កំពុងស្វែងរកទិន្នន័យ
រកឃើញ: 13.199
-
មេធាវីពន្យល់ថាតុលាការគ្មានសិទ្ធិនាំខ្លួន លោក កឹម សុខា ពេលនីតិវិធីស្ថិតក្នុងការស៊ើបអង្កេតបឋម
មេធាវីចំនួន៥រូបបានបកស្រាយផ្លូវច្បាប់ទៅកាន់ព្រះរាជអាជ្ញាថា តុលាការគ្មានសិទ្ធិនាំខ្លួនកូនក្តីពួកគេគឺប្រធានស្តីទីគណបក្សសង្គ្រោះជាតិ លោក កឹម សុខា ទេដរាបណាដំណើការនីតិវិធីច្បាប់ស្ថិតក្នុងការស៊ើបអង្កេតបឋមនោះ។ ការបកស្រាយរបស់ក្រុមមេធាវីការពារក្តីឲ្យលោក កឹម សុខា នេះធ្វើឡើងមុនមួយថ្ងៃនៃកាកោះហៅជាលើកទី២របស់ព្រះរាជអាជ្ញាអមសាលាដំបូងរាជធីភ្នំពេញឲ្យចូលបំភ្លឺក្នុងនាមជាសាក្សីនៅថ្ងៃទី២៦ខែឧសភានេះ ក្នុងសំណុំរឿងសញ្ចារកម្មដែលតុលាការមិនទាន់បង្ហាញមុខជនសង្ស័យនៅឡើយ។
អានបន្ត -
ស្នងការខេត្តបាត់ដំបងកំពុងធ្វើការស្រាវជ្រាវរកមុខម្ចាស់ហ្វេសប៊ុកTommy Angkor
ស្នងការនគរបាលខេត្តបាត់ដំបងកំពុងធ្វើការស្រាវជ្រាវរកមុខម្ចាស់ហ្វេសប៊ុកឈ្មោះ Tommy Angkor បន្ទាប់ពីរូបគេបានបរិហារថា អាងកំពីងពួយត្រូវបានលក់៩៩ឆ្នាំក្នុងលេសសម្បទាន។ ការស្រាវជ្រាវនេះធ្វើឡើងបន្ទាប់ពីមន្ទីរធនធានទឹកនិងឧតុនិយម ខេត្តបាត់ ដំបង បានដាក់ពាក្យបណ្ដឹងដើម្បីឲ្យសមត្ថកិច្ចខេត្តស្វែងរកម្ចាស់ហ្វេសប៊ុកឈ្មោះTommy Angkor រូបនេះមកផ្ដន្ទាទោសពីបទបរិហាកេរ្តិ៍។ ការស្រាវជ្រាវរកមុខម្ចាស់ហ្វេសប៊ុកTommy Angkorដឹកនាំលោក ស ថេត ស្នងការនគរបាលខេត្តបាត់ដំបង។ ថ្លែងប្រាប់វិទ្យុបារាំងអន្តរជាតិនៅថ្ងៃទី២៦ឧសភានេះ លោក ស ថេត មិនបានបង្ហាញលទ្ធផលអ្វីច្រើនទេដោយលោកគ្រាន់តែអះអាងថា ស្ថិតនៅក្នុងដំណាក់កាលនេះសមត្ថកិច្ចកំពុងធ្វើការស្រាវជ្រាវសិន មុននឹងឈានដល់ការចាប់ខ្លួន។
អានបន្ត -
មន្រ្តីបក្សប្រឆាំងថាអាជ្ញាធរប៉ុនប៉ងចាប់ខ្លួន លោក កឹម សុខា
ប្រធានស្តីទីគណបក្សសង្រ្គោះជាតិ លោក កឹម សុខា ត្រូវបានអាជ្ញាធរប៉ុនប៉ងឃាត់ខ្លួននៅម៉ោងជាង១១និង៣០នាទី ព្រឹកថ្ងៃព្រហស្បតិ៍នេះ ក្រោយពីលោកមិនបានចូលខ្លួនបំភ្លឺនៅតុលាការជាលើកទីបី។ តំណាងរាស្រ្តគណបក្សសង្រ្គោះជាតិ លោក អេង ឆៃអ៊ាង ប្រាប់វីអូឌីថានៅម៉ោងប្រមាណ១១និង៣៥នាទី