៣-កុម្ភៈ-២០១២
ការចេញផ្សាយ : សេចក្តីថ្លែងការណ៍
មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) សូមស្វាគមន៍ចំពោះសាលក្រមចុងក្រោយក្នុងករណីរបស់លោក កាំង ហ្គេចអ៊ាវ នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ប៉ុន្តែព្រួយបារម្ភចំពោះចំណុចមួយចំនួនដែលកើតមានក្នុងសេចក្តីសម្រេច ។ អង្គជំនុំជម្រះតុលាការកំពូល នាថ្ងៃទី០៣ ខែកុម្ភៈ ឆ្នាំ២០១២ បានបដិសេធនូវបណ្តឹងរបស់ លោក កាំង ហ្គេចអ៊ាវ ហៅ ឌុច ដែលប្តឹងប្រឆាំងនឹងសេចក្តីសម្រចរបស់ អ.វ.ត.កដែលបានកាត់ទោសដោយផ្អែកលើមូលដ្ឋានថាលោកមិនមែនជា "ថ្នាក់ដឹកនាំជាន់ខ្ពស់" ក្នុងរបបខ្មែរក្រហម ឬក៍ជាបុគ្គលម្នាក់ក្នុងចំនោម "ជនទាំងឡាយដែលទទួលខុសត្រូវខ្ពស់បំផុត" ចំពោះបទល្មើសដែលប្រព្រឹត្តក្នុងរបបនោះ។ ការកាត់សេចក្តីដោយសារថាបទល្មើសដែលប្រព្រឹត្តដោយឌុចគឺ "អាក្រក់បំផុតក្នុងប្រវត្តិសាស្រ្ត" និងដែលទណ្ឌកម្មជាប់ពន្ធនាគារ ៣៥ឆ្នាំ ដែលសម្រេចដោយអង្គជំនុំជម្រះសាលាដំបូង ក្នុងខែកក្កដា ឆ្នាំ២០១០ មិនបាន "ឆ្លុះបញ្ចាំងពីភាពធ្ងន់ធ្ងរនៃបទល្មើស" ដូច្នេះ ទើបអង្គជំនុំជម្រះតុលាការកំពូល បន្ថែមទោសរបស់លោកឲ្យជាប់ពន្ធនាគារអស់មួយជីវិត ។
ប្រភពព័ត៍មាន : ចំណុចល្អ និងចំនុចអាក្រក់នៅ អ.វ.ត.ក ចំពោះការបន្ថែមទោសឌុចឲ្យជាប់ពន្ធនាគារអស់មួយជីវិត
គាំទ្រដោយ
