កំពុងស្វែងរកទិន្នន័យ
រកឃើញ: 13.199
-
មន្ត្រីសិទ្ធិមនុស្សទាមទារឲ្យរបបលោក ហ៊ុន សែន ទទួលខុសត្រូវការបង្ក្រាបហិង្សានៅផ្លូវវ៉េងស្រេង
ក្រុមមន្ត្រីសិទ្ធិទាមទារឲ្យរបបលោក ហ៊ុន សែន ត្រូវតែទទួលខុសត្រូវក្នុងការស្វែងរកយុត្តិធម៌ជូនជនរងគ្រោះដោយការបង្ក្រាបហិង្សាកាលពីដើមឆ្នាំ២០១៤ ដែលធ្វើឲ្យមនុស្សមួយចំនួនស្លាប់ និងជាច្រើននាក់ទៀតរងរបួស ជាជាងទម្លាក់កំហុស និងលាបពណ៌ ទៅលើគណបក្សប្រឆាំង។
-
ក្រុមគ្រួសារលោក រ៉ាត់ រដ្ឋមុនី តវ៉ាជាថ្មី នៅមុខស្ថានទូតរុស្ស៊ីប្រចាំកម្ពុជា
ក្រុមគ្រួសារ លោក រ៉ាត់ រដ្ឋមុនី និងស្រ្តីជាសកម្មជនដីធ្លីមួយចំនួនបាននាំគ្នាតវ៉ាដោយលើកបដាជាថ្មីទៀតនៅព្រឹកថ្ងៃពុធនេះ នៅមុខស្ថានទូតរុស្ស៊ីក្នុងទីក្រុងភ្នំពេញ។ ជាការស្វែងរកកិច្ចអន្តរាគមន៍ ដើម្បីឲ្យមានការដោះលែងបុរស ដែលរងការចោទថា ជាប់ពាក់ព័ន្ធនឹងការថតភាពយន្តឯកសារជាមួយទូរទស្សន៍រុស្ស៊ី(RT)ស្តីពីការលក់កូនស្រីឲ្យទៅឲ្យបម្រើផ្លូវភេទនៅកម្ពុជា។
-
ថៅកែរោងចក្រថៃ ព្រមឲ្យពលករខ្មែរ ដែលបានបណ្ដេញចេញ ចូលធ្វើការងារវិញ
តំណាងពលករដែលធ្វើការនៅរោងចក្រ SC WADO ក្នុងខេត្តឈុនបុរី ប្រទេសថៃ ឲ្យដឹងថា ថៅកែរោងចក្រនេះបានផ្ដល់ដំណឹងដល់ពលរដ្ឋខ្មែរទាំងជាង ៥០នាក់ ដែលត្រូវបញ្ឈប់ពីការងារឲ្យចូលធ្វើការវិញហើយ។ ប្រភពដដែលអះអាងទៀតថា ថៅកែថែមទាំងឲ្យពលករខ្មែរទាំងនោះ ខ្ចីលុយស្មើនឹងប្រាក់ខែពួកគេពាក់កណ្ដាល ធ្វើជាសោហ៊ុយក្នុងការធ្វើដំណើរថែមទៀតផង។
-
សហជីពថា សំណុំរឿងពួកគេ អូសបន្លាយឆ្លងចូលឆ្នាំថ្មី ផ្ទុយពីនាយករដ្ឋមន្ត្រី ដែលជំរុញឲ្យបិទបញ្ចប់ត្រឹមចុងឆ្នាំ២០១៨
ប្រធានសហជីពមួយចំនួននៅថ្ងៃពុធនេះ បានជម្រុញឲ្យតុលាការពន្លឿន ការដោះស្រាយបណ្ដឹងរបស់ពួកគេឲ្យបានឆាប់ទៅតាមការជម្រុញរបស់ប្រមុខរដ្ឋាភិបាលកន្លងមក។ លោកនាយករដ្ឋមន្ត្រី ហ៊ុន សែន ធ្លាប់ជំរុញកាលពីមួយខែមុន ឲ្យអ្នកពាក់ព័ន្ធរូតរះបិទបញ្ចប់បណ្ដឹងពាក់ព័ន្ធសហជីពត្រឹមចុងឆ្នាំ២០១៨។ តែផ្ទុយទៅវិញសហជីពថា សំណុំរឿងរបស់ពួកគេអូសបន្លាយឆ្លងចូលដល់ដើមឆ្នាំ២០១៩។
