កំពុងស្វែងរកទិន្នន័យ
រកឃើញ: 12.457
-
ភាពចម្រូងចម្រាសក្នុងទំនាស់ដីធ្លីរវាងទាហាន៥គ្រួសារនិងពលរដ្ឋ១គ្រួសារនៅក្រុងប៉ោយប៉ែត
ប្រជាពលរដ្ឋមានទំនាស់ដីធ្លីជាមួយមន្ត្រីទាហាន ៥គ្រួសារនៅស្រុកអូរជ្រៅ ខេត្តបន្ទាយមានជ័យ អំពាវនាវឲ្យអាជ្ញាធរពាក់ព័ន្ធ អនុវត្តដីកាស្ថាពររបស់តុលាការកំពូល ឲ្យបានឆាប់រហ័ស ដើម្បីយកដីទៅដាំដុះដោះស្រាយជីវភាពគ្រួសារ។ ការអំពាវនាវនេះ បន្ទាប់ពីមន្ត្រីទាហានចំនួន ៥គ្រួសារនៅពេលថ្មីៗនេះ បានបង្ហោះរូបថតតាមបណ្ដាញសង្គមហ្វេសប៊ុក (Facebook) សុំអន្តរាគមន៍ពីលោកនាយករដ្ឋមន្ត្រី ហ៊ុន សែន សុំកាន់កាប់ដីទំនាស់នោះ។ មន្ត្រីទាហានអះអាងថា ដីទំនាស់នោះជាដីដែលពួកគេបានកាន់កាប់ជាច្រើនឆ្នាំមកហើយ។ ពលរដ្ឋមានទំនាស់ដីធ្លីមួយគ្រួសារនៅស្រុកអូរជ្រៅ លើកឡើងថា ការតវ៉ារបស់នាយទាហាន និងពលទាហាន ប្រឆាំងនឹងដីកាស្ថាពររបស់តុលាការ ដែលពួកគាត់បានឈ្នះក្ដីនេះ ថាជារឿងអយុត្តិធម៌មកលើពលរដ្ឋក្រីក្រ។ កាលពីថ្ងៃទី១៥ និងទី១៦ មីនា មន្ត្រីទាហានចំនួន ៥គ្រួសារ ដឹកនាំដោយលោកមេបញ្ជាការរងវរសេនាតូចលេខ៥១១ ចំណុះកងពលតូចលេខ៥១ ប្រចាំការនៅព្រំដែនស្រុកម៉ាឡៃ ខេត្តបន្ទាយមានជ័យ បានតវ៉ាសុំឲ្យលោកនាយករដ្ឋមន្ត្រី ហ៊ុន សែន ជួយពួកគាត់នៅមុខដីមានទំនាស់នៅភូមិកូនដំរី សង្កាត់និមិត្ត ក្រុងប៉ោយប៉ែត។ ពួកគេបានបង្ហោះឃ្លិបវីដេអូតាមបណ្ដាញទំនាក់ទំនងសង្គមឲ្យមហាជនទស្សនា។ ការតវ៉ានេះ ដោយសារព្រះរាជអាជ្ញាអមសាលាដំបូងខេត្តបន្ទាយមានជ័យ លោក ផាន់ វណ្ណរ័ត្ន ចុះអនុវត្តដីកាស្ថាពរតុលាការកំពូល នៅថ្ងៃទី១៦ ខែមីនា ឆ្នាំ២០១៦។
អានបន្ត -
របាយការណ៍៖ ក្រុមហ៊ុនមួយរំលោភយកដីជនជាតិដើមភាគតិចនៅមណ្ឌលគិរី
របាយការណ៍ស៊ើបអង្កេតចេញផ្សាយដោយក្រុមសង្គមស៊ីវិល បានរកឃើញថា ក្រុមហ៊ុនឯកជនមួយដែលទទួលបានដីសម្បទានពីរដ្ឋាភិបាល បានរំលោភយកដីសហគមន៍របស់ជនជាតិដើមភាគតិចនៅខេត្តមណ្ឌលគិរី ជាង ១.០០០ហិកតារ។ របាយការណ៍នេះបង្ហាញថា ក្រុមហ៊ុន ប៊ិញ ភឿក ក្រចេះ រ៉ាប់ប៊ើរ ១ (Binh Phuoc Kratie Rubber 1 Company Limited) ដែលទទួលបានដីសម្បទានចំនួន ៥.