១២-មករា-២០១១
ការចេញផ្សាយ : របាយការណ៍
នាថ្ងៃទី១២ មករា ក្រោយពីការប្រកាសព័ត៌មានចុងក្រោយបង្អស់ស្តីពីសេរីភាពនៅលើពិភពលោក មណ្ឌលសេរីភាព(Freedom House) បានចេញផ្សាយលទ្ធផលនៃការរកឃើញរបស់ខ្លួនស្តីពីការស្ទង់មតិប្រចាំឆ្នាំទាក់ទងនឹងសិទ្ធិនយោបាយ និងសេរីភាពពលរដ្ឋនៅលើសកលលោក។យោងតាមលទ្ធផលនៃការស្ទង់មតិបង្ហាញថា ឆ្នាំ២០០៩ គឺជាឆ្នាំទីបួនដែលសេរីភាពនៅលើពិភពលោកទទួលរងនូវការធ្លាក់ចុះជាបន្តបន្ទាប់។វា គឺជារយៈពេលនៃដំណើរថយក្រោយជាប់ៗគ្នាដ៏វែងបំផុតមួយរបស់សេរីភាពនៅក្នុងរយៈពេលជិត៤០ឆ្នាំនៃប្រវត្តិរបាយការណ៍ស្តីអំពីសេរីភាព។ភាគច្រើននៃដំណើរថយក្រោយនេះគឺត្រូវបានកើតឡើងនៅអនុតំបន់ សាហារ៉ាអាហ្រ្វិក (Sub-Sahara Africa)។ ទោះបីយ៉ាងណា វាក៏បានកើតឡើងសឹងតែគ្រប់តំបន់ក្នុងពិភពលោកផងដែរ។លើសពីនេះទៅទៀតការធ្លាក់ចុះនៃសេរីភាពបានកើតមានឡើងរយៈពេលពេញមួយឆ្នាំដោយសារការគាបសង្កត់យ៉ាងខ្លាំងក្លាទៅលើក្រុមអ្នកការពារសិទ្ធិមនុស្សនិងសកម្មជនប្រជាធិបតេយ្យពីសំណាក់បណ្តាប្រទេសដែលប្រកាន់របបអំណាចផ្ដាច់ការនិងដែលមានឥទ្ធិពលលើពិភពលោកជាច្រើនក្នុងនោះរួមមានទាំង ចិន និង រុស្ស៊ីផងដែរ។
ប្រភពព័ត៍មាន : អត្ថបទសង្ខេបការចេញផ្សាយការត្រួតពិនិត្យសិទ្ធិសេរីភាពទូទាំងពិភពលោកឆ្នាំ២០១០
គាំទ្រដោយ
