កំពុងស្វែងរកទិន្នន័យ
រកឃើញ: 13.209
-
ការពិភាក្សាអំពីសិទ្ធិដីធ្លីត្រូវបានធ្វើឡើងជាមួយនឹងប្រេសិតជប៉ុន
អ្នកចូលរួមពីររូបក្នុងចំណោមអ្នកចូលរួមជាច្រើននៅក្នុងកិច្ចប្រជុំបាននិយាយថា ឯកអគ្គរាជទូតជប៉ុនលោក គូរ៉ូគី ម៉ាសាហ្វ៊ូមី បានជួបប្រជុំជាមួយសកម្មជនការពារសិទ្ធិមនុស្សនានានៅថ្ងៃសុក្រ ដើម្បីពិភាក្សាអំពីសិទ្ធិដីធ្លីនៅក្នុងប្រទេសកម្ពុជា ជាពិសេសចំពោះការអនុវត្តន៍ច្បាប់ និងការប្រើប្រាស់កម្លាំងបង្ខំនៅក្នុងការបណ្តេញចេញ។
-
បុរសម្នាក់ជាជនទីពីរ ដែលរងការជាប់ចោទនៅក្នុងករណីប្រឆាំងនឹងអ្នកសារព័ត៌មាន
ក្រុមមន្ត្រីបាននិយាយកាលពីម្សិលម៉ិញថា បុរសម្នាក់ដែលជាជនទីពីរត្រូវបានតុលាការក្រុងភ្នំពេញចោទប្រកាន់ពីបទសមគំនិតនៅក្នុងករណីបរិហារកេរ្តិ៍ ដែលត្រូវបានតុលាការយកមកចោទប្រកាន់ប្រឆាំងនឹងបុរសរូបនេះ ដែលជាអ្នកសារព័ត៌មានរបស់កាសែតមិនសូវល្បីឈ្មោះមួយកាលពីសប្តាហ៍មុន។ លោក ផៃ ប៊ុនធឿន អាយុ៤៧ឆ្នាំត្រូវបានចាប់ខ្លួននៅព្រឹកថ្ងៃសុក្រនៅក្នុងខណ្ឌដូនពេញ ហើយត្រូវបានធ្វើការចោទប្រកាន់នៅក្នុងថ្ងៃជាមួយគ្នានោះផងដែរ បន្ទាប់ពីគាត់ជាប់ចោទពីបទរៀបចំឯកសារឲ្យ ហង្ស ចម្រើន ជាអ្នកសារព័ត៌មានរបស់កាសែតពន្លឺសាមគ្គី ដែលត្រូវបានអង្គភាពប្រឆាំងនឹងអំពើពុករលួយចាប់ខ្លួននៅថ្ងៃអង្គារ និងធ្វើការចោទប្រកាន់ពីបទបរិហារកេរ្តិ៍បីករណី។
-
អ្នកតវ៉ាពីការបណ្តេញចេញត្រូវបានជាប់ពន្ធនាគារពីរថ្ងៃជាលើកទីពីរ
កាលពីម្សិលម៉ិញ ក្រុមមន្ត្រីនគរបាល និងតុលាការបានសាកសួរធ្វើការចោទប្រកាន់ និងដាក់ពន្ធនាគារស្ត្រីចំណាស់ម្នាក់ពីបទជាប់ពាក់ព័ន្ធនឹងជម្លោះដីធ្លីដ៏អូសបន្លាយមួយនៅក្នុងសហគមន៍បុរីកីឡានាទីក្រុងភ្នំពេញ មួយថ្ងៃបន្ទាប់ពីមានអ្នកតវ៉ាប្រឆាំងនឹងការបណ្តេញចេញម្នាក់មកពីសហគមន៍បឹងកក់បានជួបវាសនាស្រដៀងគ្នានេះ។
-
ក្រុមកម្មកររោងចក្រកាត់ដេរបានដុតកង់ឡានបន្តការតវ៉ាពីការយកពន្ធលើប្រាក់ចំណូល