១០០ហិកតារ បានរំលោភដីព្រៃសហគមន៍ធ្វើឲ្យប៉ះពាល់ដល់ជីវិតរស់នៅរបស់ជនជាតិដើមភាគតិចព្នង នៅភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី។ ការស៊ើបអង្កេតនេះ រៀបចំដោយវេទិកានៃអង្គការមិនមែនរដ្ឋាភិបាល មជ្ឈមណ្ឌលសិទ្ធិមនុស្សកម្ពុជា សមាគមអាដហុក (ADHOC) មជ្ឈមណ្ឌលអប់រំច្បាប់សម្រាប់សហគមន៍ អង្គការជនជាតិដើមភាគតិចកម្ពុជា ដោយសម្ភាសន៍ប្រជាសហគមន៍ អាជ្ញាធរមូលដ្ឋាន និងការចុះអង្កេតផ្ទាល់របស់មន្ត្រីសង្គមស៊ីវិល។
អានបន្ត -
សមាគមមួយឃាត់ខ្លួនអតីតអ្នកបើករថយន្តម្នាក់របស់ក្រុមហ៊ុនកាពីតូល
មន្ត្រីសមាគមកម្មករសេដ្ឋកិច្ចក្រៅប្រព័ន្ធកម្ពុជាឲ្យដឹងថា អតីតអ្នកបើករថយន្តឲ្យក្រុមហ៊ុនកាពីតូលម្នាក់ត្រូវបានសមាជិកសមាគមមួយចាប់ខ្លួនបញ្ជូនទៅសមត្ថកិច្ច ដោយលោកអះអាងថា ដោយសារអតីតអ្នកបើកបររថយន្តរូបនោះបានចែកខិតប័ណ្ណនិយាយប៉ះពាល់ដល់សមាគមនោះ។ សមាជិកសមាគមកម្មករសេដ្ឋកិច្ចក្រៅប្រព័ន្ធកម្ពុជាលោក គួយ សាត ឲ្យវីអូឌីដឹងថា អតីតអ្នកបើកបររថយន្តម្នាក់ឈ្មោះ បុល ត្រូវបានសមាជិករបស់សមាគមរួមគ្នាដើម្បីអភិវឌ្ឍកម្ពុជាចាប់ខ្លួននៅម៉ោងប្រមាណ៨ព្រឹកថ្ងៃសុក្រនេះ នៅមុខផ្សារទំនើបរតនាផ្លាសាក្នុងសង្កាត់ទឹកថ្លា រួចបញ្ជូនទៅសាលាសង្កាត់កាកាប។
អានបន្ត -
ឧត្ដមស្នងការសិទ្ធិមនុស្សUNសម្ដែងក្ដីបារម្ភពីកាត់ទោសនិស្សិតសម្រាប់ការបង្ហោះសារលើហ្វេសប៊ុក
ការិយាល័យឧត្ដមស្នងការទទួលបន្ទុកសិទ្ធិមនុស្សរបស់អង្គការសហប្រជាជាតិ (OHCHR) ប្រចាំតំបន់អាស៊ីអាគ្នេយ៍សម្ដែងការព្រួយបារម្ភចំពោះការកាត់ទោសយុវជន គង់ រ៉ៃយ៉ា ដែលរងការចោទប្រកាន់ពីបទញុះញង់ឲ្យមានបដិវត្តន៍ពណ៌ និងជំរុញឲ្យរដ្ឋាភិបាលកម្ពុជាបញ្ឈប់ការកាត់ទោសបុគ្គលនានាដោយគ្រាន់តែសម្ដែងមតិ។ កាលពីថ្ងៃទី១៥ ខែមីនា សាលាដំបូងរាជធានីភ្នំពេញបានកាត់ទោសយុវជនម្នាក់ឈ្មោះ គង់ រ៉ៃយ៉ា ឲ្យជាប់ពន្ធនាគារ១ឆ្នាំ៦ខែ ពីបទញុះញង់បង្កបទឧក្រិដ្ឋជាអាថ៌ ដោយសារការបង្ហោះសារលើហ្វេសប៊ុកពីបដិវត្តន៍ពណ៌។
អានបន្ត -
អតីតអ្នកបើករថយន្តកាពីតូល១នាក់ទៀតត្រូវសមត្ថកិច្ចឃាត់ខ្លួននៅបាត់ដំបង
