បញ្ជីពត៍មានគេហទំព័រសិទ្ធិ

កំពុងស្វែងរកទិន្នន័យ

រកឃើញ: 12.457

១៨ ធ្នូ ២០១៨
ក្រុមគ្រួសារសហជីពពាក់ព័ន្ធករណីផលិតវីដេអូ«ម្តាយខ្ញុំលក់ខ្ញុំ»សុំអន្តរាគមន៍ពីទូតរុស្សី

ភរិយាលោក រ៉ាត់ រត្នមុនី និងសកម្មជនដីធ្លីក្នុងរាជធានីភ្នំពេញមួយចំនួននៅព្រឹកថ្ងៃ ១៨ ខែ ធ្នូ ឆ្នាំ ២០១៨ នេះ បានប្រមូលផ្តុំគ្នាដាក់ញាត្តិទាមទារឱ្យស្ថានទូតរុស្សីអន្តរាគមន៍ ឱ្យដោះលែងប្តីរបស់ខ្លួន បន្ទាប់ពីតុលាការរាជធានីភ្នំពេញឃុំខ្លួនបណ្តោះអាសន្ន ពីបទញុះញង់ឲ្យមានការរើសអើង ក្រោយជាប់ពាក់ព័ន្ធក្នុងករណីផលិតខ្សែវីដេអូរឿង«មា្តយខ្ញុំលក់ខ្ញុំ»។
១៧ ធ្នូ ២០១៨
រដ្ឋាភិបាលអារ៉ាប់រួម ស្នើឲ្យមានពលករខ្មែរ ទៅធ្វើការនៅទីនោះ

រដ្ឋលេខាធិការក្រសួងមហាផ្ទៃ និងជាអនុប្រធាន អចិន្ដ្រៃយ៍ នៃគណៈកម្មការជាតិ ប្រយុទ្ធប្រឆាំងអំពើជួញដូរមនុស្ស លោកស្រី ជូ ប៊ុនអេង បញ្ជាក់ថា ប្រទេសអារ៉ាប់រួម (The United Arab Emirates ) មានបំណងចង់ឲ្យមានពលករខ្មែរ ទៅធ្វើការងារនៅប្រទេសរបស់ពួកគេ។ លោកស្រីបញ្ជាក់ថា ប្រទេសប្រទេសអារ៉ាប់រួម បានស្នើសុំជួបក្រសួងការងារដើម្បីពិភាក្សាលើកិច្ចការនេះ នៅក្នុងពេលឆាប់ៗ។
១៧ ធ្នូ ២០១៨
អ្នកបកប្រែភាពយន្តឯកសារ«ម្តាយខ្ញុំលក់ខ្ញុំ‍»ត្រូវចោទពីបទ«ញុះញង់ឱ្យមានការរើសអើង»

អ្នកស្រី ឡុង គឹមហ៊ាង ដែលជាភរិយារបស់លោក រ៉ាត់ រត្នមុនី បានប្រាប់ VOA នៅថ្ងៃច័ន្ទ នេះថា តុលាការក្រុងភ្នំពេញ បានសម្រេចចោទប្រកាន់ស្វាមីអ្នកស្រីថាបានប្រព្រឹត្តអំពើញុះញង់នាំឱ្យមានការរើសអើង។ យ៉ាងណាក៏ដោយ អ្នកស្រីបានបញ្ជាក់ឲ្យដឹងទៀតថា ស្ថានភាពផ្លូវចិត្តស្វាមីអ្នកស្រីពេលនេះ មានភាពប្រសើរជាងពីពេលមុន។
១៧ ធ្នូ ២០១៨
មេដឹកនាំសហជីពរងការចោទសួរអំពីឯករាជ្យភាព ក្រោយត្រូវបានតែងតាំងជាទីប្រឹក្សាក្រសួង
១៧ ធ្នូ ២០១៨
សម រង្ស៊ី អះអាងនឹងត្រឡប់ចូលស្រុកវិញ ក្នុងពេលដ៏ខ្លីខាងមុខ

