កំពុងស្វែងរកទិន្នន័យ
រកឃើញ: 12.457
-
លោក ហ៊ុន សែន ស្នើជប៉ុនជួយគាំទ្រនិងបញ្ជូនអ្នកសង្កេតការណ៍បោះឆ្នោតមកកម្ពុជា
លោកនាយករដ្ឋមន្ត្រី ហ៊ុន សែន ស្នើសុំឲ្យជប៉ុន ជួយគាំទ្រ និងបញ្ជូនអ្នកសង្កេតការណ៍មកកម្ពុជា ដើម្បីតាមដានដំណើរការបោះឆ្នោតថ្នាក់ជាតិនៅពេលខាងមុខ។ រីឯអង្គការសង្គមស៊ីវិលយល់ថា សហគមន៍អន្តរជាតិ រួមមានជប៉ុន ជាដើម នឹងចូលរួមគាំទ្រការបោះឆ្នោតនៅកម្ពុជា ប្រសិនបើស្ថានភាពនយោបាយវិលទៅរកប្រក្រតីភាពវិញ។
-
គ.ជ.ប អំពាវនាវឲ្យពលរដ្ឋទៅបោះឆ្នោត ដើម្បីរើសមេដឹកនាំដែលខ្លួនពេញចិត្ត
មេដឹកនាំគណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប. បានអំពាវនាវឲ្យប្រជាពលរដ្ឋនៅទូទាំងប្រទេសទៅបោះឆ្នោតថ្នាក់ជាតិទាំងអស់គ្នា ដោយថាដើម្បីជ្រើសរើសមេដឹកនាំដែលខ្លួនពេញចិត្ត។
-
អង្គការអន្តរជាតិមួយជំរុញឲ្យអាជ្ញាធរស៊ើបអង្កេតករណីគំរាមសម្លាប់លោក ជា មុនី
អង្គការឃ្លាំមើលសិទ្ធិមនុស្សអន្តរជាតិ Front Line Defenders ជំរុញឲ្យអាជ្ញាធរស៊ើបអង្កេតឲ្យបានត្រឹមត្រូវលើករណីគំរាមសម្លាប់ និងការធ្វើទុក្ខបុកម្នេញ លើអតីតប្រធានសហជីពសេរីកម្មករនៃព្រះរាជាណាចក្រកម្ពុជា និងជាប្អូនប្រុសបង្កើតរបស់លោក ជា វិជ្ជា ដែលរងការបាញ់សម្លាប់កាលពីឆ្នាំ២០០៤។
-
ក្រុមសិទ្ធិមនុស្សជំរុញអោយរដ្ឋាភិបាលកម្ពុជាបង្កើនការបង្ក្រាបលើការជួញដូរកម្លាំងពលកម្មទៅថៃ
អង្គការសិទ្ធិមនុស្សអន្តរជាតិ នៅថ្ងៃចន្ទ ទី២២ ខែមករា ជំរុញអោយរដ្ឋាភិបាលកម្ពុជា ផ្ដន្ទាទោសបុគ្គល និងក្រុមនាំពលករទាំងឡាយណាដែលមានជាប់ពាក់ព័ន្ធនឹងការជួញដូរកម្លាំងពលកម្មខុសច្បាប់ទៅធ្វើការជាកម្មករលើទូកនេសាទរបស់ថៃ។ មន្ត្រីជាន់ខ្ពស់របស់រដ្ឋាភិបាលកម្ពុជា អះអាងថា កន្លងមកកម្ពុជា បានចាត់ការលើបញ្ហានេះ ហើយបានកែសម្រួលលក្ខខណ្ឌការងារជាច្រើន។
-
