-
ស្ថានភាពសិទ្ធិមនុស្ស នៅកម្ពុជា
របាយការណ៍របស់អ្នកតំណាងពិសេសនៃអគ្គលេខាធិការ អង្គការសហប្រជាជាតិទទួលសិទ្ធិមនុស្សនៅកម្ពុជា ត្រូវបានបញ្ចប់ហើយនៅថ្ងៃទី១០មករា ឆ្នាំ២០០៦។ ចាប់តាំងពីពេលនោះមក មានការអភិវឌ្ឍន៍ជម្រុញទឹកចិត្តមួយចំនួន ជាពិសេសនៅក្នុងទំនាក់ទំនងបង្កើតបរិយាកាសមួយ ដែលអនុគ្រោះដល់សកម្មភាពនយោបាយស្របច្បាប់។
អានបន្ត -
ការវិភាគ និងការវាយតម្លៃ លើបញ្ហាយេនឌ័រ
ការវិភាគ និងការវាយតម្លៃ លើបញ្ហាយេនឌ័រ ដែលបង្កើតឡើងដោយ USAID/Cambodia ដកស្រង់ពីប្រភពព័ត៌មានសំខាន់ចំនួនពីរ។ វាបានចាប់ផ្តើមត្រួតពិនិត្យឯកសារ ស្តីពីបញ្ហាយេនឌ័រនៅក្នុងប្រទេសកម្ពុជា ដែលបានមកពីបេសកកម្មរបស់USAID ប្រទេសម្ចាស់ជំនួយដទៃទៀត និងអង្គការមិនមែនរដ្ឋាភិបាល(NGOs) និងរដ្ឋាភិបាល។
អានបន្ត -
-
តួនាទី និងសមិទ្ធិផល នៃឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស នៅកម្ពុជា
របាយការណ៍នេះ ត្រូវបានរៀបចំឡើងដោយស្របតាមដំណោះស្រាយរបស់ គណកម្មាធិការសិទ្ធិមនុស្ស ២០០៥/៧៧ បានស្នើឲ្យអគ្គលេខាធិការ ធ្វើការរាយការណ៍ដល់គណកម្មាធិការនៅ សម័យប្រជុំលើកទី៦២របស់ខ្លួន ស្តីពីតួនាទី និងសមិទ្ធិផល នៃឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស ក្នុងការទទូចឲ្យរាជរដ្ឋាភិបាល និងប្រជាជនកម្ពុជា ឲ្យលើកកម្ពស់ និងការពារសិទ្ធិមនុស្ស។ របាយការណ៍នេះ មានរយៈពេលចាប់ពីថ្ងៃទី១មករា ដល់ថ្ងៃទី១៦ធ្នូឆ្នាំ២០០៥។
អានបន្ត -
កម្ពុជា៖ អំពើហិង្សា ប្រឆាំងនឹងស្ត្រីភេទ ឆ្នាំ២០០៦
របាយការណ៍នេះ បានស្រាវជ្រាវរកឃើញបញ្ហាលើស្ត្រីនៅកម្ពុជា ដែលពាក់ព័ន្ធនឹងអំពើហិង្សា ក្នុងគ្រួសារ រំលោភសេពសន្ថវៈ និងអំពើជួញដូរមនុស្ស។ គោលបំណងនៃរបាយការណ៍ គឺដើម្បី បញ្ជាក់នូវស្ថានភាពបច្ចុប្បន្ន នៃទម្រង់ហិង្សាបែបនេះ។ នៅពីក្រោយឧបសគ្គទាំងនេះ គឺការឆ្លើយតបមិនបានពេញលេញរបស់រាជរដ្ឋាភិបាលកម្ពុជា និងឆន្ទៈនយោបាយក្នុងការដោះស្រាយបញ្ហានានា និងការចាប់ផ្តើមធ្វើការកែទម្រង់។ ការកែតម្រង់ផ្នែកនីតិកម្មការ ផ្នែកអប់រំ និងកែទម្រង់លើប្រយោជន៍នានា ដែលពាក់ព័ន្ធដល់សង្គមវប្បធម៌ ទាំងអស់នេះធ្វើឲ្យមានអំពើហិង្សាយូរអង្វែង។
អានបន្ត -
របាយការណ៍ ស្តីពីសិទ្ធិមនុស្ស ឆ្នាំ២០០៥
