កំពុងស្វែងរកទិន្នន័យ
រកឃើញ: 12.438
-
អ្នកជំនាញសុខភាព៖ ការពិចារណាបិទខេត្តជាបណ្តោះអាសន្នមិនមែនជាជម្រើសល្អ នៅក្នុងបរិបទកូវីដ១៩នៅតាមខេត្តជាយដែននោះទេ
ករណីពលករខ្មែរត្រលប់មកពីប្រទេសថៃមានវិជ្ជមានកូវីដ១៩ បានកើនឡើងជាបន្តបន្ទាប់រយៈពេលប៉ុន្មានថ្ងៃមកនេះ។ នៅក្នុងបរិបទនៃការឆ្លងកូវីដ១៩លើពលករខ្មែរនេះ អ្នកជំនាញផ្នែកសុខភាព បានថ្លែងប្រាប់វិទ្យុបារាំងអន្តរជាតិនៅថ្ងៃសុក្រនេះថា ការពិចារណាលើការបិទខ្ទប់ខេត្តមួយចំនួននៅតាមតំបន់ព្រំដែនជាប់ប្រទេសថៃមិនមែនជាដំណោះស្រាយដើម្បីបង្ការជំងឺកូវីដ១៩នោះទេ ក៏ប៉ុន្តែអ្វីដែលចាំបាច់នៅពេលនេះគឺពង្រឹងការអនុវត្តវិធានសុវត្ថិភាពសុខភាពឲ្យបានម៉ឺងម៉ាត់ និងតឹងរ៉ឹងបំផុត។
អានបន្ត -
តុលាការលើកពេលទៅបន្តបើកសវនាការសំណុំរឿងលោករ៉ុង ឈុន នៅដើមខែក្រោយ
តុលាការសាលាដំបូងរាជធានីភ្នំពេញនៅព្រឹកថ្ងៃសុក្រនេះ បានបើកសវនាការជំនុំជម្រះលើសំណុំរឿងព្រំដែនរបស់លោករ៉ុង ឈុន ប្រធានសហភាពសហជីពកម្ពុជា។ លោករ៉ុង ឈុន ត្រូវបានតុលាការចោទប្រកាន់ញុះញង់ឱ្យមានការប្រព្រឹត្តបទឧក្រិដ្ឋជាអាទិ៍ និងត្រូវបានឃុំខ្លួនបណ្តោះអាសន្ននៅក្នុងពន្ធនាគារព្រៃសរ។ លោកសំ សុគង់ មេធាវីការពារក្តីឱ្យលោករ៉ុង ឈុន បានអះអាងថា បន្ទាប់ពីសួរដេញដោលពេញមួយព្រឹកនេះ ក្រុមប្រឹក្សាជំនុំជម្រះបានសម្រេចលើកសំណុំរឿងលោករ៉ុង ឈុន ទៅបន្តបើកសវនាការនៅថ្ងៃទី០៣ ខែកុម្ភៈ ឆ្នាំ២០២១ខាងមុខនេះ។
អានបន្ត -
បញ្ហាដីធ្លី៖ អាជ្ញាធរនិងប្រជាពលរដ្ឋបឹងសំរោងជាង៣០គ្រួសារ ប៉ះទង្គិចគ្នានៅពេលអាជ្ញាធរចុះអនុវត្តន៍នីតិវិធី
ប្រជាពលរដ្ឋសហគមន៍បឹងសំរោងចំនួន៣២គ្រួសារ បានប៉ះទង្គិចគ្នា ដោយហិង្សាជាមួយអាជ្ញាធរខណ្ឌព្រែកព្នៅនៅព្រឹកថ្ងៃទី ១៥ មករានេះ នៅពេលដែលអាជ្ញាធរបានចុះទៅអនុវត្តន៍អាររម្លំលំនៅដ្ឋានរបស់ប្រជាពលរដ្ឋ១០គ្រួសារ ដែលស្ម័គ្រចិត្តចាកចេញជាថ្នូនឹងគោលនយោបាយរបស់រដ្ឋាភិបាល។ ទំនាស់ដីធ្លីរវាងប្រជាពលរដ្ឋនិងអាជ្ញាធរនេះ គឺកើតឡើងបន្ទាប់ពីរដ្ឋាភិបាលសម្រេចធ្វើអនុបយោគបឹងសំរោង ស្ថិតនៅក្នុងខណ្ឌព្រែកព្នៅ រាជធានីភ្នំពេញ ពីទ្រព្យសម្បត្តិ សាធារណៈរបស់រដ្ឋទៅជាទ្រព្យសម្បត្តិឯកជនរបស់រដ្ឋ កាលពីខែមេសាឆ្នាំ២០១៩។
អានបន្ត -
