កំពុងស្វែងរកទិន្នន័យ
រកឃើញ: 13.199
-
តុលាការចេញដីកាចាប់ខ្លួនសកម្មជនអារ៉ែង លោក អាឡិច
សកម្មជនអារ៉ែងជនជាតិអេស្ប៉ាញលោក អាឡិច ហ្សង់ដ្រូ ហ្គន់សាឡេស ដេវិតសិន(Alejandro Gonzalez Davidson) អះអាងថាលោកនឹងចូលមកប្រទេសកម្ពុជា បើទោះជាលោកមិនទទួលបានទិដ្ឋាការក៏ដោយ ដើម្បីប្រឈមមុខនឹងតុលាការ ខណៈចៅក្រមស៊ើបសួរនៃសាលាដំបូងខេត្តកោះកុងបានចេញដីកាចាប់ខ្លួនរូបលោក។ លោក អាឡិច ដែលត្រូវបានរដ្ឋាភិបាលបណ្តេញចេញពីកម្ពុជាកាលពីឆ្នាំ២០១៥ ប្រាប់វីអូឌី(VOD)ថាលោកបានទទួលដីកាមួយ ដោយចៅក្រមស៊ើបសួរ លោកស្រី ឈុន ដាវី ចោទប្រកាន់លោកពីបទសមគំនិតក្នុងអំពើគំរាមកំហែងនិងធ្វើឲ្យខូចខាតដោយភ្ជាប់នូវបញ្ហាអ្វីមួយ ប្រព្រឹត្តទៅនៅស្រុកបទុមសាគរ ខេត្តកោះកុង កាលពីថ្ងៃទី២៦ដល់ថ្ងៃទី២៨ខែកក្កដា ឆ្នាំ២០១៥និងនៅថ្ងៃទី១២ខែសីហា ឆ្នាំ២០១៥។ លោក អាឡិច បន្តថាតុលាការបានបង្គាប់ឲ្យចាប់ខ្លួនលោកនិងបញ្ជាដល់កងកម្លាំងសាធារណៈឲ្យស្រាវជ្រាវចាប់និងនាំខ្លួនរូបលោកទៅពន្ធនាគារកោះកុងឬមណ្ឌលឃុំខ្លួនបណ្តោះអាសន្ននៅកន្លែងចាប់ខ្លួន។
អានបន្ត -
អ្នករាយការណ៍អ.ស.បនឹងយកបញ្ហារំលោភសិទ្ធិជនជាតិដើមពិភាក្សាជាមួយអាជ្ញាធរខេត្តស្ទឹងត្រែង
អ្នករាយការណ៍ពិសេសនៃអង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្សប្រចាំកម្ពុជា អ្នកស្រី រ៉ូណា ស្មីត (Rhona Smith) សន្យាថានឹងលើកយកបញ្ហារំលោភសិទ្ធិជនជាតិដើមភាគតិច ទៅពិភាក្សាជាមួយអាជ្ញាធរខេត្តស្ទឹងត្រែង នៅដើមសប្ដាហ៍ក្រោយ។ ការលើកឡើងដូចនេះ គឺនៅបន្ទាប់ពីអ្នកស្រីបានជួបប្រជុំជាមួយតំណាងអង្គការសង្គមស៊ីវិលមួយចំនួន នៅខេត្តស្ទឹងត្រែង កាលពីថ្ងៃទី២៦ មីនា។ ផលប៉ះពាល់លើជនជាតិដើមភាគតិចដោយសារការផ្តល់ដីសម្បទានសេដ្ឋកិច្ចរបស់រដ្ឋាភិបាល ទៅឲ្យក្រុមហ៊ុនឯកជន និងផលប៉ះពាល់ពីការសាងសង់ទំនប់វារីអគ្គិសនីសេសានក្រោម២ សុទ្ធសឹងតែជាប្រធានបទសំខាន់ៗមួយចំនួនដែល អ្នកស្រី រ៉ូណា ស្មីត គ្រោងនឹងលើកយកទៅពិភាក្សាជាមួយអាជ្ញាធរខេត្តស្ទឹងត្រែង ក្នុងពេលដ៏ខ្លីខាងមុខ។
អានបន្ត -
ពលរដ្ឋមានទំនាស់ដីធ្លីឃុំបឹងប្រាំជាង១០០នាក់ធ្វើដំណើរពីបាត់ដំបងទៅតវ៉ានៅភ្នំពេញ
