បញ្ជីពត៍មានគេហទំព័រសិទ្ធិ

កំពុងស្វែងរកទិន្នន័យ

រកឃើញ: 13.186

២៧ តុលា ២០២០
ខួបទី២៩នៃកិច្ចព្រមព្រៀងសន្តិភាពទីក្រុងប៉ារីស ត្រូវបានប្រារព្ធដោយបាតុកម្មប្រឆាំងចិន

វ៉ាស៊ីនតោន — ខួបលើកទី២៩នៃការចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីសនៅឆ្នាំនេះ ត្រូវបានប្រារព្ធឡើងក្រោមការព្រួយបារម្ភកាន់តែកើនឡើងនឹងវត្តមាន និងឥទ្ធិពលចិននៅកម្ពុជា។
អានបន្ត
២៧ តុលា ២០២០
អ្នកនាំពាក្យក្រសួងយុត្តិធម៌៖តុលាការនឹងសិក្សាផ្លូវច្បាប់លើការប្រើពាក្យសម្តីរិះគន់ព្រះមហាក្សត្ររបស់លោកសម រង្ស៊ី

ប្រធានស្តីទីអតីតគណបក្សសង្រ្គោះជាតិ លោកសម រង្ស៊ី តាមរយៈវីដេអូឃ្លីបមួយនៅលើទំព័រហ្វេសប៊ុករបស់ខ្លួនកាលពីថ្ងៃទី២៥ ខែតុលា បានរិះគន់យ៉ាងខ្លាំងទៅលើប្រព័ន្ធតុលាការកម្ពុជានាពេលបច្ចុប្បន្ននេះ។ មិនតែប៉ុណ្ណោះ លោកថែមហ៊ាននិយាយរិះគន់ដល់អង្គព្រះមហាក្សត្រកម្ពុជាថែមទៀតចំពោះតួនាទីរបស់ព្រះអង្គលើបញ្ហាប្រព័ន្ធតុលាការនេះ។អ្នកនាំពាក្យក្រសួងយុត្តិធម៌កម្ពុជា បានគូសបញ្ជាក់ប្រាប់វិទ្យុបារាំងអន្តរជាតិនៅព្រឹកថ្ងៃអង្គារនេះថា ស្ថាប័នតុលាការនឹងសិក្សាពីផ្លូវច្បាប់លើពាក្យសម្តីរិះគន់លើអង្គព្រះមហាក្សត្ររបស់លោកសម រង្ស៊ីនេះ។
អានបន្ត
២៧ តុលា ២០២០
អតីតគណបក្សសង្គ្រោះជាតិស្នើសហគមន៍អន្តរជាតិ និងអង្គការសិទ្ធិមនុស្សជួយឃ្លាំមើលសុវត្ថិភាពគ្រួសាររបស់ខ្លួននៅភ្នំពេញ

អតីតគណបក្សសង្គ្រោះជាតិនៅថ្ងៃអង្គារនេះ បានចេញសេចក្តីថ្លែងការណ៍ខ្លីមួយ ស្នើឲ្យសហគមន៍អន្តរជាតិ និងអង្គការសិទ្ធិមនុស្សនានា ឃ្លាំមើលពីសុវត្ថិភាពក្រុមគ្រួសារមេដឹកនាំជាន់ខ្ពស់របស់អតីតគណបក្សនេះ នៅក្នុងប្រទេសកម្ពុជា។ ការប្រកាសស្នើសុំឲ្យមានការជួយឃ្លាំមើលនេះ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ថ្លែងលើកយកក្រុមគ្រួសាររបស់មេដឹកនាំគណបក្សប្រឆាំងមួយនេះ មកនិយាយជាសាធារណៈ កាលពីថ្ងៃចន្ទ ទាក់ទងទៅនឹងការចែកលុយធ្វើបាតុកម្មនៅមុខស្ថានទូតចិន។
អានបន្ត
២៦ តុលា ២០២០
កូវីដ១៩និងការគាំទ្រអតីតCNRPធ្វើឱ្យមនុស្សមួយចំនួនក្លាយជាអ្នកទោសនយោបាយ

ទោសរបស់លោក យឹម សារ៉េត បង្កមកពីការដែលលោកបង្ហោះរូបពាក់ម៉ាស់របស់លោកមួយសន្លឹកលើបណ្តាញសង្គមហ្វេសប៊ុក នេះបើតាមការបញ្ជាក់របស់អ្នកស្រី អ៊ុក ចន្ធី ដែលត្រូវជាភរិយា។
អានបន្ត
២៦ តុលា ២០២០
លោក ហ៊ុន សែន គាំទ្រក្រុមហ៊ុន OCIC លុបទន្លេមេគង្គនៅកោះនរា សម្រាប់បង្កើតជាទីក្រុងរណប

