កំពុងស្វែងរកទិន្នន័យ
រកឃើញ: 12.457
-
សង្គមស៊ីវិលស្នើឲ្យដោះស្រាយបញ្ចប់វិវាទដីធ្លីរវាងពលរដ្ឋនិងក្រុមហ៊ុនចិននៅខេត្តព្រះវិហារ
រោងចក្រផលិតស្ករសដ៏ធំរបស់ចិន មានទីតាំងនៅខេត្តព្រះវិហារ ត្រូវបានសម្ពោធជាផ្លូវការនៅព្រឹកថ្ងៃទី១៩ មេសា។ ប្រមុខរដ្ឋាភិបាលកម្ពុជា លោក ហ៊ុន សែន ជឿជាក់ថា រោងចក្រនេះនឹងបង្កើតការងារកាន់តែច្រើនសម្រាប់ប្រជាពលរដ្ឋកម្ពុជា។ ទោះបីបែបនេះក្តី អង្គការសង្គមស៊ីវិលក្នុងខេត្តព្រះវិហារ អះអាងថា អាជ្ញាធរត្រូវតែដោះស្រាយបញ្ចប់ទំនាស់ដីធ្លីរវាងប្រជាពលរដ្ឋមូលដ្ឋាន ជាមួយក្រុមហ៊ុនចិន ជាមុនសិន ទើបជាការអភិវឌ្ឍពិតប្រាកដ។ លោកនាយករដ្ឋមន្ត្រី ហ៊ុន សែន ថ្លែងនៅព្រឹកថ្ងៃទី១៩ មេសា ថា រោងចក្រផលិតស្ករសរបស់ក្រុមហ៊ុន រ៉ូយ ហ្វេង (Rui Feng Cambodia International Co., Ltd) គឺជារោងចក្រដែលមានខ្សែសង្វាក់ផលិតកម្មធំជាងគេនៅអាស៊ី។
អានបន្ត -
ព្រះរាជអាជ្ញា សៀង សុខ៖ កញ្ញា ស្រីមុំ ទទួលស្គាល់នូវសារសម្លេងឆ្លើយឆ្លងជាមួយលោក កឹម សុខា ជាការពិត
(ភ្នំពេញ)៖ លោក សៀង សុខ ព្រះរាជអាជ្ញារង សាលាដំបូងរាជធានីភ្នំពេញ បានបញ្ជាក់ប្រាប់អង្គភាព Fresh News នៅមុននេះបន្តិចក្រោយបញ្ចប់ការសាកសួរ កញ្ញា ស្រីមុំ នៅសាលាដំបូងរាជធានីភ្នំពេញថា៖ នៅក្នុងអំឡុងពេលសាកសួរ កញ្ញា ស្រីមុំ បានទទួលស្គាល់ថា សារសម្លេងឆ្លើយឆ្លង ដែលបែកធ្លាយលើបណ្តាញសង្គមនោះគឺពិតជាសារសន្ទនារវាងកញ្ញា និងលោក កឹម សុខា ប្រធានស្តីទីគណបក្សសង្គ្រោះជាតិ។ បើទោះបីមានការសារភាពពីសំណាក់ កញ្ញា ខុម ចាន់ដារ៉ាទី ហៅស្រីមុំ យ៉ាងណាក្តី ប៉ុន្តែលោក សៀង សុខ មិនទាន់មានចំណាត់ការទៅលើកញ្ញាស្រីមុំ យ៉ាងណានោះទេ ដោយបានអនុញ្ញាតឲ្យកញ្ញា ស្រីមុំ ត្រឡប់ទៅផ្ទះវិញ ហើយព្រះរាជអាជ្ញានឹងពិនិត្យនីតិវិធីបន្តទៀត។
អានបន្ត -
ពលរដ្ឋខេត្តព្រះសីហនុស្នើដកហូតផ្លូវស្នាព្រះហស្តរបស់អតីតព្រះមហាក្សត្រដាក់ជាសម្បត្តិរដ្ឋ
