២៦-កក្កដា-២០១០
ការចេញផ្សាយ : សេចក្តីថ្លែងការណ៍
មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) អបអរសាទរចំពោះអង្គជំនុំជម្រះវិសាមញ្ញក្នុងតុលាការកម្ពុជា (អង្គជំនុំជម្រះវិសាមញ្ញ) ដែលបានចេញសាលក្រមសម្រេចសេចក្តីលើករណីកាំងហ្គេចអ៊ាវ ហៅ "ឌុច" មេដឹកនាំជាន់ខ្ពស់ទី១ ដែលត្រូវបាននាំមក ដើម្បីស្វែងរកយុត្តិធម៌ចំពោះបទឧក្រិដ្ឋ ដែលត្រូវបានប្រព្រឹត្តនៅក្នុងអំឡុងរបបខ្មែរក្រហម ។ សវនាការឌុច គឺជាឧទារហណ៍មួយសំខាន់សម្រាប់តុលាការក្នុងស្រុកនៃប្រទេសកម្ពុជាយកគំរូតាមទាំងនីតិវិធី និងសិទ្ធិជនជាប់ចោទ ។ នៅក្នុងករណីនេះមជ្ឈមណ្ឌលសិទ្ធិមនុស្សកម្ពុជា សូមសាទរចំពោះការកាត់បន្ថយទោសរបស់ឌុចរយៈពេល ៥ឆ្នាំ ដោយសារការឃុំខ្លួនខុសច្បាប់នៅឯតុលាការយោធា កម្ពុជាចាប់តាំងពីថ្ងៃទី១០ ខែឧសភា ឆ្នាំ១៩៩៩ រហូតដល់ថ្ងៃទី៣០ ខែកក្កដា ឆ្នាំ២០០៧។ ការកាត់បន្ថយទោសនេះ ជាឧទាហរណ៍មួយដ៍ល្អសម្រាប់តុលាការក្នុងស្រុកនៃប្រទេសកម្ពុជា ដែលក្នុងនោះការអនុវត្តនៃការឃុំខ្លួនបណ្តោះអាសន្ន នៅតែជាបញ្ហាធ្ងន់ធ្ងរគួរឲ្យបារម្ភ និងជាការរំឮកអំពីសិទ្ធិមនុស្សជាសកល ។
ប្រភពព័ត៍មាន : សវនាការឌុច៖ គំរូមួយដ៍ល្អសម្រាប់តុលាការកម្ពុជា
គាំទ្រដោយ
