កំពុងស្វែងរកទិន្នន័យ
រកឃើញ: 13.209
-
ការតវ៉ាបើកប្រាក់អតីតភាពការងារ៖សហជិពថាកម្មករខ្វះព័ត៌មាន តែក្រសួងបដិសេធ
លោកនាយករដ្ឋមន្ត្រី ហ៊ុន សែន នៅថ្ងៃទី០៩ មករានេះ បានអំពាវនាវឱ្យកម្មករ និង មេសហជិពនៅពីក្រោយ បញ្ឈប់ជាបន្ទាន់ ការទាមទារឱ្យថៅកែរោងចក្រ បើកផ្តាច់ប្រាក់អត្ថប្រយោជន៍សម្រាប់ឆ្នាំចាស់។ សម្រាប់លោក ហ៊ុន សែន ការទាមទារនេះនឹងជំរុញឱ្យរោងចក្រប្រមាណជា៨០០ ត្រូវបង្ខំចិត្តបិទទ្វារឈប់ដំណើរការនឹងធ្វើឱ្យកម្មករខ្លួនឯងខាតបង់។ សហជិពយល់ថា ការតវ៉ារបស់កម្មក អាចដោយសារតែខាងក្រសួងការងារខ្វះការផ្សព្វផ្សាយព័ត៌មានជូនកម្មករអំពីគោលការណ៍ច្បាប់ថ្មី ហើយជាមួយគ្នានោះ ក៏អាចមានការរំលោភរសិទ្ធិពីថៅកែ។
-
កម្លាំងប៉េអិមខេត្តព្រះសីហនុ ចាប់ពលរដ្ឋមានទំនាស់ដីធ្លី ៤នាក់ ផ្គាប់ចិត្តថៅកែចិន
មន្ត្រីឃ្លាំមើលសិទ្ធិមនុស្ស បានឲ្យដឹងថា កម្លាំងកងរាជអាវុធហត្ថខេត្តព្រះសីហនុ បានចាប់ខ្លួនប្រជាពលរដ្ឋមានទំនាស់ដីធ្លីចំនួន ៤នាក់ដាក់ខ្នោះភ្លាមៗ ដើម្បីផ្គាប់ចិត្តថៅកែចិន ដែលពលរដ្ឋទាំងនោះហ៊ានចេញមុខតវ៉ារារាំងមិនឲ្យក្រុមហ៊ុន នាំយកគ្រឿងចក្រទៅឈូសឆាយលើដីកំពុងមានទំនាស់ ដែលអាជ្ញាធរមិនទាន់ដោះស្រាយជូន។
-
ក្រុមគ្រួសារអ្នកជួយថតខ្សែភាពយន្តឯកសារ "ម្តាយខ្ញុំ លក់ខ្ញុំ" ទាមទារឲ្យរុស្ស៊ីជួយធ្វើអន្តរាគមន៍លើកទី៣
នៅព្រឹកថ្ងៃទី០៩ ខែមករា ឆ្នាំ២០១៩នេះ សកម្មជនដីធ្លី និងក្រុមគ្រួសារលោក រ៉ាត់ រ័ត្នមុនី ប្រធានសហព័ន្ធសហជីពកម្មករសំណង់ និងជាអ្នកជួយថតខ្សែភាពយន្តឯកសារ "ម្តាយខ្ញុំ លក់ខ្ញុំ" ឱ្យសារព័ត៌មាន Russia Today (RT) ប្រមាណជាង១០នាក់ បាននាំគ្នាបន្តតវ៉ានៅមុខស្ថានទូតរុស្ស៊ី ដើម្បីទាមទារឲ្យរដ្ឋាភិបាលរុស្ស៊ី ជួយធ្វើអន្តរាគមន៍ទៅរដ្ឋាភិបាលកម្ពុជា ឲ្យមានការដោះលែងលោករ៉ាត់ រ័ត្នមុនី ចេញពីពន្ធនាគារ។
-
សម រង្ស៊ី ទាមទារឱ្យតុលាការយកលោកធ្វើជាសាក្សីជំនួសគង់ គាំ
សាលាដំបូងរាជធានីភ្នំពេញ បានចេញដីកាកោះហៅលោក គង់ គាំ សាកសួរក្នុងនាមជាសាក្សី លើករណីលោកកឹម សុខា ពាក់ព័ន្ធនឹងបទចោទសន្និដ្ឋិភាពជាមួយបរទេស នៅថ្ងៃទី២៣ ខែមករា ខាងមុខ តែលោក សម រង្ស៊ី បានថ្លែងនៅលើទំព័រហ្វេសប៊ុកខ្លួន ដោយទាមទារឱ្យតុលាការយករូបលោកផ្ទាល់ទៅធ្វើជាសាក្សីជំនួសលោក គង់ គាំ វិញព្រោះលោកជាអ្នកដឹងរឿងច្រើន ...
