កំពុងស្វែងរកទិន្នន័យ
រកឃើញ: 12.457
-
សហគមន៍ជនជាតិដើមភាគតិចស្រុកកែវសីមា ចាប់ខ្លួនវៀតណាមឆ្លងដែនចូលកាប់បំផ្លាញព្រៃឈើ បាន៤នាក់
សហគមន៍ជនជាតិដើមភាគតិច បានចាប់ជនល្មើសវៀតណាមដែលឆ្លងដែនចូលកាប់បំផ្លាញព្រៃឈើក្នុងដែនដីខ្មែរ បានចំនួន ៤នាក់ ស្ថិតនៅភូមិពូគង់ ឃុំស្រែព្រះ ស្រុកកែវសីមា ខេត្តមណ្ឌលគិរី។ យោងតាមកំណត់ហេតុរបស់សហគមន៍ជនជាតិដើមភាគតិច ស្តីពី បទល្មើសកាប់ព្រែឈើ ជាពិសេសដើមច្បោះជ័រទឹក របស់សហគមន៍ជនជាតិដើមភាគតិចព្នង នៅភូមិអូរច្រារ និងពូគង់ ដែលបានផ្សព្វផ្សាយជាសាធារណៈ នៅថ្ងៃទី១៧ ខែធ្នូ ឆ្នាំ២០១៤ បានឲ្យដឹងថា កាលពីថ្ងៃទី១១ ខែធ្នូ ឆ្នាំ២០១៤ វេលាម៉ោងប្រមាណ៤រសៀល តំណាងសហគមន៍ភូមិពូគង់ បានរាយការណ៍ថា ក្រុមសហគមន៍ភូមិពូគង់ បានចុះល្បាតព្រៃសហគមន៍នៅតំបន់អូរប៉ គឺបានឃើញបទល្មើសកាប់ព្រៃឈើ ជាពិសេសដើមជ័រ ដែលជាប្រភេទដើមធ្នុង ស្រទ្បៅ កកោះ និងដើមចង្ក្រាំ យ៉ាងសាហាវពីសំណាក់ជនជាតិវៀតណាម។ ជាក់ស្តែង គឺក្រុមល្បាតសហគមន៍ បានចាប់ជនល្មើសវៀតណាមបានចំនួន៤នាក់។
-
អ្នកមានជម្លោះដីធ្លីជាង២០០នាក់ប្រមូលផ្តុំនៅមុខរដ្ឋសភា ទាមទារដោះលែងសកម្មជន១៧នាក់
ប្រជាពលរដ្ឋមានជម្លោះដីធ្លីមកពីសហគមន៍នានាជាង២០០នាក់ បានប្រមូលផ្តុំនៅមុខរដ្ឋសភានៅព្រឹកនេះ ដើម្បីទាមទារឲ្យអន្តរាគមន៍ដោះលែងសកម្មជនដីធ្លី និងនយោបាយ១៧នាក់ដែលកំពុងជាប់ឃុំនៅពន្ធនាគារព្រៃស ។ ប្រជាសហគមន៍ដីធ្លីមកពីសហគមន៍បឹងកក់ បុរីកីឡា ថ្មគោល ឡពាង និងមកពីខេត្តព្រះវិហារប្រមាណជាង២០០នាក់ប្រមូលផ្តុំនៅមុខរដ្ឋសភា ដើម្បីដាក់ញត្តិនៅស្ថាប័ននេះ រួចបន្តយកញត្តិទៅដាក់នៅក្រសួងយុត្តិធម៌ និងព្រះបរមរាជវាំងបន្ត ។ ក្នុងពេលជួបជុំគ្នានេះក៏មានព្រះសង្ឃប្រមាណ៣០សង្ឃចូលរួមដែរ ។
-
ព្រះសង្ឃប្រមាណ៤០អង្គរៀបចំពិធីបិណ្ឌបាត្រឲ្យដោះលែងសកម្មជន១៨នាក់
