កាលប្បវត្តិសិទ្ធិមនុស្សខាងក្រោមបង្ហាញពីការរំលោភសិទ្ធិមនុស្សនិងការរឹតត្បិតសិទ្ធិមនុស្សសំខាន់ៗមួយចំនួនដែលបានកើតឡើងនៅក្នុងព្រះរាជាណាចក្រកម្ពុជាពីឆ្នាំ ២០១៣-២០២៣ និងយកលំនាំតាមកាលប្បវត្តិពីមុនរបស់យើងពីឆ្នាំ១៩៩៣ ដល់ ២០១២ ដែលអាចចូលទៅមើលបាននៅទីនេះ។
ឧប្បត្តិហេតុដែលបានកត់ត្រាក្នុងកាលប្បវត្តិសិទ្ធិមនុស្សពីឆ្នាំ ២០១៣-២០២៣ បង្ហាញការរំលោភសិទ្ធិមនុស្សពីសំណាក់រាជរដ្ឋាភិបាលកម្ពុជានិងភាគីទីបី។ ការរំលោភសិទ្ធិមនុស្សទាំងអស់នោះទាក់ទងទៅនឹងបញ្ហាជាច្រើនរួមមានការសម្លាប់ក្រៅប្រព័ន្ធតុលាការ ការកាត់ទោសអ្នកការពារសិទ្ធិមនុស្ស ការរំលោភយកដីធ្លី ការបណ្តេញចេញដោយបង្ខំ ការរឹតត្បិតសិទ្ធិក្នុងការជួបប្រជុំសិទ្ធិក្នុងការបង្កើតសមាគម និងការសំដែងមតិដោយសន្តិវិធី ការធ្វើទារុណកម្ម ការចាប់ខ្លួនការឃុំខ្លួនតាមអំពើចិត្ត និងការបង្កើតច្បាប់និងស្ថាប័នពាក់ព័ន្ធនឹងសិទ្ធិមនុស្ស។ ព័ត៌មានដែលកត់ត្រាទៅក្នុងកាលប្បវត្តិសិទ្ធិមនុស្សនេះត្រូវបានប្រមូលមកពីអត្ថបទព័ត៌មានទាំងជាភាសាខ្មែរ និងអង់គ្លេស ពីគម្រោងឃ្លាំមើលសេរីភាពមូលដ្ឋានរបស់ ម.ស.ម.ក ព្រមទាំងវិចារណកថា និងការវិភាគផ្សេងៗដែលបានចេញផ្សាយដោយអង្គការសង្គមស៊ីវិល ដែលធ្វើការលើបញ្ហាទាំងនេះ។
ការរៀបរាប់ដោយសង្ខេបនៅក្នុងនេះគឺមានអមដោយ តំណភ្ជាប់ទៅនឹងអត្ថបទសារព័ត៌មានដែលរាយការណ៍អំពីព្រឹត្តិការណ៍ឬការងាររបស់អង្គការសង្គមស៊ីវិលដែលធ្វើការយ៉ាងសកម្មនៅក្នុងវិស័យនេះ។ សូមរំលឹកថាករណីដែលបានកត់ត្រាក្នុងកាលប្បវត្តិសិទ្ធិមនុស្សនេះគឺសុទ្ធសឹងតែជាករណីដែលមានការចាប់អារម្មណ៍ពីសំណាក់ប្រព័ន្ធផ្សព្វផ្សាយឬអង្គការសង្គមស៊ីវិលដោយសាវាមានលក្ខណៈលេចធ្លោ។
ដូច្នេះកាលប្បវត្តិសិទ្ធិមនុស្សនេះគឺគ្រាន់តែជាតំណាងនៃចំណែកតូចមួយនៃចំនួនការរំលោភសិទ្ធិមនុស្សជាក់ស្តែងដែលកើតឡើងនៅក្នុងប្រទេសកម្ពុជាតែប៉ុណ្ណោះ។
-
