កំពុងស្វែងរកទិន្នន័យ
រកឃើញ: 13.146
-
អានបន្ត អ្នកជាប់ឃុំក្នុងពន្ធនាគារ កំពុងប្រឈមបញ្ហាសុខភាព និងពិបាករស់នៅក្នុងរដូវរងា
អ្នកជាប់ឃុំក្នុងពន្ធនាគារ កំពុងប្រឈមបញ្ហាសុខភាព និងលក្ខខណ្ឌរស់នៅប្រចាំថ្ងៃ ស្ថិត នៅក្នុងស្ថានភាពលំបាក នារដូវរងាឆ្នាំនេះ។ ចំណែក អ្នកជំនាញផ្នែកសុខភាពថា ជនជាប់ឃុំក្នុងពន្ធនាគារ ងាយនឹងឆ្លងជំងឺឆ្លងមួយចំនួន ដូចជារបេង ផ្ដាសាយធំ និងកមរមាស់ជាដើម បណ្ដាលមកពីបន្ទប់តូចចង្អៀត គ្មានអនាម័យ ខ្វះខាតអាហារ ដែលមានជីវជាតិ និងខ្វះទឹកស្អាតប្រើប្រាស់ជាដើម។ ចំណែកឯអ្នកនាំពាក្យអគ្គនាយកដ្ឋានពន្ធនាគារបានអះអាងថា បានត្រៀមភួយ និងកំពុងគិតគូររឿងទឹកស្អាតនេះ សម្រាប់អ្នកជាប់ឃុំរួចហើយ។
អានបន្ត -
អានបន្ត ពលករខ្មែរស្នើរដ្ឋាភិបាលឱ្យបន្តផ្ដល់សេវាលិខិតឆ្លងដែននៅស្ថានទូតកម្ពុជាប្រចាំប្រទេសកូរ៉េខាងត្បូង
ពលករខ្មែរស្នើរដ្ឋាភិបាលលោក ហ៊ុន ម៉ាណែត ឱ្យបន្តផ្ដល់សេវាលិខិតឆ្លងដែនដោយផ្ទាល់នៅស្ថានទូតកម្ពុជាប្រចាំប្រទេសកូរ៉េខាងត្បូង ដើម្បីជួយសម្រួលពេលវេលា និងកាត់បន្ថយការចំណាយរបស់ពលករ។ ការទាមទារនេះ ធ្វើឡើងក្រោយពីស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េខាងត្បូង ប្រកាសបិទបញ្ចប់ការផ្ដល់សេវាលិខិតឆ្លងដែនដល់ប្រជាពលរដ្ឋ ដែលកំពុងរស់នៅធ្វើការនិងសិក្សានៅប្រទេសកូរ៉េខាងត្បូង ចាប់ពីដើមខែវិច្ឆិកានេះទៅ។ ពលករខ្មែរនៅប្រទេសកូរ៉េខាងត្បូង នឹងជួបការលំបាក ក្រោយពេលរដ្ឋាភិបាលកម្ពុជាឈប់ផ្ដល់លិខិតឆ្លងដែនដល់ពួកគេនៅទីនោះ។
អានបន្ត -
អានបន្ត សាច់ញាតិកញ្ញា នួន តឿន ថា ថៅកែរោងចក្របញ្ឈប់គាត់ពីការងារជាការរើសអើងផ្នែកនយោបាយ