ព្រះសង្ឃប្រមាណ៤០អង្គ រៀបចំពិធីបិណ្ឌបាត្រចាប់ពីមន្ទីររដ្ឋសភាឆ្ពោះទៅកាន់ ក្រសួងយុត្តិធម៌ និងព្រះបរមរាជវាំងនៅព្រឹកថ្ងៃព្រហស្បតិ៍នេះ ដើម្បីសុំឲ្យដោះលែងសកម្មការពារសិទ្ធិដីធ្លី និងសកម្មជននយោបាយទាំង១៨នាក់ ។ នៅព្រឹកនេះព្រះសង្ឃប្រើបាត្រពណ៌ខ្មៅទាំងអស់ ដើម្បីបង្ហាញពីនិមិ្មតសញ្ញាឲ្យបញ្ឈប់និទណ្ឌភាពនៅកម្ពុជា ។ មុនពេលបិណ្ឌបាត្រជានិម្មិតសញ្ញានេះ ព្រះសង្ឃដែលជាអ្នករៀបចំមានថេរដីកាតាមឧបករណ៍បំពងសំឡេងថា គោលបំណងនៃការបិណ្ឌបាត្រនេះ គឺសុំឲ្យដោះលែងសកម្មជនទាំង១៨នាក់ឲ្យមានសេរីភាព «តាមពិតយើងខ្ញុំទាំងអស់គ្នា គ្រាន់តែមកដើម្បីស្វែងរកយុត្តិធម៌ក្នុងសង្គម យុត្តិធម៌ជូនដល់ព្រះសង្ឃដែលបានត្រូវចាប់ផ្សឹក ដោយភាពអាម៉ាស់ នៅក្នុងព្រះពុទ្ធសាសនា ដូច្នេះយើងខ្ញុំទាំងអស់ សុំបិណ្ឌបាត្រលោកអ្នក សប្បុរសប្រុសស្រីទាំងអស់ឲ្យបានជ្រាបថា យើងខ្ញុំទាំងអស់គ្នា ត្រូវការយុត្តិធម៌ណាស់ ត្រូវការយុត្តិធម៌ដោយការបិណ្ឌបាត្រនេះឯង» ។
-
អាជីវករនៅសៀមរាបបិទផ្លូវទាមទារឲ្យអាជ្ញាធរក្រុងផ្ដល់កន្លែងលក់ដូរដដែល
ក្រុមអាជីវករដាក់ល្បែងកំសាន្ដក្មេងលេង នៅតំបន់អង្គរឃ្យុងយូ ប្រហែល៣០នាក់ កាលពីល្ងាចថ្ងៃទី១៧ខែធ្នូនេះ បិទផ្លូវជាតិនៅតំបន់នោះ មិនឲ្យធ្វើចរាចរដើម្បីទាមទារឲ្យអាជ្ញាធរក្រុង ផ្ដល់កន្លែងលក់ដូរឲ្យពួកគេដូចដើមវិញ។ ករណីនេះធ្វើឡើង ខណៈដែលអាជ្ញាធរចុះរុះរើ និងដកហូតសម្ភាររបស់ពួកគេ នៅថ្ងៃទី១៧ ខែធ្នូជាកំណត់ ក្រោមហេតុផលរៀបចំសណ្ដាប់ធ្នាប់សាធារណៈ និងសោភ័ណភាពក្រុងទេសចរណ៍ ។
-
សហជីពចាត់ទុកការដោះស្រាយវិវាទការងារនៅរោងចក្រជូហួយថាជារឿងអយុត្តិធម៌