-
តំណាងពលរដ្ឋមានជម្លោះដីធ្លី នៅស្រុកស្នួល ខេត្តក្រចេះ រត់គេចខ្លួន ពេលដឹងថា អាជ្ញាធររកចាប់ខ្លួន
តំណាងពលរដ្ឋមានជម្លោះដីធ្លី ជាមួយក្រុមហ៊ុនចម្ការកៅស៊ូមេមត់ នៅស្រុកស្នួល ខេត្តក្រចេះ កំពុងរត់គេចខ្លួនពីការតាមចាប់របស់សមត្ថកិច្ច ទាក់ទងរឿងគម្រោងដឹកនាំពលរដ្ឋមកធ្វើបាតុកម្មនៅភ្នំពេញនៅចុងសប្ដាហ៍នេះ។
-
លោក ខៀវ សុភ័គ៖ នៅព្រឹកនេះ លិខិតរបស់លោក គង់ គាំ បានមកដល់ក្រសួងមហាផ្ទៃហើយ
ដូចការគ្រោងទុក លោក គង់ គាំ អតីតទីប្រឹក្សាគណបក្សសង្រ្គោះជាតិ បានដាក់លិខិតជាផ្លូវការទៅកាន់ក្រសួងមហាផ្ទៃហើយនៅព្រឹកនេះ ដើម្បីសុំសិទ្ធិធ្វើនយោបាយឡើងវិញ។ ការស្នើសុំសិទ្ធិធ្វើនយោបាយឡើងវិញរបស់ លោក គង់ គាំ គឺផ្ទុយនឹងការអំពាវនាវជាថ្មីម្តងទៀតរបស់លោក សម រង្ស៊ី ដែលបានផ្ញើសារដល់មន្រ្តីអតីតបក្សប្រឆាំងទាំង១១៨នាក់កុំឲ្យចាញ់បោកលោកនាយករដ្ឋមន្រ្តីហ៊ុន សែន តាមរយៈការស្នើសុំសិទ្ធិធ្វើនយោបាយឡើងវិញ។
-
ទីបំផុត! វិសោធនកម្មច្បាប់បើកសិទ្ធិនយោបាយចូលជាធរមានហើយ
ទីបំផុត ច្បាប់ស្តីពីវិសោធនកម្មមាត្រា ៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដែលជាការបើកផ្លូវឲ្យអ្នកនយោបាយជាប់បំរាម អាចធ្វើសកម្មភាពនយោបាយរបស់ខ្លួនឡើងវិញនោះ ត្រូវបានព្រះមហាក្សត្រ ឡាយព្រះហស្តលេខា ប្រកាសដាក់ឲ្យប្រើប្រាស់ជាផ្លូវការហើយ។ នេះបើយោងតាមព្រះរាជក្រម ឡាយព្រះហស្តលេខាកាលពីថ្ងៃទី០២ ខែមករា និងត្រូវបានផ្សព្វផ្សាយនៅថ្ងៃនេះ។
-
សាលាដំបូងខេត្តកោះកុង ឃុំខ្លួនមនុស្សវ័យ ៧៥ឆ្នាំម្នាក់ ជាប់ចោទពីបទរំលោភក្មេងស្រីអាយុ ៦ឆ្នាំ
សាលាដំបូងខេត្តកោះកុង បានសម្រេចចេញដីកាឃុំខ្លួនបុរសវ័យចំណាស់ម្នាក់ ដាក់ពន្ធនាគារខេត្តកោះកុងបណ្ដោះអាសន្ន ដោយចោទពីបទប្រទូសកេរ្តិ៍ខ្មាស និងប៉ុនប៉ងរំលោភក្មេងស្រីអនីតិជន ឬមិនទាន់គ្រប់អាយុម្នាក់។
-
វិសោធនកម្មច្បាប់បក្សនយោបាយដែលបើកផ្លូវឲ្យអតីតមន្រ្តី CNRP ១១៨នាក់ធ្វើសកម្មភាពវិញ ចូលជាធរមាន