-
ក្រសួងមហាផ្ទៃទទួលស្គាល់ចុះបញ្ជីគណបក្សនយោបាយចំនួន៤៤ត្រឹមឆ្នាំ២០១៨
នៅឆ្នាំ២០១៨ មានគណបក្សនយោបាយចំនួន៤៤ ត្រូវបានក្រសួងមហាផ្ទៃទទួលចុះបញ្ជីទទួលស្គាល់ជាផ្លូវការ ដើម្បីចូលរួមធ្វើនយោបាយក៏ដូចជា ការចូលរួមប្រកួតប្រជែងនយោបាយក្នុងការបោះឆ្នោតផងដែរ ។
-
គ្រួសារលោក រ៉ាត់ រត្នមុនី តវ៉ាជាថ្មីនៅមុខស្ថានទូតរុស្ស៊ីក្នុងក្រុងភ្នំពេញ
ក្រុមគ្រួសារ លោក រ៉ាត់ រត្នមុនី និងសកម្មជនមួយចំនួន បានប្រមូលផ្តុំគ្នាជាថ្មីទៀត នៅមុខស្ថានទូតរុស្ស៊ីក្នុងរាជធានីភ្នំពេញ នៅព្រឹកថ្ងៃទី២ មករា ដើម្បីស្នើសុំឱ្យរដ្ឋាភិបាលរុស្សីជួយអន្តរាគមន៍ឱ្យមានការដោះលែងរូបលោក។ មន្ត្រីសិទ្ធិមនុស្សយល់ថា តុលាការគួរដោះលែងសកម្មជនសិទ្ធិការងាររូបនេះឱ្យបាននៅក្រៅឃុំបណ្តោះអាសន្ន ព្រោះលោកត្រូវទទួលបន្ទុកចិញ្ចឹមគ្រួសារ និងមើលថែទាំកូនតូចរបស់គាត់។
-
សហគមន៍មានជម្លោះដីធ្លីនៅក្រុងភ្នំពេញជាង ១០០នាក់ នឹងប្រារព្ធខួប ៧ឆ្នាំនៃការបណ្ដេញអ្នកបុរីកីឡាចេញពីផ្ទះសម្បែងដោយបង្ខំ
នៅដើមឆ្នាំ២០១៩ នេះ គឺជាខួប ៧ឆ្នាំ នៃព្រឹត្តិការណ៍ ផ្ទុះជាអំពើហិង្សាមួយ នៅចំកណ្ដាលទីក្រុងភ្នំពេញ។ នៅក្នុងព្រឹត្តិការណ៍នោះ ផ្ទះសម្បែងអ្នកបុរីកីឡាជាង ២០០ខ្នង ត្រូវបានឈូសកម្ទេចចោល ហើយពលរដ្ឋជាច្រើននាក់រងរបួស ដោយសារការប្រើអំពើហិង្សាពីសំណាក់កងកម្លាំងសមត្ថកិច្ចខណ្ឌ ៧មករា រួមនឹងកងសន្តិសុខក្រុមហ៊ុន ផានអ៊ីមិច កាលពីដើមឆ្នាំ២០១២។ នៅថ្ងៃទី៣ ខែមករា ស្អែកនេះ អ្នកបុរីកីឡាដែលរស់នៅក្នុងអគារចាស់ភាគច្រើនជាស្ត្រីវ័យចំណាស់ និងកុមារ នឹងប្រមូលផ្ដុំគ្នា ប្រារព្ធខួបរំលឹកអំពីព្រឹត្តិការណ៍ហិង្សានោះ។
-
