នៅថ្ងៃទី២០ ខែវិច្ឆិកា ឆ្នាំ២០១៣ គម្រោង​សង្កេតការណ៍​សវនាការ​ ​បាន​សហការ​រួម​គ្នា​ជាមួយ​ ​គម្រោង​សេរីភាព​បញ្ចេញ​មតិ ដែល​ពិភាក្សាអំពីវប្បធម៌និទណ្ឌភាព និង​ជំរុញ​ឱ្យមានការបញ្ចប់និទណ្ឌភាពនៅកម្ពុជា។ ទិវាអន្តរ​ជាតិ​ដើម្បី​បញ្ចប់​និទណ្ឌ​ភាព​នឹង​ប្រារព្ធ​ធ្វើ​នៅ​ថ្ងៃទី២៣ ខែវិច្ឆកា ឆ្នាំ២០១៣។ មជ្ឈមណ្ឌល​សិទ្ធមនុស្ស​កម្ពុជា​នឹង​រៀបចំ​យុទ្ធនា​ការ​ដើម្បី​បញ្ចប់​និទណ្ឌភាពនៅកម្ពុជា ហើយ​ក៏មាន​ការបញ្ចាំង​ខ្សែភាព​យន្ត "តើនរណា​សម្លាប់​ លោក ជា វិជ្ជា" ផងដែរ នៅម៉ោង​ ២ រសៀល នៅ​ការិយាល័យ​របស់​មជ្ឈ​មណ្ឌល​​សិទ្ធិ​មនុស្ស​កម្ពុជា នៅថ្ងៃទី២៣ ខែវិច្ឆិកា។ ទន្ទឹម​នឹង​នេះ​​ផង​ដែរ ក្រុមការងារ​របស់​មជ្ឈមណ្ឌល​នឹង​ទៅ​សង្កេតការណ៍​សវនាការ​នៅ​តុលាការ​កំពូល ក្នុងរឿងក្តី​របស់​អ្នកស្រី យ៉ោម បុប្ផា ដែល​ជា​សកម្មជន​ដីធ្លី នៅ​ថ្ងៃ​ទី​២២ ខែ​វិច្ឆិកា​នេះ។