រថយន្តរបស់លោក កឹម សុខា ប្រភេទMercedes ត្រូវបានកងកម្លាំងប្រដាប់អាវុធមួយក្រុមប៉ុនប៉ងឃាត់ខ្លួន លោក កឹម សុខា នៅលើផ្លូវនរោត្តម ក្បែរសាលាពញាហុក តែលោកថារថយន្តនោះមិនមានវត្តមានរបស់លោក កឹម សុខានោះទេ។ លោកបន្តថារថយន្តនោះមានភរិយារបស់លោក កឹម សុខា និងអ្នកបើករថយន្តតែប៉ុណ្ណោះ។ លោកចាត់ទុកថានេះជាការប៉ុនប៉ងចាប់ខ្លួន លោក កឹម សុខា ហើយថានេះជាការរំលោភលើអភ័យឯកសិទ្ធិ។
អានបន្ត -
ជនជាតិដើមភាគតិចព័រស្រុកសំឡូតអះអាងថាបក្ខពួកមេភូមិដាំដើមចេកបិទផ្លូវសាធារណៈ
ជនជាតិដើមភាគតិចព័រ ចំនួន ១៥គ្រួសារនៅស្រុកសំឡូត ខេត្តបាត់ដំបង រិះគន់អាជ្ញាធរមូលដ្ឋានរបស់ខ្លួន ថាមិនជួយអន្តរាគមន៍បើកផ្លូវសាធារណៈនៅក្នុងភូមិ ដើម្បីសម្រួលដល់ការធ្វើដំណើរដឹកកសិផលចេញចូលនោះទេ។ អ្នកភូមិអះអាងថា ផ្លូវលំក្នុងភូមិមួយខ្សែដែលពួកគាត់ធ្វើដំណើរចេញចូលជាប្រចាំ ត្រូវបានពលរដ្ឋមួយគ្រួសារជាបក្ខពួករបស់លោកមេភូមិ បានដាំដើមឈើបិទផ្លូវរំលោភយកដីធ្វើជាប្រយោជន៍ផ្ទាល់ខ្លួន ធ្វើឲ្យពួកគាត់មិនអាចចេញចូលបាន។
អានបន្ត -
មេធាវីរបស់លោក នី ចរិយា ជំរុញឲ្យតុលាការប្រញាប់បញ្ជូនពាក្យបណ្តឹងទៅសាលាឧទ្ធរណ៍
កាលពីថ្ងៃទី១១ ឧសភាកន្លងទៅ លោក សំ សុគង់ មេធាវីរបស់លោក នី ចរិយា អគ្គលេខាធិការរងរបស់គ.ជ.ប បានដាក់ពាក្យបណ្តឹងឧទ្ធរណ៍ ប្រឆាំងសេចក្តីសម្រេចរបស់តុលាការជាន់ទាប ដែលមិនយល់ព្រមឲ្យកូនក្តីរបស់ខ្លួន បាននៅក្រៅឃុំ។ ថ្លែងប្រាប់សារព័ត៌មានថ្មីៗ លោក សំ សុគង់ អះអាងថា រហូតមកដល់ពេលនេះ លោកមិនទាន់ទទួលបានដំណឹងពីតុលាការឡើយ ជុំវិញពាក្យបណ្តឹងរបស់លោក។ ដូច្នេះ នៅថ្ងៃទី២៦ ឧសភា មេធាវីរូបនេះ សម្រេចទៅជួបចៅក្រមស៊ើបសួរ នៃសាលាដំបូងរាជធានីភ្នំពេញ ដើម្បីតាមដានដំណើរការនៃពាក្យបណ្តឹងឧទ្ធរណ៍នោះ។
អានបន្ត -
លោក ហ៊ុន សែន ថាលោកចង់បានសុក្រឹតភាពនៃបញ្ជីឈ្មោះបោះឆ្នោត
លោកនាយករដ្ឋមន្រ្តី ហ៊ុន សែន នៅថ្ងៃពុធនេះបានថ្លែងថាលោកចង់បាននូវសុក្រឹតភាពនៃបញ្ជីឈ្មោះបោះឆ្នោតនិងការបោះឆ្នោតដោយតម្លាភាព ដោយលោកបានរិះគន់ការលើកឡើងថាបាត់ឈ្មោះមនុស្សប្រមាណ១លាន៥សែននាក់ក្នុងបញ្ជីឈ្មោះបោះឆ្នោតកាលពីឆ្នាំ២០១៣។ លោក ហ៊ុន សែន បានលើកឡើងបែបនេះនៅក្នុងពិធីប្រគល់សញ្ញាបត្រដល់និស្សិតសាកលវិទ្យាល័យអាស៊ីអឺរ៉ុបដែលធ្វើឡើងនៅវិទ្យាស្ថានជាតិអប់រំ ក្រោយពេលរដ្ឋាភិបាលបានកំណត់យកថ្ងៃបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិទី៤គឺត្រូវធ្វើនៅថ្ងៃទី៤ ខែមិថុនា ឆ្នាំ២០១៧។ លោកនាយករដ្ឋមន្រ្តីបញ្ជាក់ថាការប្រកាសកាលបរិច្ឆេតនេះមានរយៈពេលមួយឆ្នាំមុនការបោះឆ្នោត ដែលលោកថាតាមច្បាប់គឺឲ្យប្រកាសយ៉ាងតិច៩ខែមុនការបោះឆ្នោត។ លោកបន្តថាការប្រកាសមុននេះ លោកមានបំណងឲ្យបក្សនយោបាយ គ.ជ.ប ប្រជាពលរដ្ឋនិងក្រសួងសេដ្ឋកិច្ចត្រៀមខ្លួនសម្រាប់ការបោះឆ្នោតឃុំ-សង្កាត់និងកុំឲ្យគណបក្សនយោបាយណាមួយថារដ្ឋាភិបាលមិនប្រកាសកាលបរិច្ឆេតនៃការបោះឆ្នោតឲ្យបានលឿន។
អានបន្ត -
សាលាដំបូងរាជធានីភ្នំពេញ កំពុងសាកសួរបន្ថែមលើ លោក អ៊ុំ សំអាន សមាជិកគណបក្សសង្រ្គោះជាតិ
(ភ្នំពេញ)៖ នៅពេលនេះ ចៅក្រមស៊ើបសួរ នៃសាលាដំបូងរាជធានីភ្នំពេញ លោក តុប ឈុនហេង កំពុងសាកសួរបន្ថែមលើ លោក អ៊ុំ សំអាន សមាជិកគណបក្សសង្រ្គោះជាតិ ដែលត្រូវបាន ពន្ធនាគារបញ្ជូនមកដល់ សាលាដំបូងរាជធានីភ្នំពេញ នៅម៉ោង៨៖០០ព្រឹកមិញ។ លោក អ៊ុ សំអាន ត្រូវបានសមត្ថកិច្ចឃាត់ខ្លួន នៅខេត្តសៀមរាប កាលពីយប់ថ្ងៃទី១០ ខែមេសា ឆ្នាំ២០១៦ បន្ទាប់ពីលោកត្រឡប់ពីអាមេរិក មកដល់ប្រទេសកម្ពុជា។ សមត្ថកិច្ចបានបញ្ជាក់ថា លោក អ៊ុំ សំអាន ត្រូវបានចាប់ខ្លួនដោយសារតែប្រព្រឹត្តិបទល្មើសជាក់ស្តែង នៅលើបណ្តាញសង្គម Facebook។
អានបន្ត -
មេធាវី នឹងស្នើក្រុមប្រឹក្សាធម្មនុញ្ញ ឲ្យបកស្រាយករណីចាប់ខ្លួនលោក អ៊ុំ សំអាន
ក្រុមមេធាវីរបស់លោក អ៊ុំ សំអាន យល់ថា វិធានការរបស់តុលាការ ទៅលើកូនក្តីរបស់ខ្លួន ដែលជាតំណាងរាស្ត្រ ហើយមិនទាន់ត្រូវបានដកអភ័យឯកសិទ្ធិ គឺប្រាសចាកនឹងរដ្ឋធម្មនុញ្ញ។ ដើម្បីបង្ហាញភស្តុតាងឲ្យបានគ្រប់គ្រាន់និងច្បាស់លាស់ ថាចំណាត់ការរបស់តុលាការ ពិតជារំលងមាត្រា៨០នៃរដ្ឋធម្មនុញ្ញមែននោះ ក្រុមមេធាវីគ្រោងនឹងស្នើឲ្យក្រុមប្រឹក្សាធម្មនុញ្ញ បកស្រាយត្រង់មាត្រានេះ។ នេះបើតាមការលើកឡើងរបស់លោក