កំពុងស្វែងរកទិន្នន័យ
រកឃើញ: 12.457
-
លោក ហ៊ុន សែន ពន្យុះអាមេរិកឱ្យដាក់ទណ្ឌកម្មរបបលោកឱ្យបានឆាប់
លោកនាយករដ្ឋមន្ត្រី ហ៊ុន សែន បង្ហាញមុខថ្លែងការណ៍ជាសាធារណៈឡើងវិញនៅថ្ងៃនេះ បន្ទាប់ពីបានស្ងប់ស្ងាត់មួយរយៈ ដោយសារបញ្ហាសុខភាព និងហេតុផលដទៃទៀត។ លោកបានបញ្ចេញប្រតិកម្មឆ្លើយតបនឹងបញ្ហាជាច្រើន តាំងពីរឿងផ្ទាល់ខ្លួនរហូតដល់រឿងប្រទេសជាតិ ជាពិសេសលោកសង្កត់ធ្ងន់រឿងច្បាប់ដាក់ទណ្ឌកម្មរបបរបស់លោក។ អ្នកវិភាគថា លោក ហ៊ុន សែន មិនចាំបាច់ឌឺដងឱ្យសហរដ្ឋអាមេរិកទេ ព្រោះរបបក្រុងភ្នំពេញនឹងត្រូវរងទណ្ឌកម្មពីអាមេរិកដោយចៀសមិនរួច បើមិនព្រមស្តារស្ថានការណ៍សិទ្ធិមនុស្ស និងប្រជាធិបតេយ្យនោះ។
អានបន្ត -
រថយន្តដឹកកម្មករនៅតែបន្តគ្រោះថ្នាក់លើផ្លូវថ្នល់ ខណៈការទប់ស្កាត់គ្មានប្រសិទ្ធភាព
យ៉ាងហោចណាស់កម្មការិនីពីរនាក់បានស្លាប់ ខណៈកម្មការិនី៣១នាក់ទៀតបានរងរបួសក្នុងហេតុការណ៍ក្រឡាប់រថយន្តដឹកកម្មករមួយគ្រឿង នៅថ្ងៃទី៣០ខែកក្កដានេះ ក្នុងស្រុកស្វាយទាប ខេត្តស្វាយរៀង។ ភ្លាមៗក្រសួងការងារនិងសហជីពមួយចំនួនបានចូលរួមសោកស្ដាយចំពោះហេតុការណ៍នេះ។ ប៉ុន្តែអ្វីគួរកត់សម្គាល់ នេះមិនមែនជាលើកទីមួយឡើយ ដែលរថយន្តដឹកកម្មករនៅតែបន្តគ្រោះថ្នាក់លើផ្លូវថ្នល់ ខណៈក្រុមសហជីពបានរិះគន់ចំពោះចំណាត់ការទប់ស្កាត់គ្មានប្រសិទ្ធិភាពរបស់ភាគីពាក់ព័ន្ធ។
អានបន្ត -
សហគមន៍មានជម្លោះដីធ្លី ខេត្តត្បូងឃ្មុំ នាំគ្នារកកិច្ចអន្តរាគមន៍ជាថ្មីពីក្រសួងដែនដី
អ្នកត្បូងឃ្មុំ ប្រមាណ ១៤០នាក់ តំណាងឲ្យពលរដ្ឋជិត ៧រយគ្រួសារ ក្នុងឃុំត្រពាំងព្រីង ស្រុកតំបែរ ប្រមូលគ្នានៅមុខក្រសួងដែនដី នៅថ្ងៃទី២៩ កក្កដា ស្នើសុំកិច្ចអន្តរាគមន៍ជាថ្មី ក្រោយពីក្រសួងច្រានចោលសំណើពួកគាត់ កាលពីសប្ដាហ៍មុន រឿងទាមទារដីព្រៃសហគមន៍ពីក្រុមហ៊ុនចិន មកវិញ។
