២៣-វិច្ឆិកា-២០១១
ការចេញផ្សាយ : សេចក្តីថ្លែងការណ៍
សហភាពការងារកម្ពុជា ជាសហភាពឯករាជ្យ និងប្រជាធិបតេយ្យ ដែលមានសមាជិកចំនួនជាង៦ម៉ឺននាក់ មកពី៧វិស័យផ្សេងគ្នាក្នុងប្រទេសកម្ពុជា។ សហភាពការងារកម្ពុជាមានកិត្តិយស សូមជំរាបជូនដល់អ្នកពាក់ព័ន្ធទាំងអស់ឲ្យបានជ្រាបថា នៅថ្ងៃទី២៣ ខែវិច្ឆិកា ព្រឹកមិញនេះ វេលាម៉ោង ៩.៣០នាទី តំណាងសហជីពវិស័យទេសចរណ៍ ដែលជាសមាជិករបស់សហភាពការងារកម្ពុជា បានធ្វើកូដកម្មនៅមុខសណ្ឋាគារ Angkor Village ដើម្បីជម្រុញឲ្យក្រុមហ៊ុនទទួលយកតំណាងសហជីព ៦៧នាក់ចូលធ្វើការវិញ។ ភ្លាមនោះ អាជ្ញាធរខេត្តបានបញ្ជាឲ្យប៉ូលីសចាប់ខ្លួន ថ្នាក់ដឹកនាំសហជីពចំនួនពីរនាក់ គឺឈ្មោះ ម៉ម រិទ្ធី និង រ៉ន រ៉ាវ៉ាន់ ដែលពួកគេកំពុងធ្វើកូដកម្មដោយអហឹង្សា។ មកទល់នឹងពេលនេះ ពួកគេត្រូវបានបញ្ជូនទៅតុលាការ និងសាលាក្រុង។
ប្រភពព័ត៍មាន : សេចក្តីថ្លែងការណ៍របស់សហភាពការងារកម្ពុជា
គាំទ្រដោយ
