កំពុងស្វែងរកទិន្នន័យ
រកឃើញ: 12.457
-
ប្រទេសកម្ពុជា ប្រារព្ធខួបទី៦៦នៃទិវាសិទ្ធិមនុស្សអន្តរជាតិ
ក្រុមអង្គការសិទ្ធិមនុស្ស គណបក្សប្រឆាំង សហជីពសេរីកម្មករ និងរដ្ឋាភិបាលនៅថ្ងៃពុធនេះ ប្រារព្ធខួបទី៦៦នៃទិវាសិទ្ធិមនុស្សអន្តរជាតិនៅកន្លែងផ្សេងៗគ្នា ក្នុងប្រទេសកម្ពុជា។ ស្របពេលជាមួយគ្នានេះ សកម្មជនដីធ្លីតំបន់បឹងកក់ ដែលកំពុងជាប់ពន្ធនាគារ បានចាប់ផ្តើមធ្វើកូដកម្មអត់អាហារដើម្បីទាមទារឲ្យរដ្ឋាភិបាលដោះលែងពួកគេ។
-
លោក កឹម សុខា ៖ លោក ចាន់ សុវេត ស្លាប់មែនតែបានទុកកេរ្តិ៍ឈ្មោះដើម្បីជាតិ
លោក កឹម សុខា អនុប្រធានទី១នៃរដ្ឋសភា និងជាអនុប្រធានគណបក្សសង្គ្រោះជាតិ ដែលបានបានផ្ញើលិខិតមួយច្បាប់ទៅគ្រួសាររបស់លោក ចាន់ សុវេត ដើម្បីចូលរួមរំលែកទុក្ខនិយាយថាលោក ចាន់ សុវេត ស្លាប់មែន តែបានទុកកេរ្តិ៍ឈ្មោះដើម្បីជាតិ ។ លិខិតមរណទុក្ខ ដែលចុះហត្ថលេខាដោយអនុប្រធានទី១នៃរដ្ឋសភាជាតិ និងជាអនុប្រធានគណបក្សសង្គ្រោះជាតិ លោក កឹម សុខា នៅថ្ងៃទី១១ ខែធ្នូ ឆ្នាំ២០១៤ បានរៀបរាប់ថា មរណភាពរបស់លោក ចាន់ សុវេត គឺជាការបាត់បង់វីរកុលបុត្រខ្មែរដ៏ឆ្នើមម្នាក់ ជាបង្គោលគ្រួសារប្រកបដោយការទទួលខុសត្រូវ និងជាសកម្មជន អ្នកការពារ និងអ្នកស៊ើបអង្កេតសិទ្ធិមនុស្សប្រកបដោយឆន្ទៈមោះមុត ដែលជាធនធានមនុស្សដ៏មានសមត្ថភាព និងជាទីពឹងរបស់ពលរដ្ឋខ្មែរងាយរងគ្រោះ នៃអំពើរំលោភបំពានសិទ្ធិមនុស្សនៅប្រទេសកម្ពុជា ។
-
តើសេចក្ដីព្រាងច្បាប់ស្ដីពីសិទ្ធិទទួលព័ត៌មានដំណើរការបានអ្វីខ្លះហើយ?
រដ្ឋាភិបាលបានប្រគល់ការងាររៀបចំតាក់តែងសេចក្តីព្រាងច្បាប់ ស្ដីពីសិទ្ធិទទួលព័ត៌មាន ឲ្យក្រសួងព័ត៌មាន ជាអ្នកទទួលខុសត្រូវ។ ការរៀបចំសេចក្តីព្រាងច្បាប់ស្ដីពីសិទ្ធិទទួលព័ត៌មាននោះ មានការចូលរួមពីអង្គការយូណេស្កូ (UNESCO) អង្គការមិនមែនរដ្ឋាភិបាល សមាគមកាសែត និងបានទទួលជំនួយឧបត្ថម្ភពីប្រទេសស៊ុយអែត ប្រមាណ ១លានដុល្លារ ដើម្បីចំណាយរៀបចំសេចក្តីព្រាងច្បាប់នោះ។ តើមកដល់ពេលនេះ ដំណើរការរៀបចំសេចក្តីព្រាងច្បាប់នោះបានអ្វីខ្លះហើយ?