អានបន្ត -
សម្តេច ហ៊ុន សែន ពន្យល់រឿងចាប់ខ្លួនមន្ត្រីសុរិយោដីខេត្តពោធិ៍សាត់
សម្តេចនាយករដ្ឋមន្រ្តី ហ៊ុន សែន បានបញ្ជាក់ថា ការចាប់ខ្លួនមន្រ្តីសុរិយោដីខេត្តពោធិ៍សាត់ចំនួន៣នាក់ គឺពាក់ព័ន្ធនឹងករណីប្រព្រឹត្តអំពើពុករលួយទារលុយខុសច្បាប់១០ម៉ឺនដុល្លារ ពេលមានក្រុមហ៊ុនមួយសុំច្បាប់សាងសង់។ ការថ្លែងនេះ ធ្វើឡើងក្នុងពេលអញ្ជើញចុះពិនិត្យការដ្ឋានសាងសង់ពហុកីឡដ្ឋានជាតិមរតកតេជោ នៅសង្កាត់ព្រែកតាសេក ខណ្ឌជ្រោយចង្វារ នាព្រឹកថ្ងៃទី២៩ ខែកក្កដា ឆ្នាំ២០១៩។
អានបន្ត -
កម្មករ ២នាក់ស្លាប់ ៣០នាក់របួស ក្នុងគ្រោះថ្នាក់ចរាចរណ៍ក្រឡាប់រថយន្តដឹកកម្មករនៅខេត្តស្វាយរៀង
កម្មករ ២នាក់ ស្លាប់ និង ៣០នាក់ផ្សេងទៀត រងរបួសធ្ងន់ស្រាល ក្នុងគ្រោះថ្នាក់ចរាចរណ៍ក្រឡាប់រថយន្តដឹកកម្មករ ស្ថិតនៅចំណុចភូមិកំពង់រទេះ ឃុំពពែត ស្រុកស្វាយទាប ខេត្តស្វាយរៀង។
អានបន្ត -
នាយករដ្ឋមន្ត្រីនិងធនាគារជាតិអះអាងផ្សេងគ្នា ករណីទប់ទល់នឹងការបិទសេដ្ឋកិច្ចនិងគ្មានជំនួយបរទេស
ទោះគ្មានជំនួយពីបរទេសក៏កម្ពុជា មានសមត្ថភាពបើកប្រាក់ខែឲ្យ មន្រ្តីរាជការនិងកងកម្លាំងប្រដាប់អាវុធ លើសពី១ឆ្នាំដែរ។ នេះជាការលើកឡើងរបស់លោកនាយករដ្ឋមន្ត្រីហ៊ុន សែន នាថ្ងៃទី២៩ ខែកក្កដានេះ ខណៈមន្ត្រីជាន់ខ្ពស់នៃធនាគារជាតិអះអាងថាកម្ពុជាអាចរស់បានជិតកន្លះឆ្នាំ បើមានការហ៊ុមព័ទ្ធសេដ្ឋកិច្ច។
អានបន្ត -
លោកហ៊ុន សែន៖ សេចក្តីស្នើច្បាប់ HR ៥២៦ នឹងធ្វើឲ្យប៉ះពាល់ដល់ទំនាក់ទំនងរវាងកម្ពុជានិងអាមេរិក
ខណៈដែលសេចក្តីស្នើច្បាប់ស្តីពី «លទ្ធិប្រជាធិបតេយ្យនៅកម្ពុជា» ដែលមានគោលបំណងដាក់ទណ្ឌកម្មមន្រ្តីជាន់ខ្ពស់របស់កម្ពុជាកំពុងស្ថិតក្នុងដៃរបស់ព្រឹទ្ធសភាអាមេរិក លោក ហ៊ុន សែន ព្រមានថា ការអនុម័តសេចក្តីស្នើច្បាប់នេះនឹងធ្វើឲ្យប៉ះពាល់ដល់ទំនាក់ទំនងការទូតរវាងប្រទេសទាំងពីរ។