ពលរដ្ឋមានជម្លោះដីធ្លីនៅឃុំបឹងខ្យាង ថា អាជ្ញាធរខេត្តកណ្ដាលរំលោភកិច្ចព្រមព្រៀង ទើបពលរដ្ឋប្រមូលផ្ដុំគ្នាតវ៉ាជាថ្មី
ពលរដ្ឋមានជម្លោះដីធ្លីជាច្រើននាក់ នៅឃុំបឹងខ្យាង ស្រុកកណ្ដាលស្ទឹង ខេត្តកណ្ដាល ប្រមូលផ្ដុំគ្នា នៅមុខសាលាឃុំ ប៉ុស្តិ៍រដ្ឋបាលឃុំ និងតាមដងផ្លូវជាតិលេខ២ នៅព្រឹកថ្ងៃទី១ មករា ដើម្បីទាមទារឲ្យអាជ្ញាធរបញ្ឈប់គោលនយោបាយប្ដូរដីជាមួយក្រុមហ៊ុន ហេង អភិវឌ្ឍន៍ របស់អ្នកស្រី ឧកញ៉ា សៀង ចាន់ហេង។
-
មន្ត្រីសង្គមស៊ីវិលដែលរងការបង្ក្រាបហិង្សានៅផ្លូវ វ៉េង ស្រេង នៅតែឈឺចាប់ពេលរំលឹកដល់ព្រឹត្តិការណ៍នោះ
ប្រាំឆ្នាំក្រោយការបង្ក្រាបយ៉ាងហិង្សា ពីក្រុមអាជ្ញាធរនៃរបបលោក ហ៊ុន សែន មន្ត្រីសង្គមស៊ីវិល ដែលរងគ្រោះ នៅតែឈឺចាប់នៅពេលរំលឹកដល់ព្រឹត្តិការណ៍នោះ។ របួសចាស់របស់អ្នកធ្វើការងារសង្គមកំពុងផ្ដើមឈឺចាប់ជាថ្មី ព្រោះវាយការវាយធ្វើបាបពួកគេ ៥ឆ្នាំមកនេះ នៅតែមិនទាន់ទទួលបានយុត្តិធម៌នៅឡើយ។
-
យោធិនពិការនៅខេត្តបន្ទាយមានជ័យ ស្នើសុំឲ្យរបបលោក ហ៊ុន សែន ជួយដោះស្រាយទំនាស់ដីធ្លីពួកគាត់ឲ្យចប់នៅឆ្នាំ២០១៩
មន្ត្រីយោធិនពិការនៅស្រុកម៉ាឡៃ ខេត្តបន្ទាយមានជ័យ ចំនួន ៧៤គ្រួសារ ដែលមានទំនាស់ដីធ្លីជាមួយក្រុមហ៊ុន ហៃ សួគ៍ ទទូចឲ្យមន្ត្រីរបបលោកហ៊ុន សែន ជួយដោះស្រាយបញ្ហាដីធ្លីជូនពួកគាត់ឲ្យបានចប់ នៅដើមឆ្នាំថ្មី ឆ្នាំ២០១៩ ដើម្បីពួកគាត់បានដីយកទៅដាំដុះដោះស្រាយជីវភាពគ្រួសារ។
-
កម្មករចំនួន ៤រោងចក្រ ធ្វើកូដកម្មទាមទារប្រាក់បំណាច់ឆ្នាំ
មេដឹកនាំសហជីព ឲ្យដឹងថា យ៉ាងហោចណាស់ មានកម្មករចំនួន ៤រោងចក្រ កំពុងនាំគ្នាធ្វើកូដកម្មទាមទារប្រាក់បំណាច់ឆ្នាំ។កម្មករប្រាប់ថា ពួកគេទាមទារប្រាក់បំណាច់ឆ្នាំ ដោយសារចាប់ពីឆ្នាំ២០១៩ ទៅរោងចក្រនឹងធ្វើកិច្ចសន្យាថ្មី ហើយនឹងចាប់ផ្ដើមអនុវត្តប្រាក់អតីតភាពការងារ ៦ខែម្ដង ដែលអាចធ្វើឲ្យបាត់បង់អតីតភាពការងារ នៅមុនឆ្នាំ២០១៩។
