នៅ​ថ្ងៃ​ទី២៧​ ​ខែ​សីហា​ ​ឆ្នាំ​២០១៤​ ​គម្រោង​សង្កេត​ការ​ណ៍​សវនាការ​របស់​មជ្ឈ​មណ្ឌល​​សិទ្ធិ​មនុស្ស​ ​កម្ពុជា​បាន​ពិភាក្សា​កម្ម​វិធីវិទ្យុ​ ​ដែល​និយាយ​អំពី​ ​សិទ្ធិ​ទទួល​ បាន​ការ​ជំនុំជម្រះ​ដោយ​​យុត្តិធម៌​នៅ​សាលា​ឧទ្ធរណ៍​ ​ចាប់​តាំង​ពីកិច្ច​ដំណើរការ​ ​សង្កេត​នៅ​ខែមីនា​ ឆ្នាំ២០១៣​។​ ​នៅ​ក្នុង​នោះ​មាន​ចំណុច​វិជ្ជមាន​ ​និង​អវិជ្ជមាន​ ដែល​បាន​រកឃើញ​ចាប់​ពី​ខែ​មីនា​ ​ឆ្នាំ២០១៣​ ​ដល់​ថ្ងៃ​ទី៣០​ ​ខែ​មិថុនា​ ​ឆ្នាំ២០១៤​។​ ​ចំណុចល្អ​ និង​មិន​ល្អ​ទាំង​នេះ​ត្រូវ​បាន​បញ្ចូល​ក្នុង​របាយការណ៍​ប្រចាំ​ឆ្នាំ​ និង​ខិត្ត​ប័ណ្ណ​ស្តីពី​សិទ្ធិ​ទទួល​បាន​ការ​ជំនុំជម្រះ​ដោយ​យុត្តិធម៌​។​ ​វាគ្មិន​ពីរ​រូប​ដែល​បាន​ចូល​រួម​ ​ក្នុង​កម្មវិធី​នេះ​ ​រួមមាន​ ​លោក​ ​ឌុច​ ​ពិសិដ្ឋ​ អ្នក​សម្រប​សម្រួល​គម្រោង​ ​និង​លោក​ ​ស្មាន​ ​អ៊ូម៉ើត​ ​ជាអ្នក​សង្កេតការណ៍​។​