អានបន្ត -
លោក ហ៊ុន សែន ជំរុញឲ្យអាមេរិករឹបអូសប្រាក់កូនៗរបស់ លោក និងប្រាក់របស់មន្ត្រី បើមាននៅក្រៅប្រទេស
ប្រមុខរដ្ឋាភិបាលកម្ពុជា លោក ហ៊ុន សែន បានជំរុញឲ្យសហរដ្ឋអាមេរិកពន្លឿនការរឹបអូសយកប្រាក់របស់កូនៗលោក និងប្រាក់របស់មន្រ្តីរដ្ឋាភិបាលកម្ពុជាមួយចំនួន ប្រសិនបើពួកគេមានលុយចាយមិនអស់ហើយយកទៅផ្ញើទុកនៅក្រៅប្រទេសនោះ។ ការថ្លែងបែបនេះរបស់នាយករដ្ឋមន្រ្តីកម្ពុជានៅថ្ងៃចន្ទនេះគឺជាការឆ្លើយតបនឹងការអនុម័តច្បាប់នាពេលថ្មីៗនេះ របស់រដ្ឋសភាអាមេរិក ក្នុងគោលដៅដាក់ទណ្ឌកម្មលើមន្រ្តីកម្ពុជាដែលធ្វើខូចលទ្ធិប្រជាធិបតេយ្យ។
អានបន្ត -
សមាគមអ្នកចិញ្ចឹមសត្វកម្ពុជាអំពាវនាវឲ្យប្រជាពលរដ្ឋទូទាំងប្រទេសហូបសាច់ជ្រូកវិញ
ជាថ្មីម្ដងទៀត សមាគមអ្នកចិញ្ចឹមសត្វកម្ពុជាបានអំពាវនាវឲ្យប្រជាពលរដ្ឋធ្វើការបរិភោគសាច់ជ្រូកឡើងវិញ តាមរយៈការយល់ដឹងអំពីព័ត៌មាននៃសាច់ជ្រូកច្បាស់លាស់។ ការលើកឡើងរបស់សមាគមអ្នកចិញ្ចឹមសត្វកម្ពុជាដូច្នេះ គឺបន្ទាប់ពីប្រជាពលរដ្ឋខ្មែរ បាននាំគ្នាផ្អាកបរិភោគសាច់ជ្រូក អស់រយៈពេលជាច្រើនសប្តាហ៍មកហើយ ដោយសារតែការផ្ទុះឡើងនូវជំងឺប៉េស្តជ្រូកអាហ្វ្រិកនៅក្នុងប្រទេសកម្ពុជា។
អានបន្ត -
សម្តេច ហ៊ុន សែន ទម្លាយគម្រោងទិញអាវុធពីចិន
សម្តេចបានលើកឡើងយ៉ាងដូច្នេះថា៖ «ឆ្នាំនេះ ខ្ញុំឱ្យដកលុយជិត ៤០លានដុល្លារដើម្បីទិញអាវុធពីចិន បន្ថែមទៅលើ២០០លានដុល្លារ ដែលឱ្យពីមុនសម្រាប់ការទិញ ហើយនឹង ៩០លានដុល្លារ ដែលឱ្យលើកក្រោយ ក្នុងពេលដែលខ្ញុំទៅ (ចិន)។ ខ្ញុំចង់ពង្រឹងសមត្ថភាពកងទ័ព ខ្ញុំមានខ្លាចអី។ មកដល់កំពង់សោម អ្នកឯងមើលទៅ វាមានស្អី។ នៅលើលោកនេះ ប្រទេសណាអត់កាំភ្លើង។ កាំភ្លើងរបស់កម្ពុជា