-
ជនជាតិដើមភាគតិចព្នងខេត្តមណ្ឌលគិរីស្នើអាជ្ញាធរដោះស្រាយបញ្ហាដីធ្លីនៅតំបន់ភ្នំដោះក្រមុំ
សហគមន៍ជនជាតិដើមភាគតិចព្នង ខេត្តមណ្ឌលគិរីជាង ១ពាន់នាក់ បានប្ដិតមេដៃដាក់ញត្តិ ស្នើឲ្យអាជ្ញាធរជាតិ ដោះស្រាយវិបត្តិដីធ្លីនៅតំបន់មជ្ឈមណ្ឌលវប្បធម៌ជនជាតិដើមភាគតិចឋិតនៅលើភ្នំដោះក្រមុំ ដែលត្រូវអ្នកមានអំណាចរំលោភយកជាសម្បត្តិបុគ្គលជាបន្តបន្ទាប់។ ពួកគេអះអាងថា អាជ្ញាធរខេត្តមណ្ឌលគិរីដោះស្រាយវិបត្តិដីធ្លីនេះ លម្អៀងទៅបុគ្គលមានអំណាច។
-
ក្រោយកម្មករធ្វើកូដកម្ម ស៊ីនទ្រី យល់ព្រមបន្ថែម៩ដុល្លារ លើប្រាក់ខែគោល
បន្ទាប់ពីមានការធ្វើកូដកម្មពីកម្មករប្រមូលសំរាម ក្រុមហ៊ុនស៊ីនទ្រី បានសម្រេចដំឡើងប្រាក់៩ដុល្លារបន្ថែម លើប្រាក់ខែគោល។ លោក ទួន ស៊ីផេង ប្រធានប្រតិបត្តិការនៃក្រុមហ៊ុនស៊ីនទ្រី បានប្រាប់សារព័ត៌មានថ្មីៗ តាមទូរសព្ទថា ប្រាក់បន្ថែម៩ដុលា្លរនេះ នឹងត្រូវអនុវត្ត ចាប់ពីខែកុម្ភៈ ឆ្នាំ២០១៩។
-
ច្បាប់បើកច្រកឲ្យក្រុមប្រឆាំង ឆ្លងផុតការយល់ព្រមពីគ្រប់ស្ថាប័នហើយ
ការធ្វើវិសោធនកម្មមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដែលគេដឹងថា ដើម្បីផ្តល់ឱកាសឲ្យអតីតក្រុមអ្នកប្រឆាំង បានវិលមកវិញ ត្រូវបានក្រុមប្រឹក្សាធម្មនុញ្ញ ពិនិត្យរួចរាល់និងអនុម័តយល់ព្រមហើយ នៅព្រឹកថ្ងៃទី២៨ ខែធ្នូ ឆ្នាំ២០១៨នេះ។
-
ក្រុមប្រឹក្សាធម្មនុញ្ញសម្រេចអនុម័តលើសំណើកែប្រែច្បាប់បើកផ្លូវនយោបាយ
សំណើវិសោធនកម្ម លើច្បាប់ស្តីពីគណបក្សនយោបាយ ដែលបើកផ្លូវឲ្យអ្នកនយោបាយជាប់បំរាម អាចធ្វើសកម្មភាពនយោបាយរបស់ខ្លួនឡើងវិញនោះ ត្រូវបានក្រុមប្រឹក្សាធម្មនុញ្ញអនុម័តទាំងស្រុងហើយ ក្នុងកិច្ចប្រជុំពេញអង្គ របស់ក្រុមប្រឹក្សាធម្មនុញ្ញ នៅថ្ងៃទី២៨ ខែធ្នូនេះ។
-
ក្រុមប្រឹក្សាធម្មនុញ្ញអនុម័តជាឯកឆន្ទនូវវិសោធនកម្មច្បាប់ស្តីពីគណបក្សនយោបាយ