សមាជិកសហជីពស៊ីខៅឌូ (CCAWDU) ឲ្យដឹងថា ការដោះស្រាយបញ្ហាការងារនៅក្នុងរោងចក្រស្បែកជើងជូហួយ (JUHUI) នៅខេត្តកំពង់ចាម ដែលកើតឡើងកន្លងមកនោះ គឺជារឿងមួយមិនអាចទទួលយកបាន។ លើសពីនេះ វាជារឿងអយុត្តិធម៌សម្រាប់កម្មករជាច្រើនរយនាក់ ដែលព្រមទទួលយកដំណោះស្រាយមួយដែលមិនស្របច្បាប់។ ចំណែកខាងតំណាងរោងចក្រយល់ថា ការលើកឡើងយ៉ាងណានោះ គឺជាសិទ្ធិរបស់សហជីព ប៉ុន្តែស្ថានភាពការងារនៅក្នុងរោងចក្រមិនមានអ្វីចោទជាបញ្ហាទៀតទេ។
-
សម្តេចសង្ឃទាំងពីរបិណ្ឌបាតទៅស្ថាប័នកំពូលចងក្រងនីតិវិធីឲ្យព្រះសង្ឃនៅជាអព្យាក្រឹត
គណៈសង្ឃទាំងពីរគណៈបានប្រកាសបិណ្ឌបាតដល់ស្ថាប័នកំពូលទាំងបី ឲ្យចងក្រងនីតិវិធីណាមួយ ដើម្បីដាក់ឲ្យព្រះសង្ឃស្ថិតនៅជាអព្យាក្រឹត ចៀសវាងការចូលរួមបោះឆ្នោតនិងសកម្មភាពគាំទ្រឬប្រឆាំងគណបក្សនយោបាយនានា ផ្ទុយទៅវិញជួយទ្រទ្រង់ព្រះពុទ្ធសាសនាដែលជាសាសនារបស់រដ្ឋឲ្យរីកចម្រើនថែមទៀត។ ក្នុងពិធីបើកអនុសំវច្ចរៈមហាសន្និបាតមន្ត្រីសង្ឃទូទាំងប្រទេសលើក ទី២៣ នៅសាលសន្និសីទចតុមុខ កាលពីថ្ងៃពុធម្សិលមិញ សម្តេចព្រះអភិសិរីសុគន្ធាមហាសង្ឃរាជាធិបតី បួរ គ្រី សម្តេចព្រះមហាសង្ឃរាជនៃគណៈធម្មយុត្តិកនិកាយបានមានព្រះបន្ទូលបិណ្ឌបាតដល់ស្ថាប័នពាក់ព័ន្ធទាំងអស់ រួមមាន រដ្ឋសភា ព្រឹទ្ធសភា និងរាជរដ្ឋាភិបាល ព្រមទាំងគណបក្សនយោបាយនានា មាននីតិវិធីយ៉ាងណាទុកឲ្យព្រះសង្ឃនៅអព្យាក្រឹត កុំឲ្យចូលរួមការបោះឆ្នោតនិងសកម្មភាពនយោបាយផ្សេងៗដូចសព្វថ្ងៃនេះ។
-
ILO និង GMAC និងចុះកិច្ចព្រមព្រៀង ក្នុងការលុបបំបាត់ពលកម្មកុមារនៅកម្ពុជា
គម្រោងរោងចក្រកាន់តែប្រសើរនៅកម្ពុជា នៃអង្គការអន្តរជាតិខាងការងារ និងសមាគមន៍រោងចក្រកាត់ដេរនៅកម្ពុជា នឹងចុះហត្ថលេខាកិច្ចព្រមព្រៀង ក្នុងគោលបំណងលុបបំបាត់ពលកម្មកុមារ នៅក្នុងឧស្សាហកម្មកាត់ដេរនៅកម្ពុជា នៅថ្ងៃទី១៨ធ្នូ វេលាម៉ោង៣រសៀល នៅក្រសួងការងារបណ្ដុះបណ្ដាលវិជ្ជាជីវៈ។ នេះបើតាមសេចក្ដីប្រកាសព័ត៌មានចុះថ្ងៃទី១៦ធ្នូ របស់សមាគមកាត់ដេរនៅកម្ពុជា ។
-
តុលាការកោះហៅព្រះសង្ឃចូលបំភ្លឺ ដោយមិនទាន់បានផ្សឹក