សេចក្តីថ្លែងការណ៍រួម របស់ ក្រុមឃ្លាំមើលសិទ្ធិមេធាវីប្រទេសកាណាដា និងមជ្ឈមណ្ឌលដើម្បីច្បាប់ និងប្រជាធិបតេយ្យ
ការតស៊ូមតិ(សេចក្តីថ្លែងការណ៍រួម)
លិខិតផ្ដល់បានបញ្ចូលនូវការអង្កេតមួយចំនួនទៅលើសេចក្តីព្រាងច្បាប់
-
សេចក្តីថ្លែងការណ៍របស់ ម.ស.ម.ក ស្ដីពី កម្ពុជា ៖ សេចក្តីព្រាងច្បាប់ស្តីអង្គការមិនមែនរដ្ឋាភិបាលដែលមានលក្ខណៈរឹតបន្ដឹង និងប្រញាប់ប្រញាល់ បណ្ដាលឲ្យមានការព្រួយបារម្ភ
ការតស៊ូមតិ(សេចក្តីថ្លែងការណ៍)
ម.ស.ម.ក អំពាវនាវឲ្យទ្វេភាគី និងពហុភាគីរបស់រដ្ឋាភិបាល និងស្ថាប័នផ្សេងទៀតថ្កោលទោសចំពោះសេចក្តីព្រាងច្បាប់ និងអំពាវនាវឲ្យរដ្ឋាភិបាលបញ្ឈប់ដំណើរការអនុម័តច្បាប់នេះ។
-
ម្ចាស់ជំនួយត្រូវបានស្នើឲ្យដកជំនួយគាំទ្រ ដោយសារតែសេចក្តីស្នើច្បាប់អង្គការ
ការតស៊ូមតិ
ក្រុមអង្គការសិទ្ធិមនុស្សបានជំរុញឲ្យសហគមន៍អន្តរជាតិ និងក្រុមម្ចាស់ជំនួយប្រឆាំងនឹងច្បាប់ដែលពួកគេនិយាយអាចធ្វើឲ្យប៉ះពាល់ដល់ការងារកសាងជាតិដែលម្ចាស់ជំនួយបានឧបត្ថម្ភប្រាក់រាប់កោដិដុល្លារ។
NY Times | The Guardian | VOA | NY Times | The Guardian | VOA
-
អង្គការមិនមែនរដ្ឋាភិបាលជាង ៦០ បានទាមទារឲ្យសើរើ ទៅលើសេចក្តីព្រាងច្បាប់ដ៏ចម្រូងចម្រាស
ការតស៊ូមតិ(សំបុត្រ)
អង្គការមិនមែនរដ្ឋាភិបាលអន្តរជាតិជាង ៦០ កាលពីម្សិលមិញ បានអំពាវនាវឲ្យក្រសួងការបរទេស និងក្រសួងមហាផ្ទៃធ្វើសេចក្តីព្រាងច្បាប់អង្គការឡើងវិញ ដោយសារសេចក្តីព្រាងនេះត្រូវបានរិះគន់ថាមានការរិតត្បឹតសង្គមស៊ីវិល និងប៉ះពាល់ដល់សេរីភាពខាងបង្កើតសមាគម។
CAMD | The Guardian | VOA | PPP | CAMD | The Guardian | VOA | PPP
-
អង្គការហ្វ្រីដុមហៅស៍ ៖ សេចក្តីស្នើច្បាប់អង្គការរបស់កម្ពុជា ពុំមានមូលដ្ឋានគ្រឹះគ្រប់គ្រាន់ និងគួរតែច្រានចោល
ការតស៊ូមតិ(សេចក្តីថ្លែងការណ៍)