"បរិយាកាសសិទ្ធិនយោបាយនិងសិទ្ធិពលរដ្ឋនៅកម្ពុជាធ្លាក់ចុះអាក្រក់បំផុតក្នុងឆ្នាំ២០១៧"
អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) នៅថ្ងៃ១៨ ខែមករា នេះ បានចេញផ្សាយរបាយការណ៍ពិនិត្យមើលឡើងវិញអំពីការអនុវត្ត និងស្ថានភាពសិទ្ធិមនុស្សនៅជុំវិញពិភពលោកក្នុងឆ្នាំ២០១៧។ របាយការណ៍កម្រាស់ ៦៤៣ទំព័រនេះ សង្ខេបពីបញ្ហាសិទ្ធិមនុស្សចម្បងៗ ក្នុងប្រទេសជាង ៩០នៅទូទាំងពិភពលោក ពាក់ព័ន្ធនឹងព្រឹត្តិការណ៍ដែលបានកើតឡើងតាំងពីចុងឆ្នាំ២០១៦ រហូតដល់ត្រឹមខែវិច្ឆិកា ឆ្នាំ២០១៧។
-
សាលារាជធានីហាមមន្ត្រីបក្សប្រឆាំងចូលរួមថ្លែងសារក្នុងពិធីគោរពវិញ្ញាណក្ខន្ធលោក ជា វិជ្ជា
សាលារាជធានីភ្នំពេញ ហាមសហជីពសេរីកម្មករកុំឲ្យតំណាងរាស្ត្រនិងមន្ត្រីគណបក្សសង្គ្រោះជាតិ ១១៨រូប ចូលរួមថ្លែងសារនយោបាយក្នុងពិធីដាក់កម្រងផ្កាគោរពវិញ្ញាណក្ខន្ធលោក ជា វិជ្ជា នៅថ្ងៃទី២២ មករា ខាងមុខនេះ។ អនុប្រធានសហជីពសេរីកម្មករ លោក ម៉ាន់ សេងហាក់ ថ្លែងថា ការហាមប្រាមបែបនេះ គឺជាការរឹតត្បិតសេរីភាពការបញ្ចេញមតិ។ ប៉ុន្តែលោកថា សហជីពពុំមានគម្រោងអញ្ជើញអ្នកតំណាងរាស្ត្រនៃគណបក្សសង្គ្រោះជាតិ ចូលរួមថ្លែងសារនយោបាយនោះទេ។
-
កម្មករ២រោងចក្រត្រៀមដាក់ញត្តិស្នើសុំអន្តរាគមន៍ពីនាយករដ្ឋមន្ត្រី
កម្មកររោងចក្រចំនួន២ ដែលមានថៅកែ ជាជនជាតិកូរ៉េ ត្រៀមដាក់ញត្តិដើម្បីសុំអន្តរាគមន៍ពីលោកនាយករដ្ឋមន្ត្រី ហ៊ុន សែន នៅថ្ងៃទី១៨ ខែមករា ក្រោយពេលពួកគេដេកតវ៉ានៅមុខរោងចក្រជាង ១ខែហើយ នៅតែគ្មានដំណោះស្រាយ។
-
ស្របពេលរដ្ឋាភិបាលគំរាមបិទការិយាល័យសិទ្ធិមនុស្សអង្គការសហប្រជាជាតិ ម្ចាស់ជំនួយនៅស្ងាត់ស្ងៀម
លោក ឌុច ពិសិដ្ឋ ប្រធានផ្នែកតស៊ូមតិនៅ មជ្ឈមណ្ឌលសិទ្ធិមនុស្សកម្ពុជាបានមានប្រសាសន៍ថា លោករំពឹងថា រដ្ឋាភិបាលបរទេស នឹងកាន់តែនិយាយឥតសំចៃ ប្រសិនបើបណ្តាញ ការទូតមិនអាចបញ្ចុះបញ្ចូលរដ្ឋាភិបាលឱ្យឈានដល់កិច្ចព្រមព្រៀងជាមួយអង្គការសហប្រជាជាតិ។លោកបានថ្លែងថា “ខ្ញុំគិតថា ប្រហែលជាពួកគេនៅស្ងៀមរង់ចាំមើលសភាពការណ៍សិន។ ខ្ញុំគិតថាពួកគេនឹងមិននៅស្ងៀមយូរឡើយ”។