-
មន្ត្រីរដ្ឋាភិបាលលើកឡើងពីកិច្ចប្រឹងប្រែងការពារសិទ្ធិមនុស្សនៅកម្ពុជា
មន្ត្រីរាជរដ្ឋាភិបាលអះអាងថា រដ្ឋាភិបាលកម្ពុជាបានធ្វើកិច្ចការជាច្រើនដើម្បីលើកស្ទួយ និងការពារសិទ្ធិមនុស្ស ដែលក្នុងនោះរួមមានទាំងការបង្កើតច្បាប់ ការផ្តល់សច្ចាប័នលើពិធីសារអន្តរជាតិ កត្តិកាសញ្ញាអន្តរជាតិ និងគោលនយោបាយជាយុទ្ធសាស្ត្រ ជាដើម។ ប្រធានគណៈកម្មការសិទ្ធិមនុស្សកម្ពុជា លោក ម៉ក់ សម្បត្តិ បានលើកឡើងបែបនេះនៅក្នុងឱកាសជួបជុំគ្នាមួយ នៅនិវេសនដ្ឋានសហភាពអឺរ៉ុប កាលពីល្ងាចថ្ងៃទី១០ ខែធ្នូ ។ លោកថា រាជរដ្ឋាភិបាលកម្ពុជាជាប្រទេសទី១នៅអាស៊ី ដែលបានផ្តល់សច្ចាប័នលើពិធីសារបន្ថែមស្តីពីការប្រឆាំងការធ្វើទារុណកម្ម ។
-
សហភាពអឺរ៉ុបចង់ឃើញរដ្ឋសភាកម្ពុជា ធ្វើច្បាប់តាមស្មារតីរដ្ឋធម្មនុញ្ញដើម្បីធានាពីឯករាជ្យរបស់តុលាការ
សហភាពអឺរ៉ុប បង្ហាញជំហរចង់ឃើញរដ្ឋសភាកម្ពុជា ធ្វើច្បាប់ធានាពីឯករាជ្យរបស់តុលាការ ដើម្បីទប់ស្កាត់ការរំលោភសិទ្ធិមនុស្ស ។ ក្នុងទិវាសិទ្ធិមនុស្សអន្តរជាតិ១០ធ្នូ ដែលប្រារពធ្វើឡើង នៅទីលានប្រជាធិបតេយ្យ កាលពីថ្ងៃពុធម្សិលមិញ អគ្គរដ្ឋទូតនៃប្រតិភូសហភាពអឺរ៉ុប ប្រចាំកម្ពុជា លោក Jean Francois Cautain បង្ហាញការខកចិត្ត ថា ច្បាប់កំណែទម្រង់ប្រព័ន្ធតុលាការ ដែលដាក់ឲ្យប្រើនាពេលថ្មីៗនេះ បានអនុម័តតែសមាជិករដ្ឋសភារបស់គណបក្សមួយ ដោយមិនបានបើកទូលាយឲ្យដៃគូដែលនៅក្រៅសភា បានពិគ្រោះយោបល់ទេ ដែលធ្វើឲ្យច្បាប់នេះ អនុវត្តមានភាពលម្អៀងរវាងអ្នកក្រីក្រ និងអ្នកមានអំណាច ។ លោកថា «ឧទាហរណ៍ថ្មីៗនៅក្នុងការអនុវត្តច្បាប់នេះ បានបង្ហាញឲ្យយើងឃើញនូវសញ្ញាផ្ទុយពីនេះទៅវិញ គឺមានន័យថា នៅក្នុងករណីខ្លះយុត្តិធម៌គឺគេបានធ្វើយ៉ាងលឿន ប្រញ៉ាប់ប្រញាល់មែនទែន ក្នុងការបញ្ជូនបាតុករដោយសន្តិវិធី ទៅពន្ធនាគារ ឃុំខ្លួនគឺថាលឿន ឯក្នុងករណីផ្សេងទៀត យុត្តិធម៌គឺហាក់បីដូចជាងាប់ត្រគាក គឺមិនដំណើរការ ស្ទើរតែមិនដំណើរការ ឧទាហរណ៍ដូចជានៅពេលដែលកម្លាំងសន្តិសុខដែលបានចូលរួមក្នុងហេតុការណ៍ដែលបណ្តាលឲ្យមានប្រជាពលរដ្ឋស្លាប់នោះ គឺថាយុត្តិធម៌ហាក់ដូចជាមានការយឺតយ៉ាវ»
-
អ្នកទោសគុកខ្មែរក្រហមសម្តែងការខកចិត្តចំពោះករណីរបស់លោកចេញពីសំណុំរឿង០០២ វគ្គទី២