ប្រជាពលរដ្ឋរងគ្រោះរឿងដីធ្លីនៅឃុំបឹងប្រាំ ស្រុកបវេល ខេត្តបាត់ដំបង ប្រមាណ ១០០នាក់តំណាងឲ្យ ១៩២គ្រួសារ នៅព្រឹកថ្ងៃទី២៧ មីនា នាំគ្នាធ្វើដំណើរទៅដាក់លិខិតសុំអន្តរាគមន៍ពីស្ថាប័នពាក់ព័ន្ធរដ្ឋាភិបាលនៅរាជធានីភ្នំពេញ ដើម្បីស្នើសុំឲ្យរដ្ឋាភិបាលដោះស្រាយករណីជម្លោះដីធ្លីជូនពួកគាត់ឲ្យបានឆាប់រហ័ស។ ពលរដ្ឋឡើងទៅភ្នំពេញនេះ ដោយសារពួកគាត់ឃើញអាជ្ញាធរមូលដ្ឋាន កោះប្រជុំប្រជាពលរដ្ឋដែលមានប័ណ្ណកម្មសិទ្ធិដីធ្លី ហើយឲ្យពួកគាត់ផ្ដិតមេដៃ ដើម្បីដាក់ប្ដឹងទៅសាលាដំបូងខេត្ត ដោះស្រាយតាមផ្លូវច្បាប់។ ប្រជាពលរដ្ឋនៅឃុំបឹងប្រាំ បានប្រតិកម្មភ្លាមៗទៅនឹងសកម្មភាពរបស់មេឃុំ ថាជាទង្វើបង្កការលំបាកដល់អ្នកស្រុក និងមិនអាចជួយដោះស្រាយរឿងទំនាស់ដីធ្លីរបស់ពួកគាត់បាននោះឡើយ។
អានបន្ត -
ពលរដ្ឋ៤ឃុំនៅកោះកុងហែញត្តិស្នើឲ្យអាជ្ញាធរកាត់ដីចេញពីគម្រោងវិនិយោគរបស់ក្រុមហ៊ុន
ប្រជាពលរដ្ឋខេត្តកោះកុង ប្រមាណ ៣០០នាក់ តំណាងឲ្យអ្នករងគ្រោះដីធ្លីជាង ៥០០គ្រួសារ ដែលមានវិវាទជាមួយក្រុមហ៊ុនស្ករអំពៅថៃ ចំនួន ២ បានប្រមូលផ្តុំគ្នាហែក្បួនដាក់ញត្តិជូនអភិបាលស្រុកស្រែអំបិល និងស្រុកបុទុមសាគរ ឲ្យជួយដោះស្រាយទំនាស់រ៉ាំរ៉ៃរយៈពេល ១០ឆ្នាំមកនោះ។ តំណាងប្រជាពលរដ្ឋមានជម្លោះដីធ្លីចំនួន ៤ឃុំ ស្ថិតក្នុងស្រុកស្រែអំបិល និងស្រុកបុទុមសាគរ ខេត្តកោះកុង គឺលោក ឱម ផុន និងលោកស្រី ផាវ ញ៉ឺង និយាយប្រាប់វិទ្យុអាស៊ីសេរីថា ការហែក្បួននៅព្រឹកថ្ងៃសុក្រ ទី២៥ ខែមីនា គឺដើម្បីដាក់ញត្តិជូនអភិបាលស្រុកទាំងពីរឲ្យជួយអន្តរាគមន៍កាត់ឆ្វៀលដីកសិកម្មពលរដ្ឋចេញពីគម្រោងវិនិយោគរបស់ក្រុមហ៊ុនស្ករអំពៅ កោះកុង (Koh Kong Sugar) និងក្រុមហ៊ុន ផ្លែនថេសិន អ៊ីនដាសស្ទ្រី (Plantation Industry) របស់អ្នកវិនិយោគថៃ ឲ្យស្របតាមគោលនយោបាយស្បែកខ្លារបស់ប្រមុខរាជរដ្ឋាភិបាល បានដាក់ឲ្យអនុវត្តដើម្បីឲ្យពួកគាត់មានដីបង្កបង្កើនផលដំណាំកសិកម្មដូចដើមវិញ។
អានបន្ត -
ពលរដ្ឋនៅខេត្តកំពង់ឆ្នាំងស្នើអង្គការសង្គមស៊ីវិលបង្រៀនផ្នែករដ្ឋបាលនិងសិទ្ធិមនុស្ស
