កំពុងស្វែងរកទិន្នន័យ
រកឃើញ: 13.171
-
ក្រុមសហគមន៍រងគ្រោះដីធ្លីតាមបណ្តាខេត្តធ្វើយុទ្ធនាការទាមទារឲ្យដោះលែងសកម្មជនដីធ្លី
ប្រជាសហគមន៍រងគ្រោះដីធ្លីចំនួន ១១ខេត្ត នៅព្រឹក ថ្ងៃទី២៣ ខែកុម្ភៈ បានជួបជុំគ្នាជាក្រុមៗ តាមទីតាំងសហគមន៍រៀងៗខ្លួន ដែលមួយក្រុមៗមានគ្នាចន្លោះពី ១០នាក់ ទៅ ២០នាក់ ដើម្បីចូលរួមយុទ្ធនាការជម្រុញឲ្យអាជ្ញាធររដ្ឋាភិបាលទម្លាក់ចោលបទចោទលើសកម្មជនដីធ្លីទាំងអស់ និងដោះលែងសកម្មជនដីធ្លីចំនួន ៦នាក់ ដែលត្រូវបានអាជ្ញាធរចាប់ខ្លួន។ យុទ្ធនាការនេះប្រជាពលរដ្ឋនាំគ្នាលើកបដាតូចធំដែលមានរូបសកម្មជនដីធ្លីកំពុងជាប់ឃុំទាំង៦រូប និងមានសរសេរអក្សរថា ''ទម្លាក់ចោលបទចោទ និងដោះលែងពលរដ្ឋរងគ្រោះដីធ្លី''។
អានបន្ត -
បណ្តាញព្រៃឡង់នៅខេត្ត២ ត្រូវអាជ្ញាធរឱ្យធ្វើកិច្ចសន្យាឈប់ចូលធ្វើសកម្មភាពនានាក្នុងព្រៃឡង់
បណ្តាញសហគមន៍ព្រៃឡង់នៅខេត្តចំនួន២ អះអាងថា អាជ្ញាធរមូលដ្ឋានបានបង្ខំឱ្យធ្វើកិច្ចសន្យាឈប់ចូលធ្វើសកម្មភាពក្នុងព្រៃមួយនេះតទៅទៀត ក្រោមហេតុផលថា បណ្តាញមួយនេះធ្វើសកម្មភាពពុំមានច្បាប់អនុញ្ញាត។
អានបន្ត -
ពលរដ្ឋចំនួន ១២ នាក់ ត្រូវបានអាជ្ញាធរឃាត់ខ្លួនក្នុងរឿងជម្លោះដីធ្លី ១ កន្លែង នៅស្រុកខ្សាច់កណ្តាល
កណ្តាលៈ សមត្ថកិច្ចនគរបាលស្រុកខ្សាច់កណ្តាលបានឃាត់ខ្លួនប្រជាពលរដ្ឋ ១២ នាក់ កាលពីថ្ងៃទី ១៦ ខែកុម្ភៈ នៅចំណុចផ្លូវ 7NG ស្ថិតនៅភូមិព្រែកល្វា ឃុំព្រែកតាកូវ ខណៈពួកគេមករារាំង កម្លាំងអាជ្ញាធរអនុវត្តច្បាប់ក្នុងការចុះកម្ទេចរបងថ្ម ដែលពលរដ្ឋបានសាងសង់លើដីកម្មសិទ្ធិឯកជន ហើយហាមឃាត់មិនស្តាប់ជាច្រើនលើកច្រើនសាមក។
អានបន្ត -
បទយកការណ៍៖ ចិនភាគច្រើនចាកចេញ ធ្វើឱ្យក្រុងព្រះសីហនុសម្បូរការដ្ឋានសំណង់ផ្អាកដំណើរការនិងស្លាកហាងជួល
វត្តមានជនជាតិចិនបានជះឥទ្ធិពលខ្លាំងដល់ការអភិវឌ្ឍនៅខេត្តព្រះសីហនុ ក្នុងរយៈពេល៣ឆ្នាំចុងក្រោយនេះ។ កំណើនជនជាតិចិនបណ្ដាលឱ្យហាងឆេងដីធ្លី ផ្ទះសំបែង និងអចលទ្រព្យឡើងខ្ពស់ ពិសេសគឺកំណើនយ៉ាងគំហុកនៃការដ្ឋានសំណង់ធំៗ ដែលរួមមាន សណ្ឋាគារ ខុនដូ សំណង់កាស៊ីណូ ជាដើម។