កម្មកររោងចក្រកាត់ដេរប្រមាណ៦០០នាក់បានបន្តធ្វើកូដកម្មរបស់ពួកគេនៅក្នុងទីក្រុងភ្នំពេញកាលពីម្សិលម៉ិញ ដោយមានដុតកង់ឡានដើម្បីតវ៉ាចំពោះអ្វី ដែលពួកគេបាននិយាយថា ប្រាក់ខែរបស់ពួកគេត្រូវបានគេកាត់ដោយមិនសមហតុផល ប៉ុន្តែក្រុមអ្នកតំណាងរបស់រោងចក្រ និងមន្ត្រីក្រសួងការងារបានបរិយាយថានេះគ្រាន់ជាពន្ធលើប្រាក់ចំណូលធម្មតាប៉ុណ្ណោះ។
-
សិក្ខាសាលាបង្ហាញពីភាពខ្វះចន្លោះនៅក្នុងប្រព័ន្ធតុលាការ
ប្រធានអ្នកតំណាងរបស់អង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាបានប្រាប់ដល់ក្រុមមន្ត្រីផ្នែកយុត្តិធម៌ និងពន្ធនាគារកាលពីម្សិលម៉ិញថា ពិរុទ្ធជនត្រូវតែមានវត្តមាននៅក្នុងសវនាការរបស់តុលាការឧទ្ធរណ៍ រឿងក្តីគួរតែជំនុំជម្រះឲ្យត្រូវនឹងកាលបរិច្ឆេទ ហើយសវនាការតុលាការឧទ្ធរណ៍ត្រូវតែស្ថិតក្នុងបទដ្ឋានមួយដែលត្រឹមត្រូវតាមពេលវេលា។
-
សកម្មជនបឹងកក់ត្រូវបានចាប់ខ្លួនពីបទ”ប្រព្រឹត្តអំពើហិង្សាដោយចេតនា”
សកម្មជនរបស់សហគមន៍បឹងកក់ម្នាក់ត្រូវបានចាប់ខ្លួនកាលពីម្សិលម៉ិញ និងត្រូវបានតុលាការក្រុងភ្នំពេញធ្វើការចោទប្រកាន់ភ្លាមៗពីបទ”ប្រព្រឹត្តអំពើហិង្សាដោយចេតនា” ហើយតុលាការបានបដិសេធមិនបញ្ជាក់ប្រាប់ហេតុផលឲ្យបានល្អិតល្អន់ឡើយ។ គាត់ត្រូវបានគេចាប់ខ្លួន និងក្រោយមកក៏បានដោះលែងមកវិញដោយមិនបានធ្វើការចោទប្រកាន់អ្វីឡើយ។
-
ប្រជាពលរដ្ឋ ដែលប្រឈមមុខនឹងការបណ្តេញចេញបានស្តីបន្ទោសចំពោះអំពើពុករលួយ
ប្រជាពលរដ្ឋ ដែលប្រឈមមុខនឹងការបណ្តេញចេញដោយសារតែមានការសាងសង់ផ្លូវសន្តិសុខព័ត៌មាននៅបរិវេណព្រលានយន្តហោះអន្តរជាតិភ្នំពេញបានដាក់ពាក្យបណ្តឹងមួយទៅកាន់អង្គភាពប្រឆាំងនឹងអំពើពុករលួយកាលពីម្សិលម៉ិញ ដោយចោទក្រុមមន្ត្រីមូលដ្ឋានថាបានប្រព្រឹត្តិអំពើមិនល្អ ដែលបានអនុញ្ញាតឲ្យអ្នកភូមិមករស់នៅលើដីមានទំនាស់កាលពីដំបូង។
-
លោក ហ៊ុន សែន មានប្រសាសន៍ថា លោកអាចនឹងធ្វើវិសោធនកម្មលើច្បាប់រដ្ឋធម្មនុញ្ញ