ព្រះសង្ឃមួយអង្គដែលចូលរួមយ៉ាងសកម្មជំរុញឲ្យមានយុត្តិធម៌សង្គម ត្រូវបានតុលាការកោះហៅឲ្យចូល បំភ្លឺដោយមិនបានផ្សឹកជាមុន ខណៈដែលអ្នកជំនាញផ្នែកពុទ្ធសាសនាចាត់ទុកថា នេះជាការរំលោភលើច្បាប់សាសនា ។ ព្រះតេជគុណ កែវ សុម៉ាលី គង់នៅកុដិលេខ៦ វត្តនាគវ័ន រាជធានីភ្នំពេញ ប្រាប់ VOD ថាព្រះអង្គនឹងចូលបំភ្លឺតាមដីការបស់សាលាដំបូងរាជធានីភ្នំពេញ នៅថ្ងៃទី២៣ ខែធ្នូនេះ បើទោះជាព្រះអង្គយល់ថា ការកោះហៅនេះវាខុសច្បាប់ព្រះពុទ្ធសាសនាក៏ដោយ ។ ព្រះអង្គមានសង្ឃដីកាថា «សម្រាប់អាត្មាយល់ឃើញថា វាជារឿងខុសច្បាប់យ៉ាងធ្ងន់ធ្ងរ សម្រាប់តុលាការខ្មែរយើងដែលជាប្រវត្តិសាស្ត្រហើយ ដែលកោះហៅព្រះសង្ឃចូលសវនាការ ដើម្បីបកស្រាយបំភ្លឺ ព្រោះថា ទាក់ទងនឹងស្ថាប័នរបស់រដ្ឋយើង យើងឃើញមានស្ថាប័នសាសនា ព្រះមហាក្សត្រ និងស្ថាប័នរដ្ឋ ។ ស្ថាប័នសាសនា វាមាននីតិវិធីរបស់សាសនា យើងធ្វើ ហើយបានចាត់ចូលវិធានការរដ្ឋ ហើយប្រសិនតុលាការខ្មែរ កោះហៅព្រះសង្ឃឲ្យចូលបំភ្លឺតុលាការ អ៊ីចឹងវាខុសច្បាប់ព្រះពុទ្ធសាសនាបាត់ហើយ» ។
-
សហភាពអឺរ៉ុបផ្តល់ជំនួយឥតសំណងលើវិស័យអប់រំនៅកម្ពុជាជិត៤៧លានដុល្លារ
សហភាពអឺរ៉ុបប្រចាំកម្ពុជា ផ្ដល់ជំនួយឥតសំណងដល់ក្រសួងអប់រំយុវជន និងកីឡា សម្រាប់កម្មវិធីកំណែទម្រង់ភាពជាដៃគូសហភាពអឺរ៉ុប ។ សេចក្តីប្រកាសព័ត៌មានរបស់ក្រសួងអប់រំយុវជន និងកីឡា ចេញផ្សាយនៅថ្ងៃទី១៧ ខែធ្នូ ឆ្នាំ២០១៤នេះសរសេរថា រដ្ឋមន្ត្រីក្រសួងអប់រំយុវជន និងកីឡា និងឯកអគ្គរដ្ឋទូតនៃប្រតិភូសហភាពអឺរ៉ុបប្រចាំកម្ពុជា ចុះហត្ថលេខាលើកិច្ចព្រមព្រៀងផ្តល់ជំនួយឥតសំណង ជិត៤៧លានដុល្លារ (ចំនួន៣៧,៣លានអឺរ៉ូ)ដល់ក្រសួងអប់រំយុវជន និងកីឡា សម្រាប់កម្មវិធីកំណែទម្រង់ភាពជាដៃគូសហភាពអឺរ៉ុប ។ សេចក្តីប្រកាសព័ត៌មានបន្ថែមថា ថវិកាជាង៤០លានដុល្លារ សម្រាប់គាំទ្រនូវវឌ្ឍនភាពដែលសម្រេចបាន នៅក្នុងវិស័យអប់រំ និងគ្រប់គ្រងហិរញ្ញវត្ថុសាធារណៈនៅក្នុងស្ថាប័ននេះ ហើយថវិកាជាង៦លាន៦សែនដុល្លារ គាំទ្រដល់ផែនការយុទ្ធសាស្ត្រវិស័យអប់រំឆ្នាំ២០១៤ ដល់២០១៨ ។