អានបន្ត -
តំណាងរាស្រ្តបក្សកាន់អំណាចគំាទ្រឲ្យតុលាការបន្តនីតិវិធីលើលោក កឹម សុខា
តំណាងរាស្រ្តគណបក្សកាន់អំណាច នៅព្រឹកថ្ងៃចន្ទនេះ បានបោះឆ្នោតគាំទ្រឲ្យតុលាការបន្តនីតិវិធីលើលោក កឹម សុខា ប្រធានស្តីទីគណបក្សសង្រ្គោះជាតិ ខណៈលោកត្រូវបានចោទប្រកាន់ថាមិនបានចូលបំភ្លឺនៅតុលាការ ហើយត្រូវបានចាត់ទុកថាជាបទល្មើសជាក់ស្តែង។ ការប្រជុំសភាជាបន្ទាន់នេះធ្វើឡើងបន្ទាប់ពីទទួលសេចក្តីរាយការណ៍របស់តុលាការ។ ការបោះឆ្នោតនេះធ្វើឡើងដោយសំឡេង៦៨លើ៦៨ គឺតំណាងរាស្រ្តមកពីគណបក្សកាន់អំណាច ដោយពុំមានវត្តមានរបស់បក្សប្រឆាំង។
អានបន្ត -
អភិបាលរាជធានីភ្នំពេញ លោក ប៉ា សុជាតិវង្ស មិនអនុញ្ញាតឲ្យគណបក្សសង្រ្គោះជាតិ ដង្ហែញត្តិនោះទេ
(ភ្នំពេញ)៖ អភិបាលរាជធានីភ្នំពេញ លោក ប៉ា សុជាតិវង្ស បានប្រាប់ Fresh News នៅមុននេះបន្តិចថា មិនអនុញ្ញាតឲ្យគណបក្សសង្រ្គោះជាតិដង្ហែញត្តិ ទៅព្រះមហាក្សត្រនោះឡើយ។ លោក ប៉ា សុជាតិវង្ស បានបញ្ជាក់ថា នៅម៉ោងប្រមាណ ៨ព្រឹកថ្ងៃទី៣០ ខែឧសភា ឆ្នាំ២០១៦នេះ គណៈកម្មការគណបក្សសង្រ្គោះជាតិរាជ ធានីភ្នំពេញ បានដាក់ពាក្យស្នើសុំធ្វើការដង្ហែញត្តិទៅព្រះមហាក្សត្រ។
អានបន្ត -
រដ្ឋាភិបាលបង្គាប់ឲ្យតំណាងរាស្រ្តបក្សកាន់អំណាច លោក ឡោក ហ៊ួរ ចូលដោះស្រាយទំនាស់ដីធ្លី
រដ្ឋាភិបាលបានចេញលិខិតមួយច្បាប់ ដោយតម្រូវឲ្យលោក ឡោក ហ៊ួរ ដែលជាតំណាងរាស្រ្ដមណ្ឌលបាត់ដំបងមកពីគណបក្សប្រជាជនកម្ពុជា ចូលដោះស្រាយទំនាស់ដីធ្លី បន្ទាប់ពីក្រសួងដែនដីបានសម្រេចដាក់រូបលោកក្នុងបញ្ជីខ្មៅនៃទំនាស់ដីធ្លី។ ក្នុងលិខិតមួយចុះថ្ងៃទី២៧ ខែឧសភា ទីស្ដីការគណៈរដ្ឋមន្រ្ដីសម្រេចថា៖ “តម្រូវឲ្យឯកឧត្តមឡោក ហ៊ួរ ចូលរួមដោះស្រាយជាមួយប្រជាពលរដ្ឋដែលទទួលរងពីការរំលោភបំពាននិងជាមួយសម្ថតកិច្ចពាក់ព័ន្ធដោយសុឆន្ទៈបញ្ចប់ទំនាស់និងស្មារតីទទួលខុសត្រូវ”។ លិខិតបានឲ្យដឹងទៀតថារដ្ឋបាលសុរិយោដីផ្អាកធ្វើការចុះបញ្ជី ឬធ្វើការផ្ទេរផ្នូរដែលមិនទាន់ដោះស្រាយរួច ជៀសវាងធ្វើឲ្យភាគីរងគ្រោះកាន់តែរីករាលដាល និងជាការទប់ស្កាត់កុំឲ្យលោក ឡោក ហ៊ួរ បង្កទំនាស់និងមានលទ្ធភាពធ្វើសកម្មភាពអសកម្មទៀត។
អានបន្ត -
ពលរដ្ឋប្រមូលផ្តុំនៅមុខស្នាក់ការគណបក្សប្រឆាំងដើម្បីដង្ហែញត្តិថ្វាយព្រះមហាក្សត្រ
ប្រជាពលរដ្ឋដែលគាំទ្របក្សប្រឆាំង នៅព្រឹកថ្ងៃចន្ទនេះ បានចាប់ផ្តើមប្រមូលផ្តុំនៅខាងមុខស្នាក់ការគណបក្សសង្គ្រោះជាតិ ដើម្បីត្រៀមហែញត្តិទៅព្រះមរមរាជវាំងនៅរសៀលថ្ងៃនេះ ដោយស្នើសុំព្រះរាជអន្តរាគមន៍កុំឲ្យមានការចាប់ខ្លួន លោក កឹម សុខា ប្រធានស្តីទីគណបក្សសង្រ្គោះជាតិនិងដោះលែងមន្រ្តីគណបក្សផ្សេងទៀត។ តាមគម្រោង អ្នកគាំទ្ររបស់គណបក្សសង្រ្គោះជាតនឹងដង្ហែញត្តិទៅព្រះបរមរាជវាំងនៅម៉ោង២រសៀល។ រហូតមកដល់ម៉ោងជិត១០ព្រឹកនេះ ប្រជាពលរដ្ឋជាង៦០០នាក់បានប្រមូលផ្តុំនៅមុខស្នាក់ការបក្សហើយចរាចរណ៍មានសភាពណែនតាន់តាប់។ រហូតមកដល់ម៉ោងជិត១០ព្រឹកនេះ មិនទាន់មានសមត្ថកិច្ចនិងសន្តិសុខខណ្ឌយាមកាមនៅស្នាក់ការនោះទេ។
អានបន្ត -
សមត្ថកិច្ចបំបែកសកម្មជនពាក់អាវខ្មៅជាលើកទី៤
សមត្ថកិច្ចបានបំបែកសកម្មជនដីធ្លីដែលពាក់អាវខ្មៅទាមទារឲ្យដោះលែងមន្រ្តីសិទ្ធិមនុស្សនិងមន្រ្តី គ.ជ.ប នោះ ជាលើកទី៤នៅថ្ងៃចន្ទនេះ ខណៈពួកគេជួបជុំគ្នានៅជិតរង្វល់មូលចោមចៅ។ សកម្មជនដីធ្លីជាស្រ្តីជាង១០នាក់បានជួបជុំគ្នាដូចការគ្រោងទុកនៅរង្វង់មូលចោមចៅ ដោយថានឹងដើរក្បួនទៅកាន់ពន្ធនាគារព្រៃសទាមទារដោះលែងអ្នកដែលជាប់ឃុំ។ ប៉ុន្តែសមត្ថកិច្ចនិងសន្តិសុខខណ្ឌពោធិ៍សែនជ័យ បានដណ្តើមយកបដាទៅហែកចោល ដែលស្រ្តីសកម្មជនទាំងនោះលើកបង្ហាញទាមទារឲ្យដោះលែង លោក នី ចរិយា អគ្គលេខាធិការរង គ.ជ.ប និងមន្រ្តីសិទ្ធិមនុស្សអាដហុក៤នាក់ទៀត។