លោកនាយករដ្ឋមន្ត្រី ហ៊ុន សែន បានមានប្រសាសន៍កាលពីម្សិលម៉ិញថា លោកកំពុងពិចារណាលើការធ្វើវិសោធនកម្មចំពោះមាត្រាមួយនៅក្នុងរដ្ឋធម្មនុញ្ញ ដែលការពារព្រំដែនរបស់ប្រទេសកម្ពុជាមិនឲ្យមានការផ្លាស់ប្តូរ ដោយលើកឡើងនូវព័ត៌មានថ្មីស្តីពីទំហំផ្ទៃដីនៃប្រទេសនេះមកពីផ្កាយរណបធ្វើជាយុត្តិកម្ម។
-
អង្គការក្រៅរដ្ឋាភិបាលរបស់ប្រទេសជប៉ុនបានរិះគន់ចំពោះការបណ្តេញចេញដោយបង្ខំ
អង្គការសិទ្ធិមនុស្សមួយ ដែលមានមូលដ្ឋាននៅក្នុងទីក្រុងតូក្យូបានអំពាវនាវដល់រដ្ឋាភិបាលឲ្យបញ្ឈប់ធ្វើការបណ្តេញចេញដោយបង្ខំតទៅទៀត និងបានហៅការប្រើប្រាស់កងកម្លាំងប្រដាប់អាវុធប្រឆាំងនឹងប្រជាពលរដ្ឋសាមញ្ញ ដែលការពារដីធ្លីរបស់ពួកគេថាជា”ការរំលោភសិទ្ធិមនុស្ស ដែលមិនអាចអត់ឱនឲ្យបាន”។
-
ក្រុមអ្នកភូមិ ដែលគេប្រាប់ថានឹងត្រូវបណ្តេញចេញ គឺដើម្បីសុវត្ថិភាពលោក អូបាម៉ា
ប្រជាពលរដ្ឋចំនួនជាង១៨០គ្រួសារ ដែលរស់នៅជិតព្រលានយន្តហោះអន្តរជាតិភ្នំពេញត្រូវបានគេប្រាប់កាលពីម្សិលម៉ិញថា ពួកគេត្រូវតែរុះរើផ្ទះសម្បែងចេញដើម្បីធ្វើឲ្យផ្លូវមានសន្តិសុខ និងធានាដល់សុវត្ថិភាពដល់លោក បារ៉ាក់ អូបាម៉ា ជាប្រធានាធិបតេយ្យរបស់សហរដ្ឋអាមេរិក ដែលគេរំពឹងថានឹងអញ្ជើញមកធ្វើទស្សនកិច្ចនៅក្នុងខែវិច្ឆិកានេះ។
-
កម្មកររោងចក្រប្រមាណជាង៧០នាក់បានដួលសន្លប់នៅក្នុងរយៈពេលពីរថ្ងៃ
មន្ត្រីក្រសួងការងារម្នាក់បាននិយាយកាលពីម្សិលម៉ិញថា ចំនួនកម្មកររោងចក្រកាត់ដេរសរុប៧១នាក់បានដួលសន្លប់នៅក្នុងថ្ងៃសុក្រ និងថ្ងៃសៅរ៍ នៅក្នុងរោងចក្រកាត់ដេរមួយនៅទីក្រុងភ្នំពេញ។ លោក ពក វណ្ណថាត ជាអនុប្រធានផ្នែកសុវត្ថិភាពវិជ្ជាជីវៈ និងសុខភាពនៃក្រសួងការងារបាននិយាយថា កម្មកររោងចក្រហាយហ្វេសិនខូអិលធីឌីនៅក្នុងសង្កាត់ខ្មួញ ខណ្ឌសែនសុខចំនួន៦១នាក់បានដួលសន្លប់នៅថ្ងៃសុក្រ រីឯកម្មករ១០នាក់ទៀតបានដួលសន្លប់នៅព្រឹកថ្ងៃសៅរ៍។
-
មនុស្សបីនាក់ត្រូវបានសាកសួរទាក់ទងនឹងបណ្តឹងរបស់លោក ម៉ម សូណង់ដូ