តុលាការចាប់ផ្តើមសួរឆ្លើយលើមន្រ្តី និងសកម្មជនអតីតបក្សប្រឆាំងរឿងរួមគំនិតក្បត់ និងញុះញង់ឱ្យប្រព្រឹត្តបទល្មើស
នៅព្រឹកថ្ងៃព្រហស្បតិ៍នេះ សាលាដំបូងរាជធានីភ្នំពេញ បានបើកសវនាការសួរឆ្លើយទៅលើមន្រ្តី និងសកម្មជនអតីតគណបក្សសង្រ្គោះជាតិប្រមាណ៦០នាក់នៅក្នុងសំណុំរឿងរួមគំនិតក្បត់ និងញុះញង់ឱ្យប្រព្រឹត្តបទល្មើសជាអាទិ៍។ សវនាការនៅព្រឹកនេះ មិនទាន់មានការសម្រេចជាផ្លូវការបែបណានោះទេ។ ប៉ុន្តែ អ្នកការពារសិទ្ធិមនុស្សអង្គការសហប្រជាជាតិបានសម្តែងកង្វល់ចំពោះសវនាការលើមនុស្សច្រើននាក់នេះដោយថា ការទទួលបានការជំនុំជម្រះដោយយុត្តិធម៌របស់ពួកគេប្រឈមនឹងហានិភ័យ។
អានបន្ត -
លោក កឹម សុខា ថានឹងប្រាប់បរទេសពីកិច្ចខិតខំរបស់រដ្ឋាភិបាលកម្ពុជាក្នុងការទប់ស្កាត់ជំងឺកូវីដ១៩
មេដឹកនាំអតីតគណបក្សប្រឆាំង អះអាងថា លោកនឹងពាំនាំការខិតខំរបស់កម្ពុជាក្នុងការទប់ស្កាត់ជំងឺកូវីដ១៩ និងសុខទុក្ខរបស់ពលករខ្មែរ ទៅប្រាប់មិត្តបរទេសដែលជួយកម្ពុជា ខណៈខេត្តនៅតាមព្រំដែនកំពុងមមាញឹកលើការការពារនិងទប់ស្កាត់ការឆ្លងរាលដាលជំងឺកូវីដ១៩ក្នុងចំណោមពលករដែលទើបត្រឡប់មកពីថៃ។
អានបន្ត -
បញ្ជាការដ្ឋានទ័ពពិសេស៖ វរសេនីយ៍ត្រី លឹម សាយ ជាគ្រូបង្វឹកលោតឆត្រយោង បានលោតខុសលក្ខណៈបច្ចេកទេស បានពលីជីវិតហើយ
ភ្នំពេញ៖ បញ្ជាការដ្ឋានទ័ពពិសេស នៅរសៀលថ្ងៃទី១៤ ខែមករា ឆ្នាំ២០២១នេះ បានចេញផ្សាយព័ត៌មានថា លោកវរសេនីយ៍ត្រី លឹម សាយ ជាគ្រូបង្វឹកលោតឆត្រយោង បានលោតខុសលក្ខណៈបច្ចេកទេស ក្នុងការបញ្ជាឆត្រ បានធ្វើឲ្យមានគ្រោះថ្នាក់រងរបួសធ្ងន់ , បន្ទាប់មកត្រូវបានអង្គភាពដឹកយកទៅសង្គ្រោះបន្ទាន់ នៅមន្ទីរពេទ្យបង្អែកខេត្តកំពង់ស្ពឺ រហូតដល់វេលាម៉ោង12និង30 នាទីទើបអង្គភាពទទួលបានដំណឹងថា លោកវរសេនីយ៍ត្រី បានពលីជីវិតទៅហើយ។
អានបន្ត -
លោក កែវ វណ្ណថន៖ ជនបរទេសជិត ២៧០ ០០០នាក់ ត្រូវបានដាក់ឲ្យស្ថិតក្នុងប្រព័ន្ធគ្រប់គ្រងថ្មីដែលងាយស្រួលគ្រប់គ្រង
អគ្គនាយកដ្ឋានអន្តោប្រវេសន៍ កាលពីថ្ងៃទី១៣ខែមករា ឆ្នាំ២០២១នេះ បានដាក់ចេញនូវប្រព័ន្ធគ្រប់គ្រងជនបរទេសថ្មី(FPCS) ដែលអ្នកជំនាញផ្នែកយល់ថា ជាប្រព័ន្ធមួយងាយស្រួលក្នុងការគ្រប់គ្រងទិន្នន័យជនបរទេសនៅកម្ពុជាមានភាពច្បាស់លាស់ជាងមុន។ ប្រព័ន្ធនេះ នឹងជួយដល់មន្រ្តីអន្តោប្រវេសន៍ក្នុងការស្វែងរកជនបរទេស ដែលកំពុងស្នាក់នៅប្រទេសកម្ពុជា ជាពិសេសជនបរទេសណាមួយ ដែលមានជាប់ពាក់ព័ន្ធនឹងការប្រព្រឹត្តបទល្មើសជាដើម។