ជនរងគ្រោះនៅរស់ជីវិតពីគុកខ្មែរក្រហមម្នាក់គឺលោកស៊ុំ ឫទ្ធី សម្តែងការមិន សប្បាយចិត្តនឹងការដកចេញទីតាំងឧក្រិដ្ឋកម្មនៅខេត្តសៀមរាបចេញពីសំណុំ រឿង០០២ វគ្គទី២ ដោយថ្លែងទាំងខឹងសម្បាថា ការធ្វើដូច្នោះគឺជារឿងបន្ថែមការ ឈឺចាប់ដល់រូបលោក។
-
កម្ពុជាយល់ព្រមឲ្យអ.ស.ប ចុះជួបនិងពិនិត្យក្រុមជនជាតិដើមភាគតិចតំបន់ភ្នំវៀតណាម
រដ្ឋាភិបាលកម្ពុជាយល់ព្រមអនុញ្ញាតិឲ្យអង្គការសហប្រជាជាតិ ចុះជួបនិងពិនិត្យក្រុមជនជាតិដើមភាគតិចតំបន់ភ្នំវៀតណាម។ ប៉ុន្តែ នៅមិនទាន់មានការកំណត់ពេលវេលាជាក់លាក់សម្រាប់ការចុះត្រួតពិនិត្យនេះនៅឡើយ។ លោកស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ បានយល់ព្រមឲ្យអង្គការសហប្រជាជាតិ ចុះពិនិត្យនិងសិក្សាស្ថានភាពជនជាតិដើមតំបន់ភ្នំវៀតណាមចំនួន ១៣នាក់ ដែលបានភៀសខ្លួនមកសុំសិទ្ធិជ្រកកោនក្នុងព្រៃនៃខេត្តរតនគីរី នេះបើយោងតាមមន្រ្តីជាន់ខ្ពស់អង្គការសហប្រជាជាតិនិងមន្ត្រីផ្លូវការកម្ពុជានៅថ្ងៃពុធនេះ។ ការចុះត្រួតពិនិត្យដោយមានកិច្ចសហការពីមន្ត្រីកម្ពុជា។
អានបន្ត -
លោក ឈាង វុន ៖ ច្បាប់NGO នឹងជំរុញឲ្យចេញនៅពេលឆាប់ៗ
មន្ត្រីគណបក្សប្រជាជនកម្ពុជា និងជាអ្នកនាំពាក្យរដ្ឋសភា ឲ្យដឹងថាសភានឹងជំរុញឲ្យចេញច្បាប់ស្តីពីដំណើរការគ្រប់គ្រងអង្គការសង្គមស៊ីវិល ឲ្យបានឆាប់រហ័ស បើទោះជាសង្គមស៊ីវិលជំទាស់ដាច់ខាតមិនចង់ឲ្យមានច្បាប់នេះក៏ដោយ។ ក្នុងសន្និសីទប្រចាំខែរបស់រដ្ឋសភានៅថ្ងៃព្រហស្បតិ៍នេះ លោក ឈាង វុន បានថ្លែងថាសភានឹងជំរុញឲ្យចេញច្បាប់ឲ្យបានឆាប់ ប៉ុន្តែលោកមិនបានបញ្ជាក់ពីពេលវេលាជាក់លាក់នោះឡើយ។ លោកថា «មួយទៀត ច្បាប់មួយទៀតដែលយើងត្រូវគិតគូរដែរ ហើយក៏និយាយយូរណាស់ហើយ គឺច្បាប់ស្តីពីដំណើរការនៃសង្គមស៊ីវិល ។ មិនដែរមានប្រទេសណាមួយអត់ទេ តែកាលណាគេមានសង្គមស៊ីវិល គេត្រូវធ្វើច្បាប់ឲ្យសង្គមស៊ីវិលដំណើរការទៅរបៀបយ៉ាងម៉េច នៅតែកម្ពុជាយើងមួយទេ សង្គមស៊ីវិលមានច្រើនជាងគេបើយើងប្រៀបធៀបជាមួយប្រទេសជុំវិញទាំងអស់ កម្ពុជាមានច្រើនជាងគេសម្បើមណាស់ ច្រើនដាច់តែម្តងក៏ប៉ុន្តែអត់មានច្បាប់» ។
-
លោក ឈាង វុន ព្រមានដេញជនបរទេសដែលការពារបរិស្ថានតំបន់អារ៉ែងចេញពីកម្ពុជា
