កំពុងស្វែងរកទិន្នន័យ
រកឃើញ: 12.457
-
សាលាឧទ្ធរណ៍លើកពេលប្រកាសសាលដីកា ករណីឃុំខ្លួនអតីតសង្ឃដែលធ្លាប់ធ្វើបាតុកម្មប្រឆាំងវៀតណាម
សាលាឧទ្ធរណ៍លើកពេលប្រកាសសាលដីកា លើបណ្តឹងសុំនៅក្រៅឃុំរបស់អតីតព្រះសង្ឃ២អង្គ ដែលសកម្មតវ៉ារឿងជម្លោះដីធ្លី និងទាមទារឲ្យវៀតណាមសុំទោសពីការបំភ្លៃប្រវត្តិសាស្ត្រនៃការបាត់បង់ទឹកដីកម្ពុជាក្រោម ។ ក្រោយពីសភាសាកសួរនៃសាលាឧទ្ធរណ៍ បើកសវនាការសួរជនត្រូវចោទ នាថ្ងៃទី៣០ ខែធ្នូ ឆ្នាំ២០១៤នេះប្រមាណ២០នាទី ប្រធានក្រុមប្រឹក្សាជំនុំជម្រះលោក សេង ស៊ីវត្ថា ប្រកាសថាសាលដីកានឹងប្រកាសនៅម៉ោង៨ព្រឹកថ្ងៃទី៩ ខែមករា ឆ្នាំ២០១៥ ទាក់ទិននឹងបទចោទចូលរួមសមាគមជនទុច្ចរិត ដែលសាលាដំបូងសម្រេចឲ្យឃុំខ្លួនតាំងពីថ្ងៃទី១២ ខែវិច្ឆិកា ឆ្នាំ២០១៤ ។
-
គ្រួសារយុវជនដែលស្លាប់ដោយសារផ្ទុះកាំជ្រួចសុំសំណងជំងឺចិត្តពីលោក ហ៊ុន សែន
ឪពុកម្តាយយុវជនដែលបានស្លាប់ដោយសារផ្ទុះកាំជ្រួចនៅថ្ងៃខួប១០ ឆ្នាំនៃការឡើងគ្រងរាជសម្បត្តិព្រះមហាក្សត្រនោះ ស្វែងរកអន្តរាគមន៍ជាលើកទីពីរ ឲ្យលោកនាយករដ្ឋមន្ត្រី ហ៊ុន សែន ជួយផ្តល់ថវិកាសម្រាប់ទ្រទ្រង់ជីវភាពគ្រួសារ ។ ការស្នើនេះធ្វើឡើងតាមលិខិតចុះថ្ងៃទី២៩ ខែធ្នូ របស់លោក វ៉ាន់ ណាគ្រី វ័យ៥១ឆ្នាំ និងភរិយាឈ្មោះ ផាន ឈុនតេង រស់នៅភូមិចុងខ្សាច់ ឃុំឈើខ្មៅ ស្រុកកោះធំ ខេត្តកណ្តាល ត្រូវជាឪពុកម្តាយរបស់យុវជនឈ្មោះ ណាគ្រី ដារូ អាយុ២៣ឆ្នាំ ដែលបានស្លាប់ដោយសារការផ្ទុះកាំជ្រួច កាលពីថ្ងៃទី២៩ ខែតុលា ឆ្នាំ២០១៤ ក្នុងពិធីប្រារព្ធខួប១០ឆ្នាំនៃការឡើងគ្រងរាជសម្បត្តិរបស់ព្រះមហាក្សត្រ ។
-
ជនជាតិដើមភាគតិចរារាំងសកម្មភាពចុះសិក្សាដើម្បីធ្វើទំនប់វារីអគ្គីសនីជាយអារ៉ែង
ជនជាតិដើមភាគតិចជងនៅខេត្តកោះកុង នាំគ្នាទប់ស្កាត់កំលាំងប្រដាប់អាវុធរបស់រដ្ឋាភិបាល មិនឲ្យចូលតំបន់ជាយអារ៉ែង ដែលចុះសិក្សាដើម្បីធ្វើទំនប់វារីអគ្គីសនីនៅតំបន់នោះ ដែលពួកគេយល់ថាធ្វើឲ្យប៉ះពាល់ជីវភាពរស់នៅ និងខូចបរិស្ថានធ្ងន់ធ្ងរ ។ សមាជិកអង្គការមាតាធម្មជាតិ លោក ស៊ីន សំណាង ឲ្យVODដឹងនៅរសៀលថ្ងៃអង្គារទី៣០នេះថា អ្នកភូមិប្រមាណជា៤០នាក់ បោះតង់មុខបន្ទាយទាហានចាស់ ក្នុងឃុំជំនាប់ ស្រុកថ្មបាំង ខេត្តកោះកុង ខណៈមានបុគ្គលិកក្រុមហ៊ុន និងទាហានប្រមាណ១០នាក់កាន់កាំភ្លើង ដើរសិក្សាពីភូមិមួយទៅភូមិមួយនៅតំបន់ជាយអារ៉ែង ។ លោកបន្តថា ពេលនោះប្រជាពលរដ្ឋដេញពួកគេចេញពីភូមិ ព្រោះមិនចង់ឲ្យសង់ទំនប់វារីអគ្គីសនីជាយអារ៉ែង។
-
គ្រួសារយុវជនស្លាប់ដោយសារការបាញ់កាំជ្រួចសុំឲ្យនាយករដ្ឋមន្ត្រីឧបត្ថម្ភជីវភាព
ឪពុកម្ដាយយុវជនដែលស្លាប់ដោយសារការបាញ់កាំជ្រួចខុសបច្ចេកទេស កាលពីថ្ងៃទី២៩ តុលា ក្នុងព្រះរាជពិធីគម្រប់ខួប ១០ឆ្នាំព្រះមហាក្សត្រគ្រងរាជសម្បត្តិ បានសរសេរលិខិតមួយច្បាប់ទៅលោកនាយករដ្ឋមន្ត្រី ហ៊ុន សែន សុំប្រាក់ឧបត្ថម្ភដល់ពួកគាត់ដើម្បីទ្រទ្រង់ជីវភាពរស់នៅ។ ការដាក់លិខិតទៅនាយករដ្ឋមន្ត្រីនេះ នៅក្រោយពេលដែលសាច់ញាតិអ្នកស្លាប់បានដាក់លិខិតទៅស្ថាប័នពាក់ព័ន្ធមួយចំនួន ដូចជា ព្រះបរមរាជវាំង ទៅស្ថាប័នរដ្ឋសភា ក្រសួងការពារជាតិ ឲ្យទទួលខុសត្រូវចំពោះការស្លាប់តែគ្មានលទ្ធផល។ អ្នកស្រី ផាន ឈុនតេង ម្ដាយយុវជនដែលស្លាប់ដោយសារផ្ទុះកាំជ្រួច ថ្លែងនៅថ្ងៃទី៣០ ខែធ្នូ ថា គាត់ទាមទារសំណងជំងឺចិត្ត ៥ម៉ឺនដុល្លារពីរាជរដ្ឋាភិបាល ចំពោះការធ្វេសប្រហែសបណ្ដាលឲ្យផ្ទុះកាំជ្រួចត្រូវកូនប្រុសរបស់គាត់ស្លាប់ដោយសារតែការធ្វេសប្រហែស៖ «ខ្ញុំសូមផ្ដាំទៅការរៀបចំបុណ្យនានានៅថ្ងៃក្រោយ សូមឲ្យមានការពិនិត្យពិច័យឲ្យបានម៉ត់ចត់ និងកុំឆ្លើយថាជាកំហុសបច្ចេកទេសដូច្នេះទៀត»។
-
ពលរដ្ឋខេត្តបន្ទាយមានជ័យតវ៉ាមុខសាលាខេត្តឲ្យពន្លឿនដោះស្រាយទំនាស់ដីធ្លី
ប្រជាពលរដ្ឋនៅខេត្តបន្ទាយមានជ័យ ប្រមាណជាង១០០នាក់ នៅព្រឹកថ្ងៃចន្ទនេះ តវ៉ានៅមុខសាលាខេត្ត ជំរុញឲ្យពន្លឿនរកដំណោះស្រាយទំនាស់ដីធ្លី ដោយពួកគេអះអាងថា មានក្រុមហ៊ុនថ្មកំបោរមួយឈ្មោះ CYL អ៊ីនវេសមិន បានបោះបង្គោលលើដីស្រែចំការរបស់អ្នកភូមិ ។
-
បក្សប្រឆាំងអំពាវនាវឲ្យរដ្ឋាភិបាលបង្កើតកញ្ចប់ថវិកាពិសេសសម្រាប់អ្នកឆ្លងមេរោគអេដស៍នៅបាត់ដំបង