អានបន្ត -
អ្នកគេចវេះពីការធ្វើចត្តាឡីស័ក នឹងរងពិន័យពី១លានដល់៥លានរៀលតាមអនុក្រឹត្យថ្មី
រដ្ឋាភិបាលបានសម្រេចបង្កើនប្រាក់ផាកពិន័យពី ១ ០០០ ០០០ រៀល ទៅ ៥ ០០០ ០០០ រៀល ចំពោះអ្នកដែលគេចវេះពីការធ្វើចត្តាឡីស័ក និងអ្នកដែលកំពុងធ្វើចត្តាឡីស័កហើយ តែមិនសហការជាមួយមន្ត្រីសុខាភិបាលក្នុងការយកសំណាកទៅធ្វើតេស្តរកកូវីដ១៩។
អានបន្ត -
តុលាការលើកសវនាការសកម្មជនអតីតបក្សប្រឆាំងទៅបន្តធ្វើនៅសប្តាហ៍ក្រោយ តែមេធាវីថានឹងប៉ះពាល់ដល់សិទ្ធិកូនក្តី
សាលាដំបូងរាជធានីភ្នំពេញនៅព្រឹកថ្ងៃព្រហស្បតិ៍ នេះ បានបន្តបើកសវនាការសំណុំរឿងរួមគំនិតក្បត់ និង ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គមលើសកម្មជនអតីតគណបក្សសង្គ្រោះជាតិ។ សវនាការពេញមួយព្រឹកនេះ មិនមានការសម្រេចជាផ្លូវការអ្វីនៅឡើយទេ ដោយតុលាការប្រកាសបន្តសវនាការនេះនៅថ្ងៃទី២៥ ខែកុម្ភៈខាងមុខ។ ចំពោះបញ្ហានេះ មេធាវីការពារក្តីបានអះអាងថា ការបន្លាយពេលបន្តទៀតរបស់តុលាការនេះ គឺប៉ះពាល់ដល់សិទ្ធិទទួលបានការកាត់ក្តីដោយយុត្តិធម៌របស់ជនជាប់ចោទ។
អានបន្ត -
វិភាគ៖ ឧបសគ្គរបស់សកម្មជនជាឱកាសរបស់អ្នកកាប់ឈើ
របាយការណ៍របស់ស្ថាប័នអន្តរជាតិ និងសហគមន៍ការពារព្រៃឈើ តែងតែបង្ហាញបន្តបន្ទាប់ថា ការកាប់បំផ្លាញព្រៃឈើដោយខុសច្បាប់មិនមានការថយចុះនោះទេ បើទោះជារដ្ឋាភិបាលប្រកាសដាក់ចេញវិធានការការពារបន្តបន្ទាប់ក៏ដោយ។
អានបន្ត -
យុវជន ឈឿន ដារ៉ាវី កោរសក់ ដើម្បីបួងសួងសូមឲ្យមានយុត្តិធម៌ដល់ខ្លួនគាត់
យុវជនខ្មែរថាវរៈ លោកស្រី ឈឿន ដារ៉ាវី សម្រេចកោរសក់ ដើម្បីបួងសួងដល់បុព្វបុរសដែលជា អ្នកតស៊ូ និងវត្ថុស័ក្ដិសិទ្ធិទាំងអស់ សូមឲ្យជួយថែរក្សា និងរកយុត្តិធម៌ដល់ខ្លួនឯង ដែលកំពុងជាប់ឃុំក្នុងពន្ធនាគារ។ មន្ត្រីសិទ្ធមនុស្សយល់ថា ការកោរសក់សម្ដែងមតិ ឬបង្ហាញជំនឿរបស់ខ្លួនទៅលើអ្វីមួយនោះ គឺជាសិទ្ធរបស់ពលរដ្ឋ និងអ្នកជាប់ឃុំ ដែលធ្វើឡើងដោយសន្តិវិធី។
អានបន្ត -
