១-មីនា-២០១០
ការចេញផ្សាយ : របាយការណ៍
ការកើនឡើងតួលេខនៃរបាយការណ៍ទាក់ទិននឹងបទល្មើសរំលោភរួមមានទាំងការរំលោភលើកុមារីក្មេងៗ និងការរំលោភជាក្រុមមានពាសពេញនៅលើកាសែតកម្ពុជា។ប៉ូលីស អ្នកធ្វើការអោយអង្គការមិនមែនរដ្ឋាភិបាល មន្ត្រីសាធារណៈជាច្រើនដែលកំពុងធ្វើការលើបញ្ហានេះទទួលស្គាល់ថាបទល្មើសរំលោភមានការកើនឡើង។កង្វះសេវាកម្មសមរម្យសម្រាប់ជនរងគ្រោះពីការរំលោភគឺមានលក្ខណៈធ្ងន់ធ្ងរ ហើយឆ្លុះបញ្ចាំងពីឥរិយាបទសង្គមអំពីអំពើរំលោភ និងហឹង្សាផ្លូវភេទ។ កង្វះខាតនៃការស៊ើបអង្កេត និងការកាត់ទោសប្រកបដោយប្រសិទ្ធិភាពធ្វើឲ្យជនរងគ្រោះកាន់តែមានភាពឈឺចាប់ឡើង។ជនរងគ្រោះតែងតែរស់នៅក្នុងភាពភ័យខ្លាចថាជនល្មើសនៅតែមានសេរីភាពឬថាជនល្មើសទាំងនោះអាចរំលោភបំពានពួកគេម្ដងទៀត។ជនរងគ្រោះក៏កំពុងរស់នៅជាមួយការឈឺចាប់ផ្លូវចិត្តនិងការបាត់បង់សេចក្ដីថ្លៃថ្នូរ។បរាជ័យរបស់អាជ្ញាធររួមទាំងប្រព័ន្ធយុត្តិធម៌ព្រហ្មទណ្ឌដែលទៅជាមិនអើពើនឹងបញ្ហានេះគឺរឹតតែបន្តអោយកើតមានបន្ថែមទៀតនូវការរំលោភបំពាន។
ប្រភពព័ត៍មាន : ការធ្វើអោយដឹងឮនូវអំពើហឹង្សាផ្លូវភេទដែលមានភាពស្ងប់ស្ងាត់នៅប្រទេសកម្ពុជា
គាំទ្រដោយ