មន្ត្រីរាជការ និងប្រជាពលរដ្ឋភាគច្រើនរស់នៅខេត្តព្រះសីហនុ សាទរប្រមុខដឹកនាំរាជរដ្ឋាភិបាល ដែលបញ្ជាឲ្យអាជ្ញាធរពាក់ព័ន្ធខេត្តនេះ បើករបងថ្មដែលក្រុមហ៊ុន សុខា អូតែល ហ៊ុមព័ទ្ធបិទផ្លូវកៅស៊ូជាស្នាព្រះហស្តអតីតព្រះមហាក្សត្រ សម្ដេចព្រះនរោត្តម សីហនុ ឲ្យពលរដ្ឋចេញចូលឆ្លងកាត់ដូចដើមវិញ។ ស្របគ្នានេះ មន្ត្រីសង្គមស៊ីវិល ក៏ស្នើដល់ប្រមុខដឹកនាំរដ្ឋាភិបាល ជួយអន្តរាគមន៍ដកហូតផ្លូវកៅស៊ូប្របមាត់សមុទ្រមួយនេះ មកដាក់ជាសម្បត្តិរដ្ឋគ្រប់គ្រង និងដាក់ជូនសាធារណជនទូទៅប្រើប្រាស់ជាធម្មតាវិញ ដោយមិនត្រូវឈូសផ្លូវថ្មីរំលោភយកដីចំណីឆ្នេរសមុទ្រ ដាក់ជូនពលរដ្ឋប្រើប្រាស់ ហើយប្រគល់ផ្លូវកៅស៊ូចាស់ជូនក្រុមហ៊ុន សុខា នោះទេ។
អានបន្ត -
ក្រសួងវប្បធម៌មិនមែន ហាមបញ្ចាំងតែខែ្សវីដេអូស្តីពីលោកឈុតវុទ្ធី ប៉ុណ្ណោះទេ!
ក្រសួងវប្បធម៌ នៅក្នុងលិខិតចុះថ្ងៃទី ១៨ ខែមេសាបានបញ្ជាក់ថា មូលហេតុដែលក្រសួងមិនអោយ បញ្ចាំងខ្សែភាពយន្តឯកសារនេះ ដោយសារតែពុំទាន់មានការស្នើសុំការពិនិត្យខ្លឹមសារ និងការអនុញ្ញាតិថតពីក្រសួង-ស្ថាប័នមានសមត្ថកិច្ចនូវឡើយទេ។ ខ្សែវីដេអូ I am Chut Wutty ឬក៏ខ្សែវីដេអូផ្សេងទៀត នឹងអាចចាក់បញ្ចាំងបាន ប្រសិនបើមេត្តាហោស៍ គោរពទៅតាមកិច្ចព្រមព្រៀងដែលបានចុះហត្ថលេខាជាមួយក្រសួងវប្បធម៌ និងវិចិត្រសិល្បៈ គឺមេត្តាហោស៍ត្រូវ ដាក់ជូនក្រសួងវប្បធម៌ពិនិត្យសិន មុននឹងដាក់បញ្ចាំង ហើយខ្សែវីដេអូនោះទៀតសោតត្រូវមានប្រភពច្បាស់លាស់។ នេះបើតាមការបញ្ជាក់របស់លោក ស៊ិន ចាន់សាយ៉ា ប្រធាននាយកដ្ឋានសិល្បៈភាពយន្តនិងផ្សព្វផ្សាយវប្បធម៌។
អានបន្ត -
ក្រសួងវប្បធម៌ហាមមិនឲ្យចាក់បញ្ចាំងខ្សែភាពយន្តសកម្មជនបរិស្ថាន លោក ឈុត វុទ្ធី
ក្រសួងវប្បធម៌និងវិចិត្រសិល្បៈបានហាមមិនឲ្យមជ្ឈមណ្ឌលវប្បធម៌កម្ពុជា-អាល្លឺម៉ង់ឬហៅថាមជ្ឈមណ្ឌលមេត្តាហោស៍(Meta House) បញ្ចាំងវីដេអូឯកសារមួយស្តីពីជីវិតរបស់អតីតសកម្មជនការពារធនធានធម្មជាតិ លោក ឈុត វុទ្ធី ដែលត្រូវបាញ់សម្លាប់កាលពីឆ្នាំ២០១២។ តាមគម្រោង វីដេអូឯកសារនេះនឹងត្រូវដាក់បញ្ចាំងឲ្យសាធារណជនទស្សនានៅថ្ងៃទី២០ ខែមេសាចាប់ពីម៉ោង៧ដល់ម៉ោង៨យប់។
អានបន្ត -