-
CCIM នឹងប្តឹងទាស់ប្រឆាំងនឹងព្រះរាជអាជ្ញា ដែលមិនចាត់ការមន្ត្រីរដ្ឋាភិបាលករណីវាយអ្នកសារព័ត៌មាន VOD
មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM)ប្រកាសប្តឹងឧទ្ធរណ៍ ប្រឆាំងនឹងសាលាដំបូងរាជធានីភ្នំពេញ ដែលសម្រេចមិនចាត់ការមន្ត្រីរដ្ឋាភិបាលបីរូប ដែលអង្គការនេះប្តឹងចោទថា ជាអ្នកនៅពីក្រោយនៃព្រឹត្តិការណ៍វាយអ្នកសារព័ត៌មាន VOD ឲ្យបាក់ឆ្អឹងមុខ ពេលចុះបំពេញការងារនៅជិតទីលានប្រជាធិបតេយ្យ ។ លិខិតបញ្ជាក់ថា នៅថ្ងៃទី២៨ ខែឧសភា ឆ្នាំ២០១៤ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ដាក់ពាក្យបណ្តឹងទៅសាលាដំបូងរាជធានីភ្នំពេញ ដើម្បីស្វែងរកយុត្តិធ៌មឲ្យលោក ឡាយ សាមាន ដោយប្តឹងចោទមន្ត្រីរដ្ឋាភិបាល៣រូប ដូចជាអភិបាលរាជធានីភ្នំពេញ លោក ប៉ា សុជាតិវង្ស អតីតអភិបាលខណ្ឌដូនពេញ លោក សុខសម្បត្តិ និងអភិបាលរង លោក សុខ ពេញវុធ ដែល CCIM យល់ថាជាអ្នកបង្កើតឲ្យមាន ព្រឹត្តិការណ៍ប្រើហិង្សាវាយអ្នកសារព័ត៌មាន និងទាមទារសំនង៣០០០០ដុល្លារអាមេរិចសម្រាប់ព្យាបាលផ្លូវចិត្តរបស់ជនរងគ្រោះ ។
-
ព្រះសង្ឃប្រតិកម្មនឹងគម្រោងស្នើឲ្យបង្កើតច្បាប់មិនឲ្យព្រះសង្ឃចូលរួមបោះឆ្នោត
ព្រះសង្ឃដែលកន្លងមកមានសិទ្ធិបោះឆ្នោតដូចពលរដ្ឋកម្ពុជា ទូទៅដែរ បានប្រតិកម្មភ្លាមៗប្រឆាំងនឹងគម្រោងការរបស់សម្ដេចព្រះសង្ឃរាជទាំងពីរគណៈ ដែលនឹងស្នើឲ្យរដ្ឋាភិបាលបង្កើតច្បាប់ទប់ស្កាត់ព្រះសង្ឃនៅទូទាំងប្រទេសកម្ពុជា មិនឲ្យចូលរួមបោះឆ្នោត។ ការជំទាស់នេះ ធ្វើឡើងនៅបន្ទាប់ពីសម្ដេចព្រះសង្ឃរាជទាំងពីរគណៈ បង្ហាញព្រះទ័យថា នឹងធ្វើសំណើទៅរដ្ឋាភិបាលនៅពេលខាងមុខនេះ ឲ្យរៀបចំតាក់តែងច្បាប់ហាមមិនឲ្យព្រះសង្ឃបោះឆ្នោត ក្រោមហេតុផលដើម្បីសេចក្ដីថ្លៃថ្នូរនៃព្រះពុទ្ធសាសនា។ សម្ដេចព្រះសង្ឃរាជ ទេព វង្ស ខាងមហានិកាយ និងសម្ដេចព្រះសង្ឃរាជ បួរ គ្រី ខាងធម្មយុត្តិកនិកាយ ប្រកាសជំហរជាធ្លុងមួយថា ច្បាប់ស្ដីពីការមិនអនុញ្ញាតឲ្យបព្វជិតចូលរួមនៅក្នុងសង្គម និងសិទ្ធិបោះឆ្នោត គ្រោងនឹងដាក់សំណើទៅរដ្ឋាភិបាលក្នុងពេលខាងមុខនេះ ប្រឆាំងការចូលរួមសកម្មភាពនានារបស់ព្រះសង្ឃទាំងអស់នៅក្នុងសង្គម ក្នុងន័យដើម្បីលើកកម្ពស់វិស័យព្រះពុទ្ធសាសនា។
-
មេធាវីអន្តរជាតិរកការគាំទ្រពីសហគមន៍អន្តរជាតិជំរុញ ICC ស៊ើបអង្កេតឧក្រិដ្ឋកម្មមនុស្សជាតិនៅកម្ពុជា
មេធាវីជនជាតិអង់គ្លេស លោក រីច្ឆាត រ៉ចជ័រស៍ ត្រូវអះអាងមកថា កំពុងបញ្ចុះបញ្ចូលសហគមន៍អន្តរជាតិ រកការគាំទ្របន្ថែមទៀតដើម្បីជំរុញឲ្យតុលាការឧក្រិដ្ឋកម្មអន្តរជាតិ (ICC) បើកការស៊ើបអង្កេតបទឧក្រិដ្ឋកម្មប្រឆាំងមនុស្សជាតិនៅកម្ពុជា ក្រោមការដឹកនាំរបស់លោកនាយករដ្ឋមន្ត្រី ហ៊ុន សែន ។ មូលនិធីសង្គ្រោះជាតិមានមូលដ្ឋាននៅសហរដ្ឋអាមេរិក បានបង្ហាញរបាយការណ៍សង្ខេបស្តី ពីពាក្យបណ្តឹងទៅកាន់តុលាការឧក្រិដ្ឋកម្មអន្តរជាតិ(ICC) ដែល VOD ទទួលបាននៅថ្ងៃទី១៧ ខែធ្នូ ឆ្នាំ២០១៤នេះបង្ហាញថា គិតពីដើមឆ្នាំ២០១៤មកលោក រីច្ឆាត រ៉ចជ័រស៍ បានប្រមូលសិក្សាវាយតម្លៃ លើភស្តុតាងនានាពាក់ព័ន្ធនឹងការរំលោភសិទ្ធិមនុស្សនៅកម្ពុជា ។
-
លោកស្រី មូរ សុខហួរ ស្នើសុំតុលាការចូលសួរសុខទុក្ខអ្នកជាប់ឃុំទាំង១៧នាក់
តំណាងរាស្រ្តរបស់គណបក្សសង្គ្រោះជាតិ លោកស្រី មូរ សុខហួរ បានដាក់លិខិតទៅកាន់សាលាដំបូងរាជធានីភ្នំពេញកាលពីម្សិលមិញ ដើម្បីសុំចូលសួរសុខទុក្ខអ្នកជាប់ឃុំទាំង១៧នាក់នៅពន្ធនាគារព្រៃស ។ នៅក្នុងលិខិតចុះថ្ងៃទី១៦ ខែធ្នូ ឆ្នាំ២០១៤ ផ្ញើជូនលោក កែវ មុនី ចៅក្រមសាកសួរសាលាដំបូងរាជធានីភ្នំពេញ តំណាងរាស្ត្រគណបក្សសង្គ្រោះជាតិលោកស្រី មូរ សុខហួរ និងសហការី៥រូបស្នើសុំចូលសួរសុខទុក្ខអ្នកជាប់ឃុំទាំង១៧នាក់ នៅថ្ងៃទី២២ ខែធ្នូ វេលាម៉ោង២:៣០នាទីរសៀល ។
