-
សកម្មភាពបង្កហេតុរបស់ក្រុមហ៊ុន សេវិន អិន ជី ទៅលើប្រជាជនតំបន់ដីក្រហម
អង្គការលីកាដូ មានការព្រួយបារម្ភជាខ្លាំងចំពោះសកម្មភាពបង្កហេតុជាបន្តបន្តាប់ របស់ក្រុមហ៊ុន សេវិនអិន ជី ទៅលើប្រជាជនរស់នៅតំបន់ដីក្រហម ក្នុងគោលបំណងបណ្តេញពួកគាត់ចេញពីទីនោះ។ ឧប្បត្តិហេតុចុងក្រោយបំផុតបានកើតឡើងកាលពីយប់មិញ នៅខណៈដែលបុគ្គលិករបស់ក្រុមហ៊ុន សេវិន អិនជី មានបំណងយកគ្រឿងចក្រជីកដីយ៉ាងធំចូលទៅតំបន់ដីក្រហម ដែលនេះបង្កឲ្យមានប្រតិកម្មខឹងសម្បារពីប្រជាជនក្នុងសហគមន៏ ដោយសារតែខ្លាចគ្រឿងចក្រនេះនឹងបំផ្លាញផ្ទះសំបែងរបស់ពួកគាត់ ។
អានបន្ត -
យុត្តិធម៌គ្មានភាពប្រាកដនិយម
ការិយាល័យស៊ើបអង្កេត គឺជាការិយាល័យ ដែលមានតួនាទីជាអ្នកស៊ើបអង្កេតករណីរំលោភសិទ្ធិមនុស្ស និងជួយជនរងគ្រោះនានា ក្នុងដំណើរការបណ្តឹង ដែលពាក់ព័ន្ធខាងផ្នែកច្បាប់។ បុគ្គលិក ដែលហ្វឹកហ្វឺនជំនាញត្រឹមត្រូវ ក៏បានឃ្លាំមើលពន្ធនាគារចំនួន១៨ ដើម្បីវាយតម្លៃស្ថានភាពពន្ធនាគារ ព្រមទាំង ជួយឲ្យពិរុទ្ធជនទាំងឡាយទទួលបាននូវតំណាងផ្នែកច្បាប់ទៀតផង។ ការិយាល័យពេទ្យ គឺជាការិយាល័យ ដែលផ្តល់សេវាវេជ្ជសាស្ត្រដល់ពិរុទ្ធជន ទណ្ឌិត និងមន្ត្រីពន្ថនាគារ នៅតាមពន្ធនាគារ ចំនួន១៨កន្លែង។ ក្រៅពីនេះ ក៏បានផ្តល់សេវាវេជ្ជសាស្ត្រ និងជួយបញ្ជូនជនរងគ្រោះដោយអំពើរំលោភសិទ្ធិមនុស្សទៅមន្ទីរពេទ្យផងដែរ។
អានបន្ត -
-
-
ការបង្រ្កាបដោយហិង្សាទៅលើកូដកម្ម កម្មករកាត់ដេរសំលៀកបំពាក់ នៅខេត្តកណ្តាល
អង្គការសម្ព័ន្ធខ្មែរជំរឿន និងការពារសិទ្ធិមនុស្ស លីកាដូ សូមសំដែងនូវការសោកស្តាយចំពោះការបង្រ្កាបដោយហិង្សាពីសំនាក់កំលាំងនគរបាលស្រុក និងខេត្ត ទៅលើកូដកម្មកម្មករកាត់ដេរសំលៀកបំពាក់មួយ នៅភូមិព្រែកខ្សេវ ឃុំរកាខ្ពស់ ស្រុកស្អាង ខេត្តកណ្តាល កាលពីថ្ងៃទី២៩ វិចិ្ឆកា ឆ្នាំ២០០៧ ។
អានបន្ត -
ការបណ្តេញចេញពីដីធ្លីនៅខេត្តព្រះវិហារ សកម្មភាពសំលាប់និងឆក់ប្លន់ទ្រព្យសម្បត្តិ
អាជ្ញាធរ និងតុលាការត្រូវតែចាត់វិធានការឲ្យបានច្បាស់លាស់ ក្នុងការស៊ើបអង្កេតនិងដាក់ទណ្ឌកម្មទៅលើកំលាំងនគរបាលនិងទាហាន ដែលជាអ្នកទទួលខុសត្រូវក្នុងការរំលោភបំពានយ៉ាងធ្ងន់ធ្ងរទាំងនេះ រួមទាំងការចោទប្រកាន់ពីការសំលាប់ស្រ្តីម្នាក់នៅចំពោះមុខកូនៗរបស់គាត់នៅក្នុងសកម្មភាពបណ្តេញចេញពី ដីធ្លី កាលពីថ្ងៃទី១៥ ខែវិច្ឆិកា នៅខេត្តព្រះវិហារផង ។
អានបន្ត -
ទាមទារឲ្យមានការស៊ើបអង្កេត ក្នុងករណីបាញ់ប្រហារនៅខេត្តព្រះវិហារ