អ្នកជំនាញសារព័ត៌មានថា អនុក្រឹត្យស្ដីពីការបង្កើតច្រកទ្វារអ៊ីនធឹណិតជាតិរបស់រដ្ឋាភិបាល មានការរឹតត្បិតតាមបែបប្រទេសចិន
របបក្រុងភ្នំពេញកំពុងរឹតត្បិតលើប្រព័ន្ធអ៊ីនធឹណិត ដោយយកតាមលំនាំប្រទេសកុម្មុយនិស្តមួយចំនួនដូចជាប្រទេសចិន តាមរយៈការបង្កើតច្រកទ្វារអ៊ីនធឺណិត។
អានបន្ត -
អ្នកគាំទ្រលោក រ៉ុង ឈុន ចំនួន ៤ នាក់បដិសេធការចោទប្រកាន់ពីបទញុះញង់
កាលពីម្សិលមិញ សាលាដំបូងរាជធានីភ្នំពេញបានបន្តបើកសវនាការជំនុំជម្រះសកម្មជនគណបក្សប្រឆាំងចំនួន ១៥ នាក់ដែលរងការចោទប្រកាន់ស្តីពីការគំរាមសន្តិសុខសង្គមតាមរយៈការតវ៉ាទាមទារ ឲ្យមានការដោះលែងលោក រ៉ុង ឈុន ជាប្រធានសហភាពសហជីពកម្ពុជានិងជាសមាជិកក្រុមប្រឹក្សាឃ្លាំមើលកម្ពុជាពីពន្ធនាគារកាលពីខែសីហាឆ្នាំមុន។
អានបន្ត -
តុលាការនឹងបន្តសវនាការសំណុំរឿងលោក រ៉ុង ឈុន និងសកម្មជនពីរនាក់ទៀតនៅដើមខែក្រោយ
តុលាការក្រុងភ្នំពេញនឹងបន្តសវនាការជំនុំជម្រះក្តីលោក រ៉ុង ឈុន និងសកម្មជនពីរនាក់ទៀតនៅដើមខែក្រោយ បន្ទាប់ពីបញ្ចប់សវនាការនៅព្រឹកថ្ងៃទី១៧ ខែកុម្ភៈ។ មេធាវីនិងអ្នកឃ្លាំមើលសិទ្ធិមនុស្សអះអាងថា លោករ៉ុង ឈុន និងសកម្មជនពីរនាក់ទៀតគ្មានកំហុសនោះទេ និងជំរុញឱ្យតុលាការដោះលែងពួកគេឱ្យមានសេរីភាពឡើងវិញ។
អានបន្ត -
ពលរដ្ឋខ្មែរឥស្លាមជាង១០០នាក់តវ៉ាមុខសាលាឧទ្ធរណ៍ ខណៈតំណាងចូលបំភ្លឺរឿងជម្លោះដីធ្លី
ប្រជាពលរដ្ឋខ្មែរឥស្លាមជាង១០០នាក់មកពីខេត្តកំពត បានប្រមូលផ្តុំគ្នាតវ៉ាមុខសាលាឧទ្ធរណ៍ នៅរសៀលថ្ងៃពុធនេះ ខណៈតំណាងពលរដ្ឋ៦នាក់បានចូលបំភ្លឺចំពោះមុខតុលាការ ពាក់ព័ន្ធរឿងវិវាទដីធ្លី។
អានបន្ត -
នៅពន្ធនាគារព្រៃស៖ យុវនារីការពារបរិស្ថានម្នាក់កោរសក់ចោល ដើម្បីទាមទាររកយុត្តិធម៌
កញ្ញាឈឿន ដារ៉ាវី សកម្មជនការពារបរិស្ថានដ៏សកម្មម្នាក់ បានសម្រេចកោរសក់ក្បាលរបស់នាង ខណៈរូបនាងកំពុងត្រូវបានឃុំខ្លួននៅក្នុងពន្ធនាគារព្រៃស ក្រោមការចោទប្រកាន់ពីបទ ញុះញង់ឱ្យមានភាពវឹកវរធ្ងន់ធ្ងរដល់សន្តិសុខសង្គម។ ការលះបង់សក់ក្បាលរបស់យុវនារី ឈឿន ដារ៉ាវី