ប្រមុខរដ្ឋាភិបាលកម្ពុជា ប្រកាសគាំទ្រគម្រោងអភិវឌ្ឍរបស់ក្រុមហ៊ុនវិនិយោគទុនអាណិកជនកម្ពុជា ហៅកាត់ថា អូ.ស៊ី.អាយ.ស៊ី (OCIC) របស់ឧកញ៉ា ពុង ឃាវសែ ដែលកំពុងចាក់ដីលុបទន្លេមេគង្គ ដើម្បីពង្រីកដីនៅតំបន់កោះ សម្រាប់បង្កើតជាទីក្រុងរណបថ្មីមួយទៀត។ រីឯអ្នកស្រាវជ្រាវការអភិវឌ្ឍសង្គម នៅតែយល់ថា គម្រោងអភិវឌ្ឍកោះនរានេះគ្មានតម្លាភាពគ្រប់គ្រាន់ និងធ្វើឲ្យប៉ះពាល់ដល់បរិស្ថាន និងសង្គម។
អានបន្ត
២៦ តុលា ២០២០
អាជ្ញាធរខេត្តស្ទឹងត្រែងបដិសេធសំណើរបស់សហគមន៍ក្បាលរមាស ស្នើសុំចុះបញ្ជីដីសមូហភាពទំហំជិត ៨ពាន់ហិកតារ

ព្រៃសហគមន៍ភូមិក្បាលរមាស ដែលមានទំហំជិត ៨ពាន់ហិកតារ (៧.៨៣៩) ដែលជនជាតិដើមភាគតិចព្នង ៥៣គ្រួសារ ស្នើសុំចុះបញ្ជីជាព្រៃសមូហភាព ដើម្បីជាប្រយោជន៍យូរអង្វែងរបស់សហគមន៍ ក៏ប៉ុន្តែត្រូវបានអាជ្ញាធរខេត្តស្ទឹងត្រែងបដិសេធ។ តំណាងសហគមន៍ប្រកាសជំហរថា នឹងស៊ូស្លាប់ការពារព្រៃសហគមន៍នេះ ដើម្បីអភិរក្សព្រៃឈើ និងរក្សាបាននូវប្រពៃណីវប្បធម៌របស់ជនជាតិដើមភាគតិច។
អានបន្ត
២៦ តុលា ២០២០
ក្រសួងការងារជូនដំណឹងពីថ្ងៃឈប់បុណ្យអុំទូករយៈពេល៤ថ្ងៃ

ក្រសួងការងារ និងបណ្តុះបណ្តាលវិជ្ជាជីវៈ ជូនដំណឹងពីការឈប់សម្រាកដោយមានប្រាក់ឈ្នួលរយៈពេល៤ថ្ងៃ សម្រាប់ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។
អានបន្ត
២៦ តុលា ២០២០
លោកហ៊ុន សែនព្រមានលោកហូរ វ៉ាន់កុំឱ្យរុញអ្នកក្នុងស្រុកចូលគុកព្រោះរឿងបាតុកម្មប្រឆាំងវត្តមានកងទ័ពចិននៅកម្ពុជា

លោកនាយករដ្ឋមន្រ្តីហ៊ុន សែន នៅព្រឹកថ្ងៃចន្ទនេះ បានព្រមានខ្លាំងៗទៅលើលោកហូរ វ៉ាន់ អតីតមន្ត្រីជាន់ខ្ពស់នៃអតីតបក្សសង្រ្គោះជាតិ និងក្រុមគ្រួសាររបស់រូបលោករឿងបញ្ជាពីក្រៅប្រទសឱ្យមានការធ្វើបាតុកម្មប្រឆាំងវត្តមានកងទ័ពចិននៅកម្ពុជានៅមុខស្ថានទូតចិន និងអាមេរិកនៅទីក្រុងភ្នំពេញ។ លោកហ៊ុន សែន បានព្រមានឱ្យលោកហូរ វ៉ាន់បញ្ឈប់សកម្មភាពរបស់ខ្លួនជាបន្ទាន់ និងគិតគូរដល់សមាជិកគ្រួសាររបស់ខ្លួនដែលកំពុងរស់នៅកម្ពុជា។ ការព្រមាននេះ ធ្វើឡើងបន្ទាប់ពីលោកនាយករដ្ឋមន្រ្តីចាប់បានសំឡេងរបស់លោកហូរ វ៉ាន់បញ្ជាឱ្យធ្វើបាតុកម្មកាលពីថ្ងៃទី២៣ ខែតុលាកន្លងទៅ។
អានបន្ត
២៦ តុលា ២០២០
អង្គការឃ្លាំមើលអ្នកសារព័ត៌មានអំពាវនាវឲ្យបញ្ឈប់ការធ្វើទុក្ខបុកម្នេញលើអ្នកកាសែតនៅកម្ពុជា

