-
របាយការណ៍របស់លោក យាស ហ្គាយ អ្នកតំណាងពិសេសរបស់អគ្គលេខាធិការអង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា
នៅក្នុងរបាយការណ៍របស់អ្នកតំណាងពិសេសបានថ្លែងអំពីបញ្ហា ដែលមានលក្ខណៈជាប្រព័ន្ធក្នុងការប្តេជ្ញាចិត្ត ដែលមានចែងនូវក្នុងកិច្ចព្រមព្រៀងសន្តិភាព ដែលបានអនុម័តនៅទីក្រុងប៉ារីសនៅថ្ងៃទី២៣ ខែតុលា ឆ្នាំ១៩៩១។ កិច្ចព្រមព្រៀងនេះទទួលស្គាល់នូវសារៈសំខាន់ស្នូលលើសិទិ្ធមនុស្សនៅក្នុងការបង្កើត និងថែរក្សាសនិ្តភាព និងវិបុលភាពសម្រាប់ជនកម្ពុជាគ្រប់រូប ហើយកិច្ចព្រមព្រៀងនេះក៏មានចែងនូវបទប្បញ្ញតិ្តមួយចំនួនដើម្បីលើកតម្កើងសិទិ្ធមនុស្ស និងធានាការពារស្របតាមរដ្ឋធម្មនុញ្ញ៕
អានបន្ត -
យុទ្ធនាការ និងរបាយការណ៍ស្តីអំពីសិទ្ធិ និងលក្ខខណ្ឌរស់នៅរបស់កុមារនៅក្នុងពន្ធនាគារ
ភ្នំពេញ៖ ថ្ងៃទី២៩ ខែមករា ឆ្នាំ២០០៧-កុមារជិត៥០០នាក់បច្ចុប្បន្នកំពុងជាប់ឃុំឃាំងនៅក្នុងពន្ធនាគារកម្ពុជា។ សម្រាប់កុមារទាំងនេះ ពន្ធនាគារដែលពួកគេហៅថា”ផ្ទះ”នោះគឺណែនណាន់តាន់តាប់ គ្មានអនាម័យ និងខ្វះសុខុមាលភាពជាចំបង។ កុមារជាច្រើនដែលត្រូវបានឃុំឃាំងជាមួយមនុស្សធំ ត្រូវគេឃុំខ្លួនមុនការជំនុំជម្រះ ដែលលើសការកំណត់ពេលវេលានៃនីតិវិធីច្បាប់ និងជាច្រើននាក់ទៀតត្រូវបានកាត់ទោសដាក់ពន្ធនាគារដោយមិនបានគិតពីអាយុរបស់ពួកគេឡើយ។ ពួកគេទទួលរងពីស្ថានភាពរស់នៅដ៏យ៉ាប់យ៉ឺន របបអាហារខ្សត់ខ្សោយ និងការថែទាំសុខភាពមិនល្អដូចមនុស្សធំដែលជាប់ឃុំឃាំងដែរ ហើយបានកម្រឹតដល់ការអប់រំ ហ្វឹកហ្វឺន និងតំណាងផ្នែកច្បាប់ទៀត។
អានបន្ត -
៣ឆ្នាំនៃភាពអយុត្តិធម៌សម្រាប់ប៊ន សំណាង និងសុខ សំអឿន
នាថ្ងៃបុណ្យខួប៣ឆ្នាំនៃការចាប់ខ្លួនប៊ន សំណាងនិងសុខ សំអឿន អង្គការក្រៅរដ្ឋាភិបាលកម្ពុជា និងសហជីពសេរីកម្មករកំពុងតែបន្តធ្វើយុទ្ធនាការចំពោះការដោះលែងពួកគេពីពន្ធនាគារនៅក្នុងថ្ងៃនេះ។
អានបន្ត -
សង្គមស៊ីវិលព្រួយបារម្ភយ៉ាងខ្លាំង អំពីដំណើរការពង្រាងវិធានផ្ទៃក្នុង របស់អ.វ.ត.ក