ប្រធានគណៈកម្មការជំនាញរដ្ឋសភា មកពីគណបក្សប្រជាជនកម្ពុជា ចង់បណ្ដេញអ្នកការពារបរិស្ថានតំបន់អារ៉ែង ចេញពីប្រទេសកម្ពុជា។ ការបញ្ជាក់បែបនេះ ធ្វើឡើងនៅក្នុងសន្និសីទកាសែតមួយនាព្រឹកថ្ងៃទី១១ ខែធ្នូ ដើម្បីព្រមានជនបរទេសម្នាក់ ដែលតែងតែធ្វើបាតុកម្មតវ៉ាប្រឆាំងចំពោះការសាងសង់ទំនប់វារីអគ្គិសនីនៅជាយអារ៉ែង។ ប្រធានគណៈកម្មការកិច្ចការបរទេស ឃោសនាការ វប្បធម៌ និងព័ត៌មានរដ្ឋសភា ចាត់ទុកសកម្មភាពរបស់ជនជាតិអេស្ប៉ាញ ដែលចេញមុខការពារបរិស្ថាននៅតំបន់អារ៉ែង ថាជាការលូកលាន់កកូរកកាយកិច្ចការនយោបាយនៅកម្ពុជា។ លោក ឈាង វុន ថ្លែងនេះទំនងជាសំដៅប្រធានអង្គការចលនាមាតាធម្មជាតិ លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson)។ លោកមានប្រសាសន៍ថា តំណាងរាស្ត្រភាគច្រើននៅក្នុងសភាបារម្ភយ៉ាងខ្លាំង ព្រោះតែការបំផុសប្រជាពលរដ្ឋឲ្យងើបតវ៉ាការពារបរិស្ថាននេះ ព្រោះវាជារំលោភលើបូរណភាពទឹកដីនៃប្រទេសកម្ពុជា។ លោកបញ្ជាក់ថា គណបក្សកាន់អំណាចបានចាត់តាំងសមត្ថកិច្ចមួយចំនួនរួចហើយ ដើម្បីឲ្យតាមដានគ្រប់សកម្មភាពជនបរទេសម្នាក់នោះ ដើម្បីចាត់ការទៅតាមផ្លូវច្បាប់ នៅពេលណាដែលបុគ្គលនោះធ្វើខុស។
-
ការប្រារព្ធទិវាសិទ្ធិមនុស្ស៖ កម្មករនៅបន្តទាមទារដំឡើងប្រាក់ឈ្នួលសមរម្យ
មេដឹកនាំសហជីពកម្មករនៅបន្តស្នើឲ្យរដ្ឋាភិបាលដំឡើងប្រាក់ឈ្នួលសមរម្យ ខណៈកម្មករជាង ១០០០នាក់ នាំគ្នាប្រមូលផ្តុំនៅមុខរដ្ឋសភាក្នុងទិវាសិទ្ធិមនុស្សអន្តរជាតិនៅព្រឹកនេះ ។ ប្រធានសហភាពការងារកម្ពុជាលោក អាត់ ធន់ ថ្លែងថាបច្ចុប្បន្នកម្មករជួបបញ្ហាលំបាកច្រើនដោយសារតែទទួលបានប្រាក់ខែតិច និងលក្ខខណ្ឌការងារមិនល្អ ។ លោកបន្តថា ការប្រមូលប្រារព្ធទិវាសិទ្ធិមនុស្សលើកនេះ ដើម្បីឲ្យកម្មករឡើងសម្តែងមតិពីទុក្ខកង្វល់ និងជំរុញឲ្យរដ្ឋាភិបាលដោះស្រាយបញ្ហាដែលជួបប្រទះកន្លងមក ។ លោកថា «ប្រាក់ខែផងដែរគឺនៅវិស័យផ្សេងៗទៀត អត់ទាន់មានការកំណត់ប្រាក់ឈ្នួលអប្បបរមាទេ ។ អ៊ីចឹងយើងដាច់ខាតត្រូវតែកំណត់ប្រាក់ឈ្នួលអប្បបរមា ដើម្បីធានាថាពួកកម្មករវិស័យផ្សេងបានធានាតាមច្បាប់ដែរ។ ហើយមួយទៀតពាក់ព័ន្ធមន្ត្រីរាជការក៏យើងស្នើឲ្យរដ្ឋាភិបាលគិតគូរ គួរតែដំឡើងយ៉ាងហោចណាស់ក៏២០០ដុល្លារ ដើម្បីធានាសេវាកម្មសាធារណៈ ហើយយើងក៏ស្នើឲ្យរៀបចំប្រព័ន្ធក្រុមប្រឹក្សាកាងារ ដែលប្រព័ន្ធពិភាក្សាហ្នឹងឲ្យបានល្អ» ។