រដ្ឋមន្ត្រីព័ត៌មាន៖ រដ្ឋមន្រ្តីយុត្តិធម៌ឲ្យអ្នករកឃើញលោកលាក់លុយនៅក្រៅប្រទេសយកលុយទាំងអស់នោះ
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានសរសេរនៅលើហ្វេសប៊ុករបស់លោកថារដ្ឋមន្ត្រីក្រសួងយុត្តិធម៌ ប្រាប់រូបលោកថាលោកមិនមានលុយលាក់នៅក្រៅប្រទេសដូចការចុះផ្សាយនោះទេ ដោយថាបើលោកមានលុយនៅក្រៅប្រទេសមែននោះ អ្នកណាដែលរកឃើញអាចយកលុយទាំងអស់នោះបាន។ នៅលើប្រព័ន្ធសង្គមហ្វេសប៊ុក លោក ខៀវ កាញារីទ្ធ បានសរសេរថារដ្ឋមន្រ្តីយុត្តិធម៌ លោក អង្គ វង្ស វឌ្ឍានា បានប្រាប់លោកក្នុងពេលទទួលទានអាហារពេលល្ងាចជាមួយរូបលោកថា៖ “បើអ្នកណារកឃើញថាបើលោកមានលុយនៅក្នុងoffshore companiesនៃប្រទេសប៉ាណាម៉ាមែននោះ អ្នកណាដែលរកឃើញអាចយកលុយទាំងអស់នោះបាន បើមិនចង់យកលោកនឹងផ្ទេរលុយទាំងអស់នោះ ទៅមន្ទីរពេទ្យគន្ធបុប្ផា”។
អានបន្ត -
សហគមន៍ព្នងរងផលប៉ះពាល់ពីទំនប់វារីអគ្គិសនីសេសានក្រោម២នៅតែជម្នះមិនចេញពីភូមិ
សហគមន៍ជនជាតិដើមភាគតិចព្នង នៅភូមិក្បាលរមាស ក្នុងឃុំក្បាលរមាស ស្រុកសេសាន ខេត្តស្ទឹងត្រែង ជាសហគមន៍មួយទៀតក្រៅពីសហគមន៍ជនជាតិឡាវ ឃុំស្រែគរ ដែលកំពុងជម្នះនឹងការបណ្ដេញចេញពីភូមិ ដោយសារគម្រោងទំនប់វារីអគ្គិសនីសេសានក្រោមពីរ ដែលនឹងក្លាយជាទំនប់វារីអគ្គិសនីធំជាងគេបង្អស់នៅកម្ពុជា។ ទោះបីជាប្រជាជនមួយភាគធំនៃភូមិក្បាលរមាស បានចាកចេញទៅតាំងទីលំនៅនៅតំបន់ថ្មីក្ដី ក៏ពលរដ្ឋជាជនជាតិដើមភាគតិចព្នង នៅសេសសល់ចំនួន ៥៣គ្រួសារទៀត នៅតែប្រកាន់ជំហរស៊ូស្លាប់ការពារសិទ្ធិជនជាតិដើមភាគតិចរបស់ខ្លួន ដែលការពារដោយច្បាប់ជាតិ និងអន្តរជាតិ។
អានបន្ត -
សមត្ថកិច្ចខេត្ដព្រះវិហាររងការចោទថារារាំងពលរដ្ឋមិនឲ្យធ្វើពិធីរំលឹកពីការបាត់បង់ដីធ្លី
អាជ្ញាធរខេត្ដព្រះវិហាររងការចោទថារារាំងពលរដ្ឋមិនឲ្យធ្វើពិធីសែនព្រេនរំលឹកពីការបាត់បង់ដីធ្លីនិងវប្បធម៌ប្រពៃណីដូនតារបស់ពួកគេដោយអាជ្ញាធរអះអាងថាបារម្ភខ្លាចពលរដ្ឋរៀបគម្រោងតវ៉ាប្រឆាំងរដ្ឋាភិបាល។ ការហាមឃាត់នេះស្របពេលនាយករដ្ឋមន្ដ្រីលោក ហ៊ុន សែន មានគម្រោងទៅសម្ភាធរោងចក្រផលិតស្ករអំពៅរបស់ក្រុមហ៊ុនចិននៅថ្ងៃទី១៩ខែមេសាស្អែកនេះ។
