កំពុងស្វែងរកទិន្នន័យ
រកឃើញ: 12.457
-
ប្រជាពលរដ្ឋប្រមាណ១០០នាក់បិទផ្លូវជាតិលេខ៦អានៅក្នុងសង្កាត់ព្រែកលៀប
ប្រជាពលរដ្ឋប្រមាណ១០០នាក់ បានបិទផ្លូវជាតិលេខ៦អានៅក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញនៅព្រឹកនេះ ដើម្បីប្រឆាំងការរំលោភយកដីជាកម្មសិទ្ធិរបស់ពួកគេ៧០០០ម៉ែត្រការេ ។ នៅព្រឹកនេះប្រជាពលរដ្ឋដែលអះអាងថា ពាក់ព័ន្ធនឹងកម្មសិទ្ធិដី៧០០០ម៉ែត្រការ៉េនោះ បាននាំគ្នាប្រមូលផ្តុំដោយមានលើកយកគ្រែយកបិទផ្លូវនៅចន្លោះវិទ្យាល័យព្រែកលៀប និង សាលាកសិកម្មព្រែកលៀប ក្នុងសង្កាត់ព្រែកលៀប ខណ្ឌជ្រោយចង្វា ។
-
សមត្ថកិច្ចបើកការសាកសួរជនជាតិម៉ុងតាញ៉ាទាំង១៣នាក់
ក្រុមមន្ត្រីរបស់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ បានបើកការសាកសួរជនជាតិភាគតិចវៀតណាម (ម៉ុងតាញ៉ា) ទាំង១៣នាក់ ដែលសុំសិទ្ធិជ្រកកោននៅក្នុងប្រទេសកម្ពុជា ។ ព័ត៌មានចុះផ្សាយលើគេហទំព័រអគ្គស្នងការនគរបាលជាតិបានដកស្រង់សម្ដីលោក កែម សារិន ប្រធាននាយកដ្ឋានជនភៀសខ្លួននៃអគ្គនាយកដ្ឋានអន្តោប្រវេសន៍ ដែលបានមានប្រសាសន៍កាលពីល្ងាចថ្ងៃទី២២ ខែធ្នូ ឆ្នាំ២០១៤ថា មន្ត្រីជំនាញបានចាប់ផ្តើមសាកសួរជនភៀសខ្លួនទាំងនោះ តាមនីតិវិធីច្បាប់ជាតិ និងសន្ធិសញ្ញាអន្តរជាតិ ដោយមានការចូលរួមសង្កេតការណ៍ពីខាងតំណាងឧត្ដមស្នងការជនភៀសខ្លួនអង្គការសហប្រជាជាតិផងដែរ ។
-
ពលរដ្ឋ៦គ្រួសារនៅព្រែកលៀបតវ៉ាបិទផ្លូវដើម្បីរកដំណោះស្រាយ
ពលរដ្ឋ៦គ្រួសារ នៅភូមិព្រែកលៀប ក្នុងខណ្ឌជ្រោយចង្វារ រាជធានីភ្នំពេញ តវ៉ាបិទផ្លូវជាតិលេខ៦អា ខាងមុខសាលាកសិកម្មព្រែកលៀប នៅព្រឹកថ្ងៃទី២៣ ធ្នូ ដើម្បីដាក់សម្ពាធឲ្យអាជ្ញាធរជួយដោះស្រាយទំនាស់ដីធ្លីជាមួយក្រុមហ៊ុន អេង កាំង។ ពលរដ្ឋអះអាងថា ពួកគាត់រស់នៅភូមិព្រែកលៀប តាំងពីឆ្នាំ១៩៧៩ ដោយមានលិខិតស្នាមទទួលស្គាល់ពីអាជ្ញាធរមូលដ្ឋាន។ ប៉ុន្តែប៉ុន្មានឆ្នាំចុងក្រោយនេះ ស្រាប់តែក្រុមហ៊ុន អេង កាំង ចោទប្រកាន់ពលរដ្ឋ ៦គ្រួសារនោះ ថាបានរស់នៅខុសច្បាប់លើដីរបស់ក្រុមហ៊ុន ហើយក៏ត្រូវបានចៅក្រមសាលាដំបូងរាជធានីភ្នំពេញ បង្គាប់ឲ្យពលរដ្ឋសងប្រាក់ជំងឺចិត្តទៅក្រុមហ៊ុន ក្នុងមួយគ្រួសារចំនួន ១ម៉ឺនដុល្លារថែមទៀត។
-
តើការចេញច្បាប់ហាមព្រះសង្ឃមិនឲ្យបោះឆ្នោត ចំណេញសម្រាប់កម្ពុជាទេ?
