នគរបាលចរាចរណ៍បានគំរាមចាប់ខ្លួន និងចាត់វិធានការផ្លូវច្បាប់លើលោក សួន វុត្ថា ដែលជាអ្នកសារព័ត៌មានពលរដ្ឋ បន្ទាប់ពីលោកបានថតវីដេអូរនគរបាលដែលបានទទួលសំណូក ជាថ្នូរនឹងការបិទភ្នែកធ្វើមិនដឹងចំពោះអំពើបំពានច្បាប់ចរាចរណ៍នៅចំណុចត្រួតពិនិត្យមួយកន្លែងនៅស្រុកលើកដែក ខេត្តកណ្តាល។ លោក វុត្ថា ត្រូវបានឃាត់ខ្លួនអស់ពេលជាង១ម៉ោងដើម្បីសួរចម្លើយ។ នគរបាលបានសួររកលិខិតបេសកកម្ម និងអត្តសញ្ញាណប័ណ្ណរបស់គាត់ និងបញ្ជាឱ្យគាត់លុបវីដេអូដែលលោកបានថតពីការសូកប៉ាន់ និងចុះហត្ថលេខាបញ្ឈប់សកម្មភាព ដែលលោកបានយល់ព្រមដើម្បីទទួលបានការដោះលែង។