សេចក្តីស្នើច្បាប់ស្តីពីសមាគម និងអង្គការមិនមែនរដ្ឋាភិបាលរបស់កម្ពុជាមានបទបញ្ញត្តិដែលរឹតត្បិតទៅលើលទ្ធភាពរបស់អង្គការក្នុងការរៀបចំ និងប្រតិបត្តិការដោយមានប្រសិទ្ធិភាព។ អង្គការហ្វ្រីដុមហៅស៍ អំពាវនាវឲ្យរដ្ឋាភិបាលកម្ពុជាច្រានច្បាប់ក្នុងទម្រង់បច្ចុប្បន្នចោល ដោយសារច្បាប់នេះពុំមានមូលដ្ឋានគ្រឺះគ្រប់គ្រាន់។
-
អង្គការលីកាដូចេញផ្សាយសេចក្តីប្រកាសព័ត៌មាន ៖ សេចក្តីព្រាងច្បាប់ លើកទី ២ ស្ដីពីសមាគម និងអង្គការមិនមែនរដ្ឋាភិបាល ធ្វើឲ្យបាត់បង់សិទ្ធិមូលដ្ឋាន
ការតស៊ូមតិ(សេចក្តីថ្លែងការណ៍)
អង្គការលីកាដូបង្ហាញក្តីបារម្ភថាសេចក្តីព្រាងច្បាប់អាចនឹងរឹតត្បិតសេរីភាពអង្គការសង្គមស៊ីវិលយ៉ាងធ្ងន់ធ្ងរ ហើយសេចក្តីព្រាងលើកទី ២ ក៏មិនខុសគ្នាពីសេចក្តីព្រាងលើកទី ១ ប៉ុន្មានទេ។
-
កិច្ចពិគ្រោះយោបល់លើសេចក្តីព្រាងច្បាប់លើកទី ២ ជាមួយក្រសួងមហាផ្ទៃ
ការពិគ្រោះយោបល់
តំណាងអង្គការក្រៅរដ្ឋាភិបាលមួយចំនួនតូចត្រូវបានក្រសួងមហាផ្ទៃអញ្ជើញឲ្យចូលរួមក្នុងកិច្ចប្រជុំពិគ្រោះយោបល់នៅថ្ងៃទី២៩ ខែមីនា ឆ្នាំ២០១១ ដើម្បីពិភាក្សាលើសេចក្តីព្រាងច្បាប់លើកទី ២ នៃច្បាប់ស្តីពីសមាគម និងអង្គការមិនមែនរដ្ឋាភិបាលជាមួយក្រសួងមហាផ្ទៃ និងក្រសួងការបរទេស និងសហប្រតិបត្តិការអន្តរជាតិ។
-
សេចក្តីថ្លែងការណ៍របស់ ម.ស.ម.ក ៖ “ការពិគ្រោះយោបល់លើសេចក្តីព្រាងច្បាប់អង្គការសមាគម គ្មានលក្ខណៈបើកចំហ និងគ្មានអត្ថន័យពេញលេញ”
ការតស៊ូមតិ(សេចក្តីថ្លែងការណ៍)
ម.ស.ម.ក បារម្ភថា មានតែតំណាងអង្គការសង្គមស៊ីវិលមួយចំនួនតែប៉ុណ្ណោះដែលត្រូវបានអញ្ជើញឲ្យចូលរួមកិច្ចពិគ្រោះយោបល់ស្តីពីច្បាប់អង្គការលើកទី ២ ហើយមានរយៈពេលតែមួយថ្ងៃគត់។ កិច្ចពិគ្រោះយោបល់នេះ គ្មានលក្ខណៈបើកចំហ និងគ្មានអត្ថន័យពេញលេញ។
-
-
រដ្ឋាភិបាលរៀបចំកិច្ចពិគ្រោះយោបល់តែជាមួយអង្គការសង្គមស៊ីវិលដែលត្រូវបានអញ្ជើញនៅរាជធានីភ្នំពេញ
ការពិគ្រោះយោបល់