អង្គការសង្គមស៊ីវិលក្នុងស្រុកចំនួនពីរបានចេញសេចក្តីថ្លែងការណ៍រួមមួយនៅថ្ងៃទី២៣តុលាគឺចំថ្ងៃដែលកម្ពុជាប្រារព្ធទិវាកិច្ចព្រមព្រៀងសន្តិភាពក្រុងប៉ារីស ដោយអំពាវនាវឲ្យបញ្ឈប់នូវសកម្មភាពរបស់សមត្ថកិច្ចដែលធ្វើទុក្ខបុកម្នេញទៅលើអ្នកសារព័ត៌មាននៅកម្ពុជា និងធានាសុវត្ថិភាពដល់ពួកគេក្នុងពេលចុះបំពេញការងារ។ ការអំពាវនាវបែបនេះគឺធ្វើឡើងដោយយោងលើហេតុការណ៍ដែលកើតឡើងនៅមុខស្ថានចិន ដែលអ្នកសារព័ត៌មានជាច្រើននាក់ ត្រូវបានសមត្ថកិច្ចដកហូតម៉ាស៊ីនថត និងសម្លុត នៅពេលអ្នកកាសែតតាមថតសកម្មភាពចាប់ខ្លួនស្ត្រីជាអ្នកតវ៉ា។
អានបន្ត
២៦ តុលា ២០២០
លោកហ៊ុន សែន ព្រមានចាត់ការគ្រួសារលោក ហូរ វ៉ាន់ ថ្នាក់ដឹកនាំបក្សសង្គ្រោះជាតិរឿងគម្រោងចង់ផ្ដួលរំលំរបបក្រុងភ្នំពេញ

លោកនាយករដ្ឋមន្ត្រីហ៊ុន សែន ព្រមានចាត់វិធានការប្រពន្ធថ្នាក់ដឹកនាំគណបក្សសង្គ្រោះជាតិ គឺ លោក ហូរ វ៉ាន់ ដោយលោកចោទថា មានពាក់ព័ន្ធនឹងរឿងនៅពីក្រោយហេតុការណ៍ដឹកនាំប្រជាពលរដ្ឋធ្វើបាតុកម្មនៅមុខស្ថានទូតចិន ប្រចាំនៅរាជធានីភ្នំពេញកាលពីថ្ងៃទី២៣តុលា។ អ្នកវិភាគនយោបាយ យល់ថា ការព្រមានរបស់លោក ហ៊ុន សែន នេះ គឺជាការព្រួយបារម្ភខ្លាចកម្លាំងមហាងើបតវ៉ាធ្វើឱ្យរង្គោះរង្គើដល់ការដឹកនាំរបស់លោក។
អានបន្ត
២៦ តុលា ២០២០
គណៈរដ្ឋមន្ត្រីអនុម័តសេចក្តីព្រាងច្បាប់ថវិកាជាតិឆ្នាំ ២០២១ គ្រោងចំណាយជាង $ ៨ ០០០ លាន

ភ្នំពេញៈ គណៈរដ្ឋមន្ត្រីបានសម្រេចអនុម័តសេចក្តីព្រាងច្បាប់ថវិកាជាតិសម្រាប់ឆ្នាំ ២០២១ ដោយគ្រោងចំណាយក្នុងរង្វង់ទឹកប្រាក់ប្រមាណជាង ៨ ០០០ លានដុល្លារ ហើយគ្រោងខ្ចីប្រាក់ពីដៃគូអភិវឌ្ឍន៍ក្នុងកម្រិត ១ ៥០០ SDR ដើម្បីទប់ទល់នឹងការចំណាយដែលត្រូវបានព្យាករថា ចំណូលដែលប្រមូលបានក្នុងឆ្នាំនោះមានការធ្លាក់ចុះ។
អានបន្ត
២៦ តុលា ២០២០
តុលាការចោទប្រកាន់មនុស្ស៣នាក់ ពីបទញុះញង់ ក្រោយតវ៉ាមុខស្ថានទូតចិន

