១-ធ្នូ-២០១១
ការចេញផ្សាយ : សេចក្តីថ្លែងការណ៍
នៅថ្ងៃទី៣០ ខែវិច្ឆិកា ឆ្នាំ២០១១ ម្សិលមិញនេះ អត្ថបទចុះផ្សាយក្នុងកាសែតកម្ពុជាដេលី ក្រោមចំណងជើងថា “ដីកាចាប់ខ្លួនប្អូនស្រីជីដូនមួយនាយករដ្ឋមន្ត្រីហ៊ុន សែន ប្រហែលជាមិនអាចធ្វើទៅបាននោះទេ” បានលើកឡើងថា ប្អូនស្រីជីដូនមួយនាយករដ្ឋមន្ត្រីហ៊ុន សែន ត្រូវរកឃើញថាមានជាប់ពាក់ព័ន្ធនឹងអំពើពុករលួយ។ នៅថ្ងៃទី២៨ ខែវិច្ឆិកា ឆ្នាំ២០១១ អ្នកស្រី ឌី ប្រឹម ត្រូវកាត់ទោសកំបាំងមុខដាក់ពន្ធនាគាររយៈពេល២ឆ្នាំកន្លះ។ យ៉ាងណាមិញ សព្វថ្ងៃនេះគាត់រស់នៅដោយមានសេរីភាពក្នុងរាជធានីភ្នំពេញ ដោយសារតែប្រធានអង្គជំនុំជម្រះព្យាយាមគេចវេះ មិនព្រមចេញដីកាចាប់ខ្លួនគាត់នោះទេ។ យោងតាមសារព័ត៌មានកម្ពុជាដេលីបានឲ្យដឹងថា អ្នកស្រី ឌី ប្រឹម ត្រូវរកឃើញថាមានពិរុទ្ធភាពក្នុងការយកប្រាក់ចំនួន ៣០.០០០ដុល្លារ មកសូកប៉ាន់លោក សេង យៀន អតីតអគ្គនាយករងនៃអគ្គនាយកដ្ឋានក្រសួងទំនាក់ទំនងព្រឹទ្ធសភា រដ្ឋសភា និងអធិការកិច្ច ជាថ្នូរដើម្បីធ្វើរបាយការណ៍ភូតកុហករដ្ឋាភិបាលនៅថ្ងៃទី១៨ ខែមិនា ឆ្នាំ២០០៨។ នៅក្នុងរបាយការណ៍ក្លែងក្លាយនោះបានបញ្ជាក់ថា គ្រួសារមួយចំនួនដែលជាកម្មសិទ្ធិករលើដីមានជម្លោះក្នុងខណ្ឌដង្កោ បានលក់ដីមកឲ្យអ្នកស្រី ឌី ប្រឹម អស់ហើយ។
ប្រភពព័ត៍មាន : បរាជ័យក្នុងការចេញដីកាចាប់ខ្លួនប្អូនស្រីជីដូនមួយនាយករដ្ឋមន្ត្រី បង្ហាញពីវប្បធម៌និទណ្ឌភាពក្នុងប្រទេសកម្ពុជា
គាំទ្រដោយ
