-
ការរឹតត្បិត លើសេរីភាពបញ្ចេញមតិ នៅក្នុងប្រព័ន្ធផ្សព្វផ្សាយកម្ពុជា
ប្រទេសកម្ពុជា មិនមានប្រព័ន្ធផ្សព្វផ្សាយសេរីមួយសោះ បើតាមហេតុផលពិតនៃពិភពលោក។ សេរីភាពបញ្ចេញមតិស្របតាមច្បាប់ គឺតម្រូវឲ្យមានការប្រតិបត្តិតាម។ ហើយការធានានូវសេរីភាពបញ្ចេញមតិ តម្រូវឲ្យមានការស៊ើបអង្កេតយ៉ាងសមរម្យ លើការរំលោភបំពានពេលកើតមានឡើង។ ប៉ុន្តែដូចដែលរបាយការណ៍សង្ខេបនេះបង្ហាញអញ្ចឹង ការបំភិតបំភ័យនៅតែមាន ដែលប្រព្រឹត្តឡើងដោយអ្នកមានអំណាច និងអ្នកមានទំនាក់ទំនងល្អជាមួយអ្នកមានអំណាច ក្នុងអំឡុងពេល១៥ខែនេះ ស្ថិតក្រោមការត្រួតពិនិត្យ(ថ្ងៃទី១មករា២០០៨ ដល់ថ្ងៃទី៣១មីនា២០០៩) ស្របពេលមានការខ្វះខាតចំពោះការស៊ើបអង្កេត ទៅលើករណីជាច្រើន ដែលក្នុងនោះអ្នកសារព័ត៌មានត្រូវបានគេវាយប្រហារ ឬគម្រាមកំហែង នៅពេលពួកគេកំពុងបំពេញការងារ។
អានបន្ត -
-
ព្រះវិហារ ព្រះរាជាណាចក្រកម្ពុជា ̶ ការវិភាគច្បាប់ ស្តីពីព្រឹត្តិការណ៍ថ្ងៃទី៣មេសា២០០៩ ដែលជាលទ្ធផលបានបំផ្លាញភូមិមួយ និងខូចខាតដល់ប្រាសាទព្រះវិហារ
របាយការណ៍ដ៏ខ្លីមួយនេះ ចេញដោយម.ស.ម.ក ដើម្បីវិភាគលើការជាប់ទាក់ទិនផ្នែកច្បាប់អន្តរជាតិ នៃព្រឹត្តិការណ៍ ថ្ងៃទី៣មេសា២០០៩ នៅប្រាសាទព្រះវិហារ ដែលដឹងថា ភូមិមួយឈ្មោះភូមិផ្សារជើងប្រាសាទ ត្រូវបានបំផ្លាញខ្ទេចខ្ទី និងប្រាសាទព្រះវិហារ ត្រូវបានខូចខាត ដែលបង្កឡើងដោយកងកម្លាំងប្រដាប់អាវុធ របស់ព្រះរាជាណាចក្រថៃឡង់ដ៍។
អានបន្ត -
-
ហេតុការណ៍ និងទូរលេខនៃគ្រួសារ ដែលត្រូវបានជម្លៀសចេញ
ដំណោះស្រាយនេះ បានអះអាងថា ការបណ្តេញចេញបង្កើតបានជាការរំលោភបំពាន លើសិទ្ធិមនុស្សទាំងស្រុង និងបានជម្រុញដល់រដ្ឋាភិបាលឲ្យបញ្ឈប់នូវការអនុវត្តបែបនេះ។ បើតាមន័យកាតព្វកិច្ចដ៏ជាក់លាក់ គណកម្មាធិការ បានឲ្យជាអនុសាស្ត្រថា អង្គភាពរបស់រដ្ឋាភិបាល ដែលជម្លៀសប្រជាជន ត្រូវតែប្រឹក្សាជាមួយអ្នកទទួលរងការប៉ះពាល់សិន មុនធ្វើការជម្លៀសចេញ។
អានបន្ត -
អង្គការមិនមែនរដ្ឋាភិបាល ដាក់ពាក្យរួមគ្នាទៅដល់កិច្ចប្រជុំត្រួតពិនិត្យ ជាសាកលស្តីពីការបំពេញកាតព្វកិច្ច និងការប្តេជ្ញារបស់កម្ពុជា លើបញ្ហាសិទ្ធិមនុស្ស
