២១-តុលា-២០១១
ការចេញផ្សាយ : របាយការណ៍
ក្នុងប្រទេសកម្ពុជា ការរំលោភយកដីធ្លីចាត់ទុកជាវិវាទរវាងភាគីម្ខាងដែលជាអ្នកមានប្រាក់ និងអំណាច ជាមួយនឹងភាគីម្ខាងទៀតដែលជាប្រជាពលរដ្ឋក្រីក្រ និងទន់ខ្សោយ បានក្លាយជាបញ្ហាដ៏ចំបងមួយនាពេលថ្មីៗនេះ។ វិវាទដីធ្លី គឺជាបញ្ហាសំខាន់មួយក្នុងប្រទេសកម្ពុជានាពេលបច្ចុប្បន្ននេះ។ វិវាទដីធ្លី បណ្តាលមកពីកត្តាមួយចំនួនដូចជា គម្រោងអភិវឌ្ឍន៍ហេដ្ឋារចនាសម្ព័ន្ធក្នុងទីក្រុង និងនៅតាមជនបទ (ដូចជា សម្បទានដីសេដ្ឋកិច្ច និងសម្បទានផ្សេងៗទៀត) ដែលកំពុងធ្វើឡើងដោយក្រុមហ៊ុនជាតិ អន្តរជាតិ និងស្ថាប័នហិរញ្ញវត្ថុអន្តរជាតិ (អាយអេហ្វអាយ) ដោយមិនសូវគោរពសិទ្ធិសហគមន៍ដែលរងនូវផលប៉ះពាល់អវិជ្ជមាននោះប៉ុន្មានទេ។ បញ្ហានេះ រួមបញ្ចូលទាំងកង្វះសិទ្ធិកាន់កាប់ដីធ្លីដោយនិរភ័យ និងបរាជ័យនៃអានុភាពរបស់ច្បាប់ក្នុងការការពារសិទ្ធិប្រជាពលរដ្ឋ។ វិវាទដីធ្លី បានកើនឡើងគួរឲ្យកត់សម្គាល់ចាប់ពីឆ្នាំ២០០៦ មុនពេលមានការធ្លាក់ចុះនៅឆ្នាំ២០០៩។ ក្នុងឆ្នាំ២០០៦ វិវាទដីធ្លីចំនួន២០ករណីបានកើតឡើង។ តួលេខនេះ បានកើនឡើងចំនួន២៨ករណីផ្សេងទៀតក្នុងឆ្នាំ២០០៧ និងកើនឡើង៤៨ករណីក្នុងឆ្នាំ២០០៨។
ប្រភពព័ត៍មាន : ការវិភាគទិន្នន័យស្ថិតិស្តីពីវិវាទដីធ្លីនៅកម្ពុជាក្នុងឆ្នាំ២០១០
គាំទ្រដោយ