អានបន្ត -
អាជ្ញាធររារាំងការជួបជុំរបស់ស្ត្រីអ្នកតវ៉ាដែលលើកបដាទាមទារដោះលែងមន្ត្រីសិទ្ធិមនុស្ស
ក្រុមស្ត្រីអ្នកតវ៉ាប្រមាណ១០នាក់ ក្នុងសម្លៀកបំពាក់ពណ៌បានជួបជុំគ្នានៅរង្វង់មូលចោមចៅ ត្រូវអាជ្ញាធររារាំងមិនឲ្យជួបជុំគ្នាឡើយ។ ស្ត្រីអ្នកតវ៉ាមកពីសហគមន៍បឹងកក់ និងសហគមន៍ថ្មគោលជាដើម បានលើកបដារិះគន់រដ្ឋាភិបាល និងទាមទារឲ្យរដ្ឋាភិបាលដោះលែងមន្ត្រីការពារសិទ្ធិមនុស្ស និងមន្ត្រី គជប ដែលកំពុងត្រូវឃុំខ្លួននៅមន្ទីរឃុំឃាំងព្រៃស និងមន្ទីរឃុំឃាំងភ្នំពេញ PJ។ ក្រុមអ្នកតវ៉ាស្លៀកពាក់ខ្មៅ មានបំណងដង្ហែបដានេះទៅកាន់មន្ទីរឃុំឃាំងព្រៃស ប៉ុន្តែសមត្ថកិច្ចបានដណ្តើមទាញយកបដាដែលមានចងប៉ោងៗពីដៃក្រុមអ្នកតវ៉ា។ ប៉ុន្តែក្រោយពីការដណ្តើមបដាពីក្រុមអ្នកតវ៉ាហើយនោះ សមត្ថកិច្ចបានអនុញ្ញាតឲ្យក្រុមស្ត្រីអ្នកតវ៉ាធ្វើដំណើរទៅមន្ទីរឃុំឃាំងព្រៃសតាមបំណងរបស់ពួកគេ៕
អានបន្ត -
អ្នកនាំពាក្យក្រសួងយុត្តិធម៌ថាអភ័យឯកសិទ្ធិមិនអាចការពារលោក កឹម សុខា ពីការចាប់ខ្លួន
អ្នកនាំពាក្យក្រសួងយុត្តិធម៌ លោក គឹម សន្តិភាព បានឲ្យដឹងថាប្រធានស្តីទីគណបក្សសង្រ្គោះជាតិបានប្រព្រឹត្តបទល្មើសជាក់ស្តែងតាមក្រមព្រហ្មទណ្ឌ ហើយអភ័យឯកសិទ្ធិមិនអាចការពាររូបលោកបាននោះទេ។ តំណាងអយ្យការនៃសាលាដំបូងរាជធានីភ្នំពេញបានចោទប្រកាន់លោក កឹម សុខា ថាបានប្រព្រឹត្តបទល្មើសជាក់ស្តែងករណីមិនចូលបំភ្លឺតាមការកោះហៅរបស់តុលាការចំនួន២លើក ដោយលោកអាចប្រឈមជាប់ពន្ធនាគារពី១ខែទៅ៦ខែ។
អានបន្ត -
បក្សប្រឆាំងព្រមានធ្វើ”មហាបាតុកម្មអហិង្សា” បើសិនមានការចាប់ខ្លួន លោក កឹម សុខា