សំ សុគង់ មេធាវី១រូប ក្នុងចំណោមមេធាវីទាំង៣រូប របស់លោក អ៊ុំ សំអាន ដែលបានថ្លែងប្រាប់ក្រុមអ្នកសារព័ត៌មាន ក្រោយពីតុលាការក្រុងភ្នំពេញ បញ្ចប់ការសាកសួរកូនក្តីរបស់ខ្លួន នៅព្រឹកថ្ងៃទី២៥ ឧសភានេះ។ លោក សំ សុគង់ បន្ថែមទៀតថា ពួកលោក មិនត្រឹមតែស្នើទៅក្រុមប្រឹក្សាធម្មនុញ្ញនោះទេ តែថែមទាំងសុំឲ្យឧត្តមក្រុមប្រឹក្សានៃអង្គចៅក្រម ចេញមុខពន្យល់ផងដែរ ជុំវិញការឃុំខ្លួនតំណាងរាស្ត្រទាំងមានអភ័យឯកសិទ្ធិដូច្នេះ។ យ៉ាងណាក៏ដោយ មេធាវីរូបនេះ មិនទាន់អាចបញ្ជាក់ថា សំណើទាំងនោះ នឹងធ្វើឡើងនៅពេលណានោះទេ។ លោកបានបញ្ជាក់ដូច្នេះថា៖«ក្រុមមេធាវី ចង់ស្នើក្រុមប្រឹក្សាធម្មនុញ្ញនិងឧត្តមក្រុមប្រឹក្សានៃអង្គចៅក្រម បកស្រាយពីការឃុំខ្លួន ដែលផ្ទុយនឹងរដ្ឋធម្មនុញ្ញ»។
អានបន្ត -
ប្រតិភូកូហ្វីអាណាន់ស្នើឲ្យមានការធានាសន្តិសុខនិងសណ្ដាប់ធ្នាប់សម្រាប់ការបោះឆ្នោតនៅកម្ពុជា
តំណាងប្រតិភូអង្គការមូលនិធិកូហ្វីអាណាន់បានថ្លែងថា លោកចង់ឃើញការធានាពីអាជ្ញាធរកម្ពុជាក្នុងការថែរក្សាសន្តិសុខនិងសណ្ដាប់ធ្នាប់ សម្រាប់ការបោះឆ្នោតនៅកម្ពុជានាពេលខាងមុខ។ ការបោះឆ្នោតសកលនៅកម្ពុជាក្នុងឆ្នាំ២០១៣ ពុំបានប្រព្រឹត្តទៅដោយរលូនទាំងស្រុងនោះឡើយដោយរថយន្តសមត្ថកិច្ច២គ្រឿងត្រូវបានពលរដ្ឋដុតកម្ទេចចោលនៅចំថ្ងៃបោះឆ្នោតនៅសង្កាត់ស្ទឹងមានជ័យ ហើយមនុស្ស៧នាក់ត្រូវបានគេបាញ់សម្លាប់និងជាច្រើននាក់រងរបួសនៅក្នុងការតវ៉ាដ៏ធំៗដែលបានពាក់ព័ន្ធនឹងការបោះឆ្នោត។
អានបន្ត -
មន្ត្រីបក្សប្រឆំាងម្នាក់ទៀតត្រូវបានចាប់ខ្លួនករណីប្រមូលស្នាមមេដៃ
មន្ដ្រីគណបក្សប្រឆាំងឲ្យដឹងថាមន្ត្រីរបស់ខ្លួនមួយរូបនៅខេត្ដកំពតត្រូវបានសមត្ថកិច្ចចាប់ ក្រោយពីចុះប្រមូលស្នាមមេដៃពលរដ្ឋ ដើម្បីធ្វើញត្តិថ្វាយព្រះមហាក្សត្រឲ្យជួយអន្តរាគមន៍ដោះលែងមន្ត្រីសិទ្ធិមនុស្សនិងអ្នកនយោបាយកំពុងជាប់ឃុំ។ ការចាប់ខ្លួននេះ ធ្វើឡើងក្រោយពីមេប៉ុស្តិ៍រដ្ឋបាលឃុំត្រពំាងភ្លាំង ស្រុកឈូក ខេត្តកំពត បានហៅទូរស័ព្ទប្រាប់ឲ្យសមាជិកក្រុមប្រឹក្សាឃុំរបស់គណបក្សប្រឆាំងទៅសាកសួរជុំវិញការប្រមូលស្នាមមេដៃពលរដ្ឋ ប៉ុន្តែមន្ត្រីរូបនោះមិនបានចូលទៅបំភ្លឺនោះទេ។