សាច់ញាតិពលករខ្មែរកញ្ញា នួន តឿន ដែលអាជ្ញាធរចាប់បញ្ជូនពីប្រទេសម៉ាឡេស៊ីយកមកជាប់គុកនៅកម្ពុជា ខកចិត្ត និងចាត់ទុកថៅកែរោងចក្រកាត់ដេរដែលសម្រេចបញ្ឈប់ការងារថា ជាការរើសអើងផ្នែកនយោបាយ។ មន្រ្តីសង្គមស៊ីវិលថា ប្រសិនបើការបញ្ឈប់ការងារម្តាយមីងរបស់កញ្ញា នួន តឿន ដោយសារតែមានក្មួយស្រីជាប់គុក ព្រោះនិយាយរិះគន់មេដឹកនាំរដ្ឋាភិបាលនោះជារឿងមិនត្រឹមត្រូវ និងធ្វើឱ្យគ្រួសាររួមទាំងជនជាប់ចោទកាន់តែរងសម្ពាធ ឈឺចាប់ថែមទៀត។ សាច់ញាតិរបស់កញ្ញា នួន តឿន មិនសុខចិត្តចំពោះថៅកែរោងចក្រ ឃីង អេសជី អឺភែរីល (KING SG APPAREL) នៅស្រុកបរសេដ្ឋ ខេត្តកំពង់ស្ពឺ ដែលបានបញ្ឈប់លោកស្រីពីការងារដោយគ្មានមូលហេតុត្រឹមត្រូវ។
អានបន្ត -
អានបន្ត អ្នកឃ្លាំមើលចង់ឃើញមានការលើកឡើងពីសិទ្ធិរបស់ជនជាតិដើម ខណៈមានការហែកឋិនទៅកម្ពុជាក្រោម
អ្នកឃ្លាំមើលចង់ឃើញរដ្ឋាភិបាលកម្ពុជាលើកឡើងពីបញ្ហាសិទ្ធិសេរីភាព ជំនឿសាសនា វប្បធម៌ និងការសិក្សាពីប្រវត្តិសាស្ត្រដល់ពលរដ្ឋខ្មែរកម្ពុជាក្រោមដើម្បីឲ្យអាជ្ញាធរវៀតណាមបើកទូលាយពីបញ្ហាទាំងនេះ។ ការលើកឡើងនេះកើតឡើង ចំពេលដែលរដ្ឋាភិបាលកម្ពុជាបានដង្ហែអង្គកឋិនទានមួយទៅកាន់ទឹកដីខ្មែរកម្ពុជាក្រោមនៅថ្ងៃទី៤ វិច្ឆិកានេះ។ ក្នុងពេលជាមួយគ្នា មានសេចក្តីរាយការណ៍ពីអង្គការខ្មែរកម្ពុជាក្រោម និងអ្នកសារព័ត៌មានដែលទៅតាមអង្គកឋិនទានថា អាជ្ញាធរវៀតណាមបានរារាំង និងដកហូតទូរស័ព្ទរបស់ពលរដ្ឋខ្មែរក្រោម និងព្រះសង្ឃមួយចំនួនដែលឡើងមកទទួលស្វាគមន៍អង្គកឋិនទាននេះ៕
អានបន្ត -
អានបន្ត លោក ហ៊ុន សែន៖ លី សាម៉េត មិនអាចរួចខ្លួនដោយការសុំទោសនោះទេ
ប្រធានព្រឹទ្ធសភា លោក ហ៊ុន សែន បញ្ជាក់ច្បាស់ថា លោក លី សាម៉េត ហៅគ្រូមា ដែលពីមុនធ្លាប់ជាទីប្រឹក្សារបស់លោក ហើយបានយកឈ្មោះលោកឆបោកអ្នកដទៃមានទឹកប្រាក់រាប់លានដុល្លារ មិនអាចរួចខ្លួនដោយការចេញមុខសុំទោសនោះទេ។ ការបញ្ជាប់បែបនេះ ធ្វើឡើងក្រោយពេលលោក លី សាម៉េត ដែលបានបាត់មុខមួយរយៈក្រោយ បានចេញមុខបកស្រាយនិងទទួលកំហុសនៅក្នុងវីដេអូឃ្លិបមួយ ដែលលោកបញ្ចេញនៅថ្ងៃនេះ។
អានបន្ត -
អានបន្ត អ្នកកាសែត លោក ម៉ិច ដារ៉ា ប្រកាសឈប់ធ្វើសារព័ត៌មាន