អតីតអ្នកបើករថយន្តឲ្យក្រុមហ៊ុនកាពីតូលឲ្យដឹងថា អតីតអ្នកបើកបររថយន្តម្នាក់ទៀតត្រូវបានសមត្ថកិច្ចខេត្តបាត់ដំបងឃាត់ខ្លួន ខណៈពេលធ្វើការចែកចាយខិតប័ណ្ណអំពាវនាវឲ្យសាធារណៈជនផ្អាកប្រើប្រាស់សេវាកម្មក្រុមហ៊ុនកាពីតូល។ លោក វ៉ាន់ ណារ៉ង អតីតអ្នកបើករថយន្តម្នាក់ឲ្យក្រុមហ៊ុនកាពីតូលបានឲ្យវីអូឌីដឹងថា អតីតអ្នកបើករថយន្តឈ្មោះ លី ហុង ត្រូវបានសមត្ថកិច្ចខេត្តបាត់ដំបងឃាត់ខ្លួននៅម៉ោងជាង៩ ព្រឹកថ្ងៃសុក្រនេះ ខណៈពេលលោកធ្វើការចែកខិតបណ្ណ័សុំឲ្យសាធារណៈជនផ្អាកជិះរថយន្តក្រុមហ៊ុនកាពីតូល និងកង់បីរបស់សមាគមរួមគ្នាដើម្បីអភិវឌ្ឍន៍។ លោកថា លោក លី ហុង ត្រូវបានបញ្ជូនទៅសាលាក្រុងបាត់ដំបងដើម្បីធ្វើការសាកសួរ។
អានបន្ត -
សាលាឧទ្ធរណ៍មិនអនុញ្ញាតឲ្យសកម្មជនបក្សប្រឆាំងទៅព្យាបាលនៅក្រៅប្រទេស
សាលាឧទ្ធរណ៍ នៅថ្ងៃព្រហស្បតិ៍នេះ បានសម្រេចតម្កល់សាលក្រមរបស់សាលាដំបូងទុកជាបានការដែលមិនអនុញ្ញាតឲ្យសកម្មជនគណបក្សសង្រ្គោះជាតិ លោក មាជ សុវណ្ណារ៉ា ចេញទៅព្យាបាលនៅក្រៅប្រទេសនិងលើកពេលសវនាការបណ្តឹងចំនួនពីររបស់មេធាវីសកម្មជនបក្សប្រឆាំងទៅធ្វើនៅខែក្រោយបន្តទៀត។ មេធាវីម្នាក់ក្នុងចំណមមេធាវីការពារក្តីឲ្យសកម្មជនទាំង១១នាក់នោះ គឺ លោក សំ សុគង់ ប្រាប់វីអូឌី(VOD)ថានៅព្រឹកនេះចៅក្រមសាលាឧទ្ធរណ៍បានលើកយកសំណុំរឿងចំនួនបីមកជំនុំជម្រះ។ លោកថា សំណុំរឿងទី១ គឺលោក មាជ សុវណ្ណារ៉ា ប្តឹងឧទ្ធរណ៍ទាស់នឹងសេចក្តីសម្រេចរបស់ចៅក្រមសាលាដំបូងដែលមិនអនុញ្ញាតឲ្យលោកចេញទៅព្យាបាលជំងឺនៅក្រៅប្រទេស។ ទី២ បណ្តឹងឧទ្ធរណ៍ទាក់ទងនឹងមោឃភាពនីតិវិធីរបស់សាលាដំបូងរាជធានីភ្នំពេញក្នុងសំណុំរឿងអ្នកទាំង១១នាក់និងទី៣ បណ្តឹងប្រឆាំងនឹងសាលក្រមរបស់ចៅក្រមសាលាដំបូងដែលបានផ្តន្ទាទោសអ្នកទាំងនៅម្នាក់ៗពី៧ទៅ២០ឆ្នាំ។
អានបន្ត -
CCHR បង្កើតគេហទំព័រស្ដីពីសិទ្ធិដីធ្លីដើម្បីជំរុញឲ្យពលរដ្ឋចូលរួមជជែកពីបញ្ហាដីធ្លី
មជ្ឈមណ្ឌលសិទ្ធិមនុស្សកម្ពុជា (CCHR) បានសម្ពោធគម្រោងការអប់រំសិទ្ធិដីធ្លី ដាក់លើគេហទំព័រនៅថ្ងៃទី១៧ មីនា ដើម្បីកៀរគរឲ្យប្រជាពលរដ្ឋកម្ពុជា ពិសេសយុវជន ឲ្យនាំគ្នាជជែកពីបញ្ហាដីធ្លីដោយបើកទូលាយ។ គម្រោងនេះជាផ្នែកមួយនៃគេហទំព័រ sithi.org របស់មជ្ឈមណ្ឌលសិទ្ធិមនុស្សកម្ពុជា ហើយវាផ្ដោតទៅលើការអប់រំសិទ្ធិដីធ្លី។ នៅលើទំព័រថ្មីនៃគេហទំព័រនេះ មានជាអត្ថបទសង្ខេប វីដេអូខ្លី ប័ណ្ណព័ត៌មាន (Infographics) ដែលពន្យល់ចំណុចចំនួន៥ ស្ដីពីបញ្ហាដីធ្លី ដូចជាកម្មសិទ្ធិដីធ្លី លទ្ធកម្មនៃកម្មសិទ្ធិ ដំណើរការទទួលបានប័ណ្ណកម្មសិទ្ធិ សម្បទានដី និងយន្តការដោះស្រាយទំនាស់ដីធ្លី។
