២៥-សីហា-២០១២
ការចេញផ្សាយ : សេចក្តីថ្លែងការណ៍
ទីប្រឹក្សាជាន់ខ្ពស់ផ្នែកពាណិជ្ជកម្មរបស់លោកប្រធានាធិបតី Obama ចង់ធ្វើអោយទំនាក់ទំនងសេដ្ឋកិច្ចមានភាពជ្រាលជ្រៅ លោក Ron Kirk តំណាងពាណិជ្ជកម្មសហរដ្ឋអាមេរិកនឹងអញ្ជើញទៅកាន់ខេត្តសៀមរាប នៃប្រទេសកម្ពុជា នៅថ្ងៃទី៣០ និង៣១ ខែសីហា ដើម្បីចូលរួមក្នុងកិច្ចប្រជុំរដ្ឋមន្រ្តីសេដ្ឋកិច្ចអាស៊ាន (AEM) និងកិច្ចប្រជុំកំពូលផ្នែកធុរកិច្ចសហរដ្ឋអាមេរិក អាស៊ាន។ ក្រៅពីកិច្ចប្រជុំថ្នាក់រដ្ឋមន្រ្តីនេះ លោកតំណាងពាណិជ្ជកម្មអាមេរិក Ron Kirk នឹងធ្វើការពិភាក្សាតុមូលជាមួយអ្នកសារព័ត៌មាន នៅថ្ងៃសុក្រ ទី៣១ ខែសីហា វេលាម៉ោង ២:៣០ រសៀល។ កន្លែងសំរាប់ចូលរួមក្នុងការពិភាក្សានេះមានកំណត់។ អ្នកសារព័ត៌មានដែលបានចុះឈ្មោះរួចហើយ ត្រូវតែទៅដល់បន្ទប់ប្រជុំនៅសណ្ឋាគារ Apsara Angkor Resort and Conference Hotel អោយបានមុនម៉ោង ២:០០ រសៀល ដើម្បីចូលរួមក្នុងកិច្ចប្រជុំតុមូលនេះ។ សូមទាក់ទងមកផ្នែកកិច្ចការសាធារណៈរបស់ស្ថានទូតសហរដ្ឋអាមេរិក តាមរយៈអ៊ីម៉េល [email protected] ឬ តាមរយៈទូរស័ព្ទ ៨៥៥ ១២ ៨១២ ៤៥៤ ដើម្បីចុះឈ្មោះចូលរួមក្នុង ការពិភាក្សាតុមូលនេះ។ សូមបញ្ជាក់ថា កិច្ចពិភាក្សាតុមូលនេះ នឹងធ្វើជាភាសាអង់គ្លេសដោយគ្មានការ បកប្រែភាសាជូនទេ។
ប្រភពព័ត៍មាន : កិច្ចពិភាក្សាតុមូលរបស់តំណាងពាណិជ្ជកម្មសហរដ្ឋអាមេរិក ជាមួយអ្នកសារព័ត៌មាន នៅខេត្តសៀមរាប
គាំទ្រដោយ
