តាមរយៈការប្រើប្រាស់ប្រព័ន្ធគ្រប់គ្រងទិន្នន័យនេះ ព័ត៌មានជាក់លាក់អំពីអ្នកប្រើប្រាស់ ដូចជា អាសយដ្ឋានបញ្ជាក់អំពីប្រភពដើមនៃការប្រើប្រាស់ប្រព័ន្ធអ៊ីនធឺណែត ការស្វែងរកព័ត៌មានតាមរយៈគេហទំព័រ កម្មវិធីកុំព្យូទ័រដែលបានប្រើប្រាស់ និងរយៈពេលដែលបានចំណាយ រួមជាមួយនឹងព័ត៌មានស្រដៀងគ្នានេះ នឹងត្រូវរក្សាទុកនៅក្នុងប្រព័ន្ធផ្ទុកទិន្នន័យរបស់គម្រោង។ ព័ត៌មាននេះនឹងមិនកំណត់អត្តសញ្ញាណអ្នកប្រើប្រាស់ជាក់លាក់ជាពិសេសនោះទេ និងត្រូវយកទៅប្រើប្រាស់ក្នុងក្របខណ្ឌនៃគម្រោងសម្រាប់ការវិភាគចលនា ឬចររាចរណ៍របស់គេហទំព័រតែប៉ុណ្ណោះ។ ប្រសិនជាអ្នកប្រើប្រាស់ជ្រើរើសក្នុងការផ្តល់ព័ត៌មានតាមបែបប្រជាសាស្ត្រដែលតម្រូវនៅពេលចូលទៅស្វែងរកព័ត៌មាននៅលើគេហទំព័រលើកដំបូង (ភេទ អាយុ ប្រទេសដែលខ្លួនរស់នៅ និងមុខរបរ) ព័ត៌មានបែបនេះនឹងត្រូវប្រើប្រាស់សម្រាប់តែគោលបំណងស្ថិតិតែប៉ុណ្ណោះ និងមិនត្រូវបានបោះពុម្ពផ្សាយសម្រាប់ការស្វែងរកជាទូទៅនៅលើគេហទំព័រនៃគម្រោង គេហទំព័រនានារបស់តតីយជន ឬកម្មវិធីដទៃទៀតឡើយ។ ទោះជាយ៉ាងណាក៏ដោយ គម្រោងយើងពុំទទួលខុសត្រូវសម្រាប់សុវត្ថិភាពនៃព័ត៌មានទាំងនេះឡើយ។