អានបន្ត -
ក្រសួងយុត្តិធម៌នឹងធ្វើការពិភាក្សាអំពីករណីឃុំខ្លួនបណ្តោះអាសន្នជាមួយព្រះរាជអាជ្ញា និងប្រធានតុលាការ
ប៉ុន្មានថ្ងៃបន្ទាប់ពីលោកនាយករដ្ឋមន្ត្រី ហ៊ុន សែន បានបញ្ជាឲ្យដោះលែងមេដឹកនាំសហគមន៍ពីរនាក់ដែលត្រូវបានចាប់ដាក់ពន្ធនាគារពាក់ព័ន្ធវិវាទដីធ្លីមក ព្រះរាជអាជ្ញានិងប្រធានតុលាការមកពីទូទាំងប្រទេសនឹងជួបប្រជុំគ្នានៅរាជធានីភ្នំពេញនៅថ្ងៃសុក្រ ដើម្បីពិភាក្សាអំពីការប្រើប្រាស់ការឃុំខ្លួនបណ្តោះ អាសន្នលើចុងចោទក្នុងវិវាទបែបេនះ។ លោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌បានលើកឡើងក្នុងសេចក្តីថ្លែងការណ៍មួយចេញកាលពីម្សិលមិញថា “ខ្ញុំសូមអញ្ជើញប្រធានតុលាការ និងព្រះរាជអាជ្ញាមកពីគ្រប់ខេត្តទាំងអស់ទាក់ទិនករណីពាក់ព័ន្ធនេះ មកចូលរួមកិច្ចប្រជុំស្តីពីការឃុំខ្លួនបណ្តោះអាសន្ននៅក្នុងករណីវិវាទដីធ្លីនៅថ្ងៃសុក្រ”។
អានបន្ត -
នាយករដ្ឋមន្រ្តីថារដ្ឋាភិបាលមិនមានគម្រោងពង្រីកព្រលានយន្តហោះ កុំឲ្យពលរដ្ឋធ្វើបាតុកម្ម
លោកនាយករដ្ឋមន្រ្តី ហ៊ុន សែន នៅថ្ងៃពុធនេះ បានថ្លែងថារដ្ឋាភិបាលមិនមានគម្រោងពង្រីកអាកាសយាន្តដ្ឋានអន្តរជាតិភ្នំពេញតទៅទៀតនោះទេ ចៀសវាងកុំឲ្យពលរដ្ឋធ្វើបាតុកម្ម ដោយលោកថានេះ”អាចជាកំហុស”របស់លោកដែលមិនបានគិតពីការពង្រីកព្រលានយន្តហោះ កាលពីលោកចាប់ផ្តើមដឹកនាំរដ្ឋាភិបាល។ ក្នុងពិធីសម្ពោធឲ្យប្រើប្រាស់ជាផ្លូវការស្ថានីយអ្នកដំណើរថ្មី លោក ហ៊ុន សែន បានថ្លែងថាលោកបានធ្វើជានាយករដ្ឋមន្រ្តីទាំងពីឆ្នាំ១៩៨៥ ដែលលោកថាកាលនោះមិនបានគិតថាតើនឹងត្រូវពង្រីកព្រលានយន្តហោះនៅពេលណា។ លោកមានប្រសាសន៍ថាកាលនោះ កម្ពុជាត្រូវប្រឈមនឹងទណ្ឌកម្មសេដ្ឋកិច្ចរបស់អង្គការសហប្រជាជាតិ ក្រោយពេលដែលបញ្ចប់របបប្រល័យពូជសាសន៍ប៉ុល ពត។
អានបន្ត -
អ្នកឃ្លាំមើលថាការកាត់ទោសយុវជនរឿងបដិវត្តន៍ពណ៌ដោយសាររងសម្ពាធនយោបាយ
អ្នកឃ្លាំមើល លើកឡើងថាករណីតុលាការសម្រេចដាក់ពន្ធនាគារជាង១ឆ្នាំលើយុវជនមួយរូបដែលប្រកាសធ្វើបដិវត្តន៍ពណ៌ប្រឆាំងរដ្ឋាភិបាលនោះ រងឥទ្ធិពលនយោបាយពីគណបក្សកាន់អំណាច។ អនុប្រធានផ្នែកសិទ្ធិមនុស្សរបស់សមាគមការពារសិទ្ធិមនុស្សអាដហុកលោក ណៃ វ៉ង់ដា មានប្រសាសន៍ថាការកាត់ទោសដាក់ពន្ធនាគាររយៈពេល១៨ខែទៅលើយុវជន