អានបន្ត -
ស្ត្រីបឹងកក់១០នាក់នឹងចូលបំភ្លឺនៅក្រសួងមហាផ្ទៃពាក់ព័ន្ធហិង្សាកាលពី៣ឆ្នាំមុន
សកម្មជនដីធ្លីនៅសហគមន៍បឹងកក់ ចំនួន ១០នាក់ អះអាងថា ពួកគាត់នឹងចូលទៅបំភ្លឺតាមការកោះហៅរបស់ក្រសួងមហាផ្ទៃ នៅថ្ងៃទី២៥ ខែឧសភា ក្នុងនាមជាដើមបណ្ដឹងក្នុងសំណុំរឿងសមត្ថកិច្ចប្រើហិង្សាលើពួកគាត់កាលពីឆ្នាំ២០១៣។ ការកោះហៅស្ត្រីបឹងកក់ ចំនួន ១០នាក់ ឲ្យទៅបំភ្លឺនៅក្រសួងមហាផ្ទៃ ក្នុងសំណុំរឿងចាស់នេះ នៅស្របពេលសកម្មជនដីធ្លីបឹងកក់ ទាំងនេះ កំពុងធ្វើយុទ្ធនាការថ្ងៃចន្ទពណ៌ខ្មៅ ដើម្បីសុំឲ្យដោះលែងមន្ត្រីសមាគមសិទ្ធិមនុស្សអាដហុក (ADHOC) ចំនួន ៤នាក់ និងអគ្គលេខាធិការរង គ.ជ.ប មួយរូបទៀត។
អានបន្ត -
មន្ត្រីបក្សប្រឆាំងខេត្តកំពង់ធំប្ដេជ្ញាដើរប្រមូលស្នាមមេដៃបើទោះបីមានការរារាំង
សកម្មជន និងមន្ត្រីគណបក្សសង្គ្រោះជាតិ នៅខេត្តកំពង់ធំ នឹងបន្តប្រមូលស្នាមមេដៃពីប្រជាពលរដ្ឋរហូតគ្រប់ចំនួន ដើម្បីដាក់ថ្វាយព្រះមហាក្សត្រឱ្យជួយអន្តរាគមន៍ដោះលែងមន្ត្រីគណបក្សប្រឆាំង និងមន្ត្រីការពារសិទ្ធិមនុស្សដែលកំពុងជាប់ឃុំ។ ពួកគេលើកឡើងបែបនេះ ក្រោយពេលការប្រមូលស្នាមមេដៃពលរដ្ឋពីសំណាក់មន្ត្រីមូលដ្ឋាន និងសកម្មជនរបស់ខ្លួនកន្លងមកជួបប្រទះបញ្ហាមួយចំនួន ដូចជាការឃាត់ខ្លួន និងកោះហៅសាកសួរពីអាជ្ញាធរជាដើម។
អានបន្ត -
បើមន្ត្រីអាដហុកនិងមន្ត្រីគ.ជ.ប នៅតែជាប់ឃុំ យុទ្ធនាការ «ថ្ងៃចន្ទពណ៌ខ្មៅ» នៅតែបន្ត
បើទោះបីជារដ្ឋាភិបាលបានចាត់វិធានការម្តងហើយម្តងទៀត ទៅលើប្រជាពលរដ្ឋនិងក្រុមសង្គមស៊ីវិលក៏ដោយ តែពួកគេមិនព្រមបញ្ឈប់យុទ្ធនាការ ថ្ងៃចន្ទពណ៌ខ្មៅនោះទេ។ តែផ្ទុយទៅវិញ សកម្មភាពនៃការស្លៀកពាក់ពណ៌ខ្មៅ នៅតែលេចឡើងសាជាថ្មី ដើម្បីទាមទារឲ្យដោះលែងមន្ត្រីអាដហុកនិងមន្ត្រីគ.ជ.ប។ នៅថ្ងៃចន្ទនេះ ប្រជាពលរដ្ឋក្នុងសហគមន៍ SOS បានជួបជុំគ្នា ដើម្បីសម្តែងមតិរបស់ពួកគេ ជុំវិញការឃុំខ្លួនមន្ត្រីអាដហុកនិងមន្ត្រីគ.ជ.ប។ ប្រជាពលរដ្ឋទាំងនោះ នៅតែស្រែកតវ៉ាដដែលថា «ការចាប់ខ្លួនបុគ្គលទាំង៥រូប គឺជារឿងអយុត្តិធម៌»។ លោកស្រី ច្រាយ នីម តំណាងសហគមន៍ SOS បានលើកឡើងថា លោកស្រី និងប្រជាពលរដ្ឋ នឹងមិនបញ្ឈប់ការតវ៉ាឡើយ ដរាបណាមន្ត្រីអាដហុកនិងមន្ត្រីគ.ជ.ប មិនទាន់មានសេរីភាពឡើងវិញ។