សម្តេចព្រះមហាសង្ឃរាជទាំងពីរគណៈស្នើទៅព្រឹទ្ធសភា រដ្ឋសភា រដ្ឋាភិបាល និងគណបក្សនយោបាយបង្កើតច្បាប់គ្រប់គ្រងព្រះសង្ឃ ដើម្បីកុំឲ្យព្រះសង្ឃមានសិទ្ធិចូលរួមបោះឆ្នោត ។ សង្ឃប្រកាសរបស់សម្តេចសង្ឃរាជទាំងពីរគណៈ ចុះផ្សាយកាលពីថ្ងៃទី១៨ ខែធ្នូ ឆ្នាំ២០១៤ឲ្យដឹងថាគណៈសង្ឃបិណ្ឌបាត្រស្ថាប័នព្រឹទ្ធសភា រដ្ឋសភា និងស្ថាប័នពាក់ព័ន្ធរៀបចំនីតិវិធីច្បាប់យ៉ាងណា កុំឲ្យព្រះសង្ឃចូលរួមសកម្មភាពគាំទ្រ ឬប្រឆាំងគណបក្សនយោបាយ និងការចូលរួមបោះឆ្នោតគាំទ្រគណបក្សនយោបាយជាដើម ។ សង្ឃប្រកាសបញ្ជាក់ថា សំណើនោះដើម្បីឲ្យព្រះសង្ឃ ភិក្ខុ សាមណេរពុទ្ធសាសនាខ្មែរឲ្យស្ថិតនៅក្នុងអព្យាក្រឹត្យភាព បំពេញកាតព្វកិច្ចជាស្រែបុណ្យដ៏ប្រសើររបស់ពុទ្ធបរិស័ទទូទៅ និងដើម្បីទ្រទ្រង់សីល សមាធិបញ្ញាឲ្យបរិសុទ្ធផូរផង់ និងទ្រទ្រង់សាសនាដែលជាសាសនារបស់រដ្ឋឲ្យគង់វង្ស ។
-
អង្គការសិទ្ធិមនុស្សអន្តរជាតិ ទាមទារឲ្យតុលាការទម្លាក់ការចោទប្រកាន់លើសកម្មជនបក្សប្រឆាំង១១នាក់
អង្គការឃ្លាំមើលសិទ្ធិមនុស្សអន្តរជាតិ ដែលមានមូលដ្ឋាននៅសហរដ្ឋអាមេរិក ទាមទារឲ្យតុលាការកម្ពុជាទម្លាក់រាល់ការចោទប្រកាន់លើមន្ត្រី និងសកម្មជនបក្សប្រឆាំងទាំង១១នាក់ ដោយអះអាងថាសវនាការនេះជាការសងសឹកផ្នែកនយោបាយ ។ ការស្នើនេះបន្ទាប់ពីសាលាដំបូងរាជធានីភ្នំពេញ ចេញដីកាកោះហៅមន្ត្រី និងអ្នកគាំទ្របក្សប្រឆាំងឲ្យចូលសវនាការនៅថ្ងៃទី២៥ ខែធ្នូ ដើម្បីឆ្លើយតបទៅនឹងការចោទប្រកាន់ពីបទដឹកនាំ និងចូលរួមក្នុងចលនាកុបកម្ម ។
-
កុមារីម្នាក់ត្រូវគេសង្ស័យថាម្តាយចាក់ទឹកអាស៊ីតឲ្យរបួសដើម្បីសុំទាន
ក្រុងប៉ោយប៉ែត៖ កុមារីម្នាក់ស្ថិតក្នុងវ័យអាយុខ្ទង់៨ឆ្នាំត្រូវស្ត្រីវ័យចំណាស់ម្នាក់អះអាងថា កុមារីនោះត្រូវជាកូនស្រីបង្កើតរបស់ខ្លួន មានសភាពពិកាជើងម្ខាងនិងមានស្លាកស្នាមរបួសផ្នែកជើងខាងស្តាំយ៉ាងធ្ងន់ធ្ងរកំរើកក៏មិនរួចចំណែកបាទជើងរបស់កុមារីនោះវិញរួញជាប់និងសាច់ជើងមើលទៅគួរឲ្យសង្វេគជាពន់ពេក ។
