កំពុងស្វែងរកទិន្នន័យ
រកឃើញ: 12.438
-
អានបន្ត បទយកការណ៍៖ ជនជាតិដើមភាគតិចថា ក្រមបរិស្ថានធ្វើឱ្យប៉ះពាល់ដល់សិទ្ធិ និងការរស់នៅរបស់ពួកគេ
លោក យ៉ាត ត៉ាយ មានអាយុ៥៣ឆ្នាំ ជាជនជាតិដើមភាគតិចរស់នៅភូមិពូឆប់ ឃុំដាក់ដាំ ស្រុកអូរាំង ខេត្តមណ្ឌលគិរី និយាយថា លោកព្រមទាំងជនជាតិដើមភាគតិចផ្សេងទៀតតែងចេញចូលព្រៃដើម្បីបោចវល្លិ៍ និងធ្វើចំការវិលជុំ។ ប៉ុន្តែលោកថា ចាប់តាំងពីមានក្រមបរិស្ថាន ការចូលពញរៃដើម្បីអាស្រ័យផល ត្រូវបានរិតត្បិត។ លោកនិយាយថា៖ «ពីមុនយើងធ្លាប់តែចេញចូលស្រេចតែចិត្ត ដល់ពេលក្រោយមកក្រមបរិស្ថានគេហ្នឹងគេមុននឹងធ្វើ ឱ្យយើងប្រាប់ឱ្យគេបើសិនជាធ្វើខុសអី ផាកពិន័យច្រើនទៀតលុយច្រើន» ។
អានបន្ត -
អានបន្ត ពលរដ្ឋខេត្តកណ្តាលស្វែងរកអន្តរាគមន៍ពីរដ្ឋមន្រ្តីក្រសួងដែនដី ខណៈបារម្ភអំពីការបណ្តេញចេញ
ប្រជាពលរដ្ឋរស់នៅទំនប់ ៩៤ ស្រុកកណ្តាលស្ទឹង ខេត្តកណ្តាល ជាង ២០០ នាក់ នៅព្រឹកថ្ងៃព្រហស្បតិ៍នេះ ប្រមូលផ្តុំគ្នានៅខាងមុខក្រសួងរៀបចំដែនដី នគរូបនីយកម្ម និងសំណង់ ដើម្បីស្នើសុំឱ្យរដ្ឋមន្ត្រីលោក សាយ សំអាល់ ពន្លឿនផ្តល់ប្លង់កម្មសិទ្ធិដីធ្លីដល់ពួកគេ ខណៈពួកគេកំពុងព្រួយបារម្ភអំពីការបណ្តេញចេញ។ ប្រជាពលរដ្ឋអះអាងថា ពួកគេមិនទាន់ទទួលបានដំណោះស្រាយណាមួយនៅឡើយពីក្រសួង បន្ទាប់ពីពួកគេធ្លាប់បានដាក់ញត្តិ កាលពីដើមខែមេសា ឆ្នាំ ២០២៤។
អានបន្ត -
អានបន្ត មន្ទីរបរិស្ថានខេត្តស្ទឹងត្រែងបដិសេធការចោទប្រកាន់ថាបានពាក់ព័ន្ធជាមួយក្រុមហ៊ុនលីន វតី
មន្ទីរបរិស្ថានខេត្តស្ទឹងត្រែង បានគូសបញ្ជាក់ថា ការកោះហៅ និងឃាត់ខ្លួនបុគ្គលឈ្មោះ ម៉ឹង រដ្ឋា ដែលជាប្រធានសហគមន៍ភ្នំជម្រកសត្វ គឺជាករណីកាប់គាស់រុនរានទន្ទ្រានដីព្រៃយកធ្វើជាកម្មសិទ្ធិ ដែលមានភស្តុតាង និងសាក្សីគ្រប់គ្រាន់។ ករណីកសាងសំណុំរឿងបញ្ជូនជនសង្ស័យឈ្មោះ ម៉ឹង រដ្ឋា ទៅអយ្យការអមសាលាដំបូងខេត្ត គឺអនុវត្តតាមច្បាប់ស្ដីពីតំបន់ការពារធម្មជាតិតាមនីតិវិធី។
អានបន្ត -
អានបន្ត អង្គការអន្តរជាតិចំនួន២ ថ្កោលទោសក្រុមសហជីពដែលប្រឆាំងនឹងរបាយការណ៍របស់សង់ត្រាល់