ប្រធានគណៈកម្មការទី៨នៃរដ្ឋសភា នៅថ្ងៃចន្ទនេះ អំពាវនាវឲ្យរាជរដ្ឋាភិបាលកម្ពុជាប្រើប្រាស់កញ្ចប់ថវិកាពិសេសរបស់ជាតិ ជួយឧបត្ថម្ភដល់ប្រជាពលរដ្ឋដែលរងគ្រោះដោយសារការឆ្លងមេរោគអេដស៍នៅក្នុងខេត្តបាត់ដំបង ខណៈដែលពួកគាត់កំពុងតែជួបបញ្ហាវិបត្តិផ្លូវចិត្ត និងជីវភាព។
-
ពលរដ្ឋរតនគិរីចោទក្រុមហ៊ុនមួយថាឈូសឆាយដីប៉ះពាល់ដល់ដីសហគមន៍ពួកគេ
ប្រជាពលរដ្ឋរស់នៅក្នុងភូមិសាមុត្រលើ ឃុំសេដា ស្រុកលំផាត់ ខេត្ដរតនគិរី អះអាងថាក្រុមហ៊ុនរ័ត្នសុខនបានឈូសឆាយប៉ះពាល់ដីសហគមន៍របស់ពួកគេ ដែលត្រូវបានក្រសួងមហាផ្ទៃទទួលស្គាល់កាលពីខែមិថុនា ឆ្នាំ២០១២។ ប្រជាពលរដ្ឋនៅភូមិសាមុត្រលើ លោក រមាណ សូត្រ ឲ្យVODដឹងថាភាគីពាក់ព័ន្ធ រួមមានតំណាងក្រុមហ៊ុន ប្រធានសហគមន៍ភូមិមុត្រលើ ក្រុមប្រឹក្សាឃុំសេដា និងតំណាងអង្គការលីកាដូ បានជួបប្រជុំគ្នានៅព្រឹកថ្ងៃចន្ទនេះ ដើម្បីសិក្សាអំពីការប៉ះពាល់ដល់ដីសហគមន៍បម្រុងទុកនៅភូមិសាមុត្រលើ។ លោកបន្តថាក្រុមហ៊ុនរ័ត្នសុខនបានយល់ព្រមផ្អាកការឈូសឆាយដីរយៈពេល៥ថ្ងៃចាប់ពីថ្ងៃនេះ ដើម្បីឲ្យស្ថាប័នពាក់ព័ន្ធចុះមកកំណត់ព្រំប្រទល់ឲ្យបានច្បាស់លាស់រវាងដីសហគមន៍ និងព្រំប្រទល់ដីដែលក្រុមហ៊ុនត្រូវឈូសឆាយ។
-
អ្នកធ្វើការតាមផ្ទះត្រូវបានម្ចាស់ផ្ទះរំលោភបំពានជាង ៥០ ករណី
បណ្តាញកម្មករធ្វើការតាមផ្ទះកម្ពុជាបានរកឃើញថា ការរំលោភបំពាននិងការធ្វើទុក្ខបុកម្នេញផ្សេងៗពីសំណាក់ម្ចាស់ផ្ទះ ទៅលើកម្មករធ្វើការតាមផ្ទះក្នុងឆ្នាំ ២០១៤ នេះ បានកើតមានជាង ៥០ ករណី ក្នុងនោះ ៣២ ករណី ត្រូវបានដោះស្រាយ ដោយអ្នករងគ្រោះភាគច្រើនគឺជាកុមារអាយុចន្លោះពី ១៤ ទៅ ១៦ ឆ្នាំ។ នៅក្នុងមហាសន្និបាតលើកទី២ របស់បណ្តាញកម្មករធ្វើការតាមផ្ទះ កម្ពុជា ដែលធ្វើឡើងនៅភោជនីយដ្ឋានខ្មែរសូរិន្ទកាលពីម្សិលមិញ លោកស្រី យឹម សុធី អនុប្រធានបណ្តាញកម្មករធ្វើការតាមផ្ទះកម្ពុជា បានឲ្យដឹងថា ក្នុងឆ្នាំ២០១៤ នេះ បណ្តាញបានធ្វើការដោះស្រាយវិវាទជូនកម្មករធ្វើការតាមផ្ទះ ដែលរងការរំលោភបំពានទាំងផ្លូវកាយ និងផ្លូវចិត្តរួមទាំងការធ្វើទារុណកម្មផងនោះ បានចំនួន ៣២ករណី ដែលកម្មករភាគច្រើនមានអាយុក្រោម១៨ឆ្នាំ។