បន្ទាប់ពីប្រកាសដោយខ្លួនលោក ជាច្រើនដង ជុំវិញថ្ងៃវិលត្រឡប់ចូលស្រុកវិញ ក្នុងពេលកន្លងមកនោះ នៅចុងសប្ដាហ៍កន្លងមកនេះ ប្រធានស្ដីទីគណបក្សសង្គ្រោះជាតិ លោក សម រង្ស៊ី បានអះអាងជាថ្មីទៀត ថាលោកនឹងវិលត្រឡប់ ចូលប្រទេសកម្ពុជាវិញ នៅក្នុងពេលដ៏ខ្លី ខាងមុខ។ មេដឹកនាំប្រឆាំងរូបនេះ មិនបានបញ្ជាក់ អំពីកាលបរិច្ឆេទទេថា ការវិលត្រឡប់ចូលស្រុកវិញនោះ នឹងត្រូវធ្វើនៅថ្ងៃណានៅឡើយ។
១៧ ធ្នូ ២០១៨
កាយភ្នំអស់ជាងពាក់កណ្តាល ទើបអាជ្ញាធរស្ទុះក្រោកទៅដេញ

បន្ទាប់ពីប្រជាពលរដ្ឋរិះគន់ខ្លាំងៗទៅលើអាជ្ញាធរ ដែលបណ្តែតបណ្តោយឱ្យក្រុមឈ្មួញយកគ្រឿងចក្រទៅជីកកកាយដីភ្នំស្ទើរខ្ទេចខ្ទីអស់ ដឹកលក់ធ្វើអាជីវកម្ម ទើបក្រោយមកកម្លាំងសមត្ថកិច្ចនគរបាលប៉ុស្តិ៍ឃុំស្ទឹងត្រង់ សហការជាមួយក្រុមប្រឹក្សាឃុំស្ទឹងត្រង់ ចុះទៅណែនាំហាមឃាត់ និងបញ្ឈប់ការធ្វើសកម្មភាពជីកកកាយដីភ្នំមួយកន្លែង ។
១៦ ធ្នូ ២០១៨
លោក សម រង្ស៊ី អះអាងថា ក្បាលម៉ាស៊ីន CNRP ច្បាស់លាស់ងាយស្រួលចរចាជាមួយសហគមន៍អន្ដរជាតិ

ប្រធានចលនាសង្គ្រោះជាតិ លោក សម រង្ស៊ី អះអាងថា ឯកភាពផ្ទៃក្នុងបក្ស និងការរៀបចំក្បាលម៉ាស៊ីនដឹកនាំច្បាស់លាស់ នឹងជួយឲ្យគណបក្សសង្គ្រោះជាតិងាយស្រួលក្នុងការចរចាជាមួយសហគមន៍អន្ដរជាតិ ដើម្បីបន្ថែមសម្ពាធមកលើរដ្ឋាភិបាលដឹកនាំដោយបក្សកាន់អំណាចនាពេលសព្វថ្ងៃ។
១៦ ធ្នូ ២០១៨
គ្រូពេទ្យជនជាតិអង់គ្លេសម្នាក់ជាប់ចោទពីបទរួមភេទជាមួយក្មេងស្រីមិនទាន់គ្រប់អាយុ

សាលាដំបូងរាជធានីភ្នំពេញបានផ្ដន្ទាទោសបុរសវ័យចំណាស់ និងជាវេជ្ជបណ្ឌិតជនជាតិអង់គេ្លសម្នាក់ ឲ្យជាប់ពន្ធនាគារ៥ឆ្នាំករណីរួមភេទនឹងកុមារីចាប់ពីអាយុ ៩ និង ១៣ឆ្នាំ។ លោក ខ្លីវ ក្រេស៊ី (Clive Cressy) អាយុ៧០ឆ្នាំ ធ្លាប់បង្រៀនភាសាអង់គ្លេសនៅកម្ពុជា ត្រូវបានអាជ្ញាធរកម្ពុជាចាប់ខ្លួននៅក្នុងផ្ទះជួលរបស់លោក ជាមួយប្រពន្ធជនជាតិវៀតណាម ដែលបានទាក់ទងក្មេងស្រីវៀតណាម មិនទាន់គ្រប់អាយុមកអោយរួមភេទជាមួយប្ដីរបស់ខ្លួន ។ តុលាការរកឃើញថា លោក ខ្លីវ ក្រេស៊ី បានចំណាយប្រាក់រហូតដល់ ៣ពាន់ដុល្លារ ដល់ជនរងគ្រោះក្នុងការរួមភេទនៅពេលលោកមានចំណង់។ ជនរងគ្រោះជាកុមារទាំងនោះ ត្រូវបានបុរសរូបនេះនិងភរិយាយកមករស់នៅផ្ទះជាមួយ មុនពេលពួកគេត្រូវបានរំលោភផ្លូវភេទ។ លោក ខ្លីវ ក្រេស៊ី នឹងត្រូវបណ្ដេញពីកម្ពុជាក្រោយពេលចេញពីពន្ធនាគារ។
១៦ ធ្នូ ២០១៨
កាសែតខេមបូឌាដេលីបើកវេទិកាលើកដំបូងរបស់ខ្លួន បន្ទាប់ពីបដិសេធវិលមកកម្ពុជាវិញ

