស្នើសុំនេះ បន្ទាប់ពីតុលាការខេត្តកំពង់ធំ បានបញ្ជូនលោក នូ ភឿន និងសកម្មជនគណបក្សប្រឆាំង ២នាក់ផ្សេងទៀត ទៅឃុំខ្លួននៅពន្ធនាគារកាលពីថ្ងៃទី២ និងថ្ងៃទី៣ កញ្ញាកន្លងទៅ។
-
នាយករដ្ឋមន្ត្រីម៉ាឡេស៊ី ផ្តល់ដំបូន្មានមេដឹកនាំសេដ្ឋកិច្ចឲ្យស្រឡាញ់ឯករាជភាព
នាយករដ្ឋមន្ត្រីម៉ាឡេស៊ី លោក Mahathir Mohamad កាលពីថ្ងៃអង្គារម្សិលមិញបានផ្តល់ដំបូន្មានដល់មេដឹកនាំសេដ្ឋកិច្ចឲ្យស្រឡាញ់ឯករាជភាពរបស់ខ្លួន ហើយមិនត្រូវជំពាក់បំណុលពីប្រទេសដទៃៗច្រើននោះទេ។
-
រដ្ឋាភិបាលកំណត់បានអត្តសញ្ញាណឧកញ៉ាចំនួន ៦១ នាក់ ពីក្រសួងការពារជាតិ និង ៣៣នាក់ពីក្រសួងមហាផ្ទៃ
ក្រសួងការពារជាតិនៅថ្ងៃម្សិលមិញ បានកំណត់អត្តសញ្ញាណអ្នកមានងារជាឧកញ៉ាចំនួន ៦១ នាក់ នៅក្នុងកងយោធពលខេមរភូមិន្ទ។ នៅក្នុងនោះមានមន្រ្តីជាន់ខ្ពស់ក្របខ័ណ្ឌអគ្គបញ្ជាការនៃកងយោធពលខេមរភូមិន្ទចំនួន៤៥រូប ក្នុងចំណោម៦១រូបបានសម្រេចចិត្តបោះបង់ងារជាឧកញ៉ា ខណៈ១៦រូបទៀត បានងាកទៅជ្រើសរើសងារជា ឧកញ៉ា ដោយលាលែង ពីក្របខ័ណ្ឌយោធា។
-
ក្រុមមន្ត្រីចុះស្រាវជ្រាវ ករណីសង្ស័យមានការទន្ទ្រានដីព្រៃនៅស្រុកវើនសៃ
អភិបាលស្រុកវើនសៃលោក ហេង សាវឿន បានអះអាងថាកាលពីថ្ងៃអង្គារ មន្ត្រីរដ្ឋបាលព្រៃឈើស្រុក និងអាជ្ញាធរពាក់ព័ន្ធបានចុះទៅពិនិត្យទីតាំងដីមួយកន្លែងស្ថិតក្នុងភូមិទៀមក្រោម ឃុំភ្នំកុក ស្រុកវើនសៃ ខេត្តរតនគិរី ខណៈទីតាំងនោះត្រូវបានគេរាយការណ៍ថា មានសកម្មភាពឈូសឆាយដីព្រៃរដ្ឋ ដោយមានការឃុបឃិតគ្នារវាងក្រុមហ៊ុនឯកជនជាមួយអាជ្ញាធរស្រុក។
-
ឯកអគ្គរាជទូតជប៉ុនថ្មី ចាត់ទុកកម្ពុជាជាប្រទេសដែលមានវប្បធម៌ដ៏អស្ចារ្យ
ឯកអគ្គរាជទូតជប៉ុនថ្មីប្រចាំប្រទេសកម្ពុជាលោក មិកាមិ ម៉ាសាហ៊ីរ៉ូ (Mikami Masahiro) បានមកដល់ប្រទេសកម្ពុជាហើយកាលពីថ្ងៃអាទិត្យ ដោយបានសម្តែងភាពរីករាយយ៉ាងក្រៃលែង និងបានចាត់ទុកកម្ពុជាជាប្រទេសដែលមានវប្បធម៌ដ៏អស្ចារ្យ។
-
ក្រសួងឲ្យភាគីសហជីព និងរោងចក្រ ទៅពិភាក្សាផ្ទៃក្នុងរឿងប្រាក់ឈ្នួលកម្មករ
ក្រសួងការងារ និងបណ្តុះបណ្តាលវិជ្ជាជីវៈទុកពេល ២ ថ្ងៃឲ្យភាគីសហជីព និងភាគីរោងចក្រកាត់ដេរនៅកម្ពុជាពិភាក្សាផ្ទៃក្នុងដើម្បីកំណត់រៀងៗខ្លួនអំពីតួលេខនៃប្រាក់ឈ្នួលអប្បបរមាសម្រាប់ឆ្នាំ ២០២០ ដើម្បីយកទៅចរចាគ្នានៅចុងសប្តាហ៍នេះ ខណៈដែលភាគីសមាគមរោងចក្រចង់ឲ្យរក្សាប្រាក់ឈ្នួលនៅដដែល។
-
មន្ត្រីរបបភ្នំពេញថា ខ្លួនមិនបារម្ភដល់ការលើកឡើងពីវិបត្តិសិទ្ធិមនុស្សកម្ពុជានៅសន្និបាត អ.ស.ប
អ្នកនាំពាក្យក្រសួងយុត្តិធម៌ លោក ជិន ម៉ាលីន អះអាងថា រដ្ឋាភិបាលក្រុងភ្នំពេញ មិនមានការព្រួយបារម្ភឡើយ ចំពោះការស្នើសុំរបស់ក្រុមអង្គការសង្គមស៊ីវិលជាតិនិងអន្តរជាតិចំនួន ២៨ស្ថាប័ន ទៅក្រុមប្រឹក្សាសិទ្ធិមនុស្សនៃអង្គការសហប្រជាជាតិ (UN Human Rights Council) ឱ្យលើកឡើងពីវិបត្តិសិទ្ធិមនុស្សនៅកម្ពុជា ក្នុងអង្គសន្និបាតរបស់ខ្លួនលើកទី៤២ នៅទីក្រុងហ្សឺណែវ (Geneva) ប្រទេសស្វីស (Switzerland) នោះទេ។
-
បុគ្គលិកសណ្ឋាគារ ដឺ ហ្ក្រេត ឌ្យូក ភ្នំពេញ ធ្វើកូដកម្មទាមទារបើកប្រាក់ឈ្នួល
បុគ្គលិកជាច្រើននាក់នៃសណ្ឋាគារ ដឺ ហ្ក្រេត ឌ្យូក ភ្នំពេញ (THE GREAT DUKE PHNOM PENH) បានប្រមូលផ្ដុំគ្នាតវ៉ាមុខច្រកចូលសណ្ឋាគារ ដើម្បីទាមទារឲ្យថៅកែបើកប្រាក់ឈ្នួលប្រចាំខែឲ្យពួកគាត់។ ក្រោយការតវ៉ាបានបន្តិច មន្ត្រីក្រសួងការងារ បានចុះទៅសម្របសម្រួល តែបុគ្គលិកទាមទារឲ្យបើកប្រាក់ឈ្នួលសិន ទើបព្រមបញ្ឈប់សកម្មភាពតវ៉ា។
-
ខួប២ឆ្នាំនៃការចាប់ខ្លួន៖ ឱពុកនិងកូនស្រីស្នើរួមគ្នាឲ្យបញ្ឈប់ការយកខ្មែរគ្នាឯងជាឈ្នាន់និងរបាំង
គិតត្រឹមថ្ងៃទី២ខែកញ្ញាម្សិលមិញ ជាពេលវេលា២ឆ្នាំគត់នៃការចាប់ខ្លួន លោក កឹម សុខា កាលពីថ្ងៃទី២ខែកញ្ញាឆ្នាំ២០១៧។ ជុំវិញខួប២ឆ្នាំនៃការចាប់ខ្លួននេះ រដ្ឋាភិបាលតាមរយៈទីស្តីការគណៈរដ្ឋមន្រ្តី នៅថ្ងៃទី២ខែកញ្ញា បង្ហាញវិដេអូអំពីមូលហេតុនៃការចាប់ខ្លួន លោក កឹម សុខា ដែលការចេញផ្សាយនេះ ជួនចំពេលលោក កឹម សុខា និងកូនស្រី គឺកញ្ញា កឹម មនោវិទ្យា ស្នើឲ្យបញ្ឈប់ការយកខ្មែរគ្នាឯងជាឈ្នាន់និងរបាំង។
-
តុលាការខេត្តរតនគិរីលើកពេលសាកសួរមន្ត្រីសមាគម អាដហុក ពាក់ព័ន្ធរឿងញុះញង់
សាលាដំបូងខេត្តរតនគិរីពន្យារពេលសាកសួរមន្ត្រីជាន់ខ្ពស់សមាគម អាដហុក (ADHOC) លោក ប៉ែន បុណ្ណារ៍ ទៅថ្ងៃក្រោយវិញ ដោយសារតែចៅក្រមស៊ើបសួរមានធុរៈផ្ទាល់ខ្លួន។
-
នាយករដ្ឋមន្ត្រីម៉ាឡេស៊ី លើកទឹកចិត្តឲ្យនិស្សិតខ្មែរមានមោទនភាពចំពោះវប្បធម៌របស់ខ្លួន
លោក មហាធា មហាម៉ាត់ នាយករដ្ឋមន្ត្រីម៉ាឡេស៊ី កាលពីថ្ងៃទី២ ខែកញ្ញាបានឆ្លើយសំនួរជាច្រើនពីនិស្សិតកម្ពុជា ក្នុងកិច្ចសន្ទនាអំពី «ការរក្សាតុល្យភាពទំនាក់ទំនងជាមួយប្រទេសមហាអំណាចនៅក្នុងបរិបទអាស៊ាន» នៅសាកលវិទ្យាល័យភូមិន្ទភ្នំពេញ។
-
ប៉ូលិសខេត្តបាត់ដំបងចាប់ផ្ដើមគំរាមពលរដ្ឋមិនឱ្យទៅទទួលលោក សម រង្ស៊ី វិលចូលស្រុកវិញ
មេប៉ូលិសខេត្តបាត់ដំបងចាប់ផ្ដើមគំរាមកំហែងប្រជាពលរដ្ឋមិនឱ្យទៅទទួលប្រធានស្ដីទី គណបក្សសង្គ្រោះជាតិ លោក សម រង្ស៊ី វិលចូលស្រុកវិញ នៅថ្ងៃទី៩ វិច្ឆិកាខាងមុខ។ ស្នងការនគរបាលខេត្តបាត់ដំបង អះអាងថា ការទៅចូលរួមពិធីទាំងឡាយជាមួយមេបក្សប្រឆាំងរួបនេះ ជាទង្វើខុសច្បាប់។ ក៏ប៉ុន្តែ ពលរដ្ឋមួយចំនួនលើកឡើងថា ទោះបីជាមានការបំភិតបំភ័យពីមេប៉ូលិសយ៉ាងនេះក្ដី ក៏ពួកគេនៅតែបន្តទៅទទួលលោក សម រង្ស៊ី ដោយមិនមានការរួញរាឡើយ។
-
អតីតអភិបាលខេត្ត និងអតីតស្នងការរង ត្រូវបានផ្តន្ទាទោសដាក់ពន្ធនាគារ ១៣ ឆ្នាំ និង ១០ ឆ្នាំ
លោក ឡាយ វណ្ណៈ អតីតអភិបាលខេត្តតាកែវ និងបងប្រុសបង្កើតឈ្មោះ ឡាយ ណារិទ្ធ អតីតស្នងការរងខេត្តនេះត្រូវបានតុលាការផ្តន្ទាទោសដាក់ពន្ធនាគារ ១៣ ឆ្នាំ និង ១០ ឆ្នាំពាក់ព័ន្ធករណីឃាតកម្មលើស្ត្រីឈ្មោះ ចេវ សុវឌ្ឍនា ដែល ឡាយ វណ្ណៈ ចាត់ទុកជាស្រីកំណាន់ ចំណែកបក្ខពួក ២ នាក់ទៀតត្រូវបានផ្តន្ទាទោសដាក់ពន្ធនាគារម្នាក់ៗ ២ ឆ្នាំ ពីបទលាក់បាំងតម្រុយ។
-
នាយករដ្ឋមន្ត្រីម៉ាឡេស៊ី កត់សម្គាល់ថា កម្ពុជាមានសញ្ញាល្អនៃវិបុលភាព ជាមួយនឹងអគារខ្ពស់ៗក្នុងរាជធានីភ្នំពេញ
ក្នុងដំណើរទស្សនកិច្ចមកដល់ប្រទេស កម្ពុជា កាលពីម្សិលមិញ លោកនាយករដ្ឋមន្ត្រីម៉ាឡេស៊ី Mahathir Mahamad បានបង្ហាញការកត់សម្គាល់របស់លោកថា កម្ពុជាមានសញ្ញាល្អនៃវិបុលភាពជាមួយនឹងអគារខ្ពស់ៗក្នុងរាជធានីភ្នំពេញ ប៉ុន្តែលោកបានរិះគន់ពីសង្គ្រាមពាណិជ្ជកម្មរបស់ប្រទេសមហាអំណាចថា មិនបានធ្វើឲ្យសេដ្ចកិច្ចប្រទេសតូចៗ និងប្រទេសពាក់ព័ន្ធប្រសើរឡើងឡើយ។
-
មន្ត្រីអង្គការ ២ នឹងចូលទៅពន្យល់តាមការអញ្ជើញ របស់ទីស្តីការគណៈរដ្ឋមន្ត្រី
មន្ត្រីអង្គការលីកាដូ និងមន្ត្រីសមាគមធាងត្នោត នឹងចូលរួមកិច្ចពិភាក្សាចង្អៀតនៅទីស្ដីការគណៈរដ្ឋមន្ត្រីនៅថ្ងៃពុធស្អែកនេះ តាមការអញ្ជើញរបស់ទីស្ដីការគណៈរដ្ឋមន្ត្រីដើម្បីពន្យល់ជុំវិញការរកឃើញរបស់អង្គការទាំង ២ ដែលថាស្ថាប័នមីក្រូហិរញ្ញវត្ថុបានធ្វើឱ្យមានការរំលោភបំពានសិទ្ធិមនុស្សធ្ងន់ធ្ងរតាមរយៈបំណុល។