អានបន្ត -
ពលរដ្ឋឃុំអូរខេត្តកំពង់ស្ពឺចោទក្រុមហ៊ុនអ៊ុកឃុនថារំលោភយកដីពួកគាត់
ប្រជាពលរដ្ឋរស់នៅឃុំអូរ ស្រុកភ្នំស្រួច ខេត្តកំពង់ស្ពឺ បានប្រឈមមុខដាក់គ្នាជាមួយក្រុមហ៊ុន អ៊ុក ឃុន ដំណាំឧស្សាហកម្ម ពេញមួយថ្ងៃនៅថ្ងៃទី២២ ខែឧសភា ឆ្នាំ២០១៦។ ប្រជាពលរដ្ឋអះអាងថា ការប្រឈមមុខដាក់គ្នានេះ គឺបន្ទាប់ពីក្រុមហ៊ុន អ៊ុក ឃុន បានរំលោភយកដីពួកគាត់ទាំងបំពាន។ ចំណែកអាជ្ញាធរមូលដ្ឋាន ក៏អះអាងថា ដីនោះ គឺជាកម្មសិទ្ធិរបស់ប្រជាពលរដ្ឋដែរ។ ជម្លោះដណ្ដើមកាន់កាប់ដីរវាងប្រជាពលរដ្ឋ និងក្រុមហ៊ុន អ៊ុក ឃុន ដំណាំឧស្សាហកម្ម បានពុះកញ្ជ្រោលកាន់តែខ្លាំង និងប្រឈមមុខដាក់គ្នាដោយប្រើពាក្យសម្ដីខ្លាំងៗទៅវិញទៅមក ដោយក្នុងដៃមានដំបង កាំបិត ពូថៅទាំងសងខាង ប៉ុន្តែពុំឈានដល់ផ្ទុះអំពើហិង្សានោះទេ រហូតមកដល់ល្ងាចថ្ងៃទី២២ ខែឧសភា។
អានបន្ត -
សង្គមស៊ីវិលបារម្ភពីការបញ្ចេញមតិខណៈចំនួនអ្នកទោសនយោបាយមានការកើនឡើង
ក្រុមសិទ្ធិមនុស្សក្នុងស្រុកនិយាយថា ការកើនឡើងនៃចំនួនអ្នកទោសនយោបាយ ជាសញ្ញាអាក្រក់មួយសម្រាប់ស្ថិរភាពនយោបាយក្នុងសង្គម។ ទោះបីជាយ៉ាងណាក៏ដោយ សមត្ថកិច្ចរដ្ឋាភិបាលទីក្រុងភ្នំពេញ បានបដិសេធថា កម្ពុជា គ្មានអ្នកទោសនយោបាយដូចការចោទប្រកាន់នោះឡើយ។ អគ្គលេខាធិការនៃអង្គការសម្ព័ន្ធភាពការពារសិទ្ធិមនុស្សកម្ពុជា លោក សួន ប៊ុនស័ក្តិ បានប្រាប់វិទ្យុអាស៊ីសេរី តាមទូរស័ព្ទថា អង្គការសង្គមស៊ីវិលជាច្រើនមានការស្ទាក់ស្ទើរ និងរួញរាជាខ្លាំងក្នុងការបញ្ចេញមតិរបស់ខ្លួន ខណៈឃើញសកម្មជននយោបាយ សកម្មជនសិទ្ធិមនុស្ស និងសកម្មជនការពារបរិស្ថានមួយចំនួនត្រូវបានចាប់ខ្លួន។
អានបន្ត -
លោក សម រង្ស៊ី បារម្ភពីភាពទុកចិត្តរបស់គ.ជ.ប ក្រោយតុលាការបន្តសំណុំរឿងរបស់លោក រ៉ុង ឈុន