-
ព្រឹទ្ធសភាប្រជុំពិនិត្យ និងផ្តល់យោបល់លើសេចក្តីព្រាងច្បាប់ស្តីពីចរាចរណ៍ផ្លូវគោកនៅថ្ងៃស្អែក
អគ្គលេខាធិការដ្ឋាននៃព្រឹទ្ធសភាឲ្យដឹងថា ព្រឹទ្ធសភានឹងធ្វើការពិនិត្យ និងផ្តល់យោបល់លើសេចក្តីព្រាងច្បាប់ ស្តីពីចរាចរណ៍ផ្លូវគោកនៅព្រឹកស្អែកនេះ ។ សេចក្ដីជូនដំណឹងរបស់អគ្គលេខាធិការដ្ឋាននៃព្រឹទ្ធសភាចេញផ្សាយនៅថ្ងៃចន្ទនេះឲ្យដឹងថា នៅព្រឹកថ្ងៃទី២៩ ខែធ្នូនេះ គណៈកម្មាធិការអចិន្ត្រៃយ៍ព្រឹទ្ធសភា បានបើកកិច្ចប្រជុំ និងបានកំណត់យកថ្ងៃអង្គារ ទី៣០ ខែធ្នូ ដើម្បីបន្តសម័យប្រជុំលើកទី៦ ព្រឹទ្ធសភា នីតិកាលទី៣ ដោយមានរបៀបវារៈតែមួយគត់គឺពិនិត្យ និងឲ្យយោបល់លើសេចក្តីព្រាងច្បាប់ ស្តីពីចរាចរណ៍ផ្លូវគោក។
-
សហគមន៍ជនជាតិដើមភាគតិចឃាត់គ្រឿងចក្រក្រុមហ៊ុន២គ្រឿង ប្រឆាំងនឹងការឈូសឆាយដី
ប្រជាសហគមន៍ជនជាតិដើមភាគតិចគួយដែលរស់នៅក្នុងភូមិប្រមេរ ឃុំប្រមេរ ស្រុកត្បែងមានជ័យ ខេត្តព្រះវិហារ និងកំពុងមានទំនាស់ជាមួយក្រុមហ៊ុនចិនឈ្មោះឡានហ្វេង នៅល្ងាចថ្ងៃចន្ទនេះបានឃាត់ទុកគ្រឿងចក្ររបស់ក្រុមហ៊ុនចំនួន២គ្រឿង ដោយចោទថាបានឈូសឆាយដីរបស់ពួកគេ។ អ្នកស្រី នួន ម៉ុន អាយុ៦៣ឆ្នាំ ជាសមាជិកសហគមន៍ជនជាតិដើមភាគតិច មានប្រសាសន៍ថាប្រជាពលរដ្ឋជាង៨០នាក់ នៅវេលាម៉ោងជិត៦ល្ងាចថ្ងៃចន្ទនេះ បានសម្រេចនាំគ្នាឃាត់គ្រឿងចក្រចំនួន២គ្រឿង មិនឲ្យឈូសឆាយដីប្រជាពលរដ្ឋបន្តទៀត ដោយទាមទារឲ្យមានដំណោះស្រាយពីអាជ្ញាធរ។ អ្នកស្រីបន្តថាមន្រ្តីមន្ទីរកសិកម្មខេត្ត រួមមានទាំងកម្លាំងនគរបាល៤នាក់ បានចុះមកពិនិត្យមើល និងទាមទារឲ្យប្រគល់គ្រឿងចក្រនោះវិញ តែប្រជាពលរដ្ឋមិនព្រម ដោយទាមទាររកដំណោះស្រាយជាមុនសិន។ អ្នកស្រីថាតំណាងមន្ទីរកសិកម្មដែលជាប្រធានមន្ទីរអះអាងថាហេតុអ្វីបានជាប្រជាពលរដ្ឋមិនយល់ព្រមក្នុងការវាស់ដី។
-
ពលរដ្ឋនៅស្រុកគីរីសាគរ បិទផ្លូវតវ៉ាជាមួយក្រុហ៊ុនចិន ឈានចូលដល់ថ្ងៃទីបួន