-
ធ្លាក់ចុះភ្ញៀវទេសចរយ៉ាងគំហុក ធ្វើឱ្យសណ្ឋាគារ និងកន្លែងផ្ដល់សេវាកម្មម្ហូបអាហារបិទទ្វារ
ពលរដ្ឋរស់នៅក្រុងសៀមរាប និងក្រុមមគ្គទេសក៍ទេសចរបង្ហាញក្ដីកង្វល់យ៉ាងខ្លាំង ពីការធ្លាក់ចុះភ្ញៀវទេសចរយ៉ាងគំហុកពុំធ្លាប់មាន បណ្ដាលឱ្យម្ចាស់សណ្ឋាគារ ផ្ទះសំណាក់ និងកន្លែងផ្ដល់សេវាកម្មទេសចរមួយចំនួនបង្ខំចិត្តបិទទ្វារ។ បញ្ហានេះពួកគេបានទម្លាក់កំហុស ទៅលើរបបក្រុងភ្នំពេញថា មិនមានយុទ្ធសាស្ត្រទាក់ទាញភ្ញៀវទេសចរបទេសរវល់តែទាស់ទែងគ្នាក្នុងវិបត្តិនយោបាយ។
-
លោក កឹម សុខា ថា ពលិកម្មរបស់លោកមិនមែនល្ងង់នោះទេ ប៉ុន្តែលោកត្រូវហ៊ានលះបង់ក្នុងនាមជាអ្នកដឹកនាំ
ប្រធានគណបក្សសង្គ្រោះជាតិដែលកំពុងជាប់ឃុំក្នុងផ្ទះបានបង្ហោះសារតាមបណ្តាញសង្គមហ្វេសប៊ុកថ្ងៃទី២ ខែកញ្ញា ជាថ្ងៃគម្រប់ពីរឆ្នាំនៃការឃុំខ្លួនលោកថា ពលិកម្មរបស់លោកមិនមែនលោកល្ងង់នោះទេ ប៉ុន្តែលោកត្រូវហ៊ានលះបង់ក្នុងនាមជាអ្នកដឹកនាំ។ អ្នកវិភាគនយោបាយ ជំរុញទៅរបបក្រុងភ្នំពេញឲ្យដោះលែងលោក កឹម សុខា បើចង់រក្សាប្រព័ន្ធអនុគ្រោះពន្ធEBA។
-
រដ្ឋាភិបាលកោះហៅតំណាងអង្គការលីកាដូនិងសមាគមធាងត្នោតឲ្យបំភ្លឺរបាយការណ៍មីក្រូហិរញ្ញវត្ថុ
រដ្ឋាភិបាលបានកោះហៅតំណាងអង្គការទាំងពីរឲ្យចូលបំភ្លឺ ក្រោយពីបានសម្តែងការមិនសប្បាយចិត្តចំពោះការលើកឡើងក្នុងរបាយការណ៍នោះ។
-
មេបក្សសង្គ្រោះជាតិ៖ ទោះគ្មានការឆ្លើយតបពីទូតចិន និងទូតកម្ពុជា ទូតទាំងពីរ ដឹងពីការទាមទាររបស់ក្រុមអ្នកតវ៉ា
ទោះបីជាស្ថានទូតចិនមិនបានបញ្ជូនតំណាងឲ្យមកទទួលញត្តិ ហើយស្ថានទូតកម្ពុជាមិនបានឆ្លើយតបនឹងការតវ៉ាអហិង្សានេះក្ដី ប្រធានគណបក្សសង្គ្រោះជាតិសហរដ្ឋអាមេរិក បានអះអាងថា ស្ថានទូតទាំងពីរបានដឹងពីការទាមទាររបស់ក្រុមអ្នកតវ៉ា។
-
ក្រុមមន្ត្រីអង្គការសង្គមស៊ីវិល ចុះហត្ថលេខាលើលិខិតចំហទាក់ទងព្រៃឈើ
ក្រុមមន្ត្រីអង្គការសង្គមស៊ីវិល សកម្មជនការពារព្រៃឈើ និងនិស្សិតបញ្ញវន្ដប្រមាណ ៧០ នាក់ បានចុះហត្ថលេខាលើលិខិតចំហមួយ ដោយសម្តែងការយល់ឃើញថា រដ្ឋាភិបាលនៅតែមានភាពស្ទាក់ស្ទើរក្នុងការអភិរក្សព្រៃឈើ ខណៈមន្ត្រីរដ្ឋាភិបាលចង់ឲ្យមានការចូលរួមការពារធនធានធម្មជាតិ។