កាសែត The Cambodia Daily ប្រកាសថាខ្លួននឹងបើកវេទិកាមួយសម្រាប់សំឡេងឯករាជ្យនិយាយអំពីបញ្ហាផ្សេងៗទាក់ទងនឹងប្រទេសកម្ពុជា។ វេទិកាលើកដំបូងពីក្រៅប្រទេសរបស់កាសែតពីរភាសានេះ នឹងធ្វើនៅថ្ងៃចន្ទ ស្អែកនេះ វេលាម៉ោង ៩:៣០ នាទីយប់ម៉ោងនៅកម្ពុជា បន្ទាប់ពីម្ចាស់កាសែតមួយនេះអះអាងថានឹងមិនត្រឡប់មកកម្ពុជាវិញជាដាច់ខាត ដរាបណាច្បាប់របស់កម្ពុជាមិនទាន់រឹងមាំ។
១៦ ធ្នូ ២០១៨
ពលរដ្ឋចំនួន៥ភូមិនៅព្រះវិហារតវ៉ាករណីក្រុមហ៊ុនចិនឈូសឆាយផ្លូវប៉ះពាល់ដីស្រែនិងព្រៃជំនឿ

ពលរដ្ឋជាង ១រយនាក់ រស់នៅភូមិចំនួន ៤ភូមិ នៃឃុំរម្យទម ស្រុករវៀង ខេត្តព្រះវិហារ បានឃាត់គ្រឿងចក្រ ក្រុមហ៊ុនសម្បទានសេដ្ឋកិច្ចឆៃណា គ្រុប (CHINA Group) ដែលពួកគេចោទ ថា ក្រុមហ៊ុននេះបានឈូស ឆាយផ្លូវក្រវាត់ព្រំ ដីប៉ះពាល់ដីស្រែចម្ការ និងព្រៃជំនឿរបស់សហគមន៍ចំនួន ៤ភូមិ។
១៥ ធ្នូ ២០១៨
គ.ជ.បបង្គាប់ឲ្យមន្ត្រីបក្សប្រឆាំងខេត្តបាត់ដំបង៣រូបបង់ប្រាក់ពិន័យករណីយុទ្ធនាការម្រាមដៃស្អាត

មន្ត្រីបក្សប្រឆាំងនៅខេត្តបាត់ដំបងចាត់ទុកលិខិតបង្គាប់ឲ្យបង់ប្រាក់ផាកពិន័យដោយគណៈកម្មាធិការជាតិរៀបចំការបោះឆ្នោត (គ.ជ.ប) ថា ជាការគំរាមកំហែងពួកគាត់ដើម្បីបង្ខំឲ្យចូលធ្វើនយោបាយ។ មន្ត្រីបក្សប្រឆាំងទាំងនោះលើកឡើងថា គ.ជ.បធ្វើតាមការចង់បានរបស់លោក ហ៊ុន សែន បន្ទាប់ពីធ្វើវិសោធនកម្មច្បាប់គណបក្សនយោបាយរបស់សភាឯកបក្សដែលបានអនុម័តច្បាប់នេះកាលពីថ្មីៗនេះ។
១៥ ធ្នូ ២០១៨
ជនជាតិដើមភាគតិច១៤គ្រួសារនៅមណ្ឌលគិរីថា អ្នកមានអំណាចឈូសឆាយដំណាំពួកគាត់រំលោភយកដី