-
បទយកការណ៍៖ ក្នុងទិវាសិទ្ធិមនុស្សអន្តរជាតិឆ្នាំនេះព្រះសង្ឃចូលរួមយ៉ាងសកម្មក្នុងការជំរុញឲ្យបំបាត់និទណ្ឌភាព
នេះជាសង្ឃដីកាបញ្ជ្រាបចំណេះដឹងអំពីសិទ្ធិមនុស្សដល់ប្រជាពលរដ្ឋ ដែលរស់នៅតាមបណ្តោយផ្លូវជាតិនានា ក្នុងព្រះរាជាណាចក្រកម្ពុជារបស់ក្រុមមិត្ត១០ធ្នូ ក្នុងទិវាសិទ្ធិមនុស្សអន្តរជាតិឆ្នាំ២០១៤នេះ ។ មិត្ត១០ឆ្នូ ត្រូវបានប្រកាសថា បានបង្កើតឡើងដោយសហគមន៍ក្រីក្រដែលរងគ្រោះរឿងដីធ្លី បណ្តាញព្រះសង្ឃ ជនជាតិដើមភាគតិច និងបណ្តាញសហជីពមួយចំនួនទៀត ដែលចង់បានសន្តិភាព និងយុត្តិធម៌សង្គម ពិសេសជំរុញឲ្យគោរពសិទ្ធិមនុស្ស ។ ក្រុមនេះបានធ្វើធម្មយាត្រា និងសិទ្ធិយាត្រាតាមដងផ្លូវជាតិនានាយ៉ាងតិចចំនួន៦គោលដៅ មកពីតាមបណ្តាខេត្តនានាដូចជាខេត្ត ខេត្តព្រៃវែង តាកែវ កំពត ខេត្តកំពង់ស្ពឺ កំពង់ឆ្នាំង រតនគិរី និងកំពង់ចាម ជាដើមដើម្បីប្រមូលមតិយោបល់ពីប្រជាពលរដ្ឋ ជំរុញឲ្យរដ្ឋាបាលយកចិត្តទុកដាក់បន្ថែមទៀត ពីអយុត្តិធម៌សង្គម ដែលកើតចេញពីការរំលោភយកដីធ្លី ។
-
អង្គការអនាគតយុវជនអាស៊ានទាមទារឲ្យមានច្បាប់ការពារអ្នកស្រឡាញ់ភេទដូចគ្នា
យុទ្ធនាការ ១៦ថ្ងៃរបស់អង្គការអនាគតយុវជនអាស៊ាន ទាមទារឲ្យរដ្ឋាភិបាលកម្ពុជា តាក់តែងច្បាប់ថ្មី និងធ្វើវិសោធនកម្មច្បាប់មួយចំនួន ដើម្បីគាំទ្រអ្នកស្រឡាញ់ភេទដូចគ្នា អ្នកប្រកបរបរផ្លូវភេទ អ្នករស់នៅជាមួយមេរោគអេដស៍ជំងឺអេដស៍ ជនជាតិភាគតិច (វៀតណាម ចាម ជ្វា) ជនជាតិដើមភាគតិច (ព្នង ស្ទៀង ចារ៉ាយ កួយ...) ពីមិនស្របច្បាប់ ទៅជាស្របច្បាប់ និងគ្មានការរើសអើង។ ក្នុងខួបទី៦៦ នៃទិវាសិទ្ធិមនុស្សអន្តរជាតិ ថ្ងៃទី១០ ខែធ្នូ អង្គការអនាគតយុវជនអាស៊ាន លើកឡើងថា សហគមន៍ជនជាតិភាគតិចមិនសូវមានការគាំទ្រឲ្យរស់នៅស្របច្បាប់ឡើយ។ ការថ្លែងបែបនេះនៅក្នុងសន្និសីទសារព័ត៌មាន ស្ដីពីយុទ្ធនាការ ១៦ថ្ងៃ ដើម្បីប្រឆាំងនឹងការប្រើហិង្សាលើយេនឌ័រនៅក្នុងទិវាសិទ្ធិមនុស្សអន្តរជាតិ ថ្ងៃទី១០ ខែធ្នូ ឆ្នាំ២០១៤ នៅរាជធានីភ្នំពេញ។
-
ក្រុមមិត្ត១០ធ្នូ ដាក់ញត្តិទាមទារឲ្យរដ្ឋាភិបាលគោរពសិទ្ធិមនុស្ស