នៅក្នុងបទសម្ភាសន៍មួយជាមួយវីអូអេនៅផ្ទះរបស់លោកក្នុងរាជធានីភ្នំពេញ កាលពីថ្ងៃទី៣ ខែវិច្ឆិកា ឆ្នាំ២០២៤ លោក ម៉ិច ដារ៉ា ដែលគេស្គាល់ថាជាអ្នកកាសែតដែលហ៊ានរាយការណ៍ពីអំពើឆបោកតាមប្រព័ន្ធអនឡាញ និងការជួញដូរមនុស្សនៅកម្ពុជា លើកឡើងថាលោកលែងធ្វើជាអ្នកសារព័ត៌មានទៀតហើយ ដោយសារតែអារម្មណ៍ភិតភ័យ ហើយការចាប់ខ្លួននិងរស់នៅក្នុងពន្ធនាគារបានប៉ះទង្គិចចិត្ត និងអារម្មណ៍របស់លោកខ្លាំង ដែលធ្វើឱ្យលោកមិនអាចបំភ្លេចបាន។ លោកត្រូវបានចាប់ខ្លួន និងចោទប្រកាន់កាលពីចុងខែកញ្ញា ឆ្នាំ ២០២៤ ពីបទញុះញង់ ទាក់ទងនឹងការបង្ហោះព័ត៌មាននិងសារលើបណ្តាញសង្គម ដែលអាចប្រឈមនឹងការជាប់ពន្ធនាគាររយៈពេល ២ ឆ្នាំ។ លោកត្រូវបានដោះលែងឱ្យនៅក្រៅឃុំបណ្តោះអាសន្ន ប៉ុន្តែតុលាការបានដាក់បម្រាមមិនឱ្យលោកចេញទៅក្រៅប្រទេស។
អានបន្ត -
អានបន្ត អង្គការសមាគម២១ស្ថាប័នអំពាវនាវឱ្យរដ្ឋាភិបាលស៊ើបអង្កេតឧក្រិដ្ឋកម្មលើអ្នកកាសែតនិងអ្នកការពារសិទ្ធិមនុស្ស
អង្គការសមាគមជាង ២០ស្ថាប័ន អំពាវនាវឱ្យរដ្ឋាភិបាលកម្ពុជាចាត់វិធានការឱ្យបានឆាប់រហ័ស និងជាក់លាក់ ដើម្បីធានានូវការស៊ើបអង្កេតប្រកបដោយប្រសិទ្ធភាព ឯករាជ្យ និងតម្លាភាព ចំពោះឧក្រិដ្ឋកម្មលើអ្នកសារព័ត៌មាន និងអ្នកការពារសិទ្ធិមនុស្ស ដើម្បីបញ្ចប់អំពើនិទណ្ឌភាពនៅកម្ពុជា។ អង្គការសមាគមចំនួន ២១ស្ថាប័ន ដូចជា មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា (សមាគមអាដហុក) និងមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) ជាដើម បានចេញសេចក្តីថ្លែងការណ៍រួមគ្នានៅថ្ងៃទី១ វិច្ឆិកា នេះថា ការយាយី និងការគំរាមកំហែងលើអ្នកសារព័ត៌មាន នៅតែជាក្ដីបារម្ភនៅឆ្នាំ២០២៤ នេះ។
អានបន្ត -
អានបន្ត ស្ត្រីរងគ្រោះទៅប្រទេសចិនរៀបរាប់ពីការបង្ខំឱ្យរៀបការប្តីជាមនុស្សគ និងក្រុមគ្រួសារចិនធ្វើបាប