នគរបាលនៅក្នុងខេត្តកណ្តាលបានសាកសួរ និងដោះលែងមនុស្សបីនាក់កាលពីម្សិលម៉ិញទាក់ទងនឹងបណ្តឹងទាមទារឲ្យមានការដោះលែងលោក ម៉ម សូណង់ដូ ជានាយកស្ថានីយ៍វិទ្យុ ដែលបានជាប់ឃុំ និងត្រូវជំនុំជម្រះនៅក្នុងសប្តាហ៍ក្រោយពីបទបង្កឲ្យមានការធ្វើអបគមន៍មួយ។
-
ក្រុមអ្នកភូមិដាក់ពាក្យបណ្តឹងប្តឹងអំពីបញ្ហាចំហាយផ្សែង ដែលចេញពីរោងចក្របារី
ក្រុមមន្ត្រីបាននិយាយកាលពីម្សិលម៉ិញថា ប្រជាពលរដ្ឋចំនួនប្រហែល១០០គ្រួសារ ដែលរស់នៅក្បែររោងចក្របារីមួយនៅក្នុងសង្កាត់តាខ្មៅ ខេត្តកណ្តាលបានដាក់ពាក្យបណ្តឹងទៅសាលាខេត្តដើម្បីស្នើសុំអាជ្ញាធរឲ្យចាត់វិធានការចំពោះរោងចក្របារី ដែលឡរបស់រោងចក្រនេះកំពុងតែបង្ហុយចេញនូវចំហាយផ្សែងពុល។
-
កសិករព្រួយបារម្ភថា សេចក្តីព្រាងច្បាប់នឹងធ្វើឲ្យការដណ្តើមយកដីធ្លីក្លាយជាអំពើស្របច្បាប់
កសិករចំនួនប្រហែល៦០នាក់បានជួបជុំគ្នាកាលពីម្សិលម៉ិញដើម្បីលើកឡើងនូវកង្វល់របស់ពួកគេអំពីច្បាប់ស្តីពីការគ្រប់គ្រងដីកសិកម្ម ដែលបច្ចុប្បន្នកំពុងត្រូវបានក្រសួងកសិកម្មធ្វើសេចក្តីព្រាង ដែលបញ្ហានេះធ្វើឲ្យមានការរិះគន់ថានឹងធ្វើឲ្យការដណ្តើមយកដីធ្លីនឹងក្លាយជាអំពើស្របច្បាប់។
-
មេដឹកនាំសហជីពត្រូវបានតុលាការកោះហៅពីបទញុះញង់កម្មកររោងចក្រ
មន្ត្រីតុលាការម្នាក់បាននិយាយកាលពីម្សិលម៉ិញថា តុលាការខេត្តកណ្តាលបានកោះហៅលោក រ៉ុង ឈុន ជាសកម្មជនការពារសិទ្ធិកម្មករ និងជាអ្នកខាងនិយាយរិះគន់ ដើម្បីសាកសួរពីបទចោទប្រកាន់ ដែលថាលោកបានញុះញង់កម្មកររោងចក្រកាត់ដេរឲ្យធ្វើកូដកម្មដោយខុសច្បាប់។
-
សេចក្តីជូនដំណឹងពីការបណ្តេញចេញត្រូវបានប្រកាសប្រាប់ដល់ប្រជាពលរដ្ឋចំនួន៦៩គ្រួសារនៅខណ្ឌឫស្សីកែវ
យោងទៅតាមក្រុមអាជ្ញាធរខណ្ឌបានឲ្យដឹងថា ប្រជាពលរដ្ឋចំនួន៦៩គ្រួសារនៅក្នុងខណ្ឌឫស្សីកែវ ក្រុងភ្នំពេញត្រូវបានរាជរដ្ឋាភិបាលបញ្ជាឲ្យរុះរើចេញពីដីឡូត៍មួយកន្លែងមានទំហំ៤០០០ម៉ែត្រការ៉េ ដែលឈ្មួញក្នុងស្រុកម្នាក់បានអះអាងថាជារបស់ខ្លួន។