ភ្នំពេញ_២៤មករា២០០៧_ អស់រយៈពេលជាងពីរបីថ្ងៃកន្លងផុតទៅ គណកម្មាធិការប្រព្រឹត្តិកម្មនៃអង្គការសមាគមន៍ការពារសិទ្ធិមនុស្សកម្ពុជា(CHRAC) ជាអង្គការចម្រុះក្រៅរដ្ឋាភិបាល ដែលមានសមាជិកចំនួន២៣ បានដឹងអំពីប្រភពមួយដែលសុំមិនបញ្ចេញឈ្មោះថា មានការកើតឡើងនូវការរំខានដល់ដំណើរការគណកម្មាធិការវិធាន និងអនាគតនៃអ.វ.ត.ក រួមមានការដកមន្ត្រីជាន់ខ្ពស់ចេញ ដែលអាចនឹងមាន ប្រសិនបើវិធានផ្ទៃក្នុងមិនមានមាត្រដ្ឋានអន្តរជាតិជាអប្បរិមាទេនោះ។
អានបន្ត -
ការរានយកដីជនជាតិដើមភាគតិច ដោយខុសច្បាប់បានកើតឡើង នៅក្នុងខេត្តរតនគិរី
CHRAC NGOF CFI CLEC LAC និង ILO-ITP1 បង្ហាញការគាំទ្រយ៉ាងពេញទំហឹងរបស់ពួកគេប្រឆាំងនឹងការកាប់រានដីរបស់ជនជាតិដើមភាគតិចនៅក្នុងភូមិកង យូនិងកង ធំ ឃុំប៉ាតេះ ស្រុកអូរយ៉ាដាវ ខេត្តរតនគិរី ដែលសព្វថ្ងៃកំពុងដាក់ពាក្យបណ្តឹងពីបទកាប់រានដីដោយខុសច្បាប់ធ្វើឡើងដោយលោកជំទាវគាត កុលណី ជាប្អូនស្រីរបស់លោកគាត ឈុន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។ អង្គការក្រៅរដ្ឋាភិបាលសង្ឃឹមថា ករណីនៃភូមិកង យូនឹងបង្ហាញថា សូម្បីសមាជិកដែលងាយនឹងរងគ្រោះខ្លាំងបំផុតនៃសង្គមក៏ត្រូវបានទទួលការការពារក្រោមច្បាប់កម្ពុជាដែរ។
អានបន្ត -
កម្ពុជា៖ រដ្ឋាភិបាលបំបិទការរិះគន់មុនពេលបោះឆ្នោត
នៅក្នុងពិធីសម្ពោធសាលារៀនមួយ នាថ្ងៃទី៥ ខែមករា ក្នុងខេត្តកំពង់ចាមលោក ហ៊ុន សែន នាយករដ្ឋមន្ត្រីកម្ពុជាបានព្រមានយ៉ាងខ្លាំងៗចំពោះគណបក្សនយោបាយទាំងអស់ ប្រឆាំងនឹងការរិះគន់ទៅលើគូប្រកួតប្រជែងរបស់ពួកគេក្នុងគោលបំណងដើម្បីឲ្យឈ្នះឆ្នោតក្នុងការបោះឆ្នោតឃុំសង្កាត់ថ្ងៃទី១ ខែមេសាខាងមុខនេះ។ លោកបានជម្រុញឲ្យជ្រើសយកប្រើរបៀបបែបផ្សាយពាណិជ្ជកម្ម ដោយសសើរទំនិញ ឬសេវាកម្មរបស់ខ្លួន និងកុំរិះគន់ទំនិញ ឬសេវាកម្មរបស់អ្នកដទៃ ហើយមានប្រសាសន៍ថា លោកនឹងចាត់វិធានការយ៉ាងតឹងរ៉ឹងចំពោះបុគ្គល ដែលរិះគន់-បើតាមទស្សនៈរបស់លោក-គឺការរិះគន់ ដែលនាំឲ្យមានការបែកបាក់ និងខូចខាតដល់ស្ថេរភាពប្រទេស។
អានបន្ត -
សម្ព័ន្ធភាពដើម្បីសេរីភាពបញ្ចេញមតិនៅកម្ពុជា ទាមទារឲ្យមានការស៊ើបអង្កេតលើករណីគ្រោះថ្នាក់ចរាចររបស់អ្នកយកព័ត៌មាននៃវិទ្យុអាស៊ីសេរី
សម្ព័ន្ធភាពដើម្បីសេរីភាពបញ្ចេញមតិនៅកម្ពុជា សូមអំពាវនាវដល់រដ្ឋាភិបាលកម្ពុជាឲ្យធ្វើការស៊ើបអង្កេតលើករណីគ្រោះថ្នាក់ចរាចរដែលគួរឲ្យសង្ស័យ ដែលបានបណ្តាលឲ្យលោក សុក សេរី អ្នកកាសែតវិទ្យុអាស៊ីសេរីប្រឈមមុខនឹងបញ្ហាសុខភាពយ៉ាងធ្ងន់ធ្ងរ ។