នៅចុងឆ្នាំ២០០៥ មានព្រឹត្តិការណ៍ចាប់ខ្លួន និងការឃុំខ្លួនគួរឲ្យកត់សម្គាល់ លើសកម្មជនសិទ្ធិមនុស្ស និងមេដឹកនាំអង្គការសង្គមស៊ីវិលមួយចំនួន ដែលបន្ទាប់មកត្រូវបានដោះលែងទៅវិញ។ ព្រឹត្តិការណ៍ទាំងនេះ ធ្វើឲ្យមានការពន្យាពេលក្នុងការសរសេររបាយការណ៍ ស្តីពីស្ថានភាពសិទ្ធិមនុស្សសម្រាប់ឆ្នាំ២០០៥ ដែលយឺតជាងមួយខែបើប្រៀបធៀបទៅឆ្នាំមុន។ យើងសូមធ្វើការខមាទោសចំពោះអ្នកអាន និងប្រិយមិត្តរបស់យើងទាំងអស់ សម្រាប់ការពន្យាពេលនេះ។
អានបន្ត -
ការវាយតម្លៃលើតម្រូវការ និងការវិភាគអំពីស្ថានភាពរបស់កម្មករចំណាកស្រុកកម្ពុជានៅក្នុងស្រុកក្លងយ៉ៃ ខេត្តត្រាត ប្រទេសថៃ (ខែតុលា ឆ្នាំ២០០៥)
បន្ទាប់ពីបញ្ចប់ការស្រាវជ្រាវ ដែលផ្តោតទៅលើខេត្តកោះកុង និងខេត្តត្រាត អង្គការជំនួយផ្លូវច្បាប់ដល់កុមារ និងស្ត្រី (ជ.ច.ក.ស) មានបំណងអនុវត្តការងារបន្ថែមទៀតនៅក្នុងខេត្តត្រាត ដើម្បីគាំទ្រដល់កម្មករចំណាកស្រុក។ ការស្រាវជ្រាវរបស់ ជ.ច.ក.ស បានបង្ហាញឲ្យឃើញថា មានភាពងាយរងគ្រោះជាខ្លាំងចំពោះប្រជាពលរដ្ឋកម្ពុជា ដែលធ្វើចំណាកស្រុកឆ្ងាយពីស្រុកកំណើតរបស់ពួកគេ និងឆ្លងដែនពីប្រទេសកម្ពុជាមកកាន់ប្រទេសថៃ។ ដោយសារតែពួកគេជាកម្មករឆ្លងដែនខុសច្បាប់ ពួកគេមិនអាចប្រើប្រាស់សិទ្ធិសេរីភាពរបស់ខ្លួនបានច្រើន (បើទោះជាពួកគេដឹងពីបញ្ហានេះក៏ដោយ) ហើយប្រឈមមុខនឹងការរើសអើង និងការកេងប្រវ័ញ្ចជាច្រើន។
អានបន្ត -
លំនាំនៃបញ្ហានិទណ្ឌភាព ដែលកំពុងកើតមានជាបន្ត នៅក្នុងប្រទេសកម្ពុជា
របាយការណ៍នេះ សរសេរពីទម្រង់ និងគម្រូផ្សេងៗនៃនិទណ្ឌភាព ដែលលោកតំណាងពិសេសគ្រប់រូបរបស់លោកអគ្គលេខាធិការអ.ស.ប ទទួលបន្ទុកសិទ្ធិមនុស្សនៅកម្ពុជា និងអ្នកជំនាញការដទៃទៀត ដែលធ្វើការក្រោមការជួយឧបត្ថម្ភ របស់អ.ស.ប បានធ្វើការកត់ត្រានៅក្នុងរបាយការណ៍សាធារណៈនានា នៅអំឡុងពេលជាងមួយទសវត្សរ៍កន្លងមកនេះ។
អានបន្ត -
ការទាមទារឲ្យមានច្បាប់ ប្រឆាំងនឹងអំពើពុករលួយ សម្រាប់កម្ពុជាដែលមានបទដ្ឋានអន្តរជាតិ
កិច្ចខិតខំប្រឹងប្រែងនានា ដែលជម្រុញឲ្យមានច្បាប់ប្រឆាំងអំពើពុករលួយ នៅក្នុងប្រទេសកម្ពុជា ចាប់ផ្តើមឡើងតាំងពីឆ្នាំ១៩៩៤មក។ ពង្រាងច្បាប់នីមួយៗ ដែលបានបង្កើតឡើងក្នុងរយៈពេល១០ឆ្នាំ កន្លងមកនេះ គឺជាពង្រាងដែលស្ថិតនៅក្រោមបទដ្ឋានអន្តរជាតិ។ នាពេលថ្មីៗនេះ រាជរដ្ឋាភិបាលបានបញ្ជាក់ថា ការអនុម័តច្បាប់ប្រឆាំងនឹងអំពើពុករលួយមួយ ដែលស្របតាមបទដ្ឋានអន្តរជាតិ គឺជាអាទិភាពដ៏ចម្បងនៅក្នុងយុទ្ធសាស្ត្រចតុកោណ សម្រាប់កំណើនរបស់ខ្លួន។ នៅឯកិច្ចន្រជុំពិគ្រោះយោបល់ជាមួយនឹងសហគមន៍អ្នកផ្តល់ជំនួយអន្តរជាតិ កាលពីខែធ្នូ២០០៤ កន្លងមក រាជរដ្ឋាភិបាលកម្ពុជាបានព្រមព្រៀងថា នឹងអនុម័តច្បាប់ស្តីពីការប្រឆាំងអំពើពុករលួយ ដែលមានបទដ្ឋានអន្តរជាតិមិនឲ្យហួសដំណាច់ឆ្នាំ២០០៥ខាងមុខនេះ។