ស្ត្រីខ្មែរម្នាក់ដែលរងគ្រោះដោយអំពើជួញដូរនៅប្រទេសចិន បង្ហាញការឈឺចាប់ អស់សង្ឃឹម និងបាក់ទឹកចិត្តខ្លាំង បន្ទាប់ពីបាននាងត្រូវបានគេជួយសង្គ្រោះផុតពីការធ្វើទុក្ខបុកម្នេញធ្ងន់ធ្ងរ ហើយត្រឡប់មកជួបជុំគ្រួសារនៅស្រុកកំណើតវិញ។ ស្ត្រីរងគ្រោះថា នាងរងការធ្វើបាបទាំងរាងកាយ និងផ្លូវចិត្ត បើទោះបីជា នាងបានបង្កើតកូនឱ្យគ្រួសារចិនក៏ដោយ។
អានបន្ត -
អានបន្ត ពលរដ្ឋកូរ៉េខាងត្បូងម្នាក់នឹងត្រូវបណ្ដេញចេញពីកម្ពុជាដោយប្រើព័ត៌មានប្រឌិតដល់ក្រុមគ្រួសារ
យុវជនកូរ៉េខាងត្បូង ម្នាក់ នឹងត្រូវបណ្តេញចេញពីកម្ពុជា និងហាមមិនឱ្យចូលជាថ្មីឡើយ ដោយសារការលាក់បាំងពីក្រុមគ្រួសារពីមូលហេតុមកកម្ពុជា និងប្រើប្រាស់ព័ត៌មានប្រឌិតបង្កឱ្យមានការភ័ន្តច្រឡំថាមានអំពើបង្ខាំង ឬការធ្វើទារុណកម្ម។ យោងតាមសេចក្តីប្រកាសព័ត៌មានរបស់អគ្គស្នងការនគរបាលជាតិ នៅថ្ងៃទី១ ខែវិច្ឆិកា បានឲ្យដឹងថា យុវជនកូរ៉េខាងត្បូងម្នាក់នឹងត្រូវបណ្តេញចេញពីកម្ពុជា និងហាមមិនឱ្យចូលជាថ្មីឡើយ ដោយសារការលាក់បាំងពីក្រុមគ្រួសារពីមូលហេតុមកកម្ពុជា មូលហេតុដែលបានការងារធ្វើ និងស្ថានភាពខ្លួននៅអំឡុងពេលនៅកម្ពុជា។
អានបន្ត -
អានបន្ត សង្គមស៊ីវិលជំរុញក្រសួងមហាផ្ទៃ និងស្ថាប័នពាក់ព័ន្ធឱ្យស៊ើបអង្កេតករណីអ្នកជាប់ឃុំស្លាប់ នៅពន្ធនាគារខេត្តព្រះវិហារ
សង្គមស៊ីវិលជំរុញក្រសួងមហាផ្ទៃ និងស្ថាប័នពាក់ព័ន្ធឱ្យស៊ើបអង្កេតករណីអ្នកដែលជាប់ឃុំ ស្លាប់នៅពន្ធនាគារខេត្តព្រះវិហារ។ ការទាមទារនេះ ធ្វើឡើងបន្ទាប់ពីអ្នកជាប់ឃុំនៅពន្ធនាគារ ស្លាប់បន្តបន្ទាប់ ខណៈសាច់ញាតិជនរងគ្រោះទទូចដល់រដ្ឋាភិបាលឱ្យផ្ដល់យុត្តិធម៌។ ម្ដាយរបស់អ្នកស្លាប់ នៅពន្ធនាគារខេត្តព្រះវិហារ លោកស្រី ទឹក រាំ ប្រាប់វិទ្យុអាស៊ីសេរីថា កូនប្រុស ឈ្មោះ តែន អាយ ត្រូវបានតុលាការកាត់ទោសឱ្យជាប់ពន្ធនាគារ ៨ឆ្នាំ ករណីចាក់អ្នកដទៃ ប៉ុន្តែកូនរបស់គាត់ ទើបតែជាប់ឃុំបានជាង ៣ខែ ក៏ស្រាប់តែមន្ត្រីពន្ធនាគារទាក់ទងមកលោកស្រី ឱ្យទៅយកសពកូនប្រុស នៅមន្ទីរពេទ្យ ខេត្តព្រះវិហារទៅវិញ។