វិសោធនកម្មច្បាប់គណបក្សនយោបាយត្រូវបានព្រះមហាក្សត្រប្រកាសឲ្យប្រើហើយ បន្ទាប់ពីក្រុមប្រឹក្សាធម្មនុញ្ញយល់ព្រមទាំងស្រុងទៅលើខ្លឹមសារនៃច្បាប់នេះ។
-
ក្រុមកម្មកររាប់រយនាក់នៅរោងចក្រ W&D ធ្វើកូដកម្មបិទផ្លូវទាមទារប្រាក់អតីតភាពការងារប្រចាំឆ្នាំ
បន្ទាប់ពីការតវ៉ាអស់ពេលជាងមួយសប្តាហ៍ ដើម្បីសុំឲ្យថៅកែរោងចក្រផ្តល់ប្រាក់អតីតភាពមុនឆ្នាំ២០១៩មិនបានជោគជ័យនោះ ក្រុមកម្មកររាប់រយនៅរោងចក្រ W&D បានសម្រេចចិត្តបិទផ្លូវមួយកំណាត់ក្នុងសង្កាត់ស្ទឹងមានជ័យ ឆ្ពោះទៅកាន់សារមន្ទីរប្រល័យពូជសាសន៍ជើងឯក។ កូដកម្មបិទផ្លូវនេះ បានកើតឡើង កាលពីថ្ងៃសៅរ៍ ហើយការធ្វើកូដកម្មនេះ ក៏មានគោលដៅប្រឆាំងនឹងការបណ្តេញចេញកម្មករប្រមាណ១៦០០នាក់របស់រោងចក្រនេះផងដែរ។
-
លោក គង់ គាំ នឹងដាក់ពាក្យទៅក្រសួងមហាផ្ទៃ នៅថ្ងៃស្អែក ដើម្បីស្នើសុំសិទ្ធិធ្វើនយោបាយឡើងវិញ ក្រោយវិសោធនកម្មច្បាប់ចូលជាធរមាន
លោក គង់ គាំ អតីតប្រធានគណបក្ស សម រង្ស៉ី និងជាអតីតមនុស្សជំនិតរបស់លោក សម រង្ស៉ី នឹងដាក់ពាក្យស្នើទៅកាន់ក្រសួងមហាផ្ទៃ នៅថ្ងៃទី០៩ ខែមករា ឆ្នាំ២០១៩ ស្អែកនេះ ដើម្បីស្នើសុំសិទ្ធិធ្វើនយោបាយឡើងវិញ បន្ទាប់ពីវិសោធនកម្មច្បាប់ស្តីពីគណបក្សនយោបាយ មាត្រា៤៥ថ្មី (ស្ទួន) ចូលជាធរមាន។
-
កម្មករបោសសំអាតតាមប្រាសាទក្នុងខេត្តសៀមរាបឈប់តវ៉ា ក្រោយថៅកែសន្យាតម្លើងប្រាក់ឈ្នួល
ក្រុមកម្មកររបស់ក្រុមហ៊ុន វីហ្គ្រីន ខូលអិលធីឌី ដែលបោសសំអាតនៅតាមតំបន់ប្រាសាទនានាក្នុងខេត្តសៀមរាបបានសន្យាឈប់នាំគ្នាតវ៉ា ក្រោយពីភាគីក្រុមហ៊ុនសន្យាតម្លើងប្រាក់ឈ្នួលឲ្យពួកគេ។
-
ព្រះមហាក្សត្រប្រកាសឱ្យប្រើវិសោធនកម្មច្បាប់ស្ដីពីគណបក្សនយោបាយ
ច្បាប់ស្តីពីវិសោធនកម្មស្ដីពីគណបក្សនយោបាយ មាត្រា ៤៥ថ្មី ស្ទួន ត្រូវបានព្រះមហាក្សត្រ ចេញព្រះរាជក្រមប្រកាសដាក់ឲ្យប្រើប្រាស់ជាផ្លូវការ ។ ច្បាប់នេះ វិសោធនកម្មឡើង ដើម្បីជាការបើកផ្លូវដល់បុគ្គលដែលត្រូវបានតុលាការហាមឃាត់សិទ្ធិធ្វើសកម្មភាពនយោបាយ ឱ្យមានសិទ្ធិធ្វើនយោបាយឡើងវិញ ។ ច្បាប់នេះទទួលការរិះគន់ជាច្រើនពីសាធារណៈជន ។