អង្គការអន្តរជាតិចំនួន២ស្ថាប័ន បានចេញមុខថ្កោលទោសនឹងក្រុមសហជីពដែលមានទំនោររដ្ឋាភិបាលចំពោះសកម្មភាពលាបពណ៍លើអង្គការសង់ត្រាល់ជុំវិញការចេញផ្សាយរបាយណ៍ស្តីពីស្ថានភាពសហជីពនៅកម្ពុជា។ ការចេញមុខថ្កោលទោសយ៉ាងដូចនេះធ្វើឡើង ក្រោយអង្គការអន្តរជាតិទាំង ២យល់ថា សកម្មភាពរបស់ក្រុមសហជីពដែលមានទំនោររដ្ឋាភិបាលបង្កបរិយាកាសគៀបសង្កត់លើសហជីពឯករាជ្យនៅកម្ពុជាពាក់ព័ន្ធនឹងការចងក្រងឯកសារ ឬរាយការណ៍ពីបញ្ហាសិទ្ធិមនុស្ស។
អានបន្ត -
អានបន្ត តុលាការខេត្តស្ទឹងត្រែងបញ្ជូនសកម្មជនព្រៃឈើលោក ម៉ឹង រដ្ឋា ទៅឃុំខ្លួនក្នុងពន្ធនាគារ
តុលាការខេត្តស្ទឹងត្រែងនៅល្ងាចថ្ងៃទី ២៦ ខែមិថុនា បានសម្រេចបញ្ជូនប្រធានសហគមន៍ការពារព្រៃឈើលោក ម៉ឹង រដ្ឋា ទៅឃុំខ្លួនក្នុងពន្ធនាគារខេត្តស្ទឹងត្រែង ពាក់ព័ន្ធនឹងសំណុំរឿង បទល្មើសព្រៃឈើ ផ្អែកតាមបណ្តឹងរបស់មន្ត្រីបរិស្ថាន។ ការឃុំខ្លួននេះធ្វើឡើង ក្រោយពីសកម្មជនការពារព្រៃឈើរូបនេះ ជំទាស់នឹងឈ្មួញម្នាក់ត្រូវរ៉ូវជាមួយអាជ្ញាធរ រំលោភបំពានដីព្រៃសហគមន៍ភ្នំជម្រកសត្វទំហំជាង ៣ពាន់ហិកតារ (៣.០៦៤)ដើម្បីយកមកធ្វើជាកម្មសិទ្ធិផ្ទាល់ខ្លួន។
អានបន្ត -
អានបន្ត អ្នកការពារសិទ្ធិមនុស្សជំរុញឱ្យរដ្ឋាភិបាលកម្ពុជាបង្កើនការពង្រឹងច្បាប់ទប់ស្កាត់ការជួញដូរមនុស្ស
ក្រោយការចេញរបាយការណ៍ប្រចាំឆ្នាំស្តីពីការជួញដូរមនុស្សរបស់រដ្ឋាភិបាលអាមេរិកដែលបង្ហាញថា កម្ពុជាមានភាពចម្រើនតិចតួចនៃការទប់ស្កាត់បទឧក្រិដ្ឋនេះ អង្គការការពារសិទ្ធិមនុស្សក្នុងស្រុក និងសកម្មជនមួយចំនួនលើកឡើងពីក្តីបារម្ភចំពោះការខាតបង់របស់កម្ពុជាក្នុងការទាក់ទាញវិនិយោគិន។ ពួកគេបានស្នើឱ្យរដ្ឋាភិបាលបង្កើនការខិតខំកាត់បន្ថយ ឬទប់ស្កាត់មិនឱ្យមានការជួញដូរមនុស្ស ជាច្រើនទម្រង់រាប់ចាប់ពីការធ្វើការក្នុងកន្លែងប្រតិបត្តិការអំពើឆបោកអនឡាញ ការជួញដូរផ្លូវភេទ និងអំពើកេងប្រវ័ញ្ចកម្លាំងពលកម្មផ្សេងទៀត នៅតាមរោងចក្រផលិតឡឥដ្ឋ និងគ្រឹះស្ថានសប្បាយនានា។
អានបន្ត -
អានបន្ត ក្រសួងយុត្តិធម៌ប្រកាសធ្វើវិសោធនកម្មក្រមព្រហ្មទណ្ឌ បន្ទាប់ពីមានការរិះគន់ខ្លាំងជុំវិញការចោទប្រកាន់អតីតឧកញ៉ាម្នាក់ពីបទឃាតកម្ម