តំណាងសហគមន៍ និងពលរដ្ឋនៅឃុំក្បាលទឹក ស្រុកទឹកផុស ខេត្តកំពង់ឆ្នាំង ចង់បានវគ្គបណ្ដុះបណ្ដាលផ្នែករដ្ឋបាល និងសិទ្ធិមនុស្ស ដើម្បីរួមចំណែកក្នុងកិច្ចអភិវឌ្ឍន៍នៅមូលដ្ឋានរបស់ខ្លួន។ តំណាងសហគមន៍បានអំពាវនាវភ្លាមៗក្រោយពីដឹងថា អង្គការមួយដែលធ្វើការពង្រឹងសមត្ថភាពសហគមន៍នៅក្នុងតំបន់ពួកគាត់ នឹងត្រូវបញ្ចប់គម្រោងនៅចុងឆ្នាំ២០១៦ ខាងមុខ។ តំណាងសហគមន៍ និងពលរដ្ឋឃុំក្បាលទឹក ឲ្យដឹងថា ត្បិតពួកគាត់ខ្លះទទួលបានចំណេះដឹងច្រើនពីវគ្គបណ្ដុះបណ្ដាលរបស់អង្គការនានា ប៉ុន្តែពួកគាត់នៅតែចង់បានការចែករំលែកបទពិសោធន៍ថ្មីៗ ដើម្បីសម្របទៅតាមការអភិវឌ្ឍសង្គម។ ពួកគាត់ថា ព្រៃឈើ និងសម្បត្តិធម្មជាតិជាច្រើនទៀត គឺជាកាតព្វកិច្ចដ៏លំបាករបស់ពលរដ្ឋក្នុងកិច្ចការពារឲ្យបានគង់វង្សពីជនខិលខូច ឬអ្នកបំផ្លាញជាតិ។
អានបន្ត -
ពលរដ្ឋនៅខេត្តសៀមរាបស្នើនាយករដ្ឋមន្ត្រីឲ្យទប់ស្កាត់ការបណ្តេញចេញពីសំណាក់មន្ត្រីយោធា
អ្នកមានជម្លោះដីធ្លីមកពីខេត្តសៀមរាបរកអន្តរាគមន៍ពីនាយករដ្ឋមន្ត្រីឲ្យជួយទប់ស្កាត់ការបណ្តេញពីសំណាក់មន្ត្រីយោធាដែលពួកគេចោទថាកំពុងគំរាមកំហែងបណ្តេញពួកគេជាង១០០គ្រួសារចេញពីលំនៅដ្ឋានដោយគ្មានការទប់ស្កាត់ពីអាជ្ញាធរមូលដ្ឋាន។ អ្នកតវ៉ាម្នាក់ក្នុងចំណោមអ្នកតវ៉ាជាង១០០នាក់ផ្សេងទៀតលោក ស្រី ពាន់ អាយុ៤៥ឆ្នាំ រស់នៅភូមិសែនជ័យ ឃុំកន្ទួត ស្រុកស្វាយលើ ខេត្តសៀមរាប ឲ្យអ្នកសារព័ត៌មានដឹងក្រោយដាក់ពាក្យបណ្តឹងទៅមន្ត្រីខុទ្ទការល័យនាយករដ្ឋមន្ត្រី នាថ្ងៃទី២៥ខែមីនានេះថាបច្ចុប្បន្ននេះមន្ត្រីយោធា៥រូបនៅភូមិភាគ៤បានបានប្រើអាវុធគំរាមកំហែងពួកគាត់ជាង១០០គ្រួសារ ឲ្យចាកចេញពីលំនៅដ្ឋានដែលលោកថាគ្មានកិច្ចអន្តរាគមន៍ទប់ស្កាត់ពីអាជ្ញាធរមូលដ្ឋាន។
អានបន្ត -
ពលរដ្ឋមកពីខេត្តបាត់ដំបងស្នើសុំកិច្ចអន្តរាគមន៍ពីលោក ហ៊ុន សែន រឿងដីធ្លី
ពលរដ្ឋប្រមាណ៥០នាក់មកពីឃុំសិរីមានជ័យ ស្រុកសំពៅលូន ខេត្តបាត់ដំបង នៅថ្ងៃទី២៤ ខែមីនា បានដាក់ញត្តិនៅរដ្ឋសភាស្នើសុំកិច្ច អន្តរាគមន៍ដោះស្រាយបញ្ហាដីធ្លីប្រមាណ៦០០ហិកតារ ដល់ពលរដ្ឋ១៣៥គ្រួសារ និងសុំដោះលែងតំណាងពលរដ្ឋម្នាក់ឈ្មោះ ឆន ឆាត ត្រូវសាលាដំបូងខេត្តបាត់ដំបងឃុំខ្លួនដោយសារតែរឿងតវ៉ាដីធ្លីកាលពីថ្ងៃទី៣១ខែមករា ឆ្នាំ២០១៦។ ញត្តិដែលបានដាក់ទៅរដ្ឋសភានោះឲ្យដឹងថា ក្រុមហ៊ុន សួន មានសម្បត្តិ ទទួលបានសិទ្ធិដីសម្បទានសេដ្ឋកិច្ច ដែលមានទីតាំងក្នុងភូមិអូរគគីរ និងភូមិទួលក្រសាំងឃុំសិរីមានជ័យ ស្រុកសំពៅលូន កាលពីថ្ងៃទី០៦ ខែកញ្ញា ឆ្នាំ២០១១ បានធ្វើឲ្យប៉ះពាល់ដីស្រែចម្ការចំនួន៦០០ហិកតារ ដែលកាន់កាប់ស្របច្បាប់របស់ពលរដ្ឋ។ ក្នុងញត្តិដដែលនោះឲ្យដឹងទៀតថា ក្រុមហ៊ុននេះឃុបឃិតជាមួយមន្ត្រីបរិស្ថានគូសផែនទីបំពានលើដីស្រែចម្ការ របស់ពលរដ្ឋហើយរឹបអូសយកជាកម្មសិទ្ធិរបស់ក្រុមហ៊ុន។ ម្យ៉ាងវិញទៀតពលរដ្ឋម្នាក់ឈ្មោះ ឆន ឆាត ត្រូវបានសាលាដំបូងចេញដីការចាប់ខ្លួនផងដែរ។
អានបន្ត -
ពលរដ្ឋនៅស្ទឹងត្រែងព្រមានដុតគ្រឿងចក្រក្រុមហ៊ុនដែលឈូសឆាយព្រៃសហគមន៍
សហគមន៍ក្បាលរមាស ស្រុកសេសាន ខែត្រស្ទឹងត្រែង ព្រមានដុកកម្ទេចគ្រឿងចក្ររបស់ក្រុមហ៊ុនសំអាតបាតអាងទំនប់វារីអគ្គិសនីសេសានក្រោមពីរ បន្ទាប់ពីក្រុមល្បាតរបស់សហគមន៍ ៤០នាក់ ប្រទះឃើញគ្រឿងចក្រចំនួន ៥គ្រឿង បានឈូសឆាយព្រៃក្នុងបរិវេណដីព្រៃសមូហភាពសហគមន៍នៅថ្ងៃទី២៤ ខែមីនា។ សហគមន៍ជនជាតិដើមភាគតិចនៅឃុំក្បាលរមាស ស្រុកសេសាន ទាមទារឲ្យតំណាងក្រុមហ៊ុន និងអាជ្ញាធររដ្ឋាភិបាលផ្ដល់ព័ត៌មានជាក់លាក់ស្ដីពីការកំណត់ព្រំប្រទល់បាតអាងក្នុងតំបន់ព្រៃអភិរក្សរបស់សហគមន៍។
អានបន្ត -
រដ្ឋាភិបាលជួយពលការិនី៤នាក់ពីម៉ាឡេស៊ីឲ្យត្រឡប់មកកម្ពុជាវិញ
ក្រសួងការបរទេសកម្ពុជាឲ្យដឹងថា ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ីបានជួយស្ត្រីខ្មែរ៤នាក់ដែលបានទៅធ្វើការ ក្នុងប្រទេសម៉ាឡេស៊ី ឲ្យវិលត្រឡប់មកកម្ពុជាវិញ។ ក្នុងលិខិតមួយចេញនៅថ្ងៃទី២៤ ខែមីនា ក្រសួងការបរទេសបានឲ្យដឹងថា ពលការិនីខ្មែរទាំង៤រូបដែលត្រូវបានជួយសង្គ្រោះមានឈ្មោះ ស៊ុន មុំ អាយុ ២៨ ឆ្នាំ មានស្រុកកំណើត នៅស្រុកក្រគ ខេត្តពោធិសាត់បានទៅធ្វើការតាមផ្ទះនៅប្រទេសម៉ាឡេស៊ីកាលពីថ្ងៃទី ១៨ ខែកុម្ភៈ ២០១៤ តាមរយៈក្រុមហ៊ុន CMO នៅកម្ពុជា និងក្រុមហ៊ុន PUNCAKMAS នៅម៉ាឡេស៊ី និង បានទៅស្ថានទូត នៅថ្ងៃទី ១៨ ខែកុម្ភៈឆ្នាំ ២០១៦ សុំឲ្យ ជួយទាមទារប្រាក់ខែពីថៅកែក្រុមហ៊ុន PUNCAKMAS និងជួយឲ្យបានវិលត្រឡប់មកកម្ពុជាវិញ ។ ក្រុមហ៊ុន PUNCAKMASបានបើកប្រាក់ខែឲ្យពលការិនី ស៊ុន មុំ បន្ទាប់ ពីមានការធ្វើអន្តរាគមន៍ពីស្ថានទូត ។
អានបន្ត -
សង្គមស៊ីវិលអំពាវនាវឲ្យអភិបាលថ្មីខេត្តស្វាយរៀងដោះស្រាយបញ្ហាប្រឈមរបស់ពលរដ្ឋ