ប្រធានគណបក្សសង្រ្គោះជាតិ លោក សម រង្ស៊ី ដែលកំពុងនិរទេសខ្លួននៅក្រៅប្រទេសគេចពីការចាប់ខ្លួន បានសម្តែងក្តីបារម្ភចំពោះភាពទុកចិត្តទៅលើគណៈកម្មាធិការជាតិរៀបចំការបោះឆ្នោត(គ.ជ.ប) ស្របពេលតុលាការបានសើរើករណីហិង្សានៅផ្លូវវ៉េងស្រេង ដែលលោក រ៉ុង ឈុន សមាជិកគ.ជ.ប ត្រូវបានចោទប្រកាន់ថាជាប់ពាក់ព័ន្ធ។ ចៅក្រមស៊ើបសួរសាលាដំបូងរាជធានីភ្នំពេញ លោក សាន សុផាត បានចេញលិខិតជូនដំណឹងមួយចុះថ្ងៃទី២៦ ខែមេសា ទៅលោក រ៉ុង ឈុន ដោយបញ្ជាក់ថាលោកបានបញ្ជូនសំណុំរឿងពាក់ព័ន្ធនឹងហិង្សានៅផ្លូវវ៉េងស្រេងដែលកើតឡើងតាំងពីដើមខែមករា ឆ្នាំ២០១៤ ទៅជំនុំជម្រះ។
អានបន្ត -
យោធិនចូលនិវត្តន៍ជាង២០០គ្រួសារនៅខេត្តបាត់ដំបងស្នើអាជ្ញាធរពន្លឿនការដោះស្រាយដីធ្លី
យោធិនចូលនិវត្តន៍ជាង ២០០គ្រួសារ ដែលរដ្ឋាភិបាលកាត់រំសាយ ហើយបញ្ជូនពួកគាត់ឲ្យទៅរស់នៅឃុំបឹងប្រាំ ស្រុកបវេល ខេត្តបាត់ដំបង ស្នើឲ្យអាជ្ញាធរពាក់ព័ន្ធពន្លឿនការដោះស្រាយទំនាស់ដីធ្លីឲ្យបានឆាប់រហ័ស ដើម្បីដាំដុះដោះស្រាយជីវភាពគ្រួសារ។ ការស្នើសុំនេះ បន្ទាប់ពីពួកគាត់ជួបការខ្វះខាតជីវភាពប្រចាំថ្ងៃ ហើយពុំមានដីសម្រាប់បង្កបង្កើនផល។ មន្ត្រីយោធិនចូលនិវត្តន៍នៅស្រុកបវេល លើកឡើងថា កន្លងមក អាជ្ញាធរពាក់ព័ន្ធបានចុះមកជួបពួកគាត់ខ្លះដែរ ប៉ុន្តែបានត្រឹមតែសន្យាខ្យល់ ហើយត្រឡប់ទៅវិញដោយពុំបានដោះស្រាយអ្វីឡើយ។
អានបន្ត -
លោក ម៉ម សូណង់ដូ ប្រកាសធ្វើបាតុកម្មទាមទារឲ្យដោះលែងមន្រ្តីសិទ្ធិមនុស្សនិងមន្រ្តីគ.ជ.ប
ប្រធានគណបក្សសំបុកឃ្មុំសង្គមប្រជាធិបតេយ្យ លោក ម៉ម សូណង់ដូ បានដាក់លិខិតមួយច្បាប់ទៅសាលារាជធានីភ្នំពេញ ដោយស្នើសុំធ្វើបាតុកម្មនៅខែកក្កដាខាងមុខ ទាមទារឲ្យដោះលែងមន្ត្រីសង្គមស៊ីវិលនិងអគ្គលេខាធិការរងគ.ជ.ប លោក នី ចរិយា។ លោក ម៉ម សូណង់ដូ បានឲ្យវីអូឌីដឹងថាកាលពីថ្ងៃព្រហស្បតិ៍ លោកបានដាក់លិខិតសុំធ្វើបាតុកម្មនៅទីលានប្រជាធិបតេយ្យ ដើម្បីទាមទារឲ្យអង្គភាពប្រឆាំងអំពើពុករលួយដកពាក្យបណ្តឹងប្រឆាំងនឹងមន្ត្រីអាដហុកទាំង៤នាក់ រួមទាំងអគ្គលេខាធិការរងគ.ជ.ប ម្នាក់ផងដែរនោះ។ លោកយល់ថាការឃុំខ្លួនពួកគេគឺជារឿងអយុត្តិធម៌មួយ។ លោកបន្តថាបាតុកម្មដែលគ្រោងធ្វើនៅថ្ងៃទី៩ ខែកក្កដានៅទីលានប្រជាធិបតេយ្យ នឹងមានអ្នកចូលរួមមិនលើសពី២០០នាក់ដែលលោកថាអ្នកចូលរួមមិនមែនជាសកម្មជនរបស់គណបក្សនោះទេ។