ក្រុមប្រឹក្សាធម្មនុញ្ញ បានអនុម័តច្បាប់ស្តីពីវិសោធនកម្មមាត្រា៤៥ថ្មី (ស្ទួន)នៃច្បាប់ស្តីពីគណបក្សនយោបាយ តាមការស្នើសុំរបស់ប្រធានរដ្ឋសភា។
-
កម្មករជាង១ពាន់នាក់នៅរោងចក្រមួយជាយរាជធានី ផ្ទុះការតវ៉ាទាមទារប្រាក់អតីតភាពការងារ
ក្រុមកម្មករជាង ១ពាន់នាក់បម្រើការនៅរោងចក្រមួយស្ថិតជាយរាជធានីភ្នំពេញ បានផ្ទុះការតវ៉ានៅព្រឹកថ្ងៃនេះ ដើម្បីទាមទារប្រាក់អតីតភាពការងារ និងប្រាក់បំណាច់ឆ្នាំរបស់ពួកគេ។
-
គ្រូបង្រៀន២នាក់មកពីកំពង់ធំស្វែងរកអន្តរាគមន៍ពីលោក ហ៊ុន សែន ក្រោយមន្ទីរផ្លាស់ប្ដូរកន្លែងការងារ
គ្រូបង្រៀន ២រូបមកពីខេត្តកំពង់ធំ បានឡើងមកស្វែងរកអន្តរាគមន៍ពីលោកនាយករដ្ឋមន្ត្រី ហ៊ុន សែន និងក្រសួងអប់រំនៅព្រឹកថ្ងៃនេះ បន្ទាប់ពីគ្រូបង្រៀនទាំង ២រូបនោះ ត្រូវបានផ្លាស់ប្ដូរទីកន្លែងបំពេញការងារ ដែលពួកគាត់ថា ត្រូវបានធ្វើឡើងទាំងបង្ខំ។
-
កូដកម្មហាក់ផ្ទុះឡើងវិញ ក្រោយពេលលោកហ៊ុន សែនបញ្ចប់បេសកម្មជួបកម្មករ
តាមការសង្កេតឃើញថា ការធ្វើកូដកម្មរបស់កម្មកររោងចក្រ ហាក់ផ្ទុះឡើងវិញជាថ្មី ក្រោយពេលដែល លោកនាយករដ្ឋមន្ត្រីហ៊ុន សែន បានបញ្ចប់បេសកម្ម ចុះជួបសំណេះសំណាល ជាមួយកម្មករ កាលពីថ្ងៃទី២៦ ខែធ្នូថ្មីៗនេះ។ ជាក់ស្តែងនៅថ្ងៃព្រហស្បត្តិ៍នេះ មានការធ្វើកូដកម្មចំនួន៤ក្រុមផ្សេងៗគ្នា នៅក្នុងរាជធានីភ្នំពេញ និងខេត្តកណ្តាល ដើម្បីទាមទារអត្ថប្រយោជន៍ និងលក្ខខណ្ឌការងារផ្សេងៗ។
-
អ្នកភូមិមានជម្លោះដីធ្លីនៅខេត្តក្រចេះ ទទូចទៅរដ្ឋាភិបាលឲ្យពន្លឿនដំណោះស្រាយ
ពលរដ្ឋនៅស្រុកស្នួល ខេត្តក្រចេះ ដែលមានជម្លោះដីធ្លីជាមួយក្រុមហ៊ុនចម្ការកៅស៊ូមេមត់ បានអំពាវនាវទៅរដ្ឋាភិបាលឲ្យជំរុញទៅស្ថាប័នពាក់ព័ន្ធពន្លឿនដោះស្រាយបញ្ហាដីធ្លីជូនពួកគេឲ្យបានឆាប់ ដោយថា បច្ចុប្បន្ននេះពុំមានដីសម្រាប់បង្កបង្កើនផលនោះទេ។
គាំទ្រដោយ