ពលរដ្ឋនៅស្រុកគីរីសាគរ ខេត្តកោះកុងប្រមាណ ១០០នាក់ បានបិទផ្លូវតវ៉ាជាមួយក្រុមហ៊ុនចិនឈ្មោះ ញូញៀន ចូលដល់ថ្ងៃទីបួន ដើម្បីទាមទារឲ្យក្រុមហ៊ុន បើកផ្លូវ ដែលពួកគាត់ធ្លាប់ឆ្លងកាត់ ឲ្យបានធ្វើដំណើរឡើងវិញ។ លោក នាង បូរ៉ាទីណូ មន្ដ្រីសម្របសម្រួលអង្គការអាដហុក ប្រចាំខេត្តកោះកុង បានឲ្យដឹងថា ពលរដ្ឋប្រមាណ ១០០នាក់ ដែលរស់ក្នុងតំបន់ពយជប៉ុន សិ្ថតក្នុងឃុំកោះស្តេច ស្រុកគីរីសាគរ បានធើ្វការតវ៉ាបិទផ្លូវជាប់ៗគ្នាអស់រយៈពេលបួនថ្ងៃមកហើយ ពោលគឺ ចាប់ពីថ្ងៃទី២៦ រហូតមកដល់ថ្ងៃទី២៩ ខែធ្នូនេះ ដើម្បីទាមទារឲ្យក្រុមហ៊ុនចិនញូញៀន បើកផ្លូវចាស់ ដែលពួកគាត់ធ្លាប់ឆ្លងកាត់ពីមុនមក ឲ្យបានធើ្វដំណើរឆ្លងកាត់ឡើងវិញ ប៉ុន្តែក្រុមហ៊ុនចិន បានបដិសេដ រួចអាជ្ញាធរពុំមានលទ្ធភាពរកដំណោះស្រាយជូនឡើយ។
-
ពលការនីខ្មែរនៅកូរ៉េគ្រោះថ្នាក់ការងារបាក់ជើងស្វែងរកការអន្តរាគមន៍
ពលការនីខ្មែរម្នាក់បំពេញការងារនៅប្រទេសកូរ៉េខាងត្បូងដែលបានបាក់ជើងដោយសាររថយន្តបុកពេលបំពេញការងារ អំពាវនាវឲ្យមានការអន្តរាគមន៍ពីរដ្ឋាភិបាល ដោយអះអាងថាក្រុមហ៊ុនមិនបានទទួលខុសត្រូវ ។
-
ព្រះសង្ឃនិមន្តបិណ្ឌបាតសកម្មជនដីធ្លីឃុំខ្លួននៅពន្ធនាគារព្រៃសបញ្ឈប់ធ្វើកូដកម្មបង្អត់អាហារ
ព្រះសង្ឃប្រមាណ២០អង្គ នៅព្រឹកថ្ងៃអាទិត្យនេះ និមន្តបិណ្ឌបាតដល់សកម្មជនជាប់ឃុំទាំង១៨នាក់ បញ្ឈប់ការធ្វើកូដកម្មបង្អត់អាហារ ដើម្បីកុំឲ្យប៉ះពាល់ដល់សុខភាព។ នៅព្រឹកថ្ងៃអាទិត្យនេះ ប្រជាពលរដ្ឋ កូន និងសាច់ញាតិ រួមទាំងព្រះសង្ឃប្រមាណ ១០០អង្គ/នាក់ ប្រមូលផ្តុំគ្នានៅមុខពន្ធនាគារព្រៃស (មណ្ឌលកែប្រែទី២) បាតុកម្មតវ៉ាឲ្យដោះលែងអ្នកជាប់ឃុំទាំង ១៨នាក់។ ក្នុងការប្រមូលផ្តុំនោះ ព្រះសង្ឃ២០អង្គដែលចូលរួមនិមន្តបិណ្ឌបាត ឬស្នើសុំឲ្យអ្នកជាប់ឃុំទាំងនោះឈប់ធ្វើកូដកម្មបង្អត់អាហារ ហើយព្រះសង្ឃក៏បានធ្វើសមាធិ និងសូត្រធម៌ទេសនាផងដែរ។
-
ខ្មែរ | ព័ត៌មានថ្មីៗ | ដីធ្លី ពលរដ្ឋនៅឃុំកោះស្ដេចខេត្តកោះកុងតវ៉ាឲ្យក្រុមហ៊ុនចិនឈូសដីបើកផ្លូវចូលភូមិ