អានបន្ត -
កម្ពុជារកឃើញអ្នកឆ្លងជំងឺកូវីដចំនួន១៣នាក់បន្ថែមទៀត និងមានអ្នកជាសះស្បើយម្នាក់
ក្រសួងសុខាភិបាលប្រកាសពីការរកឃើញករណីឆ្លងជំងឺកូវីដ១៩ចំនួន១៣នាក់បន្ថែមទៀត ក្នុងនោះមានពលករខ្មែរដែលទើបមកពីប្រទេសថៃចំនួន៨នាក់ និងអ្នកធ្វើដំណើរមកពីក្រៅប្រទេស៥នាក់។
អានបន្ត -
Moody៖ កម្ពុជាមិនងាយរងគ្រោះដោយបំណុលបរទេសនោះទេ
របាយការណ៍នៃទីភ្នាក់ងារវាយតម្លៃឥណទានពិភពលោក Moody’s Investor Service បានឲ្យដឹងថាភាពងាយរងគ្រោះនៃបំណុលរបស់កម្ពុជានៅតែស្ថិតនៅក្នុងស្ថានភាពដែលអាចគ្រប់គ្រងបាន។
អានបន្ត -
HRW ជំរុញឲ្យសហគមន៍អន្តរជាតិ ចាត់វិធានការណ៍ជាក់លាក់ដើម្បីធានាថា រដ្ឋាភិបាលកម្ពុជាគោរពតាមកាតព្វកិច្ចជាអន្តរជាតិនៃសិទ្ធិមនុស្ស
អង្គការឃ្លាំមើលសិទ្ធិមនុស្សអន្តរជាតិ (Human Rights Watch) ជំរុញឲ្យទីភ្នាក់ងារអង្គការសហប្រជាជាតិ និងក្រុមប្រទេសម្ចាស់ជំនួយ ដាក់ចេញនូវស្តង់ដារជាក់លាក់ និងច្បាស់លាស់មួយនៅក្នុងឆ្នាំ២០២១នេះ ដើម្បីធានាថា រដ្ឋាភិបាលកម្ពុជាគោរពតាមកាតព្វកិច្ចជាអន្តរជាតិរបស់ខ្លួនជុំវិញការគោរពសិទ្ធិមនុស្សនៅកម្ពុជា។ ទន្ទឹមនឹងនេះ អង្គការនេះ ក៏ចង់ឃើញឲ្យសហគមន៍អន្តរជាតិ ដាក់ចេញនូវវិធានការណ៍នានាដែលរដ្ឋាភិបាលកម្ពុជា នឹងត្រូវទទួលរងប្រសិនបើកម្ពុជា បរាជ័យក្នុងការគោរពតាមគោលការណ៍សិទ្ធិមនុស្សជាអន្តរជាតិ។
អានបន្ត -
នាយករដ្ឋមន្ត្រីចេញអនុក្រឹត្យកាត់បន្ថយការចំណាយលើបេសកកម្ម
លោកនាយករដ្ឋមន្ត្រី ហ៊ុន សែន នៅថ្ងៃអង្គារនេះបានចេញអនុក្រឹត្យស្តីពីជំហានកាត់បន្ថយការចំណាយរបស់រដ្ឋាភិបាលសម្រាប់បេសកកម្មក្នុងស្រុក និងបរទេសសម្រាប់រដ្ឋបាលថ្នាក់ជាតិ និងថ្នាក់ក្រោមជាតិដោយសារជំងឺកូវីដ-១៩ ។
អានបន្ត -
គ.ជ.ប បដិសេធរបាយការណ៍របស់ LDP
គណៈកម្មាធិការជាតិរៀបចំការបោះឆ្នោត (គជប) បានប្រកាសថាបញ្ជីឈ្មោះនិងដំណើរការចុះឈ្មោះបោះឆ្នោតសម្រាប់ឆ្នាំ ២០២០ មានភាពត្រឹមត្រូវនិងទទួលបានជោគជ័យដោយបដិសេធការអះអាងរបស់គណបក្សសម្ព័ន្ធដើម្បីប្រជាធិបតេយ្យ (LDP) ។