-
ប្រជាសហគមន៍បឹងឈូកក្នុងរាជធានីភ្នំពេញ ជំរុញឲ្យចៅសង្កាត់ជួយដោះស្រាយទំនាស់ដីធ្លី
ប្រជាពលរដ្ឋមានទំនាស់ដីធ្លីមកពីសហគមន៍បឹងឈូក ក្នុងសង្កាត់គីឡូម៉ែត្រលេខ៦ ក្នុងខណ្ឌឫស្សីកែវ ជំរុញឲ្យអាជ្ញាធរសង្កាត់ជួយពន្លឿនការដោះស្រាយទំនាស់ដីធ្លី និងចេញប័ណ្ណកម្មសិទ្ធិជូនពួកគាត់ឲ្យបានឆាប់ ។ ពលរដ្ឋមានជម្លោះម្នាក់ អ្នកស្រី ខៀវ ចិន្តា ឲ្យ VOD ដឹងថានៅព្រឹកថ្ងៃពុធនេះពួកគាត់មានគ្នាជាង៣០នាក់ បានយកញត្តិទៅដាក់នៅសង្កាត់ ដើម្បីសុំឲ្យអាជ្ញាធរខណ្ឌអន្តរាគមន៍ទៅអាជ្ញាធរពាក់ព័ន្ធចេញប័ណ្ណកម្មសិទ្ធិដីធ្លីឲ្យពួកគេចំនួន៤៣គ្រួសារ ។
-
អ្នកពាក់ព័ន្ធលើវិស័យការងារចាប់ផ្តើមធ្វើការរួមគ្នាលុបបំបាត់ពលកម្មកុមារក្នុងវិស័យកាត់ដេរ
គម្រោងរោងចក្រកាន់តែប្រសើរនៅកម្ពុជានៃអង្គការអន្តរជាតិខាងការងារ(BFC) និងសមាគមរោងចក្រកាត់ដេរនៅកម្ពុជា(GMAC) នឹងចុះហត្ថលេខារួមគ្នានៅថ្ងៃទី១៨ខែធ្នូ ឆ្នាំ២០១៤នេះ ដើម្បីលុបបំបាត់ពលកម្មកុមារនៅក្នុងឧស្សាហកម្មកាត់ដេរកម្ពុជា ។ ការចុះហត្ថលេខានេះ នឹងត្រូវធ្វើឡើងនៅវេលាម៉ោង៣រសៀល នៅក្រសួងការងារ និងបណ្ដុះបណ្ដាលវិជ្ជាជីវៈ ។
-
លោក ហ៊ុន សែន ប្រាប់ប្រជាពលរដ្ឋឈប់រិះគន់លោកពេលតុលាការសម្រេចឲ្យចាញ់ក្តី
លោកនាយករដ្ឋមន្ត្រី ហ៊ុន សែន ប្រាប់ប្រជាពលរដ្ឋឲ្យឈប់រិះគន់លោក បើតុលាការសម្រេចឲ្យចាញ់ក្តីដោយអះអាងថា លោកមិនមានអំណាចបញ្ជាទៅលើស្ថាប័នមួយនេះ ដែលលោកគិតថាឯករាជ្យនោះទេ ។ លោក ហ៊ុន សែន ថ្លែងបែបនេះក្នុងសន្និសីទថ្នាក់ជាតិមួយស្តីពីការផ្សព្វផ្សាយច្បាប់ចំនួន៣ទាក់ទងនឹងតុលាការ ដែលធ្វើនៅសណ្ឋាគារ Intercontinental កាលពីថ្ងៃអង្គារម្សិលមិញ ។