អានបន្ត -
សកម្មជនព្រៃឈើខ្មែរ លោក អ៊ូច ឡេង ទទួលពានរង្វាន់វីរជនបរិស្ថានពិភពលោក
ប្រធានក្រុមកិច្ចការពិសេសសិទ្ធិមនុស្សកម្ពុជា(CHRTF) លោក អ៊ូច ឡេងនិងជាសកម្មជនព្រៃឈើម្នាក់ដែលបានចំណាយពេលជាង២០ឆ្នាំក្នុងការការពារព្រៃឈើ នៅថ្ងៃចន្ទនេះ បានទទួលពានរង្វាន់វីរជនបរិស្ថាន(Goldman Environmental Award Prize)ក្នុងរដ្ឋសាន់ហ្រ្វាន់ស៊ីស្កូ សហរដ្ឋអាមេរិកអាមេរិក។ បុគ្គល៦នាក់មកពីទូទាំងពិភពលោកត្រូវបានផ្តល់នូវពានរង្វាន់មួយនេះ ក្នុងនោះមានលោក អ៊ូច ឡេង ផងដែរ។ ពានរង្វាន់នេះត្រូវផ្តល់ទៅបុគ្គលដែលមានការប្តេជ្ញាខ្លាំងក្នុងការពារបរិស្ថាននិងប្រឆាំងនឹងការបំផ្លាញបរិស្ថាន។
អានបន្ត -
លោក ជូង ជូងី នឹងដាក់ពាក្យស្នើតុលាការដោះលែងលោក អ៊ុំ សំអាន នៅចុងសប្តាហ៍នេះ
មេធាវីការពារក្តីរបស់លោក អ៊ុំ សំអាន នឹងដាក់ពាក្យទៅតុលាការនៅចុងសប្តាហ៍នេះ សុំឲ្យដោះលែងលោក អ៊ុំ សំអាន។ លោក អ៊ុំ សំអាន ដែល បានបញ្ជូនទៅពន្ធនាគារព្រៃសរ នៅថ្ងៃទី១២ខែមេសា ជាប់ចោទពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបទញុះញង់ឲ្យមានការរើសអើងតាមមាត្រា៤៩៥និង៤៩៦ នៃក្រមព្រហ្មទណ្ឌ។ លោក ជូង ជូងី មេធាវីការពារក្តីរបស់លោក អ៊ុំ សំអាន នឹងដាក់ពាក្យទៅតុលាការ ស្នើសុំឲ្យដោះលែងលោក អ៊ុំ សំអាន តំណាងរាស្ត្រមកពីគណបក្សប្រជាជនសង្គ្រោះជាតិ មណ្ឌលសៀមរាប នៅចុងសប្តាហ៍នេះ ។ លោក ជូង ជូងី មេធាវីការពារក្តីរបស់លោក អ៊ុំ សំអាន បានថ្លែងប្រាប់សារព័ត៌មានថ្មីៗនៅថ្ងៃទី១៨ខែមេសានេះថា៖«ខ្ញុំនឹងដាក់ពាក្យស្នើសុំដោះលែងគាត់ទៅតុលាការ នៅចុងសប្តាហ៍នេះ»។
អានបន្ត -
សហរដ្ឋអាមេរិក៖កម្ពុជានៅតែបន្តកើតមានបញ្ហារំលោភសិទ្ធិមនុស្សគួរឲ្យព្រួយបារម្ភ