អានបន្ត -
អភិបាលក្រុងព្រះសីហនុ៖ ឆ្នាំ២០២០ បទល្មើសឧក្រិដ្ឋនិងមជ្ឈឹមថយចុះ តែបទល្មើសគ្រឿងញៀនកើនឡើង
នៅក្នុងសន្និសីទសារព័ត៌មានស្ដីពី «វឌ្ឍនភាពមូលដ្ឋាន ឃុំ សង្កាត់ និងទិសដៅការងារបន្ដ» ដែលរៀបចំឡើងដោយអង្គភាពអ្នកនាំពាក្យរដ្ឋាភិបាលនាព្រឹកថ្ងៃព្រហស្បតិ៍នេះ លោក អ៊ី សុខឡេង អភិបាលក្រុងព្រះសីហនុបានថ្លែងថា បទល្មើសឧក្រិដ្ឋ និងបទល្មើសមជ្ឈឹមនៅខេត្តព្រះសីហនុនៅឆ្នាំ២០២០កន្លងទៅ មានការថយចុះ ក្នុងចំណោមបទល្មើសគ្រប់ប្រភេទសរុបជិត៣០០ករណី។ ដោយឡែក បទល្មើសគ្រឿងញៀន មានការកើនឡើង៧ករណី ធៀបទៅនឹងឆ្នាំ ២០១៩ ដោយឆ្នាំ២០១៩ មាន៤៨ករណី តែឆ្នាំ២០២០ បានកើនដល់៥៥ករណី។ លោក អ៊ី សុខឡេង បញ្ជាក់ថា ការធ្វើរដ្ឋបាលនៅខេត្តព្រះសីហនុ ខុសពីនៅភ្នំពេញ ដោយខេត្តព្រះសីហនុ ធ្វើរដ្ឋបាលតែនៅពេលព្រឹក ដោយសារជនប្រព្រឹត្តបទល្មើស សម្រាកនៅទីតាំងរបស់ពួកគេ និងងាយរកឃើញនូវវត្ថុតាងប្រព្រឹត្តបទល្មើសនានា។
អានបន្ត -
ក្រសួងបរិស្ថានបង្ក្រាបបទល្មើសធនធានធម្មជាតិបានជិត៩ពាន់ករណីក្នុងឆ្នាំ២០២០
មន្ត្រីជាន់ខ្ពស់ក្រសួងបរិស្ថាន ឱ្យដឹងថា ក្នុងឆ្នាំ២០២០ មន្ត្រីឧទ្យានុរក្សនិងស្ថាប័នពាក់ព័ន្ធ បានទប់ស្កាត់និងបង្ក្រាបបទល្មើសធនធានធម្មជាតិបានជិត៩ ០០០ករណី ដែលចំនួនបង្ក្រាបនេះមានការកើនឡើងប្រមាណ៣០% បើបៀបធៀបនឹងឆ្នាំ២០១៩។
អានបន្ត -
ធនាគារជាតិកម្ពុជាជាប់ជាធនាគារកណ្តាលនៅក្នុងតំបន់អាស៊ីប៉ាស៊ីហ្វិក
ធនាគារជាតិកម្ពុជា NBC បានជាប់ជាធនាគារកណ្តាលឆ្នាំ២០២១ប្រចាំតំបន់អាស៊ីប៉ាស៊ីហ្វិក តាមរយៈការគ្រប់គ្រងបានល្អ ដើម្បីជំរុញកំណើននិងស្ថេរភាពសេដ្ឋកិច្ច ក្នុងពេលកម្ពុជាបានរងផលប៉ះពាល់ពីវិបត្តិនៃជំងឺកូវីដ១៩នៅឆ្នាំ២០២០។ នេះបើតាមគេហទំព័រផ្នែកសេដ្ឋកិច្ចនិងហិរញ្ញវត្ថុជាសកល The Banker ចុះផ្សាយនៅថ្ងៃទី៣១ធ្នូ២០២០។
អានបន្ត -
អ្នកសារព័ត៌មានជំរុញឱ្យមន្ត្រីនាំពាក្យបំពេញតួនាទីឱ្យបានពេញលេញ