ក្រសួងយុត្តិធម៌នឹងធ្វើវិសោធនកម្មក្រមព្រហ្មទណ្ឌ ជាពិសេសអំពី «ស្ថានទម្ងន់ទោស» នៃបទល្មើសព្រហ្មទណ្ឌ ដែលពាក់ព័ន្ធនឹងបទឃាតកម្ម បន្ទាប់ពីមានការរិះគន់ជាសាធារណៈជុំវិញបទចោទដែលតុលាការបានចោទប្រកាន់លើឧកញ៉ា ស្រី ស៊ីណា ដែលបានបាញ់ប្រហារយ៉ាងព្រៃផ្សៃលើជនរងគ្រោះ។
អានបន្ត -
អានបន្ត អង្គការសង់ត្រាល់បញ្ជាក់ជាថ្មីថា ខ្លួនមិនមានចេតនាបំផ្លាញកេរ្តិ៍ឈ្មោះកម្ពុជាឡើយ
មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅអង្គការសង់ត្រាល់ (CENTRAL) រួមនឹងសម្ព័ន្ធសហជីពប្រជាធិបតេយ្យ កម្មករកាត់ដេរកម្ពុជាហៅកាត់ថា ស៊ីខៅឌូ និងសហព័ន្ធសហជីពកម្ពុជា ហៅកាត់ថាកាទូ បានបញ្ជាក់ជាថ្មីថា ខ្លួនមិនមានចេតនាបំផ្លាញកេរ្តិ៍ឈ្មោះកម្ពុជាឡើយ។ នេះបើយោងតាមសេចក្តីបំភ្លឺមួយ ចេញផ្សាយកាលពីថ្ងៃពុធ។
អានបន្ត -
អានបន្ត មន្ត្រីបរិស្ថានស្ទឹងខេត្តបានឃាត់ខ្លួនប្រធានសហគមន៍ការពារព្រៃឈើម្នាក់បញ្ជូនទៅតុលាការ
មន្ត្រីបរិស្ថានខេត្តស្ទឹងត្រែងបានឃាត់ខ្លួនប្រធានសហគមន៍ការពារព្រៃឈើម្នាក់ ហើយបញ្ជូនទៅតុលាការខេត្តនេះ ពាក់ព័ន្ធនឹងសំណុំរឿង បទល្មើសព្រៃឈើ។ ការឃាត់ខ្លួននេះធ្វើឡើង ក្រោយពីសកម្មជនការពារព្រៃឈើរូបនេះ ជំទាស់នឹងឈ្មួញម្នាក់ត្រូវរ៉ូវជាមួយអាជ្ញាធរ រំលោភបំពានដីព្រៃសហគមន៍ទំហំជាង ៣ពាន់ហិកតារ ដើម្បីធ្វើជាកម្មសិទ្ធិផ្ទាល់ខ្លួន។
អានបន្ត -
អានបន្ត របាយការណ៍សហរដ្ឋអាមេរិករិះគន់ករណីជួញដូរមនុស្សនៅកម្ពុជា និងវិធានការឆ្លើយតបចំពោះអំពើឆបោកតាមអនឡាញ
សហរដ្ឋអាមេរិកបន្តដាក់ប្រទេសកម្ពុជាស្ថិតក្នុងចំណាត់ថ្នាក់ទាបបំផុតបីឆ្នាំជាប់គ្នាចំពោះវិធានការឆ្លើយតបរបស់ខ្លួនលើករណីជួញដូរមនុស្ស ដោយរបាយការណ៍ថ្មីមួយបានអះអាងថា មន្ត្រីកម្ពុជាមិនទាន់បានសម្រេចបានគ្រប់គ្រាន់ ក្នុងការដោះស្រាយបញ្ហាជួញដូរមនុស្សនៅឡើយទេ ហើយមន្ត្រីខ្លះដែលគេមិនបញ្ចេញឈ្មោះបានជាប់ពាក់ព័ន្ធក្នុងសកម្មភាពជួញដូរមនុស្ស ដែលគេយកទៅបម្រើការនៅតាមទីតាំងប្រតិបត្តិការឆបោកអនឡាញនៅតំបន់ព្រំដែនកម្ពុជាទៀតផង។
អានបន្ត -