អានបន្ត -
អានបន្ត អង្គការសង្គមស៊ីវិលស្នើរដ្ឋាភិបាលពន្លឿនការស៊ើបអង្កេតឃាតកម្មលើអ្នកសារព័ត៌មាននៅកម្ពុជា
អង្គការសង្គមស៊ីវិលដែលធ្វើការការពារសិទ្ធិមនុស្ស លទ្ធិប្រជាធិបតេយ្យ និងសេរីភាពសារព័ត៌មាន ស្នើរដ្ឋាភិបាលពន្លឿនការស៊ើបអង្កេតឃាតកម្មលើអ្នកសារព័ត៌មាននៅកម្ពុជា ខណៈដែលមានការប្រារព្ធទិវាស្តីពីការបញ្ចប់និទណ្ឌភាពនៃឧក្រិដ្ឋកម្មលើអ្នកសារព័ត៌មាន នៅថ្ងៃទី២ខែវិច្ឆិកា។ បើតាមសេចក្តីការណ៍រួមរបស់អង្គការសង្គមស៊ីវិល គិតពីឆ្នាំ១៩៩៤មក អ្នកសារព័ត៌មានក្នុងប្រទេសកម្ពុជាយ៉ាងហោចណាស់ចំនូន ១៥ នាក់ ត្រូវបានសម្លាប់ ហើយថាពួកគេនៅមិនទាន់ទទួលបានយុត្តិធម៌នៅឡើយ។
អានបន្ត -
អានបន្ត អ្នកភូមិនៅខេត្តព្រះវិហារព្រួយបារម្ភពីជីវភាពក្រោយពីអាជ្ញាធរ និងតំណាងក្រុមហ៊ុន ហាមពួកគាត់មិនឱ្យប្រមូលផលស្រូវ
អ្នកភូមិប្រមាណ ១០០គ្រួសារ នៅខេត្តព្រះវិហារ ព្រួយបារម្ភពីជីវភាពកាន់តែលំបាក ក្រោយពីអាជ្ញាធរ និងតំណាងក្រុមហ៊ុនចិន ហេង ហ្វូ គ្រុប ស៊ូហ្គឺរ អីនដាស្ទ្រី (Hengfu Group Sugar Industry) បន្តហាមអ្នកភូមិមិនឱ្យច្រូតស្រូវ ហើយគេចវេះមិនដោះស្រាយបញ្ហា។ ការលើកឡើងនេះ ធ្វើឡើយក្រោយពេល ដែលអ្នកភូមិបានមករង់ចាំជួបអាជ្ញាធរខេត្ត ដែលសន្យាថា នឹងដោះស្រាយបញ្ហាបញ្ចប់ នៅថ្ងៃទី២ ខែវិច្ឆិកា ប៉ុន្តែអាជ្ញាធរកុហកមិនមកជួបពលរដ្ឋនោះឡើយ។
អានបន្ត -
អានបន្ត ធនាគារអភិវឌ្ឍន៍អាស៊ីបានផ្តល់ប្រាក់កម្ចី៨០លានដុល្លាដើម្បីពង្រឹងគុណភាពការអប់រំថ្នាក់មធ្យមសិក្សា
ធនាគារអភិវឌ្ឍន៍អាស៊ី (ADB) នៅថ្ងៃទី ៣១ ខែវិច្ឆកា ឆ្នាំ២០២៤ បានអនុម័តប្រាក់កម្ចីចំនួន៨០លានដុល្លារ ដើម្បីពង្រឹងការអប់រំកម្រិតមធ្យមសិក្សានៅកម្ពុជា។ ដោយផ្តោតលើជំនាញ «សតវត្សទី២១» ក្នុងការពង្រឹងវិស័យការសិក្សាដោយមានភាពច្នៃប្រឌិត ការបង្រៀនដោយបរិយាបន្នសម្រាប់ទាំងសិស្សស្រី