ធ្វើឡើងដើម្បីទាមទារយកមកវិញនូវយុត្តិធម៌សម្រាប់រូបនាង ព្រមទាំងសកម្មជនបរិស្ថាន និងសង្គមដទៃទៀត។ គួរបញ្ជាក់ថា ការទាមទារដោយយកសក់ក្បាលធ្វើជាថ្នូររបស់យុវនារីរូបនេះ ត្រូវបានបង្ហាញឱ្យឃើញនៅពេលដែលរូបនាងត្រូវបានបញ្ជូនមកកាន់តុលាការសាលាដំបូងរាជធានីភ្នំពេញ កាលពីថ្ងៃអង្គារទី១៦កុម្ភៈ។
អានបន្ត -
ក្រុមសិទ្ធិមនុស្ស៖ ការបង្កកសវនាការលោក កឹម សុខា អាចធ្វើឲ្យខាតបង់សេដ្ឋកិច្ច ទោះចំណេញនយោបាយ
ភ្នំពេញ — ជិតមួយឆ្នាំទៅហើយដែលលោក កឹម សុខា ប្រធានគណបក្សសង្គ្រោះជាតិ បានខកខានមិនបានទៅតតាំងក្តីនៅតុលាការក្រុងភ្នំពេញ ដែលចោទប្រកាន់លោកថាបានប្រព្រឹត្តអំពើក្បត់ជាតិ។
អានបន្ត -
ទូតខ្មែរនិងវិស័យឯកជនអះអាងដូចគ្នាថា ប្រតិបត្តិការរបស់ខ្លួនមិនរងការរំខានពីចលនាបាតុកម្មនៅភូមាទេ
ការងារប្រចាំថ្ងៃរបស់មន្ត្រីទូតខ្មែរនៅភូមា មិនបានរងការរំខានពីចលនាបាតុកម្មនៅទីនោះឡើយ។ ក្នុងពេលជាមួយគ្នានេះ ស្ថាប័នមីក្រូហិរញ្ញវត្ថុអេស៊ីលីដានៅភូមា ក៏មិនរងការរំខានដែរ ទោះជាអាជ្ញាធរបិទសេវាអ៊ីនធ័រណិតទាំងស្រុង ដើម្បីបង្អាក់សន្ទុះបាតុកម្មរបស់ប្រជាជនក៏ដោយ។ យ៉ាងណាក៏ដោយ ស្ថាប័នទាំងពីរមិនទាន់ធានាបានថា ភាពល្អប្រសើរនេះ នឹងបន្តរហូតដល់ពេលណានៅឡើយ។
អានបន្ត -
លោកអំ សំអាត៖ការបន្ធូរបន្ថយ និងលើកលែងទោស៥ដងក្នុង១ឆ្នាំ នឹងជួយដល់ការកាត់បន្ថយភាពចង្អៀតណែនក្នុងគុក
នៅក្នុងពិធីផ្សព្វផ្សាយព្រះរាជក្រឹត្យបន្ធូរបន្ថយទោស និងការលើកលែងទោស និងពង្រឹងការងារស្នើសុំអនុគ្រោះទោសនៅថ្ងៃពុធនេះ ក្រសួងយុត្តិធម៌កម្ពុជាបានបង្ហាញឱ្យដឹងថា នៅក្នុងឆ្នាំ២០២០នេះ ព្រះមហាក្សត្របានសម្រេចលើកលែងទោស និងបន្ធូរបន្ថយទោសដល់ទណ្ឌិតចំនួន៩៣១នាក់ ស្រីមាន៩០នាក់។ ក្នុងនោះ ទណ្ឌិតដែលទទួលបានការលើកលែងទោសមានចំនួន ៥៥នាក់ និងទណ្ឌិតដែលទទួលបានការបន្ធូរបន្ថយទោសមានចំនួន៨៧៦នាក់។ ដោយឡែក សម្រាប់ចាប់ពីឆ្នាំ២០២១នេះទៅ ក្រសួងយុត្តិធម៌បានរៀបចំបន្ថែមឱ្យមានការបន្ធូរបន្ថយទោស និងការលើកលែងទោសដល់ទៅ៥ដងក្នុង១ឆ្នាំ។ លោកអំ សំអាត នាយករងផ្នែកឃ្លាំមើល និងការពារសិទ្ធិមនុស្សនៃអង្គការលីកាដូបានលើកឡើងថា ការបន្ថែមដល់ទៅ៥ដងនេះ គឺមិនច្រើនពេកនោះទេ ប៉ុន្តែ វាជារឿងល្អក្នុងការកាត់បន្ថយភាពចង្អៀតណែននៅក្នុងពន្ធនាគារ។