ប្រជាពលរដ្ឋជិត ៣០គ្រួសារ មានលំនៅឋានក្នុងឃុំកោះស្ដេច ស្រុកគីរីសាគរ ខេត្តកោះកុង បានដង្ហោយរកអន្តរាគមន៍ពីលោកនាយករដ្ឋមន្ត្រី ហ៊ុន សែន ជួយទប់ស្កាត់សកម្មភាពរំលោភដីធ្លីពីសំណាក់ក្រុមហ៊ុនចិន យូញៀន ឌីវីឡុបមែន គ្រុប (Union Development Group Co., Ltd) និងមានការឃុបឃិតគ្នាជាមួយអាជ្ញាធរស្រុកគីរីសាគរ។
-
ពលរដ្ឋនៅឃុំកោះស្តេចខេត្តកោះកុងដង្ហោយរកកិច្ចអន្តរាគមន៍ពីនាយករដ្ឋមន្ត្រី
ប្រជាពលរដ្ឋមានជម្លោះដីធ្លីជាមួយក្រុមហ៊ុន Union Devotement Group នៅភូមិព្រែកស្មាច់ ឃុំកោះស្តេច ស្រុកគិរីសាគរ ខេត្តកោះកុង ស្នើរកកិច្ចអន្តរាគមន៍ពីនាយករដ្ឋមន្ត្រី និងអង្គការសង្គមស៊ីវិល ដោយពលរដ្ឋអះអាងថា ក្រុមហ៊ុនចិន និងអាជ្ញាធរស្រុកឃុបឃិតគ្នាឈូសឆាយយកដីពួកគាត់។
-
ជនជាតិព្នងនៅមណ្ឌលគិរីស្នើរដ្ឋាភិបាលអន្តរាគមន៍បញ្ឈប់ឈូសឆាយដីនិងគំរាមសកម្មជន
ជនជាតិដើមភាគតិចព្នងដែលមានបញ្ហាដីធ្លីជាមួយក្រុមហ៊ុន ប៊ិន ភឿក ក្នុងឃុំស្រែឈូក ស្រុកកែវសីមា ខេត្តមណ្ឌលគិរី អំពាវនាវដល់រដ្ឋាភិបាល និងអាជ្ញាធរពាក់ព័ន្ធ ឲ្យអន្តរាគមន៍បញ្ឈប់ការគំរាមកំហែងសកម្មជនការពារព្រៃឈើ និងដីធ្លី និងបញ្ឈប់ការឈូសឆាយរំលោភដីពួកគាត់។ នៅព្រឹកថ្ងៃទី២៣ ធ្នូ វេទិកានៃអង្គការមិនមែនរដ្ឋាភិបាលស្ដីពីកម្ពុជា (NGO Forum) បានធ្វើសន្និសីទសារព័ត៌មាន នៅរាជធានីភ្នំពេញ ដើម្បីស្នើដល់រដ្ឋាភិបាល និងអាជ្ញាធរពាក់ព័ន្ធ គិតគូរដល់ពលរដ្ឋដែលជាជនជាតិដើមភាគតិចព្នង ដែលកំពុងរងការគំរាមកំហែងពីក្រុមហ៊ុន។
-
ជនភៀសខ្លួនម៉ុងតាញ៉ាទាំង១៣នាក់ទទួលបានលិខិតស្នាក់នៅកម្ពុជាបណ្ដោះអាសន្ន
ជនភៀសខ្លួនម៉ុងតាញ៉ាវៀតណាម ១៣ នាក់ ដែលមន្ត្រីអង្គការសិទ្ធិមនុស្សសហប្រជាជាតិ និងនគរបាលក្រសួងមហាផ្ទៃ ដឹកពីខេត្តរតនគិរី មករាជធានីភ្នំពេញ នៅល្ងាចថ្ងៃទី ២១ ធ្នូ ទទួលបានលិខិតស្នាក់នៅបណ្ដោះអាសន្ននៅកម្ពុជា។
-
ព្រះសង្ឃ និងពលរដ្ឋតវ៉ាមុខតុលាការទាមទារឲ្យទម្លាក់ការចោទប្រកាន់លើព្រះតេជគុណ កែវ សុម៉ាលី