គង់ រ៉ៃយ៉ា ដែលសរសេរតាមហ្វេសប៊ុកប្រកាសធ្វើបដិវត្តន៍ព័ណ៌នោះជារឿងអយុត្តិធម៌មួយសម្រាប់អ្នកដែលតែងតែឈឺឆ្អាលបញ្ហាអយុត្តិធម៌សង្គម។ លោកហៅចំណាត់ការរបស់តុលាការថាធ្វើឡើងដោយមានសម្ពាធពីគណបក្សកាន់អំណាច។ លោកបន្តថា៖ ”បញ្ហាតិចតួចដូចជារឿងរបស់លោក គង់ រ៉ៃយ៉ា ក៏វាមានការជ្រៀតជ្រែកនយោបាយកើតឡើងដែរ បើគ្មានបញ្ជាក៏គ្មានការចាប់ខ្លួន បើគ្មានការចាប់ខ្លួនក៏គ្មានការឡើងតុលាការ ហើយបើគ្មានការជ្រៀតជ្រែកពីនយោបាយទេតុលាការក៏កាត់មិនឲ្យគាត់មានទោសដែរ ដូច្នេះរឿងទំាងនេះវាស៊ីសង្វាក់គ្នា”។
អានបន្ត -
ក្រសួងយុត្តិធម៌កោះប្រជុំមន្រ្តីតុលាការពីការឃុំខ្លួនអ្នកមានទំនាស់ដីធ្លី បន្ទាប់ពីនាយករដ្ឋមន្រ្តីណែនាំ
រដ្ឋមន្ត្រីក្រសួងយុត្តិធម៌បានកោះហៅប្រធានសាលាដំបូងនិងព្រះរាជអាជ្ញានៃអយ្យការអមសាលាដំបូងរាជធានី ខេត្តទាំងអស់ចូលរួមប្រជុំពីគោលការណ៍ឃុំខ្លួនបណ្តោះអាសន្នក្នុងសំណុំរឿងទំនាស់ដីធ្លី តាមការណែនាំរបស់លោកនាយករដ្ឋមន្ត្រី។ ក្នុងលិខិតអញ្ជើញមួយចុះថ្ងៃទី១៥ ខែមីនា ឆ្នាំ២០១៦ រដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍានា បានអញ្ជើញមន្ត្រីតុលាការទាំងនោះឲ្យចូលរួមប្រជុំនៅថ្ងៃទី១៨ ខែមីនា ឆ្នាំ២០១៦ នៅទីស្តីការក្រសួង។ ក្នុងលិខិតអញ្ជើញដដែល លោករដ្ឋមន្ត្រីណែនាំឲ្យមនន្ត្រីតុលាការដែលត្រូវចូលរួមកិច្ចប្រជុំធ្វើការប្រមូល និងរាយការណ៍ដល់អង្គប្រជុំពីទិន្នន័យស្តីពីការឃុំខ្លួនបណ្តោះអាសន្នក្នុងសំណុំរឿងទំនាស់ដីធ្លី។
អានបន្ត -
ស្ត្រីបឹងកក់ព្រមានគណបក្សប្រជាជនរឿងបញ្ហាដីធ្លី
ក្រុមស្ត្រីបឹងកក់ ព្រមានគណបក្សដែលគ្រប់គ្រងរដ្ឋាភិបាលថា បើលោកនាយករដ្ឋមន្ត្រី ហ៊ុន សែន បន្តឲ្យសមាជិកនៅថ្នាក់ក្រោមអុកឡុកពលរដ្ឋរឿងដីធ្លីទៀត គណបក្សនេះនឹងបាត់បង់ការគាំទ្រក្នុងពេលបោះឆ្នោតខាងមុខ។ ការព្រមាននេះ នៅបន្ទាប់ពីក្រុមស្ត្រីតស៊ូមតិក្នុងរឿងដីធ្លី នៅតំបន់បឹងកក់ ត្រូវបានតុលាការកំពូលតម្កល់សេចក្ដីសម្រេចរបស់សាលាឧទ្ធរណ៍ និងបទចោទរបស់តុលាការក្រុងភ្នំពេញ ទុកជាបានការដដែល។ សំឡេងរបស់ស្ត្រីបឹងកក់៖ «បើសិនជាសម្ដេចមិនចាត់វិធានការទៅលើសមាជិករបស់សម្ដេចទេ ខ្ញុំជឿជាក់ថា ២០១៨ ខាងមុខនេះ សម្ដេចមិនចាំបាច់ទៅឃោសនាកន្លែងណាទៀតទេ។ ប្រជាពលរដ្ឋលែងជឿទុកចិត្តហើយ ព្រោះវេទនាដោយសារសមាជិករបស់សម្ដេចច្រើនពេក!»។