គណបក្សសង្រ្គោះជាតិបានព្រមានថាខ្លួននឹងធ្វើ”មហាបាតុកម្មអហិង្សា” ប្រសិនបើមានការចាប់ខ្លួនប្រធានស្តីទីគណបក្សប្រឆាំង លោក កឹម សុខា ដែលត្រូវបានចោទប្រកាន់ថាប្រព្រឹត្តបទល្មើសជាក់ស្តែង ដោយសារមិនចូលបំភ្លឺតាមការកោះហៅរបស់តុលាការ។ ការសម្រេចនេះធ្វើឡើងក្រោយមានកិច្ចប្រជុំគណៈកម្មាធិការអចិន្ដ្រៃយ៍គណបក្សសង្គ្រោះជាតិនៅព្រឹកថ្ងៃសុក្រនេះ ក្រោមអធិបតីភាពរបស់លោក សម រង្ស៊ី និង លោក កឹម សុខា ប្រធាននិងអនុប្រធានគណបក្ស ដោយផ្ដោតលើ“ស្ថានភាពនយោបាយបច្ចុប្បន្ន”។ តំណាងអយ្យការនៃសាលាដំបូងរាជធានីភ្នំពេញបានចោទប្រកាន់លោក កឹម សុខា ថាបានប្រព្រឹត្តបទល្មើសជាក់ស្តែងករណីមិនចូលបំភ្លឺតាមការកោះហៅរបស់តុលាការចំនួន២លើក ដោយលោកអាចប្រឈមជាប់ពន្ធនាគារពី១ខែទៅ៦ខែ។
អានបន្ត -
បក្សប្រឆាំងប្រកាសបើកកិច្ចប្រជុំបន្ទាន់ ក្រោមអធិបតីលោក កឹម សុខា
គណបក្សសង្រ្គោះជាតិឲ្យដឹងថានៅព្រឹកថ្ងៃសុក្រនេះ គណបក្សនឹងបើកកិច្ចប្រជុំអចិន្រ្តៃយ៍មួយនៅទីស្នាក់ការបក្សនៅចាក់អង្រែលើ ដើម្បីពិភាក្សាពីស្ថានភាពនយោបាយចុងក្រោយ ខណៈសមត្ថកិច្ចកំពុងតាមចាប់ខ្លួនលោក កឹម សុខា។ ក្នុងសេចក្តីប្រកាសព័ត៌មានមួយចេញផ្សាយនៅព្រឹកថ្ងៃសុក្រនេះ គណបក្សសង្រ្គោះជាតិបានឲ្យដឹងថានៅម៉ោង៨ព្រឹក ថ្ងៃសុក្រនេះ គណៈកម្មាធិការអចិន្រ្តៃយ៍របស់គណបក្សនឹងបើកកិច្ចប្រជុំបន្ទាន់មួយ នៅទីស្នាក់ការបក្សចាក់អង្រែលើ ខណ្ឌមានជ័យ ក្រោមអធិបីតភាពរបស់លោក សម រង្ស៊ីនិងលោក កឹម សុខា។
អានបន្ត -
តុលាការជូនដំណឹងទៅរដ្ឋសភា រឿងចោទប្រកាន់លោក កឹម សុខា
ព្រះរាជអាជ្ញាសាលាដំបូងរាជធានីភ្នំពេញ លោក សៀង សុខ បានផ្ញើលិខិតមួយច្បាប់ទៅរដ្ឋសភា ដោយរាយការណ៍ថាលោក កឹម សុខា បានប្រព្រឹត្តបទល្មើសជាក់ស្តែងដោយមិនចូលខ្លួនតាមការកោះហៅរបស់តុលាការចំនួន២លើក។ តំណាងអយ្យការនៃសាលាដំបូងរាជធានីភ្នំពេញបានចោទប្រកាន់លោក កឹម សុខា ពី”បទបដិសេធក្នុងការចូលខ្លួន” ដោយលោកអាចប្រឈមជាប់ពន្ធនាគារពី១ខែទៅ៦ខែ បើរកឃើញកំហុស។
អានបន្ត -