ក្រុមអង្គការសង្គមស៊ីវិល ស្នើដល់អភិបាលថ្មីខេត្តស្វាយរៀង ឲ្យដោះស្រាយបញ្ហាចោទមួយចំនួនដែលបន្សល់ទុកពីអភិបាលខេត្តចាស់។ ការអំពាវនាវនេះ ធ្វើឡើងក្រោយពេល លោក ម៉ែន វិបុល ត្រូវបានតែងតាំងជាអភិបាលថ្មីខេត្តស្វាយរៀង នៅថ្ងៃទី២៤ ខែមីនា ជំនួស លោក ជៀង អំ ដែលត្រូវបានផ្ទេរទៅកាន់ការងារជារដ្ឋលេខាធិការក្រសួងការពារជាតិ។ ក្រុមមន្ត្រីអង្គការសង្គមស៊ីវិលប្រចាំខេត្តស្វាយរៀង ជំរុញឲ្យអភិបាលថ្មីខេត្តស្វាយរៀង ជួយដោះស្រាយបញ្ហាប្រឈមសំខាន់ៗរបស់ប្រជាពលរដ្ឋ។ បញ្ហាទាំងនោះរួមមាន បញ្ហាព្រំដែន បញ្ហាជនអន្តោប្រវេសន៍វៀតណាម ខុសច្បាប់ បញ្ហានាំចូលទំនិញខូចគុណភាព បញ្ហាទំនាស់ដីធ្លីរវាងពលរដ្ឋ និងអ្នកមានលុយមានអំណាច បញ្ហាសន្តិសុខ ទីផ្សារកសិកម្ម ហេដ្ឋារចនាសម្ព័ន្ធ និងបញ្ហាចំណាកស្រុក។
អានបន្ត -
អ្នករាយការណ៍ពិសេសរបស់UNសង្ឃឹមថា គ.ជ.ប នឹងធានាការបោះឆ្នោតដោយសេរី និងយុត្តិធម៌
អ្នករាយការណ៍ពិសេសរបស់អង្គការសហប្រជាតិទទួលបន្ទុកសិទ្ធិមនុស្សនៅកម្ពុជាលោកស្រី រ៉ូណា ស្មីត (Rhona Smith) លើកឡើងថា លោកស្រីសង្ឃឹមថាគណៈកម្មាធិការជាតិរៀបចំការបោះឆ្នោត (គ.ជ.ប) នឹងធានាឲ្យបានការបោះឆ្នោតមួយប្រកបដោយសេរី និងយុត្តិធម៌ ខណៈកម្ពុជានឹងរៀបចំការបោះឆ្នោតឃុំសង្កាត់នៅឆ្នាំ២០១៧ និងបោះឆ្នោតជាតិនៅឆ្នាំ២០១៨។ លោកស្រី រ៉ូណា ស្មីត បានធ្វើការលើកឡើងបែបនេះ នៅព្រឹកថ្ងៃសុក្រនេះ បន្ទាប់ពីលោកស្រីបានជួបពិភាក្សាពីដំណើរការរៀបចំការបោះឆ្នោតនៅកម្ពុជានៅទីស្នាក់ការរបស់ គ.ជ.ប។
អានបន្ត -
ពលរដ្ឋមានទំនាស់ដីធ្លីនៅស្រុកអូរជ្រៅចោទអាជ្ញាធរថាមិនព្រមដោះស្រាយជូនពួកគាត់
ប្រជាពលរដ្ឋមានទំនាស់ដីធ្លីនៅស្រុកអូរជ្រៅ ខេត្តបន្ទាយមានជ័យ ចំនួន ១៦៧គ្រួសារ អះអាងថា បញ្ហាទំនាស់ដីរ៉ាំរ៉ៃរបស់ពួកគាត់ដោះស្រាយមិនចេញជាង ២០ឆ្នាំនោះ ដោយសារអាជ្ញាធរមូលដ្ឋានមិនអើពើជួយប្រជាពលរដ្ឋ។ អភិបាលរងស្រុកអូរជ្រៅ បដិសេធចំពោះការចោទប្រកាន់នេះ ថាជារឿងមិនពិតឡើយ។ ពលរដ្ឋនៅស្រុកអូរជ្រៅ សម្ដែងការអស់សង្ឃឹមជាខ្លាំងចំពោះអាជ្ញាធរស្រុកនេះ ដែលមិនអើពើដោះស្រាយបញ្ហាដីធ្លីរបស់ពួកគាត់។
អានបន្ត -
គម្រោង «យើងដូចគ្នា» ដើម្បីការពារសិទ្ធិរបស់ក្រុម LGBTI នៅកម្ពុជា