អានបន្ត អាជ្ញាធរ រុះរើផ្ទះពលរដ្ឋនៅតំបន់បឹងតាមោក ដែលមិនទទួលយកដំណោះស្រាយ
អាជ្ញាធរខណ្ឌព្រែកព្នៅ នៅព្រឹកថ្ងៃទី២៥ មិថុនា បានចុះរុះរើផ្ទះពលរដ្ឋនៅតំបន់បឹងតាមោក ក្នុងខណ្ឌព្រែកព្នៅ រាជធានីភ្នំពេញ អស់ចំនួន ១ខ្នង។ ការចុះរុះរើនេះ ធ្វើឡើងបន្ទាប់ពីអាជ្ញាធរខណ្ឌព្រែកព្នៅ ព្រមានពលរដ្ឋឲ្យរុះរើផ្ទះដោយខ្លួនឯង ដោយចោទថា ពលរដ្ឋរស់នៅដោយខុសច្បាប់លើដីចំណីផ្លូវសាធារណៈរបស់រដ្ឋ។
អានបន្ត -
អានបន្ត រដ្ឋមន្ត្រីយុត្តិធម៌ ៖ ឧក្រិដ្ឋជន ស្រី ស៊ីណា មិនដាក់ចូលក្នុងបញ្ជីបន្ធូរបន្ថយទោសឡើយ
«ក្នុងនាមខ្ញុំ ជារដ្ឋមន្រ្តីក្រសួងយុត្តិធម៌ និងជាប្រធានគណៈកម្មាធិការជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំលើកលែងទោស និងបន្ធូរបន្ថយទោស ខ្ញុំនឹងស្នើសុំទៅគណៈកម្មាធិការជាតិ ដាក់ឈ្មោះជននេះ ទៅក្នុងបញ្ជីឧក្រិដ្ឋជនសាហាវៗ ដែលមិនអាចទទួលបានការស្នើសុំទទួលបន្ធូរបន្ថយទោស និងលើកលែងទោសបានឡើយ ដើម្បីធានាថា អំពើសម្លាប់មនុស្សដ៏សាហាវបែបនេះ ត្រូវតែទទួលរងការជាប់ទោសក្នុងពន្ធនាគារយ៉ាងធ្ងន់ធ្ងរ ឱ្យសាកសមនូវអ្វីដែលខ្លួនបានប្រព្រឹត្តស្របតាមគោលការណ៍សមទណ្ឌោ ដែលជាគោលការណ៍គ្រឹះមួយ ក្នុងវិស័យយុត្តិធម៌»។ នេះបើតាមលោក កើត រិទ្ធ។
អានបន្ត -
អានបន្ត CATU ថា ករណីរំលោភសិទ្ធិសហជីពកើនឡើងច្រើនជាងការចុះផ្សាយរបស់អង្គការសង់ត្រាល់
សហព័ន្ធសហជីពកម្ពុជា (CATU) បានបញ្ជាក់ពីជំហរគាំទ្ររបាយការណ៍របស់អង្គការសង់ត្រាល់ និងបន្ថែមថា ករណីរំលោភសិទ្ធិសហជីពនៅកម្ពុជាមានចំនួនច្រើនជាងការចុះផ្សាយរបស់អង្គការសង់ត្រាល់ទៅទៀត។ ទន្ទឹមគ្នានេះ សហព័ន្ធសហជីពកម្ពុជាក៏បានច្រានចោលនូវខ្លឹមសារនៃសេចក្តីថ្លែងការណ៍របស់សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) ដែលបានលើកឡើងថា សហព័ន្ធសហជីពកម្ពុជា និងសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាបានបដិសេធចំពោះរបាយការណ៍របស់សង់ត្រាល់។
អានបន្ត -
អានបន្ត ពលរដ្ឋជាង២០០គ្រួសារនៅសៀមរាបទាមទារបណ្ណកម្មសិទ្ធិដីធ្លីក្រោយមានជម្លោះជាមួយអាជ្ញាធរជិត១០ឆ្នាំ
