២៦-កុម្ភៈ-២០១០
ការចេញផ្សាយ : សេចក្តីថ្លែងការណ៍
គណៈកម្មាធិការប្រព្រឹត្តកម្មនៃអង្គការ-សមាគមការពារសិទ្ធិមនុស្សកម្ពុជា (CHRAC) ដែលជាសម្ព័ន្ធនៃសមាគម-អង្គការមិនមែនរដ្ឋាភិបាលក្នុងស្រុកចំនួន២៣ មានការសោកស្តាយយ៉ាងខ្លាំងដែលបានដឹងថា មានពាក្យបណ្តឹងថ្មីមួយរបស់រាជរដ្ឋាភិបាលកម្ពុជាចំពោះលោក សម រង្ស៊ី ប្រធានគណបក្សប្រឆាំង បន្ថែមទៅលើបទចោទរូបគាត់ ដែលធ្វើឡើងដោយសាលាដំបូងខេត្តស្វាយរៀង។ យោងតាមសេចក្តីប្រកាសរបស់មេធាវីតំណាងរដ្ឋាភិបាល គេជឿជាក់ថា ពាក្យបណ្តឹងថ្មីដែលចោទប្រកាន់មេដឹកនាំគណបក្សប្រឆាំងពីបទល្មើសថ្មី ត្រូវបានតំកល់នៅការិយាល័យព្រះរាជអាជ្ញាអមសាលាដំបូងរាជធានីភ្នំពេញរួចរាល់ហើយ។ ដំណឹងនេះ ធ្វើឲ្យសាធារណជនជាតិ និងអន្តរជាតិ មានការព្រួយបារម្ភចំពោះបញ្ហានយោបាយថ្មីនៅក្នុងព្រះរាជាណាចក្រកម្ពុជា ជាពិសេស ទាក់ទងនឹងលំហប្រជាធិបតេយ្យ និងតួនាទីរបស់សមាជិករដ្ឋសភា ពោលគឺតួនាទីរបស់សមាជិកសភានៃគណបក្សប្រឆាំង ដែលតែងតែទទួលរងផលប៉ះពាល់ដោយសារការដាក់ពាក្យបណ្តឹងយូរៗម្តងទៅតុលាការ ខណៈដែលបញ្ហាជាតិសំខាន់ៗផ្សេងទៀត ត្រូវការយ៉ាងខ្លាំងនូវការចូលរួមពីសំណាក់អ្នកនយោបាយដែលមាននិន្នាការផ្សេងៗទាំងអស់។
ប្រភពព័ត៍មាន : សេចក្តីថ្លែងការណ៍ស្តីពីគណកម្មាធិការប្រព្រឹត្តិកម្មនៃអង្គការសមាគមការពារសិទ្ធិមនុស្សកម្ពុជា (CHRAC) អំពាវនាវឲ្យមានដំណោះស្រាយផ្នែកនយោបាយលើករណីរបស់លោក សម រង្ស៊ី
គាំទ្រដោយ