គម្រោងថ្មីមួយដើម្បីការពារនិងលើកកំពស់សិទ្ធិរបស់ក្រុមអ្នកស្រឡាញ់ភេទដូចគ្នា អ្នកស្រឡាញ់មនុស្សទាំងពីរភេទ អ្នកកែភេទ និងអ្នកមានលក្ខណៈភេទមិនចំជាប្រុសឬស្រី ឬ LGBTI នៅកម្ពុជា ត្រូវបានប្រកាសនៅថ្ងៃនេះ ដោយទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្តរជាតិ (USAID)។ គម្រោងដែលមានឈ្មោះថា “យើងដូចគ្នា” (We are the Same) ដែលត្រូវបានប្រគល់អោយអង្គការប្រព័ន្ធផ្សព្វផ្សាយដើម្បីការអប់រំ និងការអភិវឌ្ឍន៍ក្នុងសកម្មភាព (Media One) អនុវត្ត ហើយនឹងជួយដល់សកម្មភាពតស៊ូមតិ និងសកម្មភាពលើកកំពស់ការយល់ដឹងនានា ដើម្បីពង្រឹងសិទ្ធិរបស់ក្រុម LGBTI នៅកម្ពុជា។ គំរោងនេះបញ្ជាក់ពីការប្តេជ្ញាចិត្តរបស់រដ្ឋាភិបាលសហរដ្ឋអាមេរិកចំពោះសិទ្ធិរបស់ក្រុម LGBTI ជាផ្នែកសំខាន់មួយសំរាប់ទ្រទ្រង់សិទ្ធិមនុស្ស ទាំងនៅកម្ពុជា ទាំងនៅទូទាំងសាកលលោក។
អានបន្ត -
USAID ផ្តើមគម្រោងថ្មីមួយដើម្បីការពារសិទ្ធិក្រុមមនុស្សស្រឡាញ់ភេទដូចគ្នា LGBTI នៅកម្ពុជា
ទីភ្នាក់ងារផ្ដល់ជំនួយអភិវឌ្ឍន៍សហរដ្ឋអាមេរិក ឬហៅកាត់ថា USAID បានចាប់ផ្ដើមគម្រោងថ្មីមួយ ដើម្បីការពារនិងលើកកម្ពស់សិទ្ធិរបស់ក្រុមអ្នកស្រឡាញ់ភេទដូចគ្នា អ្នកស្រឡាញ់មនុស្សទាំងពីរភេទ អ្នកកែភេទ និងអ្នកមានលក្ខណៈភេទមិនចំជាប្រុសឬស្រី (LGBTI) នៅកម្ពុជា។ នេះបើតាមសេចក្ដីប្រកាសព័ត៌មានមួយរបស់ស្ថានទូតអាមេរិកប្រចាំកម្ពុជានៅថ្ងៃពុធនេះ។ គម្រោងដែលគេដាក់ឈ្មោះថា «យើងដូចគ្នា» (We are the Same) ត្រូវបានប្រកាសនៅថ្ងៃពុធនេះ ដោយទីភ្នាក់ងារ USAID ក្នុងបំណងអប់រំ និងអភិវឌ្ឍន៍ក្នុងសកម្មភាព អនុវត្ត ហើយនឹងជួយដល់សកម្មភាពតស៊ូមតិ សកម្មភាពលើកកម្ពស់ការយល់ដឹងនានា និងពង្រឹងសិទ្ធិរបស់ក្រុម LGBTI នៅកម្ពុជា។
អានបន្ត -
ពលរដ្ឋប៉ះពាល់ដោយការអភិវឌ្ឍផ្លូវរថភ្លើងនៅក្រុងប៉ោយប៉ែតតវ៉ារកដំណោះស្រាយ
ប្រជាពលរដ្ឋរងផលប៉ះពាល់ពីគម្រោងសាងសង់ផ្លូវរថភ្លើងនៅក្រុងប៉ោយប៉ែត ខេត្តបន្ទាយមានជ័យ ប្រមាណ ២០នាក់ នៅព្រឹកថ្ងៃទី២៣ ខែមីនា នាំគ្នាតវ៉ានៅមុខសាលាក្រុងប៉ោយប៉ែត ទាមទារឲ្យអាជ្ញាធរដោះស្រាយ និងផ្ដល់សំណងជូនពួកគាត់។ ពលរដ្ឋបានទាមទារឲ្យអាជ្ញាធរដោះស្រាយជាច្រើនលើកមកហើយ តែពុំទទួលបានលទ្ធផល។ នេះជាលើកទី១៥ហើយដែលពលរដ្ឋនៅក្រុងប៉ោយប៉ែត ទាមទារឲ្យអាជ្ញាធរក្រុងដោះស្រាយសំណងប៉ះពាល់ពីគម្រោងសង់ផ្លូវរថភ្លើងរបស់ពួកគាត់ឲ្យបានឆាប់រហ័ស។ តំណាងអ្នកតវ៉ាម្នាក់រស់នៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត គឺលោក វន វ័ន្ត ឲ្យដឹងនៅថ្ងៃទី២៣ ខែមីនា ថា ផ្លូវរថភ្លើងចាប់ផ្ដើមសាងសង់ហើយ តែអាជ្ញាធរពាក់ព័ន្ធពុំបានផ្ដល់សំណងប៉ះពាល់ជូនគ្រួសាររបស់លោកនៅឡើយទេ។