ព្រះសង្ឃ និងប្រជាពលរដ្ឋប្រមាណ២០០អង្គ/នាក់ នៅព្រឹកថ្ងៃអង្គារនេះ ធ្វើការតវ៉ានៅមុខសាលាដំបូងរាជធានីភ្នំពេញទាមទារឲ្យទម្លាក់ ការចោទប្រកាន់លើព្រះតេជគុណ កែវ សុម៉ាលីនិងថាការកោះហៅព្រះសង្ឃចូលបំភ្លឺក្នុងភេទជាសង្ឃនេះជាការរំលោភលើស្ថាប័នព្រះពុទ្ធសាសនា ។
-
បេសកកម្ម២៣ឆ្នាំរបស់លោក បេអាត រីចឆ្នឺ ក្នុងការជួយកុមារកម្ពុជា
មន្ទីរពេទ្យគន្ធបុប្ផា ឲ្យដឹងថាក្នុងរយៈពេល២៣ឆ្នាំ ខ្លួនបានពិនិត្យព្យាបាលកុមារកម្ពុជា១៣លានករណី ក្នុងនោះ ផ្នែកពិគ្រោះជំងឺក្រៅ និងព្យាបាលជំងឺកុមារឈឺធ្ងន់ បានចំនួន១ ៥៦០ ០០០នាក់ ។ លិខិតរបស់ស្ថាបនិក និងជាប្រធានមន្ទីរពេទ្យគន្ធបុប្ផា លោក បេអាត រីចឆ្នឺ (Beat Richner) ជនជាតិស្វីស វ័យជិត៧០ឆ្នាំ ចុះថ្ងៃទី២២ ខែធ្នូ ឆ្នាំ២០១៤ បង្ហោះលើបណ្តាញសង្គមហ្វេសប៊ុកឲ្យដឹងថា ចាប់តាំងពីឆ្នាំ១៩៩២មក មន្ទីរពេទ្យគន្ធបុប្ផាបានចំណាយថវិកា៥៦០លានដុល្លារអាមេរិក ។ លិខិតឲ្យដឹងទៀតថា ថវិកាទាំងនេះមន្ទីរពេទ្យទទួលបានមកពីរដ្ឋាភិបាលកម្ពុជាជិត២០លានដុល្លារ ស្មើនឹង ៣,៥% (១៩ ៦០០ ០០០ដុល្លារ) ពីរដ្ឋាភិបាលស្វីសប្រមាណ២៥លានដុល្លារ ស្មើនឹង ៤,៥% (២៥ ២០០ ០០០ដុល្លារ) ដោយឡែកមូលនិធិមន្ទីរពេទ្យគន្ធបុប្ផា របស់លោក បេអាត រីចឆ្នឺ ផ្ទាល់មានជាង៥១៥លានដុល្លារ ស្មើនឹង៩២% ( ៥១៥ ២០០ ០០០ដុល្លារ) ។
-
សហភាពអឺរ៉ុបប្រកាសផ្ដល់ជំនួយ៥១០លានដុល្លារដល់កម្ពុជាពីឆ្នាំ២០១៤ ដល់២០២០
សហភាពអឺរ៉ុប (European Union) ប្រកាសថា ខ្លួនបានបម្រុងទុកប្រាក់ចំនួន៤១០អឺរ៉ូ (ប្រហែល៥១០ដុល្លារអាមេរិក) សម្រាប់ផ្ដល់ជាជំនួយក្នុងការពង្រឹងវិស័យ៣នៅកម្ពុជា ក្នុងកិច្ចសហប្រតិបត្តិការទ្វេភាគីពីឆ្នាំ២០១៤ ដល់ឆ្នាំ២០២០ ។ សេចក្ដីប្រកាសព័ត៌មានរបស់សហភាពអឺរ៉ុប ចេញផ្សាយពីទីក្រុងប្រ៊ូសែល (Brussels) ចុះថ្ងៃទី២២ ខែធ្នូ ឲ្យដឹងថា វិស័យទាំង៣ដែលជំនួយនេះនឹងផ្ដោតលើរួមមាន វិស័យកសិកម្មនិងការគ្រប់គ្រងធនធានធម្មជាតិ វិស័យអប់រំ និង វិស័យរដ្ឋបាលនិងអភិបាលកិច្ចល្អ ។