-
លោក សម រង្ស៊ី ស្នើជាថ្មី កុំឲ្យអតីតថ្នាក់ដឹកនាំបក្សប្រឆាំង ទៅសុំសិទ្ធិនយោបាយ
ពីក្រៅប្រទេស លោក សម រង្ស៊ី ប្រធានស្តីទីនៃអតីតគណបក្សសង្គ្រោះជាតិ បានបង្ហោះសារលើទំព័រហ្វេសប៊ុកម្តងទៀត ដើម្បីប្រាប់ទៅថ្នាក់ដឹកនាំទាំង១១៧នាក់ កុំឲ្យធ្វើសំណើសុំសិទ្ធិនយោបាយ ពីរដ្ឋាភិបាលកម្ពុជា។ លោក បានសរសេរយ៉ាងដូច្នេះថា៖«សូមអំពាវនាវទៅមន្ត្រីគណបក្សសង្គ្រោះជាតិទាំង១១៧រូប កុំទន់ជ្រាយ....កុំចូលទៅបម្រើអំណាចរបស់ [លោក ហ៊ុន សែន] ដោយមិនដឹងខ្លួន»។
-
កម្មកររោងចក្រ សេឌូណូ នៅខណ្ឌដង្កោ ជាង ២០០នាក់ ត្រូវថៅកែបញ្ឈប់ ក្រោយកូដកម្មតវ៉ា ទាមទារប្រាក់បំណាច់ប្រចាំឆ្នាំ
កម្មកររោងចក្រកាត់ដេរនៅរោងចក្រ សេឌូណូ អ៊ីនវេសស្មេន (Seduno Investment (Cambo) Co.Ltd) ស្ថិតនៅភូមិខ្វារ ខណ្ឌដង្កោ រាជធានីភ្នំពេញ ជាង ២០០នាក់ ត្រូវបានថៅកែបញ្ឈប់ពីការងារ ដោយសារបន្តសកម្មភាពតវ៉ាផុតថ្ងៃឱសានវាទ ដែលថៅកែតម្រូវឲ្យចូលធ្វើការវិញ។
-
អ្នកសារព័ត៌មានខ្មែរចាស់វស្សារមួយរូបបានលាចាកលោកជាមួយស្នាដៃជាច្រើនក្នុងអាជីពសារព័ត៌មាន
អ្នកសារព័ត៌មានខ្មែរចាស់វស្សាមួយរូបនិងជាអតីតអ្នកសារព័ត៌មាន The Cambodia Daily បានលាចាកលោកដោយបន្សល់ទុកនូវស្នាដៃ និងកិច្ចខិតខំប្រឹងប្រែងជាច្រើនសម្រាប់អ្នកសារព័ត៌មានជំនាន់ក្រោយ។
-
លោក គង់ គាំ និងកូនប្រុសត្រៀមដាក់ពាក្យសុំធ្វើនយោបាយឡើងវិញ ខណៈរដ្ឋមន្ត្រីមហាផ្ទៃ ប្រកាសថាមិនទាន់ឃើញការស្នើសុំនៅឡើយ
លោកគង់ គាំ និងលោក គង់ បូរ៉ា ជាកូនប្រុស ដែលជាអតីតមន្ត្រីជាន់ខ្ពស់អតីតគណបក្សសង្គ្រោះជាតិ បានបញ្ជាក់នៅថ្ងៃនេះថា លោក និងកូនប្រុស នឹងដាក់ពាក្យសុំអន្តរាគមន៍ទៅរដ្ឋាភិបាល ដើម្បីសុំលើកបំរាមធ្វើនយោបាយភ្លាម បន្ទាប់ពីព្រះមហាក្សត្រឡាយព្រះហស្ថលេខាហើយលើវិសោធនកម្មច្បាប់ស្តីពីគណបក្សនយោបាយ។ ការលើកឡើងដូចនេះ ខណៈរដ្ឋមន្ត្រីក្រសួងមហាផ្ទៃបង្ហើបថា នៅមិនទាន់មានមន្ត្រីអតីតគណបក្សសង្គ្រោះជាតិណាម្នាក់នៅឡើយទេ ដាក់ពាក្យទៅកាន់ក្រសួងមហាផ្ទៃ។