អានបន្ត -
លោក ហ៊ុន សែន បញ្ជាក់ជាថ្មីថាលោកមិនអាចលូកដៃក្នុងកិច្ចការរបស់តុលាការនោះទេ
លោកនាយករដ្ឋមន្រ្តី ហ៊ុន សែន កាលពីថ្ងៃពុធបានបញ្ជាក់ពីប្រទេសរុស្ស៊ីថាលោកមិនអាចលូកដៃក្នុងកិច្ចការរបស់តុលាការបាននោះទេ តែលោកថាលោកនឹងធ្វើកិច្ចការណាមួយបានដែលអាចធ្វើបានដើម្បីការបង្រួមបង្រួមជាតិនិងស្ថិរភាពរបស់ប្រទេស។ ក្នុងពិធីសំណេះសំណាលជាមួយនិស្សិតសិក្សានៅប្រទេសរុស្ស៊ី លោក ហ៊ុន សែន ដែលកំពុងបំពេញទស្សនកិច្ចនៅទីនោះ បានថ្លែងថាអ្វីៗដែលលោកធ្វើគឺតាមតែអ្នកនយោបាយដែលលេងជាមួយលោកតែប៉ុណ្ណោះ។ លោកមានប្រសាសន៍ថា៖ “ព្រោះខ្ញុំគ្រាន់តែជាអ្នកកំដរ អ្នកចង់រាំវង់ ខ្ញុំក៏រាំវង់ជាមួយ អ្នកចង់រាំក្បាច់ ខ្ញុំក៏រាំក្បាច់ជាមួយ អ្នកចង់តឹង ខ្ញុំមិនដឹងធ្វើធូរជាមួយអ្នកឯងយ៉ាងម៉េច ខ្ញុំអត់មានជម្រើស ជម្រើសខ្ញុំតាមអ្នកឯងទាំងអស់“។ លោកបញ្ជាក់បន្ថែមលោកមិនអាចលូកដៃទៅក្នុងកិច្ចការរបស់តុលាការនោះទេ។ លោកមានប្រសាសន៍ថា៖ “អ្នកឯងចង់ស្រួលខ្ញុំក៏ស្រួល ខ្ញុំមិនដឹងធ្វើម៉េច ប៉ុន្តែអ្វីដែលខ្ញុំអាចធ្វើបាន គឺខ្ញុំធ្វើ ដើម្បីធានាការបង្រួបបង្រួមជាតិ ធានាស្ថិរភាពរបស់ប្រទេស ប៉ុន្តែទាក់ទងនឹងបញ្ហាផ្លូវច្បាប់ គឺខ្ញុំមិនអាចនិយាយគ្នាបានទេ អាហ្នឹងទុកឲ្យតុលាការគេដោះស្រាយ”។
អានបន្ត -
ក្រសួងមហាផ្ទៃបញ្ជាឲ្យមន្រ្តីរាជធានី-ខេត្ត ពង្រឹងការទប់ស្កាត់យុទ្ធនាការអាវខ្មៅ
ក្រសួងមហាផ្ទៃបានបញ្ជាឲ្យអាជ្ញាធររាជធានីខេត្តពង្រឹងវិធានការគ្រប់គ្រងនិងទប់ស្កាត់យុទ្ធនាការថ្ងៃចន្ទពណ៌ខ្មៅ ដោយថាយុទ្ធនាការនេះអាចបង្កឲ្យមានភាពវឹកវរដល់សង្គម។ កាលពីម្សិលមិញមន្រ្តីសង្គមស៊ីវិលមួយចំនួនក្នុងខេត្តព្រះវិហាររួមមានមន្រ្តីអង្គការពន្លកខ្មែរនិងមន្រ្តីសមាគមអាដហុកប្រចាំខេត្តនេះនិងមន្រ្តីអង្គការមួយចំនួនទៀត ត្រូវបានអាជ្ញាធរខេត្តកោះហៅទៅព្រមានចាត់វិធានការផ្លូវច្បាប់ បើសិនជានៅតែបន្តយុទ្ធនាការពាក់អាវពណ៌ខ្មៅទាមទាឲ្យដោះលែងមន្រ្តីសិទ្ធិមនុស្សនិងមន្រ្តី គ.ជ.ប។
អានបន្ត
គាំទ្រដោយ