-
តុលាការខេត្តតាកែវសម្រេចឃុំឪពុកម្ដាយជនសង្ស័យពាក់ព័ន្ធជះទឹកអាស៊ីតដាក់ស្ត្រីម្នាក់
មន្ត្រីសាលាដំបូងខេត្តតាកែវ នៅថ្ងៃទី១៧ ធ្នូ ចេញដីកាឃុំខ្លួនឪពុកម្ដាយជនសង្ស័យជះទឹកអាស៊ីតលើស្ត្រី ដែលជាអាជីវករលក់ដូរនៅផ្សារទន្លាប់ ក្រោយពីបានសាកសួរចប់។ ក្រឡាបញ្ជីតុលាការខេត្តតាកែវ លោក សែ សុខឃឿន ឲ្យដឹងថា ឪពុកម្ដាយជនសង្ស័យជះទឹកអាស៊ីតដាក់គេ ឈ្មោះ ដេង លក្ខិណា អាយុ ២២ឆ្នាំ ត្រូវបានតុលាការសម្រេចឃុំខ្លួនបណ្ដោះអាសន្ន ខណៈដែលជនសង្ស័យដែលជាកូនបង្កើត កំពុងរត់គេចខ្លួន៖ «រឿងនេះ គឺលោក ជិន សុចិត្រា ព្រះរាជអាជ្ញាឃុំឃាត់ខ្លួនថ្ងៃមិញ ព្រះរាជអាជ្ញាព្រះរាជអាជ្ញារងបានសម្រេចឃាត់ខ្លួនហ្នឹង អឺ! ទុកយ៉ាងម៉េចចាំនិយាយស្អែកចុះ»។ តែលោកក្រឡាបញ្ជីមិនបានបញ្ជាក់ប្រាប់ឈ្មោះឪពុកម្ដាយជនសង្ស័យនោះទេ។
-
ស្ត្រីសកម្មជនដីធ្លីធ្លាក់ខ្លួនឈឺធ្ងន់ ខណៈធ្វើកូដកម្មអត់អាហារក្នុងពន្ធនាគារ
ស្ត្រីសកម្មជនដីធ្លី២នាក់ក្នុងចំណោម១១នាក់ ប្រឈមនឹងគ្រោះថ្នាក់ធ្ងន់ធ្ងរដល់សុខភាព បន្ទាប់ពីពួកគេធ្វើកូដកម្មបង្អត់អាហារនៅពន្ធនាគារព្រៃសជាច្រើនថ្ងៃ ដើម្បីទាមទារឲ្យផ្តល់យុត្តិធម៌ និងដោះលែងពួកគេឲ្យមានសេរីភាពវិញ ។ នៅថ្ងៃទី១៧ ខែធ្នូនេះ ប្រធានអង្គការលីកាដូលោកស្រី ពង់ ឈីវកេក និងក្រុមការងារដោយមានគ្រូពេទ្យផង នាំគ្នាទៅសួរសុខទុក្ខ និងពិនិត្យស្ថានភាពសុខភាពស្ត្រីជាប់ឃុំទាំងនោះ។ បន្ទាប់ពីបានពិនិត្យចប់គ្រូពេទ្យឲ្យដឹងថា ក្នុងចំណោមស្ត្រីជាប់ឃុំទាំងនោះមានស្រី្តពីរនាក់កំពុងជួបបញ្ហាសុខភាពធ្ងន់ធ្ងរគឺកញ្ញា អ៊ីម ស្រីទូច និងអ្នកស្រី ភួង សុភាព ។ ចំណែកអ្នកស្រី ផាន់ ឈុនរ៉េត ដែលមិនចូលរួមបង្អត់អាហារ ក៏មានបញ្ហាសុខភាពធ្ងន់ធ្ងរជាងគេដោយចង្វាក់បេះដូងគាត់ចុះខ្សោយមកដល់កម្រិត២១ ។