ជនជាតិដើមភាគតិច ១៤គ្រួសាររស់នៅឃុំដាក់ដាំ ស្រុកអូររាំង ខេត្តមណ្ឌលគិរី បានមកសុំកិច្ចអន្តរាគមន៍ពីអាជ្ញាធរមូលដ្ឋាន និងមន្ត្រីសិទ្ធិមនុស្ស ករណីអ្នកមានអំណាច បានយកគ្រឿងចក្រឈូសឆាយផលដំណាំពួកគាត់អស់ស្ទើរទាំងអស់ ដើម្បីយកដីជាសម្បត្តិបុគ្គល។
១៥ ធ្នូ ២០១៨
សមត្ថកិច្ចបដិសេធការឃាត់រថយន្តសកម្មជនដីធ្លីជិះទៅកម្សាន្តបុណ្យសមុទ្រ

សមត្ថកិច្ចការពារពិធីបុណ្យសមុទ្របដិសេធថា មិនបានឃាត់រថយន្តឈ្នួល ដែលសកម្មជនដីធ្លី ជិះទៅចូលរួមលេងកម្សាន្តក្នុងពិធីបុណ្យសមុទ្រទេ។ ប្រតិកម្មនេះ ធ្វើឡើងក្រោយពេល ស្ត្រីជាសកម្មជនដីធ្លី នៅស្រុកស្រែអំបិលម្នាក់អះអាងថា សមត្ថកិច្ចខេត្តកោះកុង កាលពីថ្ងៃទី១៤ ធ្នូ បានឃ្លាំមើល សកម្មភាពរូបគាត់ តាំងពីចេញពីផ្ទះ រហូតដល់ចំណុចរូបសំណាកតំណាងខេត្តកោះកុង (រូបបេះដូង) ហើយបានឃាត់រថយន្តគាត់ជាច្រើនម៉ោង មិនឲ្យបន្តទៅមុខ។
១៤ ធ្នូ ២០១៨
លោក សម រង្ស៊ី ជំរុញអន្តរជាតិ ឲ្យដាក់គំនាបកាន់តែខ្លាំង លើរដ្ឋាភិបាលខ្មែរ

លោក សម រង្ស៊ី រឹតតែទោមនស្សជាមួយរដ្ឋាភិបាលកម្ពុជា ក្រោយច្បាប់ស្តីពីគណបក្សនយោបាយ ត្រូវបានកែប្រែសាជាថ្មី ដែលគេ ដឹងថា ការកែប្រែនេះ គឺដើម្បីបើកច្រកឲ្យអតីតថ្នាក់ដឹកនាំគណបក្សប្រឆាំង បានវិលមកកាន់ឆាកនយោបាយវិញ។ លោក សម រង្ស៊ី មិនត្រឹមតែមិនសាទរនោះទេ តែលោក ថែមទាំងយល់ថា ការធ្វើដូច្នេះ គឺជាយុទ្ធសាស្ត្ររបស់សម្តេច ហ៊ុន សែន ដើម្បីបំបែកបំបាក់អតីតថ្នាក់ដឹកនាំគណបក្សប្រឆាំង។
១៤ ធ្នូ ២០១៨
ភាពចម្រូងចម្រាសក្នុងគណបក្សសង្គ្រោះជាតិ លើការសុំសិទ្ធិធ្វើនយោបាយ

មកដល់ពេលនេះ មន្ត្រីនៃអតីតគណបក្សសង្គ្រោះជាតិមួយចំនួន នៅរារែកចិត្ត ចាំមើលសភាពការណ៍ តែអ្នកខ្លះក៏បានត្រៀមខ្លួនដាក់សំណើសុំធ្វើនយោបាយឡើងវិញរួចរាល់ហើយដែរ។
១៤ ធ្នូ ២០១៨
លោកTed Yoho ប្តេជ្ញាស្នើច្បាប់ HR5754 ឡើងវិញក្រោយអស់សុពលភាពនៅចុងខែធ្នូ

សេចក្តីព្រាងច្បាប់ HR5754 នេះត្រូវបានដាក់ចូលសភាជាតិកាលពីថ្ងៃទី១០ ខែឧសភា ឆ្នាំ២០១៨នេះ ដោយសមាជិកសភា ធិត យូហូ (Ted Yuho) ហើយត្រូវបានអនុម័តដោយសភាពេញអង្គ ដោយគ្មានការជំទាស់ នៅថ្ងៃទី២៥ ខែកក្កដា គឺតែប៉ុន្មានថ្ងៃមុនពេលដែលប្រទេសកម្ពុជារៀបចំការបោះឆ្នោតជាតិ។
១៤ ធ្នូ ២០១៨
NEA ចុះកិច្ចព្រមព្រៀងជាមួយ GIZ លើកកម្ពស់ការងារក្នុងខេត្តបន្ទាយមានជ័យ

