២៤-ឧសភា-២០១២
ការចេញផ្សាយ : សេចក្តីថ្លែងការណ៍
យោងទៅតាមអត្ថបទនៅក្នុងភ្នំពេញប៉ុស្តិ៍ចុះក្នុងថ្ងៃនេះ ដែលមានចំនងជើងថា “មន្ត្រីរដ្ឋាភិបាល៖ ច្បាប់គ្រប់គ្រងអ៊ីនធឺណិតសម្រាប់មនុស្សអាក្រក់” មន្ត្រីរដ្ឋាភិបាលបានឲ្យដឹងពីម្សិលម៉ិញថា រាជរដ្ឋាភិបាលកម្ពុជាកំពុងធ្វើសេចក្តីព្រាងច្បាប់ ស្តីពីការគ្រប់គ្រងប្រព័ន្ធអ៊ីនធឺណិត និងបច្ចេកវិទ្យាជាលើកដំបូងបំផុតរបស់ខ្លួន ជាការបកស្រាយដើម្បីការពារមិនឲ្យ"ក្រុមមនុស្ស ឬជនអាក្រក់” ផ្សព្វផ្សាយព័ត៌មានមិនពិត។ លោក ឯក ថា អ្នកនាំពាក្យម្នាក់ នៅអង្គភាពព័ត៌មាន និងប្រតិកម្មរហ័ស បានថ្លែងថា ច្បាប់នេះ មិនមានគោលបំណង ដាក់កម្រិតលើប្រព័ន្ធផ្សព្វផ្សាយទេ ប៉ុន្តែធានាថា «អត្ថប្រយោជន៍ទូទៅត្រូវបានការពារ»។ លោក បន្តថា “រដ្ឋាភិបាលឥឡូវនេះ កំពុងធ្វើសេចក្តីព្រាងច្បាប់ ស្តីពីការគ្រប់គ្រងប្រព័ន្ធអ៊ីនធឺណិត និងបច្ចេកវិទ្យា ជាលើកដំបូង ដែលមិនធ្លាប់មាន ដោយសារតែប្រព័ន្ធបច្ចេកវិទ្យា កាន់តែច្រើន និងទំនើបៗដូចជា Twitter, YouTube អ៊ីមែល និងគ្រប់ប្រភេទនៃសកម្មភាពបច្ចេកវិទ្យា”។
ប្រភពព័ត៍មាន : រដ្ឋាភិបាលកម្ពុជាកំពុងធ្វើសេចក្តីព្រាងច្បាប់ស្តីពីការគ្រប់គ្រងប្រព័ន្ធអ៊ីនធឺណិត និងបច្ចេកវិទ្យាជាលើកដំបូងបំផុត
គាំទ្រដោយ