និងសិស្សប្រុស ដើម្បីត្រួសត្រាយផ្លូវសម្រាប់ការអប់រំក្រោយមធ្យមសិក្សា។ នៅក្នុងគម្រោងមួយនេះ គឺផ្តោតសំខាន់ក្នុងវិស័យអប់រំថ្នាក់មធ្យមសិក្សាដើម្បីពង្រឹងសមត្ថភាពប្រកួតប្រជែងផ្នែកមូលធនមនុស្ស និងបង្កើនការសាងសង់ចំនួនអគារសិក្សាបន្ថែមដែលធន់នឹងអាកាសធាតុប្រកបដោយបរិយាបន្ន(រួមទាំងបន្ទប់រៀនបន្ថែមចំនួន៤០០) ដើម្បីដោះស្រាយស្ថានភាពចង្អៀតក្នុងថ្នាក់រៀន និងពង្រីកលទ្ធភាពទទួលបានការអប់រំ មធ្យមសិក្សាទុតិយភូមិប្រកបដោយគុណភាព។
អានបន្ត -
អានបន្ត សហគមន៍ព្រៃឈើប្រាំបីមុម អំពាវនាវរកជំនួយ ដើម្បីបន្តចុះល្បាត ដោះអន្ទាក់ការពារសត្វព្រៃ
សហគមន៍ព្រៃឈើប្រាំបីមុមក្នុងខេត្តកំពង់ស្ពឺអំពាវនាវដល់សប្បុរសជនឱ្យជួយផ្តល់សម្ភារៈល្បាត ដើម្បីបន្តការងារអភិរក្សសត្វព្រៃរាប់រយក្បាល និងធនធានធម្មជាតិផ្សេងៗទៀត សម្រាប់មនុស្សជំនាន់ក្រោយ។ សហគមន៍បានលើកឡើងថា អន្ទាក់នៅតែជាកត្តា គំរាមកំហែង ដល់ពពួកសត្វព្រៃ ដែលទាមទារឱ្យគណៈកម្មការសហគមន៍១៤នាក់ ដាក់វេនគ្នាចុះល្បាតទាំងថ្ងៃ ទាំងយប់ ជារៀងរាល់ថ្ងៃ ដើម្បីទប់ស្កាត់បទល្មើស។
អានបន្ត -
អានបន្ត ក្រសួងជួយអ្នកសារព័ត៌មានផ្នែកច្បាប់ជិត៤០ករណី ខណៈនៅតែបារម្ភពីព័ត៌មានក្លែងក្លាយលើបណ្ដាញសង្គម
ក្រសួងព័ត៌មានបានឱ្យដឹងថា ក្រសួងបានផ្ដល់កិច្ចគាំពារផ្នែកច្បាប់ដល់អ្នកសារព័ត៌មានជិត ៤០ករណីក្នុងរយៈពេល ៩ខែនៃឆ្នាំ២០២៤។ លោក ទេព អស្នារិទ្ធ អ្នកនាំពាក្យក្រសួងព័ត៌មាន បានថ្លែងនៅក្នុងសន្និសីទកាលពីថ្ងៃទី៣១ ខែតុលាស្តីពី «ទំនុកចិត្តលើសារព័ត៌មានកម្ពុជា៖ សារព័ត៌មានប្រកបដោយក្រមសីលធម៌សម្រាប់ប្រយោជន៍សាធារណៈ» ថា ក្នុងឆមាសទី១ នៃឆ្នាំ២០២៤ ក្រសួងព័ត៌មាន បានផ្តល់ការគាំពារផ្នែកច្បាប់ដល់អ្នកសារព័ត៌មានដែលបានចុះបញ្ជីត្រឹមត្រូវ ហើយបានជួបប្រទះនឹងបញ្ហាក្នុងពេលបំពេញការងារ។ លោកបានឱ្យដឹងថា ក្រសួងបានសម្របសម្រួលស្វែងរកដំណោះស្រាយចំពោះវិវាទ និងបញ្ហានានា សរុបចំនួន ២០ករណី និងកំពុងជួយជ្រោមជ្រែងដល់ដំណើរការផ្តល់មេធាវីការពារក្តីក្នុងនីតិវិធីតុលាការលើករណីវិវាទមួយចំនួនទៀត។