-
ពន្ធនាគារព្រៃសនឹងបញ្ជូនស្ត្រីសកម្មជនដីធ្លីមកសង្គ្រោះបន្ទាន់ ដោយសារមានបញ្ហាសុខភាពធ្ងន់ធ្ងរ
ស្ត្រីជាសកម្មជនដីធ្លីម្នាក់នៅតំបន់បឹងកក់ ដែលកំពុងឃុំខ្លួននៅពន្ធនាគារព្រៃសត្រូវបានអះអាងមកថា នឹងបញ្ជូនចេញមកព្យាបាលនៅមន្ទីរពេទ្យក្រៅមន្ទីរឃុំឃាំងនាថ្ងៃចន្ទនេះ បន្ទាប់ពីគ្រូពេទ្យពិនិត្យឃើញថា ស្ត្រីរូបនោះមានបញ្ហាសុខភាពទ្រុតទ្រោមខ្លាំង ។ ស្ត្រីនៅតំបន់បឹងកក់យ៉ាងតិច១១នាក់រួមមានអ្នកស្រី ទេព វន្នី, បូ ឆវី, គង់ ចន្ថា, កញ្ញា សុង ស្រីលាភ និងអ្នកស្រី ផាន់ ឈុនរ៉េត ជាដើម ត្រូវសមត្ថកិច្ចចាប់ឃុំខ្លូននៅពន្ធនាគារព្រៃស កាលថ្ងៃទី១០ ខែវិច្ឆិកា ឆ្នាំ២០១៤ ពេលពួកគេតវ៉ាជំរុញឲ្យអាជ្ញាធររំដោះទឹកជន់លិចសហគមន៍ ដោយសារគម្រោងអភិវឌ្ឍន៍របស់រដ្ឋាភិបាល ។
-
មេធាវីអន្តរជាតិសង្ឃឹមតុលាការស៊ើបអង្កេតបឋមលើបណ្ដឹងប្រឆាំងលោក ហ៊ុន សែន
ក្រុមមេធាវីអន្តរជាតិដែលបានដាក់ពាក្យបណ្ដឹងប្រឆាំងរដ្ឋាភិបាលរបស់លោកនាយករដ្ឋមន្ត្រី ហ៊ុន សែន សំដែងក្តីសង្ឃឹមថា ការគាំទ្រឲ្យស៊ើបអង្កេតក្រុមអ្នកមានអំណាចរដ្ឋាភិបាល លោក ហ៊ុន សែន អាចជំរុញឲ្យតុលាការបើកការស៊ើបអង្កេតជាបឋមលើបទចោទឧក្រិដ្ឋកម្មប្រឆាំងនឹងមនុស្សជាតិ។ ក្តីសង្ឃឹមនេះកើតឡើងបន្ទាប់ពីក្រុមអង្គការអន្តរជាតិប្រមាណ ៤០ បានសរសេរលិខិតផ្លូវការគាំទ្រឲ្យតុលាការព្រហ្មទណ្ឌអន្តរជាតិ (ICC) បើកការស៊ើបអង្កេតរដ្ឋាភិបាលកម្ពុជា ពាក់ព័ន្ធនឹងការបង្ខំបណ្ដេញពីផ្ទះសម្បែង។
-
សកម្មជនដីធ្លីអ្នកស្រី ផាន់ ឈុនរ៉េត ត្រូវបញ្ជូនចេញពីពន្ធនាគារមកសង្គ្រោះបន្ទាន់នៅមន្ទីរពេទ្យខ្មែរសូវៀត
សកម្មជនដីធ្លីនៅតំបន់បឹងកក់ អ្នកស្រី ផាន់ ឈុនរ៉េត ត្រូវមន្ត្រីពន្ធនាគារព្រៃសបញ្ជូនមកសង្គ្រោះបន្ទាន់នៅមន្ទីរពេទ្យរដ្ឋមួយនៅក្រៅមន្ទីរឃុំឃាំង នៅរសៀលថ្ងៃចន្ទនេះ បន្ទាប់ពីស្ត្រីរូបនោះមានសុខភាពទ្រុឌទ្រោមខ្លាំង ។ លោក អួង សុធា រស់នៅតំបន់បឹងកក់ សង្កាត់ស្រះចក ខណ្ឌដូនពេញ ឲ្យ VOD ដឹង នៅថ្ងៃទី២២ ខែធ្នូនេះថា អ្នកស្រី ផាន់ ឈុនរ៉េត ត្រូវជាម្តាយរបស់លោក បានមកដល់មន្ទីរពេទ្យ ខ្មែរសូវៀតហើយ នៅម៉ោងប្រមាណជា៣រសៀលនេះ ដើម្បីពិនិត្យ និងព្យាបាលអាការៈបេះដូងដើរយឺត ស្ថិតក្នុងស្ថានភាពគ្រោះថ្នាក់ ។
-
កម្ពុជាកំពុងរៀបចំសម្ភាសជនភៀសខ្លួនពីប្រទេសវៀតណាម
មន្ត្រីរដ្ឋាភិបាលកម្ពុជាបានបញ្ជាក់ថា កម្ពុជាកំពុងរៀបចំបែបបទសម្ភាសជាមួយក្រុមជនជាតិកុលសម្ព័ន្ធភ្នំវៀតណាមដែលបានមកដល់ទីក្រុងភ្នំពេញ បន្ទាប់ពីពួកគេត្រូវបានអង្គការសហប្រជាជាតិទទួលបន្ទុកសិទ្ធិមនុស្សបានប្រទះឃើញនៅក្នុងព្រៃកាលពីថ្ងៃចុងសប្តាហ៍មុន។
-
ព្រះរាជអាជ្ញាសម្រេចចោទប្រកាន់គ្រូពេទ្យពាក់ព័ន្ធនឹងការចម្លងអេដស៍នៅខេត្តបាត់ដំបង
ព្រះរាជអាជ្ញាសាលាដំបូងខេត្តបាត់ដំបង នៅថ្ងៃចន្ទនេះបានចោទប្រកាន់៣ចំណុចនៃបទចោទទៅលើគ្រូពេទ្យឯកជនម្នាក់ឈ្មោះ លោក យ៉ែម ជ្រិន ដែលកំពុងជាប់ពាក់ព័ន្ធនឹងករណីចម្លងជំងឺអេដស៍ទៅមនុស្សរាប់រយនាក់នៅក្នុងភូមិរការ ឃុំរការ ស្រុកសង្កែ ខេត្តបាត់ដំបង។ ព្រះរាជអាជ្ញាសាលាដំបូងខេត្តបាត់ដំបង លោក នួន សាន ប្រាប់VODនៅល្ងាចថ្ងៃចន្ទនេះ លោកបានបញ្ចប់ការសាកសួរ លោក យ៉ែម ជ្រិន នៅថ្ងៃចន្ទនេះ ដោយសម្រេចចោទលោកគ្រូពេទ្យ លើចំណុច៣នៃបទចោទ គឺទី១ ការចម្លងជំងឺអេដស៍ទៅអ្នកដទៃ ទី២ពាក់ព័ន្ធនឹងក្រមព្រហ្មទណ្ឌ និងទី៣ ពាក់ព័ន្ធនឹងខុសវិជ្ជាជីវៈពេទ្យ។ លោកមិនបានបញ្ជាក់លម្អិតទៅលើចំណុចទាំងនេះ និងបទចោទជាក់លាក់នោះទេ។លោកថាលោកបានបញ្ជូនករណីនេះទៅចៅក្រមស៊ើបសួររួចមកហើយ។
-
ពលរដ្ឋនៅព្រែកលាបព្រមានបិទផ្លូវ៦អា ដាក់សម្ពាធឲ្យអាជ្ញាធរដោះស្រាយជម្លោះដីធ្លី