ភ្នំពេញ — តុលាការរាជធានីភ្នំពេញ សម្រេចឃុំខ្លួនមនុស្ស៣នាក់កាលពីថ្ងៃអាទិត្យ ដោយចោទពួកគេពីបទញុះញង់ ក្រោយចេញមុខតវ៉ានៅខាងមុខស្ថានទូតចិនកាលពីថ្ងៃសុក្រសប្តាហ៍មុន។
អានបន្ត
២៦ តុលា ២០២០
លោក ហ៊ុន សែន៖ ខ្ញុំមានលទ្ធភាពរំលត់ភ្លើងសង្គ្រាម តែគ្មានលទ្ធភាពប្រដៅអ្នកប៉ុនប៉ងធ្វើបដិវត្តន៍ពណ៌បំផ្លាញជាតិ

បន្ទាយមានជ័យៈ លោកនាយករដ្ឋមន្ត្រី ហ៊ុន សែន បានថ្លែងថា លោកមានលទ្ធភាពក្នុងការរំលត់ភ្លើងសង្គ្រាមនៅកម្ពុជាបាន ប៉ុន្តែលោកគ្មានលទ្ធភាពប្រៀនប្រដៅដល់ក្រុមដែលលោកហៅថា មានបំណងបំផ្លាញជាតិដោយការធ្វើបដិវត្តន៍ពណ៌ទេ។ ទោះយ៉ាងណាលោកនឹងមិនចរចានយោបាយជាមួយអ្នកណាទាំងអស់។
អានបន្ត
២៦ តុលា ២០២០
លោក ហ៊ុន សែន៖ អា វ៉ាន់ ល្មមបានហើយ កូនប្រពន្ធអ្ហែងនៅភ្នំពេញទេ

លោកនាយករដ្ឋមន្ត្រី ហ៊ុន សែន ព្រមានចំៗទៅអតីតតំណាងរាស្ត្របក្សប្រឆាំង លោក ហូរ វ៉ាន់ ដែលថា បានបញ្ជាឱ្យមានការតវ៉ាមួយនៅមុខស្ថានទូតចិនក្នុងរាជធានីភ្នំពេញ ប្រឆាំងនឹងកងទ័ពចិនដែលត្រូវបានរាយការណ៍ថា មានវត្តមាននៅកម្ពុជា។
អានបន្ត
២៥ តុលា ២០២០
លោក ហ៊ុន សែន ស្នើកាត់ដីខេត្តកណ្ដាល ៣០២ហិកតារឱ្យរាជធានីភ្នំពេញគ្រប់គ្រង

ផ្ទៃដីខេត្តកណ្ដាលជាង៣០០ហិកតារត្រូវកាត់ចូលឱ្យរាជធានីភ្នំពេញគ្រប់គ្រង។ អភិបាលខេត្តកណ្ដាលលោក គង់ សោភ័ណ្ឌ ឱ្យអាស៊ីសេរីដឹងថ្ងៃទី២៥ ខែតុលាថា ក្រុមជំនាញបានចុះសិក្សា និងវាស់វែងតំបន់ដែលត្រូវកាត់ចូលរាជធានីភ្នំពេញរួចហើយ។ លោកបញ្ជាក់ថា ទោះបីជា រដ្ឋាភិបាលមានការកែសម្រួលព្រំប្រទល់ថ្មីបែបនេះក្ដី ប៉ុន្តែមិនប៉ះពាល់អគារសាលាខេត្តកណ្ដាលសព្វថ្ងៃនេះទេ។
អានបន្ត
២៥ តុលា ២០២០
តុលាការសម្រេចឃុំខ្លួនអ្នកតវ៉ាប្រឆាំងឥទ្ធិពលចិនបីនាក់ក្នុងពន្ធនាគារព្រៃស

តុលាការក្រុងភ្នំពេញ សម្រេចឃុំខ្លួនអ្នកតវ៉ាប្រឆាំងឥទ្ធិពលចិននៅកម្ពុជាចំនួនបីនាក់ក្នុងពន្ធនាគារព្រៃស បន្ទាប់ពីសាកសួរចំនួនពីរថ្ងៃជាប់គ្នា។ សាច់ញាតិ និងមេធាវី យល់ថា សេចក្តីសម្រេចរបស់តុលាការ មានភាពអយុត្តិធម៌ និងគ្មានជំហរឯករាជ្យ។
អានបន្ត
២៤ តុលា ២០២០
លោក ហ៊ុន សែន ប្រកាសថា គ្មានការចរចានយោបាយជាមួយបក្សប្រឆាំងឡើយ

មេដឹកនាំរបបក្រុងភ្នំពេញ លោក ហ៊ុន សែន ប្រកាសជាថ្មីទៀតថា លោកមិនចរចាជាមួយគណបក្សប្រឆាំងឡើយ ព្រោះលោកចាត់ទុកគណបក្សប្រឆាំងថា ជាគណបក្សខុសច្បាប់។ មន្ត្រីជាន់ខ្ពស់គណបក្សសង្គ្រោះជាតិជឿថា លោក ហ៊ុន សែន មិនចង់ចរចា ព្រោះខ្លាចបាត់អំណាចតវង្សត្រកូល។ ចំណែក អ្នកឃ្លាំមើលសង្គមបន្តជំរុញឱ្យអ្នកនយោបាយបក្សកាន់អំណាច និងបក្សប្រឆាំងត្រូវចរចានយោបាយ ដើម្បីដោះស្រាយបញ្ហាប្រឈមរបស់ជាតិ។
អានបន្ត
២៤ តុលា ២០២០
លោក ហ៊ុន សែន ប្រកាសថ្មីមិនចរចាជាមួយក្រុមអ្នកនយោបាយបក្សប្រឆាំង

មេដឹកនាំគណបក្សកាន់អំណាច លោក ហ៊ុន សែន បានប្រកាសជាថ្មីនៅថ្ងៃសៅរ៍នេះថា លោកនឹងមិនចរចាជាមួយនណាទាំងអស់ដែលទំនងសំដៅ ដល់ក្រុមអ្នកនយោបាយរបស់គណបក្សប្រឆាំងដែលកំពុងនៅក្រៅប្រទេស។ ជាមួយគ្នានោះ លោក ហ៊ុន សែន ក៏បានព្រមានថា សកម្មជននយោបាយនៅក្នុងស្រុកដែលលោកអះអាងថាធ្វើសកម្មភាពទៅតាមការបញ្ជារបស់អ្នកនៅក្រៅប្រទេសនោះ នឹងត្រូវចាត់វិធានការទៅតាមផ្លូវច្បាប់ដោយមិនអាច«ខន្តី»បាននោះឡើយ។
អានបន្ត
២៤ តុលា ២០២០
សមត្ថកិច្ចបញ្ជូនសកម្មជនបក្សប្រឆាំងបីនាក់ដែលតវ៉ាមុខស្ថានទូតចិនទៅតុលាការ

តុលាការក្រុងភ្នំពេញកំពុងបន្តសាកសួរអ្នកប្រឆាំងតវ៉ាឥទ្ធិពលចិននៅកម្ពុជាចំនួនបីនាក់នៅល្ងាចថ្ងៃទី២៤ ខែតុលា បន្ទាប់ពីសមត្ថកិច្ច ចាប់ខ្លួនក្នុងពេលពួកគេព្យាយាមទៅប្រមូលផ្តុំតវ៉ាជាមួយពលរដ្ឋជាច្រើននាក់ផ្សេងទៀត នៅមុខស្ថានទូតចិន ដើម្បីទាមទារឲ្យរដ្ឋាភិបាលចិន និងរដ្ឋាភិបាលលោក ហ៊ុន សែន គោរពកិច្ចព្រមព្រៀងសន្តិភាពទីក្រុងប៉ារីស។ គណបក្សសង្គ្រោះជាតិ និងមន្ត្រី សង្គមស៊ីវិល ចាត់ទុកថា ចំណាត់ការរបស់អាជ្ញាធរ និងតុលាការ គឺជាការបំបិទសិទ្ធិសេរីភាពពលរដ្ឋ និងទាមទារឲ្យដោះលែងជាបន្ទាន់។
អានបន្ត
២៤ តុលា ២០២០
អង្គការសារព័ត៌មានថាការធ្វើទុក្ខបុកម្នេញលើអ្នកយកព័ត៌មាននៅមុខស្ថានទូតចិនមិនអាចទទួលយកបាន

ក្រុមអង្គការសារព័ត៌មានចំនួនពីរដែលធ្វើការការពារសេរីភាពអ្នកសារព័ត៌មានក្នុងប្រទេសកម្ពុជា បានចាត់ទុកចំណាត់ការរបស់អាជ្ញាធរក្រុងភ្នំពេញទៅលើអ្នកសារព័ត៌មានដែលរាយការណ៍អំពីការតវ៉ារបស់ពលរដ្ឋនៅខាងមុខស្ថានទូតចិនកាលពីថ្ងៃទី២៣ខែតុលា ថាជាការសម្លុតគំរាមកំហែងលើសេរីភាពសារព័ត៌មាន«ដែលមិនអាចទទួលយកបាន»។
អានបន្ត