អានបន្ត -
នគរបាលឃាត់ខ្លួនមេខ្យល់ ៤ នាក់ ដឹកពលករខុសច្បាប់បញ្ជូនទៅតុលាការ
បាត់ដំបងៈ កម្លាំងនគរបាលខេត្តបាត់ដំបងបានឆែករថយន្តដឹកផ្លែឈើចេញពីប្រទេសថៃចំនួន ២ គ្រឿង កាលពីថ្ងៃទី ១៥ ខែកុម្ភៈ ចូលមកកាន់ប្រទេសកម្ពុជា តាមរយៈច្រកអន្តរជាតិ ដូង ព្រំប្រទល់កម្ពុជា-ថៃ ស្ថិតក្នុងស្រុកកំរៀង ក្នុងខេត្តបាត់ដំបងក្នុងនោះឃាត់ខ្លួនមនុស្ស ៤ នាក់ ជាជនសង្ស័យនាំពលករចេញ-ចូលដោយខុសច្បាប់ និងរកឃើញពលករ ៥ នាក់ នៅក្នុងរថយន្តទាំង ២ គ្រឿងនោះ។
អានបន្ត -
រដ្ឋាភិបាលកម្ពុជាអំពាវនាវឲ្យអង្គការមិនមែនរដ្ឋាភិបាលកុំជ្រៀតជ្រែកកិច្ចការផ្ទៃក្នុងរបស់ប្រទេសមីយ៉ាន់ម៉ា
មន្ត្រីរដ្ឋាភិបាលបាននិយាយថាការតវ៉ាណាមួយនៅក្នុងប្រទេសកម្ពុជាទាក់ទងនឹងរដ្ឋប្រហារយោធាក្នុងប្រទេសមីយ៉ាន់ម៉ាមិនបានឆ្លុះបញ្ចាំងពីជំហររបស់រដ្ឋាភិបាលទេ ពីព្រោះកម្ពុជា ប្រកាន់ខ្ជាប់នូវគោលការណ៍មិនជ្រៀតជ្រែកកិច្ចការផ្ទៃក្នុងរបស់អាស៊ាន។
អានបន្ត -
រដ្ឋាភិបាលអនុម័តអនុក្រឹត្យច្រកទ្វារអ៊ិនធឺណិតជាតិ ខណៈមានការព្រួយបារម្ភអំពីការរឹតត្បិត
ភ្នំពេញ — រដ្ឋាភិបាលកម្ពុជាបានអនុម័តអនុក្រឹត្យស្តីពី«ការបង្កើតច្រកទ្វារអ៊ិនធឺណិតជាតិ» ខណៈមានការព្រួយបារម្ភអំពីការផ្តល់សិទ្ធិអំណាចទូលំទូលាយដល់រដ្ឋាភិបាលក្នុងការគ្រប់គ្រងទិន្នន័យលើប្រព័ន្ធអ៊ិនធឺណិតនិងការបិទគេហទំព័រទាំងឡាយណាដែលរដ្ឋាភិបាលមិនពេញចិត្ត។
អានបន្ត -
ស្នងការខេត្តបាត់ដំបង៖ អធិការស្រុកកំរៀងប្រឈមមុខតុលាការ ក្រោយផ្ទុះករណីពលករឆ្លងដែនពីថៃមិនធ្វើចត្តាឡីស័ក
ភ្នំពេញ — ក្រោយការបណ្តេញចេញពីក្របខណ្ឌមន្រ្តីនគរបាលជាតិ និងដកសក្តិអតីតអធិការនគរបាលស្រុកកំរៀង ខេត្តបាត់ដំបង នឹងត្រូវប្រឈមមុខនៅតុលាការ ក្រោមការស៊ើបអង្កេតបន្តទៀត។ នេះបើយោងតាមស្នងការដ្ឋាននគរបាលខេត្តបាត់ដំបង។
អានបន្ត
គាំទ្រដោយ