-
មន្ត្រីនគរបាលជាប់ចោទពីបទបាញ់ប្រហារនៅបាវិត
ក្រុមមន្ត្រីតុលាការបាននិយាយកាលពីម្សិលម៉ិញថា តុលាការខេត្តស្វាយរៀងបានចោទប្រកាន់មន្ត្រីនគរបាលម្នាក់ពីបទ”បង្ករបួសស្នាមដោយអចេតនា” នៅអំឡុងនៃការបាញ់ប្រហារមួយនៅក្នុងខែកុម្ភៈ ដែលបណ្តាលឲ្យកម្មកររោងចក្រកាត់ដេរបីនាក់រងរបួសនៅក្នុងក្រុងបាវិត។
-
គណកម្មាធិការជាតិរៀបចំការបោះឆ្នោតអះអាងថា ប្រេសិតរបស់អង្គការសហប្រជាជាតិទទួលបន្ទុកផ្នែកសិទ្ធិមនុស្សបានទទួលបរាជ័យ
កាលពីម្សិលម៉ិញ គណកម្មាធិការជាតិរៀបចំការបោះឆ្នោត(((((បានច្រានចោលនូវការលើកឡើងរបស់ប្រេសិតនៃអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំនៅកម្ពុជាថា ប្រព័ន្ធបោះឆ្នោតរបស់ប្រទេសនេះមានការខ្វះខាតជាខ្លាំង ដែលបញ្ហានេះអាចនឹងបណ្តាលឲ្យកើតមានអំពើហិង្សា ប្រសិនបើកង្វះខាតនៃសេចក្តីទុកចិត្តរបស់អ្នកបោះឆ្នោតមិនត្រូវបានគេបំពេញទេនោះ។
-
ប្រេសិតរបស់អង្គការសហប្រជាជាតិបានមានប្រសាសន៍ថា ប្រព័ន្ធបោះឆ្នោតគឺមានខ្វះចន្លោះ
ប្រេសិតរបស់អង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាលោក ស៊ូរិយា ស៊ូបេឌី បានថ្លែងនៅក្នុងរបាយការណ៍ចុងក្រោយរបស់លោកថា ការគ្រប់គ្រងលើការបោះឆ្នោតនៅកម្ពុជាគឺនៅមានភាពខ្វះចន្លោះជាខ្លាំង ដែលបញ្ហានេះអាចនាំឲ្យកើតមានអំពើហិង្សាផ្នែកនយោបាយឡើងវិញ ហើយរដ្ឋាភិបាលត្រូវតែធានាឲ្យមានបទដ្ឋានអន្តរជាតិ ដើម្បីធ្វើឲ្យការបោះឆ្នោតកាន់តែមានភាពទុកចិត្ត។
-
បុរសជាប់ចោទពីបទរួមភេទជាមួយកុមារបានផ្ញើសារគំរាមដល់អង្គការក្រៅរដ្ឋាភិបាល
ការកាត់ទោសលើបុរសជនជាតិហូឡង់ម្នាក់ឈ្មោះ សេបាស្តៀន រ៉ឺល ដែលបានជាប់ចោទពីបទរួមភេទជាមួយកុមារបានចាប់ផ្តើមនៅថ្ងៃម្សិលម៉ិញនៅក្នុងខេត្តសៀមរាប ខណៈដែលនាយកមជ្ឈមណ្ឌលសិទ្ធិមនុស្សកម្ពុជា(ម.ស.ម.ក)បានចោទប្រកាន់លោក រ៉ឺលថាបានផ្ញើសារអ៊ីម៉ែលមកគំរាមដល់អង្គការរបស់លោក។
គាំទ្រដោយ