-
ការយល់ឃើញផ្ទុយគ្នាពីព្រឹត្តិការណ៍មហាបាតុកម្មហិង្សានៅផ្លូវវេងស្រេង
ករណីបាតុកម្ម និងការបង្ក្រាប មកលើកម្មករ នៅមុខរោងចក្រ យ៉ាក ជីន និងលើផ្លូវវេងស្រេងកាលពីថ្ងៃទី ០២-០៣ ខែមករា ឆ្នាំ២០១៤ ដែលស្នើសុំដំឡើងប្រាក់ឈ្នួល ១៦០ ដុល្លារក្នុងមួយខែ នៅតែត្រូវបានរដ្ឋាភិបាល និងក្រុមសហជីពមាននិន្នាការប្រឆាំង យល់ឃើញខុសគ្នា។ ខុសគ្នា ដោយសារតែរដ្ឋាភិបាល ដឹកនាំដោយគណបក្សកាន់អំណាច យល់ឃើញថាជា កុបកម្មហិង្សា ដើម្បីផ្តួលរំលំរាជរដ្ឋាភិបាលស្របច្បាប់ ក្រោមឡេះទាមទារដំឡើងប្រាក់ឈ្នួល ដឹកនាំដោយលោក សម រង្ស៉ី អតីតប្រធាន នៃអតីតគណបក្សសង្គ្រោះជាតិ ដែលបានចាញ់ឆ្នោត ហើយមិនទទួលយកលទ្ធផលការបោះឆ្នោតជ្រើសតាំងតំណាងរាស្ត្រអាណត្តិទី០៥។
-
លោក ស ខេង ថា មិនទាន់មានមន្ត្រីបក្សប្រឆាំងដាក់ពាក្យស្នើសុំសិទ្ធិធ្វើនយោបាយឡើងវិញ
លោក ស ខេង រដ្ឋមន្ត្រីក្រសួងមហាផ្ទៃ បញ្ជាក់ថា មកដល់ពេលនេះនៅមិនទាន់មានមន្ត្រីជាន់ខ្ពស់គណបក្សសង្គ្រោះជាតិណាម្នាក់ ដាក់សំណើសុំសិទ្ធិធ្វើនយោបាយឡើងវិញនៅឡើយ ដ្បិតច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយនៅមិនទាន់ចូលជាធរមាននៅឡើយ។
-
ពលរដ្ឋដើមកំណើតខ្មែរនៅអូស្ត្រាលីច្រើនរយនាក់នឹងរៀបចំធ្វើបាតុកម្មប្រឆាំងថ្ងៃ៧មករា
ពលរដ្ឋដើមកំណើតខ្មែរនៅអូស្ត្រាលីច្រើនរយនាក់ គ្រោងនឹងរៀបចំធ្វើបាតុកម្មធំមួយនៅថ្ងៃសៅរ៍ទី៥ មករានេះ ដើម្បីប្រឆាំងនឹងការប្រារព្ធទិវា ៧ មករា របស់គណបក្សប្រជាជនកម្ពុជានៅលើទឹកដីអូស្ត្រាលី។ បាតុកម្មនេះរៀបចំឡើងដោយសហព័ន្ធខ្មែរអូស្ត្រាលីសាជីវកម្ម នឹងប្រព្រឹត្តិទៅចាប់ពីម៉ោង៥ ល្ងាច នៅមុខភោជនីយដ្ឋាន Maxim Saigon នៅទីក្រុងស្ព្រីងវែល នៃរដ្ឋវ៉ិកតូរីយ៉ា (Victoria) ។
គាំទ្រដោយ