សហរដ្ឋអាមេរិកបានចេញរបាយការណ៍មួយលើកឡើងថាប្រទេសកម្ពុជានៅតែមានបញ្ហារំលោភបំពានផ្នែកសិទ្ធិមនុស្សដែលជាការព្រួយបារម្ភ ដូចជាការរំលោភសិទ្ធិសេរីភាពក្នុងការបញ្ចេញមតិ ការប្រើប្រាស់អំពើហិង្សានិងការគំរាមកំហែងផ្នែកនយោបាយ។ ក្នុងរបាយការណ៍សិទ្ធិមនុស្សនៅកម្ពុជាប្រចាំឆ្នាំ ២០១៥ ជាភាសាអង់គ្លេសចំនួន៣៤ទំព័រ ដែលចេញផ្សាយដោយក្រសួងការបរទេសសហរដ្ឋអាមេរិកកាលពីថ្ងៃទី១៣ ខែមេសា បានឲ្យដឹងថាបញ្ហាសិទ្ធិមនុស្សដែលកើតមានដូចជាការរំលោភសិទ្ធិសេរីភាពក្នុងការបញ្ចេញមតិ សិទ្ធិសេរីភាពក្នុងការប្រមូលផ្ដុំ និងការចូលរួមបង្កើតជាសមាគម ការប្រើអំពើហិង្សានិងគំរាមកំហែងខាងផ្នែកនយោបាយទៅលើគណបក្សប្រឆាំងជាដើម។
អានបន្ត -
តំណាងរាស្រ្តបក្សកាន់អំណាចទាំងអស់គាំទ្រឲ្យតុលាការបន្តនីតិវិធីលើលោក អ៊ុំ សំអាន
តំណាងរាស្រ្តមកពីគណបក្សប្រជាជនកម្ពុជាដែលមានវត្តមាននៅក្នុងកិច្ចប្រជុំពេញអង្គ នៅរសៀលថ្ងៃអង្គារនេះ បានសម្រេចបោះឆ្នោតគាំទ្រឲ្យតុលាការបន្តនីតិវិធីលើតំណាងរាស្រ្តបក្សប្រឆាំងលោក អ៊ុំ សំអាន ដែលត្រូវបានតុលាការបញ្ជូនទៅពន្ធនាគារនៅរសៀលថ្ងៃត្រង់នេះ។ រដ្ឋសភាបានបើកកិច្ចប្រជុំសភាពេញអង្គមួយជាបន្ទាន់ នៅម៉ោងជិត៤រសៀលនេះ ដើម្បីពិភាក្សាករណីតំណាងរាស្រ្ត លោក អ៊ុំ សំអាន។ តំណាងរាស្រ្តបក្សសង្រ្គោះជាតិមិនបានចូលរួមកិច្ចប្រជុំនេះទេ។
អានបន្ត -
លោក ហ៊ុន សែន ព្រមានជាថ្មីចាប់ខ្លួនអ្នកនិយាយរឿងផែនទីក្លែងក្លាយ ក្រោយចាប់ខ្លួនតំណាងរាស្រ្ត
លោកនាយករដ្ឋមន្រ្តី ហ៊ុន សែន នៅថ្ងៃអង្គារនេះ បានព្រមានសាជាថ្មីចាប់ខ្លួនមនុស្សដែលហ៊ានចេញមុខនិយាយថារដ្ឋាភិបាលប្រើប្រាស់ផែនទីក្លែងក្លាយ។ ការព្រមានរបស់នាយករដ្ឋមន្រ្តី ចំពេលដែលតំណាងរាស្រ្តគណបក្សសង្រ្គោះជាតិ មណ្ឌលខេត្តសៀមរាប លោក អ៊ុំ សំអាន ដែលសកម្មនឹងបញ្ហាព្រំដែននិងរិះគន់រឿងប្រើប្រាស់ផែនទីក្លែងក្លាយ ត្រូវបានចាប់ខ្លួនកាលពីអធ្រាត្រថ្ងៃអាទិត្យសប្តាហ៍មុន មិនដល់មួយថ្ងៃផង ពេលលោកត្រឡប់ចូលប្រទេសវិញ។
អានបន្ត -
តំណាងរាស្រ្តបក្សប្រឆាំងថារដ្ឋសភាធ្វើការងារមិនច្បាស់លាស់ ករណីអភ័យឯកសិទ្ធិតំណាងរាស្រ្ត