អានបន្ត -
អានបន្ត ក្រុមអង្គការសង្គមស៊ីវិលស្នើឱ្យរដ្ឋាភិបាលកម្ពុជា បញ្ចប់និទ្ទណ្ឌភាព នៃឧក្រិដ្ឋកម្មលើអ្នកសារព័ត៌មាន
ក្រុមអង្គការសង្គមស៊ីវិល ចំនួន ២១ស្ថាប័ន ស្នើឱ្យរដ្ឋាភិបាលកម្ពុជាបញ្ចប់និទ្ទណ្ឌភាពនៃឧក្រិដ្ឋកម្មប្រឆាំងលើអ្នកសារព័ត៌មាន។ ការស្នើសុំនេះ ធ្វើឡើងតាមរយៈសេចក្ដីថ្លែងការណ៍រួម ចេញនៅថ្ងៃទី១ ខែវិច្ឆិកាក្នុងទិវាអន្តរជាតិ ដើម្បីបញ្ចប់និទ្ទណ្ឌភាពនៃឧក្រិដ្ឋកម្មលើអ្នកសារព័ត៌មាន។ ក្រុមអង្គការសង្គមស៊ីវិលទាំងនោះ រួមមានសមាគមសម្ព័ន្ធអ្នកសារព័ត៌មានកម្ពុជា (CamboJA) មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) និង មជ្ឈមណ្ឌលសិទ្ធិមនុស្សកម្ពុជា (CCHR) ជាដើម បានអំពាវនាវដល់រដ្ឋាភិបាលធានានូវការស៊ើបអង្កេតប្រកបដោយប្រសិទ្ធភាព ឯករាជ្យ និងតម្លាភាព ចំពោះឧក្រិដ្ឋកម្មលើអ្នកសារព័ត៌មាន និងអ្នកការពារសិទ្ធិមនុស្ស។
អានបន្ត -
អានបន្ត កម្ពុជាជាប់លេខ២ក្នុងចំណោមប្រទេសសមាជិកអាស៊ានដែលមានពលរដ្ឋមិនចេះអក្សរច្រើនជាងគេ
កម្ពុជា ជាប់ចំណាត់ថ្នាក់លេខ២ ជាប្រទេសដែលមានពលរដ្ឋមិនចេះអក្សរច្រើនជាងគេ ក្នុងចំណោមប្រទេសជាសមាជិកអាស៊ានទាំង១១ សម្រាប់ឆ្នាំ២០២៤ នេះ ខណៈប្រទេសទីម័រខាងកើត ជាប់លេខ១។
អានបន្ត -
អានបន្ត អង្គការយូណេស្កូស្នើទម្លាក់បទចោទលើលោក ម៉ិច ដារ៉ា និងជំរុញឱ្យធានាសេរីភាពសារព័ត៌មាន
តំណាងអង្គការយូណេស្កូក្នុងប្រទេសកម្ពុជាដែលជាស្ថាប័នរបស់អង្គការសហប្រជាជាតិបានអំពាវនាវឱ្យទម្លាក់ចោលបទចោទលើអ្នកកាសែត លោក ម៉ិច ដារ៉ា និងអំពាវនាវឱ្យរដ្ឋាភិបាលធានាសេរីភាពសារព័ត៌មាន និងសុវត្ថិភាពរបស់អ្នកសារព័ត៌មាន តាមរយៈការបង្កើតយន្តការច្បាប់ដែលការពារអ្នកសារព័ត៌មាន។ ការណ៍ថ្លែងបែបនេះនៅក្នុងពិធីអបអរខួបលើកទី១០នៃការបញ្ចប់និទណ្ឌភាពចំពោះឧក្រិដ្ឋកម្មប្រឆាំងនឹងអ្នកសារព័ត៌មាន ដែលធ្វើឡើងនៅថ្ងៃសុក្រ ក្នុងរាជធានីភ្នំពេញ។