ក្រុមមិត្ត១០ធ្នូមានគ្នាប្រមាណជា៦០០នាក់ ដែលបានហែក្បួនមកពីតាមបណ្តាផ្លូវជាតិចំនួន៦ បានមកជួបជុំគ្នានៅមុខវិមានរដ្ឋសភានៅព្រឹកថ្ងៃពុធនេះ ដើម្បីដាក់ញត្តិទាមទារឲ្យរដ្ឋាភិបាលគោរពសិទ្ធិមនុស្ស និងបញ្ហាមួយចំនួនទៀត ។ ញត្តិរបស់ក្រុមមិត្ត១០ធ្នូ ផ្ញើទៅកាន់ប្រធានរដ្ឋសភាលោក ហេង សំរិន ក៏បានទាមទាររដ្ឋសភាឲ្យជំរុញរដ្ឋាភិបាលអនុវត្តច្បាប់បាតុកម្មឲ្យបានត្រឹមត្រូវ ធានាពីឯករាជភាពរបស់តុលាការ បញ្ឈប់ការប្រើប្រាស់កម្លាំង និងហិង្សាប្រឆាំងពលរដ្ឋស៊ីវិលនិងសកម្មជនសិទ្ធិមនុស្ស និងបញ្ឈប់រាល់ការបណ្តេញចេញពីលំនៅដ្ឋានដោយបង្ខំ ។ តំណាងសកម្មជនសិទ្ធិមនុស្សមកពីតាមបណ្តោយផ្លូវជាតិលេខ៦ លោក វន ពៅ បានថ្លែងបានសំណូមពរទៅកាន់តំណាងរាស្ត្រទាំងអស់ ឲ្យជួយអន្តរាគមន៍លុបបំបាត់និទណ្ឌភាពនៅកម្ពុជា ។ លោកបានលើកករណីដែលរូបលោកត្រូវបានទាហានឆត្រយោងវាយដំរហូតមានរបួសធ្ងន់ និងមិនទាន់ទទួលបានយុត្តិធម៌ ។
-
រថយន្តសិទ្ធិមនុស្សកំពុងធ្វើដំណើរទៅមុខយ៉ាងល្អ
រដ្ឋាភិបាល ស្ថាប័នរដ្ឋធម្មនុញ្ញ គណបក្សប្រឆាំង និងអង្គការសង្គមស៊ីវិលក្នុងស្រុកជាង២០០ នៅថ្ងៃពុធទី១០ ខែធ្នូ ឆ្នាំ២០១៤ នេះ ប្រារព្ធទិវាសិទ្ធិមនុស្សដូចៗគ្នា ប៉ុន្តែនៅទីកន្លែងផ្សេងៗគ្នា និងប្រធានបទផ្សេងៗគ្នា។ អ្នកនាំពាក្យសាលារាជធានីភ្នំពេញ លោកឡុង ឌីម៉ង់ ឲ្យVODដឹងថា ក្នុងទិវាសិទ្ធិមនុស្សដែលសាលារាជធានីភ្នំពេញរៀបចំនៅឆ្នាំនេះ មានការកែលម្អជាឆ្នាំមុនៗ ហើយមានប្រជាពលរដ្ឋមកពីសហគមន៍ជាច្រើនចូលរួម។ លោកបន្តថា ក្នុងទិវានេះ ឧត្តមស្នងការទទួលបន្ទុកសិទ្ធិមនុស្ស និងអគ្គរដ្ឋទូតសហភាពអឺរ៉ុប សុទ្ធតែបានចូលរួមថ្លែងសារ លើកតម្លើងប្រធានបទរបស់សាលារាជធានី ដែលទាក់ទងនឹងការអភិវឌ្ឍផង និងគិតគូរពីសិទ្ធិជាមូលដ្ឋានរបស់សហគមន៍ក្រីក្រផង។
-
លោក ចាន់ សុវ៉េត ទទួលមរណភាព
អនុប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុកលោក ចាន់ សុវ៉េត ទទួលមរណភាពនៅរសៀលថ្ងៃពុធនេះ ដោយសារខ្យល់គរ ។ ប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុកលោក នី ចរិយា បានឲ្យដឹងថាលោក ចាន់ សុវ៉េត បានទទួលមរណភាពនៅម៉ោង២រសៀលនេះ ដោយសារជំងឺខ្យល់គរ។ សូមបញ្ជាក់នៅព្រឹកថ្ងៃពុធនេះ លោក ចាន់ សុវ៉េត ក៏បានចូលរួមពិធីអបអរសាទរទិវាសិទ្ធិមនុស្សអន្តរជាតិនៅមុខរដ្ឋសភា និងនៅទីលានប្រជាធិបតេយ្យក្នុងរាជធានីភ្នំពេញដែរ ហើយនៅពេលរសៀល លោកមានអាការៈមិនស្រួលខ្លួន ទើបកោសខ្យល់ហើយក៏ទទួលមរណភាពភ្លាមៗ នៅផ្ទះរបស់លោក៕