វារាងចាស់ៗតិចហើយ អ៊ីចឹង ខ្ញុំឱ្យទិញប៉ុន្មានម៉ឺនដើមមកទៀត យកមកស្តុកទុក យកអាចាស់មកជួសជុល។ ឆ្នាំមុន (សម្តេច) ទៀ បាញ់ សុំតែ ២៥លាន តែលើកនេះ ខ្ញុំម្ចាស់ការឱ្យរៀបគម្រោងស្នើលុយ ឱ្យទិញអាវុធ ពីចិន និយាយឱ្យត្រង់ៗតែម្តង»៕
អានបន្ត -
ពលរដ្ឋថា របបក្រុងភ្នំពេញបិទសិទ្ធិសេរីភាពធ្ងន់ធ្ងរ ពេញខួប ១ឆ្នាំ នៃព្រឹត្តិការណ៍បោះឆ្នោតក្លែងក្លាយ
ពលរដ្ឋ សកម្មជនគណបក្សប្រឆាំង និងសង្គមស៊ីវិលថា របបក្រុងភ្នំពេញ នៅតែបន្តបំបិទសិទ្ធសេរីភាពធ្ងន់ធ្ងរ ពេញខួប ១ឆ្នាំ ក្រោយព្រឹត្តិការណ៍បោះឆ្នោត អាណត្តិទី៦ ដែលមជ្ឈដ្ឋានទូទៅចាត់ទុកជាការបោះឆ្នោតក្លែងក្លាយ។ មន្ត្រីរបបក្រុងភ្នំពេញ បដិសេធការលើកឡើងនេះ ហើយអះអាងថា របបក្រុងភ្នំពេញ បានផ្ដល់សិទ្ធិពេញទីឲ្យពលរដ្ឋ។
អានបន្ត -
លោកនាយករដ្ឋមន្ត្រីហ៊ុន សែន ចោទសួរពីចេតនានៃរបាយការណ៍កាសែតអាមេរិក WSJ
ក្រោយពីបានទាត់ចោលព័ត៌មានស្តីពីកិច្ចព្រមព្រៀងសម្ងាត់ជាមួយប្រទេសចិនដើម្បីដាក់មូលដ្ឋានទ័ពចិននៅកម្ពុជា លោកនាយករដ្ឋមន្ត្រីហ៊ុន សែន បានចោទសួរសហរដ្ឋអាមេរិកពីមូលហេតុនៃការទម្លាយព័ត៌មានបែបនេះ ដោយលោកបានលើកពីអតីតកាលរបស់សហរដ្ឋអាមេរិកទាក់ទងនឹងការធ្វើរដ្ឋប្រហារនៅកម្ពុជា។
អានបន្ត -
សកម្មជនបក្សប្រឆាំងប្ដេជ្ញាទៅទទួលលោក សម រង្ស៊ី ទោះរងការគំរាមបង្ក្រាបជាថ្មីទៀតពីអាជ្ញាធរ
សកម្មជនបក្សប្រឆាំងទាំងក្នុង និងក្រៅប្រទេស នៅតែរក្សាជំហរទៅទទួលលោក សម រង្ស៊ី បើទោះបីជារងការគំរាមពីអគ្គស្នងការនគរបាលជាតិថា នឹងចាប់ខ្លួន ឬបង្ក្រាបជាថ្មីទៀតក៏ដោយ។ ពួកគេនិយាយថា ការទៅទទួលលោក សម រង្ស៊ី គ្មានអ្វីខុសច្បាប់ទេ។ តើសកម្មជនបក្សប្រឆាំង មានទស្សនៈបែបណា ក្រោយពេលសមត្ថកិច្ចព្រមានចាត់វិធានការ អ្នករារាំងការអនុវត្តសាលដីកាតុលាការកំពូល?