រដ្ឋាភិបាលបានការពារសេចក្តីព្រាងច្បាប់ដ៏ចម្រូងចម្រាស ដែលរងការរិះគន់ និងការស្នើសុំឲ្យមានការកែប្រែសេចក្ដីព្រាងច្បាប់ពីតំណាងអង្គការសង្គមស៊ីវិលនៅក្នុងការពិគ្រោះយោបល់ក្នុងរាជធានីភ្នំពេញ។
-
-
សង្គមស៊ីវិលលើកឡើងថា សេចក្ដីស្នើច្បាប់អង្គការសមាគម គំរាមកំហែងលើសេរីភាពលរដ្ឋ សេរីភាពខាងការបញ្ចេញមតិ
ការតស៊ូមតិ(សេចក្តីថ្លែងការណ៍)
អង្គការក្រៅរដ្ឋាភិបាលក្នុងស្រុក និងអន្តរជាតិក្នុងប្រទេសកម្ពុជានឹងជំរុញ ឲ្យមានការកែប្រែលើសេចក្តីព្រាងច្បាប់អង្គការសមាគម ដែលអ្នកទាំងនោះអះអាងថាមានបទប្បញ្ញត្តិដែលគំរាមកំហែងដល់សេរីភាពពលរដ្ឋបូករួមនិងសេរីភាពខាងការបញ្ចេញមតិ
-
នាយករដ្ឋមន្ត្រីហ៊ុន សែន មិនសប្បាយចិត្តចំពោះអ្នករិះគន់មកលើច្បាប់អង្គការសមាគម
ការឆ្លើយតបរបស់រដ្ឋាភិបាល
លោកនាយករដ្ឋមន្ត្រី ហ៊ុន សែន កាលពីម្សិលមិញនិយាយចំៗ លើអ្នករិះគន់ទៅលើសេចក្តីព្រាងច្បាប់អង្គការរបស់រដ្ឋាភិបាល មុនពេលរដ្ឋាភិបាលបើកឲ្យមានកិច្ចពិគ្រោះយោបល់លើសេចក្តីព្រាងនៅថ្ងៃច័ន្ទ
-
អង្គការសង្គមស៊ីវិលពិភាក្សាពីក្តីកង្វល់ ទៅលើច្បាប់អង្គការសមាគម
ការតស៊ូមតិ(ការពិគ្រោះយោបល់របស់សង្គមស៊ីវិល)
តំណាងអង្គការសង្គមស៊ីវិលរាប់រយនាក់បានជួបប្រជុំគ្នានៅទីក្រុងភ្នំពេញ កាលពីម្សិលមិញដើម្បីពិភាក្សាពីក្តីបារម្ភ និងអនុសាសន៍ទាក់ទងនឹងសេចក្តីព្រាងច្បាប់អង្គការដ៏ចម្រូងចម្រាស់ ក្នុងរយៈពេលតែប៉ុន្មានថ្ងៃមុនកិច្ចពិគ្រោះយោបល់ជាមួយរដ្ឋាភិបាលមកដល់។
-
-
-
-
-
សេចក្ដីស្នើច្បាប់អង្គការសមាគមរបស់រដ្ឋាភិបាលជាបញ្ញត្តិដាក់ទណ្ឌកម្មសង្គមស៊ីវិល
ការឆ្លើយតបរបស់រដ្ឋាភិបាល
តំណាងរាស្ត្រគណបក្សជំទាស់ និងអង្គការសិទ្ធិមនុស្សក្នុងស្រុកបានរិះគន់ទៅលើសេចក្តីស្នើច្បាប់ ដែលរដ្ឋាភិបាលបានលើកឡើង ដែលមានលក្ខណៈតឹងរឹងសម្រាប់អង្គការមិនមែនរដ្ឋាភិបាល ដោយថ្លែងថាជាការរឹតត្បិតទាំងនោះ លើសពីការចាំបាច់ ដើម្បីធានានូវគណនេយ្យភាពក្នុងវិស័យអង្គការ។
-