ប្រជាពលរដ្ឋនៅសង្កាត់ព្រែកលាប ខណ្ឌជ្រោយចង្វា នឹងធ្វើបាតុកម្មបិទផ្លូវជាតិលេខ៦អា ប្រឆាំងនឹងការរំលោភយកដីរបស់ពួកគេ៧០០០ពាន់ម៉ែត្រការេ ដែលពួកគាត់អះអាងថាបានរស់នៅតាំងពី៣៥ឆ្នាំមុន ។ ពលរដ្ឋម្នាក់ក្នុងចំណោមប្រជាពលរដ្ឋ៦គ្រួសារ ដែលរងនូវការរំលោភដីធ្លីនោះ លោក ភិន សេរីវុធ ឲ្យ VOD ដឹងនៅព្រឹកថ្ងៃចន្ទនេះថា ក្រុមហ៊ុនឯកជនឈ្មោះអេងកាំង បានធ្វើប័ណ្ណកម្មសិទ្ធិជាន់លើដីដែលពួកគាត់កំពុងរស់នៅសព្វថ្ងៃ ទំហំសរុប៧០០០ពាន់ម៉ែត្រការ៉េ ។ លោកបន្តថា ដីនោះជាដីរបស់ប្រជាពលរដ្ឋ៦គ្រួសារ ដែលរស់នៅតាំងពីឆ្នាំ១៩៧៩មក ហើយកន្លងមកអាជ្ញាធរមូលដ្ឋានធ្លាប់ធ្វើលិខិតដាក់ទៅថ្នាក់លើដើម្បីបញ្ជាក់ថា ប្រជាពលរដ្ឋទាំង៦គ្រួសារពិតជាបានរស់នៅដីនេះយូរហើយមែន ប៉ុន្តែថ្នាក់លើមិនព្រមធ្វើការដោះស្រាយឲ្យពួកគាត់ទេ ។
-
UN អំពាវនាវរកកិច្ចសហប្រតិបត្តិការពីរដ្ឋាភិបាលកម្ពុជាដើម្បីជួយក្រុមជនជាតិម៉ុងតាញ៉ា
ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) និងការិយាល័យនៃឧត្តមស្នងការសិទ្ធិមនុស្សនៃអង្គការសហប្រជាជាតិ (OHCHR) អំពាវនាវឲ្យអាជ្ញាធរកម្ពុជាចាត់វិធានការជាបន្ទាន់ដើម្បីជួយនាំយកក្រុមជនជាតិម៉ុងតាញ៉ា (Montagnards) មកកាន់ទីក្រុងភ្នំពេញ និងជួយពួកគេក្នុងការស្វែងរកសិទ្ធិជ្រកកោន ។ ក្នុងសេចក្តីប្រកាសព័ត៌មានចេញផ្សាយពីទីក្រុងបាងកក នៅថ្ងៃទី១៩ ខែធ្នូនេះ UNHCR និងOHCHR បានបង្ហាញពីកង្វល់របស់ខ្លួនចំពោះសុខភាពរបស់ជនជាតិម៉ុងតាញ៉ាទាំង១៣នាក់ ដែលបានមកលាក់ខ្លួនក្នុងខេត្តរតនគិរី អស់រយៈពេលជាង៧សប្តាហ៍មកហើយ ដោយមិនទទួលបានជំនួយ និងការគាំពារ ។
-
ពលរដ្ឋប្រមាណ១ពាន់ចូលរួមវេទិកាសម្ដែងមតិនិងផ្សព្វផ្សាយសេចក្ដីព្រាងច្បាប់៣
អង្គការសង្គមស៊ីវិលធ្វើការពាក់ព័ន្ធផ្នែកយុវជន កម្មករ សហជីព និងកសិករ រៀបចំវេទិកាសាធារណៈនៅថ្ងៃទី២១ ខែធ្នូ នាទីលានប្រជាធិបតេយ្យ ដើម្បីឲ្យអ្នកចូលរួមបង្ហាញពីការបារម្ភរបស់ពួកគេចំពោះសេចក្ដីព្រាងច្បាប់មួយចំនួនដែលរដ្ឋាភិបាលគ្រោងបង្កើត។ សេចក្ដីព្រាងច្បាប់ទាំងនោះរួមមាន ច្បាប់ស្ដីពីឧក្រិដ្ឋកម្មអ៊ីនធឺណិត ច្បាប់ស្ដីពីដីកសិកម្ម និងច្បាប់ស្ដីពីសហជីព។ វេទិកាសាធារណៈដែលធ្វើឡើងពេញមួយថ្ងៃ និងមានអ្នកចូលរួមភាគច្រើនជាយុវជនកម្មករមន្ត្រីសហជីព ព្រមទាំងកសិករ និងព្រះសង្ឃសរុបប្រមាណ ១ពាន់នាក់ និងអង្គ បានពិភាក្សាទៅលើសេចក្ដីព្រាងច្បាប់ទាំង ៣ ជាពិសេសទៅលើផលប៉ះពាល់របស់សេចក្ដីព្រាងច្បាប់ទាំងនេះទៅលើយុវជន កសិករ និងកម្មករ។
-
សហជីពស្នើឲ្យរាជរដ្ឋាភិបាលពង្រឹងការអនុវត្តរបបបេឡាជាតិសន្តិសុខសង្គមឲ្យបានប្រសើរ
ក្រុមសហជីពចំនួន ៩ នៅថ្ងៃទី២១ ធ្នូ ជំរុញឲ្យរាជរដ្ឋាភិបាលកម្ពុជា អនុវត្តតួនាទីរបស់ខ្លួនឲ្យមានប្រសិទ្ធភាពបំផុតលើរបបបេឡាជាតិ សន្តិសុខសង្គម ដើម្បីការពារប្រជាពលរដ្ឋនិងកម្មករ។ ចំណែកអង្គការក្រៅរដ្ឋាភិបាលវិញ ក៏បានអះអាងស្រដៀងគ្នាដែរថា កម្ពុជាអនុវត្តបានតិចតួចលើលក្ខខណ្ឌរបបសន្តិសុខសង្គម ដូចជាគ្រោះថ្នាក់ការងារ និងផលប៉ះពាល់សុខភាព បើធៀបនឹងប្រទេសសមាជិកអាស៊ាន។ ក្រុមអង្គការសង្គមស៊ីវិល និងសហជីពការងារ បានពិភាក្សាគ្នាដើម្បីដាក់សម្ពាធដល់រាជរដ្ឋាភិបាល ត្រូវពង្រឹងការអនុវត្តរបបបេឡាជាតិសន្តិសុខសង្គម ឲ្យបានហ្មត់ចត់ និងគ្រប់ជ្រុងជ្រោយក្នុងការការពារផលប្រយោជន៍របស់កម្មករដែលធ្វើការនៅគ្រប់វិស័យនៅប្រទេសកម្ពុជា។
-
ជនភៀសខ្លួនម៉ុងតាញ៉ា១៣នាក់ត្រូវបានសង្គ្រោះចេញពីព្រៃខេត្តរតនគិរី
ក្រុមជនភៀសខ្លួនម៉ុងតាញ៉ា វៀតណាម ១៣នាក់ ត្រូវបានសង្គ្រោះចេញពីព្រៃខេត្តរតនគិរី។ ការសង្គ្រោះនេះធ្វើឡើងបន្ទាប់ពីមានសេចក្ដីរាយការណ៍ថា ជនម៉ុងតាញ៉ាទាំងនោះសម្រេចចេញពីព្រៃដោយសារពួកគេមិនអាចទ្រាំលាក់ខ្លួនតទៅទៀតបាន។ នៅម៉ោងប្រមាណ ៥ព្រឹកព្រលឹមថ្ងៃទី២០ ខែធ្នូ ក្រុមជនជាតិដើមភាគតិចម៉ុងតាញ៉ា ចំនួន ៨នាក់ ក្នុងនោះមានស្រីម្នាក់ ប្រុស ៧នាក់ ដែលមានអាយុចន្លោះពី១៨ ដល់ ៥០ឆ្នាំ បានចេញពីព្រៃមកជួបតំណាងអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា នៅពេលដែលក្រុមនេះទទួលបានព័ត៌មានថា ជនជាតិដើមទាំងនោះឋិតនៅក្នុងឃុំសេដា ស្រុកលំផាត់ ខេត្តរតនគិរី។
គាំទ្រដោយ
