-
-
-
ការវិភាគរបស់ ម.ស.ម.ក លើសេចក្ដីព្រាងច្បាប់ស្ដីពីអង្គការសមាគម លើកទី ៥
ថ្ងៃទី៥ ខែមិថុនា ឆ្នាំ២០១៥ គណៈរដ្ឋមន្ត្រី បានពិភាក្សា និងអនុម័តសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ("ច្បាប់អង្គការសមាគម") លើកទី ៥។ សេចក្ដីព្រាងច្បាប់លើកទី៥ នេះមិនបានផ្សព្វផ្សាយជាសាធារណៈ ហើយអង្គការសង្គមស៊ីវិលបានទទួលឯកសារបែកធ្លាយបន្ទាប់ពីការអនុម័តទៅលើអត្ថបទសេចក្តីព្រាងច្បាប់នេះ។
អានបន្ត -
-
-
-
ស្ថានភាពអ្នកការពារសិទ្ធិមនុស្សនៅប្រទេសកម្ពុជា ក្នុងឆ្នាំ២០១៤
បើទោះបីជាកិច្ចការពារអ្នកការពារសិទ្ធិមនុស្ស (“អ.ក.ស.ម”) ស្ថិតនៅក្រោមការការពារដោយកាតព្វកិច្ចច្បាប់អន្តរជាតិជាច្រើនដូចជា កតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ (“ក.អ.ស.ព.ន”) អ្នកការពារសិទ្ធិមនុស្សជាច្រើននៅក្នុងព្រះរាជាណាចក្រកម្ពុជា (“កម្ពុជា”) នៅតែបន្តទទួលរងការគម្រាមកំហែងជាច្រើន រួមមានការចាប់ និងឃុំខ្លួនតាមអំពើចិត្ត ការប្រើហិង្សាលើរាងកាយ និងការធ្វើឃាត ការគម្រាម ការសម្លុតបំភ័យ និងការយាយី។ ភាពស្ទាក់ស្ទើររបស់រាជរដ្ឋាភិបាលកម្ពុជា (“រដ្ឋាភិបាល”) ក្នុងការការពារអ្នកការពារសិទ្ធិមនុស្ស ព្រមទាំងសកម្មភាពដ៏សកម្មរបស់រដ្ឋាភិបាលក្នុងការរឹតត្បិតសិទ្ធិរបស់ប្រជាពលរដ្ឋ បង្ហាញពីការបំពានកាតព្វកិច្ចរបស់រដ្ឋក្នុងការគោរព ការពារ និងដាក់កំហិតប្រកបដោយគ្រោះថ្នាក់ដល់បរិយាកាសបំពេញការងាររបស់ អ.ក.ស.ម ។
អានបន្ត -
-
ការដាក់ស្នើបន្ថែម ទៅកាន់ក្រុមប្រឹក្សាសិទ្ធិមនុស្សនៅមុនពេលត្រួតពិនិត្យលើកទីពីរ របស់កម្ពុជា
យោងតាមមាត្រា៣១ នៃ រដ្ឋធម្មនុញ្ញនៃព្រះរាជាណាចក្រកម្ពុជា ("រដ្ឋធម្មនុញ្ញ") ក៏ដូចជានៅក្នុងសេចក្តីសម្រេចកាលពីខែកក្កដា ឆ្នាំ២០០៧ នៃក្រុមប្រឹក្សារដ្ឋធម្មនុញ្ញ (សេចក្តីសម្រេចលេខ ០៩២/០០៣/២០០៧) អនុសញ្ញាអន្តរជាតិទាំងអស់ជាផ្នែកច្បាប់ជាតិ ហើយតុលាការគួរតែពិចារណាវិធាននៃអនុសញ្ញាទាំងនោះក្នុងពេលដែលបកស្រាយច្បាប់ និងសម្រេចក្ដីណាមួយ។ ប៉ុន្តែ ម.ស.ម.ក បានសង្កេតឃើញថា បើទោះបីជាក្រមនីតិវីធីព្រហ្មទណ្ឌរបស់ព្រអរាជាណាចក្រកម្ពុជា ឆ្នាំ២០០៧ និងរដ្ឋធម្មនុញ្ញ ដូចជាបានរួមបញ្ចូលគោលបំណងនៃកតិកាសញ្ញា ប៉ុន្តែក្នុងការអនុវត្តជាក់ស្ដែងប្រព័ន្ធយុត្តិធម៌មិនបានពិចារណានូវបញ្ញាត្តិនៃកតិកាសញ្ញាអន្តរជាតិផ្សេងៗនោះទេ មិនតែប៉ុណ្ណោះ ក្នុងរករណីជាច្រើនថែមទាំងមិនបានអនុលោមទៅតាមបញ្ញាត្តិនៃកតិកាសញ្ញាទៀតផង។
អានបន្ត -
-
-
សិទ្ធិនៅលើការទិញដូរ៖ ជីវិតនៅក្នុងពន្ធនាគារកម្ពុជា
អង្គការ លីកាដូ នឹងចេញផ្សាយនូវរបាយការណ៍ថ្មីមួយស្តីអំពីស្ថានភាពបច្ចុប្បន្ននៃពន្ធនាគារកម្ពុជា និងសិទ្ធិមនុស្ស ដែលជាប់ទាក់ទងលើការជំនុំជម្រះសកម្មជនទាំង ១០នាក់ និងព្រះសង្ឃមួយអង្គ នៅមុនពេលបើកសវនាការសាលាឧទ្ធរណ៍ នៅសប្តាហ៍នេះលើករណីអ្នកទាំងនោះ ដែលគ្រប់ការផ្តន្ទាទោស និងការឃុំខ្លួនក្នុងពន្ធនាគារ ដោយមិនត្រឹមត្រូវនៅក្នុងការជំនុំជម្រះដោយអយុត្តិធម៌ ។ របាយការណ៍ស្តីអំពី “សិទ្ធិនៅលើការទិញដូរ៖ ជីវិតនៅក្នុងពន្ធនាគារកម្ពុជា” រៀបរាប់យ៉ាងលម្អិតលើការរំលោភបំពាន ការរើសអើង ការកេងប្រវ័ញ្ច និងអំពើពុករលួយ ដែលកំពុងបន្តកើតមានឡើង និងជាលក្ខណៈប្រព័ន្ធក្នុងប្រព័ន្ធពន្ធនាគារក្នុងប្រទេសកម្ពុជា ហើយបានកត់សម្គាល់ថាទោះបីជាបានចាប់ផ្តើមជំហានក្នុងការកែទម្រង់ក៏ដោយ ក៏ឧបសគ្គមួយចំនួននៅតែមាន ដូចជាភាពចង្អៀតណែនក្នុងពន្ធនាគារ រចនាសម្ព័ន្ធគ្រប់គ្រងនៅមានភាពខ្វះខាត ខ្វះមធ្យោបាយធ្វើដំណើរទៅសាលាឧទ្ធរណ៍ ខ្វះខាតក្នុងការអនុវត្តច្បាប់ និងកង្វះសមត្ថភាពខាងចំណេះដឹងក្នុងចំណោមមន្រ្តីពន្ធនាគារមួយចំនួន។
អានបន្ត
គាំទ្រដោយ