តំណាងរាស្រ្តគណបក្សសង្រ្គោះជាតិបានថ្លែងថារដ្ឋសភាធ្វើការងារ”មិនច្បាស់លាស់” ករណីអភ័យឯកសិទ្ធិតំណាងរាស្រ្ត ដោយចាត់ទុកថារដ្ឋសភានឹងខូចឈ្មោះ ប្រសិនបើចាត់ទុកករណីចាប់ខ្លួនលោក អ៊ុំ សំអាន ស្របទៅតាមច្បាប់រដ្ឋធម្មនុញ្ញ។ ក្នុងសន្និសីទសារព័ត៌មាននៅព្រឹកថ្ងៃអង្គារនេះ តំណាងរាស្រ្តគណបក្សប្រឆាំង លោក សុន ឆ័យ មានប្រសាសន៍ថាគណបក្សនឹងមិនចូលរួមកិច្ចប្រជុំគណៈកម្មាធិការអចិន្រ្តៃយ៍និងកិច្ចប្រជុំសភាពេញអង្គពិភាក្សាលើបញ្ហាលោក អ៊ុំ សំអាន ដែលគ្រោងធ្វើនៅថ្ងៃនេះនោះទេ ដោយលោកថាប្រសិនបើចូលរួមប្រជុំ គឺបង្ហាញថាគណបក្សចូលរួមធ្វើសកម្មភាពមិនស្របច្បាប់។
អានបន្ត -
សង្គមស៊ីវិលថ្កោលទោសការចាប់ខ្លួនតំណាងរាស្ត្រគណបក្សសង្គ្រោះជាតិលោក អ៊ុំ សំអាន
ក្រុមអង្គការសង្គមស៊ីវិលជាង១០ស្ថាប័នថ្កោលទោសការចាប់ខ្លួនតំណាងរាស្ត្រគណបក្សសង្គ្រោះជាតិលោក អ៊ុំ សំអាន ដោយសង្គមស៊ីវិលចាត់ទុកថាការចាប់ខ្លួននេះផ្ទុយនឹងរដ្ឋធម្មនុញ្ញ និងបង្ហាញពីការរួមតូចនៃលំហប្រជាធិបតេយ្យ ព្រមទាំងការមិនទទួលយកនូវនយោបាយបែបពហុបក្សនៅកម្ពុជា។ លោក អ៊ុំ សំអាន ដែលសកម្មនឹងបញ្ហាព្រំដែន ត្រូវបានចាប់ខ្លួននៅយប់រំលងអធ្រាត្រថ្ងៃអាទិត្យ ក្នុងខេត្តសៀមរាប ពាក់ព័ន្ធនឹងការចោទប្រកាន់រឿងប្រើប្រាស់ផែនទីក្លែងក្លាយ។
អានបន្ត -
ក្រសួងមហាផ្ទៃអះអាងថាការចាប់ខ្លួនលោក អ៊ុំ សំអាន គឺផ្អែកតាមបទល្មើសជាក់ស្ដែង
ក្រសួងមហាផ្ទៃ ធ្លាប់បានអះអាងថា មិនមានគម្រោងណាមួយក្នុងការចាប់ខ្លួន លោក អ៊ុំ សំអាន នោះទេ នៅពេលដែល លោក អ៊ុំ សំអាន មានវត្តមាននៅសហរដ្ឋអាមេរិក ជាង ៦ខែមកនេះ។ ផ្ទុយទៅវិញ ក្រសួងមហាផ្ទៃ បែរជាចាប់ខ្លួនតំណាងរាស្ត្របក្សប្រឆាំងរូបនេះ បន្ទាប់ពីលោកមកដល់កម្ពុជា និងផ្ដើមរិះគន់រឿងព្រំដែនកម្ពុជា-វៀតណាម ជាថ្មីម្តងទៀត។ អ្នកនាំពាក្យក្រសួងមហាផ្ទៃ លោក ខៀវ សុភ័គ ថ្លែងប្រាប់វិទ្យុអាស៊ីសេរី នៅរសៀលថ្ងៃទី១១ មេសា ថា ការចាប់ខ្លួន លោក អ៊ុំ សំអាន ធ្វើឡើងផ្អែកតាមបទល្មើសជាក់ស្តែង ស្របតាមក្រមព្រហ្មទណ្ឌនៃព្រះរាជាណាចក្រកម្ពុជា៖ «ទៅរកផែនទីឯណាមក? ហើយនិយាយថាផែនទីក្លែងក្លាយ។ ចុះពីយន្តហោះម្សិលមិញភ្លាម លោក អ៊ុំ សំអាន បានសម្ភាសជាមួយនឹងកាសែត និងវិទ្យុ ថាយ៉ាងម៉េចខ្លះ? ការចាប់ខ្លួននេះ គឺដោយសារការប្រព្រឹត្តបទល្មើសជាក់ស្តែង។ វាដូចជាដល់ពេលហើយ»។
