១៤-តុលា-២០១១
ការចេញផ្សាយ : សេចក្តីថ្លែងការណ៍
ទិក្រុងហ្សឺណែវ (ថ្ងៃទី១៤ ខែតុលា ឆ្នាំ២០១១) អ្នកយកការណ៍ពិសេសរបស់អង្គការសហប្រជាជាតិស្តីពីសិទ្ធិសេរីភាពបង្កើតសមាគម និងសេរីភាពនៃការប្រមូលផ្តុំដោយសន្តិវិធីលោក ម៉ៃណាគីអៃ(MainaKiai) បានព្រមានថា ប្រសិនបើសេចក្តីព្រាងច្បាប់ស្តីពីការបង្កើតសមាគម និងអង្គការមិនមែនរដ្ឋាភិបាលថ្មីៗនេះរបស់ប្រទេសកម្ពុជាត្រូវបានអនុម័តមែននោះ វានឹងផ្ទុយពីកតិកាសញ្ញាអន្តរជាតិស្តីពីសិទ្ធិពលរដ្ឋ និងនយោបាយ។ គាត់ក៍បានព្រមានផងដែរថា សេចក្តីព្រាងច្បាប់ស្តីពីការបង្កើតសមាគម និងអង្គការមិនមែនរដ្ឋាភិបាលនេះមានបទប្បញ្ញត្តិជាច្រើន ដែលមាន និងបានលើកឡើងពីការព្រួយបារម្ភចំពោះផលប៉ះពាល់ជាអវិជ្ជមានទៅលើការចូលរួមតាមបែបប្រជាធិបតេយ្យរបស់ពលរដ្ឋខ្មែរក្នុងការអភិវឌ្ឍន៍ប្រទេសរបស់ពួកគេ។ ជាការស្វាគមន៍សេចក្តីថ្លែងការណ៍ របស់ឯកអគ្គរាជទូតរបស់កម្ពុជាប្រចាំក្រុមប្រឹក្សាសិទ្ធិមនុស្ស អ.ស.ប ដែលបានសន្យាថានឹងមាន ”ការពិភាក្សាបន្តទៀត” គាត់បានអំពាវនាវឲ្យអាជ្ញាធរធ្វើការត្រួតពិនិត្យឡើងវិញទៅលើសេចក្តីព្រាងច្បាប់ថ្មីនេះឲ្យបានទូលំទូលាយ និងបើកកិច្ចពិភាក្សាដេញដោលជាមួយនឹងសមាគម និងអង្គការមិនមែនរដ្ឋាភិបាលនានា។
ប្រភពព័ត៍មាន : សេចក្តីព្រាងច្បាប់អង្គការមិនមែនរដ្ឋាភិបាលរបស់កម្ពុជាត្រូវតែស្របជាមួយច្បាប់អន្តរជាតិយោងតាមអ្នកជំនាញរបស់ អ.ស.ប
គាំទ្រដោយ
