៣-មករា-២០១៤
ការចេញផ្សាយ : សេចក្តីថ្លែងការណ៍
ថ្ងៃទី០៣ ខែមករា ឆ្នាំ២០១៤ មជ្ឈមណ្ឌលសិទ្ធិមនុស្សកម្ពុជា (“ម.ស.ម.ក”) ចេញផ្សាយកំណត់សង្ខេបស្តីពី ការប្រើប្រាស់កម្លាំងហួសហេតុពីសំណាក់កងកម្លាំងរក្សាសន្តិសុខក្នុងឆ្នាំ២០១៣ នៅព្រះរាជាណាចក្រកម្ពុជា(“កម្ពុជា)។ កំណត់ត្រាសង្ខេបបង្ហាញថា ការប្រើកម្លាំងហួសហេតុបានកើតឡើងជារឿងទូទៅនៅក្នុងឆ្នាំ២០១៣៖ យ៉ាងហោចណាស់មានបាតុកម្មចំនួន២៥ ត្រូវបានបង្ក្រាបដោយហិង្សាពីសំណាក់អាជ្ញាធរដែលបានប្រើដំបងឆក់ កាំភ្លើង ឧស្ម័នបង្ហូរទឹកភ្នែក បំពង់បាញ់ទឹក និងដំបងវាយនិងបំបែកបាតុករ។ ការបាញ់បោះពី សំណាក់ក្រុមកងកម្លាំងរក្សាសន្តិសុខទៅលើបាតុកម្មបាននាំឲ្យមនុស្សពីរនាក់ស្លាប់ និងបន្សល់ទុកមនុស្សម្នាក់ពិការ និងយ៉ាងហោចណាស់ ១៦នាក់ បានរងរបួស។ ចំនួនបាតុករជាច្រើនរាប់មិនអស់ត្រូវបានវាយដំ ក្នុងនោះមានស្ត្រីបីនាក់រងគ្រោះដោយសាររលូតកូនផងដែរ។
ប្រភពព័ត៍មាន : មជ្ឈមណ្ឌលសិទ្ធិមនុស្សកម្ពុជាចេញផ្សាយកំណត់ត្រាសង្ខេបស្តីពីការប្រើប្រាស់កម្លាំងហួសហេតុទៅលើបាតុករនៅឆ្នាំ២០១៣ និងថ្កោលទោសលើអំពើហិង្សាកើតឡើងនាពេលម្សិញមិញ
គាំទ្រដោយ
