២២-មករា-២០១០
ការចេញផ្សាយ : សេចក្តីថ្លែងការណ៍
អង្គការសង្គមស៊ីវិល (CSO) សូមថ្កោលទោសតំណាង SOCFIN-KCD ដែលជាអ្នកបានបង្ការ និង ហាមឃាត់ដល់បណ្តាអង្គការមិនមែនរដ្ឋាភិបាល និងប្រជាពលរដ្ឋនាពេលទស្សនកិច្ចសិក្សាអំពីវប្បធម៌របស់ជនជាតិដើមភាគតិច ភ្នំ ព្រៃ ទឹកធ្លាក់ និងតំបន់អភិរក្សសត្វព្រៃ ដែលមានទីតាំងស្ថិតនៅឃុំប៊ូស្រា ស្រុកពេជ្រចិន្តា ខេត្តមណ្ឌលគីរី។ អ្នកតំណាងរូបនេះបានអះអាងថា តំបន់នេះជាទ្រព្យសម្បតិ្តឯកជនរបស់ក្រុមហ៊ុនមួយ។ នៅថ្ងៃទី២១ ខែមករា ឆ្នាំ២០១០ ខណៈពេលដែលក្រុមមនុស្សប្រមាណ៣០នាក់ក្នុងនោះរួមមាន សមាជិកសង្គមស៊ីវិល និងបណ្តាសហគមន៍មកពីបណ្តាខេត្តផ្សេងៗបានកំពុងធ្វើដំណើរទស្សនកិច្ចសិក្សាអំពីព្រៃធម្មជាតិក្នុងតំបន់ភ្នំណាំឡាជាតំបន់អភិរក្សស្ថិតនៅឃុំប៊ូស្រា ភ្លាមៗនោះស្រាប់តែមានឡានរបស់ក្រុមហ៊ុន Socfin-KCD ជាមួយអ្នកតំណាងក្រុមហ៊ុនឈ្មោះលោក Pierre បានបើកតាមក្រុមអង្គការសង្គមស៊ីវិល ហើយបញ្ឈប់ការធ្វើដំណើរដោយឥរិយាបថសម្លុតគំរាមកំហែងបំភិតបំភ័យ។ គាត់ក៍បានបង្ការមិនឲ្យមានការថតរូបពីព្រៃធម្មជាតិទៀត ដែលគាត់បានចាត់ទុកថាជាទ្រព្យសម្បត្តិឯកជនរបស់ក្រុមហ៊ុន និងពុំអនុញ្ញាតឲ្យអ្នកណាចូលក្នុងតំបន់នោះឡើយ។
ប្រភពព័ត៍មាន : សេចក្តីថ្លែងការណ៍រួមស្តីពីការដាក់កំហិតលើសេរីភាពក្នុងការដើរហើរ
គាំទ្រដោយ