ពលរដ្ឋជាង២០០គ្រួសារនៅឃុំកន្តួត ស្រុកស្វាយលើ ខេត្តសៀមរាប ទាមទារបណ្ណកម្មសិទ្ធិដីធ្លី ក្រោយមានជម្លោះរ៉ាំរ៉ៃជាមួយអាជ្ញាធរជិត១០ឆ្នាំគ្មានដំណោះស្រាយ។ ជនជាតិដើមភាគតិចកួយអ្នកស្រី សាន ស្រែ នៅភូមិជ័យសែន ឃុំកន្ទួតប្រាប់ប្រាប់ពលរដ្ឋអ្នកសារព័ត៌មានថា គ្រួសារគាត់បានអាស្រ័យផលលើដីកំពុងមានជម្លោះបន្តពីឪពុកម្តាយតាំងពីឆ្នាំ២០០០ ដោយបានកាន់កាប់ដីទំហំ៥ហិកតា។
អានបន្ត -
អានបន្ត ពលរដ្ឋរងផលប៉ះពាល់ពីការស្ដារស្ទឹងព្រែកត្នោតជាង២០០គ្រួសារទទូចឲ្យរដ្ឋាភិបាលផ្ដល់សំណងសមរម្យ
ប្រជាពលរដ្ឋដែលរងផលប៉ះពាល់ពីការស្ដារប្រព័ន្ធធារាសាស្ត្ររំដោះ និងពង្វាងទឹកស្ទឹងព្រែកត្នោត នៅក្រុងតាខ្មៅជាង២០០គ្រួសារ ទទូចឲ្យរដ្ឋាភិបាលជួយរកដំណោះស្រាយ និងផ្ដល់សំណងសមរម្យដល់ពួកគេ ។ មន្ត្រីសង្គមស៊ីវិល យល់ឃើញថា រដ្ឋាភិបាលគួរតែផ្ដល់សំណងសមរម្យដល់ប្រជាពលរដ្ឋទាំងនោះ ដើម្បីឲ្យពួកគេទៅតាំងទីលំនៅថ្មីបានសមរម្យ។
អានបន្ត -
អានបន្ត ពលរដ្ឋ៥ភូមិក្នុងខេត្ដកំពតបារម្ភបាត់បង់ដីបឹងជិត២០០ហិកតាក្រោយឈ្មួញអ្នកមានលុយចូលទន្រ្ទាន
បើតាមលោក ជា សម្ភស្ស ជាតំណាងពលរដ្ឋ និងជាជំទប់ទី២នៃឃុំស្រែក្នុង បាននិយាយថា ដីបឹងជិត២០០ហិកតាដែលពលរដ្ឋ៥ភូមិតែងតែអាស្រ័យផលដោយខ្លះនេសាទ ខ្លះធ្វើចម្ការវិលជុំ ពលរដ្ឋខ្លះទៀតប្រើប្រាស់ទឹកដើម្បីធ្វើស្រែ។ លោកបន្ដថា នៅថ្ងៃទី២២ ខែមិថុនា ឆ្នាំ២០២៤ មានគ្រឿងចក្រ១គ្រឿងបានចូលមកកាយព្រំដោយអះអាងថា បានទិញពីពលរដ្ឋលើដីរួមនេះ។ លោកបានឱ្យដឹងទៀតថា កន្លងមកអាជ្ញាធរមូលដ្ឋានបានហាមឃាត់មិនឱ្យមានការទិញដីរួមនោះទេ ប៉ុន្ដែមេខ្លោងម្នាក់បានដើរទិញពីពលរដ្ឋទាំងដឹងថាដីរួម។
អានបន្ត -
អានបន្ត UNCTថាមាត្រា២៤នៃច្បាប់សង្គមស៊ីវិលដាក់កំហិតផ្ទាល់លើសិទ្ធិបង្កើតសមាគមនៅកម្ពុជា
សេចក្តីព្រាងវិសោធនកម្មច្បាប់សង្គមស៊ីវិលដែលបានស្នើឡើងកាលពីឆ្នាំ២០១៩ នៅពុំទាន់មានការឯកភាពរវាងរដ្ឋាភិបាលកម្ពុជា និងអង្គការសង្គមស៊ីវិលទៅលើខ្លឹមសារវិសោធនកម្មនៅឡើយ។ នៅថ្ងៃទី២៥ មិថុនា ក្រុមអង្គការសហប្រជាជាតិប្រចាំនៅកម្ពុជា (UNCT) បានបង្ហាញកំណត់វិភាគ និងផ្តល់អនុសាសន៍ជាច្រើនលើការធ្វើវិសោធនកម្មច្បាប់ដ៏ចម្រូងចម្រាសមួយនេះ។ ក្នុងចំណោមអនុសាសន៍ទាំងនោះ UNCT បានស្នើឱ្យលុបចោលមាត្រា២៤នៃច្បាប់ដែលត្រូវធ្វើវិសោធនកម្មដែលចែងថា NGO ក្នុងស្រុកខ្មែរទាំងអស់ត្រូវរក្សាអព្យាក្រឹត្យភាពចំពោះបក្សនយោបាយ និងមិនត្រូវធ្វើសកម្មភាពនយោបាយ។
