១-ឧសភា-២០០៨
ការចេញផ្សាយ : របាយការណ៍
ការសិក្សាស្រាវជ្រាវនេះ ត្រូវបានរៀបចំឡើងដើម្បីពិពណ៌នា ពីលក្ខខណ្ឌការងារ និងលក្ខខណ្ឌរស់នៅរបស់កុមារ ដែលធ្វើការនៅក្នុងសិប្បកម្មឡឥដ្ឋ ព្រមទាំងផលប៉ះពាល់នៃពលកម្មកុមារ លើការរីកលូតលាស់របស់កុមារ។ លើសពីនេះទៅទៀត មូលហេតុនៃការធ្វើការងារ មូលហេតុនៃការធ្វើឲ្យកុមារចូលរួមក្នុងពលកម្មកុមារ និងមូលហេតុនៃការទទួលកុមារឲ្យធ្វើការ ត្រូវបានចងក្រងទុកជាឯកសារ ដោយពឹងផ្អែកលើកិច្ចសម្ភាសន៍ ជាមួយពលករកុមារ ឳពុកម្តាយរបស់ពួកគេ និងនយោជករបស់ពួកគេ។ ទីតាំងស្រាវជ្រាវ គឺនៅសិប្បកម្មឡឥដ្ឋ ទាំងអស់ដែលស្ថិតនៅក្នុងស្រុកពីរនៃខេត្តបាត់ដំបង គឺស្រុកបាត់ដំបង និងស្រុកសង្កែ ដែលជាតំបន់នៅជុំវិញទីរួមខេត្តបាត់ដំបង។ ទិន្នន័យ ត្រូវបានប្រមូលដោយប្រើប្រាស់កម្រងសំណួរដែលបំពេញ ដោយអ្នកសម្ភាសន៍ ដែលសម្ភាសន៍ប្រភពសំខាន់ៗចំនួន៣ (ពលកម្មកុមារ ចំនួន១៣២នាក់ ឪពុកម្តាយ៤៣នាក់ និងម្ចាស់ ឬអ្នកគ្រប់គ្រងសិប្បកម្មឡឥដ្ឋចំនួន១៥នាក់) មកពីសិប្បកម្មឡឥដ្ឋចំនួន២៦កន្លែង។
ប្រភពព័ត៍មាន : ពលកម្មកុមារ នៅសិប្បកម្មឡឥដ្ឋ មូលហេតុនិងផលវិបាកៈ ការសិក្សាស្រាវជ្រាវ
គាំទ្រដោយ