អានបន្ត -
មេសហជីព មិនស្នើឲ្យព្រឹទ្ធសភាកែប្រែច្បាប់សហជីព តែសុំឲ្យពន្យារការអនុវត្តរយៈពេល២ឆ្នាំ
ឲ្យតែរាជរដ្ឋាភិបាលឬរដ្ឋសភា បើកកិច្ចពិភាក្សាពីសេចក្តីព្រាងច្បាប់ស្តីពីសហជីព តំណាងកម្មករ តែងសុំអន្តរាគមន៍ជានិច្ច។ ប៉ុន្តែ ពួកគេបែរជាព្រងើយកន្តើយចំពោះស្ថាប័នព្រឹទ្ធសភា ខណៈពេលដែលស្ថាប័នកំពូលមួយនេះកំពុងប្រជុំពីសេចក្តីព្រាងច្បាប់ស្តីពីសហជីព នៅថ្ងៃទី១១ ខែមេសា ឆ្នាំ២០១៦ នេះ។ នៅថ្ងៃទី១១ ខែមេសានេះ គណៈកម្មាធិការអចិន្ត្រៃយ៍ព្រឹទ្ធសភា បើកកិច្ចប្រជុំ លើរបៀបវារៈមួយចំនួន ដោយក្នុងនោះ ក៏មានការពិនិត្យនិងការសម្រេចលើសំណើរបស់គណៈកម្មការទី៨ព្រឹទ្ធសភា ដើម្បីសុំដាក់សេចក្តីព្រាងច្បាប់ស្តីពីសហជីពទៅក្នុងរបៀបវារៈសម័យប្រជុំលើកទី៨ នីតិកាលទី៣ ផងដែរ។ បើទោះបីជាស្ថាប័ននេះ បើកកិច្ចពិភាក្សាជុំវិញសេចក្តីព្រាងច្បាប់ស្តីពីសហជីព ដែលរដ្ឋសភាបានបញ្ជូនទៅក៏ដោយ តែមេសហជីព មិនបានសុំចំណាត់ការណាមួយនោះទេ។
អានបន្ត -
គណបក្សប្រឆាំងអំពាវនាវឲ្យដោះលែងតំណាងរាស្រ្ត អ៊ុំ សំអាន
គណបក្សសង្គ្រោះជាតិបានអំពាវនាវឲ្យអាជ្ញាធរដោះលែងតំណាងរាស្រ្តមណ្ឌលសៀមរាប លោក អ៊ុំ សំអាន ដោយបានថ្កោលទោសនិងចាត់ទុកការចាប់ខ្លួននេះបំពាន“យ៉ាងធ្ងន់ធ្ងរ”លើអភ័យឯកសិទ្ធិអ្នកតំណាងរាស្ត្រ។ នៅក្នុងសេចក្តីថ្លែងការណ៍មួយចេញផ្សាយនៅព្រឹកថ្ងៃចន្ទនេះ គណបក្សប្រឆាំងបានថ្កោលទោស“យ៉ាងដាច់អហង្កា” ចំពោះការចាប់ខ្លួនលោក អ៊ុំ សំអាន កាលពីយប់រំលងអាធ្រាត្រឈានចូលថ្ងៃទី១១ ខែមេសា ឆ្នាំ២០១៦។ ក្នុងសេចក្តីថ្លែងការណ៍ដដែល គណបក្សប្រឆាំងមួយនេះបានលើកយកមាត្រា៨០នៃរដ្ឋធម្មនុញ្ញដែលចែងថាតំណាងរាស្ត្រមានអភ័យឯកសិទ្ធិ តំណាងរាស្រ្តមិនអាចត្រូវចោទប្រកាន់ ចាប់ខ្លួន ឃាត់ខ្លួន ឬឃុំខ្លួន ដោយសារការសម្តែងមតិឬបញ្ចេញមតិនោះឡើយ។
អានបន្ត -
សមត្ថកិច្ចកំពុងសាកសួរលោកអ៊ុំ សំអាន ខណៈដែលបក្សប្រឆាំងស្នើឲ្យដោះលែងជាបន្ទាន់