អានបន្ត -
សកម្មជនដីធ្លីនៅបឹងកក់រិះគន់តុលាការកំពូលដែលមិនទម្លាក់បទចោទលើពួកគេ
នៅព្រឹកថ្ងៃពុធនេះស្ត្រីជាសកម្មជនដីធ្លីនៅតំបន់បឹងកក់ប្រមាណជា១០នាក់ដែលជាប់ចោទក្នុងសំនុំរឿងដីធ្លីបានរិះគន់តុលាការកំពូលដែលបានប្រកាសសាលដីការក្សាការផ្តន្ទាទោសលើពួកគេដូចការសម្រេចរបស់សាលាឧទ្ធរណ៍។ កាលពីថ្ងៃទី២ខែមីនាស្ត្រីទាំងនោះបានចូលការពារបណ្តឹងសាទុក្ខរបស់ពួកគេប្រឆាំងនិងសាលដីកាផ្តន្ទាទោសរបស់សាលាឧទ្ធរណ៍ដោយអះអាងថា ពួកគេបានមិនធ្វើអ្វីខុសដូចការចោទប្រកាន់ទេនិងស្នើឲ្យតុលាការជាន់ខ្ពស់មួយនេះទម្លាក់បទចោទដល់ពួកគេ។
អានបន្ត -
សារព័ត៌មានអន្តរជាតិល្បីៗចុះផ្សាយព្រោងព្រាតអំពីករណីកាត់ទោសយុវជនគង់ រ៉ៃយ៉ា
យុវជនគង់ រ៉ៃយ៉ាគឺជាជនរងគ្រោះកម្ពុជាទីមួយ ដែលត្រូវតុលាការកម្ពុជា សម្រេចផ្តន្ទាទោសដាក់ពន្ធនាគារ ដោយសារប្រើប្រាស់ប្រព័ន្ធទំនាក់ទំនងសង្គម វាយប្រហាររដ្ឋាភិបាលកម្ពុជា។ នេះជាការចុះផ្សាយរបស់ទីភ្នាក់ងារសារព័ត៌មានអង់គ្លេស Reuters នៅថ្ងៃទី១៥មីនា។ ដោយឡែក ប្រធានបទដដែលមួយនេះ ក៏ត្រូវបានចុះផ្សាយផងដែរ លើទីភ្នាក់ងារសារព័ត៌មាន សិង្ហបុរី Chhanel NewsAsia។ ទីភ្នាក់ងារសារព័ត៌មានអន្តរជាតិមួយនេះ បានសរសេរថា តុលាការកម្ពុជាបានសម្រេចផ្តន្ទាទោសនិស្សិតឈ្មោះគង់ រ៉ៃយ៉ាចំនួន១៨ខែ ពីបទ ញុះញង់ឲ្យមានការប្រឆាំងរដ្ឋាភិបាល តាមរយៈការបង្ហោះសារ បង្ហាញពីការចង់ផ្លាស់ប្តូររបបដឹកនាំ លើគេហទំព័រហ្វេសប៊ុក។ ទីភ្នាក់ងារសារព័ត៌មានអន្តរជាតិល្បីៗទាំងនេះ ក៏បានដកស្រង់សម្តីរបស់យុវជនគង់ រ៉ៃយ៉ាមកចុះផ្សាយផងដែរ។ ខណៈត្រូវគេក្រៀកនាំខ្លួនចូលក្នុងរថយន្តយុវជនគង់ រ៉ៃយ៉ាបានឆ្លើយតបសំណួរអ្នកសារព័ត៌មានថា ការសម្រេចរបស់តុលាការកម្ពុជា មិនយុត្តិធម៌ទេសម្រាប់រូបគេ។ ដៃជាប់ខ្នោះ និងស្ថិតក្នុងឈុតពណ៏ទឹកក្រូចយុវជនរូបនេះ ឆ្លើយតបនឹងសំណួរថា មានអ្វីចង់សំណូមពរ? គង់ រ៉ៃយ៉ា ឆ្លើយទាំងញញឹមថា គ្មានសំណូមពរ ទោះមានសំណូមពរក៏គ្មានប្រយោជន៍ចំពោះរដ្ឋាភិបាលដែរ………
អានបន្ត -
ជនជាតិដើមភាគតិចស្នើឲ្យរដ្ឋាភិបាលពន្លឿនការចុះបញ្ជីដីសហគមន៍