តុលាការចោទប្រកាន់លោក កឹម សុខា ថាប្រព្រឹត្តបទល្មើសជាក់ស្តែងអាចជាប់ពន្ធនាគារពី១ខែទៅ៦ខែ
តំណាងអយ្យការនៃសាលាដំបូងរាជធានីភ្នំពេញបានចោទប្រកាន់លោក កឹម សុខា ប្រធានស្តីទីគណបក្សសង្រ្គោះជាតិថាបានប្រព្រឹត្តបទល្មើសជាក់ស្តែង ករណីមិនចូលបំភ្លឺតាមការកោះហៅរបស់តុលាការ ដោយលោកអាចប្រឈមជាប់ពន្ធនាគារពី១ខែទៅ៦ខែ។ នៅក្នុងសេចក្តីថ្លែងការណ៍មួយចុះថ្ងៃទី២៦ ខែឧសភា អយ្យការអមសាលាដំបូងរាជធានីភ្នំពេញបានឲ្យដឹងថាបន្ទាប់ពីស្តាប់ចម្លើយរបស់នាងខុម ចាន់តារ៉ាទី ហៅស្រីមុំ ដែលត្រូវបានគេទម្លាយថាជាស្រីកំណាន់លោក កឹម សុខា អយ្យការបានកោះហៅជនសង្ស័យ២រូបដែលជាតំណាងរាស្រ្តបក្សប្រឆាំង គឺលោក ពិន រតនា និងលោក តុ វ៉ាន់ចាន់ មកឆ្លើយបំភ្លឺហើយ លោក កឹម សុខា ក៏ត្រូវបានកោះហៅ ក្នុងឋានៈជាសាក្សីផងដែរ។ អយ្យការបញ្ជាក់ថាក្នុងដំណាក់កាលស៊ើបអង្កេត លោក កឹម សុខា ជា”សាក្សីដែលមានសារៈសំខាន់បំផុត”សម្រាប់ឆ្លើយបំភ្លឺនូវរឿងរ៉ាវមួយចំនួនដែលបានកើតឡើង។ សេចក្តីថ្លែងការណ៍បន្តថាលោក កឹម សុខា មិនចូលបំភ្លឺដោយ”មិនមានមូលហេតុសមស្រប”ដោយគ្រាន់តែឲ្យមេធាវីបញ្ជូនលិខិតមកអយ្យការ។
អានបន្ត -
មេធាវីពន្យល់ថាតុលាការគ្មានសិទ្ធិនាំខ្លួន លោក កឹម សុខា ពេលនីតិវិធីស្ថិតក្នុងការស៊ើបអង្កេតបឋម
មេធាវីចំនួន៥រូបបានបកស្រាយផ្លូវច្បាប់ទៅកាន់ព្រះរាជអាជ្ញាថា តុលាការគ្មានសិទ្ធិនាំខ្លួនកូនក្តីពួកគេគឺប្រធានស្តីទីគណបក្សសង្គ្រោះជាតិ លោក កឹម សុខា ទេដរាបណាដំណើការនីតិវិធីច្បាប់ស្ថិតក្នុងការស៊ើបអង្កេតបឋមនោះ។ ការបកស្រាយរបស់ក្រុមមេធាវីការពារក្តីឲ្យលោក កឹម សុខា នេះធ្វើឡើងមុនមួយថ្ងៃនៃកាកោះហៅជាលើកទី២របស់ព្រះរាជអាជ្ញាអមសាលាដំបូងរាជធីភ្នំពេញឲ្យចូលបំភ្លឺក្នុងនាមជាសាក្សីនៅថ្ងៃទី២៦ខែឧសភានេះ ក្នុងសំណុំរឿងសញ្ចារកម្មដែលតុលាការមិនទាន់បង្ហាញមុខជនសង្ស័យនៅឡើយ។
អានបន្ត
គាំទ្រដោយ