អានបន្ត -
អានបន្ត ចៅក្រមសាលាដំបូងមិនបានផ្ដល់ឱកាសឱ្យយុវជនចលនាមាតាធម្មជាតិផ្ដល់ភស្តុតាងដោះបន្ទុក
សកម្មជនចលនាមាតាធម្មជាតិ កញ្ញា ភួន កែវ រស្មី មានប្រតិកម្មថា អ្នកស្រី អ៊ុក រ៉េតគន្ធា ចៅក្រមជំនុំជម្រះ មិនបានស្ដាប់ហេតុផល និងសំណូមពររបស់ពួកគាត់ ក្នុងការផ្ដល់ចម្លើយពិត និងភស្តុតាងដោះបន្ទុកជាច្រើនទៀតនោះទេ។ អ្នកស្រីចៅក្រមបែរជាសំអាងលើវីដេអូកាត់តមួយចំនួន ដែលក្រុមអ្នករកស៊ីតាមអនឡាញ បានកែច្នៃប្រឌិតចំណងជើង និងកែសំឡេងដើម ធ្វើជាភស្តុតាងដាក់បន្ទុកទៅវិញ។
អានបន្ត -
អានបន្ត តុលាការសម្រេចឃុំខ្លួនជនជាតិវៀតណាម និងខ្មែរសរុប៥នាក់ជាបណ្ដោះអាសន្នពាក់ព័ន្ធកាន់កាប់ ប្រើប្រាស់អត្តសញ្ញាណប័ណ្ណសញ្ជាតិខ្មែរខុសច្បាប់
តុលាការសាលាដំបូងខេត្តសៀមរាប បានសម្រេចឃុំខ្លួនជនត្រូវចោទ៤នាក់ ជាបណ្ដោះអាសន្ន ពាក់ព័ន្ធនឹងសំណុំរឿងព្រហ្មទណ្ឌបទល្មើសកាន់កាប់ និងប្រើប្រាស់អត្តសញ្ញាណប័ណ្ណសញ្ជាតិខ្មែរ ដោយខុសច្បាប់ និងធ្វើអត្តសញ្ញាណប័ណ្ណសញ្ជាតិខ្មែរឱ្យជនដែលមិនមានសញ្ជាតិខ្មែរ ក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង។
អានបន្ត -
អានបន្ត អង្គការលីកាដូលើកឡើងថា ចំនួនសកម្មជនដែលជាប់គុកពីរដងដោយអយុត្តិធម៌បានកើនឡើង
អង្គការសិទ្ធិមនុស្សលីកាដូ(Licado) កត់សម្គាល់ថា សកម្មជននយោបាយ និងសកម្មជនសង្គមដែលត្រូវជាប់គុកចំនួនពីរដងឡើងទៅដោយសារការអនុវត្តសិទ្ធិសេរីភាពជាមូលដ្ឋានរបស់ពួកគេបានកើនឡើង ប៉ុន្តែពួកគេនៅតែមិនចុះញ៉ម ឬបោះបង់ភាពសកម្មនោះទេ។ ចំណែកគ្រួសារជនជាប់ឃុំនៅតែចាត់ទុកករណីចាប់ខ្លួនទាំងនោះថាជាការធ្វើទុក្ខបុកម្នេញនយោបាយ ហើយទាមទារឱ្យរដ្ឋាភិបាលបើកលំហសេរីភាពពលរដ្ឋ និងនយោបាយ ជាពិសេសដោះលែងអ្នកទោសមនសិការទាំងអស់ឱ្យមានសេរីភាពដោយឥតលក្ខខណ្ឌ។
អានបន្ត