អង្គការលីកាដូ មានសេចក្តីក្រៀមក្រំជាខ្លាំងក្នុងករណីសំលាប់អ្នកភូមិពីរនាក់ ក្នុងខណៈពេលបណ្តេញពួកគាត់ចេញពីដីមួយកន្លែងក្នុងខេត្តព្រះវិហារ និងសូមអំពាវនាវឲ្យរដ្ឋាភិបាលធ្វើការស៊ើបអង្កេតឲ្យបានហ្មតចត់ ជាបន្ទាន់ក្នុងករណីបាញ់ប្រហារទាំងនេះ ។
អានបន្ត -
-
ការបណ្តេញចេញដោយបង្ខំ ចំពោះប្រជាពលរដ្ឋចំនួន ១៣២ គ្រួសារ នៅក្នុងសង្កាត់ជ្រោយចង្វារ
ក្រុមការងារពិសេសសិទ្ធិលំនៅឋាន គណៈកម្មាធិការប្រព្រឹត្តិកម្មនៃអង្គការ-សមាគមការពារសិទ្ធិមនុស្សកម្ពុជានិង វេទិកានៃអង្គការមិនមែនរដ្ឋាភិបាលស្តីពីកម្ពុជា មានការសោកស្តាយយ៉ាងខ្លាំង ចំពោះចំណាត់ការរបស់អាជ្ញាធរខណ្ឌឫស្សីកែវ ក្នុងការប្រើប្រាស់កម្លាំងប្រដាប់អាវុធ ដើម្បីបណ្តេញប្រជាពលរដ្ឋដោយបង្ខំ ចំនួន១៣២ គ្រួសារ ដែលរស់នៅក្នុងភូមិក្បាលជ្រោយ សង្កាត់ជ្រោយចង្វារ ខណ្ឌឫស្សីកែវ រាជធានីភ្នំពេញ កាលពីថ្ងៃទី ២ ខែវិច្ឆិកា ឆ្នាំ២០០៧ ។
អានបន្ត -
អំពើហិង្សាប្រឆាំងនារីភេទ៖ តើច្បាប់កម្ពុជារើសអើងប្រឆាំងនារីភេទ ដោយរបៀបណា
នៅឆ្នាំ១៩៩២ កម្ពុជាបានផ្តល់សច្ចាប័ន លើអនុសញ្ញា ស្តីពីការលុបបំបាត់រាល់ទម្រង់នៃការរើសអើងប្រឆាំងនារីភេទ CEDAW។ ច្បាប់សិទ្ធិមនុស្សអន្តរជាតិនេះ រួមមានមាត្រាមួយចំនួន ដែលសំដៅកាត់បន្ថយ និងលុបបំបាត់អំពើហិង្សាចំពោះស្ត្រី។ ដោយការផ្តល់សច្ចាប័ននេះ កម្ពុជាបានប្តេជ្ញាចិត្តរបស់ខ្លួន ចំពោះកិច្ចការពារស្ត្រី កម្ពុជាឲ្យរួចផុតពីអំពើហិង្សា និងលុបបំបាត់រាល់ការរើសអើង ប្រឆាំងនឹងនារីភេទ។
អានបន្ត -
សាលក្រមអយុត្តិធម៌ ចំពោះអ្នកតំណាងសហគមន៍ វត្តបូព៌
អង្គការសម្ព័ន្ធខ្មែរជំរឿននិងការពារសិទ្ធិមនុស្ស លីកាដូ សូមសំដែងនូវសេចក្តីខកចិត្ត ដោយសារតែ នៅសប្តាហ៍នេះអ្នកតំណាងសហគមន៍ម្នាក់ត្រូវបានកាត់ទោសអោយជាប់ពន្ធនាគារ ពីបទពាក់ព័ន្ធនឹងជំលោះដីធ្លីមួយយូរមកហើយ នៅខេត្តសៀមរាប ។
អានបន្ត -
ការធ្វើទុក្ខទោសដោយបំពានច្បាប់ ទៅលើក្រុមអ្នកតវ៉ាដីធ្លីនៅភ្នំពេញ
អង្គការលីកាដូ សូមសំដែងនូវការថ្កោលទោសយ៉ាងខ្លាំងក្លា ចំពោះអាជ្ញាធរក្រុងភ្នំពេញដែលបានចាប់បង្ខំនិងបញ្ជូនក្រុមអ្នកតវ៉ាដីធ្លីពីខេត្តស្វាយរៀងចេញពីភ្នំពេញកាលពីយប់មិញ ។ ទង្វើបែបនេះមិនអាចទទួលយកបានឡើយ និងជាការរំលោភបំពានដោយឥតលាក់លៀម ទៅលើសិទ្ធិសេរីភាពនៃការបញ្ចេញមតិនិងសិទ្ធិក្នុងការជួបជុំគ្នា ដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា ។
អានបន្ត
គាំទ្រដោយ