អានបន្ត -
រយៈពេល២០ថ្ងៃ៖ រថយន្តជាង១០០គ្រឿងត្រូវបានកម្ទេច ហើយមនុស្ស១៧នាក់ត្រូវបានឃាត់ខ្លួនក្នុងបទល្មើសព្រៃឈើ
គិតចាប់ពីថ្ងៃទី ០៩ ដល់ថ្ងៃទី ២៨ កក្កដា ឆ្នាំ២០១៩នេះ យ៉ាងហោចណាស់មនុស្ស១៧នាក់ត្រូវបានចាប់ខ្លួននិងបញ្ជូនទៅកាន់តុលាការពីបទល្មើសព្រៃឈើនៅក្នុងប្រទេសកម្ពុជា។ ក្រៅពីនោះ យុទ្ធនាការបង្ក្រាបបទល្មើសព្រៃឈើរយៈពេលជាង២០ថ្ងៃមកនេះ រថយន្តជិត២០០គ្រឿងត្រូវបានរឹបអូសហើយឈើជាង២៦០០ម៉ែត្រគូបត្រូវបានរឹបអូស។ បើតាមអ្នកនាំពាក្យគណៈកម្មាធិការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ យុទ្ធនាការបង្ក្រាបបទល្មើសព្រៃឈើ កំពុងត្រូវបានធ្វើយ៉ាងក្តៅគគុកនៅទូទាំងប្រទេស។
អានបន្ត -
អ្នកគាំទ្រអតីតCNRPនៅជប៉ុនគ្រោងធ្វើបាតុកម្មទាមទារឱ្យជប៉ុនជួយដឹងឮពីមាតុភូមិនិវត្តន៍របស់លោកសម រង្ស៊ី
ក្រុមអ្នកគាំទ្រអតីតគណបក្សសង្គ្រោះជាតិនៅក្នុងប្រទេសជប៉ុន គ្រោងជួបជុំគ្នាធ្វើបាតុកម្មនៅថ្ងៃទី១២ ខែសីហាខាងមុខនេះ ដើម្បីធ្វើការទាមទាររដ្ឋាភិបាលជប៉ុន និងប្រទេសហត្ថលេខីនៃកិច្ចព្រមព្រៀងសន្តិភាពទីក្រុងប៉ារីសជួយសម្របសម្រួលការធ្វើមាតុភូមិនិវត្តន៍របស់លោកសម រង្ស៊ី មកកម្ពុជា។ ប៉ុន្តែ គណបក្សកាន់អំណាចអះអាងថា វាមិនអាចទៅរួចទេ ព្រោះលោកសម រង្ស៊ី គ្មានតួនាទីអ្វីដែលត្រូវឱ្យប្រទេសហត្ថលេខីទាំងនោះមកឈឺឆ្អាលឡើយ។
អានបន្ត -
សកម្មជនបរិស្ថានរកឃើញថា ក្រុមហ៊ុន លឹម រ៉ូយ៉ាល់ ជាប់ពាក់ព័ន្ធរឿងបទល្មើសព្រៃឈើ
សកម្មជនបរិស្ថានប្រតិកម្មចំពោះការលើកឡើង របស់គណៈកម្មការជាតិទប់ស្កាត់ និងបង្ក្រាបបទល្មើសព្រៃឈើដែលថា ក្រុមហ៊ុន លឹម រ៉ូយ៉ាល់ (Lim Roya) មិនជាប់ពាក់ព័ន្ធបទល្មើសព្រៃឈើទេ ។ ការលើកឡើងនេះ ក្រោយពីពួកគេបានចុះពិនិត្យទីតាំងអាជីវកម្មឈើរបស់ក្រុមហ៊ុននេះ និងរកឃើញថា ក្រុមហ៊ុន លឹម រ៉ូយ៉ាល់ បានធ្វើអាជីវកម្មឈើខ្នាតធំជាច្រើនឆ្នាំមកហើយ ។
អានបន្ត -
សង្គមស៊ីវិលគាំទ្រវិធានការច្បាប់លើមន្ត្រីសុរិយោដីពុករលួយនៅខេត្តពោធិ៍សាត់ទាំង៣រូប