អានបន្ត -
អំពាវនាវឲ្យមានការស៊ើបអង្កេតចំពោះឧប្បត្តិហេតុនៃអ្នកយកការណ៍វិទ្យុអាស៊ីសេរី
(ភ្នំពេញ កម្ពុជា) សម្ព័ន្ធភាពដើម្បីសេរីភាពបញ្ចេញមតិនៅកម្ពុជា(AFEC) អំពាវនាវដល់រដ្ឋាភិបាលកម្ពុជាឲ្យស៊ើបអង្កេតចំពោះឧប្បត្តិហេតុគួរឲ្យសង្ស័យបណ្តាលឲ្យអ្នកយកព័ត៌មានវិទ្យុអាស៊ីសេរីម្នាក់បណ្តាលឲ្យអ្នកយកព័ត៌មានវិទ្យុអាស៊ីសេរីម្នាក់ឈ្មោះលោក សុខ សេរី ស្ថិតក្នុងលក្ខខណ្ឌសុខភាពដែលគ្រោះថ្នាក់ខ្លាំង។ នៅថ្ងៃទី១៤ ខែធ្នូ ឆ្នាំ២០០៦ កំឡុងម៉ោងប្រហែល៤:៤៥នាទីល្ងាច លោក សុខ សេរី បានជួបឧប្បត្តិហេតុមួយនៅមុខផ្ទះលេខ១៤៩ផ្លូវ១៩សង្កាត់ជ័យជំនះ បន្ទាប់ពីទទួលកូនរបស់គាត់ពីសាលា។ ឧប្បត្តិហេតុនោះបានធ្វើឲ្យលោក សុខ សេរី សន្លប់បាត់ស្មារតី នៅពេលក្បាលរបស់គាត់បោកនឹងថ្នល់យ៉ាងខ្លាំង។
អានបន្ត -
ឯករាជ្យ និងភាពមិនលំអៀងគឺជាភាពចាំបាច់នៃវិធីការ ដែលគួរឲ្យទុកចិត្តបានណាមួយ
គណកម្មាធិការប្រព្រឹត្តិកម្មនៃអង្គការសមាគមន៍ការពារសិទ្ធិមនុស្សកម្ពុជា(CHRAC) គឺជាអង្គការចម្រុះនៅកម្ពុជាមួយ ដែលមានសមាជិក២៣ សមូហភាពជួយជនរងគ្រោះក្នុងរបបខ្មែរក្រហម(CKRV) និងសហព័ន្ធសិទ្ធិមនុស្សអន្តរជាតិ(FIDH) បង្ហាញការព្រួយបារម្ភរបស់ពួកគេអំពីភាពបរាជ័យនៃសម័យប្រជុំពេញអង្គរបស់អង្គជំនុំជម្រះវិសាមញ្ញក្នុងតុលាការកម្ពុជាដើម្បីអនុម័តនូវវិធានផ្ទៃក្នុងរបស់ពួកគេ។ វិធានទាំងនោះគឺតម្រូវឲ្យចាប់ផ្តើមស៊ើបអង្កេត និងចោទប្រកាន់លើជនទាំងឡាយណាដែលមានទំនួលខុសត្រូវធំបំផុតនៅក្នុងរបបខ្មែរក្រហម។
អានបន្ត -
ទិវាសិទ្ធិមនុស្សអន្តរជាតិ ២០០៦
ប្រជាពលរដ្ឋកម្ពុជារាប់ពាន់នាក់មកពីទូទាំងប្រទេស រួមទាំងសកម្មជនសហគមន៍ សមាជិកសហជីព សិស្ស-និស្សិត និងបុគ្គលិកអង្គការមិនមែនរដ្ឋាភិបាល នឹងជួបប្រជុំគ្នានៅពហុកីឡាដ្ឋានអូឡាំពិក ក្រុងភ្នំពេញ នៅថ្ងៃអាទិត្យ ទី១០ ខែធ្នូ ដើម្បីប្រារព្ធទិវាសិទ្ធិមនុស្សអន្តរជាតិ ។ អង្គការជាង ៧០ បានរួបរួមគ្នារៀបចំទិវានេះ ក្រោមមូលបទ " យើងទាំងអស់គ្នាជាអ្នកការពារសិទ្ធិមនុស្ស " ។ ព្រឹត្តិការណ៍ពេញមួយថ្ងៃនេះ សំដៅទទួលស្គាល់និងលើកស្ទួយតួនាទីដ៍មានតម្លៃរបស់ប្រជាពលរដ្ឋកម្ពុជាពីគ្រប់មជ្ឈដ្ឋាន ក្នុងការការពារសិទ្ធិមនុស្ស ។ ទិវានេះនឹងសរសើរដល់សមិទ្ធិផលខាងសិទ្ធិមនុស្សក្នុងប្រទេសកម្ពុជា ប៉ុន្តែវាផ្តោតទៅលើបញ្ហាសំខាន់ៗ ដែលប្រជាពលរដ្ឋកម្ពុជាកំពុងប្រឈមមុខសព្វថ្ងៃផងដែរ រួមទាំងការលួចបន្លំនិងការកេងប្រវ័ញ្ចយកដីធ្លីនិងធនធានធម្មជាតិ ការដាក់កំហិតលើសេរីភាពបញ្ចេញមតិ សេរីភាពបង្កើតសមាគម និងជួបប្រជុំ និងការរំលោភលើសិទ្ធិការងារ ។
អានបន្ត -
ឱកាសទិវាសិទ្ធិមនុស្សអន្តរជាតិ ១០ ធ្នូ ឆ្នាំ២០០៦ ខួបលើកទី៥៨
នៅក្នុងឱកាសទិវាសិទ្ធិមនុស្សអន្តរជាតិ ១០ ធ្នូ ឆ្នាំ២០០៦ ខួបលើកទី៥៨ នូវសេចក្តីថ្លែងការណ៍ជាសាកលស្តីពី សិទ្ធិមនុស្ស ដែលត្រូវបានអនុម័តកាលពីថ្ងៃទី១០ ខែធ្នូ ឆ្នាំ១៩៤៨ ។ គណៈកម្មាធិការប្រព្រឹត្តិកម្ម នៃអង្គការ-សមាគមការពារសិទ្ធិមនុស្សកម្ពុជា ដែលជាសម្ព័ន្ធអង្គការក្រៅរដ្ឋាភិបាលផ្នែកសិទ្ធិមនុស្ស និងច្បាប់មួយចំនួន២៣ សូមសំដែងនូវការសរសើរដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការជួយឲ្យមានការរីកចំរើនខ្លះៗនៅការគោរពសិទ្ធិមនុស្ស ។ ទោះបីជាយ៉ាងណាក៍ដោយ យើងឃើញនៅមានឧបសគ្គរាំងស្ទះជាច្រើនដល់ដំណើរការអនុវត្តគោលការណ៍គោរពសិទ្ធិមនុស្ស លទ្ធិប្រជាធិបតេយ្យ និង គោលការណ៍កាត់បន្ថយភាពក្រីក្រ ។
អានបន្ត -
កម្ពុជា៖ ការលក់ដូរទ្រព្យសម្បត្តិរដ្ឋខុសច្បាប់ទៅឲ្យឈ្មួញឯកជនគឺរំលោភសិទ្ធិមូលដ្ឋានរបស់ប្រជាជន
គណកម្មាធិការសិទ្ធិមនុស្សអាស៊ី(AHRC) កំពុងធ្វើសំនេរឆ្លើយតបចំពោះសេចក្តីថ្លែងការណ៍ថ្ងៃទី៥ធ្នូរបស់អ្នក ដែលក្នុងនោះអ្នកបានបង្ហាញការគាំទ្រ ប្រឆាំងនឹងការលក់ដីសាធារណៈ១១៥ហិចតាដោយខុសច្បាប់នៅក្នុងស្រុកបរកែវ ខេត្តរតនគិរី ប្រទេសកម្ពុជា។ អ្នកនឹងយកដីជាប់ពាក់ព័ន្ធនោះមកវិញ ដែលវាជាកម្មសិទ្ធិរបស់អ្នកភូមិជនជាតិដើមភាគតិចចំនួន៨៤០នាក់នៅភូមិជ្រុងនិងភូមិកាចកក្នុងស្រុកបរកែវ ត្រូវបានលោកពុយ យ៉ុងជាសមាជិកក្រុមប្រឹក្សាឃុំលំជរ ស្រុកអូរយ៉ាដាវលក់ដោយខុសច្បាប់ឲ្យឈ្មួញម្នាក់ឈ្មោះគឹម ម៉ៅក្នុងតម្លៃ៣០០ដុល្លាក្នុងមួយហិចតា។
អានបន្ត
គាំទ្រដោយ