អ្នកសារព័ត៌មាន និងអង្គការសង្គមស៊ីវិលផ្នែកប្រព័ន្ធផ្សព្វផ្សាយ ស្នើសុំយ៉ាងទទូចដល់មន្ត្រីនាំពាក្យតាមស្ថាប័នរដ្ឋ ឱ្យបំពេញតួនាទីរបស់ខ្លួនពេញលេញ។ ការលើកឡើងបែបនេះ ដោយសារមន្ត្រីនាំពាក្យតាមស្ថាប័នមួយចំនួនពិបាកទាក់ទង និងរើសអើង ក្នុងការផ្តល់ព័ត៌មានជូនអ្នកសារព័ត៌មាន។ ប្រធានអង្គភាពអ្នកនាំពាក្យរដ្ឋាភិបាលជំរុញឱ្យអ្នកសារព័ត៌មានសរសេរលិខិតផ្លូវការ ដាក់ជូនអង្គភាពមួយនេះ ដើម្បីរកដំណោះស្រាយ។
អានបន្ត -
មន្ត្រីបក្សសង្គ្រោះជាតិអះអាងថា សម្ពន្ធភាពរវាងលោក សម រង្ស៊ី និងលោក កឹម សុខា នៅតែរឹងមាំ
មន្ត្រីជាន់ខ្ពស់គណបក្សសង្គ្រោះជាតិអះអាងថា សម្ពន្ធភាពរវាងមេដឹកនាំគណបក្សនេះនៅតែរឹងមាំ មិនមានការបែកបាក់នោះទេ។ ការលើកឡើងនេះ បន្ទាប់ពីមន្ត្រីជាន់ខ្ពស់មួយរូបនៃគណបក្សសង្គ្រោះជាតិ ដែលត្រូវជាកូនស្រីរបស់លោក កឹម សុខា បានលើកឡើងថា លោកមានបំណងដឹកនាំគណបក្សប្រឆាំងចូលរួមការបោះឆ្នោតនៅពេលខាងមុខ។ អ្នកវិភាគថា ជម្រើសល្អរបស់គណបក្សប្រឆាំង គឺថែរក្សាសម្ពន្ធភាព និងឯកភាពផ្ទៃក្នុងបក្សឱ្យបានរឹងមាំ។
អានបន្ត -
ក្រុមយុវជនអតីតបក្សប្រឆាំងនៅកូរ៉េ ចេញសារដាស់តឿនលោកសម រង្ស៊ី ឱ្យប្រយ័ត្នពាក្យសម្តីចំពោះព្រះមហាក្សត្
ចលនាយុវជនអតីតគណបក្សសង្រ្គោះជាតិប្រចាំនៅប្រទេសកូរ៉េខាងត្បូងបាននាំគ្នាចេញសារក្រើនរំឭកលោកសម រង្ស៊ី ឱ្យមានការប្រុងប្រយ័ត្នចំពោះពាក្យសម្តីរបស់ខ្លួនទៅលើអង្គព្រះមហាក្សត្រកម្ពុជា និង បានប្រាប់ឱ្យលោកបង្ហាញពីការទទួលខុសត្រូវខ្ពស់ចំពោះជោគវាសនាបក្ស។ ការចេញមកដាស់តឿនដល់ថ្នាក់ដឹកនាំខ្លួនឯងរបស់ក្រុមយុវជននៅកូរ៉េខាងត្បូងនេះ ធ្វើឡើងក្រោយពីលោកសម រង្ស៊ី បានចេញសារដៀលប្រមាថព្រះមហាក្សត្រជាថ្មី និងត្រូវបានសាលាដំបូងរាជធានីភ្នំពេញចោទប្រកាន់ជាថ្មីដែរពីបទប្រមាថចំពោះអង្គព្រះមហាក្សត្រ។
អានបន្ត -
ការស្នើប្រជាជនកម្ពុជាកុំឲ្យជឿ មេខ្យល់ ដែលសន្យាថានិងផ្តល់ការងារដល់ពួកគេ
ពលករចំណាកស្រុកកម្ពុជាដែលបានវិលត្រឡប់មកស្រុកកំណើតវិញពីប្រទេសថៃ ហើយចង់វិលត្រឡប់ទៅប្រទេសថៃវិញត្រូវបានស្នើកុំឲ្យជឿ មេខ្យល់ ដែលបោកប្រាស់ដោយសន្យាថានឹងផ្តល់ការងារដល់ពួកគេ។
អានបន្ត -
ពលករមកពីថៃកើតកូវីដ១៩កើនដល់៣៣នាក់ ខណៈខ្មែរនៅថៃ១៥៧នាក់ក៏ឆ្លងដែរ
ពលករខ្មែរដែលកំពុងធ្វើការនៅប្រទេសថៃចំនួន១៥៧នាក់បានឆ្លងកូវីដ១៩ ខណៈករណីឆ្លងកូវីដ១៩លើពលករខ្មែរដែលទើបត្រលប់មកពីប្រទេសថៃចូលកម្ពុជាកើនដល់៣៣ករណី។
អានបន្ត
គាំទ្រដោយ