សង្គមស៊ីវិលដែលធ្វើការបំបាត់អំពើពុករលួយ ជំរុញឱ្យអង្គភាពប្រឆាំងអំពើពុករលួយ អនុវត្តច្បាប់ឱ្យបានតឹងរ៉ឹងលើមន្ត្រីសុរិយោដីនៅខេត្តពោធិ៍សាត់ ៣រូប ពាក់ព័ន្ធនឹងអំពើពុករលួយ ។ ពួកគេក៏បារម្ភអំពីអំពើពុករលួយ ដែលកើតឡើងដោយការឃុបឃិតគ្នាជាប្រព័ន្ធក្នុងចំណោមមន្ត្រីដែលមានតួនាទីសម្រេចចិត្ត ឬមន្ត្រីដែលមានតួនាទីធ្វើកិច្ចការសាធារណៈ ។ ការលើកឡើងនេះ បន្ទាប់ពីអង្គភាពប្រឆាំងអំពើពុករលួយ បានឃាត់ខ្លួនមន្ត្រីសុរិយោដីខេត្តពោធិ៍សាត់ ៣រូប ដែលជាប់ពាក់ព័ន្ធករណីសង្ស័យទារលុយ១០ម៉ឺនដុល្លារ ជាថ្នូរចេញលិខិតកាន់កាប់ដីធ្លី និងចេញច្បាប់សាងសង់ ។
អានបន្ត -
កម្ពុជាបង្ហាញមូលដ្ឋានទ័ពសមុទ្ររាមដល់អ្នកសារព័ត៌មានដើម្បីបំបាត់ការចោទពីវត្តមានកងទ័ពចិន
ក្រោយសន្និសីទសារព័ត៌មានច្រានចោលសេចក្តីរាយការណ៍របស់កាសែត The Wall Street Journal ដែលចោទថា កម្ពុជាបើកដៃឱ្យប្រទេសចិនដាក់មូលដ្ឋានទ័ពនៅសមុទ្ររាម មន្ត្រីកម្ពុជាអញ្ចើញអ្នកសារព័ត៌មានក្នុងស្រុកធ្វើទស្សនកិច្ចបង្ហាញមូលដ្ឋានយោធាដ៏ចំណាស់នេះ។
អានបន្ត -
មន្ត្រីការពារព្រៃឈើនៅមណ្ឌលគិរី ៣នាក់ត្រូវចាប់ខ្លួនបញ្ជូនទៅតុលាការករណីព្រៃឈើ
មន្ត្រីកងរាជអាវុធហត្ថខេត្តមណ្ឌលគិរី បានឃាត់ខ្លួនអ្នកពាក់ព័ន្ធបទល្មើសព្រៃកាន់តែច្រើន ក្នុងនោះ មានទាំងមន្ត្រីដែលទទួលខុសត្រូវការពារព្រៃឈើ និងឈ្មួញរកស៊ីព្រៃឈើមាន ទាំងជនជាតិខ្មែរ និង ជនជាតិបរទេស។ សង្គមស៊ីវិល ជំរុញឱ្យតុលាការ អនុវត្តច្បាប់ឱ្យបានតឹងរ៉ឹង ព្រោះបទល្មើសព្រៃឈើនេះធ្វើឡើង ជាប្រព័ន្ធជាច្រើនឆ្នាំមកហើយ។
អានបន្ត -
នាំអ្នកកាសែតទៅខេត្តព្រះសីហនុ៖ តើគ្រប់គ្រាន់ទេក្នុងការជម្រះការសង្ស័យពីវត្តមានទ័ពចិននៅកម្ពុជា?
នៅព្រឹកថ្ងៃសុក្រនេះ ក្រសួងការពារជាតិកម្ពុជានឹងដឹកនាំក្រុមអ្នកកាសែតជាតិ និង អន្តរជាតិទៅកាន់មូលដ្ឋានទ័ពជើងទឹករាម ដើម្បីស្វែងរកការពិតថា មានការកសាងមូលដ្ឋានកងទ័ពចិននៅទីនោះដូចការចុះផ្សាយព័ត៌មានរបស់ប្រព័ន្ធផ្សព្វផ្សាយអាមេរិកដែរឫយ៉ាងណា។ បើទោះបីនេះជាចំណុចវិជ្ជមានមួយក៏ពិតមែន ប៉ុន្តែបញ្ហានៅត្រង់ថា តើការគ្រាន់តែនាំក្រុមអ្នកកាសែតចុះទៅពិនិត្យមើលដោយផ្ទាល់នេះ អាចលាងជម្រះការសង្ស័យពីមជ្ឈដ្ឋានជាតិ និង អន្តរជាតិបានដែរឫទេ?
អានបន្ត