ទីភ្នាក់ងារជាតិមុខរបរ និងការងារ (NEA) ) និងទីភ្នាក់ងារសហប្រតិបត្តិការអាល្លឺម៉ង់ (GIZ) បានចុះកិច្ចព្រមព្រៀងសហប្រតិបត្តិការងារជាមួយគ្នា ដើម្បីលើកកម្ពស់ការងារដល់ពលរដ្ឋក្នុងខេត្តបន្ទាយមានជ័យ។
១៤ ធ្នូ ២០១៨
សម រង្ស៊ី សរសេរទៅមេដឹកនាំពិភពលោកថា «ការបង្ក្រាបផ្នែកនយោបាយ មានកាន់តែខ្លាំងនៅកម្ពុជា»

ប្រធានស្ដីទីគណបក្សប្រឆាំង លោក សម រង្ស៊ី ដែលកំពុងមានវត្តមាន ក្នុងប្រទេសបារាំង បានចេញសេចក្ដីថ្លែងការណ៍មួយ ទៅកាន់មេដឹកនាំនានា នៅលើពិភពលោក រួមមានទាំងមេដឹកនាំ នៃប្រទេសជាមិត្តកម្ពុជា និងមេដឹកនាំ នៃស្ថាប័នអន្តរជាតិនានា ដើម្បីពន្យល់មេដឹកនាំទាំងនោះ អំពីសភាពការណ៍នយោបាយចុងក្រោយ នៅកម្ពុជា ដែលលោក សម រង្ស៊ី ខ្លួនលោកអះអាងថា ជា«ការបង្ក្រាបផ្នែកនយោបាយ ដែលមានកាន់តែខ្លាំងឡើង»។
១៤ ធ្នូ ២០១៨
លោករ៉ាត់ រដ្ឋមុនី អាចប្រឈមនឹងទោសជាប់ពន្ធនាគារយ៉ាងតិច១ឆ្នាំ បើសិនតុលាការរកឃើញកំហុស

លោករ៉ាត់ រដ្ឋមុនី ដែលបានចូលរួមផលិតភាពយន្តឯកសារស្តីពីការលក់កូនស្រីជាមួយទូរទស្សន៍រុស្ស៊ី ត្រូវបានតុលាការក្រុងភ្នំពេញសម្រេចឃុំខ្លួនបណ្តោះអាសន្ននៅក្នុងពន្ធនាគារកាលពីល្ងាចមិញនេះ។ តុលាការបានចោទប្រកាន់លោកពីបទញុះញង់ឲ្យមានការរើសអើងតាមមាត្រា៤៩៦នៃក្រមព្រហ្មទណ្ឌ។ តាមមាត្រាច្បាប់នេះ លោករ៉ាត់ រដ្ឋមុនី អាចប្រឈមនឹងការជាប់ពន្ធនាគារយ៉ាងតិចមួយឆ្នាំ បើសិនតុលាការរកឃើញថាលោកបានប្រព្រឹត្តកំហុសមែននោះ។
១៤ ធ្នូ ២០១៨
អ៊ូ ច័ន្ទរ័ត្ន ថាគ្មានបំណងសុំសិទ្ធិនយោបាយពី ហ៊ុន សែន ទេ

«គេដក[សិទ្ធិនយោបាយ]ពីយើង ទាំងយើងគ្មានកំហុស ដូច្នេះយើងគ្មានរឿងអី ទៅសុំ[សិទ្ធិនយោបាយនេះ ពី]គេទេ» នេះ ជាការអះអាងឡើងរបស់លោក អ៊ូ ច័ន្ទរ័ត្ន អតីតអ្នកតំណាងរាស្ត្រ មកពីគណបក្សសង្គ្រោះជាតិ នៅព្រឹកនេះ ដើម្បីតបនឹងការធ្វើអត្ថាធិប្បាយមួយចំនួន ដែលមាននិន្នាការពន្យល់ថា លោកមានបំណងចង់ ស្នើសុំលោក ហ៊ុន សែន នាយករដ្ឋមន្ត្រីចាក់ឫស តាំងពីឆ្នាំ១៩៨៥ របស់ប្រទេសកម្ពុជា ដើម្បីទទួលបានសិទ្ធិ ធ្វើនយោបាយឡើងវិញ។