អានបន្ត -
កម្មវិធីជំនួយកសិករឯកជន
ចូលមកដល់ឆ្នាំ២០០២នេះ កម្មវិធីជំនួយកសិករឯកជន(PFAP) ត្រូវបានUSAID វាយតម្លៃ។ ក្រុមវាយតម្លៃនេះ បានរកឃើញថា PFAP បានអនុវត្តតាមយ៉ាងជោគជ័យ ចំពោះសកម្មភាពជាលំដាប់ដ៏សំខាន់ៗ។ ប្រជាជននៅតាមជនបទមួយចំនួនធំ បានទទួលការហ្វឹកហ្វឺន និងការផ្តល់ប្រឹក្សាបច្ចេកទេសទៅតាមវិស័យផ្សេងៗ ជាមួយនឹងអង្គការជនបទចាំបាច់ជាច្រើន ដែលបានបង្កើត និង/ឬបានពង្រឹងផងដែរ។ ការគ្រប់គ្រង គណនេយ្យ និងប្រព័ន្ធដទៃទៀតថ្មីៗ នៅក្នុងអង្គការទាំងនេះត្រូវបានដាក់ឲ្យដំណើរការ ផែនការជំនួញជាច្រើនត្រូវបានរៀបចំ ឥណទានបន្ថែមត្រូវបានគេផ្តល់ឲ្យ និងប័ណ្ណកាន់កាប់ដីធ្លីចំនួនរាប់ពាន់ប័ណ្ណ ត្រូវបានចេញឲ្យ និងរាប់រយពាន់ទៀតត្រូវបានចុះឈ្មោះ។
អានបន្ត -
របាយការណ៍ ប្រចាំឆ្នាំ២០០៥
អាចនឹងមិនមានចម្ងល់ថា ឆ្នាំ២០០៥គឺជាឆ្នាំចាប់ផ្តើមរបស់ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស។ វាបានកត់សម្គាល់នូវខណៈ ដែលការិយាល័យសិទ្ធិមនុស្សអង្គការសហប្រជាជាតិ ជាលើកដំបូង អាចបញ្ចូលនូវទស្សនៈ យុទ្ធសាស្ត្រ បុគ្គលិកលក្ខណៈ ធនធាន និងការគាំទ្រផ្នែកនយោបាយ ទៅក្នុងការចាប់ផ្តើមនៃមធ្យោបាយដ៏មានប្រសិទ្ធភាពដោយការស្វែងរកដោះស្រាយការប្រឈមមុខផ្នែកសិទ្ធិមនុស្សយ៉ាងធំបំផុត មួយចំនួន ដែលយើងកំពុងប្រឈមមុខនៅក្នុងពិភពលោកនាពេលបច្ចុប្បន្ននេះ។ នៅក្នុងរបាយការណ៍ ដែលនៅពីមុខអ្នកនេះ យើងស្វែងរកការពន្យល់ដល់អ្នក នូវរបៀបដែលបញ្ហានេះបានកើតឡើងយ៉ាងម៉េច និងថាតើមានតម្រូវការចាំបាច់បន្ថែមទៀតត្រូវបានគេធ្វើ ដើម្បីអាចឲ្យយើងបន្តដំណើរ ដែលយើងបានប្រតិបត្តហើយ ឬយ៉ាងណា។
អានបន្ត -
របាយការណ៍ ស្តីពីស្ថានភាពសិទ្ធិមនុស្ស ឆ្នាំ២០០៤
បន្ទាប់ពីការបោះឆ្នោតជាតិឆ្នាំ២០០៣មក មានការជាប់គាំងផ្នែកនយោបាយ រវាងគណបក្សនយោបាយល្បីបំផុតចំនួនបី ដែលបន្តរហូតដល់ពាក់កណ្តាលឆ្នាំ២០០៤។ វាបានក្លាយជាទម្លាប់ទៅហើយ ដែលវិបត្តិនយោបាយកើតឡើងនៅក្រោយពេលបោះឆ្នោតរួច។ ស្ថានភាពនេះ ឆ្លុះបញ្ចាំងឲ្យឃើញនូវភាពងាយរងគ្រោះនៃស្ថាប័នប្រជាធិបតេយ្យនៅប្រទេសកម្ពុជា និងភាពមិនទាន់ធំធាត់នៃអ្នកនយោបាយរបស់ខ្លួន ដែលបានដោះស្រាយវិបត្តិនយោបាយ ដោយការកែសម្រួលរដ្ឋធម្មនុញ្ញ រាល់ការបោះឆ្នោតជាបន្តបន្ទាប់ ដោយមិនគិតពីការជះឥទ្ធិពល លើស្មារតីនៃច្បាប់កំពូលរបស់ប្រទេសនេះទេ។
អានបន្ត
គាំទ្រដោយ