អានបន្ត -
អានបន្ត អ្នកនាំពាក្យ៖អ្នកសារព័ត៌មានដែលគោរពក្រមសីលធម៌វិជ្ជាជីវៈជាផ្នែកដ៏សំខាន់មិនអាចខ្វះបានក្នុងសង្គមឌីជីថល
លោក ទេព អស្នារិទ្ធ អនុរដ្ឋលេខាធិការ និងអ្នកនាំពាក្យក្រសួងព័ត៌មាន បានថ្លែងថា អ្នកសារព័ត៌មានដែលគោរពក្រមសីលធម៌វិជ្ជាជីវៈ ជាផ្នែកដ៏សំខាន់មួយមិនអាចខ្វះបានក្នុងសង្គមឌីជីថល ព្រោះការផ្សាយពិតរបស់អ្នកសារព័ត៌មានដែលមានវិជ្ជាជីវៈនិងក្រមសីលធម៌ត្រឹមត្រូវ នឹងក្លាយជាប្រភពសម្រាប់ការផ្ទៀងផ្ទាត់នូវសុក្រឹតភាពនៃព័ត៌មាន ផ្តល់ភាពជឿទុកចិត្តបានក្នុងមជ្ឈដ្ឋានសាធារណជនទូទៅ ខណៈព័ត៌មានក្លែងក្លាយបាននិងកំពុងរីកសាយភាយច្រើនឡើងជារៀងរាល់ថ្ងៃ។ អ្នកនាំពាក្យក្រសួងព័ត៌មានថ្លែងបែបនេះ ក្នុងឱកាសចូលរួមក្នុងសន្និសីទស្តីពី៖ «ទំនុកចិត្តលើសារព័ត៌មានកម្ពុជា៖ សារព័ត៌មានប្រកបដោយក្រមសីលធម៌សម្រាប់ប្រយោជន៍សាធារណៈ» ដែលរៀបចំដោយសមាគមសម្ព័ន្ធអ្នកសារព័ត៌មានកម្ពុជា នាថ្ងៃទី៣១ ខែតុលា ឆ្នាំ២០២៤។
អានបន្ត -
អានបន្ត រដ្ឋាភិបាលរងការរិះគន់ថា ព្យាយាមបិទបាំងព័ត៌មានអំពីការបង្ក្រាបទីតាំងនៃសម្បុកឧក្រិដ្ឋជនឆបោកអនឡាញ
អាជ្ញាធរនៃរដ្ឋាភិបាលលោក ហ៊ុន ម៉ាណែត រងការរិះគន់ថា ព្យាយាមបិទបាំងព័ត៌មានអំពីការបង្ក្រាបទីតាំងនៃសម្បុកឧក្រិដ្ឋជនឆបោកតាមអនឡាញ។ អ្នកឃ្លាំមើលថា ការណ៍ដែលរដ្ឋាភិបាលមិនបង្ហាញតម្លាភាព និងបិទបាំងជនសង្ស័យពាក់ព័ន្ធនឹងអំពើឆបោកតាមអនឡាញ (Online) នោះ នឹងធ្វើឱ្យមហាជន និងអន្តរជាតិកាន់តែអស់ជំនឿលើការអនុវត្តច្បាប់ និងមានមន្ទិលសង្ស័យអំពីការប្រព្រឹត្តអំពើពុករលួយរបស់អាជ្ញាធរសម្រួលឱ្យក្រុមជនល្មើសអាចផ្លាស់ប្ដូរទីកន្លែងសម្រាប់ប្រតិបត្តិការអំពើឆបោកតាមអនឡាញពីមួយកន្លែងទៅមួយកន្លែងនៅលើទឹកដីខ្មែរ។
អានបន្ត
គាំទ្រដោយ