នៅព្រឹកថ្ងៃចន្ទនេះ នាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែននៃក្រសួងមហាផ្ទៃ កំពុងសាកសួរ លោកអ៊ំ សំអាន អ្នកតំណាងរាស្ត្រគណបក្សសង្គ្រោះជាតិដែលទើបមកដល់ប្រទេសកម្ពុជាកាលពីម្សិលមិញ។ លោកអ៊ុំ សំអាន ត្រូវបានអាជ្ញាធរខេត្តសៀមរាប បញ្ជូនបន្ទាន់មកកាន់ទីក្រុងភ្នំពេញ បន្ទាប់ពីបានចាប់ខ្លួនទាំងកណ្តាលយប់នៅក្នុងខេត្តសៀមរាប។ ចំណែកគណបក្សសង្រ្គោះជាតិ បានចេញសេចក្តីថ្លែងការណ៍ថ្កោលទោស និងស្នើឲ្យដោះលែងអ្នកតំណាងរាស្រ្តរបស់ខ្លួនជាបន្ទាន់។ លោកអ៊ុំ សំអាន ត្រូវបានកងកម្លាំងប៉ូលីសខេត្តសៀមរាបចាប់ខ្លួននៅម៉ោងប្រមាណ១២ និង ៣៨នាទីរំលងអធ្រាតឈានចូលព្រឹកថ្ងៃចន្ទនេះ នៅម្តុំផ្សារចាស់ក្នុងសង្កាត់ស្វាយដង្គំ ក្រុងសៀមរាប ខេត្តសៀមរាប។ បន្ទាប់ពីចាប់ខ្លួនវាយខ្នោះអ្នកតំណាងរាស្ត្រដែលកំពុងមានអភ័យឯកសិទ្ធិពេញលេញរូបនេះ ប៉ូលីសខេត្តសៀមរាប ក៏បានបញ្ជូនបន្ទាន់លោកអ៊ុំ សំអាន មកកាន់ទីក្រុងភ្នំពេញទាំងយប់តែម្តង ដើម្បីអនុវត្តសាកសួរទៅតាមនីតិវិធីច្បាប់នៅក្រសួងមហាផ្ទៃ។ គេនៅមិនទាន់ដឹងច្បាស់ពីបទចោទរហូតឈានដល់ការឃាត់ខ្លួនលោកអ៊ុំ សំអានទាំងកណ្តាលយប់នេះនៅឡើយទេ ក៏ប៉ុន្តែបើតាមប្រព័ន្ធផ្សព្វផ្សាយក្នុងស្រុកមួយដែលស្និទនឹងរដ្ឋាភិបាល បានចុះផ្សាយថា ការចាប់ខ្លួននេះ គឺពាក់ព័ន្ធនឹងករណីប្រើប្រាស់ផែនទីក្លែងក្លាយ។
អានបន្ត -
សហគមន៍ព្នងខេត្តមណ្ឌលគិរីថានឹងចុះបោះបង្គោលយកដីព្រៃសហគមន៍ដែលគេកាប់រាន
តំណាងជនជាតិដើមភាគតិចព្នង នៅភូមិចំនួន៧ ក្នុងឃុំប៊ូស្រា ស្រុកពេជ្រាដា ខេត្តមណ្ឌលគិរី អះអាងថា នឹងចុះបោះបង្គោលយកដីព្រៃសហគមន៍ ដើម្បីបញ្ឈប់សកម្មភាពកាប់ទន្ទ្រានព្រៃឈើក្រោមរូបភាពសម្បទានសង្គមកិច្ចមិនស្របច្បាប់។ មន្ត្រីឃ្លាំមើលសិទ្ធិមនុស្ស បារម្ភខ្លាចកើតមានអំពើហិង្សាពាក់ព័ន្ធការដណ្ដើមដីគ្នានេះ។ មន្ត្រីឃ្លាំមើលសិទ្ធិមនុស្ស អំពាវនាវជាថ្មីសុំឲ្យអាជ្ញាធរខេត្តមណ្ឌលគិរី ប្រញាប់ចាត់វិធានការបញ្ចប់ជម្លោះទាមទារដីរវាងសហគមន៍ជនជាតិដើមភាគតិច និងប្រជាពលរដ្ឋចំណាកស្រុកដែលចូលមកកាប់រានព្រៃឈើយកដី ប៉ះពាល់តំបន់ព្រៃឈើសហគមន៍អភិរក្ស។
អានបន្ត
គាំទ្រដោយ