កន្លងមក រាជរដ្ឋាភិបាលកម្ពុជា បានចេញសារាចរមួយ ដើម្បីជំរុញការចុះបញ្ជីដីសមូហភាពនៃសហគមន៍ជនជាតិដើមភាគតិច ឲ្យ១០ក្នុងមួយឆ្នាំ។ តែរហូតមកដល់ពេលនេះ ការប្តេជ្ញារបស់រដ្ឋាភិបាលមិនទាន់ទទួលបានជោគជ័យនៅឡើយទេ ដោយសារតែ ដីសហគមន៍ជនជាតិដើមភាគតិចតែ ១១ប៉ុណ្ណោះ ដែលត្រូវបានចុះបញ្ជីជាផ្លូវការ។ ដើម្បីបង្កើនការចុះបញ្ជីដីសហមូហភាព តំណាងសហគមន៍ជនជាតិដើមភាគតិចំនួន២២នាក់ បានធ្វើសន្និសីទសារព័ត៌មានស្តីពី «ការទាមទារឲ្យមានវិធានការដើម្បីសិទ្ធិដីធ្លីរបស់សហគមន៍ជនជាតិដើមភាគតិច» នៅថ្ងៃទី១៥ មីនានេះ។ ពលរដ្ឋជនជាតិដើមភាគតិចទាំង២២នាក់នោះ តំណាងឲ្យសហគមន៍ជនជាតិដើមភាគតិចចំនួន១០ រួមមាន ព្នង គួយ ជង ស្ទៀង សួយ ពរណ៍ ប្រូវ ទំពួន គ្រីង ស្អូច ដែលមកពីបណ្តាខេត្តចំនួន១០ គឺព្រះវិហារ ស្ទឹងត្រែង មណ្ឌគិរី រតនគិរី កោះកុង កំពង់ស្ពឺ ត្បូងឃ្មុំ ក្រចេះ កំពង់សោម ពោធិ៍សាត់។
អានបន្ត -
ជនជាតិដើមភាគតិច សុំជួបសម្តេច ហ៊ុន សែន ដើម្បីឲ្យជួយដោះស្រាយបញ្ហាដីធ្លី
តំណាងប្រជាពលរដ្ឋជនជាតិភាគតិច នឹងប្រមូលផ្តុំគ្នានៅមុខគេហដ្ឋានរបស់សម្តេច ហ៊ុន សែន ក្បែរវិមានឯករាជ្យ ដើម្បីដាក់លិខិតសុំជួបលោកដោយផ្ទាល់។ គោលបំណងនៃការសុំជួបនេះ គឺដើម្បីបានឱកាសលាតត្រដាងនូវទុក្ខវេទនារបស់ពួកគេ ជុំវិញការឈួសឆាយដីធ្លីនិងផ្ទះសម្បែងពីសំណាក់អ្នកមានលុយ មានអំណាច។ ការសម្រេចចិត្ត សុំជំនួយពីលោកនាយករដ្ឋមន្ត្រី ព្រោះពួកគេយល់ថា មានតែលោកម្នាក់ប៉ុណ្ណោះ ដែលអាចដោះស្រាយបញ្ហារបស់ពួកគេបាន។ ប្រជាពលរដ្ឋជនជាដើមភាគតិច មានក្តីកង្វល់ជាពន់ពេកពីបញ្ហាដីធ្លី ដែលតែងតែរងនូវការរំលោភបំពានពីសំណាក់អ្នកមានលុយ និងមានអំណាច។ ពួកគេអះអាងថា ប្រសិនបើគ្មានអន្តរាគមន៍ពីរាជរដ្ឋាភិបាលនោះទេ នោះក្រុមហ៊ុន នឹងរឹតតែគឃ្លើនក្នុងការរុករានទន្ទ្រានយកដីធ្លី របស់ពលរដ្ឋជនជាតិដើមភាគតិច ឥតឈប់ឈរ។
អានបន្ត -
អង្គការឃ្លាំមើលសិទ្ធិមនុស្សអន្តរជាតិអំពាវនាវឲ្យដោះលែងសកម្មជន១១នាក់របស់បក្សប្រឆាំង
អង្គការឃ្លាំមើលសិទ្ធិមនុស្សអន្តរជាតិ(Human Rights Watch) អំពាវនាវឲ្យអាជ្ញាធរកម្ពុជាដោះលែងសកម្មជនទាំង១១នាក់របស់គណបក្សសង្គ្រោះជាតិ ខណៈសាលាឧទ្ធរណ៍គ្រោងនឹងបើកសវនាការអ្នកទាំងនោះនៅចុងសប្តាហ៍នេះ ដោយអង្គការអន្តរជាតិមួយនេះថាអ្នកទាំងនោះមិនបានប្រព្រឹត្តកំហុសដូចការចោទប្រកាន់។ សាលាឧទ្ធរណ៍គ្រោងនឹងបើកសវនាការជំនុំជម្រះសកម្មជនគណបក្សសង្គ្រោះជាតិ១១រូប នៅថ្ងៃទី១៧ ខែមីនា ឆ្នាំ២០១៦ តាមពាក្យបណ្តឹងរបស់មេធាវីអ្នកទាំង១១នាក់ដែលបានប្តឹងជំទាស់នឹងសាលក្រមសាលាដំបូងរាជធានីភ្នំពេញ។