ការដាក់ពាក្យរួមគ្នាមួយ ស្តីពីសេរីភាពបញ្ចេញមតិ និងការជួបប្រជុំគ្នា នៅក្នុងប្រទេសកម្ពុជា ដែលធ្វើឡើងដោយ គណកម្មាធិការចម្រុះនៃអង្គការមិនមែនរដ្ឋាភិបាល សម្របសម្រួលដោយសម្ព័ន្ធភាពដើម្បីសេរីភាពបញ្ចេញមតិនៅកម្ពុជា និងផ្តល់ជំនួយពីមជ្ឈមណ្ឌលធនធានច្បាប់អាស៊ី(ALRC)។ ចំពោះការដាក់ពាក្យទៅ ការិយាល័យឧត្តមស្នងការទទួលបន្ទុកសិទ្ធិមនុស្ស នៅក្នុងទីក្រុងហ្សឺណេវ ដើម្បីបូកបញ្ចូលគ្នានូវព័ត៌មានសង្ខេប ដែលបានប្រមូលរួមគ្នា ទៅដល់កិច្ចប្រជុំត្រួតពិនិត្យជាសាកល ស្តីពីការបំពេញកាតព្វកិច្ច និងការប្តេជ្ញារបស់កម្ពុជា លើបញ្ហាសិទ្ធិមនុស្ស។
អានបន្ត -
មជ្ឈមណ្ឌលឯកសារ ស្តីពីសិទ្ធិលំនៅឋាន និងការបណ្តេញចេញ
ភាពអវត្តមាននៃសិទ្ធិធានាកាន់កាប់ដីធ្លី និងការបណ្តេញចេញដោយបង្ខំ បង្ហាញយ៉ាងច្បាស់នូវការរំលោភបំពាន នៃកាតព្វកិច្ចសិទ្ធិលំនៅឋានរបស់រដ្ឋាភិបាលកម្ពុជា តាមការកត់សម្គាល់ក្រោមមាត្រា១១នៃកតិកាសញ្ញាអន្តរជាតិស្ដីពីសិទ្ធិសេដ្ឋកិច្ច សង្គម និង វប្បធម៌(ICESCR)។ ការមិនមានគម្រោងនីតិបញ្ញត្តិដ៏ទូលំទូលាយមួយ និងការបរាជ័យនៃយន្តការធានាសិទ្ធិកាន់កាប់ដីធ្លី រួមទាំងប្រព័ន្ធតុលាការឯករាជ្យនិងមានប្រសិទ្ធិភាព ធ្វើឲ្យរដ្ឋាភិបាលបរាជ័យក្នុងការបំពេញកាតព្វកិច្ចសិទ្ធិលំនៅឋានរបស់ខ្លួន។ ការបណ្តេញចេញខុសច្បាប់ និងជាញឹកញាប់ប្រកបដោយហិង្សា ដែលកើតឡើងនៅពេលមិនមានការការពារតាមបែបនីតិវិធីច្បាប់ដ៏សមរម្យ ដូចជាការពិគ្រោះពិភាក្សា ការផ្តល់សំណងសមស្រប និងឱកាសដើម្បីដោះស្រាយតាមផ្លូវច្បាប់នោះ ធ្វើឲ្យមានការរំលោភលើតួនាទីក្នុងទប់ស្កាត់មិនឲ្យមានការបណ្តេញចេញដោយបង្ខំ។ លើសពីនេះ រដ្ឋាភិបាលកំពុងខកខានអនុវត្តកាតព្វកិច្ចរបស់ខ្លួន ដើម្បីការពារមិនឲ្យមានការបណ្តេញចេញ ដែលធ្វើឡើងដោយភាគីទីបី រួមទាំងបុគ្គល និងក្រុមហ៊ុនឯកជនផងដែរ។
អានបន្ត -
-
ស្ថានពន្ធនាគារនៅកម្ពុជា ឆ្នាំ២០០៨
ស្ថានរស់នៅរបស់អ្នកទោសជាបុរស និងស្ត្រីជាម្តាយរស់នៅក្នុងពន្ធនាគារជាមួយកូន។ ចំពោះរបាយការណ៍នេះវិញ មានគោលបំណង អធិប្បាយអំពីអ្នកទោសជាស្ត្រី និងបទពិសោធន៍ដែលពួកគាត់បានជួបប្រទះ នៅក្នុងពន្ធនាគារ។ របាយការណ៍ក៏លើកយកមកនិយាយ អំពីប្រភេទបទល្មើសដែលស្ត្រីទាំងនោះបានប្រព្រឹត្ត និងស្ថានភាពរស់នៅរបស់ពួកគាត់នៅក្នុងពន្ធនាគារ។ ករណីសិក្សានីមួយៗ ត្រូវបានដកស្រង់ចេញពីរឿងរ៉ាវជីវិតពិតរបស់អ្នកទោសហើយឈ្មោះ និងព័ត៌មានលម្អិតមួយចំនួនត្រូវបានផ្លាស់ប្តូរ ក្នុងគោលបំណងដើម្បីការពារអត្តសញ្ញាណរបស់អ្នកទោស។ របាយការណ៍នេះ ក៏បានផ្តល់ព័ត៌មានបន្ថែម ទាក់ទងនឹងស្ថិតិអំពីបញ្ហាពាក់ព័ន្ធ មួយចំនួន ដែលប្រមូលបាននៅក្នុងឆ្នាំ២០០៧និង២០០៨ ផងដែរ។
អានបន្ត -
-
របាយការណ៍សិទ្ធិមនុស្ស ឆ្នាំ២០០៨
ស្ថានភាពនៅក្នុងពន្ធនាគារ គឺមិនប្រកបទៅដោយបទដ្ឋានអន្តរជាតិទេ។ ស្ថានភាពនៅតែអាក្រក់ ហើយពេលខ្លះមានការគម្រាមកំហែងដល់ជីវិតថែមទៀត។ កិច្ចប្រឹងប្រែង ដើម្បីធ្វើឲ្យស្ថានភាពទាំងនេះបានប្រសើរឡើង គឺនៅតែមានការរំខាន ដោយការខ្វះខាតមូលនិធិ និងការអនុវត្តមិនបានដិតដល់។ អង្គការសិទ្ធិមនុស្សនានា បានលើកឡើងនូវបញ្ហាធ្ងន់ធ្ងរមួយចំនួន រួមមានបញ្ហាការរស់នៅចង្អៀតគ្នា សុខភាព និងអនាម័យ កង្វះម្ហូបអាហារ និងទឹក អាហារូបត្ថម្ភ និងសន្តិសុខមិនល្អ។
អានបន្ត -
របាយការណ៍ ស្តីពីស្ថានភាពសិទ្ធិមនុស្សឆ្នាំ២០០៩
ឆ្នាំ២០០៩ ត្រូវបានគេកត់សម្គាល់ឃើញថាមានការកើនឡើងនូវការរឹតត្បិត លើសេរីភាពបញ្ចេញមតិ ជាពិសេសលើអ្នកនយោបាយ និងអ្នកតំណាងអង្គការសង្គមស៊ីវិល ដែលបាននិយាយរិះគន់ដល់រដ្ឋាភិបាលកម្ពុជា។ ហេតុដូច្នោះហើយ យ៉ាងហោចណាស់ក៏មានពាក្យបណ្តឹងចំនួនពីរ ត្រូវបានមន្ត្រីរដ្ឋាភិបាល ដាក់ប្តឹងអ្នកនយោបាយខាងបក្សប្រឆាំង និងអ្នកតំណាងអង្គការសង្គមស៊ីវិល ព្រមទាំងមានពាក្យបណ្តឹងចំនួន២៥បន្ថែមទៀត ប្តឹងអ្នកសារព័ត៌មាន។ នៅឆ្នាំនេះ ស្ថានភាពហ្នឹងគេអាចប្រៀបធៀបនឹងឆ្នាំ២០០៥ បើទុកជាមានការកែប្រែប្រសើរជាងមុនបន្តិចចំពោះការកាត់ទោសក្នុងករណីបរិហារកេរ្តិ៍ ក៏ដោយ។ គ្មាននរណាម្នាក់ ដែលគេចោទពីបទបរិហារកេរ្តិ៍ ត្រូវបានជាប់ពន្ធនាគារឡើយ ហើយជនជាប់ចោទពីបទផ្សេងៗទៀត ត្រូវបានគេផ្តល់ឱកាសច្រើនជាងមុន ដើម្បីគេចខ្លួនទៅបរទេស បើប្រៀបធៀបទៅឆ្នាំ២០០៥។ គួរឲ្យកត់សម្គាល់ដែរ វាបានក្លាយជានិន្នាការមួយ ដើម្បីរឹតត្បិតសិទ្ធិសេរីភាព បន្ទាប់ពីបោះឆ្នោតជាសាកល និងបង្កើតរដ្ឋាភិបាលថ្មីមក។ នៅពេលប្រារព្ធធ្វើការបោះឆ្នោតជាថ្មី ស្ថានភាព ត្រូវបានគេបន្ធូរបន្ថយ។ នៅខណៈពេលនេះ យើងរំពឹងថា និន្នាការស្រដៀងនេះ នឹងត្រូវបានគេធ្វើម្តងទៀត។
អានបន្ត
គាំទ្រដោយ