អានបន្ត -
ពលរដ្ឋមានជម្លោះដីធ្លីនៅខេត្តបន្ទាយមានជ័យតវ៉ាមុខក្រសួងយុត្តិធម៌ឲ្យពន្លឿនដំណោះស្រាយ
ប្រជាពលរដ្ឋជាង ៥០នាក់តំណាងឲ្យពលរដ្ឋជាង ២០០គ្រួសារមកពី ៣ស្រុកក្នុងខេត្តបន្ទាយមានជ័យ ប្រមូលផ្ដុំគ្នាតវ៉ាដោយលើកបដា និងដាក់ញត្តិទៅកាន់ក្រសួងយុត្តិធម៌ នៅព្រឹកថ្ងៃទី២៣ ខែមីនា ដើម្បីទាមទារឲ្យស្ថាប័ននេះផ្អាកសកម្មភាពបុគ្គលមានអំណាចម្នាក់រំលោភយកដី ហើយងាកមកដោះស្រាយផលប៉ះពាល់ដីស្រែចម្ការ និងផ្ទះសម្បែងរបស់ពួកគាត់ឲ្យចប់ជាមុនសិន។ ពលរដ្ឋទាំង ៣ស្រុក គឺស្រុកម៉ាឡៃ ស្រុកអូរជ្រៅ និងក្រុងប៉ោយប៉ែត ខេត្តបន្ទាយមានជ័យ អះអាងថា ពួកគាត់ធ្លាប់បានតវ៉ាសុំអន្តរាគមន៍ជាច្រើនលើកមកហើយជាមួយនឹងអាជ្ញាធរខេត្តនេះ តែនៅមិនទាន់ឃើញមានលទ្ធផលណាមួយនៅឡើយ។ ចំណែកឯសង្គមស៊ីវិលរិះគន់ជាថ្មីថា អាជ្ញាធរគ្មានឆន្ទៈដោះស្រាយជម្លោះដីធ្លីនៅតំបន់មានជម្លោះឲ្យបានចប់នោះទេ។
អានបន្ត -
ពលរដ្ឋជាង២០០គ្រួសារព្យាយាមវិលត្រឡប់ទៅស្នាក់នៅតំបន់ជិតប្រាសាទព្រះវិហារវិញ
អតីតអ្នកភូមិស្វាយជ្រំ នៃឃុំកន្ទួត ស្រុកជាំក្សាន្ត ជាង ២០០គ្រួសារ នៅតែបន្តការទាមទារឱ្យអាជ្ញាធរប្រគល់ដីភូមិចាស់មកពួកគេកាន់កាប់វិញ បន្ទាប់ពីអ្នកភូមិទាំងនោះត្រូវអាជ្ញាធរខេត្តព្រះវិហារ បង្ខំឱ្យចាកចេញជាមួយនឹងការដោះដូរដីកន្លែងផ្សេងឱ្យរស់នៅរយៈពេល ៤ឆ្នាំមកហើយក៏ដោយ។ អ្នកភូមិទាំងនោះធ្លាប់បានប្រមូលផ្ដុំគ្នាទៅស្នាក់នៅក្នុងវត្តសាមគ្គីរង្សី ឯទីក្រុងភ្នំពេញ ជាយូរមកហើយ ដើម្បីទាមទារឱ្យក្រសួងពាក់ព័ន្ធរបស់រដ្ឋាភិបាល ជួយដោះស្រាយចំពោះការរកទីជម្រកសមរម្យសម្រាប់ពួកគេ បន្ទាប់ពីការបង្ខំឱ្យចាកចេញពីទីដែលធ្លាប់រស់នៅតាំងពីឆ្នាំ២០១២ មក។
អានបន្ត -
ពលរដ្ឋសហគមន៍បូរីកីឡា ស្នើឲ្យសម្តេច ហ៊ុន សែន ជួយដោះស្រាយបញ្ហាដីធ្លី
អតីតប្រជាពលរដ្ឋនៅសហគមន៍បូរីកីឡា ធ្វើសន្និសីទសារព័ត៌មាននៅថ្ងៃទី២៣ មីនា ឆ្នាំ២០១៦ នេះ ដើម្បីបង្ហាញពីទុក្ខវេទនារបស់ពួកគេ ពីការបាត់បង់ដីធ្លីនិងផ្ទះសម្បែង។ ប្រជាពលរដ្ឋទាំងនោះ ស្នើឲ្យប្រមុខរដ្ឋាភិបាល និងស្ថាប័នពាក់ព័ន្ធផ្សេងទៀត ជួយដោះស្រាយបញ្ហាដីធ្លីជូនពួកគេឲ្យបានឆាប់រហ័ស។ អតីតប្រជាពលរដ្ឋនៅសហគមន៍បូរីកីឡាជាង១០០គ្រួសារ ដែលបានបាត់បង់ផ្ទះសម្បែង នៅតែកើតទុក្ខមិនសុខចិត្ត ចំពោះសំណងមិនសមរម្យ។ ពួកគេ បានស្រែកដង្ហើយហៅលោកនាយករដ្ឋមន្ត្រីកម្ពុជា ឲ្យជួយដោះស្រាយបញ្ហាដីធ្លីដ៏រ៉ាំរៃ និងផ្តល់សំណងបន្ថែម តាមរយៈសន្និសីទសារព័ត៌មាននៅថ្ងៃទី២៣ ខែមីនានេះ។ ជាងនេះទៀតពួកគេ ក៏បានដាក់ញត្តិទៅកាន់សាលារាជធានីភ្នំពេញនិងស្តីទីការិយាល័យឧត្តមស្នងការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា ឲ្យជួយអន្តរាគមន៍ផងដែរ។
អានបន្ត -
តំណាងកម្មករសុំជួបសម្តេច ហ៊ុន សែន ដើម្បីបង្ហាញពីគ្រោះថ្នាក់នៃច្បាប់សហជីព
តំណាងសហជីពបានដាក់លិខិតទៅកាន់ប្រមុខរដ្ឋាភិបាលកម្ពុជា នៅទីស្តីការគណៈរដ្ឋមន្ត្រី នាពេលព្រឹកថ្ងៃទី២២ ខែមីនានេះ។ ការដាក់លិខិតនេះ គឺដើម្បីសុំជួបលោកនាយករដ្ឋមន្ត្រីដោយផ្ទាល់ ក្នុងគោលបំណងបង្ហាញពីផលបះពាល់នៃច្បាប់ស្តីពីសហជីព។ តំណាងរាជរដ្ឋាភិបាល បានចេញមកទទូលលិខិតពីមេសហជីព ហើយអះអាងថា លិខិតនេះ នឹងត្រូវដាក់ជូនលោកនាយករដ្ឋមន្ត្រី ជាក់ជាមិនខាន។ នេះជាតំណាក់កាលចុងក្រោយហើយ ដែលមេសហជីពប្រមាណជា៣០នាក់ បានដាក់លិខិតរួមគ្នា ទៅកាន់លោកនាយករដ្ឋមន្ត្រីកម្ពុជា ដើម្បីសុំពិភាក្សាជុំវិញចំណុចអវិជ្ជមាននៃសេចក្តីព្រាងច្បាប់ស្តីពីសហជីព។ មេសហជីពទាំងនោះ ចង់ឲ្យរាជរដ្ឋាភិបាល ពិចារណសាជាថ្មី លើសេចក្តីព្រាងច្បាប់ស្តីពីសហជីព ដែលពួកគេព្រួយកង្វល់ថា អាចបង្កគ្រោះថ្នាក់ដល់សិទ្ធិសេរីភាពរបស់សហជីពនិងកម្មករនិយោជិកយ៉ាងធ្ងន់ធ្ងរ។
អានបន្ត -
ពលរដ្ឋមានទំនាស់ដីនៅបាត់ដំបងតវ៉ាឲ្យដោះលែងតំណាងម្នាក់
ប្រជាពលរដ្ឋមានទំនាស់ដីធ្លីនៅស្រុកសំពៅលូន ខេត្តបាត់ដំបង បានបរាជ័យជាថ្មីម្ដងទៀត រឿងស្នើឲ្យតុលាការដោះលែងតំណាងរបស់ពួកគាត់ម្នាក់ឲ្យមានសេរីភាព។ ប្រជាពលរដ្ឋប្រមាណ ៥០នាក់ កាលពីព្រឹកថ្ងៃទី២២ ខែមីនា តវ៉ាឲ្យតុលាការដោះលែងតំណាងនៅមុខសាលាដំបូងខេត្ត បន្ទាប់ពីឃុំខ្លួនក្នុងពន្ធនាគារជិត ២ខែមកហើយ។ ក្រុមអ្នកតវ៉ាបានកាន់រូបថតរបស់លោកនាយករដ្ឋមន្ត្រី ហ៊ុន សែន និងអ្នកស្រី ប៊ុន រ៉ានី និងមានសរសេរបដាដែលមានខ្លឹមសារសុំឲ្យអ្នកទាំង២ ជួយដោះលែងតំណាងរបស់ពួកគាត់ម្នាក់ ឈ្មោះ ឈន ឆាត អាយុ ៥៦ឆ្នាំ ឲ្យមានសេរីភាពឡើងវិញឆាប់រហ័ស។
អានបន្ត
គាំទ្រដោយ