អានបន្ត -
តុលាការបានដោះលែងតំណាងប្រជាពលរដ្ឋពីររូបវិញហើយក្រោយការអន្តរាគមន៍ពីសម្តេចហ៊ុន សែន
ប្រជាពលរដ្ឋចំនួន២រូប ដែលត្រូវបានអាជ្ញាធរចាប់ឃុំ ក្នុងករណីទំនាស់ដីធ្លី ត្រូវបានដោះលែងឲ្យមានសេរីភាពវិញហើយ បន្ទាប់ពីមានការអន្តរាគមន៍ពីសម្តេចហ៊ុន សែន។ សម្តេចនាយករដ្ឋមន្ត្រី ហ៊ុន សែន បានឲ្យដឹង តាមរយៈហ្វេសប៊ុកថា ជាការគួរឱ្យខកចិត្តខ្លាំងណាស់ ដែលតុលាការខេត្តកំពង់ស្ពឺ ចាប់តំណាងប្រជាជន២នាក់ឃុំខ្លួន ដែលខ្ញុំទើបបានដឹងមុននេះបន្តិច។សម្តេចក៏បានបន្តទៀតថា ខ្ញុំបានបញ្ជារទៅអភិបាលខេត្តឱ្យធ្វើការជាមួយតុលាការទាំងយប់ដើម្បីសុំធានាឱ្យនៅក្រៅឃុំ ហើយកូនប្រុសខ្ញុំ២នាក់គឺហ៊ុន ម៉ានិត និងហ៊ុន ម៉ានីកំពុងធ្វើដំណើរទៅកាន់ខេត្តកំពង់ស្ពឺដើម្បីជួយប្រជាជនក្នុងរឿងនេះផងដែរ។សម្តេចក៏សង្ឃឹមថា ព្រះរាជអាជ្ញានឹងអនុញ្ញាតិឱ្យប្រជាជនទាំង២នាក់បាននៅក្រៅឃុំ។
អានបន្ត -
លោក សម រង្ស៊ី ថាការផ្តន្ទាទោសយុវជនបដិវត្តន៍ពណ៌បង្ហាញ”ភាពសាហាវឃោរឃៅ”ពីបក្សកាន់អំណាច
ប្រធានគណបក្សសង្រ្គោះជាតិ លោក សម រង្ស៊ី បានលើកឡើងថាតុលាការមិនគួរកាត់ទោសយុវជន គង់ រ៉ៃយ៉ា ដែលលើកឡើងពីបដិវតន៍ពណ៌នោះទេ ដោយលោកចាត់ទុកថានេះជា”ភាពសាហាវឃោរឃៅ”របស់គណបក្សកាន់អំណាច។ លោក សម រង្ស៊ី បានសរសេរនៅលើហ្វេសប៊ុករបស់លោកថាលោកសោកស្ដាយយ៉ាងខ្លាំង ដោយបានទទួលព័ត៌មានថាយុវជនឈ្មោះ គង់ រ៉ៃយ៉ា ត្រូវបានតុលាការកាត់ទោសឲ្យជាប់ពន្ធនាគាររយៈពេល១៨ខែ ។ លោកចាត់ទុកថានេះជា”ភាពអយុត្តិធម៌ជាទីបំផុត”។
អានបន្ត -
លោកហ៊ុន សែនខកចិត្តនឹងតុលាការខេត្តកំពង់ស្ពឺដែលឃុំខ្លួនជនរងគ្រោះដីធ្លី
ភ្នំពេញ— លោកនាយករដ្ឋមន្ត្រីហ៊ុន សែនបានសម្តែងការខកចិត្តនឹងតុលាការខេត្តកំពង់ស្ពឺដែលឃុំខ្លួនតំណាងប្រជាពលរដ្ឋចំនួនពីររូបនៅក្នុងជម្លោះដីធ្លីមួយ។ នៅក្នុងសារតាមហ្វេសប៊ុកដែលផ្សាយនៅយប់ថ្ងៃចថ័ន្ទនេះលោកនាយករដ្ឋមន្ត្រីបានស្នើសុំឱ្យដោះលែងអ្នកតំណាងនោះឱ្យនៅក្រៅឃុំវិញ។
អានបន្ត
គាំទ្រដោយ