-
មន្ត្រីអង្គការសហប្រជាជាតិគ្រោងចុះស្វែងរកក្រុមម៉ុងតាញ៉ានៅរតនគិរីជាលើកទី២
ក្រសួងមហាផ្ទៃ និងឧត្ដមស្នងការអង្គការសហប្រជាជាតិ ទទួលបន្ទុកជនភៀសខ្លួន (UNHCR) យល់ព្រមសហការស្វែងរកក្រុមជនភៀសខ្លួនម៉ុងតាញ៉ា ដែលកំពុងលាក់ខ្លួនក្នុងព្រៃខេត្តរតនគិរី។ ការប្រកាសផ្តល់កិច្ចសហការនេះ ធ្វើឡើងបន្ទាប់ពីមន្ត្រីអង្គការសហប្រជាជាតិ ទទួលបន្ទុកជនភៀសខ្លួន បានបរាជ័យក្នុងបេសកកម្មស្វែងរកក្រុមម៉ុងតាញ៉ា កាលពីសប្ដាហ៍មុន ដោយសារតែអាជ្ញាធរមូលដ្ឋានមិនសហការ។ ឧត្ដមស្នងការអង្គការសហប្រជាជាតិ ទទួលបន្ទុកជនភៀសខ្លួន និងការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា (UNOHCHR) នឹងសហការក្នុងបេសកកម្មរួមគ្នាមួយនៅពេលឆាប់ៗខាងមុខនេះ ដើម្បីធ្វើដំណើរទៅខេត្តរតនគិរី ជាលើកទីពីរ ស្វែងរកក្រុមជនភៀសខ្លួនម៉ុងតាញ៉ា។ គម្រោងបេសកកម្មថ្មីនេះ គឺបន្ទាប់ពី លោក ស ខេង រដ្ឋមន្ត្រីក្រសួងមហាផ្ទៃ បានសន្យានឹងឯកអគ្គរដ្ឋទូតសហគមន៍អឺរ៉ុប ប្រចាំនៅកម្ពុជា លោក ហ្សង់ ហ្វ្រង់ស័រ កូតាំង (Jean Francois Cautain) ថា អាជ្ញាធរកម្ពុជា ស្វាគមន៍ក្រុមមន្ត្រីអង្គការសហប្រជាជាតិ ទៅជួបនឹងក្រុមម៉ុងតាញ៉ា ប្រសិនបើមានក្រុមនេះមានវត្តមាននៅខេត្តរតនគិរី មែននោះ។
-
សង្គមស៊ីវិលប្រមូលស្នាមបាតដៃអ្នកគាំទ្រទាមទារឲ្យមានការឲ្យដោះលែងអ្នកជាប់ឃុំទាំង១៨នាក់
ក្រុមអង្គការសង្គមស៊ីវិលបានផ្ដួចផ្ដើមប្រកាសប្រមូលស្នាមបាតដៃអ្នកដែលគាំទ្រទាមទារឲ្យមានការដោះលែងសកម្មជន និងអតីតព្រះសង្ឃទាំង១៨នាក់ដែលកំពុងជាប់ឃុំនៅពន្ធនាគារព្រៃស ជាផ្នែកមួយនៃយុទ្ធនាការរបស់ខ្លួន ។ ការប្រមូលស្នាមបាតដៃនេះធ្វើឡើងនៅក្នុងពិធីប្រារព្ធទិវាសិទ្ធិមនុស្ស១០ធ្នូ នៅព្រឹកថ្ងៃពុធនេះ នៅទីលានប្រជាធិបតេយ្យដែលមានអ្នកចូលរួមប្រមាណ៥០០០នាក់ និងអង្គការសង្គមស៊ីវិលជាង៥០ ។
-
ទូតអាមេរិកជំរុញឲ្យរដ្ឋាភិបាលសហការជាមួយបក្សប្រឆាំង និងសង្គមស៊ីវិលដោះស្រាយបញ្ហាសង្គម
ឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជា លោក William E. Todd ជំរុញឲ្យរាជរដ្ឋាភិបាលកម្ពុជាសហការជាមួយបក្សប្រឆាំង និងអង្គការសង្គមស៊ីវិលដើម្បីដោះស្រាយបញ្ហានានានៅក្នុងសង្គម ។ លោក William E. Todd បានធ្វើការជំរុញបែបនេះតាមរយៈសេចក្ដីប្រកាសព័ត៌មានរបស់លោក ចេញផ្សាយនៅថ្ងៃពុធនេះ ក្នុងឱកាសអបអរនៃការប្រារព្ធពិធីសិទ្ធិមនុស្សអន្តរជាតិ១០ធ្នូ លើកទី ៦៦។ លោក William សរសរក្នុងសេចក្ដីប្រកាសព័ត៌មាននេះថា លោកតាមដានយ៉ាងជិតស្និទ្ធពីស្ថានការណ៍សិទ្ធិមនុស្សនៅកម្ពុជាក្នុងរយៈពេលដែលលោកនៅកម្ពុជា ។ លោកថា ស្ថានភាពសិទ្ធិមនុស្សនៅកម្ពុជាមានភាពប្រសើរឡើងមួយចំនួន ប៉ុន្តែក៏មានការថយចុះមួយចំនួនផងដែរ។
-
យុវជនប្រមាណ២០០នាក់នៅកំពង់ចាមជិះកង់ឃោសនាពីវិធីការពារធនធានជលផល
សមាគមយុវជនខ្មែរហៅកាត់ថា ខេ.វ៉ាយ.អេ (KYA) នៅខេត្តកំពង់ចាម បានដឹកនាំយុវជនប្រមាណជាង ២០០នាក់ នៅថ្ងៃទី១០ ធ្នូ ដើម្បីជិះកង់ឃោសនាពីវិធានការ និងវិធីការពារធនធានជលផលនៅស្រុកព្រៃឈរ។ ការប្រារព្ធទិវានេះ គឺដើម្បីដាស់ស្មារតីប្រជាពលរដ្ឋ ឱ្យចូលរួមនេសាទដោយប្រើប្រាស់ឧបករណ៍ស្របច្បាប់ និងដាស់ស្មារតីអាជ្ញាធរឱ្យចាត់វិធានការមានប្រសិទ្ធភាពលើអ្នកប្រព្រឹត្តិ ឬនេសាទ ដោយប្រើប្រាស់ឧបករណ៍ខុសច្បាប់។
-
ក្រុមមន្ត្រីសិទ្ធិមនុស្សជាតិ និងអន្តរជាតិខកចិត្តពីកំណែទម្រង់ប្រព័ន្ធយុត្តិធម៌នៅកម្ពុជា
មន្ត្រីសង្គមស៊ិវិលជាតិ និងអន្តរជាតិ បានរិះគន់ចំៗទៅលើប្រព័ន្ធយុត្តិធម៌នៅកម្ពុជាថា មិនទាន់ឯករាជ្យដោយបំពេញការងារក្រោមសម្ពាធអ្នកនយោបាយ ដែលជាមូលហេតុនាឲ្យមានការរំលោភសិទ្ធិមនុស្ស ។ ការរិះគន់នេះធ្វើឡើងក្នុងទិវាសិទ្ធិមនុស្សអន្តរជាតិ១០ធ្នូឆ្នាំ២០១៤ ដែលប្រារព្ធនាថ្ងៃពុធនេះ នៅទីលានប្រជាធិបតេយ្យ រាជធានីភ្នំពេញ ។ ប្រធានផ្នែកស៊ើបអង្កេតនៅសមាគមការពារសិទ្ធិមនុស្សអាដហុក លោក នី ចរិយា ថ្លែងថាប្រជាពលរដ្ឋដែលតវ៉ាប្រឆាំងនឹងការរំលោភយកដី ត្រូវតុលាការចាប់ដាក់ពន្ធនាគារ ជាបន្តបន្ទាប់ ប៉ុន្តែសម្រាប់អ្នកមានអំណាច និងអ្នកមានប្រាក់ដែលរងការចោទថា រំលោភយកដីអ្នកភូមិ គឺរស់នៅក្រៅសំណាញ់ច្បាប់យ៉ាងរំភើយ បើទោះបីមានពាក្យបណ្តឹងពីអ្នកភូមិដែលបាត់បង់ដី និងផ្ទះសម្បែងក៏ដោយ ។
គាំទ្រដោយ
